Параклис от Пасхи до Недели Фоминой, то есть во Светлую седмицу
Христос воскресе из мертвых, смертию смерть поправ и сущим во гробех живот даровав. (Трижды)
Слава Отцу и Сыну и Святому Духу, и ныне и присно и во веки веков. Аминь.
Предварившия утро яже о Марии и обретшия камень отвален от гроба, слышаху от Ангела вожделенный глас: во свете присносущном Сущаго с мертвыми что ищете, яко человека? Видите гробныя пелены и всему миру проповедите, яко умертви смерть Избавитель наш и воста во славе, яко есть Сын Божий и Спаситель рода человеческаго.
(Аще восхощете присовокупити или вставити параклис некоего святаго, в таковом случае прежде глаголется тропарь святаго единожды, потом Слава, и ныне, и «Предварившия утро яже о Марии…» — весь.)
Воскресения день, просветимся, людие: Пасха, Господня Пасха! От смерти бо к жизни и от земли к небеси Христос Бог нас преведе, победную поющия. (Дважды)
Христос воскресе из мертвых. (Глаголются токмо сии три слова, а не весь тропарь.)
Очистим чувствия, и узрим неприступным светом воскресения Христа блистающася, и «радуйтеся» рекуща ясно да услышим, победную поюще. (Дважды)
Христос воскресе из мертвых.
Небеса убо достойно да веселятся, земля же да радуется, да празднует же мир, видимый же весь и невидимый: Христос бо воста, веселие вечное. (Дважды)
(Хотяй вставити параклис некоего святаго здесь и по всяком ирмосе и тропарех да вставит соответственное песнопение святаго на четыре.)
Приидите, пиво пием новое, не от камене неплодна чудодеемое, но нетления источник, из гроба одождивша Христа, в Немже утверждаемся. (Дважды)
Христос воскресе из мертвых.
Ныне вся исполнишася света, небо же и земля и преисподняя: да празднует убо вся тварь востание Христово, в Немже утверждается. (Дважды)
Христос воскресе из мертвых.
Вчера сраспинахся Тебе, Христе, совостаю днесь воскресшу Тебе, спогребохся Тебе вчера, Сам мя спрослави, Спасе, во Царствии Твоем. (Дважды)
Спаси от бед рабы твоя, Пресвятая Богородице, яко вси по Бозе к тебе прибегаем, яко нерушимой стене и предстательству.
Призри на ны, Всепетая Богородице, и тел наших лютыя язвы исцели и душ наших болезни.
Господи, помилуй (15 раз).
На Божественней стражи богоглаголивый Аввакум да станет с нами, и покажет светоносна Ангела, ясно глаголюща: днесь спасение миру, яко воскресе Христос, яко Всесилен. (Дважды)
Христос воскресе из мертвых.
Мужеский убо пол, яко разверзый девственную ложесна, явися Христос; яко человек же, Агнец наречеся; непорочен же, яко невкусен скверны, наша Пасха; и яко Бог истинен, совершен речеся. (Дважды)
Христос воскресе из мертвых.
Яко единолетный агнец, благословенный венец нам, Христос волею за всех пожрен бысть, Пасха чистительная, и паки из гроба красное правды нам возсия Солнце. (Дважды)
Христос воскресе из мертвых.
Богоотец убо Давид пред сенным ковчегом скакаше играя, людие же Божии святии, образов сбытие зряще, веселимся божественне, яко воскресе Христос, яко Всесилен. (Дважды)
Утренюем утреннюю глубоку, и вместо мира песнь принесем Владыце, и Христа узрим, правды Солнце, всем жизнь возсияюща. (Дважды)
Христос воскресе из мертвых.
Безмерное Твое благоутробие, адовыми узами содержимии зряще, к свету идяху, Христе, веселыми ногами, Пасху хваляще вечную. (Дважды)
Христос воскресе из мертвых.
Приступим, свещеноснии, исходящу Христу из гроба, яко жениху, и спразднуим любопразднственными чинми Пасху Божию спасительную. (Дважды)
Снизшел еси в преисподняя земли и сокрушил еси вереи вечныя, содержащия связанныя, Христе, и тридневен, яко от кита Иона, воскресл еси от гроба. (Дважды)
Христос воскресе из мертвых.
Сохранив цела знамения, Христе, воскресл еси от гроба, ключи Девы невредивый в рождестве Твоем, и отверзл еси нам райския двери. (Дважды)
Христос воскресе из мертвых.
Спасе мой, живое же и нежертвенное заколение, яко Бог Сам Себе волею привед Отцу, совоскресил еси всероднаго Адама, воскрес от гроба. (Дважды)
Спаси от бед рабы твоя, Пресвятая Богородице, яко вси по Бозе к тебе прибегаем, яко нерушимой стене и предстательству.
Призри на ны, Всепетая Богородице, и тел наших лютыя язвы исцели и душ наших болезни.
Господи, помилуй (Трижды).
Аще и во гроб волею снизшел еси, Безсмертне, но адову разрушил еси силу и воскресл еси яко победитель, Христе Боже, женам мироносицам радость даровавый и Твоим апостолом мир подаявый, падшим подаяй воскресение.
Иже прежде солнца Солнце зашедшее иногда во гроб, предвариша ко утру, ищущия яко дне, мироносицы девы, и друга ко друзей вопияху: о другини, приидите, вонями помажем тело живоносное и погребенное, плоть воскресившаго падшаго Адама, лежащую во гробе. Идем, потщимся, якоже волсви, и поклонимся, и принесем мира, яко дары, не в пеленах, но в плащанице обвитому, и плачим, и возопиим: о Владыко, востани, падшим подаяй воскресение.
Сей день, егоже сотвори Господь, возрадуемся и возвеселимся в онь.
Исповедайтеся Господеви, яко благ, яко в век милость Его.
Господи, помилуй (Трижды).
Во время оно, когда воскрес Иисус из мертвых, стал Он посреди учеников Своих и сказал им: мир вам. Они, смутившись и испугавшись, подумали, что видят духа. Но Он сказал им: что смущаетесь, и для чего такие мысли входят в сердца ваши? Посмотрите на руки Мои и на ноги Мои; это Я Сам; осяжите Меня и рассмотрите; ибо дух плоти и костей не имеет, как видите у Меня. И, сказав это, показал им руки и ноги. Когда же они от радости еще не верили и дивились, Он сказал им: есть ли у вас здесь какая пища? Они подали Ему часть печеной рыбы и сотового меда. И, взяв, ел пред ними. И сказал им: вот то, о чем Я вам говорил, еще быв с вами, что надлежит исполниться всему, написанному о Мне в законе Моисеевом и в пророках и псалмах. Тогда отверз им ум к уразумению Писаний. И сказал им: так написано, и так надлежало пострадать Христу, и воскреснуть из мертвых в третий день, и проповедану быть во имя Его покаянию и прощению грехов во всех народах, начиная с Иерусалима. Вы же свидетели сему. И Я пошлю обетование Отца Моего на вас; вы же оставайтесь в городе Иерусалиме, доколе не облечетесь силою свыше. И вывел их вон из города до Вифании и, подняв руки Свои, благословил их. И, когда благословлял их, стал отдаляться от них и возноситься на небо. Они поклонились Ему и возвратились в Иерусалим с великою радостью. И пребывали всегда в храме, прославляя и благословляя Бога. Аминь.
(Посем, аще молитеся параклисом святаго, прочтите и Евангелие святаго.)
Отроки от пещи избавивый, быв Человек, страждет яко смертен, и страстию смертное в нетления облачит благолепие, Един благословен отцев Бог и препрославлен. (Дважды)
Христос воскресе из мертвых.
Жены с миры богомудрыя в след Тебе течаху, Егоже, яко мертва, со слезами искаху, поклонишася радующияся живому Богу, и Пасху тайную Твоим, Христе, учеником благовестиша. (Дважды)
Христос воскресе из мертвых.
Смерти празднуем умерщвление, адово разрушение, иного жития вечнаго начало, и играюще поем Виновнаго, Единаго благословеннаго отцев Бога и препрославленнаго. (Единожды)
Христос воскресе из мертвых.
Яко воистинну священная и всепразднственная сия спасительная нощь и светозарная, светоноснаго дне востания сущи провозвестница, в нейже Безлетный Свет из гроба плотски всем возсия. (Единожды)
Сей нареченный и святый день, един суббот царь и господь, праздников праздник и торжество есть торжеств, воньже благословим Христа во веки. (Дважды)
Христос воскресе из мертвых.
Приидите, новаго винограднаго рождения, Божественнаго веселия, в нарочитом дни воскресения, Царствия Христова приобщимся, поюще Его, яко Бога, во веки. (Дважды)
Христос воскресе из мертвых.
Возведи окрест очи твои, Сионе, и виждь: се бо приидоша к тебе, яко богосветлая светила, от запада и севера и востока чада твоя, в тебе благословящая Христа во веки. (Единожды)
Христос воскресе из мертвых.
Отче Вседержителю, и Слове, и Душе, треми соединяемое во ипостасех естество, пресущественне и пребожественне, в Тя крестихомся и Тя благословим во вся веки. (Единожды)
Светися, светися, новый Иерусалиме, слава бо Господня на тебе возсия; ликуй ныне и веселися, Сионе; ты же, Чистая, красуйся, Богородице, о востании Рождшагося от тебе. (Дважды)
Христос воскресе из мертвых.
О Божественнаго, о любезнаго, о сладчайшаго Твоего гласа! С нами бо неложно обещался еси быти до скончания века, Христе, егоже вернии, утверждение надежди имуще, радуемся. (Дважды)
Христос воскресе из мертвых.
О Пасха велия и священнейшая, Христе! О мудросте, и Слове Божий, и Сило! Подавай нам истее Тебе причащатися в невечернем дни Царствия Твоего. (Дважды)
Светися, светися, новый Иерусалиме, слава бо Господня на тебе возсия; ликуй ныне и веселися, Сионе; ты же, Чистая, красуйся, Богородице, о востании Рождшагося от тебе.
Христос воскресе из мертвых, смертию смерть поправ и сущим во гробех живот даровав. (Трижды)
Предварившия утро яже о Марии и обретшия камень отвален от гроба, слышаху от Ангела вожделенный глас: во свете присносущном Сущаго с мертвыми что ищете, яко человека? Видите гробныя пелены и всему миру проповедите, яко умертви смерть Избавитель наш и воста во славе, яко есть Сын Божий и Спаситель рода человеческаго.
Слава Отцу и Сыну и Святому Духу.
(Аще молитеся параклисом святаго, глаголите тропарь святаго.)
И ныне и присно и во веки веков. Аминь.
Аще и во гроб волею снизшел еси, Безсмертне, но адову разрушил еси силу и воскресл еси яко победитель, Христе Боже, женам мироносицам радость даровавый и Твоим апостолом мир подаявый, падшим подаяй воскресение.
