Молебный параклис святителю Николаю, архиепископу Мир Ликийских, чудотворцу
Архиепископу Мир Ликийских, чудотворцу
(В параклисе использован утренний канон четверга, глас 2 — см. «Октоих», или «Параклитик»)
Иерей: Благословен Бог наш…
А иже мирянин, глаголет: Молитвами святых отец наших, Господи Иисусе Христе, Боже наш, помилуй нас. Аминь.
Слава Тебе, Боже наш, слава Тебе.
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Священник: Яко Твое есть Царство…
Господи, помилуй. (12 раз)
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.
Слава Отцу и Сыну и Святому Духу, и ныне и присно и во веки веков. Аминь.
Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже наш, слава Тебе.
Бог Господь, и явися нам, благословен Грядый во имя Господне. Стих 1: Исповедайтеся Господеви, яко благ, яко в век милость Его. Стих 2: Вси языцы обыдоша мя, и именем Господним противляхся им. Стих 3: Не умру, но жив буду и повем дела Господня. Стих 4: Камень, егоже небрегоша зиждущии, сей бысть во главу угла; от Господа бысть сей и есть дивен во очесех наших.
Правило веры и образ кротости, воздержания учителя яви тя стаду твоему яже вещей истина; сего ради стяжал еси смирением высокая, нищетою богатая, святый великий святителю Николае, моли Христа Бога помиловати души наша.
Слава Отцу и Сыну и Святому Духу.
Правило веры и образ кротости, воздержания учителя яви тя стаду твоему яже вещей истина; сего ради стяжал еси смирением высокая, нищетою богатая, святый великий святителю Николае, моли Христа Бога помиловати души наша.
И ныне и присно и во веки веков. Аминь.
Не умолчим никогда, Богородице, силы твоя глаголати, недостойнии; аще бы бо ты не предстояла молящи, кто бы нас сохранил доныне свободны? Не отступим, Владычице, от тебе, твоя бо рабы спасаеши присно от всяких лютых.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Ирмос: Волны морския свирепыя непотопно прейдоша древле израильтяне силою десницы Божия, глубины же покрыша египтяны, и воды быша гроб ополчению их.
Святый великий святителю Николае, моли Бога о нас.
Венценосец пред престолом Христа Бога стоиши, блаженне, осиян с небесными силами; ныне отжени тьму ума моего, да восхвалю память твою.
Святый великий святителю Николае, моли Бога о нас.
Христос Бог, славящих Его прославляяй, прослави тя, святе, чудесы и в житии и по смерти, и помощника в скорбех, и утешение в печалех, и врача недугов, и избавителя от страстей показа.
Слава Отцу и Сыну и Святому Духу.
Благодать имея от Бога, всем, под покров твой прибегающим, подаеши исцеление, о победы тезоименитый, святый Николае; ныне и нас не остави без помощи и свободи от болезней и грехов.
И ныне и присно и во веки веков. Аминь.
Равенство Божие вознечта ми окаянному змий лукавый и пленника мя сотвори от Бога, но тобою свободихся, Невесто, и воистинну обожихся, Пречистая, яко родила еси обожившаго мя.
Ирмос: Разрешени от древних клятв наших и избавлени от среды зверей свирепых, с веселием отверзше уста, Бога Слова словом гласным верою и хвалами величаем.
Святый великий святителю Николае, моли Бога о нас.
Христа Спаса был еси верный ученик, всеблаженне Николае, и спасаеши тепле к тебе прибегающих, и избавляеши от всякаго зла и злоключения.
Святый великий святителю Николае, моли Бога о нас.
Помазанный Христом первый святитель мирликийцем и стадо твое благовонием чудес облагоухавый, ныне чувства моя душевная отверзи, преподобне, и зловоние страстей моих разжени.
Слава Отцу и Сыну и Святому Духу.
Силою божественною, святый Николае, возмогл еси погубити невидимаго врага; от егоже лютаго вреда избави нас молитвами твоими, богоносе отче, и сохрани нас невредимы от насилия его.
И ныне и присно и во веки веков. Аминь.
Утиши движение страстей моих, досточудная Мати Божия, и укроти волнение помыслов моих скверных, Пресвятая, и исправи житие мое, Жизни Родительнице.
Избави от бед присно уповающих на святыню твою, святый великий святителю, чудотворче Николае, яко вси к тебе прибегаем, яко нерушимой стене и предстательству.
Призри на нас, святый архиепископе Мир Ликийских, чудотворче Николае, и исцели лютыя язвы телес наших и болезни душ наших.
Иерей: Помилуй нас, Боже, по велицей милости Твоей, молим Ти ся, услыши и помилуй.
Лик: Господи, помилуй (Трижды).
Иерей: Еще молимся о богохранимем народе нашем и державе его (о христолюбивом правительстве и воинстве его).
Лик: Господи, помилуй (Трижды).
Иерей: Еще молимся о Святейшем и Блаженнейшем Католикосе-Патриархе всея Грузии, Архиепископе Мцхетско-Тбилисском, великом господине и отце нашем Илии, и о преосвященнейшем (поминается местный архиерей), и о всей во Христе братии нашей.
Лик: Господи, помилуй (Трижды).
Иерей: Еще помолимся Господу Богу нашему, да помилует раба или рабу (здесь поминайте по имени тех, о нихже молитеся). Умножи, Господи, дни и лета живота их и избави их, Господи, от всякия скорби, гнева и нужды, и от всякия язвы душевныя и телесныя, и прости им всякое согрешение, вольное же и невольное.
Лик: Господи, помилуй (Трижды).
Иерей: Еще молимся о всех православных христианех.
Лик: Господи, помилуй (Трижды).
Иерей: Яко милостив и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Взошел еси на высоту добродетелей и божественным сиянием Святаго Духа просиял еси, богомудре, и божественных видений сподобился еси, и воистинну явился еси пастырь дивный, и в напастех сущим помощник еси готовый, безценне; темже мужественно врага победил еси, и прелесть отгнал еси, и человеки от смерти избавил еси, богоносе Николае; моли Христа Бога грехов оставление даровати нам, уповающим на заступление твое.
Ирмос: Дела Твоя разсмотрив, возопи гласом пророк: днесь услышах слух обновления человеков и удивихся смиренному Твоему пришествию, да сокрушиши державу нападающаго.
Святый великий святителю Николае, моли Бога о нас.
Стадо, вверенное тебе, святе, кротким и смиренным духом пасл еси и, подобно Христу, всех учил еси разделяти богатство нищим и питати скудныя.
Святый великий святителю Николае, моли Бога о нас.
Утишил еси, премудре, потоком святаго твоего языка хульныя потоки Ариевы; тако и печаль нашу в радость претвори и низложи гордыню еретиков.
Слава Отцу и Сыну и Святому Духу.
Яко пастыря велика и подражателя всех Пастыреначальника Христа, припадающе молим тя: от всех печалей избави нас, блаженне, Христов угодниче, и отжени от нас напасти и бесовская нападения.
И ныне и присно и во веки веков. Аминь.
Прииде в тя Творец всех воплотитися, Богородице Владычице, и милостию спасе мя, человека всецело согрешившаго; сего ради глаголю: радуйся, Всенепорочная Невесто.
Ирмос: Омыхомся телом и душами от скверны прелестей вражиих и шествуем путем заповедей, приводящим нас в жизнь освященных, избранных Божиих.
Святый великий святителю Николае, моли Бога о нас.
Светом свыше сияеши, блаженне, и божественною силою подаеши исцеление душ и телес с верою хвалящим память твою, чудотворче Николае; заступи воспевающих тя.
Святый великий святителю Николае, моли Бога о нас.
Поставлен был еси на свещнице высоких благих дел, святителю Христа Бога, и яко светильник просвещаеши сердца наша; сего ради молю тя: светлою молитвою твоею причастника мя сотвори света твоего.
Слава Отцу и Сыну и Святому Духу.
Якоже избавил еси трие юноши, на смерть осужденныя, иже тобою Бога моляху, тако избави и нас, святый Николае, от напастей, умерщвляющих люте сердца наша.
И ныне и присно и во веки веков. Аминь.
Да спасеши создания Твоя, погребенная во страстех многоразличных, таинственно от небесных сил снизшел еси, и родился еси от Девы, и разрешил еси болезни смертныя.
Ирмос: Пророк зной чрева морскаго зверя три дни претерпе, предзнаменуя второе рождение человеков во спасение, имущее быти от чрева змия онаго, егоже уби Избавитель.
Святый великий святителю Николае, моли Бога о нас.
Витиею божественным, о Николае, единосущна Отцу проповедал еси Сына и, сокрушив Ариево безумие, правым учением исполнил еси вся концы земли и от погибели избавил еси многия люди православныя.
Святый великий святителю Николае, моли Бога о нас.
Питатель вдовиц и отец сирых, помощник в скорбех сущих, плачущих утешитель, пастырь и наставник на пути всем заблуждшим еси ты, блаженне Николае, и всем скорбящим подаеши от Бога отраду.
Слава Отцу и Сыну и Святому Духу.
Преподобен, прав и кроток, тих и смирен был еси, Николае блаженне, и всеславным священством к Вышнему восхищен; ныне и мене помилуй, отче всепремудре, и просвети душу мою, да узрю Подателя света.
И ныне и присно и во веки веков. Аминь.
На тя упование мое возлагаю, Дево, Мати Божия Пресвятая, яко ты еси сила жизни моея и стена утверждения; помилуй мя, упование всех христиан.
Избави от бед присно уповающих на святыню твою, святый великий святителю, чудотворче Николае, яко вси к тебе прибегаем, яко нерушимой стене и предстательству.
Призри на нас, святый архиепископе Мир Ликийских, чудотворче Николае, и исцели лютыя язвы телес наших и болезни душ наших.
Иерей: Паки и паки миром Господу помолимся.
Лик: Господи, помилуй.
Иерей: Заступи, спаси, помилуй и сохрани нас, Боже, Твоею благодатию.
Лик: Господи, помилуй.
Иерей: Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга и весь живот наш Христу Богу предадим.
Лик: Тебе, Господи.
Иерей: Яко Ты еси Царь мира и Спас душ наших, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
В Мирех, святе, священнодейственник показался еси: Христово бо, преподобне, Евангелие исполнив, положил еси душу твою о людех твоих и спасл еси неповинныя от смерти; сего ради освятился еси, яко великий таинник Божия благодати.
Иерей: Вонмем. Премудрость. Прокимен, глас 4.
Священницы Твои облекутся в правду, и преподобнии Твои возрадуются.
Стих: Уста праведнаго поучатся премудрости.
Иерей: Господу помолимся.
Лик: Господи, помилуй.
Иерей: Яко свят еси, Боже наш, и во святых почиваеши, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Иерей: Всякое дыхание да хвалит Господа.
Стих: Хвалите Бога во святых Его, хвалите Его во утверждении силы Его.
Иерей: И о сподобитися нам слышанию святаго Евангелия Господа Бога молим.
Лик: Господи, помилуй (Трижды).
Иерей: Премудрость, прости, услышим святаго Евангелия. Мир всем.
Лик: И духови твоему.
Иерей: От Матфея святаго Евангелия чтение.
Лик: Слава Тебе, Господи, слава Тебе.
Иерей: Вонмем.
Рече Господь Своим учеником: вы — свет мира. Не может укрыться город, стоящий на верху горы. И, зажегши свечу, не ставят ее под сосудом, но на подсвечнике, и светит всем в доме. Так да светит свет ваш пред людьми, чтобы они видели ваши добрые дела и прославляли Отца вашего Небесного.
Слава Тебе, Господи, слава Тебе.
Слава Отцу и Сыну и Святому Духу.
Молитвами святителя Николая, Милостиве, очисти множества наших согрешений.
И ныне и присно и во веки веков. Аминь.
Молитвами Богородицы, Милостиве, очисти множества наших согрешений.
Помилуй мя, Боже, по велицей милости Твоей, и по множеству щедрот Твоих очисти беззаконие мое, и помилуй мя, Боже.
Стихира: Тебе, великое солнце, на высоте Церкве Христовы поставленное, тепле молим: треблаженне Николае, светлым блистанием света отжени от душ наших глубокую тьму греха, да воспеваем чудотворения твоя, всесвященне.
Иерей: Спаси, Боже, люди Твоя и благослови достояние Твое, посети мир Твой милостию и щедротами, возвыси рог христиан православных и низпосли на ны милости Твоя богатыя, молитвами Всепречистыя Владычицы нашея Богородицы и Приснодевы Марии; силою Честнаго и Животворящаго Креста, силою Креста от виноградной лозы; предстательствы честных Небесных Сил безплотных; честнаго, славнаго Пророка, Предтечи и Крестителя Иоанна; святаго пророка Илии Фесвитянина и праведнаго Еноха; святых славных и всехвальных первоверховных апостолов Петра и Павла; святаго апостола Фомы и просветителей Грузии, апостолов Андрея Первозваннаго, Симона Кананита и Матфия; святыя матере нашея, равноапостольныя девы Нины; святых равноапостольных царя Мириана и царицы Наны; иже во святых отец наших и вселенских великих учителей и святителей Василия Великаго, Григория Богослова и Иоанна Златоустаго; святых славных и добропобедных мучеников: святаго великомученика и победоносца Георгия и святых великих дев-мучениц Варвары и Марины; святых славных мучеников, князей Аргветских Давида и Константина, и святаго великомученика Шалвы Ахалцихскаго; святаго великомученика Бидзины и святых славных мучеников Шалвы и Элизбара, эриставов Ксанских; святых ста тысяч мучеников, в Тбилиси от хорезмийцев избиенных, и святых шести тысяч мучеников, иноков Гареджийских; святых блаженных отец наших Лукиана, Додо, Дамиана, Онуфрия и Симеона Гареджийских; святаго преподобнаго отца нашего Иоанна Зедазнийскаго и двоюнадесяти учеников его, вторых просветителей Церкве Грузинския и присных ея покровителей; святаго священномученика Неофита Урбнисскаго и святаго великомученика Або Тбилисскаго; богомудрых блаженных отец наших Илариона Грузина, Серапиона Зарзмскаго и Григория Хандзтийскаго; преподобных отец наших Иоанна и Гавриила Грузинов, Иоанна, бывшаго Торники, и Евфимия и Георгия Святогорцев; святых благоверных и великих царей наших Вахтанга Горгасала, Ашота Куропалата, Давида Строителя и Соломона; святыя благоверныя царицы Тамары; святых добропобедных царей и цариц Архила, Луарсаба, Димитрия, Шушаники и Кетевани; святаго праведнаго Илии; святых и праведных родителей Богородицы Иоакима и Анны; и иже во святых отца нашего Николая, архиепископа Мир Ликийских, чудотворца, и всех святых Твоих: молим Тя, многомилостиве Господи, услыши нас, грешных, молящихся Тебе, и помилуй нас.
Лик: Господи, помилуй (12 раз).
Иерей: Милостию, и щедротами, и человеколюбием Единороднаго Сына Твоего, с Нимже благословен еси, со Пресвятым, и Благим, и Животворящим Твоим Духом, ныне и присно и во веки веков.
Лик: Аминь.
Ирмос: Иже первее пламень пещи мучителя угасивый и преподобныя отроки избавивый, зде днесь чрево Девы в рождестве Своем неопалимо сохрани, Емуже вопием: Боже, благословен еси.
Святый великий святителю Николае, моли Бога о нас.
Чаши премудрости таинственныя приложил еси устне твои, достойне дивный Николае, и росы дождящия почерпл еси паче меда и сота, и языком повелел еси пети: отцев наших Боже, благословен еси.
Святый великий святителю Николае, моли Бога о нас.
Сиянием Божества светишися, треблаженне; тьмою печалей одержимых и скорбящих избави нас и просвети вопиющих: отцев наших Боже, благословен еси.
Слава Отцу и Сыну и Святому Духу.
Избавил еси иногда воеводы от смерти и воздвигл еси их воспевати Христа Спаса теплою верою: отцев наших Боже, благословен еси.
И ныне и присно и во веки веков. Аминь.
Моли, Невесто, Христа Бога нашего, да нас, грехми изнемогших, милостию избавит божественною кровию Своею от сетей змия развращеннаго, яко ты еси упование всего мира.
Ирмос: Твари свободни явишася, и сынове света нарекошася погибшии, и вина тьмы плачет, и воистинну процвете вина спасения языков, днесь отчаянная.
Святый великий святителю Николае, моли Бога о нас.
Яко сладкий и милостивый отец, избавил еси три девы от погружения во грех и покрыл еси от горькаго срама; тако и Царя милостива сотвори, богосветлый Николае, да дарует нам разрешение согрешений наших.
Святый великий святителю Николае, моли Бога о нас.
Якоже препитал еси град твой, гладом изнемогший, пастырю добрый и духовный, тако препитай и душу мою хлебом разума, отче Николае, и настави мя ко свету истинному.
Слава Отцу и Сыну и Святому Духу.
Тебе, капищ погибельных сокрушителя, угодника Христова, молим: истреби лютыя идолы ума моего, святе, и разреши страсти, в душах наших движимыя, и неисцельныя болезни телес.
И ныне и присно и во веки веков. Аминь.
Изнемогает страстная душа моя, и разслабляется окаянный ум мой от страстей многообразных, возставших на мя; но, о Дево, исцели его и избави мя от тления.
Ирмос: Превыше ума человеческаго, Невесто Святая и Мати Неневестная, слава твоя и похвала подобающая; мы же, усердствующе, не умолчим, по силе нашей, хвалити тя.
Святый великий святителю Николае, моли Бога о нас.
Течение твое достойно совершивый Христом, исправи пути наша к Нему, Николае всесветлый, да, бездорожия прелести избежавше, достигнем спасительнаго совершенства.
Святый великий святителю Николае, моли Бога о нас.
Вознесся от плоти к Богу Желанному твоему, не оставил еси уповающих на тя, но реку мира источил еси нам, чудотворче Николае, и источник благоухания излиявают нам всехвальныя мощи твоя.
Слава Отцу и Сыну и Святому Духу.
Во граде Мирех гроб твой мироточивый с верою притекающим подаяше исцеление, ныне же хвалится град Бар, идеже сокровенна есть святая рака мощей твоих и источает нам миро чудес.
И ныне и присно и во веки веков. Аминь.
Премудрость, и Сила, и Слово ипостасное, равное Отцу и Святому Духу, от нетленных кровей твоих вочеловечися, превысшая херувимов Дево; о восхваляющих тя не умолчи ходатайствовати.
Достойно есть яко воистину блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Иерей кадит.
О дело преславное, еже божественное житие твое дарова тебе! Яко по смерти светлее солнечнаго круга светиши всей земли и просвещаеши души, со страхом и умилением молящихся святыни твоей.
На небесех наслаждаешися Царствия и присно зриши доброту неизреченную Христову; ныне разрешения от многих грехов и от всех находящих напастей испроси нам, Николае священнейший, и покрый нас от будущих мук.
Просвети мир проповедь подвигов твоих, премудре Николае, и украси Церковь принесение всесвятых мощей твоих, к нимже приближающеся и со благоговением покланяющеся, благодать исцелений почерпаем и от страстей свобождаемся.
Якоже древле творил еси знамения преславная, тако и ныне иконами написанными и в молитвах поминаем твориши чудеса, блаженне, и спопечитель и покровитель бываеши милостию на земли и в морях призывающим тя.
В напастех сущим помощник еси готовый, чудотворче отче Николае, и власть имаши свободити нас от всех страстей и коварств вражиих; и ныне угаси советы лукавых, на народ наш воздвигнутыя, и языки еретиков изнемози силою Христовою.
Ты, иже имаши ходатайство к Милостивому, мужественне в подвижницех, призри на скорби, обышедшия нас, и покрый мя от козней сего сильнаго врага, от пленения языческаго и от обышедших нас лютых скорбей и печалей.
Крепкой помощи твоей присно припадающих, о великий святителю Николае, вручи нас покровительнице народа нашего, Деве Марии, да не будем в поношение и посмеяние врагом нашим, но, по обычаю мужей отечества нашего, «Свят» и «Аллилуиа» песньми украсим Троицу нераздельную и неслиянную:
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды)
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Священник: Яко Твое есть Царство…
Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце, грешнии приносим: помилуй нас.
Слава Отцу и Сыну и Святому Духу.
Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне на ны, яко благоутробен, и избави ны от праведнаго гнева Твоего: Ты бо еси Бог наш, и мы людие Твои, вси дела руку Твоею, и имя Твое наречеся на нас; и помилуй нас.
И ныне и присно и во веки веков. Аминь.
Милосердия двери отверзи нам, благословенная Богородице, надеющиися на тя да не погибнем, но да избавимся тобою от сопротивных враг: ты бо еси спасение рода христианскаго.
Иерей: Помилуй нас, Боже, по велицей милости Твоей, молим Ти ся, услыши и помилуй.
Лик: Господи, помилуй (Трижды).
Иерей: Еще молимся о милости, жизни, мире, здравии, долгоденствии, спасении, просвещении, прощении, благопоспешении и тишине раба (или рабы) Божия, да сохранит Господь Бог наш царствующий град сей наш и святую обитель сию (или храм сей) и вся грады и веси Иверии от глада, губительства, труса, потопа, огня, меча, нашествия иноплеменников, междоусобныя брани и смертоносныя язвы; да милостив нам будет Бог благостию и человеколюбием Своим, во еже благостояти, и отвратит гнев, на ны повседневно движимый, и избавит нас от праведнаго Своего прещения, на ны належащаго, и помилует нас.
Лик: Господи, помилуй (40 раз).
Иерей: Услыши ны, Боже, Спасителю наш, упование всех концев земли и сущих в мори далече, и милостив, милостив буди о гресех наших, и помилуй ны; милостив бо и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Иерей: Паки и паки, преклонше колена, Господу помолимся.
Лик: Аминь.
О всехвальный и знамении и чудесы украшенный, великий святителю Николае! Столпе и утверждение Церкве среди человек и светило всего мира, избранный служителю Святыя Троицы, приносителю словесных душ Небесному Отцу и скорый помощниче и заступниче всех безпомощных, отчаянных и тепле призывающих тя.
О пастырю достойный стад Христовых и отцев наставниче, чудотворче Николае! Отеческою милостию твоею умилостиви о нас Бога Благаго, да любовь Свою к нам и веру нашу к Нему паки обновит и даст нам Божественную ревность об отечестве, любовь к правде и мужество духа, да исполнит нас Божественнаго бодрствования и дарует нам чистоту жития и страх Божий. Моли, блаженне, возлюбленнаго тобою сладчайшаго Иисуса, да отвратит гнев, воздвигнутый на ны множества ради грехов наших, и милостиво призрит на народ наш, жребий Матере Своея, носящий Крест Господень на земли, и, яко Лазаря, да возставит отечество наше — Грузию — в первую славу, да не будем в попрание разорителем, иноплеменником и родом чуждым, ниже да рекут язычницы и еретицы: где есть Бог их, на Негоже уповаша? Укрепи в служении Святейшаго и Блаженнейшаго Католикоса-Патриарха всея Грузии, Архиепископа Мцхетско-Тбилисскаго и Митрополита Бичвинтскаго и Цхум-Абхазскаго, великаго господина, отца нашего Илию, преосвященных митрополитов, архиепископов и епископов, честных иереев, во Христе диаконов и весь монашеский чин, причастников Православныя Церкве и всех правоверных христиан.
О богомудрый архиепископе Мирликийский, святый Николае! Не престани тепле моляся ко Христу и испроси нам, да дарует церквам славу, священству честность, властем доброе пасение народа, воинству мужество, мирянам безгрешие и женам целомудрие, нам же да дарует жизнь в добром жительстве, украшение милосердием, просвещение святою молитвою, очищение исповеданием, озарение причащением, честное преставление, наследие Царствия, со Ангелы пение, со святыми царствование и с тобою славу и благодарение, яко Ему подобает всякая слава, честь и поклонение, со Отцем и Святым Духом, ныне и присно и во веки веков. Аминь.
Иерей: Премудрость. Пресвятая Богородице, спаси нас.
Лик: Честнейшую херувим и славнейшую без сравнения серафим, без истления Бога Слова рождшую, сущую Богородицу тя величаем.
Иерей: Слава Тебе, Христе Боже, упование наше, слава Тебе.
Лик: Слава… И ныне… Господи, помилуй (трижды).
Благослови.
Иерей: Христос, истинный Бог наш, молитвами…
Лик: Аминь.
Мирянин: Слава Отцу и Сыну и Святому Духу, и ныне и присно и во веки веков. Аминь.
Господи, помилуй. (Трижды)
Господи Иисусе Христе, Сыне Божий, молитвами Пречистыя Твоея Матере, святаго отца нашего Николая, архиепископа Мир Ликийских, чудотворца, и всех святых, помилуй нас. Аминь.
Ныне паки приступаем к тихому пристанищу и покровителю народа нашего, лобызаем святыя иконы твоя и умиленно просим тебе, достойне дивный Николае: заступи нас ныне пред Богом, да исцелит нас от недуга телеснаго и от греха душевнаго и да избавит нас от козней сего сильнаго врага и от всякаго вреда злых человек.
Владычице Марие, сияние всех святых, молитвами святителя Николая сподоби мя вечныя славы и сияния Сына твоего и Бога нашего. Аминь.
Собрала и составила Тинатин Мчедлишвили
