Параклис святителю Спиридону Тримифунтскому
Молитвами святых отец наших, Господи Иисусе Христе, Боже наш, помилуй нас.
Слава Тебе, Боже наш, слава Тебе!
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, избави и освободи нас от грехов наших; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.
Господи, помилуй (12 раз).
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.
Слава Отцу и Сыну и Святому Духу, и ныне и присно и во веки веков. Аминь.
Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже наш, слава Тебе.
Бог Господь, и явися нам, благословен Грядый во имя Господне.
Стих 1: Исповедайтеся Господеви, яко благ, яко в век милость Его. Стих 2: Вси языцы обыдоша мя, и именем Господним противляхся им. Стих 3: Не умру, но жив буду и повем дела Господня. Стих 4: Камень, егоже небрегоша зиждущии, сей бысть во главу угла; от Господа бысть сей и есть дивен во очесех наших.
Собора Перваго поборник явился еси и чудотворец, богоносе Спиридоне, отче наш: темже мертвей ты во гробе провещал еси, и змию во злато претворил еси, и внегда пети тебе святыя молитвы, Ангелы сослужащия тебе имел еси, священнейший. Слава Прославившему тя, слава Венчавшему тя, слава Действующему тобою всем знамения.
Слава Отцу и Сыну и Святому Духу.
Собора Перваго поборник явился еси и чудотворец, богоносе Спиридоне, отче наш: темже мертвей ты во гробе провещал еси, и змию во злато претворил еси, и внегда пети тебе святыя молитвы, Ангелы сослужащия тебе имел еси, священнейший. Слава Прославившему тя, слава Венчавшему тя, слава Действующему тобою всем знамения.
И ныне и присно и во веки веков. Аминь.
Не умолчим никогда, Богородице, силы твоя глаголати, недостойнии; аще бы бо ты не предстояла молящи, кто бы нас избавил от толиких бед? Кто же бы сохранил доныне свободны? Не отступим, Владычице, от тебе, твоя бо рабы спасаеши присно от всяких лютых.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Волнами покры древле фараона с колесницами и крепко вооруженным воинством Слово Отчее, воплотивыйся нас ради грешных, Емуже поем: Господи преславный, прославился еси.
Святый святителю Спиридоне, моли Бога о нас.
Землю кротких наследовал еси, отче, яко был еси кроток и прав, милостив и непорочен; сего ради молю тя: утиши волнение ума моего, да восхвалю тя песньми божественными.
Святый святителю Спиридоне, моли Бога о нас.
Деланьми божественными душу твою очистил еси, преподобне Спиридоне, и боголепен был еси, и светлым светом Святаго Духа просиял еси, отче; сего ради исполняеши светлости воспевающих тя.
Слава Отцу и Сыну и Святому Духу.
От стада, подобно Давиду, изведе тя Бог и словесных овец пастыря постави тя, прекрасна и благоугодна, кротостию и правотою украшенна и незлобием просиявша, пастырю добрый.
И ныне и присно и во веки веков. Аминь.
Всесвятая Невесто, нетленная, просвети и освяти помысл и душу мою, молю тя, и отжени мглу безумия моего и мрак грехов моих, да подобающе воспеваю тя.
На камени веры утверди мя и разшири уста моя на враги моя, и возвесели душу мою, да возопию Тебе, Едине: яко несть свят, разве Тебе, Бога моего.
Святый святителю Спиридоне, моли Бога о нас.
Ум твой безстрастием просветил еси и божественным смирением светло украсил еси, и благодатей сокровище был еси, и недуги исцеляеши, бесы отгоняеши от чтущих тя с верою, священнолепне.
Святый святителю Спиридоне, моли Бога о нас.
Начальника злых змия умертвил еси, преподобне, сребролюбие искоренил еси, милости же ради змию во злато, на украшение, претворил еси молитвою, великий святителю и треблаженный отче.
Слава Отцу и Сыну и Святому Духу.
Взошел еси на гору безстрастия, богоносе, вшел еси во мрак боговидения, блаженне, и на скрижалех сердца приял еси закон жизни, яко таинник верный и святитель царский.
И ныне и присно и во веки веков. Аминь.
Исцели язвы души моея и ум мой, нерадением омраченный, просвети, Богородице, да воспеваю тя: несть свят, разве тебе, Владычице.
Спаси от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, Всепетая Богородице, и тел наших лютыя язвы исцели и душ наших болезни.
От стада овец наставник Церкве Христовы поставлен был еси, Спиридоне, и пастырь богоизбранный возсиял еси, и волки ересей словом твоим прогнал еси, и на злачнем месте благочестия святую Церковь воспитал еси, и в богоносных отцех веру утвердил еси премудростию Святаго Духа, святителю блаженне Спиридоне: моли Христа Бога грехов оставление даровати с любовию почитающим святую память твою.
Не Ангел, но Сам Господь, от Девы воплотивыйся Бог, пришел еси к нам и всецело спасл еси нас, вопиющих: слава силе Твоей.
Святый святителю Спиридоне, моли Бога о нас.
Углием Святаго Духа разжегся, вещество страстей удобосгораемое попалил еси и мир светом добродетелей твоих просветил еси.
Святый святителю Спиридоне, моли Бога о нас.
Умертвил еси движение плоти твоея, боговдохновенне, и мертвыя воскресил еси словесы твоими божественными; сего ради молю тя: душу мою умерщвленную оживи.
Слава Отцу и Сыну и Святому Духу.
Егда возгласил еси, абие мертвая провещала ти есть, отче, река ста повелением словес твоих, яко возсиял еси божественных знамений совершитель.
И ныне и присно и во веки веков. Аминь.
Богословцы глубину таинств твоих проповедаша всеконечно непостижиму, Нетленная, яко Неописаннаго воплощенна неизреченно родила еси.
Светил Светодавче и погибших Спасение, Христе, Избавителю всех, к Тебе утренюем, Царю мира: просвети нас светом Твоим, яко разве Тебе, Благий, иного Бога не знаем.
Святый святителю Спиридоне, моли Бога о нас.
Реки благодатей твоих, преподобне, всех напаяют и подают исцеление богато, отче, и всех воздвизают славити Бога, праведно прославившаго тя и чудотворением и множеством знамений почтившаго тя.
Святый святителю Спиридоне, моли Бога о нас.
Тебе царь земный позна воистинну раба Царя Небеснаго, божественными благодатьми обогащенна, егда пришел еси пред него, высокими знамении, и чудесы, и откровеньми, и великаго врача, треблаженне.
Слава Отцу и Сыну и Святому Духу.
Авраамову страннолюбию подражал еси, блаженне, и миловал еси всех, и всем всяко был еси утешитель и исполнитель в напастех и скорбех, Спиридоне, служителю Троицы и священства украшение.
И ныне и присно и во веки веков. Аминь.
Новаго Отроча родила еси нам, Дево Святая, прежде век от Отца рожденнаго, Слово единое безначальное; Того моли, яко Сына и Бога твоего, да помилует нас, чистым сердцем исповедающих тя Богородицею, Мати Божия Пресвятая.
Волна греховная обыде мя, и к многой милости Твоей прибегаю: возведи мя, Благий, от потопления, Боже мой, молю Тя.
Святый святителю Спиридоне, моли Бога о нас.
Злато, яко брение, вменил еси, яко паче злата сиял еси святынею и обогатился еси всезлатыми благодатьми Святаго Духа.
Святый святителю Спиридоне, моли Бога о нас.
Во святыни служил еси Царю твоему, и множества небесных воинств имел еси с тобою глаголющия гласом слышимым, священнолепне.
Слава Отцу и Сыну и Святому Духу.
Преславное житие твое славою светлою венча тя; сего ради память твою с радостию празднуем.
И ныне и присно и во веки веков. Аминь.
Пространнейше небес бысть чрево твое, яко Бога вместила еси, Неневестная Невесто, Иже невместим есть и неописан тварьми.
Спаси от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, Всепетая Богородице, и тел наших лютыя язвы исцели и душ наших болезни.
Любовию Христовою уязвився, всесвященне Спиридоне, ум окрилил еси и сиянием божественным, делом видимым, невидимая обрел еси, боговдохновенне, яко жертва Богу принесенная был еси, и дерзновенно ходатайствуеши о всех нас.
Прокимен, псалом Давидов: Уста моя возглаголют премудрость, и поучение сердца моего разум.
Стих: Услышите сия, вси языцы, внушите, вси живущии по вселенней.
Рече Господь: Я есмь дверь: кто войдет Мною, тот спасется, и войдет, и выйдет, и пажить найдет. Вор приходит только для того, чтобы украсть, убить и погубить. Я пришел для того, чтобы имели жизнь и имели с избытком. Я есмь пастырь добрый: пастырь добрый полагает жизнь свою за овец. А наемник, не пастырь, которому овцы не свои, видит приходящего волка, и оставляет овец, и бежит; и волк расхищает овец, и разгоняет их. А наемник бежит, потому что наемник, и нерадит об овцах. Я есмь пастырь добрый; и знаю Моих, и Мои знают Меня. Как Отец знает Меня, так и Я знаю Отца; и жизнь Мою полагаю за овец. Есть у Меня и другие овцы, которые не сего двора, и тех надлежит Мне привести: и они услышат голос Мой, и будет одно стадо и один Пастырь.
Слава Отцу и Сыну и Святому Духу.
Молитвами святителя Спиридона, Милостиве, очисти множества моих согрешений.
И ныне и присно и во веки веков. Аминь.
Молитвами Богородицы, Милостиве, очисти множества моих согрешений.
Помилуй мя, Боже, по велицей милости Твоей, и по множеству щедрот Твоих очисти беззаконие мое, и помилуй мя, Боже.
Тебе убо от безсловесных стад приведе к словесным Дух, богоносе, якоже Моисея и Давида, и их обычаю уподобился еси, Спиридоне, сияние всего мира.
Повеление беззаконнаго мучителя пещь отроком паче разжже, Бог же всех оросил есть с небесе трех поющих, Иже благословен есть во веки.
Святый святителю Спиридоне, моли Бога о нас.
Кротость Моисееву и незлобие Давидово стяжал еси, и простоту Иосифову, и был еси жилище Всесвятаго Духа, и сице вопиял еси: Боже веков, благословен еси.
Святый святителю Спиридоне, моли Бога о нас.
Роса небесная во время зноя главу твою святую прохлаждаше и предзнаменова божественную честь твою, якоже глаголал еси, яко Бог прослави тя, освятителя воспевающих тя.
Слава Отцу и Сыну и Святому Духу.
На соборе отец почти тя Бог и словес твоих суд непоколебимо утверди, яже с верою изложил еси, и неистовство Ариево разрушил еси и анафеме предал еси.
И ныне и присно и во веки веков. Аминь.
Грозд жизни произнесла еси, яко лоза неделанная, Мати Божия, напоившая нас вином освящающим и веселящим умы, пиянство лютое разрешающим.
Пещь огненная в Вавилоне древле разделися Богом, яко халдеи пламенем ея опалишася, отроцы же, орошаеми, глаголаху: благословите, вся дела Господня, Господа.
Святый святителю Спиридоне, моли Бога о нас.
Огнь страстей дождем божественным Святаго Духа угасил еси, и росу исцелений, страсти попаляющую, источил еси, и разрешаеши пещь болезней, преславне, богоносе отче Спиридоне.
Святый святителю Спиридоне, моли Бога о нас.
Прав, незлобив, кроток, и милостив, и благ был еси, отче, исполнен любве, священнолепен, мудр и разумен, и всяким благом украшен и облечен; сего ради воспеваем тя, преподобне Спиридоне.
Слава Отцу и Сыну и Святому Духу.
Провещала ти есть мертвая, яко жива, егда вопросил еси ю, блаженне отценачальниче. О дела дивнаго! О таинства преславнаго! О благодати, юже божественное и ангельское житие твое привлече тебе!
И ныне и присно и во веки веков. Аминь.
Страсти души моея исцели сладостию, Всепетая, умири житие и просвети душу мою и настави мя на пути божественныя, Владычице, да присно благословлю тя.
От Безначальнаго Отца Сын Божий явися, от Девы во избавление наше воплотися, просвещает омраченных и собирает во едино разсеянных, да с верою Рождшую Его величаем.
Святый святителю Спиридоне, моли Бога о нас.
Безначальнаго Отца Сына велегласно проповедал еси, единосущна и равна Отцу, святителю, в соборе святителей и заградил еси уста безбожных хульников, треблаженне отче.
Святый святителю Спиридоне, моли Бога о нас.
Многосветлое солнце, отцев украшение, и священников венче, и Ангелов собеседниче! Восхваляющих и совершающих светлую память твою Света невечерняго сподоби ходатайством твоим.
Слава Отцу и Сыну и Святому Духу.
Селения дивная, и град небесный, и празднующих торжество гласом радования прияша очищенную и добродетельми украшенную душу твою, блаженне Спиридоне.
И ныне и присно и во веки веков. Аминь.
Таинство великое преславнаго рождества твоего удивляет Ангелы, Благодатная, и лик святых уязвляет любовию, и отцы воздвизает божественне воспевати тебе, всего мира упование.
Достойно есть яко воистину блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Преподобне отче блаженне Спиридоне, премудре, мертвую, яко живу, вопрошал еси любве ради Божия, змию же во злато претворил еси ради одержимаго нищетою, и течение реки остановил еси, и с людьми подвизался еси, царю же предстал еси промыслом Божиим, и мертвыя воскресил еси, яко ученик Христов, и веру изъяснил еси посреде многих отец; вся возмогл еси о укрепляющем тя Христе; и ныне Того моли даровати душам нашим велию милость.
Святителем божественное сокровище явился еси, отче Спиридоне, добродетельми, и Церкве был еси богатство и поборник, еретики же низложил еси и Ария хульника во глубину адову низвергл еси; сего ради словом и делом благодатию чудес украси тя Бог; Того моли о жизни душ наших.
На древе крестнем пригвожденна узревши Тя, Иисусе, Неневестная с плачем глаголаше: Чадо сладчайшее, почто оставляеши мене, Матерь Твою, едину, Свете неприкосновенный Безначальнаго Отца? Вскоре прослави мя, да божественныя славы сподоблюся и божественную страсть Твою возвеличу.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, избави и освободи нас от грехов наших; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.
Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце, грешнии приносим: помилуй нас.
Слава Отцу и Сыну и Святому Духу.
Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне на ны, яко благоутробен, и избави ны от праведнаго гнева Твоего: Ты бо еси Бог наш, и мы людие Твои, вси дела руку Твоею, и имя Твое наречеся на нас; и помилуй нас.
И ныне и присно и во веки веков. Аминь.
Милосердия двери отверзи нам, благословенная Богородице, надеющиися на тя да не погибнем, но да избавимся тобою от сопротивных враг: ты бо еси спасение рода христианскаго.
О всеблаженный святый святителю Спиридоне, Отцу угодниче, Сыном просвещенный, Духом Святым умудренный, со Ангелы совокупленный, апостолом сопрестольниче, со мученики сподвижниче, святителей красото, веры наставниче, правоверных помощниче и прибежище!
О всеславный святый святителю Спиридоне, святынею твоею многих чудес творче! Вселившеюся в тя божественною благодатию прослави и просвети благочестивый народ наш; священнолепием твоим озари Святейшаго и Блаженнейшаго Католикоса-Патриарха всея Грузии, Архиепископа Мцхетскаго и Тбилисскаго и Митрополита Бичвинтскаго и Цхум-Абхазскаго, великаго господина и отца нашего Илию, и преосвященных митрополитов, архиепископов и епископов, и весь священнический и монашеский чин; святою молитвою твоею покрый воинский чин и всех православных христиан. Моли, отче, проповеданнаго тобою Бога, да дарует нам мир и здравие души и тела, и прославим благость Его.
О вожделеннейший святый святителю Спиридоне, Пресвятою Троицею боголепно просвещенный и многих ради добродетелей твоих всесветлым венцем почтенный, заступи нас пред Нею, да дарует нам в православии просвещение, благими делы озарение, в Царствии Небеснем вселение, со Ангелы пение, со святыми царствование, с преподобными увенчание, и присно да воспеваем прославльшаго тя Отца, и благословившаго тя Сына, и умудрившаго тя Святаго Духа, Емуже подобает всякая слава, честь и поклонение, ныне и присно и во веки веков.
Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Слава Отцу и Сыну и Святому Духу, и ныне и присно и во веки веков. Аминь.
Господи, помилуй. (Трижды)
Господи Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых Твоих, помилуй нас. Аминь.
Составил Александр Агладзе
