Молебный параклис святому Иоанну Крестителю
Молитвами святых отец наших, Господи Иисусе Христе, Боже наш, помилуй нас.
Слава Тебе, Боже наш, слава Тебе!
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, избави и освободи нас от грехов наших; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.
Господи, помилуй (12 раз).
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.
Слава Отцу и Сыну и Святому Духу, и ныне и присно и во веки веков. Аминь. Тропарь, глас 4.
Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже наш, слава Тебе.
Бог Господь, и явися нам, благословен Грядый во имя Господне. Стих 1: Исповедайтеся Господеви, яко благ, яко в век милость Его. Стих 2: Вси языцы обыдоша мя, и именем Господним противляхся им. Стих 3: Не умру, но жив буду и повем дела Господня. Стих 4: Камень, егоже небрегоша зиждущии, сей бысть во главу угла; от Господа бысть сей и есть дивен во очесех наших.
Предтече и Крестителю Иоанне, пустыни жителю, слышавый Божественный глас Отчий, сподобивыйся Сына и Господа крестити и бывый зритель Духа Святаго, всем проповедавый крещение покаяния, и нам, грешным, ходатай буди, да молитвою твоею приимем оставление грехов.
Слава Отцу и Сыну и Святому Духу.
Тот же тропарь.
И ныне и присно и во веки веков. Аминь.
Не умолчим никогда, Богородице, силы твоя глаголати, недостойнии; аще бы бо ты не предстояла молящи, кто бы нас избавил от толиких бед? Кто же бы сохранил доныне свободны? Не отступим, Владычице, от тебе, твоя бо рабы спасаеши присно от всяких лютых. Песнь 1, ирмос. Песнь 3, ирмос.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Ирмос: Богу, спасшему древле люди от моря и потопившему фараона сопротивнаго, Тому единому поим, яко прославися.
Святый славный Крестителю Иоанне, моли Бога о нас.
Венцем боголучезарным просвещенный Крестителю Иоанне, боголепный венец добродетелей даруй нам, молим тя.
Святый славный Крестителю Иоанне, моли Бога о нас.
Ангеле в человецех, славне на небесех, ангельское житие даруй нам, да поем Царю Ангелов.
Слава Отцу и Сыну и Святому Духу.
Христов Крестителю Иоанне хвалимый, от Иисуса в рожденных женами большим нареченный, Христа Бога моли помиловати создания Своя.
И ныне и присно и во веки веков. Аминь.
Во чреве Елисаветине исполнися Духа Святаго Иоанн и блаженну нарече тя, Богородице Марие; с ним молим тя: помилуй нас.
Ирмос: Утверди, Господи, ум наш светом оным невечерним, да пою Тебе, Богу, во веки.
Святый славный Крестителю Иоанне, моли Бога о нас.
Светлый духом, печате пророков Иоанне, сияние молитвы твоея излий на ны во просвещение наше.
Святый славный Крестителю Иоанне, моли Бога о нас.
Духа Святаго видел еси во образе голубине; Того моли, Крестителю, да помилует души наша в небеснем Сионе.
Слава Отцу и Сыну и Святому Духу.
Духом просвещенный, слышавый глас Отчий, гласе Слова Божия, услыши глас молитвы нашея и помилуй нас.
И ныне и присно и во веки веков. Аминь.
Преблагословенная в женах Марие, с большим в рожденных женами Иоанном молим тя: помилуй нас, недостойных, молящих тя.
Спаси от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, Всепетая Богородице, и тел наших лютыя язвы исцели и душ наших болезни.
Иерей: Помилуй нас, Боже… с возгласом.
Седален. Глас 4. Песнь 4, ирмос. Песнь 5, ирмос. Песнь 6, ирмос.
Ходатаю и заступниче, преславный Крестителю Иоанне, многим сиянием царствуяй на небесех пред Пресвятою Троицею, ходатай буди о нас к Ней, всеблаженне, да дарует молящимся тебе мир и поющим велию милость.
Ирмос: Услышах слух Твой и убояхся, разумех дела Твоя и удивихся, и прославих Тя, Христе.
Святый славный Крестителю Иоанне, моли Бога о нас.
Светильниче пресветлый Иоанне, светильники душ наших просвети во сретение Жениха и Друга твоего.
Святый славный Крестителю Иоанне, моли Бога о нас.
Был еси свеща боголепно явленная, носящая Божественный свет; просвети и души наша, молим тя.
Слава Отцу и Сыну и Святому Духу.
Свеще преславная, богопросвещенная, буди свеща души нашей, блаженне, и свет уму.
И ныне и присно и во веки веков. Аминь.
Се, Дево Марие, егда целовала еси Елисавету, Креститель поклонися тебе; се, и мы поклоняемся тебе.
Ирмос: Утренюем к Тебе, истинному Востоку, возсиявшему от Отца во просвещение концев мира сиянием.
Святый славный Крестителю Иоанне, моли Бога о нас.
Звездо Солнца правды, излий на ны лучи молитвы твоея, Иоанне, да, яко солнце, возсияет душа наша во Царствии.
Святый славный Крестителю Иоанне, моли Бога о нас.
Иоанне, преславный Крестителю, крестивый во Иордане Иисуса Сладчайшаго, у Него испроси, блаженне, просвещение душ наших.
Слава Отцу и Сыну и Святому Духу.
Крестителю, мглы отгонителю, мире благовонное Иоанне, светом святыни твоея просвети нас, молим тя.
И ныне и присно и во веки веков. Аминь.
Егда востала еси, Марие, и пошла еси целовати Елисавету, взыгра Иоанн похвалити тя; ныне и мы вопием ти: помилуй нас.
Ирмос: Вселение Ионы во глубине прообразоваше естество наше во аде, от негоже избави нас, Многомилостиве.
Святый славный Крестителю Иоанне, моли Бога о нас.
Главо всех благих и оче добродетелей Иоанне, Самого Иисуса моли просветити сиянием очи души нашея.
Святый славный Крестителю Иоанне, моли Бога о нас.
Всесвятою молитвою твоею милость сотвори о нас, Иоанне, и молитву нашу приими пред тобою, яко кадило благовонное.
Слава Отцу и Сыну и Святому Духу.
Иоанне, гласе всесладкий вопиющаго, глас моления нашего услыши и глас благословения Христова даждь нам услышати, молим тя, блаженне.
И ныне и присно и во веки веков. Аминь.
Надеждо и похвало наша, Богородице Марие, с треблаженным Иоанном молим вас: испросите у Бога сподобити нас Царствия.
Спаси от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, всепетая Богородице, и исцели лютыя язвы телес наших и недуги души нашея. Кондак, глас 3. Прокимен пред Евангелием… Евангелие от Матфея. Песнь 7, ирмос. Песнь 8, ирмос. Песнь 9, ирмос.
Проповеднику покаяния, призывающему грешныя, и горлице святей, любящей пустыню, ластовице сладкоглаголивей и славию доброгласному, Крестителю Христову умиленно припадем, вернии, да испросит нам у Христа оставление грехов и душам нашим велию милость.
Иерей: Вонмем. Премудрость.
Праведник, яко финикс, процветет, яко кедр, иже в Ливане, умножится.
Стих: Радуйтеся, праведнии, о Господе, правым подобает похвала.
Иерей: Господу помолимся. Яко свят еси, Боже наш… Всякое дыхание да хвалит Господа… И о сподобитися нам… Премудрость, прости.
Рече Господь: что же смотреть ходили вы? пророка? Да, говорю вам, и больше пророка. Ибо он тот, о котором написано: се, Я посылаю Ангела Моего пред лицем Твоим, который приготовит путь Твой пред Тобою. Истинно говорю вам: из рожденных женами не восставал больший Иоанна Крестителя; но меньший в Царстве Небесном больше его. От дней же Иоанна Крестителя доныне Царство Небесное силою берется, и употребляющие усилие восхищают его.
Слава Отцу и Сыну и Святому Духу.
Молитвами святаго Иоанна Крестителя, Милостиве, очисти множества наших согрешений.
И ныне и присно и во веки веков. Аминь.
Молитвами святыя Богородицы, Милостиве, очисти множества наших согрешений.
Помилуй мя, Боже, по велицей милости Твоей, и по множеству щедрот Твоих очисти беззаконие мое, и помилуй мя, Боже.
Стихира: Креститель Иоанн, егоже величие Ты рекл еси, Господи, молит Тя и просит мира людем верным, славящим память его, да молитвами его даруеши церквам славу, царем невредимость и душам нашим велию милость.
Иерей: Спаси, Боже… с возгласом.
Ирмос: Трие отроцы в Вавилоне Троице уподобишася и угасиша ярость пещи оныя и песнию глаголаху: благословен еси, Господи Боже отец наших.
Святый славный Крестителю Иоанне, моли Бога о нас.
Паче светил пресветлый, Троицею просвещенный, блаженне Иоанне, Святую Троицу моли, да и нас просветит душею и телом.
Святый славный Крестителю Иоанне, моли Бога о нас.
Зоре дне, луче солнечный, житие богоугодное даруй нам, да угодим Агнцу Божию, вземлющему грехи мира.
Слава Отцу и Сыну и Святому Духу.
О Крестителю, горлице непорочная, зрителю Духа, во образе голубине пришедшаго, Того моли, да будем непорочни и узрим славу Его.
И ныне и присно и во веки веков. Аминь.
Марие, бисере безценный, миро благовонное, манно всесладкая, Спаса всех моли о помиловании нас.
Ирмос: Иже во образе Ангела во огни явлением отроки от пещи избавльшаго, благословите, вся дела Господня, Господа.
Святый славный Крестителю Иоанне, моли Бога о нас.
Блистанием святыни твоея, Крестителю, просвети нас, чад купели, да купно благословим и превозносим Господа.
Святый славный Крестителю Иоанне, моли Бога о нас.
Камень честный, во главу угла, Иисуса умилостиви о нас, Иоанне Крестителю, и да сокрушит льва рыкающаго, мы же да поем Господа.
Слава Отцу и Сыну и Святому Духу.
Егда сядет Судия на престолех славы, тогда ходатай буди о нас, Иоанне преславне, да, с праведными вознесени, поем Господа.
И ныне и присно и во веки веков. Аминь.
Испроси и ты, всемилостиваго Бога Мати Марие, да тогда и мы, на облацех восхищени, со всеми святыми поем Господа.
Ирмос: Богородицу и Деву пребывшую, Матерь Света, возвеличим.
Святый славный Крестителю Иоанне, моли Бога о нас.
Осанна поеши со Ангелы Святей Троице, Иоанне; и нас помяни, блаженне, пред Нею.
Святый славный Крестителю Иоанне, моли Бога о нас.
Посреде лика ангельскаго сияеши, Крестителю; приносим ти моление: и о нас ходатай буди, святе.
Слава Отцу и Сыну и Святому Духу.
Светом боголепным просвещенный Иоанне, молим тя, просвети уповающих на святыню твою.
И ныне и присно и во веки веков. Аминь.
Церкве славо Марие, уподобися рожденному от тебе Иисусу и излий на ны милость твою, молим тя.
Достойно есть яко воистину блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Иерей кадит.
Вышший небес и честнейший в рожденных женами, преславный Крестителю Иоанне, Господа Саваофа моли о помиловании нас, недостойных рабов Его.
Зовем тя, гласе вопиющаго: воздвигни руце твоя, яже коснушася главы Господни, и возопий к Нему, да приимет нас во Царствие богославное.
Видевый очима твоима Всесвятаго Духа, Крестителю, Того Благаго моли, да наставит нас на землю праву и да сподобимся Царствия преславнаго.
От Ангел прославленный и от Иисуса похваленный, всеблаженне Иоанне, со Пренепорочною Девою ходатай буди о нас, да узрим славу вашу и сияние.
Пресвятая Богородице, Владычице Марие, молитвами всечестнаго Крестителя и всех святых сподоби нас Сына твоего и Бога нашего славити и воспевати.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, избави и освободи нас от грехов наших; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.
Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце, грешнии приносим: помилуй нас.
Слава Отцу и Сыну и Святому Духу.
Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне на ны, яко благоутробен, и избави ны от праведнаго гнева Твоего: Ты бо еси Бог наш, и мы людие Твои, вси дела руку Твоею, и имя Твое наречеся на нас; и помилуй нас.
И ныне и присно и во веки веков. Аминь.
Милосердия двери отверзи нам, благословенная Богородице, надеющиися на тя да не погибнем, но да избавимся тобою от сопротивных враг: ты бо еси спасение рода христианскаго. Молитва, коленопреклонно глаголемая
Господи, помилуй (12 раз).
Иерей: Помилуй нас и услыши нас, Боже.
О преславный Иоанне, Крестителю Христов, Ангеле Божий, печате пророков, главо апостолов, венче мучеников, наставниче иноков и превышший всех святых, помощниче верных и прибежище всех молящих тя!
О всехвальный Предтече Иоанне, зоре дне онаго невечерняго, зарею благорастворения воздухов украси богохранимый народ наш и державу его; звездо Солнца правды, яко солнце, озари святейшия православныя патриархи, преосвященныя митрополиты, архиепископы и епископы и весь священный и монашеский чин; свеще Света безплотнаго, яко светильники, просвети боголюбивыя правители и христолюбивое воинство и всех православных христиан; гласе Слова Божия, услыши глас моления нашего и моли крещеннаго тобою Иисуса Христа сподобити нас безконечныя славы Своея.
О всечестный пророче Иоанне, боговозлюбленне, сладкий друже безсмертнаго Жениха, други верныя и рабы сердечныя сотвори нас Христу Богу нашему; посредниче ветхаго закона и новыя благодати, буди нам ходатай пред Царем, да дарует нам многолетное благоустроенное житие, в православии просвещение, добрыми делы украшение, в Царствии Небеснем озарение, со Ангелы пение, со святыми царствование и с тобою славу и благодарение, яко Тому подобает всякая слава, честь и поклонение, со Отцем и Святым Духом, ныне и присно и во веки веков.
Достойно есть яко воистину блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Слава Отцу и Сыну и Святому Духу, и ныне и присно и во веки веков. Аминь.
Господи, помилуй. (Трижды)
Господи Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых Твоих, помилуй нас. Аминь.
При целовании же иконы честнаго Крестителя поем сие:
Всех верных молитвы приносиши и моление приемлеши, яко еси всем сладкий ходатай и благий посредник; сего ради молим тя, преславный Крестителю Иоанне, исполни моление наше и испроси нам у Всесладчайшаго Иисуса, да сподобимся Небеснаго Царствия и венцем наслаждаемся безконечно.
Владычице человеков, Мати Божия Марие, призри на вопль молитвы нашея и помилуй нас любве ради Сына твоего и Бога нашего, яко Того есть слава во веки веков. Аминь.
