Молебный параклис преподобному отцу нашему Давиду Гареджийскому
Молитвами святых отец наших, Господи Иисусе Христе, Боже наш, помилуй нас.
Слава Тебе, Боже наш, слава Тебе!
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, избави и освободи нас от грехов наших; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.
Господи, помилуй. (12 раз)
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.
Слава Отцу и Сыну и Святому Духу, и ныне и присно и во веки веков. Аминь.
Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже наш, слава Тебе.
Бог Господь, и явися нам, благословен Грядый во имя Господне.
Стих 1: Исповедайтеся Господеви, яко благ, яко в век милость Его.
Стих 2: Вси языцы обыдоша мя, и именем Господним противляхся им.
Стих 3: Не умру, но жив буду и повем дела Господня.
Стих 4: Камень, егоже небрегоша зиждущии, сей бысть во главу угла; от Господа бысть сей, и есть дивен во очесех наших. (Тропарь), глас 4.
Потом подвижническим растворенныя источники слез ныне в дар моления принеси Царю и испроси возрастание его, яко слезами сеял еси и радостию пожал еси плоды пустынныя. О Давиде, светлосте мира и ходатаю душ наших!
Слава Отцу и Сыну и Святому Духу.
Потом подвижническим растворенныя источники слез ныне в дар моления принеси Царю и испроси возрастание его, яко слезами сеял еси и радостию пожал еси плоды пустынныя. О Давиде, светлосте мира и ходатаю душ наших!
И ныне и присно и во веки веков. Аминь.
Не умолчим никогда, Богородице, силы твоя глаголати, недостойнии; аще бы бо ты не предстояла молящи, кто бы нас избавил от толиких бед? Кто же бы сохранил доныне свободны? Не отступим, Владычице, от тебе, твоя бо рабы спасаеши присно от всяких лютых.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Песнь 1.
Избавителю нашему, изведшему люди Своя морем непоколебимо и фараона со всадники погрузившему во глубине, Тому единому поим, яко прославися.
Святый преподобный отче Давиде Гареджийский, моли Бога о нас.
Воспоим, людие, Христу, пославшему нам святаго отца Давида во утверждение нам, в пустыни сей боголепно собранным, яко прославися.
Святый преподобный отче Давиде Гареджийский, моли Бога о нас.
Духа Святаго наставлением, преподобне, достигл еси пустыни сея и ангельское житие совершил еси, преподобне, и поеши Христу, яко прославися.
Слава Отцу и Сыну и Святому Духу.
Звери и змии из пустыни, преподобне, отгнал еси святою твоею молитвою и вместо их святых мужей собрал еси во славословие Богу, яко прославися.
И ныне и присно и во веки веков. Аминь. Песнь 3.
Храм нетленный славы Божия, Марию Деву воспоим, яко Бога плотию нам роди и по рождестве Дева пребысть, яко прославися.
Силою Креста Твоего, Христе, утверди мя во славу Твою, да воспеваю присно Божество Твое, Милостиве.
Святый преподобный отче Давиде Гареджийский, моли Бога о нас.
В воздаяние трудов твоих даде ти Бог дарования чудес, имиже ужасахуся вси слышавшии и дивляхуся.
Святый преподобный отче Давиде Гареджийский, моли Бога о нас.
Бог чудес, иже воспита Илию враном, такожде и тебе питаше, преподобне, еленями.
Слава Отцу и Сыну и Святому Духу.
О страшнаго видения, егда огнем небесным змий оный вредный посреде елененков убиен бысть, преподобне!
И ныне и присно и во веки веков. Аминь.
Бога вместившую Деву Марию Непорочную восхвалим и помолимся, да ходатайством ея избавит нас от страстей.
Спаси от напастей рабы твоя, Пресвятая Богородице Дево, яко вси по Бозе к тебе прибегаем, яко нерушимей стене и предстательству.
Призри благосердием, всепетая Богородице, на лютое телес наших озлобление и исцели душ наших болезни.
Паче человек превознесенный и Царю приближенный, яко твоею благодатию многочадна, пустыня твоя молебное днесь пишет тебе, Давиде всехвальне; но яко имеяй державу богодарованную, от всех сетей вражиих покрый, да зовем ти: радуйся, человече Божий.
Песнь 4.
Слышах слух силы крестныя Твоея, Христе, яко рай отверзеся ею, и вопию: слава силе Твоей, Господи.
Святый преподобный отче Давиде Гареджийский, моли Бога о нас.
Божественным желанием подвигнутый, блаженный Додо прииде видети святыню твою, Давиде, и, узрев тя, благодаряше Бога.
Святый преподобный отче Давиде Гареджийский, моли Бога о нас.
Эристав Руставский, ловитвою упражняяйся, в ярости извлече меч, да убиет тя, и изсше ему десная рука.
Слава Отцу и Сыну и Святому Духу.
Тогда, на землю пад, со слезами моляше тя и прощения просяше; ты же, преподобне, молитвою и руки прикосновением исцелил еси его.
И ныне и присно и во веки веков. Аминь. Песнь 5.
С Гавриилом вопием ти, Богородице Дево Марие: радуйся, Благодатная, Бог, Господь сил, с тобою.
Утренююще вопием Ти, Господи: спаси ны, яко Благ, Ты бо еси Бог наш, разве Тебе иного не знаем.
Святый преподобный отче Давиде Гареджийский, моли Бога о нас.
Со слезами вопияше Бубакар: якоже возвратил ми еси руку, тако и сына моего, руками и ногами хрома, исцели.
Святый преподобный отче Давиде Гареджийский, моли Бога о нас.
Иди, — рече ему святый, — и верую, яко узриши его всецело невредима, силою Христовою исцелена.
Слава Отцу и Сыну и Святому Духу.
Верова и отиде, и с радостию срете его сын его ходя, якоже ты прорекл еси, преподобне.
И ныне и присно и во веки веков. Аминь.
Дево Святая, Сына твоего Христа Бога умиленно моли, да спасет души наша.
Песнь 6.
Обышедше мя волны, и бысть ми гроб чрево китово, и вопию Ти: избави мя, Человеколюбче, и спаси мя, Многомилостиве Господи.
Святый преподобный отче Давиде Гареджийский, моли Бога о нас.
Обыде мя волна скорбей и искушений пустынных; ныне молитвою твоею, Давиде, умилостиви о мне Бога.
Святый преподобный отче Давиде Гареджийский, моли Бога о нас.
Егда пришел еси во святый град, возвещено бысть патриарху Илии, яко Давид всю благодать Иерусалима верою унесе.
Слава Отцу и Сыну и Святому Духу.
Постигше тя скоротечцы по повелению, две части прияша от тебе, третию же сию в дар тебе пустыни ради оставиша.
И ныне и присно и во веки веков. Аминь.
Дево Пресвятая, Слово Божие плотию зачавшая и Девою во веки пребывшая, спаси исповедающих тя Богородицу.
Спаси от напастей рабы твоя, Пресвятая Богородице Дево, яко вси по Бозе к тебе прибегаем, яко нерушимей стене и предстательству.
Призри благосердием, всепетая Богородице, на лютое телес наших озлобление и исцели душ наших болезни.
Кондак. Евангелие от Матфея.
От Месопотамии возсиял еси, звездо всесветлая, и пришел еси в пустыню Гареджийскую, и отонуду пришествием твоим, яко в раи от насаждений святых, прозябают насаждения словесная, о нихже молитися не престай, Давиде блаженне.
Рече Господь: если кто приходит ко Мне и не возненавидит отца своего и матери, и жены и детей, и братьев и сестер, а притом и самой жизни своей, тот не может быть Моим учеником; и кто не несет креста своего и идёт за Мною, не может быть Моим учеником. Все предано Мне Отцем Моим, и никто не знает Сына, кроме Отца; и Отца не знает никто, кроме Сына, и кому Сын хочет открыть. Придите ко Мне все труждающиеся и обремененные, и Я успокою вас; возьмите иго Мое на себя и научитесь от Меня, ибо Я кроток и смирен сердцем, и найдете покой душам вашим; ибо иго Мое благо, и бремя Мое легко.
Слава Отцу и Сыну и Святому Духу.
Молитвами преподобнаго отца нашего Давида Гареджийскаго, Милостиве, очисти множества наших согрешений.
И ныне и присно и во веки веков. Аминь.
Молитвами Святыя Богородицы, Милостиве, очисти множества наших согрешений. Глас 5.
Помилуй мя, Боже, по велицей милости Твоей, и по множеству щедрот Твоих очисти беззаконие мое, и помилуй мя, Боже.
Подобно Иоанну Крестителю в пустыни вселился еси, отче, и нестяжанием жительствовал еси, ибо отнюдь не имел еси, блаженне, пищи плотския, временныя и преходящия, еюже естество плоти сохраняется, но питался еси Духом Святым; темже в подражание тебе воздвигл еси души безчисленныя и собрал еси их во славословие Богу и во благодарение за мужество твое, Давиде, Гареджийских славо; моли Христа Бога, да прегрешений наших прощение дарует нам, с любовию совершающим память твою.
Песнь 7.
Иже от пещи отроки поющия избавивый, благословен еси, Господи Боже отец наших.
Святый преподобный отче Давиде Гареджийский, моли Бога о нас.
Пришел еси в Гареджу от Иерусалима и поеши: благословен еси, Господи Боже.
Святый преподобный отче Давиде Гареджийский, моли Бога о нас.
Егда ученицы твои узреша тя, с радостию возгласиша: благословен еси, Боже наш.
Слава Отцу и Сыну и Святому Духу.
Посетил еси всех подобающе, и вопияху купно: благословен еси, Боже наш.
И ныне и присно и во веки веков. Аминь.
Богородице Дево, спаси поющия: благословен еси.
Песнь 8.
Из Отца прежде век рожденнаго Сына и в последняя лета воплощеннаго от Девы, священницы, благословите, людие, превозносите Его во веки.
Святый преподобный отче Давиде Гареджийский, моли Бога о нас.
Обхождаше, преподобне, егда узрел еси брата твоего, горькою водою скорбяща, и помолился еси Богу и рекл еси: священницы, благословите.
Святый преподобный отче Давиде Гареджийский, моли Бога о нас.
Якоже иногда Моисей божественными знамении Креста, горькую воду молитвою усладил еси и дал еси брату оному, и глаголал еси: священницы, благословите.
Слава Отцу и Сыну и Святому Духу.
Приспе час твоего ко Царствию преставления, и причастился еси святаго Тела и Крове Христовы и рекл еси: священницы, благословите.
И ныне и присно и во веки веков. Аминь.
Дево пета, Слово Божие нам родившая и Девою пребывшая паче слова и ума: священницы, благословите, людие, Господа.
Песнь 9.
Родила еси, Дево, Непостижимаго естествами, безлетно, неизреченно; сего ради, Непорочная, вси вернии тя величают.
Святый преподобный отче Давиде Гареджийский, моли Бога о нас.
Причастился еси безсмертных Таин и сие точию изрекл еси: Создателю мой, Христе Боже, приими дух мой.
Святый преподобный отче Давиде Гареджийский, моли Бога о нас.
Брат, лишенный зрения очес, егда прикоснуся святому телу твоему, зрение света приять и величаше тя.
Слава Отцу и Сыну и Святому Духу.
Песнию надгробною и погребальною, с рыданием и слезами вопияху: сладкий отче, нас, учеников твоих, не забуди пред Богом.
И ныне и присно и во веки веков. Аминь.
Богородице Дево, уповающих на тя едина еси надежда, всего пения нашего сего исполнительнице.
Достойно есть яко воистину блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Буди нам начальник песнословия Христос, Царь наш, в день сей всехвальнаго Давида, иже Им достойно прославлен бысть тезоименитством Давида, начальника певцев.
Прииди и украси, отче преподобне, сего отца нашего и тезоименита твоего, и возгласи доброгласно: дивен есть Сам во святых, и хвала Его в собрании церкве святых.
Прииди, зовет тя скоро лавра твоя святая, сокровищница святыни, место жительства, место пребывания, да тако усердием воздвигнутся умы зде собранных на похвалу тебе в праздник.
Слава Отцу и Сыну и Святому Духу.
Днесь Давид собирает собор сей божественный и сам с нами празднуя невидимо предстоит, трапезу духовную невидимо уготовляет и всех человеколюбно учреждает.
И ныне и присно и во веки веков. Аминь.
Верою притекаем к тебе и со слезами молим тя, всеславне отче Давиде: с Богородицею не престай молитися о спасении величающих тя.
Дуси лукавии со страхом бегают, и ангели, радующеся, поют, и мы с ними вопием и глаголем: слава в вышних Богу, и на земли мир, в человецех благоволение.
Святии ангели, небесныя силы, и Предтече Господень, апостоли двоенадесятии, святителие, мученицы и блаженнии отцы, и святыя мученицы и блаженныя матери, и вси святии, с Богородицею не престаните молитися о спасении величающих вас.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце, грешнии приносим: помилуй нас.
Слава Отцу и Сыну и Святому Духу.
Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне на ны, яко благоутробен, и избави ны от праведнаго гнева Твоего: Ты бо еси Бог наш, и мы людие Твои, вси дела руку Твоею, и имя Твое наречеся на нас; и помилуй нас.
И ныне и присно и во веки веков. Аминь.
Милосердия двери отверзи нам, благословенная Богородице, надеющиися на тя да не погибнем, но да избавимся от сопротивных врагов: ты бо еси спасение рода христианскаго.
Господи, помилуй. (12 раз)
Молитва преподобному отцу Давиду Гареджийскому:
О всеблаженне и всесветлый, божественное к горним течение, божественное просвещение, духовным зрением окрыленный яко херувим, ангельскою чистотою горе пред Богом предстояй, достоинство и дерзновение имеяй пред безплотною и неприступною славою, ходатаю и предстателю нас, немощных и отчаянных грешных рабов и служителей твоих!
О всесветлый, божественно воспеваемый, преподобне отче святый Давиде, горним предведением благодати посланный и наставленный нам в помощь и избавление от уз тьмы сатанинския силы! Якоже дано тебе многое дарование благодати и творения чудес, избавления грехов, прощения и оставления прегрешений, исцеления недугов, и отгнания и изгнания бесовских искушений, тако и твоею отеческою милостию поручи нас благому Богу, да молитвами, прошением и мольбою твоею вознесется и укрепится богохранимый народ наш и вся Грузия; молитвою твоею покрый и прошением молитв твоих помяни Святейшаго и Блаженнейшаго Католикоса-Патриарха всея Грузии, архиепископа Мцхетско-Тбилисскаго и митрополита Бичвинтскаго и Цхум-Абхазскаго, великаго господина и отца нашего Илию; преосвященных митрополитов, архиепископов и епископов, и весь священнический и монашеский чин, воевод и градоначальников, и христолюбивое воинство, и благотворителей наших, и всех православных христиан покрый многим подвижническим трудом твоим. Ходатайствуй, преподобне отче, да молитв твоих прошением укрепит нас Господь Бог непобедимою силою Своею на всех видимых и невидимых врагов наших.
О всесладкий отче милостивый, милостию благаго и человеколюбиваго Бога апостолом подобно вздохновением Духа, умудрившаго, всех пределов и народов нас, грузин, просветителю и учителю благочестиваго поклонения истинному Богу, и изгонителю издревле гнездившагося зла, сетей льстивых губителю! Твоею милостию и прошением твоим к Богу изведи нас из глубины грехов наших, да избавимся от глада, губительства и труса, огня, меча, нашествия иноплеменников и междоусобныя брани, и от напрасныя смерти, и отврати всех нападающих на ны врагов, и тлетворныя ветры, и вся смертоносныя язвы, и всякое зло.
Подвизайся, сладкий отче Давиде, подвизайся и отверзи недра Божия, воздающая и исцеляющая, избавляющая и отпущающая вся прегрешения и согрешения наша, и вознеси правоверие наше над всем лицем земли, и умножи народы и стада обителей и мест сих твоих, слезами, трудами и подвигом стяжанных, да ходатайством молитв твоих, избавлени от всех видимых и невидимых врагов и свобождени от вечнаго осуждения, приснопамятными благодарениями возвеличаем святое имя твое, с любовию уповающе и поклонение возсылающе Безначальному Отцу и Сыну и Святому Духу, ныне и присно и во веки веков. Аминь.
Всего мира Избавителю и Спасителю, Господи Иисусе Христе, нам, грешным и недостойным рабом Твоим, Избавитель и Спаситель явлейся, Иже нашего ради избавления крест и смерть претерпел еси и всем жизнь даровал еси! И ныне милостив буди к нищим душам и телесем нашим и приими, сладчайший и благий Царю, возбужденное о нас, грешных, предстательство и ходатайство отца Давида, ибо не имамы иного толико дерзновеннаго пред Тобою ходатая за нас, грешных, разве таковых угодников Твоих. Яви силу и державу Твою и даруй рабом Твоим, в скорбех и искушениих сущим, избавление, от грехов освобождение и от всех напастей свободу.
Владычице, призри на моление раб твоих и избави нас от всех искушений и болезней.
Слава Отцу и Сыну и Святому Духу, и ныне и присно и во веки веков. Аминь.
Господи, помилуй. (Трижды)
Господи Иисусе Христе, Сыне Божий, молитвами Пречистыя Твоея Матере, преподобных и богоносных отец наших, преподобнаго отца нашего Давида Гареджийскаго и всех святых Твоих, помилуй нас. Аминь.
