Параклис преподобному отцу нашему Сергию Радонежскому
Святому Сергию Радонежскому молятся об избавлении от врагов видимых и невидимых, от пленения, от бесов и от козней лукавых духов, а также о вразумлении отроков и о даровании разумения людем
Иерей: Благословен Бог наш…
Аще мирянин, глаголет: Молитвами святых отец наших, Господи Иисусе Христе, Боже наш, помилуй нас. Аминь.
Слава Тебе, Боже наш, слава Тебе.
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды)
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Священник: Яко Твое есть Царство…
Господи, помилуй. (12 раз)
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.
Слава Отцу и Сыну и Святому Духу, и ныне и присно и во веки веков. Аминь.
Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже наш, слава Тебе.
Бог Господь, и явися нам, благословен Грядый во имя Господне. Стих 1: Исповедайтеся Господеви, яко благ, яко в век милость Его. Стих 2: Вси языцы обыдоша мя, и именем Господним противляхся им. Стих 3: Не умру, но жив буду и повем дела Господня. Стих 4: Камень, егоже небрегоша зиждущии, сей бысть во главу угла; от Господа бысть сей и есть дивен во очесех наших.
Добродетелию подвизался еси, яко воин Христов добропобедный, и презрел еси всю суету мира, но молитвою и бдением образ был еси учеником твоим и явился еси правило иноков и светлое светило всему миру; ныне молим тя, яко имеяй дерзновение пред Пресвятою Троицею, непоколебимо сохрани весь православный народ, преподобне отче Сергие, радующийся светлой памяти твоей.
Слава Отцу и Сыну и Святому Духу.
Пустыни житель и во плоти ангел, и чудотворец явился еси, богоносе отче Сергие; поста, бдения и молитвы благодать с небесе приял еси и исцеляеши недуги немощных и души, верою к тебе притекающих. Слава Давшему ти крепость, слава Венчавшему тя, слава Действующему тобою всем чудеса.
И ныне и присно и во веки веков. Аминь.
Не умолчим никогда, Богородице, силы твоя глаголати, недостойнии; аще бы бо ты не предстояла молящи, кто бы нас сохранил доныне свободны? Не отступим, Владычице, от тебе, твоя бо рабы спасаеши присно от всяких лютых.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Ирмос: Мановением Твоим, Боже, естества текущая стеною воздвигл еси и посреде их провел еси люди израильтяны посуху, и пояху песнь победную.
Преподобне отче Сергие, моли Бога о нас.
Создатель позна тя во утробе матерней и от рождества твоего освяти тя, ты же от юности возлюбил еси Господа, взял еси крест Его, блаженне, и последовал еси стопам Его.
Преподобне отче Сергие, моли Бога о нас.
Виде Зритель умов Бог прежде святыню души твоея, сего ради облиста светом ум твой и исполни тя премудрости божественныя.
Слава Отцу и Сыну и Святому Духу.
Все желание твое к Богу вознесл еси от юности и к Нему имел еси все стремление твое, и движения плотская и волны страстей подвигом умертвил еси.
И ныне и присно и во веки веков. Аминь.
Разрешися клятва Евы, первыя матере, егда Неискусобрачная роди Превысшаго естеств; людие же вернии, якоже достойно есть, праведно славят ю.
Ирмос: Боже Спасе наш, всех Создателю, словом утвердивый небеса высокая со всею силою их, и Духом божественным утверди нас единством на камени веры.
Преподобне отче Сергие, моли Бога о нас.
От мятежей мира скоро удалился еси, богомудре Сергие, ибо бегал еси их любве ради Божия, и в пустынях создал еси обители, душам полезныя, во спасение многих.
Преподобне отче Сергие, моли Бога о нас.
Воздвигнутое волнение мира сего утолил еси святынею, и пустыню ону, зверей стан и бесов жилище, претворил еси в жилище человеков и создал еси им храм славный во славу Пресвятыя Троицы.
Слава Отцу и Сыну и Святому Духу.
Божественную благодать, ум твой Духом Святым подвизающую, богоносе, светлейшую паче ока солнечнаго, воспеваем, блаженне Сергие, и к Богу подвизаем тя ходатайствовати, преподобне: испроси нам прощение грехов наших.
И ныне и присно и во веки веков. Аминь.
მჴსნელო ჩუენო, ვედრებითა მშობელისა შენისაჲთა მშჳდობაჲ სოფელსა მოჰმადლე, და ძლევაჲ ჯუარითაჲ მოეც ერსა ჩუენსა ღმრთისმოყუარესა მტერთა ზედა ურწმუნოთა, და შენდობასა ღირს-მყვენ მორწმუნენი.
Избави от напастей присно уповающих на святыню твою, преподобне и чудотворче отче Сергие, яко вси к тебе прибегаем, яко нерушимей стене и предстательству.
Призри на ны, преподобне отче Сергие, и тел наших лютыя язвы исцели и души нашея недуги.
Иерей: Помилуй нас, Боже, по велицей милости Твоей, молим Ти ся, услыши и помилуй.
Лик: Господи, помилуй (Трижды).
Иерей: Еще молимся о богохранимем народе нашем и державе его (о христолюбивом правительстве и воинстве его).
Лик: Господи, помилуй (Трижды).
Иерей: Еще молимся о Святейшем и Блаженнейшем Католикосе-Патриархе всея Грузии, Архиепископе Мцхетско-Тбилисском и Митрополите Бичвинтском и Цхум-Абхазском, великом господине и отце нашем Илии, и о преосвященнейшем (поминается местный архиерей), и о всей во Христе братии нашей.
Лик: Господи, помилуй (Трижды).
Иерей: Еще помолимся Господу Богу нашему, да помилует раба или рабу (здесь поминайте по имени тех, о нихже молитеся). Умножи, Господи, дни и лета живота их и избави их, Господи, от всякия скорби, гнева и нужды, и от всякия язвы душевныя и телесныя, и прости им всякое согрешение, вольное же и невольное.
Лик: Господи, помилуй (Трижды).
Иерей: Еще молимся о всех православных христианех.
Лик: Господи, помилуй (Трижды).
Иерей: Яко милостив и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Пустынное жительство возлюбил еси паче мирскаго наслаждения и временныя сладости и, создав лавру Троицы во славу Божию, непроходимыя и жестокия пустыни градом сотворил еси множеством иноков и богослужение украсил еси святынею твоею, еюже приближился еси к божественному сиянию, блаженне Сергие; ныне молитвою твоею сподоби и нас видети славу Его.
Слава Отцу и Сыну и Святому Духу, и ныне и присно и во веки веков. Аминь.
Подвигом страсти плотския покорил еси, отче, разумной души, и крилом безстрастия окрилився, приял еси благодать Святаго Духа, и недуги человеческия исцеляеши, и бесы отгоняеши, и избавляеши молящих тя. Сего ради собор иноков ублажает тя присно, всехвальне Сергие, и почитает святую память твою. Христа моли, ко Христу ходатай буди о даровании церквам единства, православным народом мира и поющим тебе милости.
Ирмос: Христе Боже, не оставивый недр Отчих на небеси и снизшедый на землю, слышах слух Твой и хвалою славлю силу Твою.
Преподобне отче Сергие, моли Бога о нас.
Пустыню праздную населил еси и плодоносну сотворил еси напоением слез твоих. Ныне пред лицем Божиим предстоиши: помяни нас, блаженне, и ходатай буди поющим тебе.
Преподобне отче Сергие, моли Бога о нас.
Скоти, яко словесни, повиновахуся тебе, и звери прещением отгоняхуся, человецы же, исцеляемии тобою, преподобне, непрестанно славляху Бога.
Слава Отцу и Сыну и Святому Духу.
Ангелоподобен был еси образом и исполнен премудрости, и блистания светлости испущал еси, и богословесными усты глаголал еси славу Божию паче риторов.
И ныне и присно и во веки веков. Аминь.
Истинная Мати Божия, моли Сына твоего и Создателя, да наставит нас в тихое пристанище и избавит от потопления грехов наших.
Ирмос: Дух спасения, Господи, иже зачаша в сердцах первии пророцы и родиша на земли, возвести нам пришествие Твое на землю в живот верных, и ныне просвещеннии песньми величаем Тя.
Преподобне отче Сергие, моли Бога о нас.
Стадо, вверенное тебе, кротким и смиренным духом пасл еси и, Христу подобно, всех научал еси, да разделяют нищим щедро, премудре, и напитают неимущих. Ныне и нам ниспосли благодатную помощь твою.
Преподобне отче Сергие, моли Бога о нас.
Множество иноков исповедует тя наставника, богоносе отче, и веселится о памяти твоей; ныне молим тя, святый Сергие, яко имея дерзновение велие, уповающих на тя избави от всех скорбей, находящих и грядущих.
Слава Отцу и Сыну и Святому Духу.
მოსალოდებელისა, ვითარცა აწმყოჲსა მჭურეტელმან, ძლევაჲ მონღოლთა ზედა წინაჲთვე აუწყე დიდსა მთავარსა დიმიტრისა, ხოლო ურიცხვთა მტერთა კუეთებითა შერყეული ქუეყანაჲ შენი უვნებელად დაიცევ ძმათა მტერობისა და განხეთქილებისაგან.
И ныне и присно и во веки веков. Аминь.
Небо и земля просветишася тобою, Неневестная Мати Иисусова, ибо возсияла еси нам Свет неугасимый, Бога всех, Иже во тьме заключенныя избави и Небеснаго Царствия жители яви нас.
Ирмос: Погружен волнами напастей мира сего, кораблем греха потоплен и зверю душегубительному вержен, вопию Ти: яко Иону, от тли и смерти избави мя, Христе.
Преподобне отче Сергие, моли Бога о нас.
Аще и был еси возжжен огнем веры и удалился еси соблазнов мира, но явился еси наставник духовный народа твоего, святый Сергие, и просветил еси его на служение Святей Троице.
Преподобне отче Сергие, моли Бога о нас.
Якоже отрока оного, от врага пострадавша, умилосердився зело, помолился еси тепле и воскресил еси, тако и нас избави от недугов и болезней, блаженне Сергие, и от всякия скорби сохрани.
Слава Отцу и Сыну и Святому Духу.
Ныне разреши воздвигнутыя страсти душ наших и неисцельныя болезни телесныя теплым молением твоим, треблаженне Сергие, ибо от Бога богато стяжал еси благодать исцелений.
И ныне и присно и во веки веков. Аминь.
Прообрази таинство твое, Дево, первее кивот закона, вместилище божественных писаний, и стамна златая, жилище манны, и жезл.
Избави от напастей присно уповающих на святыню твою, преподобне и чудотворче отче Сергие, яко вси к тебе прибегаем, яко нерушимей стене и предстательству.
Призри на ны, преподобне отче Сергие, и тел наших лютыя язвы исцели и души нашея недуги.
Иерей: Паки и паки миром Господу помолимся.
Лик: Господи, помилуй.
Иерей: Заступи, спаси, помилуй и сохрани нас, Боже, Твоею благодатию.
Лик: Господи, помилуй.
Иерей: Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга и весь живот наш Христу Богу предадим.
Лик: Тебе, Господи.
Иерей: Яко Ты еси Царь мира и Спас душ наших, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Любовию Христовою уязвлен, скоро последовал еси стопам Его желанием, преподобне, и всецело возненавидел еси сласти мира сего и, яко солнце, возсиял еси земли твоей; сего ради украси тя Христос Бог светом чудес и сиянием божественных дарований. Ныне помяни почитающих светоносную память твою, вопиющих ти: радуйся, богомудре отче Сергие!
Явлениями свыше, яко солнце светлое, возсиял еси нам из гроба сокровище честное — святыя мощи твоя, богатство безценное, неистощимое, и злато боголучезарное, и радостию божественною исполнил еси землю твою и весь православный народ, святая же рака мощей твоих, яко источник неоскудный, источает благоухание благодатей и исцеление подает почитающим ю. Не забуди нас, величающих тя, отче, помяни нас пред Пресвятою Троицею и испроси нам мир, да зовем: радуйся, богомудре отче Сергие!
Иерей: Вонмем. Премудрость. Прокимен, глас 4
Честна пред Господем смерть преподобных Его.
Стих: Пойте Господеви, преподобнии Его.
Иерей: Господу помолимся.
Лик: Господи, помилуй.
Иерей: Яко свят еси, Боже наш, и во святых почиваеши, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Иерей: Всякое дыхание да хвалит Господа.
Стих: Хвалите Бога во святых Его, хвалите Его во утверждении силы Его.
Иерей: И о сподобитися нам слышанию святаго Евангелия Господа Бога молим.
Лик: Господи, помилуй (Трижды).
Иерей: Премудрость, прости, услышим святаго Евангелия. Мир всем.
Лик: И духови твоему.
Иерей: От Луки святаго Евангелия чтение.
Лик: Слава Тебе, Господи, слава Тебе.
Иерей: Вонмем.
Рече Господь учеником Своим: блаженны нищие духом, ибо ваше есть Царствие Божие. Блаженны алчущие ныне, ибо насытитесь. Блаженны плачущие ныне, ибо воссмеетесь. Блаженны вы, когда возненавидят вас люди и когда отлучат вас, и будут поносить, и пронесут имя ваше, как бесчестное, за Сына Человеческого. Возрадуйтесь в тот день и возвеселитесь, ибо велика вам награда на небесах.
Лик: Слава Тебе, Господи, слава Тебе.
Слава Отцу и Сыну и Святому Духу.
Молитвами преподобнаго отца Сергия Радонежскаго, Милостиве, очисти множества наших согрешений.
И ныне и присно и во веки веков. Аминь.
Молитвами Богородицы, Милостиве, очисти множества наших согрешений.
Помилуй мя, Боже, по велицей милости Твоей, и по множеству щедрот Твоих очисти беззакония моя, и помилуй мя, Боже.
Стихира: Аще и пустыни житель был еси, но миру светило явно явился еси, преподобне отче Сергие, и ходатай к Богу за нас поставлен был еси; сего ради подвизаемся вси вернии достойно похвалами украсити тя, блаженне, и хвалим тя боголучезарным пением и славим Создателя твоего, достойно тя прославившаго.
Иерей: Спаси, Боже, люди Твоя и благослови достояние Твое, посети мир Твой милостию и щедротами, возвыси рог христиан православных и низпосли на ны милости Твоя богатыя, молитвами Всепречистыя Владычицы нашея Богородицы и Приснодевы Марии; силою Честнаго и Животворящаго Креста, силою Креста от виноградной лозы; предстательствы честных Небесных Сил безплотных; честнаго, славнаго Пророка, Предтечи и Крестителя Иоанна; святаго пророка Илии Фесвитянина и праведнаго Еноха; святых славных и всехвальных первоверховных апостолов Петра и Павла; святаго апостола Фомы и просветителей Грузии, апостолов Андрея Первозваннаго, Симона Кананита и Матфия; святыя матере нашея, равноапостольныя девы Нины; святых равноапостольных царя Мириана и царицы Наны; иже во святых отец наших и вселенских великих учителей и святителей Василия Великаго, Григория Богослова и Иоанна Златоустаго; иже во святых отца нашего Николая, архиепископа Мир Ликийских, чудотворца; святых славных и добропобедных мучеников: святаго великомученика и победоносца Георгия и святаго великомученика Шалвы Ахалцихскаго; святых великих дев-мучениц Варвары и Марины; святаго священномученика Неофита Урбнисскаго и святаго великомученика Або Тбилисскаго; святых славных мучеников, князей Аргветских Давида и Константина; святых ста тысяч мучеников, в Тбилиси от хорезмийцев избиенных, и святых мучеников, шести тысяч иноков Гареджийских; святых блаженных отец наших Лукиана, Додо, Дамиана, Онуфрия и Симеона Гареджийских; святаго преподобнаго отца нашего Иоанна Зедазнийскаго и двоюнадесяти учеников его, вторых просветителей Церкве Грузинския и присных ея покровителей, и от учеников преподобнаго отца нашего Давида Гареджийскаго; богомудрых блаженных отец Илариона Грузина, Серапиона Зарзмскаго и Григория Хандзтийскаго; преподобных отец наших Афонских Иоанна, Гавриила, Иоанна-Торники, Евфимия и Георгия; святых благоверных и великих царей наших Вахтанга Горгасала, Ашота Куропалата, Давида Строителя и Соломона; святыя благоверныя царицы Тамары; святых добропобедных царей и цариц Архила, Димитрия, Шушаники, Кетевани и Луарсаба; святаго праведнаго Илии; святых и праведных богоотец Иоакима и Анны; и преподобнаго и богоноснаго отца Сергия Радонежскаго, и всех святых Твоих молим Тя, многомилостиве Боже, услыши моление нас, грешных, и помилуй нас.
Лик: Господи, помилуй (12 раз).
Иерей: Милостию, и щедротами, и человеколюбием Единороднаго Сына Твоего, с Нимже благословен еси, со Пресвятым, и Благим, и Животворящим Твоим Духом, ныне и присно и во веки веков.
Лик: Аминь.
Ирмос: Отроцы в Вавилоне в пещи росою свыше орошени, к Богу вопияху и глаголаху: благословен еси, Господи отец наших, Боже, во веки.
Преподобне отче Сергие, моли Бога о нас.
Яко ангел во плоти, возсиял еси всему миру и стяжал еси благодать сослужения ангелу Божию; сего ради во всю землю изыде вещание подвигов твоих.
Преподобне отче Сергие, моли Бога о нас.
Узрев тя с ангелом сослужаща во алтаре, ученик твой отверзе уста онемевшая и вопияше: «Благословен еси, Господи Боже отец наших».
Слава Отцу и Сыну и Святому Духу.
Лавра твоя преславная хвалится трудами твоими, и души, спасаемыя в ней, поют тебе и глаголют: «Благословен еси, Господи Боже отец наших».
И ныне и присно и во веки веков. Аминь.
Радуйся, дщи Адамова; радуйся, Невесто Божия; радуйся, Мати Спасова, вместившая Творца твоего; заступи нас присно.
Ирмос: Купина в Синаи несгораемая Бога яви гугнивому и косноязычному Моисею, и ревность божественная отроки от пещи избави, и в песни вопияху: вся дела, благословите днесь Бога и Господа, пойте и превозносите Его во веки.
Преподобне отче Сергие, моли Бога о нас.
Подвигом светлым благодать чудес в дар приял еси: исцеляти недуги с верою почитающих тя, еюже прославился еси не токмо во всей земли Российстей, но во всем мире.
Преподобне отче Сергие, моли Бога о нас.
Собор верных ублажает тя, иже во мнозех отцех избран был еси видети и поклонитися Богородице, яко живей ходящей и со Иоанном и Петром телесне обращающейся; ныне испроси нам от Нея избавление от безчисленных скорбей.
Слава Отцу и Сыну и Святому Духу.
Помяни нас пред Богом и испроси нам от Христа Бога мирное сохранение от сетей вражиих, и душам нашим да дарует тобою, святе, оставление грехов и милость, да не по правде воздастся нам за дела наша.
И ныне и присно и во веки веков. Аминь.
Ирмос: Трие отроцы в Вавилоне в пещи Троице поклонишася и образ златый презреша, и, росою окропляеми, песнию вопияху: вся дела, благословите днесь Бога и Господа, пойте и превозносите Его во веки.
Ирмос: Носившая безмужно нетления Слово Создателя естеством облекла еси; прииди, Непорочная Дево Богородице, со Рожденным от тебе научи верныя, да сподобимся славити тя.
Преподобне отче Сергие, моли Бога о нас.
Воистину зде почте тя Христос, ибо сподоби тя сослужения ангелом и лицем к лицу видения Матере Божия; оставль же житие сего века, к ангельским чином достигл еси и с безплотными царствуеши во Царствии.
Преподобне отче Сергие, моли Бога о нас.
Силою Христовою и по смерти церквам Его помощник непобедимый возсиял еси, святе, тьму отгоняеши и бесы прогоняеши и божественною помощию исцеляеши, блаженне, недуги и многоразличныя болезни.
Слава Отцу и Сыну и Святому Духу.
Святая рака мощей твоих сияет безчисленными чудесы и отгоняет от нас бесовския страсти, ибо благодатию, от Господа тебе данною, скоро исцеляеши страсти душевныя и телесныя и избавляеши от искушений.
И ныне и присно и во веки веков. Аминь.
Ветхий закон прообразует тя, Дево Святая, и новый исповедует тя Богородицу, Неневестная, и мы, вернии, с верою глаголем: Родительнице Слова, не престай молитися Богу о уповающих на тя.
Достойно есть яко воистину блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Иерей кадит.
Храм Христов, жилище Святаго Духа, благоухание святых церквей, наставника пустыннолюбцев, на небесех с ангелы сожителя, возлюбленнаго Богу Сергия купно почитаем и дела его, достойная хвалы, непрестанно величаем.
ჰსუფევ წინაშე ქრისტჱსსა ელვითა სულისაჲთა განათლებული და დიდთა მათ ღუაწლთა შენთა სიმტკიცითა შემკული; ევედრე მჴსნელსა ჩუენსა, ნეტარო სერგი, რაჲთა სრულიად განაქარვნეს მზაკუვარებანი მწვალებელთანი და ურთიერთმტერობისაგან იჴსნეს მართლმორწმუნენი ერნი.
Якоже древле разделившихся между собою князей и бояр любовию к Богу и отечеству во единомыслие связал еси и утвердил еси, тако и ныне между всеми православными народы взаимную любовь насади, да, ихже Христос Бог наш Плотию и Кровию Своею искупи, в любви и мире спасаемся и с верою хвалим тя.
С небесе призри, о преименитый подвижниче, на поющих тя и не престай молитися о нас пред Пресвятою Троицею, да избавит нас от многих сетей видимых и невидимых врагов и сподобит царствовати в Царствии Небеснем.
Поручи нас, о богомудре отче Сергие, Покровительнице народа нашего, Деве Марии, величающих силу молитв твоих, да не будем в поношение и посмех врагом нашим, святе, но по обычаю мужей отечества нашего трисвятою песнию славим Бога:
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды)
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Священник: Яко Твое есть Царство…
Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце, грешнии приносим: помилуй нас.
Слава Отцу и Сыну и Святому Духу.
Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри на ны милостию, яко благоутробен, и избави ны праведно от гнева Твоего; Ты бо еси Бог наш, и мы людие Твои, вси дела руку Твоею, и имя Твое наречеся на нас, и помилуй нас.
И ныне и присно и во веки веков. Аминь.
Милосердия двери отверзи нам, благословенная Богородице, надеющиися на тя да не погибнем, но да избавимся тобою от сопротивных враг: ты бо еси спасение рода христианскаго.
Иерей: Помилуй нас, Боже, по велицей милости Твоей, молим Ти ся, Человеколюбче, услыши и помилуй.
Лик: Господи, помилуй (Трижды).
Иерей: Еще молимся о милости, жизни, мире, здравии, долгоденствии, спасении, просвещении, прощении, благопоспешении и тишине раба (или рабы) Божия, да сохранит Господь Бог наш царствующий град сей наш и святую обитель сию (или храм сей) и вся грады и веси Иверии от глада, губительства, труса, потопа, огня, меча, нашествия иноплеменников, междоусобныя брани и смертоносныя язвы; да милостив нам будет Бог благостию и человеколюбием Своим, во еже благостояти, и отвратит гнев, на ны повседневно движимый, и избавит нас от праведнаго Своего прещения, на ны належащаго, и помилует нас.
Лик: Господи, помилуй (40 раз).
Иерей: Услыши ны, Боже, Спасителю наш, упование всех концев земли и сущих в мори далече, и милостив, милостив буди о гресех наших, и помилуй ны; милостив бо и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Иерей: Паки и паки, преклонше колена, Господу помолимся.
Лик: Господи, помилуй.
О, всехвальный и знамении и чудесы просиявший преподобне отче Сергие! Иноков похвало и церквей утверждение, Святыя Троицы избранный служителю, ангелов собеседниче и сожителю, святою молитвою твоею ходатаю и покровителю православных воинств, и прибежище и сило с верою к тебе припадающих.
О всесветлая и сияющая звездо пустыни и игумене всея России, преподобне отче Сергие! Вознесся от плоти к вожделенному твоему Богу, не оставил еси сирых чад и любящих тя, ибо даровал еси всехвальныя мощи твоя святей Церкви во свет и венец благодатей; им же покланяемся, ихже обретение на всяко лето празднуем, и молим тя: яко имея дерзновение ко всемилостивому Царю, помяни пред Ним присно припадающих к сладкому ходатайству и помощи твоей, и народ наш, напастьми и скорбьми обстояемый, избави ходатайством твоим. რამეთუ მბრძოლნი იგი ჭეშმარიტებისანი ზაკულითა განზრახვითა შეთქუმულ არიან მართლმორწმუნეთა ზედა და ძალითა და ნიშნებითა სიცრუვისაჲთა იღუწიან, რაჲთა ქრისტჱს მოსახელენი ერნი განხრწნეს და გამოაჩინეს ერად ბნელისა, არამედ ევედრე შენ მიერ შეყუარებულსა ტკბილსა იესუს, რაჲთა აღგჳდგინოს ღმრთივკურთხეული სამეფოჲ ჩუენი, კუართიან-დავითიანი, ვერაგობითა წარტყუენილი თჳთმპყრობელთა მეფეთა მიერ სრულიად რუსეთისაჲთა და კუალად მოგუანიჭოს მეფჱ მირონცხებული, რომელი ძალითა ჯუარისაჲთა შემოჰკრავს ყოველთა საზღუართა საქართველოჲსასა და აღამაღლებს და აღადგენს სიმაღლესა და ძლიერებასა ჩუენსა ქუეყანით დავიწყებისაჲთ, რაჲთა ვიყოთ ერთ სამწყსოჲ და უფალი იყოს მწყემს ჩუენდა. Укрепи в служении Святейшаго и Блаженнейшаго Католикоса-Патриарха всея Грузии, Архиепископа Мцхетско-Тбилисскаго и Митрополита Бичвинтскаго и Цхум-Абхазскаго, великаго господина и отца нашего Илию, высокопреосвященныя митрополиты, архиепископы и епископы, честныя иереи, во Христе диаконы и весь монашеский чин, чада Православныя Церкве и вся православныя христианы. Возвеличи тезоименитыя тебе и молящияся тебе. Моли, всехвальне и доблественне отче, возлюбленнаго тобою сладчайшаго Иисуса, да простит нам отступления, разорения и осквернения церквей, убиения служителей Божиих, предательство, зависть и безчиния, убиения младенцев наших во утробе и иных согрешений наших множество.
О, отче отцев, наставниче отшельников и великий игумене славных пустынь Радонежских, всеблаженне Сергие! Ходатайствуй пред Богом, да дарует церквам славу, священству честь, начальником доброе пасение народа, воинам мужество, мирянам безгрешие и женам целомудрие, нас же да возрастит и умножит и исполнит духа премудрости, взаимныя любве и божественнаго разумения, да возставит любовь к правде, многочадие и милость ко вдовицам и сиротам. Да дарует нам любовь ко святому житию, ненависть к делам непотребным и сокрушение сердца, венчание со святыми и вселение в Царство Небесное, да и мы с тобою славим Отца и Сына и Святаго Духа, ныне и присно и во веки веков. Аминь.
Иерей: Премудрость!
Пресвятая Богородице, спаси нас.
Лик: Честнейшую херувим и славнейшую без сравнения серафим, без истления Бога Слова рождшую, сущую Богородицу тя величаем.
Иерей: Слава Тебе, Боже наш, слава Тебе.
Лик: Слава Отцу и Сыну и Святому Духу, и ныне и присно и во веки веков. Аминь.
Господи, помилуй. (Трижды)
Благослови.
Иерей творит отпуст.
Лик: Аминь.
Мирянин: Слава Отцу и Сыну и Святому Духу, и ныне и присно и во веки веков. Аминь.
Господи, помилуй. (Трижды)
Господи Иисусе Христе, Сыне Божий, молитвами Пречистыя Твоея Матере, преподобнаго отца Сергия Радонежскаго и всех святых, помилуй нас. Аминь.
При целовании иконы его поем сице:
Оставил еси волю плоти и последовал еси Богу, и воздвигл еси в пустыни лавру сию славную, богомудре отче Сергие, и святую церковь во имя Святыя Троицы, во спасение душ и в пристанище многим, но и по смерти творил еси чудеса и исцелял еси страсти душевныя и телесныя; сего ради моли Христа Бога, да избавит прибегающих к иконе твоей от недугов и болезней, и страстей, скорбей и искушений.
О, благословенная в женах, Непорочная Богородице, Владычице Марие, призри на с верою покланяющихся и с любовию лобызающих честную икону преподобнаго отца Сергия Радонежскаго; благодать же его и милость твоя да будут с нами во вся дни живота нашего.
Автор-составитель: Тинатин Мчедлишвили
