Молебный параклис святому Архангелу Михаилу
Иерей: Благословен Бог наш…
И аще мирянин, глаголет: Молитвами святых отец наших, Господи Иисусе Христе, Боже наш, помилуй нас. Аминь.
Слава Тебе, Боже наш, слава Тебе.
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (Трижды). Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Священник: Яко Твое есть Царство…
Господи, помилуй. (12 раз)
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.
Слава Отцу и Сыну и Святому Духу, и ныне и присно и во веки веков. Аминь.
Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже наш, слава Тебе.
Бог Господь, и явися нам, благословен Грядый во имя Господне.
Стих 1: Исповедайтеся Господеви, яко благ, яко в век милость Его. Стих 2: Вси языцы обыдоша мя, и именем Господним противляхся им. Стих 3: Не умру, но жив буду и повем дела Господня. Стих 4: Камень, егоже небрегоша зиждущии, сей бысть во главу угла; от Господа бысть сей и есть дивен во очесех наших.
Небесных воинств Архистратиже Михаиле, молим тя присно мы, недостойнии, да твоими молитвами оградиши нас кровом крил невещественныя твоея славы, сохраняя нас, припадающих и прилежно вопиющих: от бед избави нас, яко чиноначальник вышних сил.
Слава Отцу и Сыну и Святому Духу.
Небесных воинств Архистратиже Михаиле, молим тя присно мы, недостойнии, да твоими молитвами оградиши нас кровом крил невещественныя твоея славы, сохраняя нас, припадающих и прилежно вопиющих: от бед избави нас, яко чиноначальник вышних сил.
И ныне и присно и во веки веков. Аминь.
Не умолчим никогда, Богородице, силы твоя глаголати, недостойнии; аще бы бо ты не предстояла молящи, кто бы нас сохранил доныне свободны? Не отступим, Владычице, от тебе, твоя бо рабы спасаеши присно от всяких лютых.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Ирмос: Поим Господеви, проведшему люди Своя сквозе Чермное море; Тому единому поим, яко прославися.
Святый Архангеле Михаиле, моли Бога о нас.
Ныне предстоиши во свете пред Богом, Ангелов начальниче Михаиле, и зриши присно сладкое лице Его: Того моли, да возвеличит веру православных.
Святый Архангеле Михаиле, моли Бога о нас.
Ангельских ликов чиноначальниче, на небесех пред Трисолнечным Божеством предстояй, Михаиле, воинств Архистратиже, Христа моли, да дарует ми прощение согрешений моих.
Слава Отцу и Сыну и Святому Духу.
Небесных сил воеводо, непрестанно моли Вышняго Царя, да низложит на земли насилие гордых, яко имаши дерзновение пред огнезрачным престолом.
И ныне и присно и во веки веков. Аминь.
Великим венцем и ризою златотканною украшенная, Владычице Марие, яко порфирою, покрый нас молитвами святых Ангел.
Ирмос: Ты еси утверждение притекающих к Тебе, Христе, Ты еси свет омраченных, и величает Тя душа моя.
Святый Архангеле Михаиле, моли Бога о нас.
Естеством безплотным сияеши всем концем небесным и, исполняя повеления Божия, познаваешися, Архангеле Михаиле, и твориши недугов исцеления.
Святый Архангеле Михаиле, моли Бога о нас.
Во учиненных небесных чинех начальником явлейся и мгновенно творяй словеса Господня, Того моли, да избавит нас, сущих в печалех и напастех.
Слава Отцу и Сыну и Святому Духу.
Божественным онем светом сияеши, Михаиле, и тем просвещаеши с радостию хвалящия тя и избавляеши от недугов и болезней.
И ныне и присно и во веки веков. Аминь.
О Владычице Марие, от Ангел радостно приветствованная, с ними моли Сына твоего, да купно воспоем Царство Его.
Избави от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, Всепетая Богородице, и тел наших лютыя язвы исцели и душ наших болезни.
Иерей: Помилуй нас, Боже, по велицей милости Твоей, молим Ти ся, услыши и помилуй.
Лик: Господи, помилуй (Трижды).
Иерей: Еще молимся о богохранимем народе нашем и державе его (о христолюбивом правительстве и воинстве его).
Лик: Господи, помилуй (Трижды).
Иерей: Еще молимся о Святейшем и Блаженнейшем Католикосе-Патриархе всея Грузии, Архиепископе Мцхетско-Тбилисском и Митрополите Бичвинтском и Цхум-Абхазском, великом господине и отце нашем Илии, и о преосвященнейшем (поминается местный архиерей), и о всей во Христе братии нашей.
Лик: Господи, помилуй (Трижды).
Иерей: Еще помолимся Господу Богу нашему, да помилует раба или рабу…. Умножи, Господи, дни и лета живота их и избави их, Господи, от всякия скорби, гнева и нужды, и от всякия язвы душевныя и телесныя, и прости им всякое согрешение, вольное же и невольное.
Лик: Господи, помилуй (Трижды).
Иерей: Еще молимся о всех православных христианех.
Лик: Господи, помилуй (Трижды).
Иерей: Яко милостив и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Радуйся, безплотных первопредстоятелю Михаиле; радуйся, невещественнаго лика Архангеле всеблаженне; радуйся, служителю неизреченнаго Бога, самовидче горних; молим тя, избави прибегающих к тебе от всяких скорбей и напастей, яко тебе ходатая к Богу стяжахом вси вернии.
Ирмос: Услышах, Господи, смотрения Твоего неизреченная таинства, разумех дела Твоя и исповедах Твое Божество.
Святый Архангеле Михаиле, моли Бога о нас.
Безплотных Ангелов начальник еси и служитель Божественнаго онаго Света; ныне неизреченною силою твоею помози ми и исполни мя Божественныя бодрости.
Святый Архангеле Михаиле, моли Бога о нас.
Вси чтим собор твой, Божественный Архангеле Михаиле, яко предстоиши пред Богом и поеши непрестанно песнь трисвятую.
Слава Отцу и Сыну и Святому Духу.
Небесных сил воеводо, излиянием благодати твоея очисти и просвети мя и даруй ми теплоту веры.
И ныне и присно и во веки веков. Аминь.
Литийно молят лице твое Ангели, преславная Марие; светильник душ наших просвети молитвами их, Дево.
Ирмос: Утренююще вопием Ти, Господи: спаси ны, яко Благ, Ты бо еси Бог наш, разве Тебе иного не знаем.
Святый Архангеле Михаиле, моли Бога о нас.
Яко чиноначальник, предтеча и начальник Ангелов, свободи мя от всякия скорби и печали.
Святый Архангеле Михаиле, моли Бога о нас.
Над мысленными чинми безплотных сил начальствуеши, Архангеле Михаиле, и сиянием Трисолнечныя Троицы всесветел мир просвещаеши.
Слава Отцу и Сыну и Святому Духу.
О всесветлый безплотных начальниче и над небесными силами предстоящий воеводо, многим дерзновением оживи душу мою, умерщвленную грехми.
И ныне и присно и во веки веков. Аминь.
Песнию «осанна» хвалят тя святии Ангели, Дево Марие; молитвами их помилуй нас, Владычице.
Ирмос: Даждь ми ризу светлу, одеяйся светом, яко ризою, Боже, молитвами Ангел.
Святый Архангеле Михаиле, моли Бога о нас.
Слышаще многоразличная чудеса твоя, молим тя: призри на ны свыше и утиши возмущения невидимых и видимых страстей.
Святый Архангеле Михаиле, моли Бога о нас.
Вышних сил чиноначальниче Михаиле, Божественных чинов предводителю, ныне покрый нас от всякаго от бесов обстояния и от насилия человеческаго.
Слава Отцу и Сыну и Святому Духу.
С радостию к тебе прибегающих покрый нас всесвятым онем кровом крил твоих, Ангелов начальниче, светлый Михаиле.
И ныне и присно и во веки веков. Аминь.
Серафим святейшая Марие, помилуй души наша, егда вострубят страшно святии Ангели.
Избави от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, Всепетая Богородице, и тел наших лютыя язвы исцели и душ наших болезни.
Иерей: Паки и паки миром Господу помолимся.
Лик: Господи, помилуй.
Иерей: Заступи, спаси, помилуй и сохрани нас, Боже, Твоею благодатию.
Лик: Господи, помилуй.
Иерей: Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга и весь живот наш Христу Богу предадим.
Лик: Тебе, Господи.
Иерей: Яко Ты еси Царь мира и Спас душ наших, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Иже Света неприступнаго служитель еси и воевода над безплотным ликом учиненный, Михаиле, пред Богом предстояй, поборник к жизни явился еси немощным, и плавающим, и в скорбех сущим; сего ради на всяк день спутник буди нам неизреченною силою твоею и покрый нас от всякия скорби и болезни.
Иерей: Вонмем. Премудрость. Прокимен, глас 4
Творяй Ангелы Своя духи и слуги Своя пламень огненный.
Стих: Хвалите Господа, вси Ангели Его.
Иерей: Господу помолимся.
Лик: Господи, помилуй.
Иерей: Яко свят еси, Боже наш, и во святых почиваеши, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Иерей: Всякое дыхание да хвалит Господа.
Стих: Хвалите Бога во святых Его, хвалите Его во утверждении силы Его.
Иерей: И о сподобитися нам слышанию святаго Евангелия Господа Бога молим.
Лик: Господи, помилуй (Трижды).
Иерей: Премудрость, прости, услышим святаго Евангелия. Мир всем.
Лик: И духови твоему.
Иерей: От Матфея святаго Евангелия чтение.
Лик: Слава Тебе, Господи, слава Тебе.
Иерей: Вонмем.
Рече Господь: смотрите, не презирайте ни одного из малых сих; ибо говорю вам, что Ангелы их на небесах всегда видят лице Отца Моего Небеснаго. Ибо Сын Человеческий пришел взыскать и спасти погибшее. Какая польза человеку, если он приобретет весь мир, а душе своей повредит? или какой выкуп даст человек за душу свою? Ибо приидет Сын Человеческий во славе Отца Своего с Ангелами Своими и тогда воздаст каждому по делам его.
Слава Отцу и Сыну и Святому Духу.
Молитвами святаго Архангела Михаила, Милостиве, очисти множества наших согрешений.
И ныне и присно и во веки веков. Аминь.
Молитвами Богородицы, Милостиве, очисти множества наших согрешений.
Помилуй мя, Боже, по велицей милости Твоей, и по множеству щедрот Твоих очисти беззаконие мое, и помилуй мя, Боже.
Стихира: Всемилостиве Господи, не презри моления Архистратига Михаила, иже скорее молнии исполняет мановение Твое, но предстательством его избави мене, народ наш, Церковь и всю Грузию от глада, губительства, труса, огня и меча, голода и напрасныя смерти, от врага лукаваго и от всякаго зла.
Иерей: Спаси, Боже, люди Твоя и благослови достояние Твое, посети мир Твой милостию и щедротами, возвыси рог христиан православных и низпосли на ны милости Твоя богатыя, молитвами Всепречистыя Владычицы нашея Богородицы и Приснодевы Марии; силою Честнаго и Животворящаго Креста, силою Креста от виноградной лозы и Иверския иконы Богородицы Вратарницы; предстательствы честных Небесных Сил безплотных; честнаго, славнаго Пророка, Предтечи и Крестителя Иоанна; святаго пророка Илии Фесвитянина и праведнаго Еноха; святых славных и всехвальных первоверховных апостолов Петра и Павла; святаго апостола Фомы и просветителей Грузии, апостолов Андрея Первозваннаго, Симона Кананита и Матфия; святыя матере нашея, равноапостольныя девы Нины; святых равноапостольных царя Мириана и царицы Наны; иже во святых отец наших и вселенских великих учителей и святителей Василия Великаго, Григория Богослова и Иоанна Златоустаго; святых и чудотворцев отец наших Николая, архиепископа Мир Ликийских, и Спиридона Тримифунтскаго; святаго преподобнаго отца нашего Иоанна Зедазнийскаго и двоюнадесяти учеников его, вторых просветителей Церкве Грузинския и присных ея покровителей; святых славных и добропобедных мучеников: святаго великомученика и победоносца Георгия и святых великих дев-мучениц Варвары и Марины; святых славных мучеников, князей Аргветских Давида и Константина, и святаго великомученика Шалвы Ахалцихскаго; святаго великомученика Бидзины и святых славных мучеников Шалвы и Элизбара, эриставов Ксанских; святаго священномученика Неофита Урбнисскаго и святаго великомученика Або Тбилисскаго; богомудрых блаженных отец Илариона Грузина, Серапиона Зарзмскаго и Григория Хандзтийскаго; преподобных отец наших Афонских: Иоанна и Гавриила Грузин, Иоанна, бывшаго Торники, Евфимия и Георгия Святогорцев; святых благоверных и великих царей наших Вахтанга Горгасала, Ашота Куропалата, Давида Строителя и Соломона; святыя благоверныя царицы Тамары; святых добропобедных царей и цариц Архила, Димитрия, Шушаники, Кетевани и Луарсаба; святых ста тысяч мучеников, в Тбилиси от хорезмийцев избиенных; святых шести тысяч мучеников, иноков Гареджийских; святаго праведнаго Илии; святых и праведных богоотец Иоакима и Анны (и святаго, егоже есть храм), и Архангела Михаила, и всех святых Твоих: молим Тя, многомилостиве Господи, услыши нас, грешных, молящихся Тебе, и помилуй нас.
Лик: Господи, помилуй (12 раз).
Иерей: Милостию, и щедротами, и человеколюбием Единороднаго Сына Твоего, с Нимже благословен еси, со Пресвятым, и Благим, и Животворящим Твоим Духом, ныне и присно и во веки веков.
Лик: Аминь.
Ирмос: Отроцы еврейстии в пещи хождаху по огню дерзновенно и, орошаеми, сице вопияху и глаголаху: благословен еси, Господи, Боже отец наших.
Святый Архангеле Михаиле, моли Бога о нас.
Собравый безплотныя в светлый оный собор, ныне востани в помощь нам, Архангеле Божий, и суди обидящим ны, и побори борющия нас.
Святый Архангеле Михаиле, моли Бога о нас.
Безплотный безплотно зришися, безплотных начальниче, и возсиявши славу неприкосновеннаго Света; ныне от путей пагубных избави нас и настави на путь правды.
Слава Отцу и Сыну и Святому Духу.
Трисолнечнаго Света Божественнаго возсиятелю, ныне оживи душу мою, умерщвленную грехми, и чувства просвети празднующих собор твой.
И ныне и присно и во веки веков. Аминь.
Тебе поет, Невесто, лик небесных безплотных, тебе хвалит всяк язык человеческий, яко Создатель их паче разума родися от тебе; к Нему ходатаица буди.
Ирмос: Царя человеков, Емуже служат лики ангельстии, пойте и превозносите Его во веки.
Святый Архангеле Михаиле, моли Бога о нас.
Небесных чинов предводителю Михаиле, ныне тщетны сотвори страшныя козни тех, иже лукавне подвизаются на вред нам, и сохрани нас от ополчений и нападения враг.
Святый Архангеле Михаиле, моли Бога о нас.
Иже течение бурныя воды превратил еси и храм твой от разорения спасл еси, ныне отжени возмущения лукавых, присно на ны находящия, и избави нас от зол.
Слава Отцу и Сыну и Святому Духу.
Егда явился еси Иисусу Навину, воюющему Иерихон, победителю и великий борче Михаиле, Ангелов начальниче, от тебе силу приим, копием плени сопротивныя и покори.
И ныне и присно и во веки веков. Аминь.
Мы, недостойнии раби, со Ангелы хвалим тя и молим, Марие: по обычаю благости твоея помилуй нас.
Ирмос: Богородицу тя вси исповедуем, тобою спасеннии, Дево Чистая, с безплотными лики тя непрестанно величающе.
Святый Архангеле Михаиле, моли Бога о нас.
Всех первопредстоятелем явленный, Михаиле, ныне отврати от нас страх Божественнаго суда за беззаконие наше и милость подаждь поющим тебе.
Святый Архангеле Михаиле, моли Бога о нас.
Христиан избавитель и посредник еси и земных надзиратель безплотною славою твоею; умилостиви о мне праведнаго Судию Господа, да наставит мя на спасительный путь покаяния.
Слава Отцу и Сыну и Святому Духу.
Посредством твоим от всех ересей покрый нас, Архангеле Михаиле, да до последняго издыхания стоим твердо и непоколебимо на пути истины.
И ныне и присно и во веки веков. Аминь.
Ты, Пречистая, Святая Владычице Богородице Марие, хранителя нашего Ангела посли нам, да наставит нас ко истинному свету, и величаем тя, Мати Света.
Достойно есть яко воистину блажити тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу тя величаем.
Иерей кадит.
Чтец: В ликах ангельских начальнейший явился еси, о Михаиле, воинств Архистратиже; моли ныне непрестанно Вышняго Царя, да дарует нам преподобныя отцы и мудрыя наставники и да покрыет сию землю, жребий Богородицы.
О небесных чинов предводителю Михаиле, сподобивыйся повеления Жизнодавца твоего, ныне подвизаем тя ходатайствовати к Нему, да не уклонимся по воли безбожных ко беззаконию и хвалим Бога духом и истиною.
Начальник был еси Ангелов, Михаиле, служителю Божественныя славы; но прославляется с тобою светлейше тайник благодати и обручитель Девы, безплотных воевода Гавриил, радости предвозвеститель.
Яко первых безплотных чина тепле молим вы: смятения и ереси Церкве и вся соблазны вашим ко Богу предстательством разрешите, Михаиле Архистратиже и Гаврииле Архангеле, и нас в мире сохраните.
Высоким и страшным престолом Божественныя славы предстояй, Михаиле, Ангелов воеводо, со всеми безплотными к Царю, Емуже служиши, о души нашей ходатай буди, да не воздаст нам по правде за лукавыя дела наша и да дарует малодушию нашему долготерпение.
О преславная и нетленная Мати Божия, егда приидет Сын твой судити всему миру, ходатаица буди нам пред Ним, да с безплотными небесными силами и всеми святыми непостыдным лицем утренюем пети Богу:
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды)
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Священник: Яко Твое есть Царство…
Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце, грешнии приносим: помилуй нас.
Слава Отцу и Сыну и Святому Духу.
Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне на ны, яко благоутробен, и избави ны от праведнаго гнева Твоего: Ты бо еси Бог наш, и мы людие Твои, вси дела руку Твоею, и имя Твое наречеся на нас; и помилуй нас.
И ныне и присно и во веки веков. Аминь.
Милосердия двери отверзи нам, благословенная Богородице, надеющиися на тя да не погибнем, но да избавимся тобою от сопротивных враг: ты бо еси спасение рода христианскаго.
Иерей: Помилуй нас, Боже, по велицей милости Твоей, молим Ти ся, услыши и помилуй.
Лик: Господи, помилуй (Трижды).
Иерей: Еще молимся о милости, жизни, мире, здравии, долгоденствии, спасении, просвещении, прощении, благопоспешении и тишине рабов (или рабынь) Божиих и всех чад Церкве нашея, да сохранит Господь Бог наш царствующий град сей наш и святый храм сей и вся грады и веси Иверии от глада, губительства, труса, потопа, огня, меча, нашествия иноплеменников, междоусобныя брани и смертоносныя язвы; да милостив нам будет Бог благостию и человеколюбием Своим, во еже благостояти, и отвратит гнев, на ны повседневно движимый, и избавит нас от праведнаго Своего прещения, на ны належащаго, и помилует нас.
Лик: Господи, помилуй (40 раз).
Иерей: Услыши ны, Боже, Спасителю наш, упование всех концев земли и сущих в мори далече, и милостив, милостив буди о гресех наших, и помилуй ны; милостив бо и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
О Архангеле Михаиле, пред пресвятым престолом Божиим предстояй, светом от Него облеченный и свет присносущный со славою источаяй, молниею святыни князи тьмы прогоняяй и упраздняяй!
О воинств Архистратиже Михаиле, молящих тя покровителю и светом блистания твоего души наша просвещаяй, помози нам, на земли сущим, да избавимся от беззаконий наших, яко тебе дадеся благодать ходатайствовати о нас; народ же наш невредим сохрани от ополчений и нашествия враг, да не будем попрани от хищных иноплеменных язык и родов; моли Христа, Царя нашего, единаго многомилостиваго, да призрит на люди Своя, не имущия ответа пред Ним, и от всех язык, на брань нам собравшихся, избавит и покрыет нас от всяких печалей, недугов и болезней, от язв страстей и от напрасныя смерти; укрепи Святейшаго и Блаженнейшаго Католикоса-Патриарха всея Грузии, Архиепископа Мцхетско-Тбилисскаго и Митрополита Бичвинтскаго и Цхум-Абхазскаго, великаго господина, отца нашего Илию, преосвященныя митрополиты, архиепископы и епископы, весь священный и монашеский чин и всех православных христиан. Покровом крил твоих покрый нас всех душею и телом от видимых и невидимых враг наших.
О воинств Архистратиже, Божественный Михаиле, преславне, покровом твоим покрый нас и наставляй нас ко исполнению всех заповедей Божиих, и в последний день мирно и сладостно приими души наша, во Второе же Пришествие ходатай буди о нас пред праведным Судиею Иисусом, да сподобимся Царствия Небеснаго и с тобою воспоем, восхвалим и прославим Пресвятую Троицу, Ейже подобает всякая слава, честь и поклонение, ныне и присно и во веки веков.
Иерей: Премудрость!
Пресвятая Богородице, спаси нас.
Лик: Честнейшую херувим и славнейшую без сравнения серафим, без истления Бога Слова рождшую, сущую Богородицу тя величаем.
Иерей: Слава Тебе, Боже наш, слава Тебе.
Лик: Слава Отцу и Сыну и Святому Духу, и ныне и присно и во веки веков. Аминь.
Господи, помилуй (Трижды). Благослови.
Иерей творит отпуст.
Лик: Аминь.
Мирянин: Слава Отцу и Сыну и Святому Духу, и ныне и присно и во веки веков. Аминь.
Господи, помилуй. (Трижды)
Господи Иисусе Христе, Сыне Божий, молитвами Пречистыя Твоея Матере, Архангела Михаила и всех святых, помилуй нас. Аминь.
При целовании иконы святаго Архангела Михаила поем сие:
Всего живота нашего хранителя и покровителя стяжахом тя, святый Архангеле Михаиле, и власть имаши свободити нас от всех страстей и коварств вражиих. Темже молим тя: покрый нас от сетей диавольских и настави нас к жизни вечней, да присно славим Всеблагаго и Человеколюбиваго Бога.
Автор-составитель: Тинатин Мчедлишвили
