Параклис иже во святых отцу нашему Спиридону, епископу Тримифунтскому, чудотворцу
Иерей: Благословен Бог наш…
И аще мирянин, глаголет: Молитвами святых отец наших, Господи Иисусе Христе, Боже наш, помилуй нас. Аминь.
Молитвами святых отец наших, Господи Иисусе Христе, Боже наш, помилуй нас. Аминь.
Слава Тебе, Боже наш, слава Тебе.
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Священник: Яко Твое есть Царство…
Господи, помилуй. (12 раз)
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.
Слава Отцу и Сыну и Святому Духу, и ныне и присно и во веки веков. Аминь.
Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже наш, слава Тебе.
Бог Господь, и явися нам, благословен Грядый во имя Господне.
Стих 1: Исповедайтеся Господеви, яко благ, яко в век милость Его. Стих 2: Вси языцы обыдоша мя, и именем Господним противляхся им. Стих 3: Не умру, но жив буду и повем дела Господня. Стих 4: Камень, егоже небрегоша зиждущии, сей бысть во главу угла; от Господа бысть сей и есть дивен во очесех наших.
Правило веры и образ кротости, воздержания учителя яви тя стаду твоему яже вещей истина; сего ради стяжал еси смирением высокая, нищетою богатая, святый великий святителю Спиридоне, моли Христа Бога помиловати души наша.
Слава Отцу и Сыну и Святому Духу.
Собора Перваго поборник явился еси и чудотворец, богоносе Спиридоне, отче наш: темже мертвей ты во гробе провещал еси, и змию во злато претворил еси, и внегда пети тебе святыя молитвы, Ангелы сослужащия тебе имел еси, священнейший. Слава Давшему тебе крепость, слава Венчавшему тя, слава Действующему тобою всем знамения.
И ныне и присно и во веки веков. Аминь.
Не умолчим никогда, Богородице, силы твоя глаголати, недостойнии; аще бы бо ты не предстояла молящи, кто бы нас сохранил доныне свободны? Не отступим, Владычице, от тебе, твоя бо рабы спасаеши присно от всяких лютых.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Ирмос: Волнами покры древле фараона с колесницами и крепко вооруженным воинством Слово Отчее, воплотивыйся нас ради грешных, Емуже поем: Боже преславный, прославился еси.
Святый великий святителю Спиридоне, моли Бога о нас.
Прав, кроток и милостив был еси, блаженне, исполнен любве, мудр и разумен, всякими благими украшен и добродетельми облечен; сего ради молим тя: разреши страсти, в душах наших движимыя, и болезни телесныя помощию твоею.
Святый великий святителю Спиридоне, моли Бога о нас.
Гонения претерпел еси за веру от скверных князей и вся сети вражия сокрушил еси силою Духа; ныне избави мя от сетей тех ходатайством твоим, мужественне, и сохрани мя от всякаго соблазна.
Слава Отцу и Сыну и Святому Духу.
От стада овец, подобно Давиду, изведе тя Бог, блаженне, и пастыря словесных овец постави; Церковь же Тримифунтская, яко сокровище многоценное, обрете тя и с радостию прият.
И ныне и присно и во веки веков. Аминь.
Всесвятая Невесто, нетленная, просвети и освяти помысл и душу мою, молю тя, и отжени мглу безумия моего и мрак грехов моих, да подобающе воспеваю тя.
Ирмос: На камени веры утверди мя и разшири уста моя на враги моя, и возвесели душу мою, да возопию Тебе, Едине: яко несть свят, разве Тебе, Бога моего.
Святый великий святителю Спиридоне, моли Бога о нас.
На Первом Соборе отец сообщник был еси Николаю чудотворцу, служителю Христов, богоглаголиве Спиридоне, и простыми словесы украшен, Безначальнаго Отца Сына велегласно проповедал еси, единосущна и равна Отцу.
Святый великий святителю Спиридоне, моли Бога о нас.
Богомудр явился еси, благословенне, силою Вышняго, и языком божественным, яко пращею искусно сотворенною, низложил еси Ариево отступление, яко Давид Голиафа, и возвысил еси венец правоисповедников.
Слава Отцу и Сыну и Святому Духу.
Истинную веру преславно истолковал еси, святителю, в соборе святителей, и руками твоими скудель стиснув, огнь и воду изведл еси, и Лиц Троичество силою чудотворною ясно показал еси.
И ныне и присно и во веки веков. Аминь.
Исцели язвы души моея и ум мой, нерадением омраченный, просвети, Богородице, да воспеваю тя: несть свята, якоже ты, Пречистая, и нетленна, разве тебе, Владычице.
Избави от бед присно уповающих на святыню твою, святый великий святителю Спиридоне, яко вси к тебе прибегаем, яко нерушимой стене и предстательству.
Призри на нас, святый чудотворче святителю Спиридоне, и исцели лютыя язвы телес наших и болезни душ наших.
Иерей: Помилуй нас, Боже, по велицей милости Твоей, молим Ти ся, Человеколюбче, услыши и помилуй.
Лик: Господи, помилуй (Трижды).
Иерей: Еще молимся о богохранимем народе нашем и державе его (о христолюбивом правительстве и воинстве его).
Лик: Господи, помилуй (Трижды).
Иерей: Еще молимся о Святейшем и Блаженнейшем Католикосе-Патриархе всея Грузии, Архиепископе Мцхетско-Тбилисском, великом господине и отце нашем (имя), и о преосвященнейшем (поминается местный архиерей), и о всей во Христе братии нашей.
Лик: Господи, помилуй (Трижды).
Иерей: Еще помолимся Господу Богу нашему, да помилует раба или рабу (здесь поминайте по имени тех, о нихже молитеся). Умножи, Господи, дни и лета живота их и избави их, Господи, от всякия скорби, гнева и нужды, и от всякия язвы душевныя и телесныя, и прости им всякое согрешение, вольное же и невольное.
Лик: Господи, помилуй (Трижды).
Иерей: Еще молимся о всех православных христианех.
Лик: Господи, помилуй (Трижды).
Иерей: Яко милостив и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Церковь Христову учением украсил еси и образ Божий делом возвеличил еси, преподобне святителю Спиридоне, яко возсия в мире множество добродетелей, и благодать исцелений просвещает всех; темже с верою празднуем память твою, отче.
Ирмос: Не Ангел, но Сам Господь, от Девы воплотивыйся Бог, пришел еси к нам и всецело спасл еси нас, вопиющих: слава силе Твоей.
Святый великий святителю Спиридоне, моли Бога о нас.
Почи на тебе божественный Дух чудотворный, блаженне отценачальниче, и божественных видений сподобился еси, и воистинну явился еси пастырь дивный.
Святый великий святителю Спиридоне, моли Бога о нас.
О чудесе страшнаго! Егда возгласил еси, абие мертвая провещала ти есть, яко жива, и река ста повелением словес твоих, и недуг царев вскоре отгнася.
Слава Отцу и Сыну и Святому Духу.
Молитвою твоею хляби небесныя отверзл еси, преподобне, и от засухи избавил еси землю, от недугов человеки свободил еси и мертвыя воистинну воскресил еси, богоносе Спиридоне.
И ныне и присно и во веки веков. Аминь.
Богословцы глубину таинств твоих проповедаша всеконечно непостижиму, Нетленная, яко Неописаннаго воплощенна неизреченно родила еси.
Ирмос: Светил Светодавче и погибших Спасение, Христе, Избавителю всех, к Тебе утренюем, Царю мира: просвети нас светом Твоим, яко разве Тебе, Благий, иного Бога не знаем.
Святый великий святителю Спиридоне, моли Бога о нас.
Углием Святаго Духа разжегся, боговдохновенне, многия привлекл еси к вере истиннаго Бога; и мене, грехми омраченнаго, просвети и избави мя от веры не живыя и хладныя.
Святый великий святителю Спиридоне, моли Бога о нас.
Богоугодным отцем уподобился еси, всесвященне Спиридоне, и люди Божия спасл еси от душепагубнаго потопления; тако и ныне покрый от сетей сатаниных и от веры чуждыя избранный народ Иверский.
Слава Отцу и Сыну и Святому Духу.
Поборник и подвижник воистинну явился еси верным людем в напастех и повсядневно веселил еси всех убогих и немощных; тако и ныне нам буди утешитель и созидатель в скудостех и печалех.
И ныне и присно и во веки веков. Аминь.
Новаго Отроча родила еси нам, Дево Святая, прежде век от Отца рожденнаго, Слово единое безначальное; Того моли, яко Сына и Бога твоего, да помилует нас, чистым сердцем исповедающих тя Богородицею, Мати Божия Пресвятая.
Ирмос: Волна греховная обыде мя, и к многой милости Твоей прибегаю: возведи мя, Благий, от потопления, Боже мой, молю Тя.
Святый великий святителю Спиридоне, моли Бога о нас.
Добраго Пастыря был еси верный пастыреначальник, богомудре, помощник вдовиц и отец сирот, скорбящих заступник и мучителей обличитель щедрый, преподобне.
Святый великий святителю Спиридоне, моли Бога о нас.
Утверждением божественнаго учения столп явился еси Церкве Христовы и поборник веры, и люди Христовы наставил еси на путь правый православия.
Слава Отцу и Сыну и Святому Духу.
Авраамову страннолюбию подражал еси, богомудре, и во время глада щедро питал еси неимущия; и ныне призри на молящих тя и избави нас от находящих скорбей и печалей.
И ныне и присно и во веки веков. Аминь.
Пространнейше небес бысть чрево твое, яко Бога вместила еси, Неневестная Невесто, Иже невместим есть и неописан тварьми.
Избави от бед присно уповающих на святыню твою, святый великий святителю Спиридоне, яко вси к тебе прибегаем, яко нерушимой стене и предстательству.
Призри на нас, святый чудотворче святителю Спиридоне, и исцели лютыя язвы телес наших и болезни душ наших.
Иерей: Паки и паки миром Господу помолимся…
Лик: Господи, помилуй.
Иерей: Заступи, спаси, помилуй и сохрани нас, Боже, Твоею благодатию.
Лик: Господи, помилуй.
Иерей: Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга и весь живот наш Христу Богу предадим.
Лик: Тебе, Господи.
Иерей: Яко Ты еси Царь мира и Спас душ наших, и Тебе славу возсылаем, Отцу и Сыну и Святому Духу, ныне и присно и во веки веков. Аминь.
Лик: Аминь.
Любовию Христовою уязвився, всесвященне Спиридоне, ум окрилил еси и сиянием божественным, делом видимым, невидимая обрел еси, боговдохновенне, яко жертва Богу принесенная был еси, и дерзновенно ходатайствуеши о всех нас.
От чрева матерня освященнаго святителя Господня восхвалим ныне, Спиридона, иже благодати скрижали прият божественныя славы, и чудесы во всей твари преславнаго, и яко теплаго самовидца, и нищих предстателя, и грешных душ наставника: яко той бысть жертва божественнаго Христова жертвенника и дерзновенно ходатайствует о всех нас.
Иерей: Вонмем. Премудрость. Прокимен, глас 4.
Священницы Твои облекутся в правду, и преподобнии Твои возрадуются.
Стих: Уста праведнаго поучатся премудрости.
Иерей: Господу помолимся.
Лик: Господи, помилуй.
Иерей: Яко свят еси, Боже наш, и во святых почиваеши, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Иерей: Всякое дыхание да хвалит Господа.
Стих: Хвалите Бога во святых Его, хвалите Его во утверждении силы Его.
Иерей: И о сподобитися нам слышанию святаго Евангелия Господа Бога молим.
Лик: Господи, помилуй (Трижды).
Иерей: Премудрость, прости, услышим святаго Евангелия. Мир всем.
Лик: И духови твоему.
Иерей: От Матфея святаго Евангелия чтение.
Лик: Слава Тебе, Господи, слава Тебе.
Иерей: Вонмем.
Рече Господь Своим учеником: вы — свет мира. Не может укрыться город, стоящий на верху горы. И, зажегши свечу, не ставят ее под сосудом, но на подсвечнике, и светит всем в доме. Так да светит свет ваш пред людьми, чтобы они видели ваши добрые дела и прославляли Отца вашего Небесного.
Слава Тебе, Господи, слава Тебе.
Слава Отцу и Сыну и Святому Духу.
Молитвами святителя Спиридона Тримифунтскаго, Милостиве, очисти множества наших согрешений.
И ныне и присно и во веки веков. Аминь.
Молитвами Богородицы, Милостиве, очисти множества наших согрешений.
Помилуй мя, Боже, по велицей милости Твоей, и по множеству щедрот Твоих очисти беззаконие мое, и помилуй мя, Боже.
Стихира: Незлобием совершил еси житие твое и чистотою сердца был еси сосуд честный и жилище Святаго Духа, и помазался еси елеем святыни, и был еси священноначальник, и чудесы и знамении, яко солнце, возсиял еси. Сего ради божественную память твою с верою совершаем, Спиридоне блаженне: ходатайствуй о душах наших.
Иерей: Спаси, Боже, люди Твоя и благослови достояние Твое, посети мир Твой милостию и щедротами, возвыси рог христиан православных и низпосли на ны милости Твоя богатыя, молитвами Всепречистыя Владычицы нашея Богородицы и Приснодевы Марии; силою Честнаго и Животворящаго Креста, силою Креста от виноградной лозы; предстательствы честных Небесных Сил безплотных; честнаго, славнаго Пророка, Предтечи и Крестителя Иоанна; святаго пророка Илии Фесвитянина и праведнаго Еноха; святых славных и всехвальных первоверховных апостолов Петра и Павла; святаго апостола Фомы и просветителей Грузии, апостолов Андрея Первозваннаго, Симона Кананита и Матфия; святыя матере нашея, равноапостольныя девы Нины; святых равноапостольных царя Мириана и царицы Наны; иже во святых отец наших и вселенских великих учителей и святителей Василия Великаго, Григория Богослова и Иоанна Златоустаго; иже во святых отца нашего Николая, архиепископа Мир Ликийских, чудотворца; святых славных и добропобедных мучеников: святаго великомученика и победоносца Георгия и святаго великомученика Шалвы Ахалцихскаго; святаго великомученика Бидзины и святых славных мучеников Шалвы и Элизбара, эриставов Ксанских; святых великих дев-мучениц Варвары и Марины; святаго преподобнаго отца нашего Иоанна Зедазнийскаго и двоюнадесяти учеников его, вторых просветителей Церкве Грузинския и присных ея покровителей, и от учеников преподобнаго отца нашего Давида Гареджийскаго; святых блаженных отец наших Лукиана, Додо, Дамиана, Онуфрия и Симеона Гареджийских; святаго священномученика Неофита Урбнисскаго и святаго великомученика Або Тбилисскаго; богомудрых блаженных отец Илариона Грузина, Серапиона Зарзмскаго и Григория Хандзтийскаго; преподобных отец наших Афонских Иоанна, Гавриила, Иоанна, бывшаго Торники, Евфимия и Георгия; святых славных мучеников, князей Аргветских Давида и Константина; святых благоверных и великих царей наших Вахтанга Горгасала, Ашота Куропалата, Давида Строителя и Соломона; святыя благоверныя царицы Тамары; святых добропобедных царей и цариц Архила, Луарсаба, Димитрия, Шушаники и Кетевани; святых ста тысяч мучеников, в Тбилиси от хорезмийцев избиенных; святых шести тысяч мучеников, иноков Гареджийских; святаго праведнаго Илии; святых и праведных родителей Богородицы Иоакима и Анны; и иже во святых отца нашего Спиридона, епископа Тримифунтскаго, чудотворца, и всех святых Твоих: молим Тя, многомилостиве Господи, услыши нас, грешных, молящихся Тебе, и помилуй нас.
Лик: Господи, помилуй (12 раз).
Иерей: Милостию, и щедротами, и человеколюбием Единороднаго Сына Твоего, с Нимже благословен еси, со Пресвятым, и Благим, и Животворящим Твоим Духом, ныне и присно и во веки веков. Лик: Аминь.
Ирмос: Повеление беззаконнаго мучителя пещь отроком паче разжже, Бог же всех оросил есть с небесе трех поющих, Иже благословен есть во веки.
Святый великий святителю Спиридоне, моли Бога о нас.
Во святыни прешел еси житие сие и был еси питатель и помощник неимущим и убогим; любве же ради к нищим змию во злато претворил еси, богопрославленне, и даровал еси ю чающим от тебе помощи.
Святый великий святителю Спиридоне, моли Бога о нас.
Благодетельным житием твоим исполнился еси Божественнаго Духа и укрепил еси немощныя благодатию исцелений твоих; и ныне о нас ходатайствовати не престани, мужественне Спиридоне, и свободи нас от всякаго недуга и болезни.
Слава Отцу и Сыну и Святому Духу.
Благодать попирания враг видимых и невидимых приял еси свыше и скоро помогаеши от духов нечистых одержимым; сего ради призри на нас и отжени от нас напасти и бесовская нападения ходатайством твоим.
И ныне и присно и во веки веков. Аминь.
Грозд жизни произнесла еси, яко лоза неделанная, Мати Божия, напоившая нас вином освящающим и веселящим умы, пиянство лютое разрешающим.
Ирмос: Пещь огненная в Вавилоне древле разделися Богом, яко халдеи пламенем ея опалишася, отроцы же, орошаеми, глаголаху: благословите, вся дела Господня, Господа.
Святый великий святителю Спиридоне, моли Бога о нас.
Скончав течение твое и преставлься к Богу, победою естества законов нетленно сохрани святое тело твое Царь во утверждение православныя веры и в знамение безсмертия.
Святый великий святителю Спиридоне, моли Бога о нас.
Вознесся от плоти к Богу Желанному твоему, не оставил еси уповающих на тя, но, яко орел быстрокрылый, обходиши весь мир, избавляеши от напастей в скорбех и узах сущих и исцеление подаеши просящим.
Слава Отцу и Сыну и Святому Духу.
О преславнаго чуда! Блистанием знамений светлее солнца сияеши, всеблаженне, и разрешаеши пещь болезней, утешаеши скорбящия, милуеши неимущия и всем молящимся тебе возсиявающи дары помощи твоея.
И ныне и присно и во веки веков. Аминь.
Страсти души моея исцели сладостию, Всепетая, умири житие и просвети душу мою и настави мя на пути божественныя, Владычице, да присно благословлю тя.
Ирмос: От Безначальнаго Отца Сын Божий явися, от Девы во избавление наше воплотися, просвещает омраченных и собирает во едино разсеянных, да с верою Рождшую Его величаем.
Святый великий святителю Спиридоне, моли Бога о нас.
Нетленныя мощи твоя независтно источают благодать истинную и милость и всех воздвизают славити Бога, праведно прославившаго тя, премудре Спиридоне, и чудотворением и множеством знамений почтившаго тя.
Святый великий святителю Спиридоне, моли Бога о нас.
Всему миру радость сообщает град Керкира, идеже ныне сокровенна есть святая рака мощей твоих, и вси, с верою притекающии лобызати ю, благаго исполнения прошений сподобляются.
Слава Отцу и Сыну и Святому Духу.
О дело преславное, еже божественное житие твое дарова тебе! Яко мертв, яко жив, светлее солнечнаго круга светиши всей земли, богоблаженне, и от раки проповедуеши Христа Бога.
И ныне и присно и во веки веков. Аминь.
Таинство великое преславнаго рождества твоего удивляет Ангелы, Благодатная, и лик святых уязвляет любовию, и отцы воздвизает божественне воспевати тебе, всего мира упование.
Достойно есть яко воистину блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Иерей кадит.
О, коль преславна есть память твоя, всехвальне Спиридоне! Яко иконами написанными и в молитвах поминаем твориши чудеса, и спопечитель и покровитель бываеши на земли и в морях, далече и близ сущим.
Множество чудес твоих, яко река многоводная, напаяет концы земли и уповающим на тя подает утешение и мужество; сего ради усердно притекаем ко храму твоему прекрасному и к вместилищу мощей твоих, да почерпнем исцеление, хвалящии тя.
В напастех сущим помощник еси готовый, Спиридоне священноначальниче, и власть имаши свободити нас от всех страстей и коварств вражиих; и ныне угаси советы лукавых, на народ наш воздвигнутыя, и языки еретиков изнемози силою Христовою.
Тебе, проповедника истины и всесветлое светило мира, похвалами украшаем и молим Давшаго тебе знамения дивная, да в напастех и в пещи скорбей и нас окропит росою благодати твоея, да сердце наше не хладно будет ко слышанию божественных учений и ко славлению и воспеванию Бога.
О мужественный и в подвизе преславный святителю Спиридоне, вручи нас покровительнице народа нашего, Деве Богородице, да не будем в поношение и посмеяние врагом нашим, но, по обычаю мужей отечества нашего, «Свят» и «Аллилуиа» песньми воспоим Троицу нераздельную и неслиянную:
Святый Боже, Святый Крепкий, Святый Безсмертный, помилуй нас (трижды). Слава Отцу и Сыну и Святому Духу, и ныне и присно и во веки веков. Аминь. Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды)
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Священник: Яко Твое есть Царство…
Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце, грешнии приносим: помилуй нас.
Слава Отцу и Сыну и Святому Духу.
Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне на ны, яко благоутробен, и избави ны от праведнаго гнева Твоего: Ты бо еси Бог наш, и мы людие Твои, вси дела руку Твоею, и имя Твое наречеся на нас; и помилуй нас.
И ныне и присно и во веки веков. Аминь.
Милосердия двери отверзи нам, благословенная Богородице, надеющиися на тя да не погибнем, но да избавимся тобою от сопротивных враг: ты бо еси спасение рода христианскаго.
Иерей: Помилуй нас, Боже, по велицей милости Твоей, молим Ти ся, услыши и помилуй.
Лик: Господи, помилуй (Трижды).
Иерей: Еще молимся о милости, жизни, мире, здравии, долгоденствии, спасении, просвещении, прощении, благопоспешении и тишине раба (или рабы) Божия, да сохранит Господь Бог наш царствующий град сей наш и святую обитель сию (или храм сей) и вся грады и веси Иверии от глада, губительства, труса, потопа, огня, меча, нашествия иноплеменников, междоусобныя брани и смертоносныя язвы; да милостив нам будет Бог благостию и человеколюбием Своим, во еже благостояти, и отвратит гнев, на ны повседневно движимый, и избавит нас от праведнаго Своего прещения, на ны належащаго, и помилует нас.
Лик: Господи, помилуй (40 раз).
Иерей: Услыши ны, Боже, Спасителю наш, упование всех концев земли и сущих в мори далече, и милостив, милостив буди о гресех наших, и помилуй ны; милостив бо и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Иерей: Паки и паки, преклонше колена, Господу помолимся.
Лик: Аминь.
О премудростию веры и делом подвига просиявый великий святителю Спиридоне! Отцев украшение, священников венче и Ангелов собеседниче, Керкиры Взбранный Воеводо и в скорбех непостыдный помощниче, к Богу ходатаю и всем убогим, отчаянным и к тебе прибегающим прибежище, стено и покрове!
ჵ, წმიდათა შორის დიდებულო და მამათა შორის კეთილმსახურებითა განბრწყინვებულო, ყოვლადსაკჳრველო მღდელთმთავარო სპირიდონ! ისმინე აწ სულთქუმაჲ და ვედრებაჲ ჩუენი და ყოვლადძლიერითა მეოხებითა შენითა წინაშე ღმრთისა გჳჴსნენ სიყმილისაგან, რღვნისა, ცეცხლისა და სიკუდილშემოსილისა წყლულებისა, რამეთუ ჟამსა ქუეყნიერისა ცხორებისა შენისასა ზედამოსლვისაგან მტერთასა და სიყმილისაგან დაიჴსნიდი ერსა შენსა, ხოლო მეფე განათავისუფლე განუკურნებელისა წყლულებისაგან და ცოდვილნი მრავალნი მოიყვანენ სინანულად, მკუდარნი აღადგინე მადლითა ღმრთისაჲთა, ვეცხლისმოყუარებაჲ ძირითურთ აღმოფხუარ და მოწყალებისათჳს გუელი ოქროჲსა სამკაულად შესცვალე, გლახაკთა მწყალობელ ექმენ, ჟამსა სიყმილისასა უპოვარნი უხუებითა გამოზარდე, და სარწმუნოებაჲ ღმრთისმეტყელე შორის ღმერთშემოსილთა მამათაჲსა, მწვალებელნი დაამხუენ და მარტივთა და წრფელთა სიტყუათა მიერ არიოზ მგმობარი განაქიქე, და ყოვლისავე შემძლებელ იქმენ შენ მიერ შეყუარებულისა ტკბილისა იესუჲსა მიერ. მას ევედრე, სანატრელო, რაჲთა წყალობითა მოხედოს დედისა თჳსისა წილხვდომილსა ერსა ჩუენსა, მტჳრთველსა საუფლოჲსა ჯუარისაჲსა ქუეყანასა ზედა, და დაიცვას მამული ჩუენი მტერისა საბრჴისაგან და ძმათა მტერობისაგან, რაჲთა არა ჰსთქუან ყოველთა, სადა არს ღმერთი მათი, რომლისა მიმართ აქუთ სასოებაჲ. მცხინვარებითა სიწმიდისა შენისაჲთა აცხოვნე, განაბრწყინვე და შეიწყალე უწმიდესი და უნეტარესი, სრულიად საქართველოჲს კათალიკოს-პატრიარქი, მცხეთა-თბილისის მთავარეპისკოპოსი და ბიჭვინთისა და ცხუმ-აფხაზეთის მიტროპოლიტი, დიდი მეუფე მამაჲ ჩუენი ილია, ყოვლად სამღდელონი მიტროპოლიტნი, მთავარეპისკოპოსნი და ეპისკოპოსნი და ყოველნი სამღდელონი და სამონაზვნო წესნი, მართლმადიდებელნი მხედართმთავარნი და ქალაქ-მთავარნი, და ქრისტეს მოყუარე მჴედრობაჲ, მემუშაკენი ერისა და წმიდისა ეკლესიისა ჩუენისანი, და ყოველნი მართლმადიდებელნი ქრისტიანენი დაიფარენ, მოსახელენი და მვედრე-ბელნი შენნი ადიდე.
О всесладкий и милостивый святителю Спиридоне, Тримифунтский чудотворче! Призри милостивым оком на люди наша и умоли Всеблагаго Бога, да не прогневается на ны по беззаконием нашим, но да воздаст нам по милости Своей, и да дарует нам мирное и безмятежное житие, здравие душ и телес наших, благоплодие земли, и во благоденствии всех нас спасет; да, предводими и соблюдаеми молитвою твоею, достигнем вечнаго оного мира и с тобою прославим Бога, в Троице славимаго, Отца и Сына и Святаго Духа, ныне и присно и во веки веков. Аминь.
Иерей: Премудрость. Пресвятая Богородице, спаси нас.
Лик: Честнейшую херувим и славнейшую без сравнения серафим, без истления Бога Слова рождшую, сущую Богородицу тя величаем.
Иерей: Слава Тебе, Христе Боже, упование наше, слава Тебе.
Лик: Слава Отцу и Сыну и Святому Духу, и ныне и присно и во веки веков. Аминь. Господи, помилуй (трижды). Благослови.
Иерей: Христос, истинный Бог наш, молитвами Всенетленныя Своея Матере, святых славных и всехвальных апостол, и (святаго, егоже есть храм), святых и праведных богоотец Иоакима и Анны, и иже во святых отца нашего Спиридона, епископа Тримифунтскаго, чудотворца, и всех святых, помилует и спасет нас, яко Благ и Человеколюбец.
Лик: Аминь.
Мирянин: Слава Отцу и Сыну и Святому Духу, и ныне и присно и во веки веков. Аминь.
Господи, помилуй. (Трижды)
Господи Иисусе Христе, Сыне Божий, молитвами Пресвятыя Твоея Матере, иже во святых отца нашего Спиридона, епископа Тримифунтскаго, чудотворца, и всех святых, помилуй нас. Аминь.
По отпусте глаголем тропари:
Светом свыше сияеши, отценачальниче Спиридоне, и божественною силою подаеши исцеление душ и телес всякому, иже лобызает икону сию святыни твоея и чтит блаженную раку твою, яко сокровище, святыню носящее, отнюдуже изтекает божественная река исцелений и велия милость.
Владычице Марие, сияние всех святых, молитвами святителя Спиридона, Тримифунтскаго чудотворца, сподоби мя вечныя славы и сияния Сына твоего и Бога нашего. Аминь.
Автор-составитель: Тинатин Мчедлишвили
