Параклис святой великомученице Марине
Иерей: Благословен Бог наш…
И аще мирянин, глаголет: Молитвами святых отец наших, Господи Иисусе Христе, Боже наш, помилуй нас. Аминь.
Слава Тебе, Боже наш, слава Тебе.
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Священник: Яко Твое есть Царство…
Господи, помилуй. (12 раз)
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.
Слава Отцу и Сыну и Святому Духу, и ныне и присно и во веки веков. Аминь.
Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже наш, слава Тебе.
Бог Господь, и явися нам, благословен Грядый во имя Господне.
Стих 1: Исповедайтеся Господеви, яко благ, яко в век милость Его. Стих 2: Вси языцы обыдоша мя, и именем Господним противляхся им. Стих 3: Не умру, но жив буду и повем дела Господня. Стих 4: Камень, егоже небрегоша зиждущии, сей бысть во главу угла; от Господа бысть сей и есть дивен во очесех наших.
Светло украсила еси светильник твой елеем крове с мудрыми девами, чающими Жениха; в девах преславная мученице Марино, заступи нас.
Слава Отцу и Сыну и Святому Духу.
Агница Твоя, Иисусе, Марина зовет велиим гласом: Тебе, Женише мой, люблю, и Тебе ищущи кровь мою проливаю, и сраспинаюся, и спогребаюся крещению Твоему, и стражду Тебе ради, яко да царствую с Тобою, и умираю за имя Твое, да и прославлюся с Тобою; но, яко жертву непорочную, приими мя, с любовию к Тебе прибегающую. Тоя молитвами, Христе Боже, спаси души наша.
И ныне и присно и во веки веков. Аминь.
Не умолчим никогда, Богородице, силы твоя глаголати, недостойнии; аще бы бо ты не предстояла молящи, кто бы нас сохранил доныне свободны? Не отступим, Владычице, от тебе, твоя бо рабы спасаеши присно от всяких лютых.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Ирмос: Пучиною морскою покры фараона с колесницами Сокрушаяй брани, Христос Бог; Тому поим, яко прославися.
Святая великомученице Марино, моли Бога о нас.
Явилася еси дева в мучениках и в девах мученица велия, о многострадальная Марино, и в брачном чертозе царском невеста святая Христова была еси.
Святая великомученице Марино, моли Бога о нас.
Мученическое поприще прешла еси мужественно, яко окрили тя желание Христа Бога и паче женскаго естества мужественнейшу показа.
Святая великомученице Марино, моли Бога о нас.
Мятеж отеческаго упорства оставила еси и последовала еси Христу, блаженная, и заповедь Его напечатлела еси в сердце твоем, и силою свыше победила еси ополчение вражие.
Слава Отцу и Сыну и Святому Духу.
Подобно розе, прозябла еси от терния бесовския прелести и, премудростию и благодатию сердцу твоему просветившуся, преподобная, страх мучителей не устраши мужества души твоея.
И ныне и присно и во веки веков. Аминь.
Ты еси упование и похвала верных, Богородице Дево; не престани моляще о нас, да избавит нас от напастей.
Ирмос: Ты, Христе, Божия Сило, избави мя от руки враг, стреляющих мя стрелами страстей, яко зело изнемогох; но укрепи мя непреложно, да хвалю Тя, Милостиве.
Святая великомученице Марино, моли Бога о нас.
Ни огнь, ни раны, ни меч, ни страх мучителей, ни рыкание зверей, ни боязнь смерти не возмогоша разлучити тебе, преславная, от любве божественныя.
Святая великомученице Марино, моли Бога о нас.
Крест Христа Спаса исповедала еси оружие твердое, Марино дивная, и мучителей меч и ярость их во ничтоже вменила еси, и ко Христу Богу сице вопияла еси: помяни мя во Царствии Твоем.
Святая великомученице Марино, моли Бога о нас.
Святыя крове твоея поток, премудрая дево, за Христа излиянный, угаси и потопи всю прелесть идолов бездушных, и собор свидетелей принесе Богу, и духи лукавыя удави.
Слава Отцу и Сыну и Святому Духу.
Яко избранная Божия, святая и возлюбленная, земную доброту изменила еси на светлость незаходимую и сочетание с множеством мучеников. Ныне хвалящия тя избави, мужественная Марино, от грехов лютых и многоразличных напастей.
И ныне и присно и во веки веков. Аминь.
Исповедуем вси вернии с верою Богородицу тя, Дево, яже паче естества понесла еси Создателя твоего, Бога, и ходатаицу тя посылаем к Сыну твоему: не умолчи на помощь.
Спаси от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, Всепетая Богородице, и тел наших лютыя язвы исцели и душ наших болезни.
Иерей: Помилуй нас, Боже, по велицей милости Твоей, молим Ти ся, услыши и помилуй.
Лик: Господи, помилуй (Трижды).
Иерей: Еще молимся о богохранимем народе нашем и державе его (о христолюбивом правительстве и воинстве его).
Лик: Господи, помилуй (Трижды).
Иерей: Еще молимся о Святейшем и Блаженнейшем Католикосе-Патриархе всея Грузии, Архиепископе Мцхетско-Тбилисском, великом господине и отце нашем Илии, и о преосвященнейшем (поминается местный архиерей), и о всей во Христе братии нашей.
Лик: Господи, помилуй (Трижды).
Иерей: Еще помолимся Господу Богу нашему, да помилует раба или рабу… Умножи, Господи, дни и лета живота их и избави их, Господи, от всякия скорби, гнева и нужды, и от всякия язвы душевныя и телесныя, и прости им всякое согрешение, вольное же и невольное.
Лик: Господи, помилуй (Трижды).
Иерей: Еще молимся о всех православных христианех.
Лик: Господи, помилуй (Трижды).
Иерей: Яко милостив и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Прииде, празднолюбцы, праздник светлый, память преславная страстотерпицы Христовы Марины, и всех веселит, и сияет светом чудес в мире, и простирает на человеки благодати неоскудныя; тоя молитвами спаси нас, Господи, и даруй душам нашим велию милость.
Слава Отцу и Сыну и Святому Духу.
Силою свыше победила еси ополчение вражие, Марино преславная, и попрала еси прелесть идолов суетных, и служителей их предала еси погибели; моли Христа о нас, днесь память твою величающих.
И ныне и присно и во веки веков. Аминь.
Ирмос: Егда услыша пришествие Твое пророк, Христе, удивлением возопи: услышах слух Твой, Господи, яко пришел еси на землю, да спасеши днесь помазанныя Твоя.
Святая великомученице Марино, моли Бога о нас.
Слышала еси страстотерпцев Христовых мучеников терпение мук и страданий и подобна была еси мужеству их, и вопияла еси: Господи Человеколюбче, даждь ми силу победити враги.
Святая великомученице Марино, моли Бога о нас.
Пасущу ти стада, подобно Рахили, блаженная, узре тя мучитель беззаконный и удивися доброте твоей, и повеле яти тя, премудрая, невесто Христова, преподобная Марино.
Святая великомученице Марино, моли Бога о нас.
Помышляше христиан гонитель, епарх Олимврий, обещанием царских почестей прельстити тя, но тобою обличися безумие несмысленнаго онаго, и брачнаго чертога царскаго Христова наследница была еси.
Слава Отцу и Сыну и Святому Духу.
Немощь женская отнюд не облада тобою, блаженная, но безстрашно предстала еси мучителем и дерзновенно исповедала еси Христа Бога, и безумие скверных идолослужителей обличила еси силою божественною.
И ныне и присно и во веки веков. Аминь.
Пространнейшая небес еси, херувимов вышшая, Слова Мати, Пречистая Дево Марие, похвало всех нас, христиан, заступи нас.
Ирмос: Дух спасения, Господи, иже во чреве прияша древнии пророцы и на земли родиша, возвести нам пришествие Твое на землю во спасение верных, и ныне просвещеннии песньми величаем Тя.
Святая великомученице Марино, моли Бога о нас.
Кровь каплющая, от тебе истекающая, багряницу безценную и порфиру нескверныя жизни исткала тебе, преславная, имиже ныне украшена на небеси пред Христом Царем предстоиши.
Святая великомученице Марино, моли Бога о нас.
Дивными молитвами твоими, дево, зело хвалящагося и гордаго змия связала еси, и уязвила еси, и попрала еси ногою твоею святою, яко весть Всесильный волю боящихся Его благостию исполняти.
Святая великомученице Марино, моли Бога о нас.
Венцем превысшия славы украси тя Христос Бог, Марино, яко виде, яко пламень огненный и горесть мук Его ради усердно терпела еси, преславная, и с небесными безплотными сопричте тя.
Слава Отцу и Сыну и Святому Духу.
Разреши узы согрешений моих, невесто избранная Марино, ходатайством твоим, и рукописание прегрешений моих раздери, и мрак страстей моих разжени, яко предстоящая Богу.
И ныне и присно и во веки веков. Аминь.
Небо и земля просветишася тобою, Неневестная Мати Иисусова, яко возсияла еси нам Свет неугасимый, Бога всех, Иже нас, во тьме заключенных, избави и Небеснаго Царствия наследники показа.
Ирмос: Погружен волнами напастей мира сего, кораблем греха потоплен и зверю душегубительному вержен, вопию Ти: яко Иону, от тли и смерти избави мя, Христе.
Святая великомученице Марино, моли Бога о нас.
Вседостойна желания и свята явилася еси, и источник светлый, и вертоград плодоносный, Марино преславная, и рай радостотворный, и невеста прекрасная Жениху душ.
Святая великомученице Марино, моли Бога о нас.
Восприяла еси оружие Крест Христов и сразилася еси крепко с сопротивным, и низложила еси дерзость его, всеблаженная Марино; тако и на нас низложи дерзости бесовския.
Святая великомученице Марино, моли Бога о нас.
Подъяла еси мужественно подвиги, о многострадальная мученице, и хваляющагося первее неистовством погубила еси, силою Креста вооружившися, Марино преславная, мужественная, всепетая.
Слава Отцу и Сыну и Святому Духу.
Молитвою и молением ко Христу дадеся тебе сила свыше на враги, и низложила еси сопротивныя, и муки презрела еси; ныне от сети вражия сохрани нас, всехвальная Марино, хвалящих подвиг твой.
И ныне и присно и во веки веков. Аминь.
Предзнаменова таинство твое, Дево, древле кивот закона, приемый божественная писания, и стамна златая, вместилище манны, и жезл.
Избави от бед хвалящих тя, великомученице Марино, яко вси к тебе прибегаем, яко нерушимой стене и предстательству.
Призри на нас, страстотерпице мученице Марино, и исцели лютыя язвы телес наших и болезни душ наших.
Иерей: Паки и паки миром Господу помолимся…
Лик: Господи, помилуй.
Иерей: Заступи, спаси, помилуй и сохрани нас, Боже, Твоею благодатию.
Лик: Господи, помилуй.
Иерей: Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга и весь живот наш Христу Богу предадим.
Лик: Тебе, Господи.
Иерей: Яко Ты еси Царь мира и Спас душ наших, и Тебе славу возсылаем, Отцу и Сыну и Святому Духу, ныне и присно и во веки веков. Аминь.
Лик: Аминь.
Девства добротами украсившаяся, Дево, и мученичества подвигом увенчавшаяся, Марино, кровьми подвигов обагрившаяся и чудесы исцелений облистаемая, благочестно приими, мученице, дары победы подвигов твоих.
Иерей: Вонмем. Премудрость. Прокимен, глас 4.
Дивен Бог во святых Своих, Бог Израилев.
Стих: В церквах благословите Бога, Господа от источник Израилевых.
Иерей: Господу помолимся.
Лик: Господи, помилуй.
Иерей: Яко свят еси, Боже наш, и во святых почиваеши, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Иерей: Всякое дыхание да хвалит Господа.
Стих: Хвалите Бога во святых Его, хвалите Его во утверждении силы Его.
Иерей: И о сподобитися нам слышанию святаго Евангелия Господа Бога молим.
Лик: Господи, помилуй (Трижды).
Иерей: Премудрость, прости, услышим святаго Евангелия. Мир всем.
Лик: И духови твоему.
Иерей: От Матфея святаго Евангелия чтение.
Лик: Слава Тебе, Господи, слава Тебе.
Иерей: Вонмем.
Во время оно, выйдя оттуда, Иисус удалился в страны Тирские и Сидонские. И вот, женщина Хананеянка, выйдя из тех мест, кричала Ему: помилуй меня, Господи, сын Давидов, дочь моя жестоко беснуется. Но Он не отвечал ей ни слова. И ученики Его, приступив, просили Его: отпусти ее, потому что кричит за нами. Он же сказал в ответ: Я послан только к погибшим овцам дома Израилева. А она, подойдя, кланялась Ему и говорила: Господи! помоги мне. Он же сказал в ответ: нехорошо взять хлеб у детей и бросить псам. Она сказала: так, Господи! но и псы едят крохи, которые падают со стола господ их. Тогда Иисус сказал ей в ответ: о, женщина! велика вера твоя; да будет тебе по желанию твоему. И исцелилась дочь ее в тот час.
Лик: Слава Тебе, Господи, слава Тебе.
Слава Отцу и Сыну и Святому Духу.
Молитвами всехвальныя великомученицы Марины, Милостиве, очисти множества наших согрешений.
И ныне и присно и во веки веков. Аминь.
Молитвами Богородицы, Милостиве, очисти множества наших согрешений.
Помилуй мя, Боже, по велицей милости Твоей, и по множеству щедрот Твоих очисти беззаконие мое, и помилуй мя, Боже.
Стихира: Божественным светом добродетелей возсияла еси и мученическим венцем боголепно украсилася еси, честная, и добротою нетленно украсилася еси; сего ради сподобилася еси небесных селений добрым подвигом и мужественным мученичеством, имиже умертвила еси врага лукаваго, Марино богомудрая; моли Христа Бога грехов оставление даровати нам, с любовию совершающим память твою.
Иерей: Спаси, Боже, люди Твоя и благослови достояние Твое, посети мир Твой милостию и щедротами, возвыси рог христиан православных и низпосли на ны милости Твоя богатыя, молитвами Всепречистыя Владычицы нашея Богородицы и Приснодевы Марии; силою Честнаго и Животворящаго Креста, силою Креста от виноградной лозы; предстательствы честных Небесных Сил безплотных; честнаго, славнаго Пророка, Предтечи и Крестителя Иоанна; святаго пророка Илии Фесвитянина и праведнаго Еноха; святых славных и всехвальных первоверховных апостолов Петра и Павла; святаго апостола Фомы и просветителей Грузии, апостолов Андрея Первозваннаго, Симона Кананита и Матфия; святыя матере нашея, равноапостольныя девы Нины; святых равноапостольных царя Мириана и царицы Наны; иже во святых отец наших и вселенских великих учителей и святителей Василия Великаго, Григория Богослова и Иоанна Златоустаго; иже во святых отца нашего Николая, архиепископа Мир Ликийских, чудотворца; святых славных и добропобедных мучеников: святаго великомученика и победоносца Георгия и святыя великомученицы девы Варвары; святых блаженных отец наших Лукиана, Додо, Дамиана, Онуфрия и Симеона Гареджийских; святаго преподобнаго отца нашего Иоанна Зедазнийскаго и двоюнадесяти учеников его, вторых просветителей Церкве Грузинския и присных ея покровителей, и от учеников преподобнаго отца нашего Давида Гареджийскаго; святаго священномученика Неофита Урбнисскаго; святаго великомученика Або Тбилисскаго; богомудрых блаженных отец Илариона Грузина, Серапиона Зарзмскаго и Григория Хандзтийскаго; святых славных мучеников, князей Аргветских Давида и Константина; святыя благоверныя царицы Тамары; преподобных и богоносных отец наших Святогорцев Гавриила, Георгия, Иоанна и Евфимия; святых благоверных и великих царей наших Вахтанга Горгасала, Ашота Куропалата, Давида Строителя и Соломона; святых добропобедных царей и цариц Архила, Димитрия, Шушаники, Кетевани и Луарсаба; святых ста тысяч мучеников, в Тбилиси от хорезмийцев избиенных; святаго великомученика Бидзины и мучеников Шалвы и Элизбара, эриставов Ксанских; святых шести тысяч мучеников, иноков Гареджийских; святаго праведнаго Илии; святых и праведных родителей Богородицы Иоакима и Анны, и святыя великомученицы девы Марины, и всех святых Твоих: молим Тя, многомилостиве Господи, услыши нас, грешных, молящихся Тебе, и помилуй нас.
Лик: Господи, помилуй (12 раз).
Иерей: Милостию, и щедротами, и человеколюбием Единороднаго Сына Твоего, с Нимже благословен еси, со Пресвятым, и Благим, и Животворящим Твоим Духом, ныне и присно и во веки веков.
Лик: Аминь.
Ирмос: Отроком в Вавилоне в пещи роса окропися свыше от Бога, и вопияху, глаголюще: благословен еси, Господи отец наших, Боже, во веки.
Святая великомученице Марино, моли Бога о нас.
Неприступный Свет просвети ум твой, всехвальная Марино, и озари душу твою, и вопияла еси: отцев наших Боже, благословен еси.
Святая великомученице Марино, моли Бога о нас.
Многоразличным мукам предала еси юность твою Христа Спаса ради, блаженная мученице, всечестная Марино, и славила еси Его, глаголющи: отцев наших Боже, благословен еси.
Святая великомученице Марино, моли Бога о нас.
Коварством диавольским глаголаше тебе мучитель: отрецыся Христа, и возвеличу тя; ты же мужественно обличила еси безумие его, глаголющи: отцев наших Боже, благословен еси.
Слава Отцу и Сыну и Святому Духу.
На древе повешена, строгание плоти и опаление удов претерпела еси упования ради непреходящаго и света, егоже обрела еси, и возопила еси: отцев наших Боже, благословен еси.
И ныне и присно и во веки веков. Аминь.
Радуйся, дщи Адамова; радуйся, Невесто Божия; радуйся, Мати Спасова, вместившая Творца твоего; заступи нас присно.
Ирмос: Купина в Синаи несгораемая Бога яви гугнивому и косноязычному Моисею, и ревность божественная отроки от пещи избави, и в песни вопияху: вся дела, благословите днесь Бога и Господа, пойте и превозносите Его во веки.
Святая великомученице Марино, моли Бога о нас.
Различными добродетельми украшенная, сподобилася еси, мужественная, множайших дарований и воздаяний, и Край желаний боголепно зриши, Марино, и вопиеши: благословите, вся дела Господня, Господа.
Святая великомученице Марино, моли Бога о нас.
Змий прельститель в страшном видении ополчися на брань с тобою, ты же, святая мученице, всечестная Марино, во чрево его поглощена, вопияла еси: благословите, вся дела Господня, Господа.
Святая великомученице Марино, моли Бога о нас.
Руце крестообразно простерши, преславная, мужественная мученице Марино, разторгла еси прельстителя и изыдела еси невредима, и сице возопила еси: благословите, вся дела Господня, Господа.
Слава Отцу и Сыну и Святому Духу.
Видением Святаго Духа во образе голубине и явлением Креста связала еси прельстителя, страстотерпице, мужественная Марино, и потопила еси во глубине, и вопияла еси: благословите, вся дела Господня, Господа.
И ныне и присно и во веки веков. Аминь.
Кивот закона предзнаменова тя: не скрижали имела еси, но Христа Бога, Законодавца, Богородице, Егоже беззаконнии людие распяша во спасение наше, глаголющих: Бога и Господа пойте и превозносите Его во веки.
Ирмос: Неискусобрачная, нетления хранительница, Слово Творца в естество облекла еси. Прииди, Пречистая Дево Богородице, с рожденным от тебе научи верныя, да сподобимся славити тя.
Святая великомученице Марино, моли Бога о нас.
Во мучении утопления твоего в сосуде водном приняла еси крещение, Дух же Святый, сошедый на тя во образе голубине, коснуся главы твоея и возложи на ню венец златый; Того моли, Марино, о нас, да будем и вселимся в небесный Сион.
Святая великомученице Марино, моли Бога о нас.
Оскудеша ухищрения мучений мучителю, и, подобно жертвенному тельцу, осуди тя на заклание; ты же с молитвою преклонила еси выю твою мечу и, яко агница очищенная, принеслася еси на небесный жертвенник.
Святая великомученице Марино, моли Бога о нас.
Радости исполняется ныне обитель Ватопедская и хвалится Одиши, имущия драгоценнейшее сокровище — нетленныя руки твоя, яко святыя мощи твоя исцеляют множество недугов, бесы прогоняют и весь мир веселят.
Слава Отцу и Сыну и Святому Духу.
Якоже прешла еси бездны мучений кормилом Креста и вошла еси в тихое пристанище небесное, тако и ныне покрый от сетей сатаниных и от веры чуждыя землю Иверскую, живущих же на ней от всякаго злоключения.
И ныне и присно и во веки веков. Аминь.
Ветхий закон предзнаменует тя, Дево Святая, новый же исповедует Богородицею, Неневестная; мы, вернии, с верою глаголем: Мати Слова, не престани моляще Бога о рабех твоих.
Достойно есть яко воистинну блажити тя, Богородицу, присноблаженную и пренепорочную и Матерь Бога нашего. Честнейшую херувим и славнейшую без сравнения серафим, без истления Бога Слова рождшую, сущую Богородицу тя величаем.
Иерей кадит.
Яко Небесному Жениху обрученная, дево блаженная, в небесных обителех светло вселилася еси с пятию мудрыми девами и с воинством мучеников, с нимиже почитаем тя, всехвальная Марино, и молим: память твою поминающих и мужество твое восхваляющих спаси ходатайством твоим, и прегрешений прощение даруй, и святую Церковь непоколебиму сохрани.
Страстотерпице, дево-мученице, моли Христа Бога, да призрит на люди Своя, не имущия ответа пред Ним, и сохранит от всякия скорби и от сетей диавольских, и спасет души наша, яко милостив.
ჰოი, ქალწულთა თუალო, მოწამეო მარინე, ოხაი ჩუენი შესწირე მხსნელისა მიმართ და გვითხოვე, განაბნიოს მტერნი ჩუენნი ურიცხვი და დაამხოს ზაკუვით მოსრულნი ბოროტნი თანამზრახველნი მათნი, აღსპობისა ჩუენისა მსურველნი და კუალად შეგვკრიბოს განბნეული ერი ქართველთა.
Якоже отвергла еси ласкательство лукаваго онаго беззаконнаго мучителя, богоносная Марино, тако и ныне угаси советы лукавых, на народ наш воздвигнутыя, и девы и юношы наша от страстей всепагубных избави и от безстудия покрый.
О великая мученице Марино, мира заступнице, и о нас моли Деву Небесную, да, яко милостивая, изреченная ею исполнит и да не отъимет заступления своего от людей, жребия своего, яко согрешихом, но на ню повседневно упования наша возлагаем.
Воистинну достойно прославилася еси, отеческаго нечестия ненавистнице и истинныя веры рачительнице Марино, в Царствии Небеснем, и радуешися с мудрыми девами; и о нас ходатаица буди, приими песнь и принеси Богу:
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради. Господи, помилуй (трижды).
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Священник: Яко Твое есть Царство…
Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце Благому, грешнии приносим: помилуй нас, Господи, помилуй нас.
Слава Отцу и Сыну и Святому Духу.
Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне на ны, яко благоутробен, и избави ны от праведнаго гнева Твоего: Ты бо еси Бог наш, и мы людие Твои, вси дела руку Твоею, и имя Твое наречеся на нас; и помилуй нас.
И ныне и присно и во веки веков. Аминь.
Милосердия двери отверзи нам, благословенная Богородице, надеющиися на тя да не погибнем, но да избавимся тобою от сопротивных враг: ты бо еси спасение рода христианскаго.
Иерей: Помилуй нас, Боже, по велицей милости Твоей, молим Ти ся, услыши и помилуй.
Лик: Господи, помилуй (Трижды).
Иерей: Еще молимся о милости, жизни, мире, здравии, долгоденствии, спасении, просвещении, прощении, благопоспешении и тишине рабов (или рабынь) Божиих и всех чад Церкве нашея, да сохранит Господь Бог наш царствующий град сей наш и святый храм сей и вся грады и веси Иверии от глада, губительства, труса, потопа, огня, меча, нашествия иноплеменников, междоусобныя брани и смертоносныя язвы; да милостив нам будет Бог благостию и человеколюбием Своим, во еже благостояти, и отвратит гнев, на ны повседневно движимый, и избавит нас от праведнаго Своего прещения, на ны належащаго, и помилует нас.
Лик: Господи, помилуй (40 раз).
Иерей: Услыши ны, Боже, Спасителю наш, упование всех концев земли и сущих в мори далече, и милостив, милостив буди о гресех наших, и помилуй ны; милостив бо и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
О во святых мужественная дево и мученице Марино, Церкве Христовы светильниче пресветлый, к Богу теплая молитвеннице и всем, с верою к тебе прибегающим, скорая помощнице!
ჰოი, წმიდაო ქალწულო და დიდო მოწამეო მარინე, ევედრე მადიდებელსა შენსა ქრისტესა ღმერთსა, რაითა დაიცვას მამული ჩუენი მტერისა საფრხისაგან და ძმათა მტერობისაგან, და წყალობითა მოხედოს დედისა თვისისა წილხდომილსა ერსა ჩუენსა, მართლმადიდებელსა და მართლაღმსაარებელსა. განჰკურნენ მრავალწყლულებანი ჩუენნი ღმრთივმისათუალველითა ლოცვითა შენითა და მოგუეც საღმრთოი მოშურნეობაი მამულისაი, სიმართლისა სიყუა-რული და მხნეობაი სულისაი. აღგვავსენ საღმრთოითა მღვიძარებითა და მოგუა-ნიჭე ჩუენ სარწმუნოებაი შეურყეველი, ცხორებისა სიწმიდეი და შიში ღმრთისაი, რაითა ყოველნი მკვიდრნი საქართველოისანი მართლმადიდებლობასა და ერთსა ზრახვასა შინა განვმტკიცდეთ და ერთითა პირითა და ერთითა გულითა ქრისტესა, ჭეშმარიტსა ღმერთსა ვუგალობდეთ. მსახურებასა შინა განაძლიერე უწმიდესი და უნეტარესი, სრულიად საქართველოის კათალიკოს-პატრიარქი, მცხეთა-თბილისის მთავარეპისკოპოსი და ბიჭვინთისა და ცხუმ-აფხაზეთის მიტროპოლიტი, დიდი მეუფეი, მამაი ჩუენი ილია, ყოვლად-სამღდელონი მიტროპოლიტნი, მთავარეპისკოპოსნი და ეპისკოპოსნი, პატიოსანნი მღდელნი, ქრისტეს მიერ დიაკონნი და ყოველნი სამონაზვნო წესნი, ზიარნი მართლმადიდებელისა ეკლესიისანი და ყოველნი მართლმორწმუნენი ქრისტეანენი. მოსახელენი და მვედრებელნი შენნი ადიდე. ევედრე, ყოვლადბრწყინვალეო მარტვილო, შენგან შეყუარებულსა ტკბილსა იესუს, რაითა შეგვინდოს განდგომი-ლებანი, ეკლესიათა ნგრევა-შეგინებანი, ღმრთისმსახურთა მკვლელობანი, ღალა-ტი, შური და უწესობანი, საშოსა შინა ჩვილთა ჩუენთა კვლანი და სხვანიცა შეცოდებათა ჩუენთა სიმრავლენი.
О венценосная Марино, мученице и невесто Христа Бога! Ходатайствуй пред Ним, да дарует церквам славу, священству честь, начальником доброе пасение народа, воином мужество, мирянам безгрешие и женам целомудрие; нам же да дарует жизнь в добром жительстве, украшение благими делы, просвещение святою молитвою, очищение исповеданием, озарение причащением, честную кончину, вселение во Царствие, со Ангелы пение, со святыми царствование и с тобою славу и благодарение, яко Тому подобает всякая слава, честь и поклонение, со Отцем и Святым Духом, ныне и присно и во веки веков. Аминь.
Иерей: Премудрость!
Пресвятая Богородице, спаси нас.
Лик: Честнейшую херувим и славнейшую без сравнения серафим, без истления Бога Слова рождшую, сущую Богородицу тя величаем.
Иерей: Слава Тебе, Боже наш, слава Тебе.
Лик: Слава Отцу и Сыну и Святому Духу, и ныне и присно и во веки веков. Аминь. Господи, помилуй (трижды). Благослови.
Иерей творит отпуст.
Лик: Аминь.
Мирянин: Слава Отцу и Сыну и Святому Духу, и ныне и присно и во веки веков. Аминь.
Господи, помилуй (трижды),
Господи Иисусе Христе, Сыне Божий, молитвами Пресвятыя Твоея Матере, святыя великомученицы Марины и всех святых, помилуй нас. Аминь.
При целовании иконы его поем сице:
Всякаго блага помощнице и наставнице всех молящихся тебе, дево-мученице Марино, всецело уповающе, к тебе прибегаем: понеже кровь твою пролияла еси любве ради Христовы, дерзновение имаши к Нему; Того моли, блаженная, да невредимы соблюдемся от всех напастей душевных и телесных и сподобимся Царствия Небеснаго, и с тобою прославим Пресвятую Троицу во веки.
Собрала и составила Тинатин Мчедлишвили
