Параклис святому и славному мученику царю Луарсабу
Иерей: Благословен Бог наш…
И аще мирянин, глаголет: Молитвами святых отец наших, Господи Иисусе Христе, Боже наш, помилуй нас. Аминь.
Молитвами святых отец наших, Господи Иисусе Христе, Боже наш, помилуй нас. Аминь.
Слава Тебе, Боже наш, слава Тебе.
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Священник: Яко Твое есть Царство…
Господи, помилуй. (12 раз)
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.
Слава Отцу и Сыну и Святому Духу, и ныне и присно и во веки веков. Аминь.
Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже наш, слава Тебе.
Бог Господь, и явися нам, благословен Грядый во имя Господне.
Стих 1: Исповедайтеся Господеви, яко благ, яко в век милость Его. Стих 2: Вси языцы обыдоша мя, и именем Господним противляхся им. Стих 3: Не умру, но жив буду и повем дела Господня. Стих 4: Камень, егоже небрегоша зиждущии, сей бысть во главу угла; от Господа бысть сей и есть дивен во очесех наших.
Веселится днесь земля грузинская о празднице великаго сего царя, ибо Христа ради многоразличныя муки претерпе и, преходящее царство оставив, непреходящее богатство Царствия стяжа, в мученицех преславный Луарсаб, и ныне ходатайствует о нас, хвалящих его.
Слава Отцу и Сыну и Святому Духу.
Веселится днесь земля грузинская о празднице великаго сего царя, ибо Христа ради многоразличныя муки претерпе и, преходящее царство оставив, непреходящее богатство Царствия стяжа, в мученицех преславный Луарсаб, и ныне ходатайствует о нас, хвалящих его.
И ныне и присно и во веки веков. Аминь.
Не умолчим никогда, Богородице, силы твоя глаголати, недостойнии; аще бы бо ты не предстояла молящи, кто бы нас сохранил доныне свободны? Не отступим, Владычице, от тебе, твоя бо рабы спасаеши присно от всяких лютых.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Ирмос: Приидите, людие, воспоим песнь Христу, чудесем изведшему люди Своя от работы египетския, песнию победною, яко прославися.
Святый мучениче, благоверный царю Луарсабе, моли Бога о нас.
Величие твое кто исповесть, о царю, святый и избранный, ибо пролиял еси кровь твою за Христа и не пощадел еси себе Его ради.
Святый мучениче, благоверный царю Луарсабе, моли Бога о нас.
Егда принеслся еси в жертву, душа благовонна, на небесную трапезу, абие дадеся тебе от Христа множество благодатей безчисленное, еже подает нам свыше присно милость.
Слава Отцу и Сыну и Святому Духу.
Не презри моления нашего, с надеждою к тебе прибегающих, но буди теплый ходатай пред Богом, да спасет нас.
И ныне и присно и во веки веков. Аминь.
Паче слова зачатие и рождество выше ума, доение же паче естества: зачинаеши бо безлетно, раждаеши нетленно и питаеши девственно. О странное таинство сие твое, Дево!
Ирмос: Утверди уповающия на Тя, Господи, Иже Крестом умертвивый грех наш и насадивый страх Твой в сердцах наших, Человеколюбче.
Святый мучениче, благоверный царю Луарсабе, моли Бога о нас.
Броню веры мужественно облеклся еси и знамение крестное, яко оружие, восприял еси и воин Христов храбрый явился еси, ибо сопротивился еси мучителем и посекл еси прелесть диаволю.
Святый мучениче, благоверный царю Луарсабе, моли Бога о нас.
Безбожных ярость мужественно подъемый, прелесть презревый и дерзновенно Христа исповедавый, ныне двери милости молитвою твоею отверзи нам.
Слава Отцу и Сыну и Святому Духу.
Ныне исцели многия язвы наша богоприятною молитвою твоею и даруй нам премудрость разсуждения добра и зла и подаждь нам силу прощения.
И ныне и присно и во веки веков. Аминь.
Источающую благодати и источник благословения яви тя, Богородице, от тебе рождшееся Слово, ибо начало плоти Своея сотвори тя, Благодатная.
Избави от напастей присно уповающих на святыню твою, всехвальный царю и мучениче, мужественный Луарсабе, яко вси по Бозе к тебе прибегаем, яко нерушимей стене и предстательству.
Призри на ны, Всепетая Богородице, и тел наших лютыя язвы исцели и душ наших болезни.
Иерей: Помилуй нас, Боже, по велицей милости Твоей, молим Ти ся, Человеколюбче, услыши и помилуй.
Лик: Господи, помилуй (Трижды).
Иерей: Еще молимся о богохранимем народе нашем и державе его (о христолюбивом правительстве и воинстве его).
Лик: Господи, помилуй (Трижды).
Иерей: Еще молимся о Святейшем и Блаженнейшем Католикосе-Патриархе всея Грузии, Архиепископе Мцхетско-Тбилисском, великом господине и отце нашем (имя), и о преосвященнейшем (поминается местный архиерей), и о всей во Христе братии нашей.
Лик: Господи, помилуй (Трижды).
Иерей: Еще помолимся Господу Богу нашему, да помилует раба или рабу (здесь поминайте по имени тех, о нихже молитеся). Умножи, Господи, дни и лета живота их и избави их, Господи, от всякия скорби, гнева и нужды, и от всякия язвы душевныя и телесныя, и прости им всякое согрешение, вольное же и невольное.
Лик: Господи, помилуй (Трижды).
Иерей: Еще молимся о всех православных христианех.
Лик: Господи, помилуй (Трижды).
Иерей: Яко милостив и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Премудрость стяжал еси в себе, светлую и неувядаемую, еюже совета подобающаго и целомудрия во всем исполнился еси, Луарсабе; темже, премудрости искатель, стяжал еси и дарований совершенства и души благородство, догматом всесвятым украсил еси, и закон совести сочетал еси заповедем Христовым, желание же естественное ко Единому Возлюбленному направил еси; сего ради моли Христа Бога прегрешений оставление даровати празднующим любовию честную память твою.
Ирмос: Услышах, Господи, смотрение святых Твоих таинств и прославих Тя, Едине Человеколюбче.
Святый мучениче, благоверный царю Луарсабе, моли Бога о нас.
Помози нам, усердно уготовавшимся восхвалити праздник твой и похвалами величающим память твою.
Святый мучениче, благоверный царю Луарсабе, моли Бога о нас.
Хвалим преславный подвиг твой, мужественный мучениче, и песнь приносим всех Творцу.
Слава Отцу и Сыну и Святому Духу.
Не престай о всех нас во избавление от обстоящих искушений, иже тобою молим Бога.
И ныне и присно и во веки веков. Аминь.
Новый человек бысть Безлетный и Сын твой — Слово Безначальное; сего ради, Дево, ублажаем тя, якоже рекла еси.
Ирмос: Светил светоподателю и отчаянных спасение, Христе, всех Спасителю, к Тебе утреннюем, Царю мира: просвети нас светом Твоим, ибо разве Тебе, Блаже, иного Бога не знаем.
Святый мучениче, благоверный царю Луарсабе, моли Бога о нас.
Мужество твое непобедимое паче солнца возсия, всякое мучительство вражие отгна и сердца всех верных просвети; сего ради возвыси тя Христос и к Себе призва.
Святый мучениче, благоверный царю Луарсабе, моли Бога о нас.
Яко сияние солнца и луны, тако просвещает память твоя землю нашу, ибо божественнаго онаго света жилище был еси и тьму страстей отгоняеши от всех верных.
Слава Отцу и Сыну и Святому Духу.
Веселит разум хвалящих тя мужество твое и озаряет ум, Луарсабе светлый, храбрость души, и здравие разума, и твердость ума твоего; ныне, блаженне, озари и ум наш.
И ныне и присно и во веки веков. Аминь.
Солнце, облекшее тя и носимое тобою, Солнце правды, на облаце лестем, Богородице, омраченныя тьмою души моея идолы посецы и сокруши и достойно жилище очищенное Солнца онаго покажи мя, о Богоблагодатная.
Ирмос: Волна греховная обыде мя, и ко многим щедротам Твоим прибегаю: возведи мя, Блаже, от потопления, Боже мой, молю Тя.
Святый мучениче, благоверный царю Луарсабе, моли Бога о нас.
Ныне мглу тьмы отжени от душ наших и немощи исцели с любовию совершающих память твою и с верою воспевающих.
Святый мучениче, благоверный царю Луарсабе, моли Бога о нас.
Дивное мужество показавый и многокозненную злобу вражию низложивый, ныне от горних обителей призри на ны и пред Богом помози нам.
Слава Отцу и Сыну и Святому Духу.
Святители со иереи, юноши и девы, старцы, отроцы и все множество народа во церковь собирается и с радостию совершает похвалы твоя.
И ныне и присно и во веки веков. Аминь.
Розы безсмертныя вертограде прозябший, и крина нетленнаго юдоле, и едина тайно заключенная, радуйся, Дево.
Избави от напастей присно уповающих на святыню твою, всехвальный царю и мучениче, мужественный Луарсабе, яко вси по Бозе к тебе прибегаем, яко нерушимей стене и предстательству.
Призри на ны, Всепетая Богородице, и тел наших лютыя язвы исцели и душ наших болезни.
Иерей: Паки и паки миром Господу помолимся…
Лик: Господи, помилуй.
Иерей: Заступи, спаси, помилуй и сохрани нас, Боже, Твоею благодатию.
Лик: Господи, помилуй.
Иерей: Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга и весь живот наш Христу Богу предадим.
Лик: Тебе, Господи.
Иерей: Яко Ты еси Царь мира и Спас душ наших, и Тебе славу возсылаем, Отцу и Сыну и Святому Духу, ныне и присно и во веки веков. Аминь.
Лик: Аминь.
ნათელ-ცისკროვნად მზედ გიცის შენ ეკლესიამან, ახლად მოწამედ გამოჩინებულად, სპარსთა აღვირ-აღმსხმელო და მართლ-უკუნ მქცეველო, ღუაწლით-შემოსილო მეფეო ლუარსაბ, რომელმან უშჯულოისა მის მეფისა ქადებანი არად შერაცხენ, და მეოხ-ხარ დაუცხრომელად ჩუენ ყოველთათვის.
Иерей: Вонмем. Премудрость. Прокимен, глас 4.
Воззваша праведнии, и Господь услыша их.
Стих: Праведник, яко финикс, процветет, яко кедр, иже в Ливане, умножится.
Иерей: Господу помолимся.
Иерей: Господу помолимся.
Лик: Господи, помилуй.
Иерей: Яко свят еси, Боже наш, и во святых почиваеши, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Иерей: Всякое дыхание да хвалит Господа.
Стих: Хвалите Бога во святых Его, хвалите Его во утверждении силы Его.
Иерей: И о сподобитися нам слышанию святаго Евангелия Господа Бога молим.
Лик: Господи, помилуй (Трижды).
Иерей: Премудрость, прости, услышим святаго Евангелия. Мир всем.
Лик: И духови твоему.
Иерей: От Матфея святаго Евангелия чтение.
Лик: Слава Тебе, Господи, слава Тебе.
Иерей: Вонмем.
Рече Господь учеником Своим: Вот, Я посылаю вас, как овец среди волков: итак, будьте мудры, как змии, и просты, как голуби. Остерегайтесь же людей: ибо они будут отдавать вас в судилища и в синагогах своих будут бить вас, и поведут вас к правителям и царям за Меня, для свидетельства перед ними и язычниками. Когда же будут предавать вас, не заботьтесь, как или что сказать; ибо в тот час дано будет вам, что сказать, ибо не вы будете говорить, но Дух Отца вашего будет говорить в вас. Предаст же брат брата на смерть, и отец – сына; и восстанут дети на родителей, и умертвят их; и будете ненавидимы всеми за имя Мое; претерпевший же до конца спасется.
Лик: Слава Тебе, Господи, слава Тебе.
Слава Отцу и Сыну и Святому Духу.
Молитвами святаго славнаго мученика царя Луарсаба, Милостиве, очисти множества наших согрешений.
И ныне и присно и во веки веков. Аминь.
Молитвами Богородицы, Милостиве, очисти множества наших согрешений.
Помилуй мя, Боже, по велицей милости Твоей, и по множеству щедрот Твоих очисти беззаконие мое, и помилуй мя, Боже.
Стихира: Память твоя, яко солнце незаходимое, возсия светлым сиянием света, славный мучениче, за веру Христову пострадавый, царю Луарсабе, иже положил еси душу твою за народ, подобно Спасу, и ныне пред Святою Троицею радуешися и ходатайствуеши непрестанно о всех нас.
Иерей: Спаси, Боже, люди Твоя и благослови достояние Твое, посети мир Твой милостию и щедротами, возвыси рог христиан православных и низпосли на ны милости Твоя богатыя, молитвами Всепречистыя Владычицы нашея Богородицы и Приснодевы Марии; силою Честнаго и Животворящаго Креста, силою Креста от виноградной лозы; предстательствы честных Небесных Сил безплотных; честнаго, славнаго Пророка, Предтечи и Крестителя Иоанна; святаго пророка Илии Фесвитянина и праведнаго Еноха; святых славных и всехвальных первоверховных апостолов Петра и Павла; святаго апостола Фомы и просветителей Грузии, апостолов Андрея Первозваннаго, Симона Кананита и Матфия; святыя матере нашея, равноапостольныя девы Нины; святых равноапостольных царя Мириана и царицы Наны; иже во святых отец наших и вселенских великих учителей и святителей Василия Великаго, Григория Богослова и Иоанна Златоустаго; иже во святых отца нашего Николая, архиепископа Мир Ликийских, чудотворца; святых славных и добропобедных мучеников: святаго великомученика и победоносца Георгия и святыя великия девы-мученицы Варвары; святых блаженных отец наших Лукиана, Додо, Дамиана, Онуфрия и Симеона Гареджийских; святаго преподобнаго отца нашего Иоанна Зедазнийскаго и двоюнадесяти учеников его, вторых просветителей Церкве Грузинския и присных ея покровителей, и от учеников преподобнаго отца нашего Давида Гареджийскаго; святаго священномученика Неофита Урбнисскаго; святых ста тысяч мучеников, в Тбилиси от хорезмийцев умученных, святых мучеников, шести тысяч иноков Гареджийских; богомудрых блаженных отец Илариона Грузина, Серапиона Зарзмскаго и Григория Хандзтийскаго; святых славных мучеников, князей Аргветских Давида и Константина; святых добропобедных царей и цариц Архила, Димитрия, Шушаники и Кетевани; святых благоверных и великих царей наших Вахтанга Горгасала, Ашота Куропалата, Давида Строителя и Соломона; святыя благоверныя царицы Тамары; преподобных и богоносных отец наших Гавриила, Георгия, Иоанна и Евфимия Святогорцев; святаго праведнаго Илии; святых и праведных богоотец Иоакима и Анны, и святаго славнаго мученика царя Луарсаба, и всех святых Твоих молим Тя, многомилостиве Боже, услыши моление нас, грешных, и помилуй нас.
Лик: Господи, помилуй (12 раз).
Иерей: Милостию, и щедротами, и человеколюбием Единороднаго Сына Твоего, с Нимже благословен еси, со Пресвятым, и Благим, и Животворящим Твоим Духом, ныне и присно и во веки веков.
Лик: Аминь.
Ирмос: Образа ради златаго, емуже служаху на поли Деире, трие отроцы страх мучителя презреша и ввергошася в пещь и, орошаеми, вопияху: благословен еси, Господи Боже отец наших.
Святый мучениче, благоверный царю Луарсабе, моли Бога о нас.
Земное царство возненавидевый и небеснаго воинства возжелавый, и раны, и многоразличныя муки подъял еси, и смерть горькую, яко наслаждение; ныне разжени тьму прегрешений и просвети души наша.
Святый мучениче, благоверный царю Луарсабе, моли Бога о нас.
Свышнею благодатию просветился еси, всехвальне, и поставлен был еси на свещнице высоцем и просветил еси вверенный тебе народ сей, Христовым именем нарицаемый; ныне молитву о нас принеси Избавителю и испроси нам прощение грехов и велию милость.
Слава Отцу и Сыну и Святому Духу.
О, коликую славу стяжа тебе мужество твое, блаженне, ибо скорби преложишася тебе в правду нетленную, и смерть в безсмертие, и страдания в причастие страданий Христовых, Иже вселил тя есть со безплотными; ходатай буди поющим тя.
И ныне и присно и во веки веков. Аминь.
Исповедающии тя воистину и собственно Богородицу, Марие, избавляемся от трех волн, растлевающих душу и тело, Невесто, Рожденному от тебе поюще: благословен еси, Господи Боже отец наших.
Ирмос: В пещь отроком еврейским снизшедшаго и пламень в росу преложившаго Бога, благословите, вся дела Господня, Господа и превозносите во веки.
Святый мучениче, благоверный царю Луарсабе, моли Бога о нас.
Царство на мученичество изменивый и веру высокую изрекий, ныне во святая святых Царствия пред Христом прославляешися венцем и ходатайствуеши непрестанно о всех нас.
Святый мучениче, благоверный царю Луарсабе, моли Бога о нас.
Христа ради усердно подвизавшаяся и Церковь Грузинскую подвигом твоим украсившая и облагодетельствовавшая, ныне на молящих тя милостиво призри и путь наш царский исправи.
Слава Отцу и Сыну и Святому Духу.
ვითარცა განაქარვე ცრუ-შჯულთა იგი საცთურებანი და კარი წამებისაი განუღე მრავალთა ერთა, ეგრეთვე მგალობელთა შენთაგან განსდევნე ბნელი ჭირთა და განსაცდელთა მრავალსახეთა და გვიხსენ ვნებათაგან.
И ныне и присно и во веки веков. Аминь.
Свет от Света и Бог Слово истинное от Бога произыде от тебе, горы приосененныя, Дево, во спасение исповедающих тя Богородицу и превозносящих Его во веки.
Ирмос: От Безначальнаго Отца Сын Божий явися, от Девы Спаситель нам воплотися; просвещает омраченныя и собирает во едино расточенныя, да с верою Матерь Его величаем.
Святый мучениче, благоверный царю Луарсабе, моли Бога о нас.
Ныне радуется Церковь Грузинская памяти твоей и повелевает всем православным похвалами восхвалити праздник твой, да и мы благоговейно ублажаем мужество твое непобедимое и всепетое.
Святый мучениче, благоверный царю Луарсабе, моли Бога о нас.
აწ შენდამი კეთილმსახურებითა მოლტოლვილნი შეგვაწყნარენ ღმერთსა სახიერსა, რაითა მოგვცეს ხელი შეწევნისაი და აღგვიდგინოს რქაი ცხებულობისაი, და ადიდოს ეკლესიაი მართლმადიდებლობასა შინა.
Слава Отцу и Сыну и Святому Духу.
აწ მოგვფინე მადლი ლოცვისა შენისაი, დიდებულო, და ნუ განგვწირავ მოქენეთა შენთა, არამედ ითხოვე ქრისტესაგან, რაითა დაამხუნეს მტერნი ჩუენნი ცბიერნი და ძლევაი მოსცეს საზეპუროსა ერსა ჩუენსა.
И ныне и присно и во веки веков. Аминь.
Радуйся днесь светло, Церкве Грузинская, ибо велию похвалу приемлеши: се, исповедник Богородицы Святыя Девы, царь преславный, в тебе прославляется венцем мученичества.
Достойно есть яко воистину блажити тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу тя величаем.
Иерей кадит.
Ко святаго царя памяти потщимся, людие грузинстии, и восхвалим песньми и пении духовными в подвизе мужественнаго Луарсаба, храбраго и непобедимаго, от негоже прозябает исцеление всем поющим.
Песнословен есть всесвятый подвиг твой, и имя твое велехвально, иже на небесех почиваеши и со воинствы ангельскими пред Царем предстоиши; мало оттуду призри на ны и виждь, что совершаем, и приими нищету словес наших.
მეწამულად სისხლითა განბრწყინებულო მოწამეო, აწ ითხოვე ქრისტეის მიერ შეურყეველად დაცვაი ეკლესიათაი, და მოცემად ჯუარითა ძლევაი ერსა ჩუენსა, და სიმტკიცეი მორწმუნეთა და ამაღლებაი რქისა მათისაი, მწვალებელთა მათ ზედა, მშვიდობაი სოფელსა და მგალობელთა შენთა დიდი წყალობაი.
ვითარცა სპარსთა მრავალ ღონენი დააცხრვენ ჭირთა მძვინვარებანი, მოწევნადი ერთა ჩუენსა ზედა, ეგრეთვე აწ მოუვლინე რისხვაი ღმრთისაი ჩუენზედ აღძრულთა მათ უშჯულოთა მტერთა ჩუენთა, უფლისა განმარისხებელთა, რომელთა განიგდეს წილი სამკვიდრებელსა ჩუენსა ზედა და აღგვიდგუნე მამული ჩუენი - საქართველო - პირველსავე დიდებასა და დაიცევ სახლეულნი მისნი უცხო თესლთა ზედა მოსლვისაგან.
Пресвятая Богородице, Владычице Марие, молитвами добропобеднаго мученика царя Луарсаба сподоби нас Сына твоего и Бога нашего славити и воспевати:
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Священник: Яко Твое есть Царство…
Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце Благому, грешнии приносим: помилуй нас, Господи, помилуй нас.
Слава Отцу и Сыну и Святому Духу.
Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне на ны, яко благоутробен, и избави ны от праведнаго гнева Твоего: Ты бо еси Бог наш, и мы людие Твои, вси дела руку Твоею, и имя Твое наречеся на нас; и помилуй нас.
И ныне и присно и во веки веков. Аминь.
Милосердия двери отверзи нам, благословенная Богородице, надеющиися на тя да не погибнем, но да избавимся тобою от сопротивных враг: ты бо еси спасение рода христианскаго.
Иерей: Помилуй нас, Боже, по велицей милости Твоей, молим Ти ся, услыши и помилуй.
Лик: Господи, помилуй (Трижды).
Иерей: Еще молимся о милости, жизни, мире, здравии, долгоденствии, спасении, просвещении, прощении, благопоспешении и тишине рабов (или рабынь) Божиих и всех чад Церкве нашея, да сохранит Господь Бог наш царствующий град сей наш и святый храм сей и вся грады и веси Иверии от глада, губительства, труса, потопа, огня, меча, нашествия иноплеменников, междоусобныя брани и смертоносныя язвы; да милостив нам будет Бог благостию и человеколюбием Своим, во еже благостояти, и отвратит гнев, на ны повседневно движимый, и избавит нас от праведнаго Своего прещения, на ны належащаго, и помилует нас.
Лик: Господи, помилуй (40 раз).
Иерей: Услыши ны, Боже, Спасителю наш, упование всех концев земли и сущих в мори далече, и милостив, милостив буди о гресех наших, и помилуй ны; милостив бо и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
О всеславный, святый мучениче Христов, мужественно претерпевый, воине преименитый, во бранех непобедимый и в скорбех непостыдный, молящих тя скорый помощниче и милости подателю, богувенчанный царю Луарсабе!
О светлое и великое украшение мучеников и преславный царю грузинский, святый Луарсабе! Помяни нас пред Богом, Егоже ради любве кровь пролиял еси, славне, и сиянием святыни твоея угаси тайну беззакония, на возлюбленный народ наш воздвигнутую, и покрый нас от сонмища еретиков, еже есть «мерзость запустения»; даруй нам победу на ня и утверждение Православия от Христа Бога, веру же нашу ко Христу паки обнови и даруй нам неоскудную любовь к Богу, царю и отечеству, и возставь нам рог помазания, да не уподобимся скотом несмысленным, подобно идолослужителем оным и иным таковым неразумным, яко волею отступившим и забывшим жизнь вечную. Укрепи в служении Святейшаго и Блаженнейшаго Католикоса-Патриарха всея Грузии, Архиепископа Мцхетско-Тбилисскаго и Митрополита Бичвинтскаго и Цхум-Абхазскаго, великаго господина, отца нашего Илию, преосвященных митрополитов, архиепископов и епископов, честных иереев, во Христе диаконов и весь монашеский чин, причастников Православныя Церкве и всех правоверных христиан.
О преславный, мужественный, именитый венценосче, храбрый Луарсабе! Милостию, подобною Иисусу Богу, ходатайствуй пред Ним, да дарует церквам славу, священству честность, властем доброе пасение народа, воинству мужество, мирянам безгрешие и женам целомудрие, нам же да дарует жизнь в добром жительстве, украшение милосердием, просвещение святою молитвою, очищение исповеданием, озарение причащением, честное преставление, наследие Царствия, со Ангелы пение, со святыми царствование и с тобою славу и благодарение, яко Ему подобает всякая слава, честь и поклонение, со Отцем и Святым Духом, ныне и присно и во веки веков. Аминь.
Иерей: Премудрость!
Пресвятая Богородице, спаси нас.
Лик: Честнейшую херувим и славнейшую без сравнения серафим, без истления Бога Слова рождшую, сущую Богородицу тя величаем.
Иерей: Слава Тебе, Боже наш, слава Тебе.
Лик: Слава Отцу и Сыну и Святому Духу, и ныне и присно и во веки веков. Аминь. Господи, помилуй (трижды). Благослови.
Иерей творит отпуст.
Лик: Аминь.
Мирянин: Слава Отцу и Сыну и Святому Духу, и ныне и присно и во веки веков. Аминь.
Господи, помилуй (трижды),
Господи Иисусе Христе, Сыне Божий, молитвами Пречистыя Твоея Матере, славнаго и всехвальнаго мученика царя Луарсаба и всех святых, помилуй нас. Аминь.
При целовании иконы его поем сице:
Не яко достойни есмы воспомянути светлый подвиг твой, но зело подвизает нас любовь твоя, и всем сердцем приносим тебе моление, мужественный Луарсабе: помози нам, прибегающим ко честней и святей иконе твоей и просящим присно твоея помощи; преславне, не лиши покрова твоего верных людей и величающих праздник твой и избави нас всех от скорбей и искушений.
Владычице, всесветлая Марие, молитвами святаго и блаженнаго царя нашего Луарсаба мученика исправи дни живота нашего во славу Сына твоего и Бога нашего. Аминь.
Автор-составитель: Тинатин Мчедлишвили
