Параклис преподобной Марии Египетской
Молитвами святых отец наших, Господи Иисусе Христе, Боже наш, помилуй нас. Аминь.
Слава Тебе, Боже наш, слава Тебе.
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, избави и освободи нас от грехов наших; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.
Господи, помилуй (12 раз).
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.
Слава Отцу и Сыну и Святому Духу, и ныне и присно и во веки веков. Аминь.
Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже наш, слава Тебе.
Бог Господь, и явися нам, благословен Грядый во имя Господне. Стих 1: Исповедайтеся Господеви, яко благ, яко в век милость Его. Стих 2: Вси языцы обыдоша мя, и именем Господним противляхся им. Стих 3: Не умру, но жив буду и повем дела Господня. Стих 4: Камень, егоже небрегоша зиждущии, сей бысть во главу угла; от Господа бысть сей и есть дивен во очесех наших.
В тебе, мати, известно спасеся еже по образу: приемши бо крест, последовала еси Христу, и деющи учила еси презирати убо плоть, преходит бо, прилежати же о души, вещи безсмертней; темже и со ангелы срадуется, блаженная Марие, дух твой.
Слава Отцу и Сыну и Святому Духу.
Тот же тропарь.
И ныне и присно и во веки веков. Аминь.
Не умолчим никогда, Богородице, силы твоя глаголати, недостойнии; аще бы бо ты не предстояла молящи, кто бы нас избавил от толиких бед? Кто же бы сохранил доныне свободны? Не отступим, Владычице, от тебе, твоя бо рабы спасаеши присно от всяких лютых.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Колесницегонителя фараона погрузи чудотворящий иногда Моисеов жезл, крестообразно поразив и разделив море Чермное, Израиля же бегуна пешеходца спасе, песнь Господу воспевающа, яко славно прославися.
Преподобная мати Марие, моли Бога о нас.
Светлую и божественную память твою с любовию празднующему ниспосли ми свет, предстоящая Христу, Свету неприступному, яко избавительница моя от всех мирских искушений, преподобная.
Преподобная мати Марие, моли Бога о нас.
Во Египет сошедый, Неописанный плотию и Превечный Бог, от Египта тя явил есть всесветлую звезду, Господь, ведый вся прежде бытия их.
Слава Отцу и Сыну и Святому Духу.
Божественных заповедей не ведущи, честная, божественный образ Божий осквернила еси, но божественным разумом паки очистила еси, всехвальная, обожившися божественным деянием твоим, преподобная.
И ныне и присно и во веки веков. Аминь.
О многия благости Твоея, Боже мой, о неизреченнаго Твоего снисхождения! Яко прежде блудствовавшую, Матере Твоея молением, чисту и непорочну, ангельскому житию уподоблену сотворил еси.
Утвердитель буди ми, Создателю небесе и земли на водах, утверди мя, Христе, на камени Церкве, яко несть свят паче Тебе, Человеколюбче.
Преподобная мати Марие, моли Бога о нас.
Ко вратом погибели деяньми неподобными приближшуюся, врата адова сокрушивый древле божественною Своею силою, врата покаяния отверзает тебе, всечестная, Иже Сам есть Дверь жизни.
Преподобная мати Марие, моли Бога о нас.
Оружием греха долготерпеливно прежде бывши, божественнаго Креста оружию поклонением явилася еси оружие на вся бесы и всех козней их победительница, благоутробная.
Слава Отцу и Сыну и Святому Духу.
Избавление всем кровь Свою прежде излиявый банею слез твоих освятил тя и избавил есть от проказы лютых недугов и лукавых дел, Иже всем бытие Податель.
И ныне и присно и во веки веков. Аминь.
Выше всех сотвори тя Слово, Дево, ибо Слово Отчее в тебе вселися боголепно, всем согрешившим согрешений избавление подаяй словом тем божественным.
Спаси от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, Всепетая Богородице, и тел наших лютыя язвы исцели и душ наших болезни.
Всякое плотское наслаждение обуздала еси болезнию постническою и мужественно явила еси мудрование души твоея, ибо образ крестный видети вожделела еси и себе, приснопамятная, распяла еси миру; темже, ревнительница непорочнаго жития, воздвигла еси себе, всеблаженная Марие всехвальная; моли Христа Бога прегрешений оставление даровати почитающим любовию святую память твою.
Ты еси, Христе, Бог мой, Ты сила моя, Ты Господь мой и похвала жизни моея, не оставль недр Отчих на небеси и явивыйся нищете моей; темже с пророком Аввакумом глаголем: силе Твоей слава, Человеколюбче.
Преподобная мати Марие, моли Бога о нас.
Яко Создатель естества человеческаго, яко источник милости и благости богатство, помилуй, Человеколюбче, прибегшую к Тебе и исхити ю от зверя губительнаго.
Преподобная мати Марие, моли Бога о нас.
Видети Крест потщавшися, светом Креста просветилася еси, Марие, и Крест подъемши божественным мановением, распялася еси миру, преподобная дивная.
Слава Отцу и Сыну и Святому Духу.
В лукавых виновных прежде и во многих сластех скверных бывши, яко солнце ныне возсияла еси и всем согрешившим наставница явилася еси, преподобная мати всехвальная.
И ныне и присно и во веки веков. Аминь.
Выше ума небесных возшла еси, ибо родила еси, Непорочная, Владыку небес, Царя всех, паче законов естества, Бога Законодавца, Создателя всех и Творца.
Вскую мя отринул еси от лица Твоего, Свете незаходимый, и покры мя тьма непросвещенная мрака? Но призри на мя и ко свету заповедей Твоих хождение мое направи, молюся.
Преподобная мати Марие, моли Бога о нас.
Зревый древле Моисей таинственно задняя Божия, приемый писание всеславнаго и страшнаго таинства, прославися; ныне же Мария, ко иконе всенетленной манноприемныя стамны тепле припадши, в житие ангельское облечеся.
Преподобная мати Марие, моли Бога о нас.
Возлюбивый, по псалму, видети благолепие дому Твоего и место селения славы Твоея, храм Твой осквернил, Христе; но молитвами храма Твоего, мужа неискусившагося, храм мя сотвори всетворческаго Духа.
Слава Отцу и Сыну и Святому Духу.
Уды плотския, многих очи уловлявшия, лишением сластей снедь бесов сотворила еси, блаженная, уловлена бывши воистину божественною благодатию честнаго Креста, и была еси сладкая пища Христу.
И ныне и присно и во веки веков. Аминь.
Наученный лик пророческий богословяше тайну, в тебе бывшую, Всесвятая, и различными образы прорече тя; ныне же ко иконе твоей, манноприемныя стамны всенетленней, поручнице грешных пред Богом, Мария прибегну.
Остави ми, Блаже, безчисленная согрешения моя, ихже ради призываю Тя, избави мя от лютых; к Тебе вопию: услыши мя, Боже, Спасе мой.
Преподобная мати Марие, моли Бога о нас.
Радуются, Марие, воинства ангельская, зряще в тебе равное их житие, и славу возсылают Господу.
Преподобная мати Марие, моли Бога о нас.
Ужасается дерзость бесовская, омраченная, зело о терпении твоем, яко всеславная жена, нага и едина, победила еси их, блаженная.
Слава Отцу и Сыну и Святому Духу.
Возсияла еси яко солнце, Марие всехвальная, и пустыню просветила еси многими чудесы; темже и мене светом божественным светла сотвори.
И ныне и присно и во веки веков. Аминь.
Ангели просветишася светом рождества твоего, и на земли мир излияся, и в человецех благоволение возгласися, Дево.
Спаси от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, Всепетая Богородице, и тел наших лютыя язвы исцели и душ наших болезни.
Блудодеяньми первее исполнена всяческими, Христова невеста святая днесь покаянием приятся, ангельское жительство подражающи, бесы Креста оружием погубляет; сего ради Царева невеста явися, Мария преславная.
Прокимен, псалом Давидов: Дивен Бог во святых Своих, Бог Израилев. Стих: В церквах благословите Бога, Господа от источник Израилевых.
Во время оно некто из фарисеев просил Иисуса вкусить с ним пищи; и Он, войдя в дом фарисея, возлег. И вот, женщина того города, которая была грешница, узнав, что Он возлежит в доме фарисея, принесла алавастровый сосуд с миром и, став позади у ног Его и плача, начала обливать ноги Его слезами и отирать волосами головы своей, и целовала ноги Его, и мазала миром. Видя это, фарисей, пригласивший Его, сказал сам в себе: если бы Он был пророк, то знал бы, кто и какая женщина прикасается к Нему, ибо она грешница. Обратившись к нему, Иисус сказал: Симон! Я имею нечто сказать тебе. Он говорит: скажи, Учитель. Иисус сказал: у одного заимодавца было два должника: один должен был пятьсот динариев, а другой пятьдесят, но как они не имели чем заплатить, он простил обоим. Скажи же, который из них более возлюбит его? Симон отвечал: думаю, тот, которому более простил. Он сказал ему: правильно ты рассудил. И, обратившись к женщине, сказал Симону: видишь ли ты эту женщину? Я пришел в дом твой, и ты воды Мне на ноги не дал, а она слезами облила Мне ноги и волосами головы своей отёрла; ты целования Мне не дал, а она, с тех пор как Я пришел, не перестает целовать у Меня ноги; ты головы Мне маслом не помазал, а она миром помазала Мне ноги. А потому сказываю тебе: прощаются грехи её многие за то, что она возлюбила много, а кому мало прощается, тот мало любит. Ей же сказал: прощаются тебе грехи. И возлежавшие с Ним начали говорить про себя: кто это, что и грехи прощает? Он же сказал женщине: вера твоя спасла тебя, иди с миром.
Слава Тебе, Господи, слава Тебе.
Слава Отцу и Сыну и Святому Духу.
Молитвами преподобныя матере Марии Египетския, Милостиве, очисти множества наших согрешений.
И ныне и присно и во веки веков. Аминь.
Молитвами Пресвятыя Богородицы, Милостиве, очисти множества наших согрешений.
Помилуй мя, Боже, по велицей милости Твоей, и по множеству щедрот Твоих очисти беззаконие мое, и помилуй мя, Боже.
Образ покаяния имамы тя, всеблаженная мати Марие; моли Христа Бога, да всем нам дарует дар благий, и с любовию и верою присно песньми величаем тя.
Отроцы богослужащии в Вавилоне златому образу не послужиша, и сего ради в пещь ввержени быша, и, оросившеся, тако вопияху и глаголаху: благословен еси, Господи Боже отец наших.
Преподобная мати Марие, моли Бога о нас.
Величайший во отцех, пришед в пустыню, премудрый Зосима, сподобивыйся видети преподобную матерь, вопияше: благословен еси, Господи Боже отец наших.
Преподобная мати Марие, моли Бога о нас.
Что сие, отче, странное дело всякаго благодеяния, яко видети мене, жену, пришел еси? — глаголаше преподобная старцу и вопияше: благословен еси, Господи Боже отец наших.
Слава Отцу и Сыну и Святому Духу.
Умертвивши, блаженная, движения страстей твоих, достигла еси ныне безстрастнаго пристанища, вопиющи: благословен еси, Господи Боже отец наших.
И ныне и присно и во веки веков. Аминь.
Зачала еси неизреченно, Девою пребывши, Непорочная, и родила еси Спаса мира, Христа Бога нашего; сего ради тя вси вернии песньми величаем.
Седмерицею пещь халдейский мучитель богочтецем неистово разжже, силою же лучшею спасены сия видев, Творцу и Избавителю вопияше: отроцы, благословите, священницы, воспойте, людие, превозносите во вся веки.
Преподобная мати Марие, моли Бога о нас.
От глубины сердца взыска Тя, прежде всякаго бытия предведущаго нас, и, временное сие житие оставивши, к Тебе прибегаше, Спасе, человеколюбию Твоему немолчно вопиющи: отроцы, благословите Его, священницы, воспойте Его, людие, превозносите Его во веки.
Преподобная мати Марие, моли Бога о нас.
О изменения честнаго и еже к лучшему преложения твоего, честная! О любве божественныя и ненависти плотских сластей! О веры твоея теплыя и божественныя, всехвальная Марие, юже хвалим верою, и Христа превозносим во веки.
Слава Отцу и Сыну и Святому Духу.
Обрела еси мзду в воздаяние болезней и трудов твоих, честная Марие, имиже низложила еси врага человекоубийцу, и ныне со ангелы вопиющи, немолчными песньми воспеваеши и превозносиши Христа во веки.
И ныне и присно и во веки веков. Аминь.
Всецело обнови мя благости ради во чреве твоем, Непорочная, облекийся во свойство естества нашего и нетленно сие сотворивый, прежде всех век Сый; сего ради тя, яко вину жизни нашея, песньми величаем во веки.
Ужасеся о сем небо, и земли удивишася концы, яко Бог явися человеком плотски, и чрево твое бысть пространнейшее небес; темже тя, Богородице, Ангелов и человеков чиноначалия величают.
Преподобная мати Марие, моли Бога о нас.
Претерпела еси удобь труды пустынныя, мати, укрепляема крепкою силою Христовою, ибо скверныя помыслы нападающия потоком слез твоих угасила еси, святая, постников доброто и преподобных похвало, честная.
Преподобная мати Марие, моли Бога о нас.
Всесветлым сиянием просвещает тя Свет Единородный, Христос, от Девы Непорочныя, и страшну врагом поставляет тя, всечестная, и всем явну показует тя подвижницу добрую, о преподобных утверждение.
Слава Отцу и Сыну и Святому Духу.
Всякую мудрость земную оставивши и честное Духа жилище явльшися, свободившися от лукавых дел мирских, моли Христа Царя, свободителя нашего, о совершающих с верою божественную память твою.
И ныне и присно и во веки веков. Аминь.
Паче естества умолкоша законы естеств, Дево, яко родила еси Отроча новое на земли, Богородице, Законодавца Господа, Ветхаго деньми, Владыку небес, Создателя всех; сего ради верою и любовию ублажаем тя, Непорочная.
Достойно есть яко воистину блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Поклонилася еси святым местом с радостию и в напутие жизни прияла еси благодать их, и шествие благое направила еси, и реку Иордан прешла еси, преподобная мати, и в пустынех Предтечевых вселилася еси, и дивия страсти подвигом умертвила еси, ибо плоть изнурила еси постом жестоким, всехвальная Марие, рабо Господня.
Пустынным жительством образы страстей твоих до конца изгладила еси и боголучезарный образ добродетелей в души твоей написала еси, святая, и толико преуспела еси, яко и ногама непогружаемо по водам хождаше и от земли возвышашеся на молитве, богомудрая; ныне же, дерзновенно предстоящи Богу, испроси душам нашим милость, преподобная мати.
Сети душевныя и страсти плотския мечем поста убила еси, помыслов же на ум ополчение безмолвием подвижническим угасила еси, и рекою слез твоих пустыни напоила еси, и прозябла еси нам плод духовный покаяния преизрядный; сего ради святую память твою празднуем, всеблаженная мати: испроси нам свыше велию милость.
О дивная, Христе, сила Креста Твоего! Яко прежде блудница бывшая ныне подвигом поста подвизася, и немощь плоти ни во чтоже вмени, и мужественно сопротивися бесом, и прият победы венец, и ныне молит Бога о душах наших.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, избави и освободи нас от грехов наших; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.
Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце, грешнии приносим: помилуй нас.
Слава Отцу и Сыну и Святому Духу.
Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри на ны милостию, яко благоутробен, и избави ны праведно от гнева Твоего; Ты бо еси Бог наш, и мы людие Твои, вси дела руку Твоею, и имя Твое наречеся на нас, и помилуй нас.
И ныне и присно и во веки веков. Аминь.
Милосердия двери отверзи нам, благословенная Богородице, надеющиися на тя да не погибнем, но да избавимся от сопротивных врагов: ты бо еси спасение рода христианскаго.
О, преподобная мати Марие, ангелоподобная песнопевице, Крестителю подобно почтенная, венче преподобных, игумение иноков, честь жен, покровительнице христиан, помощнице притекающих к тебе и всех молящих святыню твою надеждо и прибежище! О, всеблаженная мати Марие, звездо всесветлая, излий на ны, яко лучи, благодать святыя молитвы твоея и просвети благоверный народ наш, озари Святейшаго и Блаженнейшаго Католикоса-Патриарха всея Грузии, архиепископа Мцхетско-Тбилисскаго и митрополита Бичвинтскаго и Цхум-Абхазскаго, великаго господина отца нашего Илию, и преосвященных митрополитов, архиепископов и епископов, и весь священнический и монашеский чин. Укрепи служителей Божиих и всех православных христиан. Моли, мати, возлюбленнаго тобою Бога, да всех нас помилует великою Своею милостию. О, всечестная преподобная Марие, солнцеподобным сиянием святыя молитвы твоея покрый покланяющихся боголепной святыни твоей и избави нас от глада и губительства, от безплодия земли, от града и всякаго вреднаго воздуха и от всякия скорби; но моли Пресвятую Троицу, да дарует нам мир и здравие, благоугождение добрым жительством, просвещение православием, озарение благотворением, вселение в Царство Небесное, царствование с праведными, венчание с преподобными и вечную славу и радость, яко Отцу подобает слава, Сыну благодарение и Святому Духу поклонение от века, ныне и присно и во веки веков. Аминь.
Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Слава Отцу и Сыну и Святому Духу, и ныне и присно и во веки веков. Аминь.
Господи, помилуй. (Трижды)
Господи Иисусе Христе, Сыне Божий, молитвами Пречистыя Твоея Матере, преподобных и богоносных отец наших и всех святых Твоих, помилуй нас. Аминь.
Составил Александр Агладзе
