Молебный параклис Дидубийской иконе Божией Матери
Иерей: Благословен Бог наш…
И аще мирянин, глаголет: Господи Иисусе Христе, Сыне Божий, молитвами Пречистыя Твоея Матере и всех святых, помилуй нас. Аминь.
Слава Тебе, Боже наш, слава Тебе.
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (Трижды). Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Священник: Яко Твое есть Царство…
Господи, помилуй. (12 раз)
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.
Слава Отцу и Сыну и Святому Духу, и ныне и присно и во веки веков. Аминь.
Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже наш, слава Тебе.
Бог Господь, и явися нам, благословен Грядый во имя Господне. Стих 1: Исповедайтеся Господеви, яко благ, яко в век милость Его. Стих 2: Вси языцы обыдоша мя, и именем Господним противляхся им. Стих 3: Не умру, но жив буду и повем дела Господня. Стих 4: Камень, егоже небрегоша зиждущии, сей бысть во главу угла; от Господа бысть сей и есть дивен во очесех наших.
К Богородице умиленно припадем, грешнии сии и убозии, теплыми слезами возопиим из глубины сердца: о Владычице, милостию помощница нам буди, надеждо верных, скоро помози, яко погибаем от множества грехов наших; не отврати рабов твоих тщих, ты бо еси упование и заступница наша пред Сыном твоим и Богом нашим.
Слава Отцу и Сыну и Святому Духу.
К Богородице умиленно припадем, грешнии сии и убозии, теплыми слезами возопиим из глубины сердца: о Владычице, милостию помощница нам буди, надеждо верных, скоро помози, яко погибаем от множества грехов наших; не отврати рабов твоих тщих, ты бо еси упование и заступница наша пред Сыном твоим и Богом нашим.
И ныне и присно и во веки веков. Аминь.
Не умолчим никогда, Богородице, силы твоя глаголати, недостойнии; аще бы бо ты не предстояла молящи, кто бы нас избавил от толиких бед? Кто же бы сохранил доныне свободны? Не отступим, Владычице, от тебе, твоя бо рабы спасаеши присно от всяких лютых.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Ирмос: Колесницегонителя фараона погрузи, чудотворяй иногда, Моисейский жезл, крестообразно поразив и разделив море, Израиля же бегуна, пешеходца, спасе, песнь Богу воспевающа: яко славно прославися.
Чудная иконо Богородицы, сохрани и покрый нас.
Святая икона твоя, Владычице, Дидубийскою нарицаемая, богато источает нам исцеления душ и телес, и иже ю любезно и со усердием лобызают, вскоре от недугов исцеляются.
Чудная иконо Богородицы, сохрани и покрый нас.
Пасущу пастырю стадо в пределех Дидубийских, явися ему Ангел во сне и возвести, где лежаше икона Богородицы, и рече: поклонися сокровищу сему честнейшему, и дарует ти велию милость.
Слава Отцу и Сыну и Святому Духу.
Ужасеся пастырь оный о божественнем видении и, вскоре благовестив домашним и людем, вси воздеша руце своя и благодарение и славу Богу возсылаху.
И ныне и присно и во веки веков. Аминь.
Преславная глаголашася о тебе в род и род, Дево, приемшая Слово Божие во чреве твоем и пребывшая нетленною, Богородице Марие; сего ради вси величаем тя, по Бозе обретшуюся избавительницу нашу.
Ирмос: Небеснаго круга Верхотворче, Господи, и Церкве Зиждителю, Ты мене утверди в любви Твоей, желаний краю, верных утверждение, Едине Человеколюбче.
Чудная иконо Богородицы, сохрани и покрый нас.
Изшедше во вторый день, в понедельник, взыскаша царственную икону твою, Владычице, и удивишася, яко держала еси скипетр державы в деснице твоей, Сын же твой и Бог держаше в руку сферу златую с крестом, яко Самодержец.
Чудная иконо Богородицы, сохрани и покрый нас.
Взяша сокровище оное честнейшее и положиша во храме близ лежащем, и вси немощнии тобою исцеления сподобляхуся, и уразумеша вси, яко икона сия твоя дадеся на победу врагов, на прогнание бесов и на исцеление немощных.
Слава Отцу и Сыну и Святому Духу.
Возвестиша слепцу некоему о скорой помощи иконы, и исполнися сердце его упования, но не обрете вожда, иже бы привел его ко иконе сей чудней, и со слезами моляшеся Матери Божией и глаголаше ей: радуйся.
И ныне и присно и во веки веков. Аминь.
Вселился еси во чрево Девы и явился еси человеком плотски, якоже благоволил еси, и показал еси ю воистинну Богородицу, Едине Человеколюбче, и помощницу всем верным.
Избави нас, о Пресвятая Богородице, от всякаго вреда, скорби и тесноты, всею душею припадающих к иконе сей святыни твоея.
Призри благосердием, всепетая Богородице, на лютое телесе моего озлобление и исцели души моея болезнь.
Иерей: Помилуй нас, Боже, по велицей милости Твоей, молим Ти ся, услыши и помилуй.
Лик: Господи, помилуй (Трижды).
Иерей: Еще молимся о богохранимем народе нашем и державе его (о христолюбивом правительстве и воинстве его).
Лик: Господи, помилуй (Трижды).
Иерей: Еще молимся о Святейшем и Блаженнейшем Католикосе-Патриархе всея Грузии, Архиепископе Мцхетско-Тбилисском, великом господине и отце нашем Илии, и о преосвященнейшем (поминается местный архиерей), и о всей во Христе братии нашей.
Лик: Господи, помилуй (Трижды).
Иерей: Еще помолимся Господу Богу нашему, да помилует раба или рабу (здесь поминайте по имени тех, о нихже молитеся). Умножи, Господи, дни и лета живота их и избави их, Господи, от всякия скорби, гнева и нужды, и от всякия язвы душевныя и телесныя, и прости им всякое согрешение, вольное же и невольное.
Лик: Господи, помилуй (Трижды).
Иерей: Еще молимся о всех православных христианех.
Лик: Господи, помилуй (Трижды).
Иерей: Яко милостив и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков. Лик: Аминь.
Икона сия твоя, Богородице, Дидубийскою нарицаемая, промыслом дадеся нам, Пречистая, и угашает угли скорбей росою твоея благости, и паче солнца возсиявает нам дары помощи твоея.
Ирмос: Ты моя крепость, Господи, Ты моя и сила, Ты мой Бог, Ты мое радование, не оставль недр Отчих и нашу нищету посетивый; темже с пророком Аввакумом зову Ти: силе Твоей слава, Человеколюбче.
Чудная иконо Богородицы, сохрани и покрый нас.
«Не презри умиленнаго сего моления моего, — муж оный тепле вопияше, — и заступи мя пред Сыном твоим и Богом моим, да светом Своим просветит и мене, грехом омраченнаго, и сподобит мя видети и поклонитися преславней иконе твоей сей».
Чудная иконо Богородицы, сохрани и покрый нас.
Якоже ты еси бездна исцелений и источник благ неоскудных, тако и икона твоя имяше силу и благодать исцеления от Сына твоего, яко показала еси скорую помощь слепцу оному и абие отверзла еси очи его.
Слава Отцу и Сыну и Святому Духу.
Радости исполнися муж он, слепый от рождения, егда узре свет дневный, и вскоре поспешив во храм на поклонение иконе, припаде и, божественным желанием движим, благодаряше тя, Дево, и славяше Христа.
И ныне и присно и во веки веков. Аминь.
Разрешила еси поношение матере Евы, егда Бога, Создателя твоего, зачала еси паче естества человеческаго и неизреченно родила еси нам, Пречистая Мати Христа Спаса; заступи нас, молящих тя.
Ирмос: Вскую мя отринул еси от лица Твоего, Свете незаходимый, и покрыла мя есть чуждая тьма окаяннаго? Но обрати мя и к свету заповедей Твоих пути моя направи, молюся.
Чудная иконо Богородицы, сохрани и покрый нас.
Слышавше страшную сию силу иконы твоея, грузини воздвигоша ей молитвенный памятник и, благодатьми твоими обогащени, Дево Марие, не умолкоша хвалити и воспевати тя.
Чудная иконо Богородицы, сохрани и покрый нас.
Видяще преславную икону твою, множество верных и безчисленная чудеса, благодатию твоею бывающая, созидаша храм прекрасный и положиша тамо святую икону твою, Владычице, и нарекоша ю Дидубийскою, и в понедельник оный уставиша празднество иконы.
Слава Отцу и Сыну и Святому Духу.
Егда добротою блистающая икона твоя водворися в дому Божии, исполнися храм оный сияния, святителие же и людие со иереи служаху литиями и прошаху от тебе заступления и милости.
И ныне и присно и во веки веков. Аминь.
Дерзновение матернее к Сыну твоему стяжала еси, Всенепорочная Богородице, и не престани моляще Его о помощи нашей, молим тя.
Ирмос: Молитву пролию ко Господу и Тому возвещу печали моя, яко зол душа моя исполнися, и живот мой аду приближися, и молюся, яко Иона: от тли, Боже мой, возведи мя.
Чудная иконо Богородицы, сохрани и покрый нас.
Чудную икону твою ниспославши жребию людей твоих, сладостию твоею дарова еси ю мрака печалей прогонительницу и сиянием милости твоея всех просветительницу.
Чудная иконо Богородицы, сохрани и покрый нас.
Царие грузинстии чтяху икону твою и, созидавше палаты своя на поли Дидубийстем, тамо собираху воинства своя и вручаху их тебе, яко Взбранной Воеводе и заступнице народа грузинскаго.
Слава Отцу и Сыну и Святому Духу.
Святая и блаженная царица Тамара, поспешающи во храм Рождества твоего, яко в пристанище тихое, вручаше себе тебе, и воспеваше, и величаше тя, нетленно рождшую Христа Бога.
И ныне и присно и во веки веков. Аминь.
Не престани моляся о нас, Дево, Пресвятая Богородице Марие, яко ты еси утверждение нас, верных, и упованием на тя укрепляемся и верою тебе и Сына твоего величаем и поклоняемся.
Избави нас, о Пресвятая Богородице, от всякаго вреда, скорби и тесноты, всею душею припадающих к иконе сей святыни твоея.
Призри благосердием, всепетая Богородице, на лютое телесе моего озлобление и исцели души моея болезнь.
Иерей: Паки и паки миром Господу помолимся.
Лик: Господи, помилуй.
Иерей: Заступи, спаси, помилуй и сохрани нас, Боже, Твоею благодатию.
Лик: Господи, помилуй.
Иерей: Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга и весь живот наш Христу Богу предадим.
Лик: Тебе, Господи.
Иерей: Яко Ты еси Царь мира и Спас душ наших, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Святую икону твою Дидубийскую, яко стену и покров, дивно даровала еси иверяном и тою твориши знамения преславная: недужныя исцеляеши, бесы прогоняеши и избавляеши молящих тя; уповающих же на тя с верою не отрини, но приими моление наше и принеси пред Сыном твоим и Богом нашим, ты бо еси упование наше, Мати Благая.
Иерей: Вонмем. Премудрость. Прокимен пред Евангелием, глас 4
Помяну имя Твое во всяком роде и роде.
Стих: Слыши, дщи, и виждь, и приклони ухо твое.
Иерей: Господу помолимся.
Лик: Господи, помилуй.
Иерей: Яко свят еси, Боже наш, и во святых почиваеши, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Иерей: Всякое дыхание да хвалит Господа.
Стих: Хвалите Бога во святых Его, хвалите Его во утверждении силы Его.
Иерей: И о сподобитися нам слышанию святаго Евангелия Господа Бога молим.
Лик: Господи, помилуй (Трижды).
Иерей: Премудрость, прости, услышим святаго Евангелия. Мир всем.
Лик: И духови твоему.
Иерей: От Луки святаго Евангелия чтение.
Лик: Слава Тебе, Господи, слава Тебе.
Во дни оны, встав Мария, пошла с поспешностью в нагорную страну, в город Иудин, и вошла в дом Захарии, и приветствовала Елисавету. Когда Елисавета услышала приветствие Марии, взыграл младенец во чреве ее; и Елисавета исполнилась Святаго Духа, и воскликнула громким голосом, и сказала: благословенна ты между женами, и благословен плод чрева твоего! И откуда это мне, что пришла Матерь Господа моего ко мне? Ибо когда голос приветствия твоего дошел до слуха моего, взыграл младенец радостно во чреве моем. И блаженна уверовавшая, потому что совершится сказанное ей от Господа. И сказала Мария: величит душа моя Господа, и возрадовался дух мой о Боге, Спасителе моем, что призрел Он на смирение рабы Своей, ибо отныне будут ублажать меня все роды; что сотворил мне величие Сильный, и свято имя Его. Пребыла же Мария с нею около трех месяцев, и возвратилась в дом свой.
Слава Тебе, Господи, слава Тебе.
Слава Отцу и Сыну и Святому Духу.
Милостию Твоею, многомилостиве Боже, очисти множества наших согрешений.
И ныне и присно и во веки веков. Аминь.
Молитвами Богородицы, Милостиве, очисти множества наших согрешений.
Помилуй мя, Боже, по велицей милости Твоей, и по множеству щедрот Твоих очисти беззаконие мое, и помилуй мя, Боже.
Стихира: Веселися, земле Грузинская, и празднуй, избранный народе, яко милостию посети вас Мати Божия и дарова вам чудотворную икону свою в помощь во скорбех, в утешение в печалех, во врачевание недугов и во избавление от страстей.
Иерей: Спаси, Боже, люди Твоя и благослови достояние Твое, посети мир Твой милостию и щедротами, возвыси рог христиан православных и низпосли на ны милости Твоя богатыя, молитвами Всепречистыя Владычицы нашея Богородицы и Приснодевы Марии; силою Честнаго и Животворящаго Креста, силою Креста от виноградной лозы; предстательствы честных Небесных Сил безплотных; честнаго, славнаго Пророка, Предтечи и Крестителя Иоанна; святаго пророка Илии Фесвитянина и праведнаго Еноха; святых славных и всехвальных первоверховных апостолов Петра и Павла; святаго апостола Фомы и просветителей Грузии, апостолов Андрея Первозваннаго, Симона Кананита и Матфия; святыя матере нашея, равноапостольныя девы Нины; святых равноапостольных царя Мириана и царицы Наны; иже во святых отец наших и вселенских великих учителей и святителей Василия Великаго, Григория Богослова и Иоанна Златоустаго; иже во святых отец наших Николая, архиепископа Мир Ликийских, и Спиридона, епископа Тримифунтскаго; святаго преподобнаго отца нашего Иоанна Зедазнийскаго и двоюнадесяти учеников его, вторых просветителей Церкве Грузинския и присных ея покровителей; богомудрых блаженных отец Илариона Грузина, Серапиона Зарзмскаго и Григория Хандзтийскаго; преподобных отец наших Афонских Иоанна, Гавриила, Иоанна-Торники, Евфимия и Георгия; святых славных и добропобедных мучеников: святаго великомученика и победоносца Георгия и святых великих дев-мучениц Варвары и Марины; святаго священномученика Неофита Урбнисскаго и святаго великомученика Або Тбилисскаго; святых славных мучеников, князей Аргветских Давида и Константина; святаго великомученика Шалвы Ахалцихскаго, святаго великомученика Бидзины и святых славных мучеников Шалвы и Элизбара, эриставов Ксанских; святых ста тысяч мучеников, в Тбилиси от хорезмийцев избиенных, и святых шести тысяч мучеников, иноков Гареджийских; святых благоверных и великих царей наших Вахтанга Горгасала, Ашота Куропалата, Давида Строителя и Соломона; святыя благоверныя царицы Тамары; святых добропобедных царей и цариц Архила, Димитрия, Шушаники, Кетевани и Луарсаба; святаго праведнаго Илии; святых и праведных родителей Богородицы Иоакима и Анны (и святаго, егоже есть храм); чудотворныя Дидубийския иконы Богородицы и всех святых и святынь Твоих: молим Тя, многомилостиве Господи, услыши нас, грешных, молящихся Тебе, и помилуй нас.
Лик: Господи, помилуй (12 раз).
Иерей: Милостию, и щедротами, и человеколюбием Единороднаго Сына Твоего, с Нимже благословен еси, со Пресвятым, и Благим, и Животворящим Твоим Духом, ныне и присно и во веки веков.
Лик: Аминь.
Ирмос: Отроцы еврейстии в пещи хождаху, огнь дерзновенно попирающе, и, орошаеми, вопияху и глаголаху: благословен еси, Господи Боже, во веки.
Чудная иконо Богородицы, сохрани и покрый нас.
Якоже икона твоя паче солнца возсиявала есть покланяющимся ей дары помощи твоея, тако и ныне с верою припадающе, Пречистая, сладостию твоею приемлем душ и телес исцеление.
Чудная иконо Богородицы, сохрани и покрый нас.
Многоразличныя недуги исцеляет и духи нечистыя прогоняет благодать чудотворныя иконы твоея, Владычице, и хранит своим покровом вся, прибегающия к ней.
Слава Отцу и Сыну и Святому Духу.
Непорочное жилище Невечерняго Света, величаем тя и воспеваем вернии, яко икона сия твоя Дидубийская есть врачевство всякому во Христа верующему.
И ныне и присно и во веки веков. Аминь.
Во свете Господни ходяще, приидите, воспоим мысленному граду царскому, Непорочней Деве, воистинну Богородице, яко есть упование и заступница душ наших во веки веков.
Ирмос: В горе Моисею собеседовавый купиною, образ изобрази безстрастнаго от Девы рождения; Того вси благословим и превозносим во веки.
Чудная иконо Богородицы, сохрани и покрый нас.
Песньми украсим чудную икону первейшия заступницы грузин, и вскоре притекающе принести смиренная моления наша, поклонимся и паки попросим водворитися под покровом благодати ея.
Чудная иконо Богородицы, сохрани и покрый нас.
Потщимся, людие Карталинстии, поклонитися и припасти ко иконе, дивно прославленней, яже дадеся земли Иверстей стеною неразрушимою и стражем неусыпаемым.
Слава Отцу и Сыну и Святому Духу.
Ты еси упование и похвала наша и покровительница по Бозе. Ныне приими песни сия, яже тебе благоговейно приносим, и просвети нас ликом иконы твоея.
И ныне и присно и во веки веков. Аминь.
От Ангела слово приявшую и единаго Бога нам рождшую, Иже свет возсия миру, вси благословим и превозносим во веки.
Ирмос: Ужасеся о сем небо, и земли удивишася концы, яко Бог явися человеком плотски, и чрево твое бысть пространнейшее небес; темже тя, Богородице, Ангелов и человеков чиноначалия величают.
Чудная иконо Богородицы, сохрани и покрый нас.
Ныне услыши моление наше, Пресвятая Мати и Дево благословенная, и иконе твоей припадающих покрый нас от всякаго нападения сопротивнаго и от мучительных приключений, яко разве тебе, кроме Бога, иныя не вемы.
Чудная иконо Богородицы, сохрани и покрый нас.
Се, избранный народ наш паки обыде множество напастей и скорбей, но ты помози нам и настави мя на пути божественныя; аще бы не твое заступление, како избежали бы есмы потопления в потоце беззаконий, умножившихся в последнее сие время?
Слава Отцу и Сыну и Святому Духу.
Превысшая всех родов, всенетленная Богородице Дево, ты еси упование верных; славословием величаем тя и молим: избави мя немощей и скорбей душевных и телесных.
И ныне и присно и во веки веков. Аминь.
Прежде тя проповедаша, Пречистая, пророцы и изобразиша тя кивотом, жезлом, стамною и вратами затворенными, и горою несекомою, и лествицею, на небо возведенною, и источником запечатленным, облаком легким и Рождшею Еммануила.
Достойно есть яко воистину блажити тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу тя величаем.
Иерей кадит; чтец или мирянин читает:
Приидите, вси вернии, во святый сей храм Рождества Богородицы, воистинну скинию славы Божия, иже воздвигоша иконе Дидубийстей, и припадем к покрову ея, да приимем благословение и благодать тою и принесем славу Богу.
О Неневестная Невесто, Дево Марие! Якоже ты еси бездна исцелений и источник благ неоскудных, тако и икона твоя имать силу и благодать исцеления от Сына твоего, Егоже Мати была еси в чистоте, и мы от нея приемлем дары благоутробия твоего.
О Марие, Неневестная Богородице, зряще чудотворную икону твою, яко солнце светлое, людие правовернии купно радуются, яко исцеления и благодать независтно прозябает, яко источник неоскудеваемый.
Ведуще множество милостей твоих, Мати Христова, тепле молим тя: помяни землю сию, от Господа и Сына твоего тебе в жребий данную, и род наш, яко обещала еси во время скорби присно хранити и покрывати нас.
О Всесладкая Мати и Дево Пречистая, отверзи двери милосердия людем твоим Иверским, да не рекут вси еретицы и язычницы: где есть Богородица, на нюже уповаете?
Небесных сил собори, и апостолов лицы, и вси языцы тебе величают, Невесто Бога Вышняго; мы же скверными устнами Материю Божиею проповедуем тя, Богородице, Всенепорочную, и православно ко Господу вопием:
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды)
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Священник: Яко Твое есть Царство…
Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце Благому, грешнии приносим: помилуй нас, Господи, помилуй нас.
Слава Отцу и Сыну и Святому Духу.
Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне на ны, яко благоутробен, и избави ны от праведнаго гнева Твоего: Ты бо еси Бог наш, и мы людие Твои, вси дела руку Твоею, и имя Твое наречеся на нас; и помилуй нас.
И ныне и присно и во веки веков. Аминь.
Милосердия двери отверзи нам, благословенная Богородице, надеющиися на тя да не погибнем, но да избавимся тобою от сопротивных враг: ты бо еси спасение рода христианскаго.
Иерей: Помилуй нас, Боже, по велицей милости Твоей, молим Ти ся, Человеколюбче, услыши и помилуй.
Лик: Господи, помилуй (Трижды).
Иерей: Еще молимся о милости, жизни, мире, здравии, долгоденствии, спасении, просвещении, прощении, благопоспешении и тишине раба (или рабы) Божия, да сохранит Господь Бог наш царствующий град сей наш и святую обитель сию (или храм сей) и вся грады и веси Иверии от глада, губительства, труса, потопа, огня, меча, нашествия иноплеменников, междоусобныя брани и смертоносныя язвы; да милостив нам будет Бог благостию и человеколюбием Своим, во еже благостояти, и отвратит гнев, на ны повседневно движимый, и избавит нас от праведнаго Своего прещения, на ны належащаго, и помилует нас.
Лик: Господи, помилуй (40 раз).
Иерей: Услыши ны, Боже, Спасителю наш, упование всех концев земли и сущих в мори далече, и милостив, милостив буди о гресех наших, и помилуй ны; милостив бо и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
О Всемилостивая Владычице, Богородице Дидубийская, вышшая небес и светлейшая солнца, Невесто, Рабо и Мати Избавителя, Покровительнице и Поборнице народа грузинскаго и непобедимая Воеводо Грузии!
О Владычице, Мати человеколюбиваго Бога, Пренепорочная Дево Марие! Святую сию икону твою Дидубийскую, различно украшенную ризою багряною и златотканым покровом, имамы, яко воистину безмездную Врачевницу телес и Целительницу душ, и с воздетыми руками молим тя пред нею: буди нам, грешным, теплая Предстательница пред Сыном твоим, да упразднит страшныя козни тех, иже о лукавых и суетных подвизаются во вред народу нашему, тобою яко собственный избранному, и да сохранит нас от всякия скорби и соблазна, веру же нашу паки обновит и дарует нам неоскудную любовь к Богу, к ближнему и к отечеству. Многомощною силою твоею укрепи Святейшаго и Блаженнейшаго Католикоса-Патриарха всея Грузии, Архиепископа Мцхетско-Тбилисскаго и Митрополита Бичвинтскаго и Цхум-Абхазскаго, отца нашего Илию, и преосвященных митрополитов, архиепископов и епископов, и весь священнический и монашеский чин, благоверных, военачальников и градоначальников, и все христолюбивое воинство, и благодетелей наших, и всех православных христиан.
О в женах Блаженная, похвало наша, Богородице, умоли Сына твоего, Спасителя мира, да дарует церквам славу, священству честность, властем доброе пасение народа, воинству мужество, мирянам безгрешие и женам целомудрие, нам же да возставит благочестие, правдолюбие, многочадие и милосердие ко вдовицам и сиротам. Да дарует нам любовь к житию во святыни, ненависть к делам непотребным и сокрушение сердечное, венчание со святыми и наследие Царствия Небеснаго, да и мы с тобою славим Отца и Сына и Святаго Духа, ныне и присно и во веки веков. Аминь.
Иерей: Премудрость. Пресвятая Богородице, спаси нас.
Лик: Честнейшую херувим и славнейшую без сравнения серафим, без истления Бога Слова рождшую, сущую Богородицу тя величаем.
Иерей: Слава Тебе, Христе Боже, упование наше, слава Тебе.
Лик: Слава Отцу и Сыну и Святому Духу, и ныне и присно и во веки веков. Аминь.
Господи, помилуй. (Трижды)
Благослови. Иерей: Отпуст…
Лик: Аминь.
Мирянин: Слава Отцу и Сыну и Святому Духу, и ныне и присно и во веки веков. Аминь.
Господи, помилуй. (Трижды)
Господи Иисусе Христе, Сыне Божий, молитв ради Пречистыя Твоея Матере и всех святых, помилуй нас. Аминь.
Любовию покланяемся и со усердием лобызаем икону твою «Дидубийская Богородица», явльшуюся хранительницею и прибежищем иверян, и сокрушенным сердцем молим тя: благословенная Мати и Дево, благослови нас и сохрани, и избави нас от всех скорбей и печалей.
Ныне пред иконою твоею умиленно предстоим вернии, всею душею припадающе к покрову твоему, и вопием: не отврати лица твоего, но исцели нас, о благоутробная Мати, и разруши наветы невидимых и видимых враг и супостатов наших.
Составила Тинатин Мчедлишвили
