Параклис святому всехвальному апостолу Андрею Первозванному
Молитвами святых отец наших, Господи Иисусе Христе, Боже наш, помилуй нас. Аминь.
Слава Тебе, Боже наш, слава Тебе.
Царю Небесный, Утешителю, Душе истины, Иже везде сый и вся исполняяй, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды)
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.
Господи, помилуй (12 раз).
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.
Слава Отцу и Сыну и Святому Духу, и ныне и присно и во веки веков. Аминь.
Аллилуиа, аллилуиа, аллилуиа, слава Тебе, Боже (трижды).
Бог Господь, и явися нам, благословен Грядый во имя Господне.
Исповедайтеся Господеви, яко благ, яко в век милость Его.
Вси языцы обыдоша мя, и именем Господним противляхся им.
Не умру, но жив буду и повем дела Господня.
Камень, егоже небрегоша зиждущии, сей бысть во главу угла; от Господа бысть сей и есть дивен во очесех наших.
Яко апостолов первозванный и верховнаго сущий брат, Владыце всех, Андрее, молися мир вселенней даровати и душам нашим велию милость.
Слава Отцу и Сыну и Святому Духу.
Яко апостолов первозванный и верховнаго сущий брат, Владыце всех, Андрее, молися мир вселенней даровати и душам нашим велию милость.
И ныне и присно и во веки веков. Аминь.
Не умолчим никогда, Богородице, силы твоя глаголати, недостойнии; аще бы бо ты не предстояла молящи, кто бы нас избавил от толиких бед? Кто же бы сохранил доныне свободны? Не отступим, Владычице, от тебе, твоя бо рабы спасаеши присно от всяких лютых.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Колесницегонителя фараона погрузи чудотворящий иногда Моисеов жезл, крестообразно поразив и разделив море Чермное, Израиля же бегуна пешеходца спасе, песнь Господу воспевающа, яко славно прославися.
Святый апостоле Андрее, моли Бога о нас.
Мрежею евангельскою от глубины прелести извлекл еси, Андрее, языки, якоже обеща ти Слово Безначальное, яко ловца рода человеческаго посылает тя, да яко рыбы сия уловиши.
Святый апостоле Андрее, моли Бога о нас.
В широте морстей иногда рыбарь явился еси, последи же мрежею евангельскою племена, языки и народы уловил еси, достославне, и небесную глубину непостижимую премудро открыл еси им, славно прославленне.
Святый апостоле Андрее, моли Бога о нас.
Смущенную душу мою страстьми и помыслы очисти, проповедниче Христов Андрее, божественною твоею благодатию, да очищен чудеса твоя воспеваю.
Слава Отцу и Сыну и Святому Духу.
Верою славим единосущие Троицы Безначальныя: не разделяем Божеством, ниже сливаем, но естеством и существом подобающе соединяем, тако же и Лицы разделяем и покланяемся.
И ныне и присно и во веки веков. Аминь.
Радуйся, источниче радости; радуйся, врата небесная; радуйся, светильниче и стамно злата чистаго, понесшая Христа, Жизнодавца.
Утвердитель буди ми, Создателю небесе и земли на водах, утверди мя, Христе, на камени Церкве, яко несть свят паче Тебе, Человеколюбче.
Святый апостоле Андрее, моли Бога о нас.
Потщался еси, яко елень, не зван, но самовольно, ко источнику живому, и обрет, возвестил еси всем, и испив, напоил еси водою нетления вся концы земли, жаждею изнуренныя.
Святый апостоле Андрее, моли Бога о нас.
Капища разрушил еси и церкви воздвигл еси, богоносе, и утвердил еси в них верныя чада крещения, от воды и благодатию Духа паки рожденныя.
Святый апостоле Андрее, моли Бога о нас.
Безценный бисер, в сердце твоем сокровенный, показал еси концем мира, славне Андрее, егоже языцы верою в сокровище приемше, обретоша пред собою лежащ.
Слава Отцу и Сыну и Святому Духу.
Троицу единосущную верою воспоим, безначальную, несозданную, единосущную, сопрестольную, триипостасную, трисиянную, еюже сотворишася видимая и невидимая.
И ныне и присно и во веки веков. Аминь.
Всякое убо рождество девство тлит, ты же по рождестве Божии Дева сущи, млеком питала еси Живот и нетленну сохранила еси себе, Матерь Девою пребывши.
Спаси от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри благосердием, всепетая Богородице, на лютое телес наших озлобление и исцели душ наших болезни.
Иерей: Сугубая ектения с возгласом
Яко первозваннаго всех учеников, и самовидца, и слуги Слова, Андрее апостоле, подобающе почитаем тя, яко Агнцу, вземлющему грехи мира, несумненною верою тепле последовал еси; темже страсти Его причастник явился еси, претерпевшаго нас ради смерть плотию; сего ради воспеваем тя: моли Христа Бога грехов оставление даровати празднующим любовию святую память твою.
Слава Отцу и Сыну и Святому Духу.
Идольское неистовство низложил еси, Спасовы страсти возжелав, блаженне апостоле, и свыше явился еси язычником река чудес, всеблаженне, яко учитель был еси всем; сего ради память твою достойно почитаем, и песньми воспеваем, и верою величаем тя, Андрее апостоле: моли Христа Бога грехов оставление даровати празднующим любовию святую память твою.
И ныне и присно и во веки веков. Аминь.
Радуйся, престоле огневидный Божий; радуйся, Дево, седалище царское, одре светло постланный, чертоже златобагряный, хламидо багровидная, храме прекрасный, колесница молниевидная, светильниче многосветлый; радуйся, Богородице, граде двоюнадесятостенный, и двери златыя, и чертоже светообразный, трапезо златосветлая, скиние боголепная; радуйся, Невесто преславная, солнце блистающее; радуйся, едина просветительнице души моея.
Ты моя крепость, Господи, Ты моя и сила, Ты мой Бог, Ты мое радование, не оставль недр Отчих и нашу нищету посетивый; темже с пророком Аввакумом зову Ти: силе Твоей слава, Человеколюбче.
Святый апостоле Андрее, моли Бога о нас.
Благодать божественнаго Духа вселися в тя боголепно огненным языком, Андрее, и худшее истощи Превысший сиянием Божества, и неизреченных проповедника тя показа.
Святый апостоле Андрее, моли Бога о нас.
Горою божественною, каплющею сладость пресущественную, нас ради бывый Бог показа всеславнаго Андрея, горы горькия бесовскаго кичения во еже потребити.
Святый апостоле Андрее, моли Бога о нас.
Пустыню жаждущую напоил еси, премудре, божественными словесы твоими и многоплодна показал еси чада Церкве, плод приносящая от семене проповеди твоея; слава Давшему тебе Духа.
Слава Отцу и Сыну и Святому Духу.
Троицу единосущную воспоим, людие, единым Божеством — Отца и Сына и Духа Святаго, единосущну и единоестественну, нераздельну, и непостижиму, и неизмериму; едино бо есть существом Троица, и в Троице хвалимо Божество, трием Лицем и трием свойством славимое.
И ныне и присно и во веки веков. Аминь.
Величаем таинство твое, Богородице, яко Невидимый небесным силам сниде на тя, яко дождь на руно, спасения ради нас, хвалящих тя.
Просветивый пришествием Твоим, Христе, и освятивый Крестом Твоим концы земли, просвети и сердца поющих Тя светом Твоего богоразумия.
Святый апостоле Андрее, моли Бога о нас.
Достигл еси Желаемаго твоего, славне Андрее, и в нетленных Его селениих почиваеши, и достойную мзду трудов твоих восприял еси; сего ради песньми величаем тя.
Святый апостоле Андрее, моли Бога о нас.
Возжелал еси Царю последовати, стопам Его, ведущим в жизнь безсмертную, славне Андрее, и страстем Его подражатель был еси воистинну даже до смерти.
Святый апостоле Андрее, моли Бога о нас.
Натяже тя, яко стрелу избранную и крепкую, блаженне, и пусти тя во вся концы мира, уязвити полки лукавых бесов и исцелити человеки, нечестием уязвленныя, Андрее.
Слава Отцу и Сыну и Святому Духу.
Отцу со Сыном и Святым Духом Животворящим поклонимся, Богу триипостасному, единой силе, единому Царствию; восхвалим и возопиим: Святая Троице, помилуй нас, благочестно богословящих Тя.
И ныне и присно и во веки веков. Аминь.
Родила еси Свет пресветлый, всесветлый светильниче Света, и была еси селение, вместившее оный Свет безплотный, и источник богословия, светом просвещающи концы мира, Дево.
Объят нас бездна волн, и несть избавляяй нас, и вменихомся яко овцы заколения; но спаси люди Твоя, Господи: Ты бо еси упование и утешение отчаянных.
Святый апостоле Андрее, моли Бога о нас.
Словом твоим беси бегают, и недузи отгоняются, и множества душевных страстей далече от верных прогоняются благодатию, от Бога данною тебе, Андрее.
Святый апостоле Андрее, моли Бога о нас.
Огнь любве Христовы носил еси в сердце твоем, мучениче Христов, и вопиял еси к безбожным: угасе пещь ваша, понеже Христос, упование языков, явися.
Святый апостоле Андрее, моли Бога о нас.
Солию Христовою осоляющии умы, брашна ваша усладисте небесным догматом и сладостию нетления.
Слава Отцу и Сыну и Святому Духу.
Троице Святей, Отцу, Сыну и Святому Духу поклонимся, людие, в трех Лицех хвалимей и единосущней познаваемей, единоестественней воспоим: слава Тебе.
И ныне и присно и во веки веков. Аминь.
О тебе радуются, Богородице, праотцы человечестии, яко восприяша тобою Едем, преслушанием погубленный; ты еси Дева прежде рождества и по рождестве.
Спаси от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри благосердием, всепетая Богородице, на лютое телес наших озлобление и исцели душ наших болезни.
Иерей: Малая ектения с возгласом
Мужества тезоименитаго богоглагольника и Церкве первопрестольника, Петрова сродника восхвалим, яко древле сему, и ныне нам вопиет: приидите, обретохом Желаемаго.
Древле убо Давид возставляет грешныя, якоже мене, поведати хвалу Божию праведно, но паки к вере наставляет нас и многими слезами вопиет: днесь аще глас Его услышите, не ожесточите сердец ваших, якоже иногда прогневаша при водах; в другом же псалме: воспойте Господеви, вся земля; приидите, обретохом Желаемаго.
Иерей: Вонмем. Премудрость.
Прокимен Евангелия: Во всю землю изыде вещание их, и в концы вселенныя глаголы их.
Стих: Небеса поведают славу Божию, творение же руку Его возвещает твердь.
Иерей: Господу помолимся. Яко свят еси, Боже наш… Всякое дыхание… И о сподобитися нам… Премудрость, прости, услышим святаго Евангелия…
Во время оно, проходя Иисус близ моря Галилейского, увидел двух братьев: Симона, называемого Петром, и Андрея, брата его, закидывающих сети в море, ибо они были рыболовы, и говорит им: идите за Мною, и Я сделаю вас ловцами человеков. И они тотчас, оставив сети, последовали за Ним. Оттуда, идя далее, увидел Он других двух братьев, Иакова Зеведеева и Иоанна, брата его, в лодке с Зеведеем, отцом их, починивающих сети свои, и призвал их. И они тотчас, оставив лодку и отца своего, последовали за Ним. И ходил Иисус по всей Галилее, уча в синагогах их и проповедуя Евангелие Царствия, и исцеляя всякую болезнь и всякую немощь в людях.
Слава Отцу и Сыну и Святому Духу.
Молитвами святаго апостола Андрея Первозваннаго, Милостиве, очисти множества наших согрешений.
И ныне и присно и во веки веков. Аминь.
Молитвами Богородицы, Милостиве, очисти множества наших согрешений.
Помилуй мя, Боже, по велицей милости Твоей, и по множеству щедрот Твоих очисти беззаконие мое, и помилуй мя, Боже.
Христова проповедника и служителя верна Андрея днесь песньми восхвалим, яко той человеки от бездны и глубины премудростию уловляет и, вместо трости держа в руках древо крестное, вместо же вервий мрежных силу божественную, тако исторгает души мужественно от глубин неведения блаженный и приносит их в дар царский пред Богом; сего присно, вернии, с собором учеников Христовых подобающе почтим, да милостива сотворит Бога в день судный.
Иерей: Спаси, Боже, люди Твоя…
Божественною ревностию огнь устыдеся первее в Вавилоне, в немже трие отроцы, яко в раи, хождаху и, орошаеми, тако вопияху: благословен еси, Господи Боже отец наших.
Святый апостоле Андрее, моли Бога о нас.
Воистинну явно исполнися обетование Твое, Христе, яко волн воздвижение божественный ученик Твой абие утиши, егда словом запрети, и утопающия в нем, яко Петра, возведе.
Святый апостоле Андрее, моли Бога о нас.
От мысленнаго Сиона повеле ти взыти на небо, блаженне, и чашу жизни с радостию приял еси, и взыде, и восприял еси смертию жизнь со Христом, Богом всех, славне Андрее.
Святый апостоле Андрее, моли Бога о нас.
Огнь Святаго Духа свыше приял еси, святый апостоле, языки новыми, имиже николиже глаголал еси, достойне; концем мира повелено ти бысть поведати славу Его многоразличными оными языки.
Слава Отцу и Сыну и Святому Духу.
Песнь Троическую восприимем и прославим Отца, и Сына, и Духа Праваго, и возопиим: свята, свята, свята единосущно познаваемая Троица Святая, нераздельная и неслиянная, ныне и во веки.
И ныне и присно и во веки веков. Аминь.
Со Отцем и Духом воспеваем Сына, воплощеннаго без преложения от тебе, Дево, Бога Вместилище, яко якоже была еси, тако и пребываеши нетленна, Мати и Родительнице вочеловечшагося Бога.
Во пещь вверженнии отроцы израильстии, яко злато в горниле очищенное, возблисташа и глаголаху: благословите, вся дела Господня, Господа, пойте и превозносите Его во веки.
Святый апостоле Андрее, моли Бога о нас.
Светло веселящий свет исцелений возсия нам память твоя, Андрее, и вопием: благословите, вся дела Господня, Господа, пойте и превозносите Его во веки.
Святый апостоле Андрее, моли Бога о нас.
Светел, яко молния, изшел еси во свет языком, прогоняя тьму неведения, Андрее, и просвещая глаголющия: благословите, вся дела Господня, Господа, пойте и превозносите Его во веки.
Святый апостоле Андрее, моли Бога о нас.
О учениче и друже Христов и сопричтенный апостолом Его! Егда сядет Судия на престоле с вами дванадесятию, якоже глаголет вам Обещавый, будите нам тогда стена человеколюбия.
Слава Отцу и Сыну и Святому Духу.
Трисиянное Единство и Троицу сопрестольную богословим нераздельно, разумеим же едино естеством, яко едино истинное существо в трех Лицех неслитно.
И ныне и присно и во веки веков. Аминь.
Радуйся, престоле Божий, Дево Пречистая, прибежище наше, возсиявшая Свет безплотный, иже просвети во тьме седящия, тя же мы, вернии, присно благословим.
Образ зачатия твоего, Пречистая, таинственно предъизобразися купина, огнем горящая и не сгорающая; и ныне молю тя: угаси, Богородице, пламень грехов, да тя величаю.
Святый апостоле Андрее, моли Бога о нас.
Яко ученик возлюбленный, на древе волею пригвожденному Царю твоему последовал еси даже до смерти, и взыде с радостию на высоту креста, и исправил еси шествия твоя к небеси, блаженне апостоле.
Святый апостоле Андрее, моли Бога о нас.
Иже простерл еси мрежи божественныя таинственнаго видения и языки, яко рыбы, уловил еси, всесвятый апостоле, моли Святую Троицу, да дарует нам мир, и милость, и вечную оную жизнь.
Святый апостоле Андрее, моли Бога о нас.
Благодарим тя, вернии, тобою просвещеннии, тобою от земли на небо возведеннии, яко, от служения вражия отступивше, причастницы быхом святых Ангелов и славы Господни.
Слава Отцу и Сыну и Святому Духу.
Триипостасное естество и нераздельную славу, едино Божество, непрестанно воспеваемое на небеси и на земли, Троицу нераздельную прославим, со Сыном Отца и Духа, благочестно покланяющиися.
И ныне и присно и во веки веков. Аминь.
Под благоутробие твое с верою прибегающим и благочестно покланяющимся Сыну твоему, Того, яко Бога и Господа мира, моли избавитися тления и всех напастей.
Достойно есть яко воистинну блажити тя, Богородицу, присноблаженную и пренепорочную и Матерь Бога нашего. Честнейшую херувим и славнейшую без сравнения серафим, без истления Бога Слова рождшую, сущую Богородицу тя величаем.
Иерей кадит.
Первозванный апостоле и страстей Его подражателю, уподобился еси Господу, Андрее апостоле, иже в глубине неведения заблуждшия удицею креста твоего извлекл еси и привел еси к Нему; сего ради спасеннии вернии вопием ти: моли Благаго умирити жизнь нашу и спасти души наша.
Преестественным сиянием просветился еси, святый апостоле Андрее; естества нашего Врача Иисуса моли, да от тмочисленных прегрешений наших свободит нас.
Превыше небесныя тверди, блистанием непорочнаго Света просвещенный, безпредельное Его человеколюбие моли помиловати нас, недостойных рабов Своих.
Моление наше сие есть, святый апостоле Андрее: да сподобимся славы Царствия душею и телом и, спасени, с тобою прославим благость Бога нашего во веки.
Несумненное упование на тя имущих, Дево Всесвятая, покрый нас, во многоразличных напастех сущих, и от обышедшия нас беды и зла свободи нас, и умоли Сына твоего со апостолы Его спасти вся воспевающия тя.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды)
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.
Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце, грешнии приносим: помилуй нас.
Слава Отцу и Сыну и Святому Духу.
Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне на ны, яко благоутробен, и избави ны от праведнаго гнева Твоего: Ты бо еси Бог наш, и мы людие Твои, вси дела руку Твоею, и имя Твое наречеся на нас; и помилуй нас.
И ныне и присно и во веки веков. Аминь.
Милосердия двери отверзи нам, благословенная Богородице, надеющиися на тя да не погибнем, но да избавимся тобою от сопротивных враг: ты бо еси спасение рода христианскаго.
Иерей: Помилуй нас, Боже…
О всеславный святый апостоле Андрее, Христом возлюбленный, от Ангелов почитаемый, от человек покланяемый, Церкве твердое основание, всем верным предводителю, солнцеобразным сиянием твоим мира просветителю, душ христианских озарителю и к Богу приводителю!
О всехвальный святый апостоле Андрее, благовестниче мира, всемощною молитвою твоею низпосли земли мир, благочестивому народу нашему возвышение, Святейшему и Блаженнейшему Католикосу-Патриарху всея Грузии, Архиепископу Мцхетскому и Тбилисскому и Митрополиту Бичвинтскому и Цхум-Абхазскому, великому господину и отцу нашему Илии просвещение, преосвященным митрополитом, архиепископом и епископом и всему священническому и монашескому чину украшение. Молим тя, учениче Христов, умоли возлюбившаго тя сладчайшаго Иисуса, да дарует исполнению мира мир и душам нашим велию милость.
О Пресвятыя Троицы проповедниче и Тоюже боголепно просвещенный святый апостоле Андрее, Благаго умоли, да дарует всем нам, православным, присно благоугождение, в добром жительстве преуспеяние, небеснаго гражданства явление и с тобою причастие, со святыми сожительство, с праведными водворение и со Ангелы пение; яко подобает всякая слава, честь и поклонение Отцу и Сыну и Святому Духу, ныне и присно и во веки веков. Аминь.
И иерей творит отпуст с поминовением святаго апостола Андрея, и при целовании иконы его поем сие, глас 8.
Желаемаго Бога узрев, плотию по земли ходяща, боговидче и первозванне, единокровному твоему возопил еси: радуйся, о Симоне, яко обретохом Избавителя желаемаго, от Давида проповеданнаго: имже образом желает елень на источники водныя, сице желает душа моя к Тебе, Христе Боже. Темже желание к желанию приложил еси, крестом смерть, еяже вожделел еси, и яко истинный ученик, премудре, страсти Его подражатель был еси воистинну крестом; сего ради и славы Его причастник был еси; умиленно моли о душах наших.
Владычице, приими моление рабов твоих и избави нас от всякия скорби и печали.
