Молебный параклис Животворящему и Честному Кресту
Молитвами святых отец наших, Господи Иисусе Христе, Боже наш, помилуй нас.
Слава Тебе, Боже наш, слава Тебе!
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, избави и освободи нас от грехов наших; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.
Господи, помилуй (12 раз).
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.
Слава Отцу и Сыну и Святому Духу, и ныне и присно и во веки веков. Аминь. Тропарь, глас 4.
Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже наш, слава Тебе.
Бог Господь, и явися нам, благословен Грядый во имя Господне. Стих 1: Исповедайтеся Господеви, яко благ, яко в век милость Его. Стих 2: Вси языцы обыдоша мя, и именем Господним противляхся им. Стих 3: Не умру, но жив буду и повем дела Господня. Стих 4: Камень, егоже небрегоша зиждущии, сей бысть во главу угла; от Господа бысть сей и есть дивен во очесех наших.
Спаси, Господи, люди Твоя и благослови достояние Твое, победу Крестом на варвары богохранимому народу нашему даруй и люди Твоя под кровом Твоим сохрани, да глаголем: Господи, слава Тебе.
Слава Отцу и Сыну и Святому Духу.
Тот же тропарь.
И ныне и присно и во веки веков. Аминь.
Не умолчим никогда, Богородице, силы твоя глаголати, недостойнии; аще бы бо ты не предстояла молящи, кто бы нас избавил от толиких бед? Кто же бы сохранил доныне свободны? Не отступим, Владычице, от тебе, твоя бо рабы спасаеши присно от всяких лютых. Песнь 1, ирмос. Песнь 3, ирмос.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Ирмос: Прообрази древле великий боговидец Моисей Крест Твой, Спасе, егда разделил есть воды и провел есть люди израильския, и светлым гласом с ними пояше Тебе.
Слава, Господи, Кресту Твоему.
Вознесыйся на Крест, Иисусе Сладчайший, Спасе наш, взял еси грехи мира и упразднил еси князи тьмы; возстави и нас, падших сих, молим Тя.
Слава, Господи, Кресту Твоему.
Естеством человеческим смерть вкусил еси на Кресте, Царю; устнами и сердцем молим Тя, Сладчайший Иисусе, от прегрешений свободи нас, Человеколюбче.
Слава Отцу и Сыну и Святому Духу.
Из ребр Твоих истече животворящая кровь и вода, еюже освятил еси Животворящий Крест; молим Тя, покланяющияся Кресту освяти нас.
И ныне и присно и во веки веков. Аминь.
Матерняя утроба твоя умилися, Мати Божия, егда предстояла еси Кресту возлюбленнаго Сына твоего; припадающе молим тя: ходатаица буди нам, целующим Крест.
Ирмос: На камени веры утверди мя Крестом Твоим, Христе Боже, да не поколеблюся от врага лукаваго, Едине Человеколюбче.
Слава, Господи, Кресту Твоему.
Терновым венцем увязлся еси, Царю, и Церковь украсил еси честным Крестом Твоим; купно всех чад Церкве помилуй, молим Тя.
Слава, Господи, Кресту Твоему.
Величаем благость Твою, Иисусе Сладчайший, и молим человеколюбие Твое: покрый покланяющихся святому Кресту Твоему.
Слава Отцу и Сыну и Святому Духу.
Вознеслся еси на воздусе, ко Кресту пригвожденный, Царю небесный; небесная и земная соедини, да купно воспеваем Крест Твой преславный.
И ныне и присно и во веки веков. Аминь.
Ей, молим тя, Дево Марие, любве ради распятаго Сына твоего, помилуй верныя твоя, Владычице Пресвятая.
Спаси от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, Всепетая Богородице, и тел наших лютыя язвы исцели и душ наших болезни.
Иерей: Помилуй нас, Боже… с возгласом. Седален. Глас 4. Песнь 4, ирмос. Песнь 5, ирмос. Песнь 6, ирмос.
Животворящий Крест Твой, печать благости Твоея, юже даровал еси нам, грешным, Господи, Тебе приносим в ходатайство. Сохрани народ наш и стадо Твое, молящихся Тебе Богородицею, по велицей милости Твоей.
Ирмос: На Кресте пригвожденна видев Тя солнце, Всесильне, ужасеся и во тьму преложися, и вся тварь со страхом хвалит милости Твоя, Избавителю, яко исполнишася славы Твоея.
Слава, Господи, Кресту Твоему.
Волею распятие приемый, Спасе, глава был еси Церкви, юже стяжал еси пресвятою кровию Твоею; верою покланяющихся Кресту помилуй, благий Господи.
Слава, Господи, Кресту Твоему.
Иисусе Сладчайший, восхотев нашего ради спасения распятия, горькия смерти вкусил еси; избави верныя от горькаго ада, услыши моление наше и помилуй нас.
Слава Отцу и Сыну и Святому Духу.
Завеса церковная раздрася во распятии Твоем, Господи, камение распадеся и гроби отверзошася; молим Тя, отверзи и нам двери милости, Человеколюбче Иисусе.
И ныне и присно и во веки веков. Аминь.
Копием прободенна видела еси возлюбленнаго Сына твоего, Мати Божия, и оружие печали пройде душу твою; ныне и мы умиленно молим тя: молитвою твоею милость сотвори о нас.
Ирмос: Утренююще поем Тебе, Христе Боже, яко обретаем Крестом Твоим мир и жизнь, имже просвети нас и настави к свету незаходимому.
Слава, Господи, Кресту Твоему.
Солнце и луна помрачишася во распятии Твоем, Царю, и горы поколебашася многим страхом; нам же, молящимся, излий благодатию сияние святыни.
Слава, Господи, Кресту Твоему.
Желчи вкусил еси, Иисусе Сладчайший, волею Крест и смерть претерпел еси нас ради; ко свету Твоему настави нас, Свете пресветлый и неприступный.
Слава Отцу и Сыну и Святому Духу.
Индийския бесы прогна сила Крестная, Всесильне; индийцы же и парфяне, обратившеся, покланяются честному Кресту Твоему, яко иакинфом прекрасно багряновидному.
И ныне и присно и во веки веков. Аминь.
Егда видела еси распятаго Сына твоего, возлюбленная Дево Марие, со стенанием и воздыханием плакала еси; ходатайствуй и о нас, да помянет нас, егда приидет во Царствии Своем.
Ирмос: Знамение Божественнаго Креста изобрази Иона, простерши руце во чреве китове, Спасе, и изринут бысть невредим, помощию Твоею сохранен.
Слава, Господи, Кресту Твоему.
Исперва научил еси нас распятию Твоему, Господи, усты пророков; ныне усты и сердцем лобызаем честный Крест Твой и молим Тя: помилуй нас.
Слава, Господи, Кресту Твоему.
В шестый час ко Кресту пригвоздиша иудее Благодетеля Господа, и в девятый час дух Отцу предал еси; молим Тя, помилуй и нас в час исхода душ наших.
Слава Отцу и Сыну и Святому Духу.
Распятие и мучение нашего ради спасения претерпевый, хотяй всем человеком спастися, сподоби нас Царствия, еже уготовал еси любящим Тя, Господи.
И ныне и присно и во веки веков. Аминь.
Болезненно воздыхала еси, аки бездыханна, егда видела еси возлюбленнаго Сына твоего, Дево; и души наша помилуй, Мати благаго Бога Марие, молим тя.
Спаси от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, всепетая Богородице, и исцели лютыя язвы телес наших и недуги души нашея. Кондак, глас 4. Прокимен пред Евангелием… Евангелие от Иоанна. Песнь 7, ирмос. Песнь 8, ирмос. Песнь 9, ирмос.
Вознесыйся на Крест волею, тезоименитому Твоему новому жительству щедроты Твоя даруй, Христе Боже; возвесели силою Твоею благочестивый народ наш, победы даруя ему на сопротивныя, пособие имущему Твое оружие мира, непобедимую победу, Крест Твой всесильный.
Иерей: Вонмем. Премудрость.
Возносите Господа Бога нашего и покланяйтеся подножию ног Его, яко свято есть.
Стих: Поклонимся на месте, идеже стоясте нозе Его.
Иерей: Господу помолимся. Яко свят еси, Боже наш… Всякое дыхание да хвалит Господа… И о сподобитися нам… Премудрость, прости.
Во время оно Иудеи взяли Иисуса и повели. И, неся крест Свой, Он вышел на место, называемое Лобное, по-еврейски Голгофа; там распяли Его. Пилат же написал и надпись, и поставил на кресте. Написано было: Иисус Назорей, Царь Иудейский. При кресте Иисуса стояли Матерь Его, и сестра Матери Его, Мария Клеопова, и Мария Магдалина. Иисус, увидев Матерь и ученика тут стоящего, которого любил, говорит Матери Своей: Жено! се, сын твой. Потом говорит ученику: се, Матерь твоя! После того Иисус, зная, что уже все совершилось, преклонив главу, предал дух.
Слава Отцу и Сыну и Святому Духу.
Силою Честнаго Креста, Милостиве, очисти множества наших согрешений.
И ныне и присно и во веки веков. Аминь.
Молитвами святыя Богородицы, Милостиве, очисти множества наших согрешений.
Помилуй мя, Боже, по велицей милости Твоей, и по множеству щедрот Твоих очисти беззаконие мое, и помилуй мя, Боже.
Радуйся, Кресте, хранителю всея вселенныя; радуйся, Кресте, красото Церквей; радуйся, Кресте, державо царей; радуйся, Кресте, верных помощниче; радуйся, Кресте, Ангелов славо и бесов сокрушителю.
Иерей: Спаси, Боже… с возгласом.
Ирмос: Иже купину неопальну сохранивый, вочеловечився, Господи, человеков ради спасения и распятие волею подъемый, и живот даровавый нам, Всесильне, благословен еси, отцев наших Боже, ныне и во веки.
Слава, Господи, Кресту Твоему.
Агнче непорочный, вземляй грехи мира, яко овча на заколение веден был еси на Крест, Иисусе Сладчайший; вольным страданием Твоим от мук адовых избави нас, Человеколюбче.
Слава, Господи, Кресту Твоему.
Безстрастный Божеством и страждущий человечеством, Христе, поем и славим распятие Твое, Блаже, и паче молим Тя: помилуй нас, Господи отец наших, яко Человеколюбец.
Слава Отцу и Сыну и Святому Духу.
Написанную надпись положиша на Кресте Твоем, Господи, яко не сохраниша на скрижалех Богописаннаго закона Твоего; мы же прилежно молим Тя: помяни нас, яко разбойника, во Царствии Твоем, Милостиве.
И ныне и присно и во веки веков. Аминь.
Хламидою облеченна видевши Христа Царя, Дево Марие, землю слезами напаяла еси; ныне ходатаица буди нам, да избавит нас от ада преисподняго и помилует нас, яко хананею ону, молящуюся.
Ирмос: Во рву львовом Даниил, крестообразно руце простер, невредим от них избавлен бысть, и обуздаша ярость их, и благословляше Христа Бога нашего.
Слава, Господи, Кресту Твоему.
Благий Бог человеколюбия ради смирение облеклся еси и, ко Кресту пригвожден, губою оцта и желчи вкусил еси; молим Тя, сподоби нас на облацех восхищени быти на воздусе.
Слава, Господи, Кресту Твоему.
Всесладчайший Иисусе и всемилостиве Господи, вознесыйся на Крест, вся к Себе привлекл еси; молимся вси: внуши моление наше и всех нас с праведными помилуй.
Слава Отцу и Сыну и Святому Духу.
Красный добротою паче сынов человеческих, безчестен видеся на Кресте висяй, Христе; мы, припадающе и покланяющеся Кресту, молим Тя: прости прегрешения наша, Милостиве.
И ныне и присно и во веки веков. Аминь.
Распятый нашего ради спасения Иисус, по обычаю сладко глаголаше: не рыдай Мене, Мати возлюбленная; ты же с плачем вопияла еси: и аз с Тобою умру, Сыне мой возлюбленный.
Ирмос: О Мати и Дево Богородице, нетленно рождшая Христа Царя нашего, Иже Крестом пострада нас ради, тя вси вернии с Сыном твоим величаем.
Слава, Господи, Кресту Твоему.
Со слезами и воздыханием стояше пред Крестом Мати Твоя, Христе, и вопияше: Творче неба и земли, Сыне мой благий, помилуй человеки, прелестию порабощенныя.
Слава, Господи, Кресту Твоему.
Трепеташе небо и земля, егда предал еси дух Твой, Господи; Мати же возлюбленная слезяше и глаголаше: помилуй создания Твоя, покланяющаяся всесильному Кресту Твоему.
Слава Отцу и Сыну и Святому Духу.
Гряди, гряди, глаголаше Тебе Мати Твоя, Сыне мой возлюбленный, и изведи пророки и праведники, верных же Кресту Твоему во Святая Святых возведи и в недрех Авраамовых упокой.
И ныне и присно и во веки веков. Аминь.
Воистинну, Богородице Дево Марие, болезнь Евина разрешися распятием Сына твоего; и мы молим тя: от вечныя скорби свободи нас, страстьми скорбящих.
Достойно есть яко воистину блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Иерей кадит.
Древом преслушания Адам паде, Ты же, Второй Адам, пригвождением на древе жизни, древе Крестнем, возставил еси его; ныне и мы молим Тя: избавленных от вечных мук безконечныя радости сподоби, благий Господи.
Руце и нозе Твои пригвоздиша на Кресте, Иисусе, Ты же возгласил еси: Отче, в руце Твои предаю дух Мой; ныне и мы молим Тя: в руце Твои приими души наша, Христе, и от рук воздушных мытарей избави нас, да не связани руками и ногами предадимся во тьму кромешную.
Распяша Тя иудее, Господи, во гробе положиша Тя вернии, мы же, христиане, покланяемся всекрасному Кресту Твоему и молим Тя: Крестом Твоим от ада избавленных приобщи нас неувядаемей славе Твоей, Царю.
От иудей распятый Иисусе, властию воскресый, с воскликновением ангельским вознесыйся, на престолех херувимских почивый и судити миру грядый, молим Тя: десныя части сподоби покланяющихся Кресту Твоему.
О Пресвятая Богородице Марие, о распятии Сына твоего болезновала еси, о воскресении же Его радовалася еси; и тебе превыше серафим вознесе Христос, и молим тя: ходатаица буди нам, да сподобимся со всеми святыми славословити Бога безконечно.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, избави и освободи нас от грехов наших; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.
Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце, грешнии приносим: помилуй нас.
Слава Отцу и Сыну и Святому Духу.
Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне на ны, яко благоутробен, и избави ны от праведнаго гнева Твоего: Ты бо еси Бог наш, и мы людие Твои, вси дела руку Твоею, и имя Твое наречеся на нас; и помилуй нас.
И ныне и присно и во веки веков. Аминь.
Милосердия двери отверзи нам, благословенная Богородице, надеющиися на тя да не погибнем, но да избавимся тобою от сопротивных враг: ты бо еси спасение рода христианскаго. Молитва, коленопреклонно глаголемая
Господи, помилуй (12 раз).
Иерей: Помилуй нас и услыши нас, Боже.
О Всеблагий Царю Христе, Крест во славу Твою нарекий, Крестом Ангелы возвеселивый, Крестом бесы поправый, Крестом ад сокрушивый, Крестом Царство нам отверзый, Крестом небесная и земная соединивый, покланяемся всечестному Кресту Твоему и Тебе молимся: помилуй нас.
О Всесладчайший Иисусе, боголепием Твоим весь мир просветивый, прослави и возвеличи богохранимый народ наш. Боголучезарным Крестом Твоим озари Святейшаго и Блаженнейшаго Католикоса-Патриарха всея Грузии, Архиепископа Мцхетско-Тбилисскаго и Митрополита Бичвинтскаго и Цхум-Абхазскаго, великаго господина, отца нашего Илию, преосвященныя митрополиты, архиепископы и епископы и весь священный и монашеский чин. Всесильным Крестом Твоим укрепи всех православных христиан. Молим Тя, Спасе, покрый нас от всех видимых и невидимых враг всечестным, животворящим и непобедимым Крестом Твоим.
О Всесильне и Вседержителю Господи, всечестный Крест Твой на челе и лицы нашем изображающих покрый нас от всякия страсти и печали душевныя и телесныя, и даруй церквам благолепие, христианом просвещение, в добродетелех преуспеяние, причащением озарение, и мирную кончину, и ангельским водительством с праведными вселение. Во Второе же Пришествие Твое со славою, егда боголепный Крест возсияет на видение неверным, тогда нас, верных и уповающих на Крест Твой, сподоби на облацех восхищенным быти, Царство наследовати и со Ангелы славити, пети и покланятися Тебе, со Отцем и Святым Духом, во веки веков.
Достойно есть яко воистину блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Слава Отцу и Сыну и Святому Духу, и ныне и присно и во веки веков. Аминь.
Господи, помилуй. (Трижды)
Господи Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых Твоих, помилуй нас. Аминь.
При целовании Честнаго Креста поем сие:
Всего живота нашего наставника и всякаго дела нашего печать стяжахом Честный Крест Твой, Всеблагий Царю; темже верою покланяемся и с желанием лобызаем Животворящий Крест Твой, Человеколюбче, и молим Тя: вселившеюся в нем благодатию Твоею покрый от всех сетей и напастей душевных и телесных с надеждою любящих всеславный Крест Твой.
Царю царствующих и Господи господствующих, покровом Владычицы нашея Богородицы покрый от всех напастей и недугов покланяющихся и изображающих Крест Твой, яко благословен еси всегда, во веки веков. Аминь.
