Параклис святым тринадцати сирийским отцем
Иерей: Благословен Бог наш всегда, ныне и присно и во веки веков.
Лик: Аминь. Слава Тебе, Боже наш, слава Тебе.
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды, с тремя малыми поклонами)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды)
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Иерей: Яко Твое есть Царство, и сила, и слава, Отца и Сына и Святаго Духа, ныне и присно и во веки веков.
Лик: Аминь. Господи, помилуй (12 раз).
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся и припадем Цареви нашему Богу. (Поклон) Приидите, поклонимся и припадем Христу, Цареви нашему Богу. (Поклон) Приидите, поклонимся и припадем Самому Христу, Цареви и Богу нашему. (Поклон)
Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.
Слава Отцу и Сыну и Святому Духу, и ныне и присно и во веки веков. Аминь.
Аллилуиа, аллилуиа, аллилуиа, слава Тебе, Боже (поклон). Аллилуиа, аллилуиа, аллилуиа, слава Тебе, Боже (поклон). Аллилуиа, аллилуиа, аллилуиа, слава Тебе, Боже наш, слава Тебе (поклон).
Бог Господь, и явися нам, благословен Грядый во имя Господне.
Стих 1: Исповедайтеся Господеви, яко благ, яко в век милость Его. Стих 2: Вси языцы обыдоша мя, и именем Господним противляхся им. Стих 3: Не умру, но жив буду и повем дела Господня. Стих 4: Камень, егоже небрегоша зиждущии, сей бысть во главу угла; от Господа бысть сей и есть дивен во очесех наших.
Сияеши в пустыни, светиши грузином паче солнечнаго круга, отче отцев Иоанне; буди ходатай о чтущих праздник твой и просвещаемых.
Слава Отцу и Сыну и Святому Духу.
Боже отцев наших, творяй присно с нами по Твоей благости, не отстави милость Твою от нас, но молитвами их в мире управи живот наш.
И ныне и присно и во веки веков. Аминь.
Не умолчим никогда, Богородице, силы твоя глаголати, недостойнии; аще бы бо ты не предстояла молящи, кто бы нас избавил от толиких бед? Кто же бы сохранил доныне свободны? Не отступим, Владычице, от тебе, твоя бо рабы спасаеши присно от всяких лютых.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Ирмос: Естество речныя воды оледене и собрася вспять, и глубину Чермнаго моря прейде Израиль стопами неуклонными и уготова в воздаяние Господеви песнь духовную.
Святии тринадесяте сирийстии отцы, молите Бога о нас.
Несумненно, яко Христос истинствует и Истина дивится во преподобных, смерть же преподобных честна пред Богом, яже есть облечение тленнаго в нетление и смертнаго в безсмертие и победителем воздаяние непреходящее.
Святии тринадесяте сирийстии отцы, молите Бога о нас.
Удивляет разум, Иоанне, дивный онаго образ твой, на немже написася подобие Божие; образ же, по усыновлении благодати, украсил еси подобием Божиим, имже дивен явился еси во всех.
Слава Отцу и Сыну и Святому Духу.
Днесь божественный предста праздник, в немже память отец, учеников и сопричастников Иоанновых, просвещает с верою воспевающих память их и с желанием празднующих.
И ныне и присно и во веки веков. Аминь.
Еммануила, еже есть «с нами Бог», ты, Духом Святым зачавши, паче тления, Всенепорочная, родила еси паче ума и слова, и едина явилася еси Владычица, воистинну и собственно Богородица.
Ирмос: Покровитель еси непобедимый Ты, Христе, и крепость непоколебимая уповающих на Тя; неосужденно сохрани и утверди нас на камени веры Твоея, утвержденнем, Всемогущий Господи.
Святии тринадесяте сирийстии отцы, молите Бога о нас.
Розги винограда истиннаго, плод приносящия во время свое, очищенный и совершенный, пресаждени от Небеснаго Делателя, божественнии отцы в рай небесный песньми днесь восхваляются.
Святии тринадесяте сирийстии отцы, молите Бога о нас.
Трудов сообщников, блаженных учеников Иоанна дивнаго, со учителем приобщившихся воздаянию достоинства и венцу, приидите, просвещеннии ими, и вкупе сплетем венцы похвал.
Святии тринадесяте сирийстии отцы, молите Бога о нас.
Края желаний достигшаго, Авива блаженнаго, путем подвигов мученичества, Антония — правило и чин блаженнаго плача, и Шио — столп безмолвия, вкупе песньми восхвалим.
Слава Отцу и Сыну и Святому Духу.
Иесея, сопрестольника и равночестнаго апостолом, Давида, образ прекрасный постников, Михаила, чистым движением ума любомудрца, Пирра и Стефана с прочими отцы, достойно воспоим.
И ныне и присно и во веки веков. Аминь.
Человеком Бога и Господа славы с рабы, Безсмертнаго смертным и Слово во плоти видехом тобою, Богородице, без смешения естеств: о страшное сие таинство, естеств красото неизреченная!
Спаси от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри благосердием, всепетая Богородице, на лютое телес наших озлобление и исцели душ наших болезни.
Иерей: Помилуй нас, Боже, по велицей милости Твоей, молим Ти ся, услыши и помилуй.
Лик: Господи, помилуй (трижды).
Иерей: Еще молимся о богохранимем народе нашем, о властех и воинстве его.
Лик: Господи, помилуй (трижды).
Иерей: Еще молимся о Святейшем и Блаженнейшем Католикосе-Патриархе всея Грузии, Архиепископе Мцхетско-Тбилисском, великом господине и отце нашем Илии, и о преосвященнейшем… (имя местнаго архиерея), и о всей во Христе братии нашей.
Лик: Господи, помилуй (трижды).
Иерей: Еще молимся Господу Богу нашему, да помилует рабы и рабыни Твоя (имена). Умножи, Господи, дни и лета живота их и избави их, Господи, от всякия скорби, гнева и нужды, и от всякия язвы душевныя и телесныя, и прости им всякое согрешение, вольное же и невольное.
Лик: Господи, помилуй (трижды).
Иерей: Яко милостив и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Земная вся оставивше, взыдосте на гору добродетелей, блаженнии отцы, идеже, от силы в силу восходяще, Богу приближистеся и лицем к лицу зрите славу Его, ея ради плоть вашу распясте и покоя телеснаго отвергостеся, и ныне дерзновенно предстоите Ему; Того убо молите грехов оставление даровати с любовию почитающим святую память вашу.
Ирмос: Прослыша пророк пришествие Твое, Христе, и удивися, и хвалою предвозвещаше, глаголя: исполнися земля славы Твоея, Господи, и смирения нашего не презрел еси, но, якоже подобает Божеству Твоему, пришел еси и спасл еси помазанныя Твоя.
Святии тринадесяте сирийстии отцы, молите Бога о нас.
მირონდებულსა მას ალაბასტრსა, საღმრთოსა, ლარნაკსა შენსა, იოანე, აღმომდინარესა ნიშთა კურნებისათა, პატივცემულსა ღირსად მღდელთა მიერ და მეფეთა, დღეს პატიჟად უთნოებათა ჩუენთა, დათრგუნვილსა მტერთა ბოროტნათესავთაგან, მსწრაფლშემწე ექმენ, მცველ და განმათავისუფლებელ.
Святии тринадесяте сирийстии отцы, молите Бога о нас.
Блаженных отец, равных апостолом числом, благодатию и честию, предста память радостная; приидите, богомудрии, восхвалим вкупе, просвещеннии ими, дванадесять врат града небеснаго и дванадесять честных камений светлых священническаго подира.
Слава Отцу и Сыну и Святому Духу.
Двоенадесяте ученицы блаженнии всеискуснаго учителя возсияша, яко звезды дванадесять венца жены, в солнце облеченныя, с нимиже сиянием благодатей блаженный Илия, Додо и Лукиан со Евагрием озаряют призывающих их.
И ныне и присно и во веки веков. Аминь.
Во одеяния златотканна преукрашенная, предстоящая одесную Сына твоего, бездно, рек благодатей различных собрание, звездо, вместившая безмерный свет Светотворца, ты, Благодатная, нас, ведущих тя, избави от страстей различных.
Ирмос: Жизнь еси безконечная и Свет неприступный, Христе Боже наш: сень тьмы безумия отжени от умов наших и просвети чувства душ наших невечерним светом Твоего разума.
Святии тринадесяте сирийстии отцы, молите Бога о нас.
Возгремеша сладко звоны проповеди евангельския во языцех — равночисленнии и равночестнии апостолом ученицы Иоанна дивнаго, и умолкоша злогласныя мусикии идольския, и претворишася терния в киннамон и кипарис, и зверие во стадо Христово.
Святии тринадесяте сирийстии отцы, молите Бога о нас.
Да разжжет и закалит в купели ядовитое железо, овых самих, овых же возвращением ко крещению, во спасение грузин, призванием свыше, яко вторый Павел, избран бысть Иоанн, рожном божественнаго усердия подвизаемый.
Святии тринадесяте сирийстии отцы, молите Бога о нас.
Духом соединенных отцев, единомыслием собранных светил святых церковнаго круга, со Иоанном, великим солнцем, воспевает днесь достойно собор богосветлый радостными хвалами, яко присных покровителей и заступников верных.
Слава Отцу и Сыну и Святому Духу.
Любовию божественною горящий, всечудный Иосиф, не чуяй болезней мраза оцепеняющаго и тяготы зноя палящаго, и Исидор, довольное правило блаженнаго плача, — сии учители благоговения восхваляются днесь с прочими отцы.
И ныне и присно и во веки веков. Аминь.
Превыше ума есть таинство сие и паче вознесеннаго разума: яко Всесущий, равный Отцу и Духу, многою благостию снисходит, и невместимый престолы херувимскими вмещается во чреве Девы, во еже обновити истленный образ Свой.
Ирмос: Вопля рабов Твоих не презри, Господи, но, якоже избавил еси Иону от чрева китова, избави и нас от кита невидимаго и врага лукаваго, яко Человеколюбец.
Святии тринадесяте сирийстии отцы, молите Бога о нас.
Иакинфа красоту стяжа Давид святынею, Антоний безмолвием уподобися иаспису твердому, Шио же сапфиру, яко тленныя тучности бегаяй и плач в себе изображаяй.
Святии тринадесяте сирийстии отцы, молите Бога о нас.
Сардиевидный — кровию мученичества Авив, иерарх Божий, аметист прекрасный — Фаддей блаженный, Стефан венец — хрисолиф светлый, смарагд — Зенон, небеснаго злачнаго места житель у воды покойныя, да восхвалятся, яко достойни похвал.
Слава Отцу и Сыну и Святому Духу.
Халкидон честный — Михаил, образ постничества, сардоникс — Исидор, правоты пример всеживый писателем, Пирр — вирилл цветом, яко море благоговения, хрисопрас — Иосиф, твердость непорочнаго целомудрия.
И ныне и присно и во веки веков. Аминь.
Облаче легкий, колесница Божия, Пречистая Дево, днесь стены града небеснаго, ихже число дванадесять творит божественный пастырь Иесей, топаз светлый, песньми с желанием восхваляющих от скорбей сохрани, Богородице.
Спаси от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри благосердием, всепетая Богородице, на лютое телес наших озлобление и исцели душ наших болезни.
Иерей: Паки и паки миром Господу помолимся.
Лик: Господи, помилуй.
Иерей: Заступи, спаси, помилуй и сохрани нас, Боже, Твоею благодатию.
Лик: Господи, помилуй.
Иерей: Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга и весь живот наш Христу Богу предадим.
Лик: Тебе, Господи.
Иерей: Яко Ты еси Царь мира и Спас душ наших, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
От Сирии светильник Карталинии явился еси и двоюнадесяти отцев отец показался еси, благодати же Святаго Духа источаеши нам и множеством чудес озаряеши нас, отче святый Иоанне: даруй мир властем и воинству нашему верному и люди, славящия тя, избави от напастей.
Иерей: Вонмем. Премудрость. Прокимен, псалом Давидов, глас 4:
Честна пред Господем смерть преподобных Его.
Лик: Честна пред Господем смерть преподобных Его.
Иерей: Что воздам Господеви о всех, яже воздаде ми?
Лик: Честна пред Господем смерть преподобных Его.
Иерей: Честна пред Господем…
Лик: смерть преподобных Его.
Иерей: Господу помолимся.
Лик: Господи, помилуй.
Иерей: Яко свят еси, Боже наш, и во святых почиваеши, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Иерей: Всякое дыхание да хвалит Господа.
Лик: Всякое дыхание да хвалит Господа.
Иерей: Хвалите Бога во святых Его, хвалите Его во утверждении силы Его.
Лик: Всякое дыхание да хвалит Господа.
Иерей: Всякое дыхание…
Лик: да хвалит Господа.
Иерей: И о сподобитися нам слышания святаго Евангелия, Господа Бога нашего молим.
Лик: Господи, помилуй (трижды).
Иерей: Премудрость, прости, услышим святаго Евангелия. Мир всем.
Лик: И духови твоему.
Иерей: От Луки святаго Евангелия чтение.
Лик: Слава Тебе, Господи, слава Тебе.
Иерей: Вонмем.
Во время оно стал Иисус на ровном месте, и множество учеников Его, и много народа из всей Иудеи и Иерусалима и приморских мест Тирских и Сидонских, которые пришли послушать Его и исцелиться от болезней своих, также и страждущие от нечистых духов; и исцелялись. И весь народ искал прикасаться к Нему, потому что от Него исходила сила и исцеляла всех. И Он, возведя очи Свои на учеников Своих, говорил: блаженны нищие духом, ибо ваше есть Царствие Божие. Блаженны алчущие ныне, ибо насытитесь. Блаженны плачущие ныне, ибо воссмеетесь. Блаженны вы, когда возненавидят вас люди и когда отлучат вас, и будут поносить, и пронесут имя ваше, как безчестное, за Сына Человеческаго. Возрадуйтесь в тот день и возвеселитесь, ибо велика вам награда на небесах.
Лик: Слава Тебе, Господи, слава Тебе.
Слава Отцу и Сыну и Святому Духу.
Молитвами святых тринадесяти сирийских отец, Милостиве, очисти множества наших согрешений.
И ныне и присно и во веки веков. Аминь.
Молитвами Богородицы, Милостиве, очисти множества наших согрешений.
Помилуй мя, Боже, по велицей милости Твоей, и по множеству щедрот Твоих очисти беззаконие мое, и помилуй мя, Боже.
Преподобнии отцы, во всю землю изыде вещание исправления вашего; темже на небесех обретосте мзду трудов ваших, бесов полки погубисте, ангельскаго чина достигосте, имже непорочно поревновасте житием; дерзновение имуще ко Христу Богу, мира просите душам нашим.
Иерей: Спаси, Боже, люди Твоя и благослови достояние Твое, посети мир Твой милостию и щедротами, возвыси рог христиан православных и низпосли на ны милости Твоя богатыя, молитвами Всепречистыя Владычицы нашея Богородицы и Приснодевы Марии; силою Честнаго и Животворящаго Креста; предстательствы честных Небесных Сил безплотных; честнаго, славнаго Пророка, Предтечи и Крестителя Иоанна; святых славных и всехвальных апостолов; иже во святых отец наших и вселенских великих учителей и святителей Василия Великаго, Григория Богослова и Иоанна Златоустаго; иже во святых отца нашего Николая, архиепископа Мир Ликийских, чудотворца; святаго великомученика, победоносца и чудотворца Георгия; святых славных и добропобедных мучеников; преподобных и богоносных отец наших; и святыя матере нашея, равноапостольныя девы Нины; святаго отца нашего Илии Праведнаго; святых и праведных богоотец Иоакима и Анны (и святаго, егоже есть храм), и всех святых Твоих: молим Тя, многомилостиве Господи, услыши нас, грешных, молящихся Тебе, и помилуй нас.
Лик: Господи, помилуй (12 раз).
Иерей: Милостию, и щедротами, и человеколюбием Единороднаго Сына Твоего, с Нимже благословен еси, со Пресвятым, и Благим, и Животворящим Твоим Духом, ныне и присно и во веки веков.
Лик: Аминь.
Ирмос: Паче чудес обретошася отроцы в Вавилоне поборницы законов отеческих и во огни, светлии, росою окропляеми, вкупе вопияху, глаголюще: препрославленный отцев наших Боже, благословен еси.
Святии тринадесяте сирийстии отцы, молите Бога о нас.
Всесовершеннаго приемник венца победы и достоинства, Иоанне, стяжал еси стояние со вторыми светы, прежде же исхода, во плоти сый, благодати апостольския всецело сподобился еси, и языки чуждими глаголя, вопиял еси: отцев наших Боже, благословен еси.
Святии тринадесяте сирийстии отцы, молите Бога о нас.
Красны быша нам ноги благовествующих мир, иже благовестиша нам, апостольски приемши огненныя языки и глаголющии чуждими языки, — великий Иоанн и ученицы его, поющии: отцев наших Боже, благословен еси.
Слава Отцу и Сыну и Святому Духу.
Преславный и избранный святитель Христов Евлавий, Духом извещенный, срете вас, отцы, егда купно с ним приясте языки огненныя, единогласно поющии: препрославленный отцев наших Боже, благословен еси.
И ныне и присно и во веки веков. Аминь.
Огнь Божества, Богородице, носила еси, купино мысленная, и паче законов естества пребыла еси неопалима, Дево, родила же еси паче разума Бога человеком, Емуже поем: препрославленный отцев наших Боже, благословен еси.
Ирмос: Уготовление позорищ и сладострастие царя беззаконнаго в Вавилоне упраздни единомыслие отрок, егда возопиша единым гласом, бяху бо в пещи ветром орошаеми, и песнь Творцу всего мира глаголаху: благословите, вся дела Господня, Господа, пойте и превозносите Его во веки.
Святии тринадесяте сирийстии отцы, молите Бога о нас.
Силы знамений, яже стяжаша Иоанн и ученицы его, светло явиша нам паче естества, егда течение реки повелением остановиша, и бесы изгнаша, и концем жезла, яко Елисей, паки разделиша воды, поюще Творцу: благословите, вся дела Господня, Господа, и превозносите Его во веки.
Святии тринадесяте сирийстии отцы, молите Бога о нас.
Святым жезлом знаменоносный, дивный святитель Христов Иесей повеле реце последовати стопам жезла, яже, послушлива, яко жива, последоваше ему по горам и холмом, паче закона естества своего; ин же огнем истребляше змии; темже Прославльшему их вопием: благословите, вся дела Господня, Господа, и превозносите Его во веки.
Святии тринадесяте сирийстии отцы, молите Бога о нас.
Забывше снести хлеб свой, питие с плачем растворяху, гласом воздыхания изсушиша плоть с костьми, да на безсмертней трапезе небеснаго чертога пиют питие новое по обетованию; сей убо един совет умудришася отцы, поюще: благословите, вся дела Господня, Господа, и превозносите Его во веки.
Слава Отцу и Сыну и Святому Духу.
Призывают нас днесь тринадесяте сирийстии отцы в память свою святую и уготовляют питие сугубаго исцеления; приидите вси купно и почерпим воду радости, молитвами их дивно источающуюся, поюще Прославльшему их: благословите, вся дела Господня, Господа, и превозносите Его во веки.
И ныне и присно и во веки веков. Аминь.
Воплотися Слово, Иже в начале бе у Отца, да образ Свой восприятием обновит; сего ради Матерь-Деву в начало плоти избра, да клятву первыя матере разрешит и благословение истинное ею возсияет поющим: благословите, вся дела Господня, Господа, и превозносите Его во веки.
Ирмос: Паче естества и превыше слова даровася тебе, Пречистая Мати и преславная Дево, яко Бог Господь, Избавитель и Спас, из чрева твоего возсия нам вочеловечся и не изменився; сего ради вси роди достойно песньми, якоже рекла еси, ублажают и величают тя.
Святии тринадесяте сирийстии отцы, молите Бога о нас.
Крест на рамена вземше, тринадесяте сирийстии отцы, и изшедше вне стана мирскаго, на месте верха благих дел распяти, принесосте себе Отцу светов всецело очищенною жертвою, еюже страстем Христовым причастницы явистеся, всечуднии, и Царствия Его причастницы бысте.
Святии тринадесяте сирийстии отцы, молите Бога о нас.
Любомудрцы небесныя премудрости, силы превысшия и Сущаго истиннейшаго присно зряще и естества сущих в Нем созерцающе, свойства коегождо существа, от определяющих предложенная, уразумеша и к Вожделеннейшему Сущему потщашася — дванадесяте искуснии учители, ученицы премудраго Иоанна.
Слава Отцу и Сыну и Святому Духу.
Собираху со тщанием от всех цветов нетленных словеснии пчелы на поли добродетелей премудро, да питаются безсмертною сладостию Явльшаго нам сладость и спасение, — божественнии равночисленнии апостолом отцы всепетии.
И ныне и присно и во веки веков. Аминь.
О всеславная и паче разума облагодатствованная, нетленная Мати и Дево Родительнице, родившая Единаго от Святыя Троицы во двою естеству, Слово Божие, в возставление падшаго образа, и мое падение исправи и к безстрастию привлецы мя, да присно величаю тя, Всепетая.
Достойно есть яко воистину блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Иерей кадит.
Херувимски многоочитии зрите славу Божию, блаженнии отцы: Иоанне Зедазнийский, Авиве Некресский, Антоние Марткопский, Давиде Гареджийский, Зеноне Икалтойский, Фаддее Степанцминдский, Иесее Цилканский, Иосифе Алавердский, Исидоре Самтависский, Михаиле Улумбийский, Пирре Бретский, Стефане Хирсский и Шио Мгвимский, — иже наследисте уготованное от начала вам подобным преподобным место, и нам испросите с праведными водворение.
Гласом пения и желанием души молим вы, богоблаженнии отцы: от Отца Небеснаго испросите нам, да руку милости прострет нам и от рук воздушных стражей избавит нас.
Подобающе молите Христа Бога, да Крестом Животворящим покрыет нас и, от ада избавленных, Царствия Своего сподобит молитвами вашими, отцы богоблаженнии.
Со усердием молите Святаго Духа молитвою вашею, честнии отцы: Иоанне Зедазнийский, Авиве Некресский, Антоние Марткопский, Давиде Гареджийский, Зеноне Икалтойский, Фаддее Степанцминдский, Иесее Цилканский, Иосифе Алавердский, Исидоре Самтависский, Михаиле Улумбийский, Пирре Бретский, Стефане Хирсский и Шио Мгвимский, — да Богоначальный наставит нас на землю праву и вечнаго Царствия сподобимся наследити.
О Пресвятая Дево Марие, со всеми Ангелы и богоносными отцы моли Христа Бога, да достигнем небесных оных красот и, венчаннии, воспеваем во веки.
Святый Боже, Святый Крепкий, Святый Безсмертный, помилуй нас. (Трижды, с тремя малыми поклонами)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды)
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.
Иерей: Яко Твое есть Царство, и сила, и слава, Отца и Сына и Святаго Духа, ныне и присно и во веки веков.
Лик: Аминь.
Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце Благому, грешнии приносим: помилуй нас, Господи, помилуй нас.
Слава Отцу и Сыну и Святому Духу.
Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне на ны, яко благоутробен, и избави ны от праведнаго гнева Твоего: Ты бо еси Бог наш, и мы людие Твои, вси дела руку Твоею, и имя Твое наречеся на нас; и помилуй нас.
И ныне и присно и во веки веков. Аминь.
Милосердия двери отверзи нам, благословенная Богородице, надеющиися на тя да не погибнем, но да избавимся тобою от сопротивных враг: ты бо еси спасение рода христианскаго.
Иерей: Помилуй нас, Боже, по велицей милости Твоей, молим Ти ся, услыши и помилуй.
Лик: Господи, помилуй (трижды).
Иерей: Еще молимся о милости, жизни, мире, здравии, долгоденствии, спасении, просвещении, прощении, благопоспешении и тишине раба (рабы) Божия.
Лик: Господи, помилуй (трижды).
Иерей: Еще молимся, да сохранит Господь Бог наш царствующий град сей, вся грады и веси от глада, губительства, труса, потопа, огня, меча, нашествия иноплеменников, междоусобныя брани и смертоносныя язвы; да милостив нам будет Бог благостию и человеколюбием Своим, во еже благостояти, и отвратит гнев, на ны повседневно движимый, и избавит нас от праведнаго Своего прещения, на ны належащаго, и помилует нас.
Лик: Господи, помилуй (40 раз).
Иерей: Услыши ны, Боже, Спасителю наш, упование всех концев земли и сущих в мори далече, и милостив, милостив буди о гресех наших, и помилуй ны; милостив бо и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
О всечестнии богоносии отцы: Иоанне Зедазнийский, Авиве Некресский, Антоние Марткопский, Давиде Гареджийский, Зеноне Икалтойский, Фаддее Степанцминдский, Иесее Цилканский, Иосифе Алавердский, Исидоре Самтависский, Михаиле Улумбийский, Пирре Бретский, Стефане Хирсский и Шио Мгвимский, — ангелоподобнии певцы, Крестителю подобно почтеннии, в преподобных венцы, иноков наставницы, отцев честь, христиан покровители, уповающих на вас помощь и всех молящихся святыни вашей надеждо и прибежище!
О всеблаженнии боговдохновеннии отцы, звезды всесветлыя! Пролийте на ны, яко лучи, благодать святыя молитвы вашея и просветите благочестивый народ наш; озарите Святейшаго и Блаженнейшаго Католикоса-Патриарха всея Грузии, Архиепископа Мцхетскаго и Тбилисскаго и Митрополита Бичвинтскаго и Цхум-Абхазскаго, отца нашего Илию, и преосвященных митрополитов, архиепископов и епископов, и весь священнический и монашеский чин; укрепите служителей Божиих и всех православных христиан; молите, отцы, возлюбленнаго вами Бога, да всех нас помилует великою Своею милостию.
О всечестнии отцы святии: Иоанне Зедазнийский, Авиве Некресский, Антоние Марткопский, Давиде Гареджийский, Зеноне Икалтойский, Фаддее Степанцминдский, Иесее Цилканский, Иосифе Алавердский, Исидоре Самтависский, Михаиле Улумбийский, Пирре Бретский, Стефане Хирсский и Шио Мгвимский, — солнцеобразным сиянием святыя молитвы вашея покрыйте покланяющихся боголепной святыни вашей и избавите нас от глада и губительства, от безплодия земли, от града и от всякаго вреднаго воздуха и от всякия печали; но молите Пресвятую Троицу, да дарует нам мир и правду, жительством благоугождение Богу, в православии озарение, благими делы просвещение, в Царствии Небеснем вселение, с праведными царствование, с преподобными увенчание и вечную славу и радость, яко Отцу подобает слава, Сыну благодарение и Святому Духу поклонение, от века, ныне и присно и во веки веков. Аминь.
Иерей: Премудрость! Пресвятая Богородице, спаси нас.
Лик: Честнейшую херувим и славнейшую без сравнения серафим, без истления Бога Слова рождшую, сущую Богородицу тя величаем.
Иерей: Слава Тебе, Христе Боже, упование наше, слава Тебе.
Лик: Слава Отцу и Сыну и Святому Духу, и ныне и присно и во веки веков. Аминь. Господи, помилуй (трижды). Именем Господним, (титул священника), благослови.
Иерей: Христос, истинный Бог наш, молитвами Всенетленныя Своея Матере, святых славных и всехвальных апостол, и (святаго, егоже есть храм), святых и праведных богоотец Иоакима и Анны (и святаго, егоже есть день), и всех святых, помилует и спасет нас, яко Благ и Человеколюбец.
Лик: Аминь. Господи, помилуй (трижды).
А мирянин: Господи Иисусе Христе, Сыне Божий, молитвами Пресвятыя Твоея Матере, преподобных и богоносных отец наших и всех святых, помилуй нас. Аминь.
Автор: протоиерей Михаил Галдава.
