Молебный параклис святым великомученикам Грузинским, князьям Аргветским Давиду и Константину
Иерей: Благословен Бог наш всегда, ныне и присно и во веки веков.
Чтец: Аминь. Слава Тебе, Боже наш, слава Тебе.
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды)
Слава… И ныне…
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.
Иерей: Яко Твое есть Царство, и сила, и слава, ныне и присно и во веки веков.
Певцы: Аминь.
Господи, помилуй. (12 раз)
Слава… И ныне…
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.
Слава… И ныне…
Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже наш, слава Тебе.
Диакон: Бог Господь, и явися нам, благословен Грядый во имя Господне.
Певцы: Бог Господь, и явися нам, благословен Грядый во имя Господне.
Диакон: Стих 1: Исповедайтеся Господеви, яко благ, яко в век милость Его.
Певцы: Бог Господь, и явися нам, благословен Грядый во имя Господне.
Диакон: Стих 2: Вси языцы обыдоша мя, и именем Господним противляхся им.
Певцы: Бог Господь, и явися нам, благословен Грядый во имя Господне.
Диакон: Стих 3: Не умру, но жив буду и повем дела Господня.
Певцы: Бог Господь, и явися нам, благословен Грядый во имя Господне.
Диакон: Стих 4: Камень, егоже небрегоша зиждущии, сей бысть во главу угла; от Господа бысть сей и есть дивен во очесех наших.
Тропарь, глас 4.
Певцы: Мученицы Твои, Господи, во страданиих своих венцы прияша нетленныя от Тебе, Бога нашего: имуще бо крепость Твою, мучителя низложиша, сокрушиша и идолов немощную силу. Тех молитвами, Христе Боже, спаси души наша.
Слава Отцу и Сыну и Святому Духу.
Певцы: Мученицы Твои, Господи, во страданиих своих венцы прияша нетленныя от Тебе, Бога нашего: имуще бо крепость Твою, мучителя низложиша, сокрушиша и идолов немощную силу. Тех молитвами, Христе Боже, спаси души наша.
И ныне и присно и во веки веков. Аминь.
Не умолчим никогда, Богородице, силы твоя глаголати, недостойнии; аще бы бо ты не предстояла молящи, кто бы нас избавил от толиких бед? Кто же бы сохранил доныне свободны? Не отступим, Владычице, от тебе, твоя бо рабы спасаеши присно от всяких лютых.
Песнь 1, ирмос: Поим Господеви, изведшему люди Своя сквозе море Чермное, Тому единому, яко прославися. Песнь 3. Прокимен, глас 1. Песнь 4. Песнь 5. Песнь 6. Кондак, глас 6. Евангелие от Луки. Песнь 7. Песнь 8. Песнь 9. Молитва, глаголемая с коленопреклонением.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Святии великомученицы Давиде и Константине, молите Бога о нас.
Крайней тесноте ума и немощи языка моего, Слове, Боже превыше ума, даруй благодать достойно восхвалити мученики Твоя.
Святии великомученицы Давиде и Константине, молите Бога о нас.
Адаманты твердыя, словесныя столпы непоколебимыя и стояния неподвижная, Давида с Константином, воспевает Церковь днесь божественным веселием.
Слава Отцу и Сыну и Святому Духу.
На камени избранном, основании Сиона, утвержденныя столпы Сионския, кровьми, яко багряницею, обагренныя, Давида с Константином восхвалим.
И ныне и присно и во веки веков. Аминь.
Во двою естеству познаваемый, един Христос по соединении, Невесто, двема хотяй и действуяй, существенно родися от тебе во спасение погибших.
Ирмос: Ты еси утверждение притекающих к Тебе, Христе, Ты еси свет омраченных, и величает Тя дух мой.
Святии великомученицы Давиде и Константине, молите Бога о нас.
Светлость подвига вашего, мученицы, просвети концы, яко течение совершисте блаженное, имже страстем Христовым приобщистеся, страстотерпцы.
Святии великомученицы Давиде и Константине, молите Бога о нас.
Прославльше, святии, в членах ваших Подвигоположника, прославлени бысте от Него дивными знамении, яко свои Его и вернии.
Слава Отцу и Сыну и Святому Духу.
Души мужественных — душу за душу и живот за живот — положиша с веселием Христовы мученицы и в куплю преблагородную мудри явишася.
И ныне и присно и во веки веков. Аминь.
Се Дева, юже Исаия проповеда, во чреве приемшая и рождшая Сына Еммануила, еже есть с нами Бог; Сему поклонимся верою.
Спаси от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри благосердием, всепетая Богородице, на лютое телес наших озлобление и исцели душ наших болезни. (Сугубая ектения.)
Два всехвальнии непобедимии мученицы многобожия прелесть и идольский мрак упраздниша, и с радостию подвизашася, и Богу угодиша — блаженный Давид и мужественный Константин; сих память днесь верою празднуем, да испросят нам от Христа велию милость.
Ирмос: Услышах, Господи, смотрения Твоего неизреченнаго таинство, разумех дела Твоя и исповедах Твое Божество.
Святии великомученицы Давиде и Константине, молите Бога о нас.
Облегчаше тяготу вещества тягота камений мучеников Христовых, и воды речныя с кровию святых омовением очищаху и с невещественными соединяху.
Святии великомученицы Давиде и Константине, молите Бога о нас.
Архитектон, Живоначальный Творец, вас, камение честное, камений привешением неизреченным художеством столп Церкве утверди.
Слава Отцу и Сыну и Святому Духу.
Ни суетная лесть, ни прещение лютых мук твердость ума твоего, Давиде непобедимый, николиже подвигоша от камене веры.
И ныне и присно и во веки веков. Аминь.
Печаль клятвы Евины николиже обрете тя подлежащу, Дево, ниже матерний закон тления, Марие, яко ты превыше законов естества явилася еси.
Ирмос: Утренююще поем Тебе, Господи: спаси нас, яко Благ, иного бо Бога не знаем.
Святии великомученицы Давиде и Константине, молите Бога о нас.
Благородство души свободил еси от страстей, Давиде, владычественное же ума соединил еси с высокими оными видении, блаженне, стяжав е княжески.
Слава Отцу и Сыну и Святому Духу.
Адаманта тверже ум твой обрете Бог, Константине, яко нападение ветров нечестия не возможе поколебати его, имже великоименит был еси, мужественне.
И ныне и присно и во веки веков. Аминь.
Даров различных и всех благ исполнение стяжала еси, голубице Соломона Небеснаго, Марие, едина Благословенная.
Ирмос: Ризу мне подаждь светлу, Одеяйся светом, яко ризою, Боже, молитвами святых.
Святии великомученицы Давиде и Константине, молите Бога о нас.
Рече в сердце своем премудро Давид стяжати премудрость и правду со святынею, веру же с веселием и желанием в сосуде скудельнем, и делу благому видение совокупил еси, мудре.
Святии великомученицы Давиде и Константине, молите Бога о нас.
Яко винограда божественнаго плодовитый грозд, в точиле мученичества истиснулся еси, Константине, и вино радости источил еси Церкви Христовой.
Слава Отцу и Сыну и Святому Духу.
На поприщи страдания воини искуснии явишася совершенни воини, в воздаяние же победы от Подвигоположника прияша нетление венцем.
И ныне и присно и во веки веков. Аминь.
Колико превзыде серафимы святынею, неизреченно есть, Невесто: яко на Негоже тии взирати не смеют, ты Того во чреве зачала еси и родила еси паче ума.
Спаси от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри благосердием, всепетая Богородице, на лютое телес наших озлобление и исцели душ наших болезни. (Малая ектения.)
Певцы: Упование и прибежище христиан непостыдное, ходатайство ко Творцу приятное и благоприемлемое, не презри грешных молений гласы, но предвари, яко Благая, на помощь нас, верно зовущих тебе, едина Благословенная; ускори на молитву и потщися на умоление, и умиленно руку простирающая, предстательствующая присно, Богородице, о чтущих тя.
Диакон: Премудрость, вонмем.
Иерей: Мир всем.
Певцы: И духови твоему.
Диакон: Прокимен, псалом Давидов:
Святым, иже суть на земли Его, удиви Господь вся хотения Своя в них.
Стих: Предзрех Господа предо мною выну, яко одесную мене есть, да не подвижуся.
(Лик по уставу повторяет прокимен)
Диакон: Господу помолимся.
Певцы: Господи, помилуй.
Иерей: Яко свят еси, Боже наш, и во святых почиваеши, и Тебе славу возсылаем, Отцу и Сыну и Святому Духу, ныне и присно и во веки веков.
Певцы: Аминь.
Диакон: Всякое дыхание да хвалит Господа.
Стих: Хвалите Бога во святых Его, хвалите Его во утверждении силы Его.
(Лик по уставу повторяет прокимен)
Диакон: И о сподобитися нам слышания святаго Евангелия, Господа Бога молим.
Певцы: Господи, помилуй (трижды).
Диакон: Премудрость, прости, услышим святаго Евангелия.
Иерей: Мир всем.
Певцы: И духови твоему.
Диакон: От Луки святаго Евангелия чтение.
Певцы: Слава Тебе, Господи, слава Тебе.
Диакон: Вонмем.
Иерей: (читает Евангелие).
Рече Господь Своим учеником: прежде же всего того возложат на вас руки и будут гнать вас, предавая в синагоги и в темницы, и поведут пред царей и правителей за имя Мое; будет же это вам для свидетельства. Итак, положите себе на сердце не обдумывать заранее, что отвечать, ибо Я дам вам уста и премудрость, которой не возмогут противоречить ни противостоять все, противящиеся вам. Преданы также будете и родителями, и братьями, и родственниками, и друзьями, и некоторых из вас умертвят; и будете ненавидимы всеми за имя Мое, но и волос с головы вашей не пропадет, — терпением вашим спасайте души ваши.
Певцы: Слава Тебе, Господи, слава Тебе.
Чтец: Слава Отцу и Сыну и Святому Духу.
Молитвами святых великомучеников Давида и Константина, Милостиве, очисти множества наших согрешений.
И ныне и присно и во веки веков. Аминь.
Молитвами Богородицы, Милостиве, очисти множества наших согрешений.
Помилуй мя, Боже, по велицей милости Твоей, и по множеству щедрот Твоих очисти беззаконие мое, и помилуй мя, Боже.
И на сие:
Яко молния и сияние солнца и луны, просвещает память ваша, святии, весь мир, яко божественнаго Света жилища бысте, Давиде и Константине, и тьму страстей отгоняете от всех верных. (Молитва, глаголемая иереем)
Ирмос: Отроцы еврейстии в пещи по огню хождаху дерзновенно и, орошаеми, вопияху, глаголюще: благословен еси, Господи Боже, во веки.
Святии великомученицы Давиде и Константине, молите Бога о нас.
Очи Господни на праведныя, глаголет, яко мзда и попечение их у Него; ихже мужества рачители видев, споборник непобедимы сотвори.
Святии великомученицы Давиде и Константине, молите Бога о нас.
Вем, в пещь имене ради Твоего вшедших телес несгораемое сохранение, и паки посреде львов невредимое прехождение, и вод устыдение мучеников Твоих; темже благословим Тя, Вышняго, Подвигоположника их.
Слава Отцу и Сыну и Святому Духу.
Есть, Константине, кровь твоя приятнейша паче крове агнцев непорочных, блаженне, язвы же твоя, Давиде преблаженне, паче киннамона и фимиама Савскаго.
И ныне и присно и во веки веков. Аминь.
От Отца безлетнаго Сына летно, Дево, возсияла еси мне, людем, во тьме ходящим, Имже отгнана бысть от мене тьма нощи невидимыя, и помилованы бысть непомилованнии.
Ирмос: Царя Небеснаго, Егоже поют вои ангельстии, хвалите и превозносите во вся веки.
Святии великомученицы Давиде и Константине, молите Бога о нас.
Яко денница светлая возсиял еси, Давиде, отгоняя тьму нечестия, яко же весна божественная, прогоняющая зиму прелести, Константине, светлость подвигов твоих.
Святии великомученицы Давиде и Константине, молите Бога о нас.
Двоица боголепная имене ради Твоего, Христе, ко страданию изыде, блаженная братия; и якоже иногда седмочисленнии пострадаша, тако ныне двоица за сохранение закона Твоего.
Слава Отцу и Сыну и Святому Духу.
Раны биений во здравие и смерть в жизнь вменяются нам Тебе ради, Слове Божий, вопияху в подвизе мужественнии воини, чающе венцев и воздаяний победы.
И ныне и присно и во веки веков. Аминь.
Единое свойство Троическаго Божества воистинну бысть един от нас тобою, сохраняя непреложно Свое и мое, яко един есть во двою Христос.
Ирмос: Воистинну Богородицу исповедуем тя, спасеннии тобою, Дево чистая, с безплотными лики тя непрестанно величающе.
Святии великомученицы Давиде и Константине, молите Бога о нас.
Мучеников всехвальных праздник возсия, яко солнце, прогоняя нощь, иже призывает празднолюбцы вкупе собратися восхвалити днешнее предлежащее дело.
Святии великомученицы Давиде и Константине, молите Бога о нас.
О добраго подвига вашего, мученицы! О победолюбия вашего, мужественнии! Яко Христос во святых трудех ваших прославляется во веки веков.
Слава Отцу и Сыну и Святому Духу.
Вы верою святою сразистеся, воини, со князем тьмы, сокрушше же главу гордую, приясте славу венцем победным, мученицы.
И ныне и присно и во веки веков. Аминь.
Ангелов и человеков радосте, Дево, небесная и земная в тебе соединившая простым растворением, Благодатная, радуйся, Всеблагословенная Богородице.
Певцы: Достойно есть яко воистинну блажити тя, Богородицу, присноблаженную и пренепорочную и Матерь Бога нашего. Честнейшую херувим и славнейшую без сравнения серафим, без истления Бога Слова рождшую, сущую Богородицу тя величаем.
Чтец: Яко непобедимии воини Великаго Царя, низложисте гордыню прельстителя и в победу облекостеся; сего ради восхваляем вас, яко мужественныя вооруженныя, и с верою совершаем дивную сию память вашу, Давиде и Константине, в нейже заступите нас, многострадальнии, да избавимся от всякия скорби и обрящем от Христа велию милость.
Звезды всесветлыя возсиясте, всехвальнии, и светом благочестия весь мир воистинну просвещаете, и тьму нечестия от верных отгоняете, и пламень страстей разгоняете благодатию. Сего ради в светлую и честную память вашу Христа славим и поклоняемся Прославившему вас и единогласно вопием вам: молите Христа Бога грехов оставление даровати с любовию празднующим память вашу.
Прещением и лестию мучителей мужественным и твердым помыслом, непобедимии мученицы, не поколебастеся, но, на поприщи стояще, воспевасте Слова к человеком снисхождение, Егоже ради болезни претерпесте и скорби подъясте и к безпечальной жизни с радостию преставистеся; сего ради почитаем вас, страстотерпцы, всехвальнии Давиде и Константине: молите Христа Бога грехов оставление даровати с верою празднующим память вашу.
Источник есть дарований исцелений мощи ваша всесветлыя, мученицы, река же чудесных дарований рака костей ваших святых. Ублажаю братство, Духом Святым соединенное, и воспеваю подвигов общение о Христе, хвалю мужество всеименитое и восхваляю воинство славное: о Давиде, великое светило мира, и Константине, образе божественнаго оного вожделеннаго воинства, не забудите с желанием воспевающих вас.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды)
Слава… И ныне…
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.
Иерей: Яко Твое есть Царство, и сила, и слава, ныне и присно и во веки веков.
Певцы: Аминь.
Чтец: Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце, грешнии приносим: помилуй нас.
Слава Отцу и Сыну и Святому Духу.
Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне на ны, яко благоутробен, и избави ны от праведнаго гнева Твоего: Ты бо еси Бог наш, и мы людие Твои, вси дела руку Твоею, и имя Твое наречеся на нас; и помилуй нас.
И ныне и присно и во веки веков. Аминь.
Милосердия двери отверзи нам, благословенная Богородице, надеющиися на тя да не погибнем, но да избавимся тобою от сопротивных враг: ты бо еси спасение рода христианскаго.
(Малая (сугубая) ектения)
Диакон: Преклонше колена, Господу помолимся.
Певцы: Господи, помилуй.
О всеславнии, богувенчаннии мученицы Давиде и Константине, со Ангелы совокупленнии, со апостолы почтеннии, мучеников совершения, отцев славо, дев красото, молящих вас скории помощницы, прошений исполнителие и милостей подателие;
О всесветлии мученицы Христовы Давиде и Константине! Сиянием светлости святыни вашея озарите богохранимый народ наш; всесветлою молитвою вашею просветите Святейшаго и Блаженнейшаго Католикоса-Патриарха всея Грузии, Архиепископа Мцхетскаго и Тбилисскаго и Митрополита Бичвинтскаго и Цхум-Абхазскаго, великаго господина и отца нашего Илию, и преосвященных архиепископов и епископов, и весь священнический и монашеский чин; многомощною силою вашею укрепите христолюбцы и воинский чин, и всех православных христиан, соименников и молитвенников ваших, прославите; молите, святии мученицы Христовы, возлюбленнаго вами сладчайшаго Иисуса, да дарует нам благодать и милость Свою неисчетную;
О всехвальнии и честнии святии мученицы Давиде и Константине! Богопрославленными чудесы и знамении вашими свободите пленныя, исцелите немощныя, избавите в напастех сущия, спасите в мори плавающия, обратите грешныя и вручите их Христу Богу, всех Приемлющему, и вся славящия святое имя ваше прославите и возвысите душею и телом, да Царствия славы и пречуднаго сияния Божия сподобимся вси; со Ангелы да воспеваем, со святыми да славим и с вами, венценосцы, да благословим венчавшаго вас Отца, и укрепившаго вас Сына, и глаголавшаго в вас Святаго Духа, Емуже подобает всякая слава, честь и поклонение, ныне и присно и во веки веков.
Певцы: Аминь.
Диакон: Пресвятая Богородице, спаси нас.
Певцы: Честнейшую херувим и славнейшую без сравнения серафим, без истления Бога Слова рождшую, сущую Богородицу тя величаем.
Иерей: Слава Тебе, Боже наш, слава Тебе.
Певцы: Слава Отцу и Сыну и Святому Духу, и ныне и присно и во веки веков. Аминь.
Господи, помилуй. (Трижды)
Именем Господним благослови.
Иерей: Христос, истинный Бог наш, молитвами Пресвятыя Своея Матере, преподобных и богоносных отец наших и всех святых, помилует и спасет нас, яко Благ и Человеколюбец.
Певцы: Аминь. Господи, помилуй (трижды).
