Молебный параклис преподобным и богоносным отцем
Молитвами святых отец наших, Господи Иисусе Христе, Боже наш, помилуй нас.
Слава Тебе, Боже наш, слава Тебе!
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, избави и освободи нас от грехов наших; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.
Господи, помилуй (12 раз).
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.
Слава Отцу и Сыну и Святому Духу, и ныне и присно и во веки веков. Аминь. Тропарь, глас 4.
Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже наш, слава Тебе.
Бог Господь, и явися нам, благословен Грядый во имя Господне. Стих 1: Исповедайтеся Господеви, яко благ, яко в век милость Его. Стих 2: Вси языцы обыдоша мя, и именем Господним противляхся им. Стих 3: Не умру, но жив буду и повем дела Господня. Стих 4: Камень, егоже небрегоша зиждущии, сей бысть во главу угла; от Господа бысть сей и есть дивен во очесех наших.
Житель пустыни и в телеси ангел, и чудотворец явился еси, богоносе отче наш (имя): постом, бдением, молитвою небесная дарования приим, исцеляеши недужныя и души, верою притекающия ти. Слава Давшему ти крепость, слава Венчавшему тя, слава Действующему тобою всем исцеления.
Слава Отцу и Сыну и Святому Духу.
Тот же тропарь.
И ныне и присно и во веки веков. Аминь.
Не умолчим никогда, Богородице, силы твоя глаголати, недостойнии; аще бы бо ты не предстояла молящи, кто бы нас избавил от толиких бед? Кто же бы сохранил доныне свободны? Не отступим, Владычице, от тебе, твоя бо рабы спасаеши присно от всяких лютых. Песнь 1, ирмос. Песнь 3, ирмос.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Ирмос: Поем Тебе, Господи Боже наш, проведый люди Твоя сквозе море и потопивый во глубине колесницы фараоновы и силу его.
Преподобне отче (имя), моли Бога о нас.
Равноангельное житие стяжал еси, богоносе отче (имя), и со Ангелы поеши Царю всех; Того моли о помиловании нас.
Преподобне отче (имя), моли Бога о нас.
Плод устен и исповедание души возносиши ко Господу, псалмы и хвалами вопия; ходатай буди и о нас, да свободимся от прегрешений.
Слава Отцу и Сыну и Святому Духу.
Очистился еси, отче отцев (имя), и чистотою сердца узрел еси Бога, в тебе вселившагося; Того моли очистити нас.
И ныне и присно и во веки веков. Аминь.
Владычице созданий, Создателя всех моли, да приобщит славе отцев хвалами славящих и с желанием поющих тебе.
Ирмос: Ты, Христе Боже наш, утверждение уповающих на Тя, на камени веры утверди нас, уповающих на Тя.
Преподобне отче (имя), моли Бога о нас.
Блистанием святыни твоея, преподобне, уподобляешися сиянию солнечному; Солнце оно правды моли просветити души наша.
Преподобне отче (имя), моли Бога о нас.
Звездо светлая, всечестный отче (имя), не престани моляся о нас, празднующих память святыни твоея.
Слава Отцу и Сыну и Святому Духу.
До небесных сводов вознеслся еси, преподобне; Царю Небесному припади о нас, да приобщимся с тобою торжеству оному духовному.
И ныне и присно и во веки веков. Аминь.
Эфира пресветлейшая Дево Марие, Владыку сущих Бога девственно неизреченно рождшая, Того моли о помиловании душ наших.
Спаси от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, Всепетая Богородице, и тел наших лютыя язвы исцели и душ наших болезни.
Иерей: Помилуй нас, Боже… с возгласом.
Седален. Глас 4. Песнь 4, ирмос. Песнь 5, ирмос. Песнь 6, ирмос.
Троице угоднаго, Ангелов подражателя, святых собеседника, преподобных венец, треблаженнаго отца (имя) вси почтим, псалмы и хвалами воспоим, память его славящии, яко той есть хранитель и покровитель празднующих святыню его.
Ирмос: Любве ради милости к сыном человеческим на Кресте вознеслся еси, и ослепоша иудее, яко Ты еси Христос, Божия Премудрость и Сила.
Преподобне отче (имя), моли Бога о нас.
На главу добродетелей возшел еси, богоносе отче (имя); Главу церквей Иисуса моли, да сподобит нас собеседовати с праведными.
Преподобне отче (имя), моли Бога о нас.
Услыши молитву нашу, всеблаженне отче, ходатайствуй о чадех твоих духовных, да радуется душа наша в лице отцев.
Слава Отцу и Сыну и Святому Духу.
Дерзновение имаши к Богу, преподобне, Емуже угодити подвизался еси; двери милости отверзи нам святою молитвою твоею.
И ныне и присно и во веки веков. Аминь.
Умиленно молим тя, Дево Святая Марие: молитвами отца (имя) утешение даруй душам нашим, да величаем тя, Владычице.
Ирмос: Свет Твой, Господи, излий на ны и избави нас, грешных, от тьмы, и милость Твою, Благий, с небесе низпосли нам.
Преподобне отче (имя), моли Бога о нас.
Отче отцев (имя), благодатию Святаго Духа просвещенный, благодать молитвы твоея излий на молящих тя.
Преподобне отче (имя), моли Бога о нас.
Благодатию Божества осиянный отче, воистинну Истиннаго моли, да десныя части сподобит уповающих на святыню твою.
Слава Отцу и Сыну и Святому Духу.
Бесов темных победитель был еси сиянием молитвы твоея, угодниче Божий; и нас от стрел их разжженных покрый, блаженне отче.
И ныне и присно и во веки веков. Аминь.
Осанна вопием Тебе, Господи Саваоф: молитвами Девы Марии сочетай поющих Тебе безплотным силам, Господи.
Богословцы собра облак мгновенно от концев вселенныя в Сион служити телу Богоприимному в день сей.
Преподобне отче (имя), моли Бога о нас.
Усты и сердцем молим тя, всечестный отче, чтущии святыню твою: от мук адовых избави нас молитвою твоею.
Преподобне отче (имя), моли Бога о нас.
Во Второе Христово пришествие ходатай буди о нас пред праведным Судиею Иисусом, да, от мук избавлени, сподобимся Небеснаго Царствия.
Слава Отцу и Сыну и Святому Духу.
Сице молящих тя услыши усердную молитву нашу, приявый благодать свыше от Бога, и исполни прошение сердца нашего, блаженне.
И ныне и присно и во веки веков. Аминь.
Надеждо всех христиан, от всех небесных воспеваемая, с ликом святых ходатаица буди нам, Владычице, да присно величаем тя.
Спаси от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, всепетая Богородице, и исцели лютыя язвы телес наших и недуги души нашея. Глас 2. Прокимен пред Евангелием… Евангелие от Луки. Песнь 7, ирмос. Песнь 8, ирмос. Песнь 9, ирмос.
И кондак святаго, или сей общий кондак:
Святынею Духа Божественне вооружився и непрестанную молитву, яко копие, в руку приим, дерзновенно пронзил еси полки бесовския, чудотворче отче (имя); моли Бога непрестанно о всех нас.
Иерей: Вонмем. Премудрость.
Честна пред Господем смерть преподобных Его.
Стих: Пойте Господеви, преподобнии Его.
Иерей: Господу помолимся. Яко свят еси, Боже наш… Всякое дыхание да хвалит Господа… И о сподобитися нам… Премудрость, прости.
Рече Господь Своим учеником: блаженны нищие духом, ибо ваше есть Царствие Божие. Блаженны алчущие ныне, ибо насытитесь. Блаженны плачущие ныне, ибо воссмеетесь. Блаженны вы, когда возненавидят вас люди и когда отлучат вас, и будут поносить, и пронесут имя ваше, как безчестное, за Сына Человеческаго. Возрадуйтесь в тот день и возвеселитесь, ибо велика вам награда на небесах.
Слава Отцу и Сыну и Святому Духу.
Молитвами преподобнаго отца нашего (имя), Милостиве, очисти множества наших согрешений.
И ныне и присно и во веки веков. Аминь.
Молитвами святыя Богородицы, Милостиве, очисти множества наших согрешений.
Помилуй мя, Боже, по велицей милости Твоей, и по множеству щедрот Твоих очисти беззаконие мое, и помилуй мя, Боже.
Стихира: Не презри моления святыни твоея, богоносе и треблаженне отче (имя), но воздвигни святыя руце твоя ко Царю Небесному, пред Нимже боголучезарным венцем прославлен еси, преподобне, и испроси нам, да дарует народу нашему мир, христианом невредимость и поющим тебе велию милость.
Иерей: Спаси, Боже… с возгласом.
Ирмос: В пещи авраамстии отроцы, от волхвов связаннии, Божественных законов ради ввержени быша и в пламени вопияху: благословен еси, Господи, во храме святыни Твоея.
Преподобне отче (имя), моли Бога о нас.
Во образе голубине сошедый Дух Святый наставляше тя ко исполнению всех заповедей Его, Иже храм и жилище Себе освяти тя; Того моли, преподобне, освятити души наша.
Преподобне отче (имя), моли Бога о нас.
Господу Богу отец наших непрестанно пел еси, блаженне отче; сего ради в безплотных Ангелех радуется душа твоя; ныне помолися о христианех, да милостив будет празднующим тебе.
Слава Отцу и Сыну и Святому Духу.
Криле бысть тебе пост и молитва, угодниче Божий (имя), имиже возлетел еси на высоту небесную и во святых наслаждаешися; ходатай буди и о нас, да приимет Господь зело грешных сих.
И ныне и присно и во веки веков. Аминь.
Дево Марие Богородице, вдовицам и сиротам руку милости простри, нищих помилуй и всех купно сподоби небесныя неувядаемыя славы.
Ирмос: Христа Бога, явльшагося поющим во образе ангельстем в пещи, отроцы, хвалите, священницы, пойте, людие, превозносите Его во веки.
Преподобне отче (имя), моли Бога о нас.
Преподобне и всечестный отче (имя), Всеблагаго Бога, тобою возлюбленнаго, моли, да сладостию твоею сподобит нас на облацех восхищени быти.
Преподобне отче (имя), моли Бога о нас.
Всеблаженне отче (имя), внуши молитвы наша и помяни нас пред Пресвятою Троицею, да и мы сподобимся славы Ея.
Слава Отцу и Сыну и Святому Духу.
Трудом и подвигом, молитвою и постом в красоте оной небесной упокоился еси; ходатай буди и нам о помиловании, отче святый.
И ныне и присно и во веки веков. Аминь.
По обычаю благости твоея умилостиви о нас Сына твоего, Мати Божия, да и мы сподобимся царствовати ходатайством твоим, Пречистая.
Ирмос: Нетленно рождество твое, Дево: Бог из чрева твоего изыде воплощенный и с человеки поживе; сего ради тя, Богородицу, вси праведно величаем.
Преподобне отче (имя), моли Бога о нас.
Превыше небес вознеслся еси святынею твоею, отче святый (имя), и с девятью чинами ангельскими славиши Святую Троицу; Ту моли о спасении душ наших.
Преподобне отче (имя), моли Бога о нас.
С небесными силами поеши Богу аллилуиа, блаженне отче, и можеши помощи нам; молитвенно молим тя: победители страстей яви нас.
Слава Отцу и Сыну и Святому Духу.
Во Святая Святых, в Царствии Небеснем, вселился еси, преподобне, и трисвято с серафимы воспеваеши Пресвятую Троицу; Ту моли освятити нас.
И ныне и присно и во веки веков. Аминь.
Воистинну Богородицу исповедуем тя, Дево Марие, с ликом ангельским величаем тя; святаго ополчения сподоби молящих тя, Владычице.
Достойно есть яко воистину блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Иерей кадит.
Яко херувими, многоочитии, зриши славу Божию, блаженне отче, юже наследовал еси, уготованную от начала подобным тебе преподобным; и нам испроси с праведными вселение.
Гласом пения и желанием души молим тя, богоблаженне отче (имя): испроси нам у Отца Небеснаго, да простирает нам руку милости и от рук воздушных духов избавит нас.
Подобающе моли Христа Бога, да Крестом Животворящим покрыет нас и, от ада избавленных, Царствия Своего сподобит молитвою твоею, отче богоблаженне.
С желанием моли Духа Святаго молитвою твоею, честный отче (имя), да Той Владычественный наставит нас на землю праву, и да сподобимся вечнаго Царствия наследовати.
О Пресвятая Дево Марие, со всеми Ангелы и богоносными отцы моли Христа Бога, да достигнем красот оных небесных и, венцы облечени, воспеваем во веки.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, избави и освободи нас от грехов наших; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.
Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце, грешнии приносим: помилуй нас.
Слава Отцу и Сыну и Святому Духу.
Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне на ны, яко благоутробен, и избави ны от праведнаго гнева Твоего: Ты бо еси Бог наш, и мы людие Твои, вси дела руку Твоею, и имя Твое наречеся на нас; и помилуй нас.
И ныне и присно и во веки веков. Аминь.
Милосердия двери отверзи нам, благословенная Богородице, надеющиися на тя да не погибнем, но да избавимся тобою от сопротивных враг: ты бо еси спасение рода христианскаго. Молитва, коленопреклонно глаголемая
Господи, помилуй (12 раз).
Иерей: Помилуй нас и услыши нас, Боже.
О всепреподобный, богоносный отче (имя), яко Ангели, поющий, яко Креститель, почтенный, в преподобных венче, иноков наставниче, отцев честь, христиан покровителю, уповающих на тя помощниче и всех молящих святыню твою надеждо и прибежище!
О всеблаженный, богодухновенный отче (имя), звездо пресветлая, излий на ны, яко лучи, благодать святыя молитвы твоея и просвети благочестивый народ наш, озари Святейшаго и Блаженнейшаго Католикоса-Патриарха всея Грузии, Архиепископа Мцхетско-Тбилисскаго и Митрополита Бичвинтскаго и Цхум-Абхазскаго, великаго господина и отца нашего Илию, и преосвященныя митрополиты, архиепископы и епископы, и весь священный и монашеский чин. Укрепи служителей Божиих и всех православных христиан. Моли, отче, возлюбленнаго тобою Бога, да всех нас помилует великою Своею милостию.
О всечестный отче святый (имя), яко лучами солнечными, святою молитвою твоею покрый покланяющихся боголепней святыни твоей и избави нас от глада и губительства, от неплодия земли, от града и всякаго вреднаго воздуха и от всякия печали. Но моли Пресвятую Троицу, да дарует нам мир и здравие, в житии благоугождение, в православии озарение, благими делы просвещение, в Царствии Небеснем вселение, с праведными царствование, с преподобными венчание и вечную славу и радость, яко Отцу подобает слава, Сыну благодарение и Святому Духу поклонение от века, ныне и присно и во веки веков.
Достойно есть яко воистину блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Слава Отцу и Сыну и Святому Духу, и ныне и присно и во веки веков. Аминь.
Господи, помилуй. (Трижды)
Господи Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых Твоих, помилуй нас. Аминь.
При целовании же иконы его поем сие:
Всякую волю плотскую оставил еси и воли Божией последовал еси, всеблаженне отче (имя); благодать добродетели с небесе приял еси и, яко ангел в человецех, сиял еси Божественным жительством и Царю Небесному угодил еси, преподобне; темже дерзновение имаши ко Отцу. Моли Всеблагаго Бога, да избавит всех чад твоих от напастей и страданий душевных и телесных.
Владычице Марие, призри на верою покланяющихся и с желанием лобызающих честныя иконы святых, благодать же их и милость твоя да будет с нами во вся дни живота нашего.
