Параклис святой великомученице Варваре
Иерей: Благословен Бог наш…
И аще мирянин, глаголет: Молитвами святых отец наших, Господи Иисусе Христе, Боже наш, помилуй нас. Аминь.
Молитвами святых отец наших, Господи Иисусе Христе, Боже наш, помилуй нас. Аминь.
Слава Тебе, Боже наш, слава Тебе.
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Священник: Яко Твое есть Царство…
Господи, помилуй. (12 раз)
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.
Слава Отцу и Сыну и Святому Духу, и ныне и присно и во веки веков. Аминь.
Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже наш, слава Тебе.
Бог Господь, и явися нам, благословен Грядый во имя Господне.
Стих 1: Исповедайтеся Господеви, яко благ, яко в век милость Его. Стих 2: Вси языцы обыдоша мя, и именем Господним противляхся им. Стих 3: Не умру, но жив буду и повем дела Господня. Стих 4: Камень, егоже небрегоша зиждущии, сей бысть во главу угла; от Господа бысть сей и есть дивен во очесех наших.
Варвару святую почтим: вражия бо сети сокруши, и яко птица избавися от них помощию и оружием Креста, всечестная. Слава…
Агница Твоя, Иисусе, Варвара зовет велиим гласом: Тебе, Женише мой, люблю, и Тебе ищущи кровь мою проливаю, и сраспинаюся, и спогребаюся крещению Твоему, и стражду Тебе ради, яко да царствую с Тобою, и умираю за имя Твое, да и прославлюся с Тобою. Тоя молитвами, Спасе, спаси души наша. И ныне…
Не умолчим никогда, Богородице, силы твоя глаголати, недостойнии; аще бы бо ты не предстояла молящи, кто бы нас сохранил доныне свободны? Не отступим, Владычице, от тебе, твоя бо рабы спасаеши присно от всяких лютых.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Ирмос: Воду прошед яко сушу и египетскаго зла избежав, израильтянин вопияше: Избавителю и Богу нашему поим.
Святая великомученице Варваро, моли Бога о нас.
Всенепорочныя невесты светлыя Варвары преславная память собра нас; приидите, усердно воспоим, вернии, яко прославися.
Святая великомученице Варваро, моли Бога о нас.
Сияла еси светом лица твоего, паче же добротою души веселила еси Христа, Варваро страстотерпице, Иже прославися во веки.
Святая великомученице Варваро, моли Бога о нас.
Отчуждила еси чувства от тленных и отверглася еси зело сладостей мирских, блаженная Варваро, дево-мученице, и Христа возлюбила еси, Иже прославися.
Слава Отцу и Сыну и Святому Духу.
Все течение твое, преподобная, к Богу направила еси, о Варваро всехвальная, и брак тленный презрела еси, и девою чистою Христу обручилася еси.
И ныне и присно и во веки веков. Аминь.
Отверзе непроходимую, заключенную дверь чрева твоего Солнце присносущное, Пречистая, и миру возсия светло Христос Бог, славно прославивыйся.
Ирмос: Ты еси утверждение притекающих к Тебе, Христе, Ты еси свет омраченных, и величает Тя дух мой.
Святая великомученице Варваро, моли Бога о нас.
В столпе отчем пребывающей тебе, Варваро преславная, возгореся в тебе мысленный огнь, и сердце твое от Бога, и просвети ум твой светлее света солнечнаго.
Святая великомученице Варваро, моли Бога о нас.
Доброта добродетелей покрываше доброту образа твоего, и светлость души твоея превосхождаше красоту телесе твоего, мужественная; темже совершила еси течение твое мученичеством.
Святая великомученице Варваро, моли Бога о нас.
Господем звана была еси и девою чистою сохранила еси себе Жениху душ безсмертному, Христу Богу; сего ради возлюби богосветлую чистоту твою и вселил тя есть с мудрыми оными девами.
Слава Отцу и Сыну и Святому Духу.
Ни нега, ни покой, ни сладости мирския не прельстиша тебе, Варваро блаженная, но невеста была еси Сыну Божию, всехвальная же Мати Божия приемлет тя в чертог Его.
И ныне и присно и во веки веков. Аминь.
Всех времен Творец и прежде времен Сый от тебе, Дево, в кончину времен родися, яко младенец, плотию.
Избави от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, Всепетая Богородице, и тел наших лютыя язвы исцели и душ наших болезни.
Иерей: Помилуй нас, Боже, по велицей милости Твоей, молим Ти ся, услыши и помилуй.
Лик: Господи, помилуй (Трижды).
Иерей: Еще молимся о богохранимем народе нашем и державе его (о христолюбивом правительстве и воинстве его).
Лик: Господи, помилуй (Трижды).
Иерей: Еще молимся о Святейшем и Блаженнейшем Католикосе-Патриархе всея Грузии, Архиепископе Мцхетско-Тбилисском, великом господине и отце нашем Илии, и о преосвященнейшем (поминается местный архиерей), и о всей во Христе братии нашей.
Лик: Господи, помилуй (Трижды).
Иерей: Еще помолимся Господу Богу нашему, да помилует раба или рабу…. Умножи, Господи, дни и лета живота их и избави их, Господи, от всякия скорби, гнева и нужды, и от всякия язвы душевныя и телесныя, и прости им всякое согрешение, вольное же и невольное.
Лик: Господи, помилуй (Трижды).
Иерей: Еще молимся о всех православных христианех.
Лик: Господи, помилуй (Трижды).
Иерей: Яко милостив и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Подвигом твоим вся удивила еси, яко претерпела еси мучителей раны, муки, узы и темницы, Варваро всехвальная; темже дарова ти венец небесный, егоже ради текла еси и усердствовала еси духом, и Той Сам благодать исцелений дарова тебе, мученице, да исцеляеши немощи человеческия.
Ирмос: Услышах, Господи, смотрения Твоего неизреченнаго таинство, разумех дела Твоя и исповедах Твое Божество.
Святая великомученице Варваро, моли Бога о нас.
Уразумела еси суету мира сего преходящаго и всецело возненавидела еси его, мужественная, и течница была еси по пути десному истинному, иже приведе тя пред Бога твоего.
Святая великомученице Варваро, моли Бога о нас.
От брения мирскаго тимения себе отлучила еси, преподобная, нетленная Дево, и к невещественному Свету взирала еси, и исполнилася еси благодати богословия.
Святая великомученице Варваро, моли Бога о нас.
Премудростию и разумом таинство Святыя Троицы изобразила еси, мужественная, преподобная Варваро, трех окон отверзением; и нам даруй разум различати добро и зло.
Слава Отцу и Сыну и Святому Духу.
Разрешающее недуги смертоносныя знамение распятаго Христа Бога изобразила еси перстом в бани, мучеников славо; с ними моли Бога о избавлении нашем от всякия скорби.
И ныне и присно и во веки веков. Аминь.
Дева едина родила еси нам паче законов естества Творца тварей; сего ради Богородицу тя исповедуем.
Ирмос: Вскую мя отринул еси от лица Твоего, Свете незаходимый, и покры мя тьма непросвещенная? Но призри на мя и ко свету заповедей Твоих пути моя направи, молюся.
Святая великомученице Варваро, моли Бога о нас.
Не стерпела еси, Пречистая, беззакония отца твоего, но, божественною ревностию разжегшися, безумие его дерзновенно обличила еси, и на высоте стоящия идолы низвергла еси, и яко прах развеяла еси.
Святая великомученице Варваро, моли Бога о нас.
Видев благочестие твое немилостивый родитель твой, Дево прекрасная, разъярися убити тя мечем, но упразднися дерзость его, яко Христос, Камень крепости, покры тя.
Святая великомученице Варваро, моли Бога о нас.
Гонима была еси от отца твоего, святая, и камень прият тя, яко Феклу первомученицу, Христом Богом нашим, чудотворцем; Того моли, да покрыет и нас от всякаго насилия.
Слава Отцу и Сыну и Святому Духу.
Богатство остави, отечество, и Тебе, Подвигоположнику, Владыко Христе Боже, последова Варвара, яко агница Пастырю, и вопияше: Ты еси совершитель подвигов моих.
И ныне и присно и во веки веков. Аминь.
Жизни Свет божественный возсия безсеменно от Девы в кончину времен, и отгна печаль греховную, скорбную, и просвети душу и ум наш Вышний воплощением Своим.
Ирмос: Остави, Блаже, безчисленная прегрешения моя, сего ради зову Ти: избави мя от зол. К Тебе вопию: услыши мя, Боже, Спасителю мой.
Святая великомученице Варваро, моли Бога о нас.
Ищущу тя беззаконному отцу, блаженная, пастырь лукавый предаде тя и жилище твое возвести немилостивому, иже забы естественнаго закона любовь к чаду и представи тя пред идолослужителя игемона.
Святая великомученице Варваро, моли Бога о нас.
Представши мучителем, глаголала еси: аз обручена есмь Царю Небесному; аще и муками скончаете мя, не отвергуся силы Троицы. Ныне, яко имущая дерзновение, заступи нас пред Ним, да избавит нас от сети вражия.
Святая великомученице Варваро, моли Бога о нас.
Мучителей не устрашилася еси, святая, огня не убоялася еси и бесы смирила еси силою и знамением Честнаго Креста во граде Илиополи.
Слава Отцу и Сыну и Святому Духу.
Прельстителей нечестие обличила еси словом премудрости, от Бога данныя, мужественная, и терпением подвигов удивила еси умы многи; ныне и нам даруй силу, мужество, мудрость и святыню, да разсеем безчисленныя враги наша.
И ныне и присно и во веки веков. Аминь.
Естество человеческое, вине греха порабощенное, тобою, Владычице, паки свободися, егда за него заклан бысть жертва Отцу Сын твой на кресте плотию.
Избави от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, Всепетая Богородице, и тел наших лютыя язвы исцели и душ наших болезни.
Иерей: Паки и паки миром Господу помолимся.
Лик: Господи, помилуй.
Иерей: Заступи, спаси, помилуй и сохрани нас, Боже, Твоею благодатию.
Лик: Господи, помилуй.
Иерей: Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга и весь живот наш Христу Богу предадим.
Лик: Тебе, Господи.
Иерей: Яко Ты еси Царь мира и Спас душ наших, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Святей Троице с верою поклонилася еси и последовала еси Ей по повелению Ея, честная мученице, и идольская требища низложила еси, и посреде их подвизалася еси, святая Варваро; мучителей безумие и прещения презрела еси и велегласно вопияла еси: на Святую Троицу уповаю и единое Божество славлю.
Благодать исцелений прияла еси и подаеши исцеление страждущим, и избавляеши всех человек от всегубительнаго онаго недуга язвы; темже во храм твой пришедше, хвалим память твою и вопием: избави рабы твоя от всякаго недуга и болезни, дево-мученице Варваро, ходатайством твоим ко Господу. Слава…
Имуще храм страдалицы, в нем соберемся скоро, мученицелюбцы, да приимем благодать исцелений и свободимся от всякаго губительнаго недуга, язвы и скорби, и, исцелевше, станем и узрим девы рождество, отечество и возраст: яко от беззакония отча святое чадо возсия, всепрекрасная невеста Божия, яже девство соблюде нескверно и, яко вено, принесе Жениху; и возопиим: избави рабы твоя от недуга язвы, дево-мученице Варваро, ходатайством твоим ко Господу. И ныне…
Совершенную мученичеством Христовым Варвару собравшеся достойно почтим, да ея ходатайством от душегубительныя погибели, и губительства, и труса, и падения избавимся, и жизнь в мире проидем, и сподобимся даже до смерти причаститися Пресвятых и Животворящих Христовых Таин, да, божественною благодатию укрепляеми, достигнем Небеснаго Царствия и со всеми от века Богу благоугодившими святыми будем во свете и с ними воспоем. Удиви, Спасе, милость Твою во всех человецех, с верою исповедающих, иже на Святую Троицу уповаем и единое Божество славим.
Иерей: Вонмем. Премудрость.
Прокимен, глас 4: Дивен Бог во святых Своих, Бог Израилев.
Стих: В церквах благословите Бога, Господа от источник Израилевых.
Иерей: Господу помолимся.
Лик: Господи, помилуй.
Иерей: Яко свят еси, Боже наш, и во святых почиваеши, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Иерей: Всякое дыхание да хвалит Господа.
Стих: Хвалите Бога во святых Его, хвалите Его во утверждении силы Его.
Иерей: И о сподобитися нам слышанию святаго Евангелия Господа Бога молим.
Лик: Господи, помилуй (Трижды).
Иерей: Премудрость, прости, услышим святаго Евангелия. Мир всем.
Лик: И духови твоему.
Иерей: От Матфея святаго Евангелия чтение.
Лик: Слава Тебе, Господи, слава Тебе.
Иерей: Вонмем.
Во время оно, выйдя оттуда, Иисус удалился в страны Тирские и Сидонские. И вот, женщина Хананеянка, выйдя из тех мест, кричала Ему: помилуй меня, Господи, сын Давидов, дочь моя жестоко беснуется. Но Он не отвечал ей ни слова. И ученики Его, приступив, просили Его: отпусти ее, потому что кричит за нами. Он же сказал в ответ: Я послан только к погибшим овцам дома Израилева. А она, подойдя, кланялась Ему и говорила: Господи! помоги мне. Он же сказал в ответ: нехорошо взять хлеб у детей и бросить псам. Она сказала: так, Господи! но и псы едят крохи, которые падают со стола господ их. Тогда Иисус сказал ей в ответ: о, женщина! велика вера твоя; да будет тебе по желанию твоему. И исцелилась дочь ее в тот час.
Лик: Слава Тебе, Господи, слава Тебе.
Слава Отцу и Сыну и Святому Духу.
Молитвами всехвальныя великомученицы Варвары, Милостиве, очисти множества наших согрешений.
И ныне и присно и во веки веков. Аминь.
Молитвами Богородицы, Милостиве, очисти множества наших согрешений. Помилуй мя, Боже, по велицей милости Твоей, и по множеству щедрот Твоих очисти беззаконие мое, и помилуй мя, Боже.
Стихира: Божественным светом добродетелей возсияла еси и мученическим венцем боголепно украсилася еси, честная Варваро, и добротою нетленно украсилася еси; сего ради сподобилася еси небесных селений добрым подвигом и мужественным мученичеством, имиже умертвила еси врага лукаваго, богомудрая; моли Христа Бога грехов оставление даровати нам, с любовию совершающим память твою.
Иерей: Спаси, Боже, люди Твоя и благослови достояние Твое, посети мир Твой милостию и щедротами, возвыси рог христиан православных и низпосли на ны милости Твоя богатыя, молитвами Всепречистыя Владычицы нашея Богородицы и Приснодевы Марии; силою Честнаго и Животворящаго Креста, силою Креста от виноградной лозы; предстательствы честных Небесных Сил безплотных; честнаго, славнаго Пророка, Предтечи и Крестителя Иоанна; святаго пророка Илии Фесвитянина и праведнаго Еноха; святых славных и всехвальных первоверховных апостолов Петра и Павла; святаго апостола Фомы и просветителей Грузии, апостолов Андрея Первозваннаго, Симона Кананита и Матфия; святыя матере нашея, равноапостольныя девы Нины; святых равноапостольных царя Мириана и царицы Наны; иже во святых отец наших и вселенских великих учителей и святителей Василия Великаго, Григория Богослова и Иоанна Златоустаго; святых чудотворцев, отец наших Николая, архиепископа Мир Ликийских, и Спиридона Тримифунтскаго; святаго преподобнаго отца нашего Иоанна Зедазнийскаго и двоюнадесяти учеников его, вторых просветителей Церкве Грузинския и присных ея покровителей; святых славных и добропобедных мучеников: святаго великомученика и победоносца Георгия и святыя великомученицы девы Марины; святаго священномученика Неофита Урбнисскаго и святаго великомученика Або Тбилисскаго; святых славных мучеников, князей Аргветских Давида и Константина; святых шести тысяч мучеников, иноков Гареджийских; святых ста тысяч мучеников, в Тбилиси от хорезмийцев избиенных, и святаго великомученика Шалвы Ахалцихскаго; святаго великомученика Бидзины и святых славных мучеников Шалвы и Элизбара, эриставов Ксанских; богомудрых блаженных отец Илариона Грузина, Серапиона Зарзмскаго и Григория Хандзтийскаго, и преподобных отец наших Афонских Иоанна, Гавриила, Иоанна, бывшаго Торники, Евфимия и Георгия; святых благоверных и великих царей наших Вахтанга Горгасала, Ашота Куропалата, Давида Строителя и Соломона; святыя благоверныя царицы Тамары; святых добропобедных царей и цариц Архила, Димитрия, Шушаники, Кетевани и Луарсаба; святаго праведнаго Илии; святаго Евфимия Исповедника и святых исповедников Иоанна и Георгия-Иоанна; святых и праведных родителей Богородицы Иоакима и Анны, и святыя великомученицы девы Варвары, и всех святых Твоих: молим Тя, многомилостиве Господи, услыши нас, грешных, молящихся Тебе, и помилуй нас.
Лик: Господи, помилуй (12 раз).
Иерей: Милостию, и щедротами, и человеколюбием Единороднаго Сына Твоего, с Нимже благословен еси, со Пресвятым, и Благим, и Животворящим Твоим Духом, ныне и присно и во веки веков.
Лик: Аминь.
Ирмос: Божественною ревностию огнь устыдеся первее в Вавилоне, в немже трие отроцы, яко в раи, хождаху и, орошаеми, тако вопияху: благословен еси, Господи Боже отец наших.
Святая великомученице Варваро, моли Бога о нас.
Ум чистый и крепчайший железа показала еси, страстотерпице, любовию Христовою, и мук отнюд не ощущала еси, но сладкогласно пела еси: благословен еси, Господи Боже отец наших.
Святая великомученице Варваро, моли Бога о нас.
Подвиги твоя крепкия свыше зряше Христос Спас, Варваро преславная, и даде ти мужество, и всему миру возвести доблесть твою, и возопила еси: благословен еси, Господи Боже отец наших.
Святая великомученице Варваро, моли Бога о нас.
Явися тебе в темнице Христос светом неприступным и исцели тя от ран, страстотерпице, и даде ти радость; Жених рачительницу тя сотвори доброты Своея.
Слава Отцу и Сыну и Святому Духу.
Теплую любовь и сладость ума твоего уразумевши Иулиания, с желанием последова тебе, блаженная Варваро, и подвигов твоих причастися, и возопи: благословен еси, Господи Боже отец наших.
И ныне и присно и во веки веков. Аминь.
Еже от тебе вочеловечения таинство образно предзнаменова Иаковля лествица, имже Бог человеком соединися, Всенепорочная, и обожи человечество присноблагословенный Бог отец наших,
Ирмос: Седмерицею пещь халдейский мучитель отроком яростию и гневом разжже, силою же Вышняго невредимы от огня соблюдены видев, Творцу и Избавителю вопияше: отроцы, благословите, священницы, воспойте, людие, превозносите Его во веки.
Святая великомученице Варваро, моли Бога о нас.
Биеми на ристалищи, друг друга укрепляху святыя девы и сице глаголаху: ни мало да не убоимся, аще бо и плоть немощна, но дух бодр, и близ есть кончина и Жених душ, безсмертный и присносущный.
Святая великомученице Варваро, моли Бога о нас.
Видев мучитель мужество ваше, прекраснаго возраста вашего не устыдеся, но Иулианию вверже в темницу мрачную, тебе же обнажи; но Христос славою божественною покры тя дивно.
Святая великомученице Варваро, моли Бога о нас.
Подвизи мужественных оных дев удивляют небесныя силы и вооружают к мужеству род женский, да последуют Христу и усердно Бога и Господа поют и превозносят Его во веки.
Слава Отцу и Сыну и Святому Духу.
Миро древле приношаху честныя мироносицы ко гробу Господню и видеша воскресение Его; ты же себе вместо мира принесла еси Царю в дар честный и возопила еси: отроцы, благословите, священницы, воспойте, людие, превозносите Его во веки.
И ныне и присно и во веки веков. Аминь.
Воистинну Богородицу исповедуем и покланяемся тебе, Мати Божия Пречистая, Всесвятая, яко родила еси, достойная, Единаго от Пресвятыя Троицы, Егоже со Отцем и Духом воспеваем: отроцы, благословите, священницы, воспойте, людие, превозносите Его во веки.
Ирмос: Ужасеся о сем небо, и земли удивишася концы, яко Бог явися человеком плотски, и чрево твое бысть пространнейшее небес; темже тя, Богородице, Ангелов и человеков чиноначалия величают.
Святая великомученице Варваро, моли Бога о нас.
Ангел, светом облеченный, егда обнажена была еси Христа ради, облече тя, святая, и хождаше, яко невеста, утварьми украшенная, блаженная Варваро, и обновилася еси десницею Вышняго.
Святая великомученице Варваро, моли Бога о нас.
Убояся беззаконный игемон, да не весь град исповедник Христов будет, и Иулианию мечем убити воином повеле; тебе же предав на муки, безчисленныя раны Христа ради претерпела еси, яко безплотная.
Святая великомученице Варваро, моли Бога о нас.
Егда сподобилася еси скончания мечем от отца твоего, всечестная Варваро, божественный глас услышала еси, прошения твоя приемлющ, яко в воздаяние дарова ти Христос благодать исцелений о молящихся тебе, и иже просят тобою помощи, приемлют паче прошения.
Слава Отцу и Сыну и Святому Духу.
Иже естества женскаго немощи сопротивистеся подвигом мужеским и приясте от Христа небесный венец, ныне Деве Марии и Сыну ея помолитеся, да и нам простит согрешения наша.
И ныне и присно и во веки веков. Аминь.
Благоволивый Матерь Себе ю имети, Царю Многомилостиве, приими сладостию ходатайство ея о нас и милости Твоея исполни создания Твоя, да величаем Тя, Благодетеля Бога, и Рождшей Тя поклоняемся.
Достойно есть яко воистину блажити тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу тя величаем.
Иерей кадит.
Лютый недуг язвы и оспы разрешает и отгоняет память твоя, дево-мученице Варваро, якоже испросила еси молитвою от Христа Бога; сего ради молим тя, блаженная, исцели душу мою, люте недугующую и свирепо разслабленную.
Радости исполняется и хвалится град Киев, девопрекрасная Варваро, имый великое сокровище — святую раку мощей твоих; вси же, с верою прибегающии лобызати ю, благаго исполнения прошений сподобляются.
Всяк верный и вси людие православнии почитают нетленныя мощи твоя, о невесто Христова прекрасная, яко мертва, яко жива, светлее солнечнаго круга сияеши всей земли и от раки проповедуеши Христа Бога.
Мученическим твоим дерзновением избави нас, святая Варваро, от всех душевных и телесных недугов, и от враг видимых и невидимых, и от вечныя муки, до кончины же сподоби мя причаститися Пресвятых и Животворящих Христовых Таин.
О, коль преславна есть память твоя, всехвальная мученице! Яко иконами написанными и в молитвах поминаема твориши чудеса, и спопечительница и покровительница бываеши прибегающих к тебе, и свобождаеши от всех недугов и горьких болезней.
О око дев, мученице Варваро, и о нас моли Деву Небесную, да, яко милостивая, изреченная ею исполнит и да не отъимет заступления своего от людей, жребия своего, яко согрешихом, но на ню повседневно упования наша возлагаем и трисвятою песнию воспеваем Бога:
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды)
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Священник: Яко Твое есть Царство…
Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце, грешнии приносим: помилуй нас.
Слава Отцу и Сыну и Святому Духу.
Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне на ны, яко благоутробен, и избави ны от праведнаго гнева Твоего: Ты бо еси Бог наш, и мы людие Твои, вси дела руку Твоею, и имя Твое наречеся на нас; и помилуй нас.
И ныне и присно и во веки веков. Аминь.
Милосердия двери отверзи нам, благословенная Богородице, надеющиися на тя да не погибнем, но да избавимся тобою от сопротивных враг: ты бо еси спасение рода христианскаго.
Иерей: Помилуй нас, Боже, по велицей милости Твоей, молим Ти ся, услыши и помилуй.
Лик: Господи, помилуй (Трижды).
Иерей: Еще молимся о милости, жизни, мире, здравии, долгоденствии, спасении, просвещении, прощении, благопоспешении и тишине рабов (или рабынь) Божиих и всех чад Церкве нашея, да сохранит Господь Бог наш царствующий град сей наш и святый храм сей и вся грады и веси Иверии от глада, губительства, труса, потопа, огня, меча, нашествия иноплеменников, междоусобныя брани и смертоносныя язвы; да милостив нам будет Бог благостию и человеколюбием Своим, во еже благостояти, и отвратит гнев, на ны повседневно движимый, и избавит нас от праведнаго Своего прещения, на ны належащаго, и помилует нас.
Лик: Господи, помилуй (40 раз).
Иерей: Услыши ны, Боже, Спасителю наш, упование всех концев земли и сущих в мори далече, и милостив, милостив буди о гресех наших, и помилуй ны; милостив бо и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
О святая, славная и добропобедная великомученице Варваро, светильниче пресветлый Церкве Христовы, чудес обильная подательнице, милостивая, незлобивая, нищих заступнице и немощных скорая помощнице!
О святая славная и всехвальная девомученице Варваро, Невесто Христова прекрасная, яко от Небеснаго Жениха обрученная, в чертогах Его водворилася еси с пятию мудрыми девами и со Иулианиею, испроси ныне от Христа Бога, да сохранит отечество наше от сетей вражиих и от братоненавидения, и милостивно призрит на удел Матере Своея, народ наш православный и правоисповедный. Исцели многия язвы наша богоприятною молитвою твоею и даждь нам Божественную ревность об отечестве и страх Божий, да вси живущии в Грузии в Православии и единомыслии утвердимся и единеми усты и единем сердцем Христу, истинному Богу, воспеваем. Укрепи в служении Святейшаго и Блаженнейшаго Католикоса-Патриарха всея Грузии, Архиепископа Мцхетско-Тбилисскаго и Митрополита Бичвинтскаго и Цхум-Абхазскаго, великаго господина, отца нашего Илию, преосвященных митрополитов, архиепископов и епископов, честных иереев, во Христе диаконов и весь монашеский чин, причастников Православныя Церкве и всех православных христиан. Именем твоим нарицаемых и молящихся тебе прослави. Умоли, всесветлая мученице, возлюбленнаго тобою сладчайшаго Иисуса, да простит нам отступления, разорение и осквернение церквей, убиения служителей Божиих, измену, зависть и беззакония, убиения во чреве младенцев наших и прочее множество грехов наших.
О всемудрая и всекрасная Варваро, мученице и Невесто Христа Бога! Ходатайствуй пред Ним, да дарует церквам славу, священству честность, властем доброе пасение народа, воинству мужество, мирянам безгрешие и женам целомудрие, нам же да дарует жизнь в добром жительстве, украшение милосердием, просвещение святою молитвою, очищение исповеданием, озарение причащением, честное преставление, наследие Царствия, со Ангелы пение, со святыми царствование и с тобою славу и благодарение, яко Ему подобает всякая слава, честь и поклонение, со Отцем и Святым Духом, ныне и присно и во веки веков. Аминь.
Иерей: Премудрость!
Пресвятая Богородице, спаси нас.
Лик: Честнейшую херувим и славнейшую без сравнения серафим, без истления Бога Слова рождшую, сущую Богородицу тя величаем.
Иерей: Слава Тебе, Боже наш, слава Тебе.
Лик: Слава Отцу и Сыну и Святому Духу, и ныне и присно и во веки веков. Аминь. Господи, помилуй (трижды). Благослови.
Иерей творит отпуст.
Лик: Аминь.
Мирянин: Слава Отцу и Сыну и Святому Духу, и ныне и присно и во веки веков. Аминь.
Господи, помилуй. (Трижды)
Господи Иисусе Христе, Сыне Божий, молитвами Пресвятыя Твоея Матере, святыя великомученицы Варвары и всех святых, помилуй нас. Аминь.
При целовании иконы ея поем сице:
Всякаго блага помощнице и наставнице всех молящихся тебе, всецело уповающе, к тебе прибегаем: понеже кровь твою пролияла еси любве ради Христовы, мученическим дерзновением моли Его, Варваро блаженная и прекрасная, да невредимы соблюдемся от всех напастей душевных и телесных и сподобимся Царствия Небеснаго, и во веки с тобою прославим Пресвятую Троицу.
Автор-составитель: Тинатин Мчедлишвили
