Параклис святой великомученице царице Кетевани
Иерей: Благословен Бог наш…
И аще мирянин, глаголет: Молитвами святых отец наших, Господи Иисусе Христе, Боже наш, помилуй нас. Аминь.
Молитвами святых отец наших, Господи Иисусе Христе, Боже наш, помилуй нас. Аминь.
Слава Тебе, Боже наш, слава Тебе.
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Священник: Яко Твое есть Царство…
Господи, помилуй. (12 раз)
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.
Слава Отцу и Сыну и Святому Духу, и ныне и присно и во веки веков. Аминь.
Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже наш, слава Тебе.
Бог Господь, и явися нам, благословен Грядый во имя Господне.
Стих 1: Исповедайтеся Господеви, яко благ, яко в век милость Его. Стих 2: Вси языцы обыдоша мя, и именем Господним противляхся им. Стих 3: Не умру, но жив буду и повем дела Господня. Стих 4: Камень, егоже небрегоша зиждущии, сей бысть во главу угла; от Господа бысть сей и есть дивен во очесех наших.
Уязвленная божественным желанием, многия язвы подъяла еси и разнообразныя муки мужественно претерпела еси, темже вместо преходящаго царствования Царство Небесное наследила еси, треблаженная Кетеване; моли Христа Бога помиловати души наша.
Слава Отцу и Сыну и Святому Духу.
Уязвленная божественным желанием, многия язвы подъяла еси и разнообразныя муки мужественно претерпела еси, темже вместо преходящаго царствования Царство Небесное наследила еси, треблаженная Кетеване; моли Христа Бога помиловати души наша.
И ныне и присно и во веки веков. Аминь.
Не умолчим никогда, Богородице, силы твоя глаголати, недостойнии; аще бы бо ты не предстояла молящи, кто бы нас сохранил доныне свободны? Не отступим, Владычице, от тебе, твоя бо рабы спасаеши присно от всяких лютых.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Ирмос: Чудесем спасе люди Господь, и море волнующееся словом изсуши древле, и днесь нетленно родися от Девы и возведе нас на небо, естеством равный Отцу, Емуже воспоим.
Святая великомученице царице Кетеване, моли Бога о нас [**]
Лютость мучений мужеством претерпела еси и благодать прияла еси от дарований Духа отгоняти болезнь и страдание; сего ради подвизает нас любовь твоя, святая, и молим тя: помози нам, уготовавшимся воспети тебе.
Святая великомученице царице Кетеване, моли Бога о нас [**]
Потщися призрети и на ны, с любовию пришедшия во храм сей твой и величающия пресветлый праздник твой, блаженная Кетеване, и испроси нам избавление от будущих оных мук.
Слава Отцу и Сыну и Святому Духу.
Честь царствия на мученичество изменившая и веру высокую изрекшая, ныне во святая святых Царствия пред Христом прославляешися венцем и ходатайствуеши непрестанно о всех нас.
И ныне и присно и во веки веков. Аминь.
Не можем восхвалити тя по достоянию, Мати Божия, ибо превыше разума нашего обретеся возвышение твое; обаче не умолчим славити тя по силе нашей, да помощницу стяжим тя.
Ирмос: Боже, призри на пение раб Твоих и смири дерзость прелестника, и превознеси днесь Церковь, и утверди непоколебимо в православии уповающия на Тя.
Святая великомученице царице Кетеване, моли Бога о нас [**]
Река крове твоея, мученице, божественная и святая, напои Церковь Христову и, яко розы и цветы благоуханныя, чудеса прозябе; сего ради благодать исцелений подаеши, мученице, с любовию поющим тя.
Святая великомученице царице Кетеване, моли Бога о нас [**]
Сокрушенная мучением и неправедным судом осужденная, не отреклася еси Бога, но дерзновенно и мужественно исповедала еси всех Господа Бога и Царя и песнь триех отроков боголепно пела еси.
Слава Отцу и Сыну и Святому Духу.
Не устрашиша тя, дивная, ярости горьких мучений, ибо жаждала еси прияти чашу Христову; сего ради божественною славою твоею хвалимся и молим тя: не престай ходатайствовати о нас пред Святою Троицею.
И ныне и присно и во веки веков. Аминь.
Святая святых, девством родившая, уподобися днесь безсмертным престолом херувимским, егда понесе в недрах своих Безначальное Слово воплощенное, Спасителя тварей.
Избави от напастей хвалящих тя, святая великомученице царице Кетеване, яко вси к тебе прибегаем, яко нерушимей стене и предстательству.
Призри на ны, добропобедная великомученице царице Кетеване, и тел наших лютыя язвы исцели и души нашея недуги.
Иерей: Помилуй нас, Боже, по велицей милости Твоей, молим Ти ся, Человеколюбче, услыши и помилуй.
Лик: Господи, помилуй (Трижды).
Иерей: Еще молимся о богохранимем народе нашем и державе его (о христолюбивом правительстве и воинстве его).
Лик: Господи, помилуй (Трижды).
Иерей: Еще молимся о Святейшем и Блаженнейшем Католикосе-Патриархе всея Грузии, Архиепископе Мцхетско-Тбилисском, великом господине и отце нашем (имя), и о преосвященнейшем (поминается местный архиерей), и о всей во Христе братии нашей.
Лик: Господи, помилуй (Трижды).
Иерей: Еще помолимся Господу Богу нашему, да помилует раба или рабу (здесь поминайте по имени тех, о нихже молитеся). Умножи, Господи, дни и лета живота их и избави их, Господи, от всякия скорби, гнева и нужды, и от всякия язвы душевныя и телесныя, и прости им всякое согрешение, вольное же и невольное.
Лик: Господи, помилуй (Трижды).
Иерей: Еще молимся о всех православных христианех.
Лик: Господи, помилуй (Трижды).
Иерей: Яко милостив и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
იქმენ შენ, ვითარცა ოქროი ბრძმედისა მიერ გამოხურვებულ, წმიდაო ქეთევან, და დაუტევენ სოფლისა ყოველნივე, და ქრისტესა ტრფიალ-იქმენ, და სიცბილსა სპარსთასა ამხილე. იქმენ ჭურ-პატიოსან, ჯაჭუ სარწმუნოებისაი, ხოლო ჩაფხუტ სასოებისაი, და მახვილ ძლევისაი, და ესრეთ გვირგვინითა განშუენებული იხარებ წინაშე ღმრთისა, რომელი მოგუანიჭებს ჩუენ დიდსა წყალობასა.
Ирмос: Прежде возвести пророчески спасение человеков Аввакум и глаголаше: во гневе помянул еси милость; от гор приосененных пришел еси, Спасе, Слово, Создатель людей сих.
Святая великомученице царице Кетеване, моли Бога о нас [**]
ერთგულებისათვის მამულისა, ვითარცა წარსდეგ წინაშე უღმრთოისა მის შაჰისა, და ითხოვე უვნებელობაი სამეფოისა შენისა, ეგრეთვე აწ მხურვალითა შუამდგომლობითა წინაშე ღმრთისა, დაგვიფარე ჩუენ ყოვლისაგან ბოროტისა.
Святая великомученице царице Кетеване, моли Бога о нас [**]
Предстоящи пред престолы беззаконных судей, всю горесть мучений тепле и усердно претерпела еси, добропобедная мученице, и небесной славы достигла еси; ныне двери милости молитвою твоею отверзи нам.
Слава Отцу и Сыну и Святому Духу.
Ныне молитву о нас принеси Избавителю и испроси нам, да отвратит гнев, на ны движимый множества ради грехов наших, и избавит нас от ополчений вражиих, и от мятежа советов их, и от нашествий.
И ныне и присно и во веки веков. Аминь.
Дева Святая от корене Иессеова прозябе нам и роди нам Слово Божие, Иже прежде век бе, и соблюде неврежденно девство в рождестве Его паче естества.
Ирмос: Соблазнов темных нощи ради во оставление пришел еси, Христе; утренююще приносим днесь песнь Тебе, яко Бог еси, да наставиши нас на путь мирен внити в Царствие, еже обещал еси нам.
Святая великомученице царице Кетеване, моли Бога о нас [**]
Подвиги возсиявшая паче солнца и поприще победы украсившая, ныне ходатай буди к Богу, о великая в мученицах Кетеване, да достигнем ко истинному свету.
Святая великомученице царице Кетеване, моли Бога о нас [**]
Яко светило сияеши в мире и по смерти, подвигом облеченная, мужественная подвижнице; сего ради не престай о всех нас во избавление от обстоящих нас лютых скорбей и печалей.
Слава Отцу и Сыну и Святому Духу.
ვინაიცა განაქარვე ცრუ-შჯულთა იგი საცთურებანი, და გვირგვინი მოიხვენ ბრწყინვალეი ღმრთისაგან, მგალობელთა შენთაგან განსდევნე ბნელი ჭირთა და განსაცდელთა მრავალსახეთა და გვიხსენ ვნებათაგან.
И ныне и присно и во веки веков. Аминь.
Спасения ради рода человеческаго воплотися Бог от тебе, Дево, неслитно соедини человечество и родися Един во двою естеству и тем светло просвети мир.
Ирмос: Сниде Иона во глубину морскую и вопияше к Богу молебно: возведи мя от потопления, Господи; аз же, Христе, к Тебе вопию: презри множество прегрешений моих.
Святая великомученице царице Кетеване, моли Бога о нас [**]
Приими ныне хвалу величающих тя и не помяни злых дел наших, но просвети твердым упованием скорбную жизнь нашу, добропобедная Кетеване, и покрый нас от грехопадения.
Святая великомученице царице Кетеване, моли Бога о нас [**]
რომელმან შეიმოსე ქრისტე სამოსლად და მადლითა მისითა არცხვინე მტერთა მათ უკეთურთა, აწ წინაშე ღმრთისა კადნიერებითა მდგომარემან ითხოვე, რაითა დაამხუნეს მტერნი ჩუენნი ცბიერნი და ძლევაი მოსცეს საზეპუროსა ერსა ჩუენსა.
Слава Отцу и Сыну и Святому Духу.
Яко стража и помощницу верных, и заступницу нашу, и скоропослушницу почитаем тя, мужественная мученице, и молим тя: избави нас от видимых и невидимых врагов и помощию твоею посрами ненавидящих нас.
И ныне и присно и во веки веков. Аминь.
Невесто Святая, не престай молити Того, Егоже Мати была еси в чистоте, да избежим волн греховных, ибо ты еси тихое пристанище уповающих на тя, Богородице Дево.
Избави от напастей хвалящих тя, святая великомученице царице Кетеване, яко вси к тебе прибегаем, яко нерушимей стене и предстательству.
Призри на ны, добропобедная великомученице царице Кетеване, и тел наших лютыя язвы исцели и души нашея недуги.
Иерей: Паки и паки миром Господу помолимся…
Лик: Господи, помилуй.
Иерей: Заступи, спаси, помилуй и сохрани нас, Боже, Твоею благодатию.
Лик: Господи, помилуй.
Иерей: Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга и весь живот наш Христу Богу предадим.
Лик: Тебе, Господи.
Иерей: Яко Ты еси Царь мира и Спас душ наших, и Тебе славу возсылаем, Отцу и Сыну и Святому Духу, ныне и присно и во веки веков. Аминь.
Лик: Аминь.
Усвояет себе и возлюбляет Своего ради уязвленную Небесная Царица земную царицу, дщерь Давидова, Всенетленная Мария, блаженную Кетеван, от колена Давидова происшедшую, яже делом показа сродство свое, и ныне, венцем украшенная, пред Нею подвизается о всех нас.
Иерей: Вонмем. Премудрость. Прокимен, глас 7
Честна пред Господем смерть преподобных Его.
Стих: Что воздадим Господеви о всех, яже воздаде ми?
Иерей: Господу помолимся.
Лик: Господи, помилуй.
Иерей: Яко свят еси, Боже наш, и во святых почиваеши, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Иерей: Всякое дыхание да хвалит Господа.
Стих: Хвалите Бога во святых Его, хвалите Его во утверждении силы Его.
Иерей: И о сподобитися нам слышанию святаго Евангелия Господа Бога молим.
Лик: Господи, помилуй (Трижды).
Иерей: Премудрость, прости, услышим святаго Евангелия. Мир всем.
Лик: И духови твоему.
Иерей: От Матфея святаго Евангелия чтение.
Лик: Слава Тебе, Господи, слава Тебе.
Иерей: Вонмем.
Во время оно, выйдя оттуда, Иисус удалился в страны Тирские и Сидонские. И вот, женщина Хананеянка, выйдя из тех мест, кричала Ему: помилуй меня, Господи, сын Давидов, дочь моя жестоко беснуется. Но Он не отвечал ей ни слова. И ученики Его, приступив, просили Его: отпусти ее, потому что кричит за нами. Он же сказал в ответ: Я послан только к погибшим овцам дома Израилева. А она, подойдя, кланялась Ему и говорила: Господи! помоги мне. Он же сказал в ответ: нехорошо взять хлеб у детей и бросить псам. Она сказала: так, Господи! но и псы едят крохи, которые падают со стола господ их. Тогда Иисус сказал ей в ответ: о, женщина! велика вера твоя; да будет тебе по желанию твоему. И исцелилась дочь ее в тот час.
Лик: Слава Тебе, Господи, слава Тебе.
Слава Отцу и Сыну и Святому Духу.
Молитвами великомученицы царицы Кетевани, Милостиве, очисти множества наших согрешений.
И ныне и присно и во веки веков. Аминь.
Молитвами Богородицы, Милостиве, очисти множества наших согрешений.
Помилуй мя, Боже, по велицей милости Твоей, и по множеству щедрот Твоих очисти беззаконие мое, и помилуй мя, Боже.
გერი: სიჩჩოითგანვე განმსდიდრდი სათნოებითა და სპარსთა მიმართ მოღუაწებისა ასპარეზი განვლე, და ქუეყანასა აღთქუმისასა მიისწრაფე, მრავალმოღუაწეო ქეთევან, ხოლო მგალობელთა შენთა მოგვცემ ლხინებასა ღმრთისა მიერ და დიდსა წყალობასა, რომელნი სურვილით აღვასრულებთ ხსენებასა შენსა.
Иерей: Спаси, Боже, люди Твоя и благослови достояние Твое, посети мир Твой милостию и щедротами, возвыси рог христиан православных и низпосли на ны милости Твоя богатыя, молитвами Всепречистыя Владычицы нашея Богородицы и Приснодевы Марии; силою Честнаго и Животворящаго Креста, силою Креста от виноградной лозы; предстательствы честных Небесных Сил безплотных; честнаго, славнаго Пророка, Предтечи и Крестителя Иоанна; святаго пророка Илии Фесвитянина и праведнаго Еноха; святых славных и всехвальных первоверховных апостолов Петра и Павла; святаго апостола Фомы и просветителей Грузии, апостолов Андрея Первозваннаго, Симона Кананита и Матфия; святыя матере нашея, равноапостольныя девы Нины; святых равноапостольных царя Мириана и царицы Наны; иже во святых отец наших и вселенских великих учителей и святителей Василия Великаго, Григория Богослова и Иоанна Златоустаго; иже во святых отца нашего Николая, архиепископа Мир Ликийских, чудотворца; святых славных и добропобедных мучеников: святаго великомученика и победоносца Георгия и святых великих дев-мучениц Варвары и Марины; святых блаженных отец наших Лукиана, Додо, Дамиана, Онуфрия и Симеона Гареджийских; святаго преподобнаго отца нашего Иоанна Зедазнийскаго и двоюнадесяти учеников его, вторых просветителей Церкве Грузинския и присных ея покровителей, и от учеников преподобнаго отца нашего Давида Гареджийскаго; святаго священномученика Неофита Урбнисскаго; богомудрых блаженных отец Илариона Грузина, Серапиона Зарзмскаго и Григория Хандзтийскаго; святых славных мучеников, князей Аргветских Давида и Константина; святыя благоверныя царицы Тамары; преподобных и богоносных отец наших Гавриила, Георгия, Иоанна и Евфимия Святогорцев; святых благоверных и великих царей наших Вахтанга Горгасала, Ашота Куропалата, Давида Строителя и Соломона; святых добропобедных царей и цариц Архила, Димитрия, Шушаники и Луарсаба; святых ста тысяч мучеников, в Тбилиси от хорезмийцев умученных, святых мучеников, шести тысяч иноков Гареджийских; святаго праведнаго Илии; святых и праведных богоотец Иоакима и Анны, и святыя великомученицы царицы Кетевани, и всех святых Твоих молим Тя, многомилостиве Боже, услыши моление нас, грешных, и помилуй нас.
Лик: Господи, помилуй (12 раз).
Иерей: Милостию, и щедротами, и человеколюбием Единороднаго Сына Твоего, с Нимже благословен еси, со Пресвятым, и Благим, и Животворящим Твоим Духом, ныне и присно и во веки веков.
Лик: Аминь.
Ирмос: Любовию всех Спаса ни во чтоже вмениша отроцы ярость мучителя богоненавистнаго и, во огнь ввержени, не опалишася и тако вопияху: отец наших Боже, благословен еси.
Святая великомученице царице Кетеване, моли Бога о нас [**]
Мучение претерпела еси, достойная мученице, и раны лютыя, и пещь искушающую, и не отреклася еси Христа, всех Создателя, и усердно Тому единому пела еси: отец наших Боже, благословен еси.
Святая великомученице царице Кетеване...
Приими малое сие пение наше, яко достойное нечто, и от всякаго гнева и вреда избави нас, да, божественною помощию твоею хвалящеся, Господу воспеваем: отец наших Боже, благословен еси.
Слава Отцу и Сыну и Святому Духу.
Христа ради усердно подвизавшаяся и Церковь Грузинскую подвигом твоим украсившая и облагодетельствовавшая, ныне на молящих тя милостиво призри и путь наш царский исправи.
И ныне и присно и во веки веков. Аминь.
Един Сын Единородный, собезначальный Отцу и Святому Духу, от тебе воплотися непреложно, Неневестная Невесто Марие, Емуже вопием: отец наших Боже, благословен еси.
Ирмос: Отроцы в Вавилоне неопалимии прежде образ тебе быша, Дево преславная, егда от тебе родися огнь Божества и сохрани тя неврежденну, непорочну; вси людие присно благословят тя.
Святая великомученице царице Кетеване, моли Бога о нас [**]
Клещами немилостивое сосцев растерзание, и разжженныя рожны, и венец медный палящий, яко на чужой плоти бывающая, претерпела еси, добропобедная мученице, и превозносила еси Бога во веки.
Святая великомученице царице Кетеване...
Гвоздьми разжженными жжена была еси и заступом копаема, ум же твой непоколебим пребысть на камени заповедей Христовых; от Негоже испроси, венценосная Кетеване, преславная, просвещение душам нашим.
Слава Отцу и Сыну и Святому Духу.
В лице мучениц украшенная царице, моли всех Милостиваго, да не оскудеет вера в народе грузинстем и да изведет достойныя делатели и подвижники на жатву Свою, во утверждение всех.
И ныне и присно и во веки веков. Аминь.
Ты, Непорочная Богородице Дево, безсеменно родившая, моли о нас, да избавит нас от сетей вражиих.
Ирмос: Подобает молчание, понеже не можем достойно восхвалити тя днесь, Богородице; обаче не умолчим страха ради, но по немощи нашей принесем хваление, имже величаем тя.
Святая великомученице царице Кетеване, моли Бога о нас [**]
Мощи твоя блаженныя во врачевство явишася нам, чудотворице преславная, от нихже почерпаем неоскудное исцеление душ и телес наших, всехвальная мужественная мученице.
Святая великомученице царице Кетеване...
აწ შეიწყნარე ჩუენიცა ესე ვედრებაი და მხურვალედ ლოცვაი ჰყავ ჩუენთვის წინაშე უფლისა ღმრთისა, რაითა მეფეი ქრისტეის მოყუარეი ცხებულ იქმნას და გვირგვინოსან საყდარსა ზედა სრულიად საქართველოისასა, განსაბრწყინვებლად ყოველთა ქართველთა.
Слава Отцу и Сыну и Святому Духу.
Яко дерзновение имущая ко Господу, умиленно моли Бога, да избавит нас от междоусобныя брани и от сетей сатаниных и да дарует безмятежное и мудрое житие всем верным.
И ныне и присно и во веки веков. Аминь.
Достойно прослави Сын Матерь Свою, ибо от нея облечеся в человечество, и Сын Вышняго Сын Девы наречеся; Един во двою естеству пребысть, Егоже вернии достойно величаем.
Достойно есть яко воистинну блажити тя, Богородицу, присноблаженную и пренепорочную и Матерь Бога нашего. Честнейшую херувим и славнейшую без сравнения серафим, без истления Бога Слова рождшую, сущую Богородицу тя величаем.
Иерей кадит.
О преславнаго мужества твоего, мученице добрая, храбрости душевныя, и твердости ума, и великодушия во всем, простоты сердечныя, и премудрости богатыя, и жажды смерти ради Христа! Сего ради на небесех прияла еси венец славы и обетованную благодать исцелений.
О, венценосная Кетеване, преславная, помози божественному народу твоему, носящему на земли Крест Господень, и не предаждь достояния нашего в поношение врагом, да не рекут вси: где есть Бог их, на Негоже имеют упование?
Треблаженная мати и ходатаице наша, премудрая царице! Ныне моли Небесную Царицу, да исполнит глаголы Своя, яко Милостивая, и да не отлучит от предстательства Своего жребий Свой, ибо согрешихом, но на всяк день усвояем упования наша Ей.
ჰოი, კეთილად-მძლეო მოწამეო, რომელი ქუეყანასა ზედა ნიშთა და სასწაულთა და საკვირველთა დიდებულთა აღასრულებ, რომელთაი არა არს რიცხვი, მოვედ აწ და შემოგვიკრიბენ მამულნი განბნეულნი, და უჩინე მზღუარი, ყოველთა კაცთაგან უსარჩლელი.
ჰოი, დიდო მნათობო ქართველთაო, წმიდაო დედოფალო ქეთევან! რომელმან დასდევ სული შენი ერისათვის მსგავსად მხსნელისა, ნუ დაიდუმებ ოხად წინაშე მისსა, რაითა ღირს-გვყოს კურთხეულთა წინაპართა ჩუენთა მიერ ნაღუაწსა ივირონსა შინა კუალად ქართველთა დამკვიდრებისა და მას შინა საუკუნოდ ნათესავთა შენთა მოხსენებისა და საუფლოისა დიდებისა და ქებისა.
Пресвятая Богородице, Владычице Марие, молитвами святыя великомученицы царицы Кетевани сподоби нас Сына твоего и Бога нашего славити и воспевати:
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради. Господи, помилуй (трижды).
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Священник: Яко Твое есть Царство…
Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце Благому, грешнии приносим: помилуй нас, Господи, помилуй нас.
Слава Отцу и Сыну и Святому Духу.
Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне на ны, яко благоутробен, и избави ны от праведнаго гнева Твоего: Ты бо еси Бог наш, и мы людие Твои, вси дела руку Твоею, и имя Твое наречеся на нас; и помилуй нас.
И ныне и присно и во веки веков. Аминь.
Милосердия двери отверзи нам, благословенная Богородице, надеющиися на тя да не погибнем, но да избавимся тобою от сопротивных враг: ты бо еси спасение рода христианскаго.
Иерей: Помилуй нас, Боже, по велицей милости Твоей, молим Ти ся, Человеколюбче, услыши и помилуй.
Лик: Господи, помилуй (Трижды).
Иерей: Еще молимся о милости, жизни, мире, здравии, долгоденствии, спасении, просвещении, прощении, благопоспешении и тишине рабов (или рабынь) Божиих и всех чад Церкве нашея, да сохранит Господь Бог наш царствующий град сей наш и святый храм сей и вся грады и веси Иверии от глада, губительства, труса, потопа, огня, меча, нашествия иноплеменников, междоусобныя брани и смертоносныя язвы; да милостив нам будет Бог благостию и человеколюбием Своим, во еже благостояти, и отвратит гнев, на ны повседневно движимый, и избавит нас от праведнаго Своего прещения, на ны належащаго, и помилует нас.
Лик: Господи, помилуй (40 раз).
Иерей: Услыши ны, Боже, Спасителю наш, упование всех концев земли и сущих в мори далече, и милостив, милостив буди о гресех наших, и помилуй ны; милостив бо и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Иерей: Паки и паки, преклонше колена, Господу помолимся.
Лик: Господи, помилуй.
О, явное солнце, светило Грузии, щедрая подательнице чудес, милостивая, безгневная, нищих заступнице и падших скорая помощнице, во святых преславная и в женах благочестием просиявшая царице, всехвальная Кетеване!
ჰოი, საკვირველო და ჭეშმარიტად ახოვანო მოწამეო, ღუაწლისა მძლეო ქეთევან! დედობრივითა მოწყალებითა შენითა შეგვაწყნარენ ღმერთსა სახიერსა, რაითა გარე წარაქციოს ყოველნი მტერნი და მაჭირვებელნი ჩუენნი და მოგუანიჭოს ძლევაი მათ ზედა, ხოლო სარწმუნოებაი იგი ჩუენი ქრისტეის მიმართ კუალად განაახლოს და მოგუმადლოს მოუკლებელი სიყუარული ღმრთისაი, მეფისაი და მამულისაი, და აღგვიდგინოს რქაი ცხებულობისაი, რაითა არა მოაკლდეს მეფობაი ნათესავთა შენთა ქუეყანასა ამას უკუნისამდე ჟამთა და იყუნენ იგინი მტკიცედ უფროის კლდეთა მყართა, და დიდებულ იყუნენ უკუნისამდე. განაძლიერე მსახურებასა შინა უწმიდესი და უნეტარესი, სრულიად საქართველოის კათალიკოს-პატრიარქი, მცხეთა-თბილისის მთავარეპისკოპოსი და ბიჭვინთისა და ცხუმ-აფხაზეთის მიტროპოლიტი, დიდი მეუფეი, მამაი ჩუენი ილია, ყოვლადსამღდელონი მიტროპოლიტნი, მთავარეპისკოპოსნი და ეპისკოპოსნი, პატიოსანნი მღდელნი, ქრისტეს მიერ დიაკონნი და ყოველნი სამონაზვნო წესნი, ზიარნი მართლმადიდებელისა ეკლესიისანი და ყოველნი მართლმორწმუნენი ქრისტეანენი. მოსახელენი და მვედრებელნი შენნი ადიდე. ევედრე, ყოვლად ქებულო ახოვანო მარტვილო, შენგან შეყუარებულსა ტკბილსა იესუს, რაითა შეგვინდოს განდგომილებანი, ეკლესიათა ნგრევა-შეგინებანი, ღმრთისმსახურთა მკვლელობანი, ღალატი, შური და უწესობანი, საშოსა შინა ჩვილთა ჩუენთა კლვანი და სხვანიცა, შეცოდებათა ჩუენთა სიმრავლენი.
О, великая во благочестии и в лице мучениц просиявшая, святая царице Кетеване! Милостию, подобною Иисусу Богу, ходатай буди пред Ним, да дарует церквам славу, священству честь, начальником доброе пасение народа, воинам мужество, мирянам безгрешие и женам целомудрие; нам же да дарует добраго жительства жизнь, благотворением украшение, святою молитвою просвещение, исповеданием очищение, причащением озарение, честную кончину, вселение в Царствие, со ангелы пение, со святыми царствование и с тобою славу и благодарение, яко Тому подобает всякая слава, честь и поклонение, со Отцем и Святым Духом, ныне и присно и во веки веков. Аминь.
Иерей: Премудрость!
Пресвятая Богородице, спаси нас.
Лик: Честнейшую херувим и славнейшую без сравнения серафим, без истления Бога Слова рождшую, сущую Богородицу тя величаем.
Иерей: Слава Тебе, Боже наш, слава Тебе.
Лик: Слава Отцу и Сыну и Святому Духу, и ныне и присно и во веки веков. Аминь.
Господи, помилуй (трижды). Благослови.
Иерей творит отпуст.
Лик: Аминь.
Мирянин: Слава Отцу и Сыну и Святому Духу, и ныне и присно и во веки веков. Аминь.
Господи, помилуй (трижды),
Господи Иисусе Христе, Сыне Божий, молитвами Пречистыя Твоея Матере, святыя великомученицы, светила Грузии, царицы Кетевани, и всех святых, помилуй нас. Аминь.
При целовании иконы его поем сице:
Не яко достойни есмы воспомянути светлый подвиг твой, но зело подвизает нас любовь твоя, мучениц доброто Кетеване, и всем сердцем приносим тебе моление: помози нам, прибегающим ко честней и святей иконе твоей и просящим присно твоея помощи; блаженная, не лиши покрова твоего величающих праздник твой и избави нас всех от скорбей и искушений.
Владычице Марие, призри на с верою покланяющихся и с любовию лобызающих всечестную икону святыя царицы Кетевани; благодать же ея и милость твоя да сопутствуют нам во вся дни живота нашего.
Автор-составитель: Тинатин Мчедлишвили
[*] Побочный (глас) — гимнографический термин, обозначающий дополнительные гласы (5–8) в отличие от основных (1–4). «Глас 1 побочный» означает 5-й глас.
[**] Можно вставить и иной припев: Святая великомученице Кетеване, ходатаице буди молящим тя, или: ходатаице буди о нас пред Богом.
