Молебный параклис преподобной матери нашей Сабиане, игумении женской обители Тадзриси в Самцхе
Иерей: Благословен Бог наш…
А иже мирянин, глаголет: Господи Иисусе Христе, Сыне Божий, молитвами Пречистыя Твоея Матере и всех святых, помилуй нас. Аминь.
Слава Тебе, Боже наш, слава Тебе.
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Священник: Яко Твое есть Царство…
Господи, помилуй. (12 раз)
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.
Слава Отцу и Сыну и Святому Духу, и ныне и присно и во веки веков. Аминь.
Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже наш, слава Тебе.
Бог Господь, и явися нам, благословен Грядый во имя Господне.
Стих 1: Исповедайтеся Господеви, яко благ, яко в век милость Его. Стих 2: Вси языцы обыдоша мя, и именем Господним противляхся им. Стих 3: Не умру, но жив буду и повем дела Господня. Стих 4: Камень, егоже небрегоша зиждущии, сей бысть во главу угла; от Господа бысть сей и есть дивен во очесех наших.
В тебе, мати, известно спасеся еже по образу: приемши бо крест, последовала еси Христу, и деющи учила еси презирати убо плоть, преходит бо, прилежати же о души, вещи безсмертней; темже и со ангелы срадуется, блаженная Сабиано, дух твой.
Слава… Тропарь (тот же). И ныне…
Не умолчим никогда, Богородице, силы твоя глаголати, недостойнии; аще бы бо ты не предстояла молящи, кто бы нас избавил от толиких бед? Или кто бы сохранил нас доныне свободны? Не отступим, Владычице благословенная, от тебе, ты бо спасаеши души наша от всех искушений.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Ирмос: Мановением Твоим, Боже, естества текущая стеною воздвигл еси и посреде их провел еси люди израильтяны посуху, и пояху песнь победную.
Преподобная мати Сабиано, моли Бога о нас
Елеем подвигов и трудов утучнив светильник девства, Сабиано, вошла еси в чертог вечный с мудрыми девами и поеши Господу песнь победную.
Преподобная мати Сабиано, моли Бога о нас
Празднует Церковь Грузинская память твою, преподобная мати Сабиано, и повелевает всем верным ублажати подвижничество твое и хвалити Бога.
Слава Отцу и Сыну и Святому Духу.
Стену божественную и утверждение и благое предстательство стяжахом тя, мати всемужественная, и не престанем молити тя, да сохраниши нас от всяких зол.
И ныне и присно и во веки веков. Аминь.
Разрешися клятва Евы, первыя матере, егда Неискусобрачная роди Превысшаго естеств; людие же вернии, якоже достойно есть, праведно славят ю.
Ирмос: Боже Спасе наш, всех Создателю, словом утвердивый небеса высокая со всею силою их, и Духом божественным утверди нас единством на камени веры.
Преподобная мати Сабиано, моли Бога о нас
Восприим ревность божественную, преходящий сей век оставила еси ради непреходящаго блаженства и, последовавши подвигу ангельскому, в иночество постриглася еси в Самцхе, в женской обители Тадзриси.
Преподобная мати Сабиано, моли Бога о нас
Безплотных ангелов житию во плоти подражающи, всю нощь с воздеянием рук молитвою, молением, коленопреклонением и слез излиянием совершала еси служение Небесному Господу.
Слава Отцу и Сыну и Святому Духу.
Текущи поприщем подвига, блаженная, дарования разума стяжала еси послушанием и молитвою теплою, блаженная, и уразумети силу святых Писаний умудрилася еси благодатию божественною.
И ныне и присно и во веки веков. Аминь.
Избавителю наш, молитвами Родшия Тя мир миру даруй и победу на враги Крестом даждь боголюбивому народу нашему, и верных сподоби прощения.
Избави от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, Всепетая Богородице, и тел наших лютыя язвы исцели и душ наших болезни.
Иерей: Помилуй нас, Боже, по велицей милости Твоей, молим Ти ся, услыши и помилуй.
Лик: Господи, помилуй (Трижды).
Иерей: Еще молимся о богохранимем народе нашем и державе его (о христолюбивом правительстве и воинстве его).
Лик: Господи, помилуй (Трижды).
Иерей: Еще молимся о Святейшем и Блаженнейшем Католикосе-Патриархе всея Грузии, Архиепископе Мцхетско-Тбилисском и Митрополите Бичвинтском и Цхум-Абхазском, великом господине и отце нашем Илии, и о преосвященнейшем (поминается местный архиерей), и о всей во Христе братии нашей.
Лик: Господи, помилуй (Трижды).
Иерей: Еще помолимся Господу Богу нашему, да помилует раба или рабу (здесь поминайте по имени тех, о нихже молитеся).
Лик: Господи, помилуй (Трижды).
Иерей: Умножи, Господи, дни и лета живота их и избави их, Господи, от всякия скорби, гнева и нужды, и от всякия язвы душевныя и телесныя, и прости им всякое согрешение, вольное же и невольное.
Лик: Господи, помилуй (Трижды).
Иерей: Еще молимся о всех православных христианех.
Лик: Господи, помилуй (Трижды).
Иерей: Яко милостив и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Имущи веру истинную и сердце милостивое, дела всячески дивная показала еси, ибо божественными и мудрыми словесы твоими неученыя научала еси, и наученныя утверждала еси, и погруженныя в волнах страстей изводила еси, и погружающияся, яко искусный кормчий, от моря сего житейскаго непотопляемы избавляла еси; ныне и нас просвети, преподобная, уповающих на тя и хвалящих.
Ирмос: Христе Боже, не оставивый недр Отчих на небеси и снизшедый на землю, слышах слух Твой и хвалою славлю силу Твою.
Преподобная мати Сабиано, моли Бога о нас
Взошедши на высокую лествицу игуменства, исполненная благодати Божией, молитва твоя, и слово, и учение бысть кормчий и правитель инокиням и народом.
Преподобная мати Сабиано, моли Бога о нас
Велию премудрость и силу даровавшу тебе Богу, послушала еси воли Его, достойно ублажаемая, и добре управляла еси стада твоя, от Него тебе вверенная.
Слава Отцу и Сыну и Святому Духу.
Якоже подражала еси мужеству святых, преподобная, подражала еси и любви их, юже имяху друг ко другу, и руце милости простирала еси ко вдовицам, сиротам и нищим.
И ныне и присно и во веки веков. Аминь.
Истинная Мати Божия, моли Сына твоего и Создателя, да наставит нас в тихое пристанище и избавит от потопления грехов наших.
Ирмос: Дух спасения, Господи, иже зачаша в сердцах первии пророцы и родиша на земли, возвести нам пришествие Твое на землю в живот верных, и ныне просвещеннии песньми величаем Тя.
Преподобная мати Сабиано, моли Бога о нас
Видев Господь чистоту души твоея, благодать отверзения ума и уразумения отроков, яко мзду, обильно дарова тебе; ныне и нам помози, святая, и даруй нам росу благодати твоея.
Преподобная мати Сабиано, моли Бога о нас
Егда яви тя Христос бездну учений, вручаху тебе вельможи отроки своя, ихже воспитывала еси в страсе Божии и научала еси, како подобает им бранитися на духи лукавыя.
Слава Отцу и Сыну и Святому Духу.
Мудра и любезна быв, преподобная, благочестием воспитала еси Феклу и брата ея, преподобнаго Георгия Святогорца; ныне купно испросите нам от Бога, да дарует и нам здравие телесное и дух премудрости.
И ныне и присно и во веки веков. Аминь.
Небо и земля просветишася тобою, Неневестная Мати Иисусова, ибо возсияла еси нам Свет неугасимый, Бога всех, Иже во тьме заключенныя избави и Небеснаго Царствия жители яви нас.
Ирмос: Погружен волнами напастей мира сего, кораблем греха потоплен и зверю душегубительному вержен, вопию Ти: яко Иону, от тли и смерти избави мя, Христе.
Преподобная мати Сабиано, моли Бога о нас
Сияла еси, яко светильник на высоцем свещнице, и светом Троицы просвещала еси землю нашу, ревность инокинь возрастила еси, богомудрая, и многих воздвигла еси на подражание добродетелем твоим.
Преподобная мати Сабиано, моли Бога о нас
Явилася еси миро благоуханное благодатию божественною и благоуханными сотворила еси люди твоя учением; ныне не престай подвизатися о нас пред Богом, да дарует нам сердце разумно и мудро, еже различати благое и лукавое.
Слава Отцу и Сыну и Святому Духу.
Окрилив ум подвигом о дарованиях Божиих, всем показала еси высоту смирения и к Богу ведущий путь избавления и жизни; ныне и нас очисти от грехов и вооружи божественным бодрствованием.
И ныне и присно и во веки веков. Аминь.
Прообрази таинство твое, Дево, первее кивот закона, вместилище божественных писаний, и стамна златая, жилище манны, и жезл.
Избави от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, Всепетая Богородице, и тел наших лютыя язвы исцели и душ наших болезни.
Иерей: Паки и паки миром Господу помолимся…
Лик: Господи, помилуй.
Иерей: Заступи, спаси, помилуй и сохрани нас, Боже, Твоею благодатию.
Лик: Господи, помилуй.
Иерей: Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга и весь живот наш Христу Богу предадим.
Лик: Тебе, Господи.
Иерей: Яко Ты еси Царь мира и Спас душ наших, и Тебе славу возсылаем, Отцу и Сыну и Святому Духу, ныне и присно и во веки веков. Аминь.
Лик: Аминь.
Добродетелию подвизалася еси, яко раба Христова добропобедная, и путем заповедей Его водила еси вверенных тебе, преподобная мати Сабиано, и явилася еси правило инокиням и светило народа грузинскаго.
Иерей: Вонмем. Премудрость. Прокимен, глас 4
Честна пред Господем смерть преподобных Его.
Стих: Пойте Господеви, преподобнии Его.
Иерей: Господу помолимся.
Лик: Господи, помилуй.
Иерей: Яко свят еси, Боже наш, и во святых почиваеши, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Иерей: Всякое дыхание да хвалит Господа.
Стих: Хвалите Бога во святых Его, хвалите Его во утверждении силы Его.
Иерей: И о сподобитися нам слышанию святаго Евангелия Господа Бога молим.
Лик: Господи, помилуй (Трижды).
Иерей: Премудрость, прости, услышим святаго Евангелия. Мир всем.
Лик: И духови твоему.
Иерей: От Луки святаго Евангелия чтение.
Лик: Слава Тебе, Господи, слава Тебе.
Иерей: Вонмем.
Рече Господь учеником Своим: блаженны нищие духом, ибо ваше есть Царствие Божие. Блаженны алчущие ныне, ибо насытитесь. Блаженны плачущие ныне, ибо воссмеетесь. Блаженны вы, когда возненавидят вас люди и когда отлучат вас, и будут поносить, и пронесут имя ваше, как бесчестное, за Сына Человеческого. Возрадуйтесь в тот день и возвеселитесь, ибо велика вам награда на небесах.
Лик: Слава Тебе, Господи, слава Тебе.
Слава Отцу и Сыну и Святому Духу.
Молитвами преподобныя матере нашея Сабианы, Милостиве, очисти множества наших согрешений.
И ныне и присно и во веки веков. Аминь.
Молитвами Святыя Богородицы, Милостиве, очисти множества наших согрешений.
Помилуй мя, Боже, по велицей милости Твоей, и по множеству щедрот Твоих очисти беззаконие мое, и помилуй мя, Боже.
გერი: სათნოებამან შენმან და სიქველემან, ღმერთშემოსილო დედაო, მრავალნი აღძრნეს სიმხნედ და ბაძვად ახოვნებისა შენისა და სიწმიდისა, აწ გვითხოვე ქრისტეის მიერ შეურყეველად დამტკიცებაი ეკლესიათაი, და დაცვაი ერისა ჩუენისაი, სიმტკიცეი მორწმუნეთა და ამაღლებაი რქისა მათისაი მწვალებელთა ზედა, მშვიდობაი სოფელსა და მოსავთა შენთა წყალობაი.
Иерей: Спаси, Боже, люди Твоя и благослови достояние Твое, посети мир Твой милостию и щедротами, возвыси рог христиан православных и низпосли на ны милости Твоя богатыя, молитвами Всепречистыя Владычицы нашея Богородицы и Приснодевы Марии; силою Честнаго и Животворящаго Креста; предстательствы честных Небесных Сил безплотных; честнаго, славнаго Пророка, Предтечи и Крестителя Иоанна; святаго великаго пророка Илии Фесвитянина и праведнаго Еноха; святых славных и всехвальных первоверховных апостолов Петра и Павла; святаго апостола Фомы и просветителей Грузии, апостолов Андрея Первозваннаго, Симона Кананита, Варфоломея, Фаддея и Матфия; иже во святых отец наших и вселенских великих учителей и святителей Василия Великаго, Григория Богослова и Иоанна Златоустаго; иже во святых отца нашего Николая, архиепископа Мир Ликийских, чудотворца; святаго славнаго великомученика и победоносца Георгия и святых великих дев-мучениц Варвары и Марины; преподобныя матере нашея, равноапостольныя девы Нины, просветительницы Грузии, и святаго патриарха Евстафия Антиохийскаго, освятителя церквей Картлийских; святых равноапостольных царя Мириана и царицы Наны; святых патриархов наших Петра, Самуила, Сармиана, Мамая, Арсения, Мелхиседека, Иоанна-Златоуста, Николая, Евдемия, Иосифа, Кириона и Амвросия; преподобнаго отца нашего Иоанна Зедазнийскаго и двоюнадесяти учеников его, вторых просветителей Церкве Грузинския и присных ея покровителей, и святаго священномученика Неофита Урбнисскаго; богомудрых блаженных отец наших Илариона Грузина, Серапиона Зарзмскаго, Григория Хандзтийскаго и Саввы Ишхнийскаго; преподобных отец наших Афонских Иоанна и Гавриила Грузинов, Иоанна, бывшаго Торники, и Евфимия и Георгия Святогорцев; святых славных и добропобедных мучеников наших Раждена, Евстафия Мцхетскаго, Або Тбилисскаго, Михаила-Гоброна, Феодора пресвитера, Христофора Гурийскаго, Николая Двали, Козмана, князей Аргветских Давида и Константина и князя Константина; святаго великомученика Бидзины и святых славных мучеников Шалвы и Элизбара, эриставов Ксанских; святаго мученика Шалвы Ахалцихскаго и святых ста тысяч мучеников, в Тбилиси от хорезмийцев избиенных; святых мучеников, шести тысяч иноков Гареджийских, и многих святых отцев и матерей, в Аджарии от турок умученных; святаго священномученика Анфима Ивера и святых добропобедных царей и цариц Мирдата, Ашота, Архила, Димитрия, Луарсаба, Шушаники и Кетевани; святых благоверных и великих царей наших Вахтанга Горгасала, Давида Строителя, Димитрия-Дамиана, Тамары, Соломона Перваго и Соломона Втораго; святаго Илии Праведнаго, Евфимия Человека Божия и Евфимия Исповедника; святых исповедников отец наших Иоанна и Георгия-Иоанна Бетанийских и преподобнаго отца нашего архимандрита Гавриила, исповедника и юродиваго; святых и праведных богоотец Иоакима и Анны (и святаго, егоже есть храм, и святаго дне), и преподобныя и богоносныя матере нашея Сабианы и всех святых Твоих молим Тя, многомилостиве Боже, услыши моление нас, грешных, и помилуй нас.
Лик: Господи, помилуй (12 раз).
Иерей: Милостию, и щедротами, и человеколюбием Единороднаго Сына Твоего, с Нимже благословен еси, со Пресвятым, и Благим, и Животворящим Твоим Духом, ныне и присно и во веки веков.
Лик: Аминь.
Ирмос: Отроцы в Вавилоне в пещи росою свыше орошени, к Богу вопияху и глаголаху: благословен еси, Господи отец наших, Боже, во веки.
Преподобная мати Сабиано, моли Бога о нас
Вместо Едема, яко рай отверзтый, имуще обитель твою, инокини, потоком сладостей твоих исполняемы, благодаряху тя и благословляху Господа, Бога отцев.
Преподобная мати Сабиано, моли Бога о нас
Быв свет незаблудный душам, тьмою греховною покровенным, мглу похотей от них отгоняла еси светом учений твоих и явилася еси, яко правило инокиням.
Слава Отцу и Сыну и Святому Духу.
Просвещенная сиянием благодатей духовных, преподобная, яко столп огненный, разделила еси моря искушений; ныне и от нас отжени вся недуги и нападения лукаваго.
И ныне и присно и во веки веков. Аминь.
Радуйся, дщи Адамова; радуйся, Невесто Божия; радуйся, Мати Спасова, вместившая Творца твоего; заступи нас присно.
Ирмос: Купина в Синаи несгораемая Бога яви гугнивому и косноязычному Моисею, и ревность божественная отроки от пещи избави, и в песни вопияху: вся дела, благословите днесь Бога и Господа, пойте и превозносите Его во веки.
Преподобная мати Сабиано, моли Бога о нас
Добре скончавши лета жития твоего, предала еси дух твой Христу, и всели тя во Царствие Свое, святое же тело твое с честию погребоша в мученической обители женской, и гроб мощей твоих, яко источник благодатей, содержаху грузины.
Преподобная мати Сабиано, моли Бога о нас
Вина забвения есть смерть, но подвиг твой воспомяну преподобный Георгий Мцире в «Житии» Георгия Святогорца и подвиже нас на похвалу тебе и на славословие Богу. Того моли ныне, да покрыет нас от браней диавольских, от соблазнов плотских и от смятений мирских.
Слава Отцу и Сыну и Святому Духу.
Честную память твою оставила еси народу твоему, подвиг твой возвеличи Церковь наша и повелевает всем чадом своим похвалами восхваляти тя и воспевати Бога; ныне не престай молити Его, да направит нас на спасительный путь покаяния.
И ныне и присно и во веки веков. Аминь.
სჯულისა კიდობანმან მოგასწავა შენ, ღმრთისმშობელო, არათუ ფიცარნი გაქუნდეს შენი, არამედ ქრისტე ღმერთი სჯულისმდებელი, რომელი იგი უსჯულომან ერმან ჯუარს აცუა ხსნად ჩუენდა, რომელნი ვიტყვით: ღმერთსა და უფალსა უგალობდით და ამაღლებდით მას უკუნისამდე.
Ирмос: Неискусобрачная, нетления хранительница, Слово Творца в естество облекла еси. Прииди, Пречистая Дево Богородице, с рожденным от тебе научи верныя, да сподобимся славити тя.
Преподобная мати Сабиано, моли Бога о нас
Не токмо небесе жительница еси, но молитвенница и скорая помощница и покровительница народа нашего; сего ради подвизаем тя на ходатайство к Богу, да покрыет нас от сетей лукаваго и от всякаго соблазна.
Преподобная мати Сабиано, моли Бога о нас
Силою Христовою явилася еси непобедимая помощница верным Его и божественною помощию исцеляеши недуги и болезни. Ныне и на ны призри свыше, блаженная, и избави нас от немощей душевных и телесных.
Слава Отцу и Сыну и Святому Духу.
Возвещает подвиги твоя Тадзриси и велегласно проповедует о теплых молитвах твоих, мы же желаем ити во святую ону обитель, яко прозябает благодать истинную и воздвизает нас на славословие Пресвятыя Троицы.
И ныне и присно и во веки веков. Аминь.
Ветхий закон прообразует тя, Дево Святая, и новый исповедует тя Богородицу, Неневестная, и мы, вернии, с верою глаголем: Родительнице Слова, не престай молитися Богу о уповающих на тя.
Достойно есть яко воистинну блажити тя, Богородицу, присноблаженную и пренепорочную и Матерь Бога нашего. Честнейшую херувим и славнейшую без сравнения серафим, без истления Бога Слова рождшую, сущую Богородицу тя величаем.
Иерей кадит.
Чтец или мирянин чтет:
Соберитеся, о иноцы, со священством и народы, да похвалением духовным украсим блаженную матерь нашу Сабиану, добрую строительницу и подвижницу женской обители Самцхийской, и восхвалим укрепившаго ю Христа, даровавшаго таковую матерь и скорую помощницу народу нашему, жребию Матере Своея.
О множества дарований твоих, мати, яже преславно украсила еси Церковь Иверскую светлостию жития твоего; ныне ходатайствуй о нас пред Богом, да не по правде воздаст нам за злая дела наша и да избавит нас от обстоящих нас лютых скорбей и печалей.
Кто ныне изочтет дивный подвиг твой, преподобная мати Сабиано? Ибо была еси истинная мати всем, к тебе прибегающим, и Богородицу зело моляще о народе твоем и о благопоспешении его; ныне паки поручи нас благости Ея, да дарует нам видети грехи своя и, яко блудныя сыны, возвратит нас в недра Отца нашего, да вси творим правду и Трисвятым хвалим Бога:
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Священник: Яко Твое есть Царство…
Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце Благому, грешнии приносим: помилуй нас, Господи, помилуй нас.
Слава Отцу и Сыну и Святому Духу.
Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне на ны, яко благоутробен, и избави ны от праведнаго гнева Твоего: Ты бо еси Бог наш, и мы людие Твои, вси дела руку Твоею, и имя Твое наречеся на нас; и помилуй нас.
И ныне и присно и во веки веков. Аминь.
Милосердия двери отверзи нам, благословенная Богородице, надеющиися на тя да не погибнем, но да избавимся тобою от сопротивных враг: ты бо еси спасение рода христианскаго.
Иерей: Помилуй нас, Боже, по велицей милости Твоей, молим Ти ся, услыши и помилуй.
Лик: Господи, помилуй (Трижды).
Иерей: Еще молимся о милости, жизни, мире, здравии, долгоденствии, спасении, просвещении, прощении, благопоспешении и тишине рабов (или рабынь) Божиих и всех чад Церкве нашея, да сохранит Господь Бог наш царствующий град сей наш и святый храм сей и вся грады и веси Иверии от глада, губительства, труса, потопа, огня, меча, нашествия иноплеменников, междоусобныя брани и смертоносныя язвы, да милостив будет нам Бог ради благостояния благостию и человеколюбием Своим, и да отвратит гнев, на ны повседневно движимый, и избавит нас от праведнаго Своего прещения, на ны належащаго, и помилует нас.
Лик: Господи, помилуй (12 раз).
Иерей: Услыши ны, Боже, Спасителю наш, упование всех концев земли и сущих в мори далече, и милостив, милостив буди о гресех наших, и помилуй ны; милостив бо и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
О, преславная и подвигом просиявшая мати Сабиано, великая игумение обители Тадзриси и жительнице Царствия Небеснаго, столпе и утверждение Церкве, просветительнице и покровительнице народа нашего; помощнице и правило инокинь, прибежище и сило с верою к тебе припадающих!
О, иноков и подвижников похвало, богомудрая мати Сабиано! Всякую плотскую волю оставившая и Царю Небесному угодившая, ныне поручи нас благости Его, да возрастит нас и умножит и исполнит духа премудрости, взаимныя любве и божественнаго разумения, да не будем предатели похвалы нашея — православия, и да сохранит нас от сети вражия, от братоненавидения и от мучительства бесовскаго. Всесильною благодатию молитвы твоея покрый и в служении укрепи Святейшаго и Блаженнейшаго Католикоса-Патриарха всея Грузии, Архиепископа Мцхетско-Тбилисскаго и Митрополита Бичвинтскаго и Цхум-Абхазскаго, великаго господина отца нашего Илию, преосвященных митрополитов, архиепископов и епископов, честных пресвитеров, во Христе диаконов и весь монашеский чин, членов Православной Церкве и всех православных христиан.
О, в женах высотою учений прославленная и подвигом дивная, всеблаженная мати Сабиано! Имеющим имя твое, яко оружие твердое, и почитающим светлую память твою, ныне предстательствуй за нас пред Иисусом, Господем нашим и Спасом, да дарует нам многолетнее в добром благоденствии житие, православием просвещение, добрыми делы упокоение, в Царствии Небеснем осияние, со ангелы пение, со святыми царствование и с тобою славу и благодарение, яко Тому подобает всякая слава, честь и поклонение, со Отцем и Святым Духом, ныне и присно и во веки веков. Аминь.
Иерей: Премудрость!
Пресвятая Богородице, спаси нас.
Лик: Честнейшую херувим и славнейшую без сравнения серафим, без истления Бога Слова рождшую, сущую Богородицу тя величаем.
Иерей: Слава Тебе, Боже наш, слава Тебе.
Лик: Слава Отцу и Сыну и Святому Духу, и ныне и присно и во веки веков. Аминь.
Господи, помилуй (трижды). Благослови.
Иерей творит отпуст.
Лик: Аминь.
Мирянин: Слава Отцу и Сыну и Святому Духу, и ныне и присно и во веки веков. Аминь.
Господи, помилуй (трижды),
Господи Иисусе Христе, Сыне Божий, молитвами Пречистыя Твоея Матере, преподобныя матере нашея Сабианы и всех святых, помилуй нас. Аминь.
При целовании иконы поем сице:
Свышним светом сияеши, о мати дивная, и божественною силою подаеши исполнение прошений почитающим и молящим тя, всеблаженная Сабиано; ныне и нам помози пред Богом, да избавятся души наша от работы диавола и от пленения страстей, в час же суда да избавит нас от вечных оных горьких мук.
Пресвятая Богородице, призри на с верою припадающих и с любовию лобызающих икону преподобныя матере нашея Сабианы, да благодать ея и милость твоя сопутствуют нам во вся дни живота нашего.
Автор-составитель: Тинатин Мчедлишвили
