Молебный параклис во время смертоносного поветрия
Иерей: Благословен Бог наш…
А иже мирянин, глаголет: Господи Иисусе Христе, Сыне Божий, молитвами Пречистыя Твоея Матере и всех святых, помилуй нас. Аминь. Слава Тебе, Боже наш, слава Тебе.
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Иерей: Яко Твое есть Царство…
Лик: Аминь. Господи, помилуй (12 раз).
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Господи! не в ярости Твоей обличай меня и не во гневе Твоем наказывай меня, ибо стрелы Твои вонзились в меня, и рука Твоя тяготеет на мне. Нет целого места в плоти моей от гнева Твоего; нет мира в костях моих от грехов моих, ибо беззакония мои превысили голову мою, как тяжелое бремя отяготели на мне, смердят, гноятся раны мои от безумия моего. Я согбен и совсем поник, весь день сетуя хожу, ибо чресла мои полны воспалениями, и нет целого места в плоти моей. Я изнемог и сокрушен чрезмерно; кричу от терзания сердца моего. Господи! пред Тобою все желания мои, и воздыхание мое не сокрыто от Тебя. Сердце мое трепещет; оставила меня сила моя, и свет очей моих, – и того нет у меня. Друзья мои и искренние отступили от язвы моей, и ближние мои стоят вдали. Ищущие же души моей ставят сети, и желающие мне зла говорят о погибели моей и замышляют всякий день козни; а я, как глухой, не слышу, и как немой, который не открывает уст своих; и стал я, как человек, который не слышит и не имеет в устах своих ответа, ибо на Тебя, Господи, уповаю я; Ты услышишь, Господи, Боже мой. И я сказал: да не восторжествуют надо мною [враги мои]; когда колеблется нога моя, они величаются надо мною. Я близок к падению, и скорбь моя всегда предо мною. Беззаконие мое я сознаю, сокрушаюсь о грехе моем.
А враги мои живут и укрепляются, и умножаются ненавидящие меня безвинно; и воздающие мне злом за добро враждуют против меня за то, что я следую добру. Не оставь меня, Господи, Боже мой! Не удаляйся от меня; поспеши на помощь мне, Господи, Спаситель мой!
Слава Отцу и Сыну и Святому Духу, и ныне и присно и во веки веков. Аминь.
Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже наш, слава Тебе.
(Мирная, или великая, ектения) Иерей: Миром Господу помолимся.
Лик: Господи, помилуй.
Иерей: О свышнем мире и спасении душ наших Господу помолимся.
Лик: Господи, помилуй.
Иерей: О мире всего мира, благостоянии святых Божиих церквей и соединении всех Господу помолимся.
Лик: Господи, помилуй.
Иерей: О святем храме сем и с верою, благоговением и страхом Божиим входящих в онь Господу помолимся.
Лик: Господи, помилуй.
Иерей: О Святейшем и Блаженнейшем Католикосе-Патриархе всея Грузии, Архиепископе Мцхетско-Тбилисском и Митрополите Бичвинтском и Цхум-Абхазском, великом господине и отце нашем Илии, и о преосвященнейшем митрополите (или епископе; имя, егоже есть епархия), честнем пресвитерстве, во Христе диаконстве, о всем причте и людех их Господу помолимся.
Лик: Господи, помилуй.
Иерей: О богохранимем народе нашем, о царствующем граде сем нашем Тбилиси, о всяком граде и стране и верою живущих в них Господу помолимся.
Лик: Господи, помилуй.
Иерей: О благорастворении воздухов, о изобилии плодов земных и временех мирных Господу помолимся.
Лик: Господи, помилуй.
Иерей: О плавающих, путешествующих, недугующих, страждущих, плененных и о спасении их Господу помолимся.
Лик: Господи, помилуй.
Иерей: Да не яростию Своею обличит нас, но простит вся прегрешения наша, вольная и невольная, и помилует от смерти души наша, Господу помолимся.
Лик: Господи, помилуй.
Иерей: Да услышит от храма святаго Своего глас наш и исцелит лютыя недуги наша, обышедшия нас, и угасит потоки беззакония, смущающия нас, Господу помолимся.
Лик: Господи, помилуй.
Иерей: Да скоро избавит нас от сетей смертных и от недугов, Господу помолимся.
Лик: Господи, помилуй.
Иерей: Да продолжит время покаяния рабом Своим и не посечет нас безвременно, яко смоковницу оную безплодную, но милосердно окопает и напоит росою милости, человеколюбно ожидая обращения нашего и плодов покаяния, Господу помолимся.
Лик: Господи, помилуй.
Иерей: Да возвысит нас от врат смертных, ибо меч Свой обнажи и лук Свой напряже и на нас праведно уготова сосуды смертныя, стрелы Своя изощри с углием опустошительным, но от всего сего милостиво да избавит нас, Господу помолимся.
Лик: Господи, помилуй.
Иерей: Да услышиши молитву нашу и моление наше приимеши и не премолчиши о слезах наших и даруеши нам здравие, Господу помолимся.
Лик: Господи, помилуй.
Иерей: Заступи, спаси, помилуй и сохрани нас, Боже, Твоею благодатию.
Лик: Господи, помилуй.
Иерей: Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга и весь живот наш Христу Богу предадим.
Лик: Тебе, Господи.
Иерей: Яко Бог милостей, щедрот и человеколюбия еси, и Тебе славу возсылаем, Отцу и Сыну и Святому Духу, ныне и присно и во веки веков. Лик: Аминь. Бог Господь, и явися нам, благословен Грядый во имя Господне.
Стих 1: Исповедайтеся Господеви, яко благ, яко в век милость Его. Стих 2: Вси языцы обыдоша мя, и именем Господним противляхся им. Стих 3: Не умру, но жив буду и повем дела Господня. Стих 4: Камень, егоже небрегоша зиждущии, сей бысть во главу угла; от Господа бысть сей, и есть дивен во очесех наших.
Во гневе Твоем, Боже, помяни милости Твоя, ибо земля и пепел есмы, и не яростию Твоею накажи мя, да не погибнем до конца, но помилуй души наша, яко Един Человеколюбец.
Слава Отцу и Сыну и Святому Духу.
Ты един еси, Христе, скорый Помощник: скоро яви с небесе покров Твой на скорбящих рабех Твоих и избави их от недугов, скорбей и горьких болезней и возстави их во хваление Тебе и во славословие присное, молитвами Богородицы, Едине Человеколюбче.
И ныне и присно и во веки веков. Аминь.
Теплая Заступнице, Мати Бога Вышняго, ходатайствующая за всех ко Христу, Спасу нашему, и всех спасающая, иже с непостыдною надеждою прибегают под державный покров твой, Владычице, ныне предстательствуй о нас, умиленным духом и сокрушенным сердцем молящих тя, Богородице Дево, и избави нас от всех печалей, искушений и недугов.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Ирмос: Колесницегонителя фараона погрузи, чудотворяй иногда, Моисейский жезл, крестообразно поразив и разделив море, Израиля же бегуна, пешеходца, спасе, песнь Богу воспевающа: яко славно прославися.
Милостиве Господи, помилуй рабы Твоя
Вседержителю и Единосущная, Едино Престоле, Едина Сило и Трисиянная Славо, Отче неприступный, Сыне и Душе Святый, избави рабы Твоя, молящия Тя, от лютых недугов.
Милостиве Господи, помилуй рабы Твоя
Буря грехов погрузи мя во глубину немощи, и бием есмь долговременными сими болезньми, яко волнами; Владычество Вседержительное, Святая Троице, умилосердися и избави мя, окаяннаго, ибо зле погибаю.
Слава Отцу и Сыну и Святому Духу.
Избави нас от грехов наших, всюду обышедших нас, Нераздельная Троице, утоли жар лютых недугов наших росою милости Твоея и даруй здравие рабом сим Твоим, да правою верою хвалим Тя.
И ныне и присно и во веки веков. Аминь.
Во чреве твоем понесши Спаса и Господа Вседержителя, вземлющаго грехи, Того моли, Всесвятая, о избавлении рабов твоих от немилостивых недугов, едина Помощнице рода человеческаго.
Ирмос: Небеснаго круга Верхотворче, Господи, и Церкве Зиждителю, Ты мене утверди в любви Твоей, желаний краю, верных утверждение, Едине Человеколюбче.
Милостиве Господи, помилуй рабы Твоя
Безплотных умнии чини, ангельския лики, престоли и господства, силы и власти молят Тебе, Блага Господа и Спаса: от губительных недугов избави рабы Твоя сия.
Милостиве Господи, помилуй рабы Твоя
Яви бездну человеколюбия Твоего, Вседержителю, и от губительных недугов и немилостивых болезней избави рабы Твоя, Едине Долготерпеливе и Милостиве.
Слава Отцу и Сыну и Святому Духу.
Святии ангели и архангели, предстоящии пред престолом славы, молите ныне велие благоутробие Его, да утолит лютый недуг сей и избавит нас от смертоноснаго сего жребия.
И ныне и присно и во веки веков. Аминь.
Источник исцелений яви тя, Мати Непорочная и Неневестная, от тебе рожденный Христос Бог; сего ради от всех недугов избави нас, в волнах немощей и болезней погруженных, и утоли печаль нашу.
Избави от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, Всепетая Богородице, и тел наших лютыя язвы исцели и душ наших болезни.
Иерей: Помилуй нас, Боже, по велицей милости Твоей, ибо согрешихом и беззаконновахом, и сего ради праведно найде на ны гнев Твой, и объят нас сень смертная, и ко вратом адовым приближихомся; но Тебе, Богу нашему, в печалех умиленно вопием: помилуй, помилуй люди Твоя сия и не погуби до конца; смиренно молим Ти ся, услыши и помилуй.
Лик: Господи, помилуй (Трижды).
Иерей: Еще молимся, Царю смерти и жизни, Господи, не предаждь смерти души наша, но отпусти гнев, на ны движимый, ибо дние наши, яко дым, исчезают, оскуде крепость наша, и вконец погибаем грехов ради наших; милостив буди рабом Твоим, покаянием и слезами молим Ти ся, Господи, услыши и помилуй.
Лик: Господи, помилуй (Трижды).
Иерей: Еще молимся, яко не хощеши смерти грешника, но еже обратитися и живу быти ему: оживи нас, грешных, повинных смерти пред судищем Твоим, ибо Бог еси и Господь живых и мертвых; не погуби нас гневом наказания Твоего, Тебе молимся воплем и плачущим сердцем, услыши и помилуй.
Лик: Господи, помилуй (Трижды).
Иерей: Еще молимся, ибо паче всех согрешихом и беззаконновахом, Владыко, и аще и не стяжахом покаяния, но вместо него жертву сию молитвы нашея приими, Господи, преклонися на милость и избави нас от глада, смертоносных недугов и немилостивых болезней, болезненно рыдающих и молящих Тя: скоро услыши и помилуй (здесь поминаются по именам те, о нихже молятся Богу).
Лик: Господи, помилуй (Трижды).
Иерей: Еще молимся, да не помянеши грехов и неправд уповающих на Тя, Господи, и не внидеши в суд с рабы Твоими, ибо аще беззакония назриши, Господи, кто постоит? Ибо прах и пепел есмы, и состав наш яко ничтоже пред Тобою есть; но яко Многомилостив и Человеколюбец помилуй нас и не погуби нас гневом Твоим со беззаконьми нашими, молим Тя, Всеблагий Боже, услыши и помилуй.
Лик: Господи, помилуй (Трижды).
Иерей: Еще молимся о всей братии и о всех христианех, да помянеши, яко плоть есмы, Господи, и милостиво отвратиши гнев Твой, праведно на ны движимый, имже, яко мечем, безвременно посекаемся; останови недуг и утоли язвы наша, ибо несть в смерти поминаяй Тебе, во аде же кто исповестся Тебе? Но мы, живии, хвалим Тя, Владыко, и болезненным сердцем молим Тя, услыши и помилуй. Лик: Господи, помилуй (трижды).
Иерей: Яко милостив и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Не отвержи до конца людий Твоих сих, Владыко, ниже отлучи от нас помощь Твою, Иже не хощеши смерти грешника, но обращения и жизни его; ныне утоли недуги, отжени страсти и скоро возстави от одров болезни всех немощных, славящих Тя.
Слава Отцу и Сыну и Святому Духу.
Врачу душ и телес наших, с сокрушенным сердцем припадаем к Тебе и с воздыханием молим Тя: якоже слезы Езекиины, Манассиино и ниневитян покаяние и исповедание Давидово приял еси и скоро помиловал еси, тако ныне и наша, с умилением Тебе приносимая моления приими, Всеблагий Царю, и, яко Милостив, помилуй нас и от всех находящих недугов, скорбей и теснот избави уповающих на Тя.
И ныне и присно и во веки веков. Аминь.
Все таинство твое, Богородице, паче естества есть и паче славы святынею запечатлено и девством сохранено, и познаваешися неложно, ибо Бога родила еси непреложно; Того моли о жизни душ наших.
Ирмос: Ты моя крепость, Господи, Ты моя и сила, Ты мой Бог, Ты мое радование, не оставль недр Отчих и нашу нищету посетивый; темже с пророком Аввакумом зову Ти: силе Твоей слава, Человеколюбче.
Милостиве Господи, помилуй рабы Твоя
Обышедша мя сени смертныя, и ко вратом адовым приближихся, но Ты, Спасе, яко крепкий, избави мя и возстави, с непостыдною верою вопиющаго Тебе: слава силе Твоей, Человеколюбче.
Милостиве Господи, помилуй рабы Твоя
Избавители от скорбей наших будите, святии апостоли, таинницы Христовы, самовидцы и проповедницы Его, и благодать исцелений приимшии, и молитвами вашими ко Царю, Избавителю и Спасу избавите нас от обдержащаго недуга.
Слава Отцу и Сыну и Святому Духу.
Ныне найде на ны буря грехов, и, волнами немощей люте биеми, в болезнех погружаемся, и губительныя недуги обладают нами, окаянными; но прострите нам руку помощи, апостоли Господни, и помощницы нам будите молитвами вашими.
И ныне и присно и во веки веков. Аминь.
Немилостивыми и долговременными недуги биеми, к тебе припадаем вси, Дево: покрый и избави всех нас царским покровом твоим, Непорочная, останови губительство, и лютые недуги и немощи исцели, Невесто Божия, Пресвятая Владычице.
Ирмос: Не отрини мене от лица Твоего, Свете незаходимый, да не покрыет мене тьма непросвещенная, но обрати мя и к свету заповедей Твоих пути моя направи, молюся.
Милостиве Господи, помилуй рабы Твоя
Море губительныя прелести, пророцы, медоточивою молитвою вашею разделившии, ныне всю губительную горесть немощей наших упраздните сладостию помощи Бога Вседержителя.
Милостиве Господи, помилуй рабы Твоя
Повелением Твоим стрелы немощей унзиша мя, Господи, и утвердил еси на мне руку Твою, Вседержителю; великою Твоею милостию помилуй нас всех молитвами святых мученик Твоих.
Слава Отцу и Сыну и Святому Духу.
Якоже древле повелением Твоим умершаго отрока вдовицы возставил еси, Слове Божий, тако и ныне возстави и оживи изнемогших от лютых недугов, яко Благ и Милостив, Едине Человеколюбче.
И ныне и присно и во веки веков. Аминь.
Во тьме житейстей постиже мя волна злобы, и тьма немощи покры мя; но окропи мя росою прохлаждающею, Всесвятая, и ко свету крепости настави мя.
Ирмос: Остави ми, Блаже, безчисленная согрешения моя, ихже ради призываю Тя, избави мя от лютых; к Тебе вопию: услыши мя, Боже, Спасе мой.
Милостиве Господи, помилуй рабы Твоя
Во глубине бездны погруженных обыдоша нас немощи, и волнами погибели биеми есмы, Владыко Господи: простри нам руку помощи и спаси нас.
Милостиве Господи, помилуй рабы Твоя
Якоже разслабленнаго божественным словом во мгновение ока укрепил еси и от немощи и одра болезни возставил еси, тако и ныне от тяжкаго недуга облегчи нас и здравие даруй, Многомилостиве.
Слава Отцу и Сыну и Святому Духу.
Лик пророков, собор апостолов и множества мучеников молят Тя, Едине Многомилостиве, о людех Твоих: милостиво призри на моление их и помилуй нас.
И ныне и присно и во веки веков. Аминь.
Пресвятая Марие, сокровище непорочнаго девства, от грехов наших очисти нас, благая Мати, и от недугов, печалей и немощей избави, да присно с верою величаем тя.
Избави от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, всехвальная Богородице, и тел наших лютыя язвы исцели и души нашея недуги. Иерей: Паки и паки миром Господу помолимся.
Лик: Господи, помилуй.
Иерей: Заступи, спаси, помилуй и сохрани нас, Боже, Твоею благодатию.
Лик: Господи, помилуй.
Иерей: Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга и весь живот наш Христу Богу предадим.
Лик: Тебе, Господи.
Иерей: Яко Ты еси Царь мира и Спас душ наших, и Тебе славу возсылаем, Отцу и Сыну и Святому Духу, ныне и присно и во веки веков. Аминь.
Лик: Аминь.
Избави от скорбей рабы Твоя, Многомилостиве, яко усердно к Тебе прибегаем, милостивому Избавителю и всех Царю, в Троице славимому Богу.
На одре болезни лежащих и смертоносными язвами уязвленных, якоже иногда возставил еси, Спасе, тещу Петрову и разслабленнаго, на одре носимаго, тако и ныне, Милостиве, на страждущия сия призри и исцели их, ибо Ты един еси немощи и болезни и недуги рода нашего вземляй и вся можеши, яко Многомилостив.
Господи Вседержителю, Святый Царю, наказуяй и не умерщвляяй, утверждаяй низпадающия и возводяй низверженныя, телесныя человеков скорби исправляяй, молим Тя, Боже наш, призри милостию Твоею на впадших в немощь и лютым недугом уязвленных и возстави их от одра болезни и от ложа озлобления здравием и даруй им угождение и творение воли Твоея
Иерей: Вонмем. Премудрость. Прокимен, глас 4: Господи, да не яростию Твоею обличиши мене, ниже гневом Твоим накажеши мене.
Стих: Яко стрелы Твоя унзоша во мне, и утвердил еси на мне руку Твою.
Братие, Господь, кого любит, того наказывает; бьет же всякого сына, которого принимает. Если вы терпите наказание, то Бог поступает с вами, как с сынами. Ибо есть ли какой сын, которого бы не наказывал отец? Если же остаетесь без наказания, которое всем обще, то вы незаконные дети, а не сыны. Притом, если мы, будучи наказываемы плотскими родителями нашими, боялись их, то не гораздо ли более должны покориться Отцу духов, чтобы жить? Те наказывали нас по своему произволу для немногих дней; а Сей – для пользы, чтобы нам иметь участие в святости Его. Всякое наказание в настоящее время кажется не радостью, а печалью; но после наученным через него доставляет мирный плод праведности. Итак укрепите опустившиеся руки и ослабевшие колени и ходите прямо ногами вашими, дабы хромлющее не совратилось, а лучше исправилось.
Аллилуиа, глас 4 (трижды)
Объяша мя болезни смертныя, и потоцы беззакония смятоша мя, болезни адовы обыдоша мя, предвариша мя сети смертныя. Иерей: Премудрость, прости, услышим святаго Евангелия. Мир всем. Лик: И духови твоему. Иерей: От Луки святаго Евангелия чтение. Лик: Слава Тебе, Господи, слава Тебе.
Иерей: Вонмем.
Во время оно и разнесся слух о Нем по всем окрестным местам. Выйдя из синагоги, Он вошел в дом Симона; тёща же Симонова была одержима сильною горячкою; и просили Его о ней. Подойдя к ней, Он запретил горячке; и оставила ее. Она тотчас встала и служила им. При захождении же солнца все, имевшие больных различными болезнями, приводили их к Нему; и Он, возлагая на каждого из них руки, исцелял их. Выходили также и бесы из многих с криком и говорили: Ты Христос, Сын Божий. А Он запрещал им сказывать, что они знают, что Он Христос. Когда же настал день, Он, выйдя из дома, пошел в пустынное место, и народ искал Его и, придя к Нему, удерживал Его, чтобы не уходил от них. Но Он сказал им: и другим городам благовествовать Я должен Царствие Божие, ибо на то Я послан. И проповедовал в синагогах Галилейских. Лик: Слава Тебе, Господи, слава Тебе.
Слава Отцу и Сыну и Святому Духу.
Милостию Твоею, многомилостиве Боже, очисти множества наших согрешений.
И ныне и присно и во веки веков. Аминь.
Молитвами Святыя Богородицы, Милостиве, очисти множества наших согрешений.
Помилуй мя, Боже, по велицей милости Твоей, и по множеству щедрот Твоих очисти беззаконие мое, и помилуй мя, Боже.
Стихира: С верою к Тебе прибегаем, милостивому Избавителю и всех Царю, в Троице славимому Богу, и молим о непоколебимом сохранении Церкве, об избавлении Иверии от нашествия врагов, об укреплении народа нашего, о помиловании верных и о даровании мира.
Иерей: Спаси, Боже, люди Твоя и благослови достояние Твое, посети мир Твой милостию и щедротами, возвыси рог христиан православных и низпосли на ны милости Твоя богатыя, молитвами Всепречистыя Владычицы нашея Богородицы и Приснодевы Марии; силою Честнаго и Животворящаго Креста; предстательствы честных Небесных Сил безплотных; честнаго, славнаго Пророка, Предтечи и Крестителя Иоанна; святаго великаго пророка Илии Фесвитянина и праведнаго Еноха; святых славных и всехвальных первоверховных апостолов Петра и Павла; святаго апостола Фомы и просветителей Грузии, апостолов Андрея Первозваннаго, Симона Кананита, Варфоломея, Фаддея и Матфия; иже во святых отца нашего Николая, архиепископа Мир Ликийских, чудотворца, и вселенских великих учителей и святителей Василия Великаго, Григория Богослова и Иоанна Златоустаго; святаго славнаго великомученика и победоносца Георгия и святых великих дев-мучениц Варвары и Марины; преподобныя матере нашея, равноапостольныя девы Нины, просветительницы Грузии, и святых равноапостольных царя Мириана и царицы Наны; святых патриархов наших Петра, Самуила, Сармиана, Мамая, Арсения, Мелхиседека, Иоанна-Златоуста, Николая, Евдемия, Иосифа, Кириона и Амвросия; преподобнаго отца нашего Иоанна Зедазнийскаго и двоюнадесяти учеников его, вторых просветителей Церкве Грузинския и присных ея покровителей; богомудрых блаженных отец наших Илариона Грузина, Серапиона Зарзмскаго, Григория Хандзтийскаго и Саввы Ишхнийскаго; преподобных отец наших Афонских Иоанна и Гавриила Грузинов, Иоанна, бывшаго Торники, и Евфимия и Георгия Святогорцев; святых славных и добропобедных мучеников наших Раждена, Евстафия Мцхетскаго, Або Тбилисскаго, Гоброна, Феодора пресвитера, Христофора Гурийскаго, Николая Двали, Козмана, князей Аргветских Давида и Константина и князя Константина; святаго великомученика Бидзины и святых славных мучеников Шалвы и Элизбара, эриставов Ксанских; святаго мученика Шалвы Ахалцихскаго и святых ста тысяч мучеников, в Тбилиси от хорезмийцев избиенных; святых мучеников, шести тысяч иноков Гареджийских, и многих святых отцев и матерей, в Аджарии от турок умученных; святых добропобедных царей и цариц Мирдата, Ашота, Архила, Димитрия, Луарсаба, Шушаники и Кетевани; святых благоверных и великих царей наших Вахтанга Горгасала, Давида Строителя, Димитрия-Дамиана, Тамары и Соломона; святаго Илии Праведнаго, Евфимия Человека Божия и Евфимия Исповедника; святых исповедников отец наших Иоанна и Георгия-Иоанна Бетанийских и преподобнаго отца нашего архимандрита Гавриила, исповедника и юродиваго; святых и праведных богоотец Иоакима и Анны (и святаго, егоже есть храм) и всех святых Твоих молим Тя, многомилостиве Боже, услыши моление нас, грешных, и помилуй нас.
Лик: Господи, помилуй (12 раз).
Иерей: Милостию, и щедротами, и человеколюбием Единороднаго Сына Твоего, с Нимже благословен еси, со Пресвятым, и Благим, и Животворящим Твоим Духом, ныне и присно и во веки веков.
Лик: Аминь.
Ирмос: Божие снизхождение огнь устыдеся в Вавилоне иногда; сего ради отроцы в пещи радостною ногою, яко в цветнице, ликовствующе пояху: благословен еси, Боже отец наших.
Милостиве Господи, помилуй рабы Твоя
Разжжеся пещь лютых болезней, и попаляет мя губительный пламень неугасимаго огня, но росою милости Твоея, Спасе, прохлади поющих Тебе: благословен Бог отец наших.
Милостиве Господи, помилуй рабы Твоя
Пророцы и апостоли, мученицы и божественнии учителие, молитвою вашею укротите недуги нас, немощных, и испросите от Бога здравие поющим: благословен Бог отец наших.
Слава Отцу и Сыну и Святому Духу.
Словом Твоим Лазаря возставивый, Господи, ныне и нас оживи и возстави от одров немилостивыя немощи, да вопием Тебе благодарственную песнь: благословен Бог отец наших.
И ныне и присно и во веки веков. Аминь.
Всемилостиваго Бога милостивая Мати, от скорбей и недугов избави люди твоя, Дево, призывающия благоутробие твое, поюще: благословен Бог отец наших.
Ирмос: От Иудеи доведени отроцы в Вавилон иногда, мучителем плененнии, Духом облеченнии огнь пещный угасиша и глаголаху: отец наших Боже, благословен еси во веки.
Милостиве Господи, помилуй рабы Твоя
Болезненно рыдаем от одра недуга нашего и, отверзшимся очесем духовным, просим здравия, да востанем воспевати Тебе: отроцы, благословите, священницы, воспойте, и людие, превозносите во веки.
Милостиве Господи, помилуй рабы Твоя
Немощь нашу милостиво облекийся и благоволивый подобен быти человеком, молитвами святых Твоих спаси нас, Спасе, и от гроба отчаяния возстави нас во славу Божию:
Слава Отцу и Сыну и Святому Духу.
Сущих Творцу и Подателю исцелений, недру щедрот и бездне благоутробия, купно молимся: призри на люди Твоя в губительных немощех и оживи во хвалу Тебе.
И ныне и присно и во веки веков. Аминь.
Ходатаице тверда и всехвальная предстательнице, надеждо безнадежных, призри на недугом страждущих, Всенепорочная, и тяжесть немощи облегчи, отжени губительную немощь и избави рабы сия твоя, Богородице.
Ирмос: Ужасошася твари о снизшествии Бога неизреченнем, како Вышний волею Своею во чрево Девы сниде воплотитися и вочеловечися непреложно во смирении; сего ради вернии Богородицу Непорочную песньми величаем.
Милостиве Господи, помилуй рабы Твоя
Сотворивый многая чудеса, имже несть числа, Безсмертне, яви ныне благоутробие на рабех Твоих, Боже, яко милостив, и свободи нас от обдержащаго недуга молитвами Пречистыя Твоея Матере и всех святых Твоих.
Милостиве Господи, помилуй рабы Твоя
Молитвами ангел, архангел, пророк, мученик, преподобных, святителей и священномученик Твоих печаль нашу в радость претвори, Вседержителю, недуги исцели, немощи облегчи и всем даруй здравие.
Слава Отцу и Сыну и Святому Духу.
Врача душ и телес, богатаго милостию, Господа и Бога нашего молю: исцели многия сия страсти моя, недуги возми и печали моя разжени, яко Благ и Един Человеколюбец и Спас славящих Тя.
И ныне и присно и во веки веков. Аминь.
Родившая плотию Бога, Блага и Милостива, Царя, Творца и Господа нашего, яви ныне на мне милости твоя по обычаю твоему и избави мя от немилостиваго недуга, Дево Богородице, и даруй ми здравие души и тела.
Достойно есть яко воистину блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем. Иерей кадит; чтец или мирянин чтет:
О, Господи наш Иисусе Христе, научивый нас приимати вся, елика аще просим от Отца Твоего Небеснаго во имя Твое! Се, непреложно уповающе на словеса Твоя, просим от Бога Вседержителя, да милостию призрит на народ наш, носящий Крест Твой на земли, и избавит нас от губительнаго поветрия и лютыя болезни, на ны нашедшия.
Пресвятая Троице, неприступная, даруй нам правое исповедание, да проповедуем Бога совершенна, в Трех Лицах неслитно, естеством нераздельно, единосущно славима, и возопиим: и призри милостию Твоею на лежащих на одре болезни, угаси огневицу, утоли страдание и всякую сокровенную в них немощь.
Врачу и Помощниче болящих, Избавителю и Спасе скорбящих, Ты, всех Царю и Господи, огневицу тещи Петровы божественною рукою исцеливый и дщерь Иаирову от одра болезни возставивый и здраву сотворивый, ныне и люте страждущих раб Твоих немощи благостию Твоею исцели и скорое здравие даруй им, усердно молим Тя, Спасе наш, источниче исцелений.
Небеса небес, лики ангельстии, земля и живущии во вселенней, видимая и невидимая, преисподняя и горняя с сынми человеческими, священницы и людие благословим Тя, Троице, и молим: отжени всякую надменность и гордыню от омраченнаго ума нашего и утверди нас на камени заповедей Твоих, да просветится Иверия помощию Богородицы и вси поем Тебе духом и истиною:
Се, иже яко мертвый бездушный разслаблен есмь и на одре отчаяния болезненнем лежу, Пресвятая Богородице, благостию милости твоея даруй ми исцеление и возстави мя во славу и пение Пресвятыя Троицы:
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Священник: Яко Твое есть Царство…
Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце Благому, грешнии приносим: помилуй нас, Господи, помилуй нас.
Слава Отцу и Сыну и Святому Духу.
Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне на ны, яко благоутробен, и избави ны от праведнаго гнева Твоего: Ты бо еси Бог наш, и мы людие Твои, вси дела руку Твоею, и имя Твое наречеся на нас; и помилуй нас.
И ныне и присно и во веки веков. Аминь.
Милосердия двери отверзи нам, благословенная Богородице, надеющиися на тя да не погибнем, но да избавимся тобою от сопротивных враг: ты бо еси спасение рода христианскаго.
Иерей: Помилуй нас, Боже, по велицей милости Твоей, молим Ти ся, услыши и помилуй. Лик: Господи, помилуй (трижды).
Иерей: Милостиво призри, Господи, на озлобление рабов Твоих и умилосердися, и повели ангелу Твоему, воздвигшему руку свою погубити и избити всех нас: ныне удержи руку твою и ктому не избивай, якоже иногда во дни Давидовы повелел еси ангелу; и мы, покаянием исповедающе согрешения наша, подобно Давиду вопием: согрешихом и беззаконновахом и недостойни есмы милости, но, яко долготерпелив и Человеколюбец, яви древния оны милости Твоя и избави люди сия, овцы стада Твоего; молим Ти ся, скоро услыши и помилуй.
Лик: Господи, помилуй (Трижды).
Иерей: Услыши ны, Боже, Спасителю наш, упование всех концев земли и сущих в мори далече, и милостив, милостив буди о гресех наших, и помилуй ны; милостив бо и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
О, Пресвятая Троице, Единосущная, непостижимая Сило, Отче Вседержителю, Сыне Единородный и Душе Святый, Едине Боже, всех видимых и невидимых Творче и Господи, правосудием Твоим праведно наводяй гнев за грехи наша, ныне припадаем и молим Тя, Благий Господи: призри с небесе и виждь и посети виноград сей, достояние грузин, и живущий на нем православный народ наш, покрый его многою милостию Твоею и избави от нашествия врагов и междоусобныя брани. Непоколебимо сохрани, Господи, святую Церковь нашу и вся чада ея, уповающия на милость Твою, и отврати страшный гнев Твой, праведно на ны движимый, и утоли губительный недуг сей, Владыко, и останови грозный меч Твой, имже безвременно посекаемся, да не пленит смерть души наша, иже со слезами покаяния к Тебе припадаем, ко приемлющему Богу нашему. Возстави и оживи изнемогших от лютых болезней и немилостивыми недуги биемых, яко Благ и Милостив, и утоли печаль нашу.
В служении утверди, Господи, и покрый Блаженнейшаго и Святейшаго патриарха нашего Илию, Католикоса Мцхетскаго и Патриарха всея Грузии и Митрополита Бичвинтскаго и Цхум-Абхазскаго; преосвященных архиереев и ... (здесь поминается местный архиерей); честных иереев и диаконов, иноков и инокинь; умудри их, Господи, благодатию Святаго Духа, да молитвою и подвигом своим к жизни вечной направят стадо свое, яко Твое есть еже миловати и спасати нас, Боже наш, и Тебе славу возсылаем, Отцу и Сыну и Святому Духу, ныне и присно и во веки веков. Аминь. Иерей: Премудрость! Пресвятая Богородице, спаси нас.
Лик: Честнейшую Херувим и славнейшую без сравнения Серафим, без истления Бога Слова рождшую, сущую Богородицу тя величаем. Иерей: Слава Тебе, Христе Боже, упование наше, слава Тебе.
Лик: Слава Отцу и Сыну и Святому Духу, и ныне и присно и во веки веков. Аминь. Господи, помилуй (трижды). Благослови.
Иерей: Творит отпуст...
Лик: Аминь.
Мирянин: Слава Отцу и Сыну и Святому Духу, и ныне и присно и во веки веков. Аминь.
Господи, помилуй (трижды),
Господи Иисусе Христе, Сыне Божий, молитвами Пречистыя Твоея Матере и всех святых, помилуй нас. Аминь.
При целовании иконы поем сице:
Господи Боже наш, помилуй нас, смиренных и недостойных рабов Твоих, с сокрушенным и кающимся сердцем к Тебе припадающих и на милость Твою уповающих, и огради нас от лютаго недуга, на ны нашедшаго, и избави нас от смертоносныя язвы и от напрасныя и безвременныя смерти.
Пресвятая Богородице Дево, призри на с верою покланяющихся Святей Троице и лобызающих икону Ея и благо направи шествие наше на пути спасения.
Перевела со славянскаго Нона Намгаладзе; переработала и дополнила Тинатин Мчедлишвили
Источник: страница в Фейсбуке «Библиотека Патриархии»
