Параклис преподобному отцу нашему Шио Мгвимскому
Молитвами святых отец наших, Господи Иисусе Христе, Боже наш, помилуй нас.
Слава Тебе, Боже наш, слава Тебе!
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, избави и освободи нас от грехов наших; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.
Господи, помилуй (12 раз).
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.
Слава Отцу и Сыну и Святому Духу, и ныне и присно и во веки веков. Аминь.
Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже наш, слава Тебе.
Бог Господь, и явися нам, благословен Грядый во имя Господне. Стих 1: Исповедайтеся Господеви, яко благ, яко в век милость Его. Стих 2: Вси языцы обыдоша мя, и именем Господним противляхся им. Стих 3: Не умру, но жив буду и повем дела Господня. Стих 4: Камень, егоже небрегоша зиждущии, сей бысть во главу угла; от Господа бысть сей и есть дивен во очесех наших. Тропарь преподобному, глас 4.
От юности окрилився добродетелию, исправил еси все житие твое, богоносе, и чудесы, от Бога данными, подвизался еси в народе грузинстем; темже, зряще в тебе благодать духовную, славим Создателя, преподобне Шио; и ныне кости твоя нагия, из пещеры подземныя, крилом благодарения на высоту возносятся, в ходатайство верным и во исцеление душ наших.
Слава Отцу и Сыну и Святому Духу. (То же)
И ныне и присно и во веки веков. Аминь.
Не умолчим никогда, Богородице, силы твоя глаголати, недостойнии; аще бы бо ты не предстояла молящи, кто бы нас избавил от толиких бед? Или кто бы сохранил нас доныне в умилении? Не отступим, Владычице благословенная, от тебе, ты бо спасаеши души наша от всех искушений. Псалом 50. Песнь 1, ирмос. Глас 7. Песнь 3, ирмос.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Мановением Твоим, Боже, естества текущая стеною воздвигл еси и сквозе ня провел еси люди израильтяны посуху, и воспеша Тебе песнь победную.
Преподобне отче Шио, моли Бога о нас.
Излий на мя благодать твою от сокровищницы Божия благодатей, юже богато приял еси, да плод устен с любовию души принесу тебе, Шио.
Преподобне отче Шио, моли Бога о нас.
Рука Божия помаза тя, и Дух Его оживи тя и явно постави тя зрети тайны Его и хранити заповеди, яже во святыни сохранил еси, Шио.
Преподобне отче Шио, моли Бога о нас.
Яко Авель, начатки плодов принесл еси Богу — душу и ум во всякой правде, да явишися сподвижник первых, Шио треблаженне.
Слава Отцу и Сыну и Святому Духу.
И ныне рака мощей твоих объемлет нас, отче, и ту простираем к тебе в моление: воздвигни святыя руце к Богу и принеси Ему моления наша.
И ныне и присно и во веки веков. Аминь.
Яже бысть скиния Слову Божию, Марие, и тобою Бог в человецех видим бысть, покланяющимся тебе, Пресвятая Богородице, милостива буди.
Боже Спасе наш, всех Создателю, словом утвердивый небеса высокая со всею силою их, и Духом божественным утверди нас единством на камени веры.
Преподобне отче Шио, моли Бога о нас.
Енох угоди Богу и преставлен бысть со славою единожды, ты же, дивне, на всяк день к Нему преставлялся еси, егда уединенно с Единым токмо беседовал еси и словом Его оживлялся еси.
Преподобне отче Шио, моли Бога о нас.
Яко Ноя, праведна обрете тя и втораго мира отца яви тя, блаженне, Бог ковчегом, изводителя народов и подвига, тогда оскудевшаго, обновителя, и голубицею благовести тебе мир.
Преподобне отче Шио, моли Бога о нас.
Яко Сим, благословения и часть лучшую приял еси, о преподобне Шио, от отеческих разделений, и чадом твоим разделил еси, имже ныне присно наслаждаемся обилием учений твоих, отче.
Слава Отцу и Сыну и Святому Духу.
Надежду непостыдную, предстательство твердое, и ходатая дерзновеннаго, заступника пред Богом имамы тя, о преславне отче: приими молитвы наша, испроси нам от Христа Бога велию милость.
И ныне и присно и во веки веков. Аминь.
Богородице преславная, мира очищение, человеков с Богом примирение, верным и исповедающим тя Богородицу излий благодать твою и молитву нашу направи пред Богом.
Спаси от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, всехвальная Богородице, и тел наших лютыя язвы исцели и души нашея недуги. Прокимен, глас 8. Песнь 4, ирмос. Песнь 5, ирмос. Песнь 6, ирмос.
Господи, помилуй (15 раз).
Вся земля днесь с нами радуется о празднице сем богосветлом, и небесныя силы невидимо поют согласно, и полк отцев радуется, иже тобою исполнися, блаженне Шио, и лик святых украшается тобою, и души праведных просвещенныя с нами веселятся, хвалящеся трудами твоими, богоносе всехвальне: моли Христа Бога прегрешений оставление даровати празднующим любовию святую память твою.
Христе Боже, не оставивый недр Отчих на небеси и призревый на землю, слышах слух Твой и хвалою славлю силу Твою.
Преподобне отче Шио, моли Бога о нас.
Авраамово оно странничество похвальное возлюбил еси и Бога учредил еси, Шио, и беседы Его сподобился еси, и благословение умножения чад от Него наследил еси.
Преподобне отче Шио, моли Бога о нас.
Исааку подобно, лучшим связал еси худшее во всесожжение Богу и на гору возвел еси ум твой, идеже приял еси разум заклания угодных Богу.
Преподобне отче Шио, моли Бога о нас.
Иакову подобно низложил еси сквернаго Исава и сласти оскверненныя и приял еси первородство, отонудуже наречеся ум Бога видящий, блаженне Шио.
Слава Отцу и Сыну и Святому Духу.
О, отче и наставниче, и предстателю непадательный Шио, моления чад твоих приими и принеси милостивому Богу и испроси нам милость.
И ныне и присно и во веки веков. Аминь.
Выше небес превыше еси, Пресвятая Владычице Богородице, и како язык земнородных восхвалит тя? Обаче любовию хвалим тя, Дево.
Тебе утреннюем, Слове Божий, иже милости ради падшаго Себе истощил еси и даже до страстей безстрастно снизшел еси: мир подаждь ми, Человеколюбче.
Преподобне отче Шио, моли Бога о нас.
Иосифу подобно незлобие и чистоту возлюбил еси и отверг еси египетския суетныя страсти, и раздавал еси пшеницу правды, Шио.
Преподобне отче Шио, моли Бога о нас.
Моисею уподобился еси любовию к братиям и воспитанием, егда убил еси египтянина — ненависть, и источником жизни напоил еси стада твоя, богоносе.
Преподобне отче Шио, моли Бога о нас.
Бога видел еси в жестоком житии, яко в купине, и скрижали прият еси, богописанныя внутрь сердца твоего, богомудре отче.
Слава Отцу и Сыну и Святому Духу.
Яко Иисус, обозрел еси землю обетования людем твоим и избил еси амаликитян — силы сатанинския, отче, и сладостию богато возвеселил еси нас.
И ныне и присно и во веки веков. Аминь.
От тебе рожденнаго Христа Бога моли, Богородице, сохранити народ и стадо, исповедающее тя и иконе твоей покланяющееся.
Якоже пророка Иону от глубины избавил еси, тако и мене от глубины грехов возведи, яко Многомилостив.
Преподобне отче Шио, моли Бога о нас.
Аарон приношаше Богу огнем небесным, ты же сугубо принесл еси возжжением твоим пламень страха Божия, блаженне отче.
Преподобне отче Шио, моли Бога о нас.
Финеесу уподобился еси, ревности Христовы исполнен, и копием пронзил еси велиаровы помыслы, преславне отче Шио.
Преподобне отче Шио, моли Бога о нас.
Илиины стопы последовал еси, и ревность его восприял еси, пустыню, яко он, возлюбил еси, жрецы Ваала — коварства — избил еси и правде Божией прилепился еси.
Слава Отцу и Сыну и Святому Духу.
Чада твоя, яко к ковчегу, ко гробу твоему притекше, о блаженне Шио, молим тя: помилуй нас и не отврати нас, надеждо наша, постыждены.
И ныне и присно и во веки веков. Аминь.
Твердое и непоколебимое упование верных ты еси, о Мати Божия, и к тебе прибегающих избави от скорбей настоящих и грядущих.
Спаси от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, всехвальная Богородице, и тел наших лютыя язвы исцели и души нашея недуги. Кондак, глас 2. Прокимен Евангелия, глас 7. Евангелие от Матфея. Стихира самогласная, глас 6. Песнь 7, ирмос.
Житие твое богослужением исправил еси и, крест восприим, оставил еси вся мирская, пустыни доброто, Шио; темже, яко жива, призывает тя народ грузинский, и мощем твоим, из пещеры изшедшим, с любовию прилепимся; отче, не престай молитися о нас.
Честна пред Господем смерть преподобных Его.
Что воздам Господеви о всех, яже воздаде ми?
Все предано Мне Отцем Моим, и никто не знает Сына, кроме Отца; и Отца не знает никто, кроме Сына, и кому Сын хочет открыть. Придите ко Мне все труждающиеся и обремененные, и Я успокою вас; возьмите иго Мое на себя и научитесь от Меня, ибо Я кроток и смирен сердцем, и найдете покой душам вашим; ибо иго Мое благо, и бремя Мое легко.
Слава Отцу и Сыну и Святому Духу.
Молитвами преподобнаго отца нашего Шио Мгвимскаго, Милостиве, очисти множества наших согрешений.
И ныне и присно и во веки веков. Аминь.
Молитвами Святыя Богородицы, Милостиве, очисти множества наших согрешений.
Помилуй мя, Боже, по велицей милости Твоей, и по множеству щедрот Твоих очисти беззаконие мое, и помилуй мя, Боже.
Преподобне отче, во всю землю изыде вещание исправлений твоих; темже на небесех обрел еси мзду трудов твоих, бесов полки погубил еси, ангельскаго чина достигл еси, егоже непорочно поревновал еси житием; дерзновение имея ко Христу Богу, мира проси душам нашим.
Отроцы в Вавилоне в пещи росою свыше орошени, к Богу вопияху и глаголаху: благословен еси, Господи Боже отец наших, во веки.
Преподобне отче Шио, моли Бога о нас.
Яко на Елиссеи, сугубо на тебе почи дух пророческий, на предведение и чудотворение, великий Шио, рабе Господень.
Преподобне отче Шио, моли Бога о нас.
Яко Даниила, от юности исполни тя Дух Божий и судию сотвори тя законом Духа, плоть умерщвляющим, и подобне и ты зверей покорил еси.
Преподобне отче Шио, моли Бога о нас.
Исаии и Иеремии подражал еси, отче: единому — вольным во пещеру схождением и блаженным плачем, другому же — Божиим возвышением.
Слава Отцу и Сыну и Святому Духу.
О блаженне отче отцев и наставниче собора иноческаго, Шио, молящим тя испроси милость от милостиваго Бога.
И ныне и присно и во веки веков. Аминь.
Вольным вочеловечением от тебе весь мир спасе Бог, Пресвятая Богородице Марие, и ты дана еси нам очищение прегрешений наших, всепетая.
Песнь 8, ирмос.
Единаго Царя славы, Егоже лицы небеснии хвалят и трепещет собор ангельский, священницы, благословите, людие, превозносите Его во веки.
Преподобне отче Шио, моли Бога о нас.
Яко Самуил, прозорливец был еси духом, и цари помазывал еси, учениями твоими ополчая и молитвами укрепляя, о отче, чудотворче Шио, светило грузин.
Преподобне отче Шио, моли Бога о нас.
Давиду уподобился еси незлобием и простотою души, и Голиафа убил еси камением смирения, богоносе Шио; избави послушники твоя от смерти.
Преподобне отче Шио, моли Бога о нас.
Соломонову премудрость стяжал еси, преподобне, и создал еси Богу храм молитвы — плоть твою, и украсил еси его духом твоим, яко утварию, во славословие Святыя Троицы во веки.
Слава Отцу и Сыну и Святому Духу.
Нас, пред гробом твоим гласы молебными литийно поющих тебе, Шио, от всех искушений избави и подвигни на милость о нас Всеблагаго, пред Нимже дерзновенно стоиши.
И ныне и присно и во веки веков. Аминь.
Мати Божия, помощнице и покровительнице молящих тя, приими моление нас, рабов твоих, и принеси пред Христа Бога, да избавит нас от скорбей безчисленных и печалей.
Песнь 9, ирмос.
Носившая неизреченно нетления Слово Создателя естеством облекла еси; прииди, Непорочная Дево Богородице, со Рожденным от тебе научи верныя, да сподобимся славити тя.
Преподобне отче Шио, моли Бога о нас.
Иоанна Крестителя стопам последовал еси и, яко он, в пустыни был еси ангел, покаяния проповедник и слезами омыватель душ, уязвленных ядом греховным, всех добродетелей правило, Шио.
Преподобне отче Шио, моли Бога о нас.
Яко апостоли и ученицы Христовы, учитель мира явился еси, отче, и народы безчисленныя на служение Богу воздвигл еси, падшия возставил еси, стоящия утвердил еси и всех купно ко Богу привел еси.
Преподобне отче Шио, моли Бога о нас.
Яко мученицы и страстотерпцы подвизался еси, отче, всех подвижников лик украсил еси, яко начальник их; всех просветил еси, всем уподобился еси; по усвоению к Богу со всеми ходатай буди нам, о Шио.
Слава Отцу и Сыну и Святому Духу.
Аще и не довлеет язык наш похвалению твоему, но от усердия души приими желание наше, преподобне, и сие не малое, и отеческое, и теплое ходатайство о мне к Богу простри, да избегну праведных судов.
И ныне и присно и во веки веков. Аминь.
ჰოჲ, მიმადლებულო მარიამ ღმრთის-მშობელო, ჰოჲ ყოველთა ქრისტიანეთა სასოო, მეფე ჩუენი მორწმუნე აგარისტომთა ზედა სიმჴნით განაძლიერე, და ერი და ქალაქი შენი ყოველთა საცნაურთაგან იჴსენ.
Достойно есть яко воистину блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Яко херувими, многоочитым зрением созерцаеши славу Божию, блаженне отче, юже наследил еси, от начала уготованную преподобным, подобным тебе; и нам испроси с праведными селение.
Гласом пения и желанием души молим тя, богоблаженне отче Шио Мгвимский: испроси нам от Отца Небеснаго, да прострет нам руку милости и от рук воздушных стражей избавит нас.
Подобающе моли Христа Бога, да Крестом Животворящим покрыет нас и, от ада избавленныя, Царствия Своего сподобит молитвою твоею, отче богоблаженне.
С любовию моли Духа Святаго молитвою твоею, честный отче Шио Мгвимский, да Он, Владыка Бог, наставит нас на землю правую и вечнаго Царствия да сподобимся наследовати.
О Пресвятая Дево Марие, со всеми ангелы и богоносными отцы моли Христа Бога, да достигнем небесных онех красот и, венчани, воспоем во веки.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, избави и освободи нас от грехов наших; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.
Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце, грешнии приносим: помилуй нас.
Слава Отцу и Сыну и Святому Духу.
Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне на ны, яко благоутробен, и избави ны от праведнаго гнева Твоего: Ты бо еси Бог наш, и мы людие Твои, вси дела руку Твоею, и имя Твое наречеся на нас; и помилуй нас.
И ныне и присно и во веки веков. Аминь.
Милосердия двери отверзи нам, благословенная Богородице, надеющиися на тя да не погибнем, но да избавимся от сопротивных врагов: ты бо еси спасение рода христианскаго. Молитва
Господи, помилуй (12 раз).
О, всепреподобный, богоносный отче Шио Мгвимский, ангелоподобный песнопевче, Крестителю подобно почтенный, венче преподобных, игумене иноков, честь отцев, покровителю христиан, помощниче уповающих на тя и всех молящих святыню твою надеждо и прибежище!
О, всеблаженне богодуховный отче Шио Мгвимский, звездо всесветлая, излий на ны, яко лучи, благодать святыя молитвы твоея и просвети богохранимый народ наш, власти и воинство его, озари Святейшаго и Блаженнейшаго Католикоса-Патриарха всея Грузии, архиепископа Мцхетско-Тбилисскаго и митрополита Бичвинтскаго и Цхум-Абхазскаго, великаго господина отца нашего Илию, и преосвященных митрополитов, архиепископов и епископов, и весь монашеский чин; укрепи служителей Божиих и всех православных христиан. Моли, отче, возлюбленнаго тобою Бога, да всех нас помилует великою Своею милостию.
О, всечестный отче святый Шио Мгвимский, солнцеподобным сиянием святыя молитвы твоея покрый покланяющихся боголепной святыни твоей и избави нас от глада и губительства, от безплодия земли, от града и всякаго вреднаго воздуха и от всякия скорби; но моли Пресвятую Троицу, да дарует нам мир и здравие, благоугождение добрым жительством, просвещение православием, озарение благотворением, вселение в Царство Небесное, царствование с праведными, венчание с преподобными и вечную славу и радость, яко Отцу подобает слава, Сыну благодарение и Святому Духу поклонение от века, ныне и присно и во веки веков.
Всякую плотскую волю оставив, воле Божией последовал еси, всеблаженне отче Шио Мгвимский, благодать добродетели свыше приял еси и, яко ангел, в человецех сиял еси божественным жительством и Царю Небесному угодил еси, преподобне; темже, дерзновение имея ко Отцу, моли всеблагаго Бога, да избавит вся чада твоя от искушений душевных и телесных и от страстей.
Владычице Марие, призри на с верою покланяющихся и с любовию лобызающих честныя иконы святых; благодать же их и милость твоя да будут с нами во вся дни живота нашего.
