Молебный параклис на Усекновение главы святаго славнаго Пророка, Предтечи и Крестителя Иоанна
Иерей: Благословен Бог наш…
И аще мирянин, глаголет: Господи Иисусе Христе, Сыне Божий, молитвами Пречистыя Твоея Матере и всех святых, помилуй нас. Аминь.
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды) Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради. Господи, помилуй (Трижды). Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Священник: Яко Твое есть Царство…
Лик: Аминь.
Господи, помилуй. (12 раз)
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу. (Трижды)
Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.
Слава Отцу и Сыну и Святому Духу, и ныне и присно и во веки веков. Аминь. Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже наш, слава Тебе.
Бог Господь, и явися нам, благословен Грядый во имя Господне. Стих 1: Исповедайтеся Господеви, яко благ, яко в век милость Его. Стих 2: Вси языцы обыдоша мя, и именем Господним противляхся им. Стих 3: Не умру, но жив буду и повем дела Господня. Стих 4: Камень, егоже небрегоша зиждущии, сей бысть во главу угла; от Господа бысть сей и есть дивен во очесех наших.
Память праведнаго с похвалами, тебе же довлеет свидетельство Господне, Предтече: показался бо еси воистинну и пророков честнейший, яко и в струях крестити сподобился еси Проповеданнаго. Темже, за истину пострадав, радуяся, благовестил еси и сущим во аде Бога, явльшагося плотию, вземлющаго грех мира и подающаго нам велию милость.
Слава Отцу и Сыну и Святому Духу.
Тропарь (тот же)
И ныне и присно и во веки веков. Аминь.
Не умолчим никогда, Богородице, силы твоя глаголати, недостойнии; аще бы бо ты не предстояла молящи, кто бы нас избавил от толиких бед? Кто же бы сохранил доныне свободны? Не отступим, Владычице, от тебе, твоя бо рабы спасаеши присно от всяких лютых.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Ирмос: Колесницегонителя фараона погрузи, чудотворяй иногда, Моисейский жезл, крестообразно поразив и разделив море, Израиля же бегуна, пешеходца, спасе, песнь Богу воспевающа: яко славно прославися.
Святый славный Пророче, Предтече и Крестителю Иоанне, моли Бога о нас.
Царя Света мужественный Предтече, во чреве матерни взыгравый, проповедал еси закона престание и благодати утверждение и людей учил еси о приближившемся Царствии Небеснем.
Святый славный Пророче, Предтече и Крестителю Иоанне, моли Бога о нас.
От юности ангельским чином жительствуя в пустыни, велий был еси в пророцех и сподобился еси крестити всех Спаса и Бога; Того моли ныне, да избавит мя от злых страстей.
Святый славный Пророче, Предтече и Крестителю Иоанне, моли Бога о нас.
В пустыни плотию пребывая и первее проповедником покаяния нарекся, явился еси призывающим повинныя и путь был еси, грешники ко Богу приводящий; Того моли ныне, да укрепит мя на сопротивныя Его и на диавола.
Слава Отцу и Сыну и Святому Духу.
В пустыни воспитанный Предтеча предвозвести покаяние языком и, проповедуя Божество Твое, Христе, преклонил еси нетленную главу Твою ко крещению и грехи мира загладил еси, Господи; слава силе Твоей.
И ныне и присно и во веки веков. Аминь.
Преславная глаголашася о тебе в род и род, Дево, приявшая во чрево Слово Божие и пребывшая Девою, Богородице Марие; сего ради вси величаем тя, по Бозе избавительницу нашу обретшуюся, яко славно прославилася еси.
Ирмос: Небеснаго круга Верхотворче, Господи, и Церкве Зиждителю, Ты мене утверди в любви Твоей, желаний краю, верных утверждение, Едине Человеколюбче.
Святый славный Пророче, Предтече и Крестителю Иоанне, моли Бога о нас.
Украшен бе Ирод богатством царским, ты же, облечен во власы вельблужди, по пустыни ходя, обличал еси его и закон полагал еси облеченному в багряницу. Ныне и нас просвети, святе, и избави от закона чуждаго.
Святый славный Пророче, Предтече и Крестителю Иоанне, моли Бога о нас.
Нищ был еси и не ядый, и седящим на трапезе царстей предстал еси, и повелевающему иными сице глаголал еси: «Не достоит ти имети жену брата твоего», и увещавал еси царя онаго отпустити жену ту.
Святый славный Пророче, Предтече и Крестителю Иоанне, моли Бога о нас.
Егда противостал еси, акридоядче и меда дивияго, сильному царю Ироду и обличал еси его угодити Богу, разгневася он, наипаче же Иродиада, яко тезоименити бяху и равни мерзостию.
Слава Отцу и Сыну и Святому Духу.
Аще и хотяше царь убити тя, но бояшеся народа, яко чтяху тя, яко свята пророка, и со многим страхом слушаху учения и проповеди твоея.
И ныне и присно и во веки веков. Аминь.
Вселился еси во чрево Девы, Господи, и явился еси человеком плотски, якоже благоволил еси, и показал еси ю воистинну Богородицу, Едине Человеколюбче, и помощницу всем верным.
Избави от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, Всепетая Богородице, и тел наших лютыя язвы исцели и душ наших болезни.
Иерей: Помилуй нас, Боже, по велицей милости Твоей, молим Ти ся, услыши и помилуй.
Лик: Господи, помилуй (Трижды).
Иерей: Еще молимся о богохранимем народе нашем и державе его (о христолюбивом правительстве и воинстве его).
Лик: Господи, помилуй (Трижды).
Иерей: Еще молимся о Святейшем и Блаженнейшем Католикосе-Патриархе всея Грузии, Архиепископе Мцхетско-Тбилисском и Митрополите Бичвинтском и Цхум-Абхазском, великом господине и отце нашем Илии, и о преосвященнейшем (поминается местный архиерей), и о всей во Христе братии нашей.
Лик: Господи, помилуй (Трижды).
Иерей: Еще помолимся Господу Богу нашему, да помилует раба или рабу (здесь поминайте по имени тех, о нихже молитеся).
Лик: Господи, помилуй (Трижды).
Иерей: Умножи, Господи, дни и лета живота их и избави их, Господи, от всякия скорби, гнева и нужды, и от всякия язвы душевныя и телесныя, и прости им всякое согрешение, вольное же и невольное.
Лик: Господи, помилуй (Трижды).
Иерей: Еще молимся о всех православных христианех.
Лик: Господи, помилуй (Трижды).
Иерей: Яко милостив и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Егда во чреве имяше Елисавета по старости, взыде Мария целовати ю; тогда взыгра Иоанн радощами во чреве матере своея, яко зряше Бога воплощенна в недрех Девы. И нача проповедати Божие на землю снизшествие усты матере своея; егда же Духом Святым нарекоша родители его имя Иоанн, имже разрешися безгласие Захариино, нача исполняти десять заповедей перваго закона и девять блаженств Новаго Завета, и бысть начало отшельником и образ благий иноком, и, всех к покаянию призывая, глаголаше людем: уготовайте пути Господни. Се грядет, о Немже глаголах славу и хвалу.
Слава Отцу и Сыну и Святому Духу.
Предтечу Твоего, проповедника Божия слова, умолчати мняше лукавый, иже рукою жены перваго созданнаго из рая изгна; той же ныне Иродиаду беззаконием с Иродом воздвиже и пляску девицы угодну сотвори, да усечется глава возложившаго руку на всех Господа Христа, яко не уразуме непреложнаго спасения нашего таинства. Но ты, гласе вопиющаго в пустыни, возопий к Нему, Егоже рукою коснулся еси, да подаст мир и велию милость.
И ныне и присно и во веки веков. Аминь.
Ты, Неневестная и Пресвятая Дево, испроси у воплотившагося от тебе, Владычице, да даст победу народу нашему верному на язычники и еретики, и избавление от ига вражия, и Церковь, правым исповеданием утвержденную, да сохранит непоколебиму.
Ирмос: Возшел еси на колесницы апостолов Твоих, Господи, и бразды их крепко приял еси в руце Твоя, и езда Твоя спасение есть верным, вопиющим: слава силе Твоей, Господи.
Святый славный Пророче, Предтече и Крестителю Иоанне, моли Бога о нас.
Света истиннаго проповедниче Предтече, егда непрестанно обличал еси царя за беззаконная дела, ят тя и всади в темницу; но ниже в темнице умолчал еси и дерзновенно глаголал еси: отпусти супружницу сию беззакония твоего.
Святый славный Пророче, Предтече и Крестителю Иоанне, моли Бога о нас.
От скверныя матере рожденная, всезлая, от нея послана бысть в день рождества беззаконнаго Ирода, да пляскою испросит у него главу оную честную, обличившую студное ложе их.
Святый славный Пророче, Предтече и Крестителю Иоанне, моли Бога о нас.
Во время оно вниде скверная, дщи Иродиадина, на вечерю ону кровопийственную, и видяше Ирод дщерь брата своего пред ними пляшущу и не стыдяшеся, но пляска ея угодна бысть упившемуся.
Слава Отцу и Сыну и Святому Духу.
Дщи матере безстудныя и губительница души и тела в мзду пляски просит у Ирода главу твою на блюде; он же виною смерти клятву сотвори и, усек главу твою, исполни прошение скверныя оныя братанны.
И ныне и присно и во веки веков. Аминь.
Языцы человечестии изнемогают изрещи таинство нетленнаго рождества твоего, Неневестная Невесто, верою же исповедуют тя Материю Света.
Ирмос: Не отрини мене от лица Твоего, Свете незаходимый, да не покрыет мене тьма непросвещенная, но обрати мя и к свету заповедей Твоих пути моя направи, молюся.
Святый славный Пророче, Предтече и Крестителю Иоанне, моли Бога о нас.
О ослепление Иродово, иже презре заповедь Божию, приложи ко блуду убийство и святую главу твою, усеченную и кровию трепещущую, яко снедь уготованную, даде девице оной скверней на блюде.
Святый славный Пророче, Предтече и Крестителю Иоанне, моли Бога о нас.
Не умолче велий проповедник пришествия Христова, блаженный богослов, ниже по смерти обличения и вопияше: не подобает ти прелюбодействовати с женою брата твоего, скверне, яко возбраняет тебе устав закона.
Святый славный Пророче, Предтече и Крестителю Иоанне, моли Бога о нас.
Егда блуду порабощенный Ирод умертви тя мечем, честное тело твое помаза лик учеников твоих и, яко подвижника победоносца и истиннаго мученика, во гробе положи с благовонными ароматы.
Слава Отцу и Сыну и Святому Духу.
О святый Предтече и проповедниче покаяния, яви на мне милость твою и низпосли на мя от благодати твоея, и омый страсти души моея, и умили жестокое сердце мое, да пролию слезы и омыю грех.
И ныне и присно и во веки веков. Аминь.
Дерзновение матернее к Сыну твоему стяжала еси, Пренепорочная; не престани помогати нам пред Ним, молим тя, яко имаши к Нему ходатайство и оставление грехов всех христиан.
Ирмос: Прости ми, Благий, безчисленная прегрешения моя, ихже ради призываю Тя: избави мя от зол, к Тебе вопию: услыши мя, Боже, Спасе мой.
Святый славный Пророче, Предтече и Крестителю Иоанне, моли Бога о нас.
О страшное видение! Аспид, порождение ехиднино, носит на блюде главу твою, еяже трепещут бесовстии полцы и почитают небесная воинства.
Святый славный Пророче, Предтече и Крестителю Иоанне, моли Бога о нас.
Егда тело твое положено бысть во гробе, духом послан был еси во ад и сущим тамо узником первее проповедал еси пришествие Солнца правды, Христа, Царя нашего, Единаго многомилостиваго.
Святый славный Пророче, Предтече и Крестителю Иоанне, моли Бога о нас.
Глас вопиющаго, горами и дебрьми ходившаго пустынножителя, усекновением главы достиже врат адовых и возопи крепко: возмите врата ваша, князи вратарей, яко входит Христос, Царь славы.
Слава Отцу и Сыну и Святому Духу.
Нарекся Предтечею, проповедником и Крестителем Христа Бога, усекновением главы бысть предтеча сошествия Его во ад и сущим тамо благовестил еси сошествие Избавителя во спасение их.
И ныне и присно и во веки веков. Аминь.
Избави нас от соблазна грехов наших молением твоим, Богородице Дево, к Сыну твоему, рождшемуся от тебе паче естества, Сыну Божию безначальному.
Избави от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, Всепетая Богородице, и тел наших лютыя язвы исцели и душ наших болезни.
Предтечево славное усекновение смотрение бысть некое Божественное, да и сущим во аде Спасово проповесть пришествие; да рыдает убо Иродиада, беззаконное убийство испросившая: не закон бо Божий, ни живый век возлюби, но притворный сей и привременный.
Рождества Иродова дни пред всеми быша не святи, яко посреде пиющих глава постника, яко снедь, предложена бысть, и радость смесися с печалию, яко глава Крестителева, на блюде лежащая, внесена бысть пред всеми, якоже испроси девица она лукавая, и плач и печаль нападе на вся возлежащия с царем, яко не угодно бысть им, ниже самому Ироду, якоже писано есть, яко опечалися печалию не истинною, яко о суетных привременных и мгновенных.
Иерей: Вонмем. Премудрость. Прокимен, глас 4
Честна пред Господем смерть преподобных Его.
Стих: Что воздам Господеви о всех, яже воздаде ми?
Иерей: Господу помолимся.
Лик: Господи, помилуй.
Иерей: Яко свят еси, Боже наш, и во святых почиваеши, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Иерей: Всякое дыхание да хвалит Господа.
Стих: Хвалите Бога во святых Его, хвалите Его во утверждении силы Его.
Иерей: И о сподобитися нам слышанию святаго Евангелия Господа Бога молим.
Лик: Господи, помилуй (Трижды).
Иерей: Премудрость, прости, услышим святаго Евангелия. Мир всем.
Лик: И духови твоему.
Иерей: От Матфея святаго Евангелия чтение.
Лик: Слава Тебе, Господи, слава Тебе.
Иерей: Вонмем.
Во время оно услышал Ирод четвертовластник молву об Иисусе и сказал служащим при нем: это Иоанн Креститель; он воскрес из мертвых, и потому чудеса делаются им. Ибо Ирод, взяв Иоанна, связал его и посадил в темницу за Иродиаду, жену Филиппа, брата своего, потому что Иоанн говорил ему: не должно тебе иметь ее. И хотел убить его, но боялся народа, потому что его почитали за пророка. Во время же празднования дня рождения Ирода дочь Иродиады плясала пред собранием и угодила Ироду, посему он с клятвою обещал ей дать, чего она ни попросит. Она же, по наущению матери своей, сказала: дай мне здесь на блюде голову Иоанна Крестителя. И опечалился царь, но, ради клятвы и возлежащих с ним, повелел дать ей, и послал отсечь Иоанну голову в темнице. И принесли голову его на блюде и дали девице, а она отнесла матери своей. Ученики же его, придя, взяли тело его и погребли его; и пошли, возвестили Иисусу. И, услышав, Иисус удалился оттуда на лодке в пустынное место один; а народ, услышав о том, пошел за Ним из городов пешком. И, выйдя, Иисус увидел множество людей и сжалился над ними, и исцелил больных их.
Слава Отцу и Сыну и Святому Духу.
Молитвами святаго Иоанна Крестителя, Милостиве, очисти множества наших согрешений.
И ныне и присно и во веки веков. Аминь.
Молитвами Богородицы, Милостиве, очисти множества наших согрешений.
Помилуй мя, Боже, по велицей милости Твоей, и по множеству щедрот Твоих очисти беззаконие мое, и помилуй мя, Боже.
Проповедник истинный и горлица пустыни, Предтеча Твой и Креститель Иоанн, егоже величие Ты рекл еси, Христе, молит Тя и просит мира людем верным, славящим память его, да молитвами его даруеши церквам славу, христианским людем невредимость и душам нашим велию милость.
Иерей: Спаси, Боже, люди Твоя и благослови достояние Твое, посети мир Твой милостию и щедротами, возвыси рог христиан православных и низпосли на ны милости Твоя богатыя, молитвами Всепречистыя Владычицы нашея Богородицы и Приснодевы Марии; силою Честнаго и Животворящаго Креста, силою Креста от виноградной лозы; предстательствы честных Небесных Сил безплотных; святаго пророка Илии Фесвитянина и праведнаго Еноха; святых славных и всехвальных первоверховных апостолов Петра и Павла; святаго апостола Фомы и просветителей Грузии, апостолов Андрея Первозваннаго, Симона Кананита и Матфия; святыя матере нашея, равноапостольныя девы Нины; святых равноапостольных царя Мириана и царицы Наны; иже во святых отец наших и вселенских великих учителей и святителей Василия Великаго, Григория Богослова и Иоанна Златоустаго; иже во святых отца нашего Николая, архиепископа Мир Ликийских, чудотворца; святых славных и добропобедных мучеников: святаго великомученика и победоносца Георгия и святых великих дев-мучениц Варвары и Марины; святаго священномученика Неофита Урбнисскаго и святаго великомученика Або Тбилисскаго; святых славных мучеников, князей Аргветских Давида и Константина; святаго мученика Шалвы Ахалцихскаго и святых ста тысяч мучеников, в Тбилиси от хорезмийцев избиенных; святаго преподобнаго отца нашего Иоанна Зедазнийскаго и двоюнадесяти учеников его, вторых просветителей Церкве Грузинския и присных ея покровителей, и от учеников преподобнаго отца нашего Давида Гареджийскаго; святых блаженных отец наших Лукиана, Додо, Дамиана, Онуфрия и Симеона Гареджийских и святых шести тысяч мучеников, иноков Гареджийских; богомудрых блаженных отец Илариона Грузина, Серапиона Зарзмскаго, Григория Хандзтийскаго и Сергия Радонежскаго; преподобных отец наших Афонских Иоанна, Гавриила, Иоанна-Торники, Евфимия и Георгия; святых благоверных и великих царей наших Вахтанга Горгасала, Ашота Куропалата, Давида Строителя и Соломона; святыя благоверныя царицы Тамары; святых добропобедных царей и цариц Архила, Димитрия, Шушаники, Кетевани и Луарсаба; святаго праведнаго Илии; святых и праведных богоотец Иоакима и Анны, и честнаго, славнаго Пророка, Предтечи и Крестителя Иоанна, и всех святых Твоих: молим Тя, многомилостиве Господи, услыши нас, грешных, молящихся Тебе, и помилуй нас.
Лик: Господи, помилуй (12 раз).
Иерей: Милостию, и щедротами, и человеколюбием Единороднаго Сына Твоего, с Нимже благословен еси, со Пресвятым, и Благим, и Животворящим Твоим Духом, ныне и присно и во веки веков.
Лик: Аминь.
Ирмос: Божие снизхождение огнь устыдеся в Вавилоне иногда; сего ради отроцы в пещи радостною ногою, яко в цветнице, ликовствующе пояху: благословен еси, Боже отец наших.
Святый славный Пророче, Предтече и Крестителю Иоанне, моли Бога о нас.
Ангельское жительство совершил еси на земли и проповедал еси, глаголя людем: уготовайте пути Господни. Се грядет, о Немже глаголах: благословите, вся дела Господня, Господа.
Святый славный Пророче, Предтече и Крестителю Иоанне, моли Бога о нас.
Не токмо в пустыни, но и пред цари не престал еси беззаконие обличати и духом присно со Христом пел еси: благословите, вся дела Господня, Господа.
Святый славный Пророче, Предтече и Крестителю Иоанне, моли Бога о нас.
Глас вопиющаго в пустыни, Предтеча Твой, не токмо пути Твоя уготовати, но и оправдания Твоя хранити возвещаше, Христе; сего ради беззаконный Ирод пролия непорочную кровь пустынножителя, Иоанна праведнаго.
Слава Отцу и Сыну и Святому Духу.
Бысть слово Божие к тебе, Предтече, и послан был еси благовестити узником разрешение, плененным отпущение и слепым прозрение, мертвым воскресение и жизнь вечную; ныне и нам исполни прошение сердца нашего.
И ныне и присно и во веки веков. Аминь.
Образ бысть тебе, Дево, купина горящая и несгораемая, яко вместила еси огнь горящий во чреве твоем и не опалилася еси от Него, Иже сожже вражия прелести и дарова нам жизнь вечную.
Ирмос: Седмерицею пещь халдейский мучитель богочтецем неистово разжже, силою же лучшею спасены сия видев, Творцу и Избавителю вопияше: отроцы, благословите, священницы, воспойте, людие, превозносите во вся веки.
Святый славный Пророче, Предтече и Крестителю Иоанне, моли Бога о нас.
Языцы премудрых и витий не могут похвалити тебе, яко Христос свидетельствова о тебе, Предтече, яко болий еси пророков и апостолов, праведных и мучеников ликов, яко Креститель и проповедник Его, Иоанне всехвальне.
Святый славный Пророче, Предтече и Крестителю Иоанне, моли Бога о нас.
Подражатель был еси Илии, блаженне, и, пришед в силе и дусе его, уподобился еси кротости Моисеевой и святыни пророков, и явился еси болий их, Иоанне; нарекся еси Ангел, и апостол, и иерей, и мученик, и богослов, и пророк.
Святый славный Пророче, Предтече и Крестителю Иоанне, моли Бога о нас.
Воистинну явился еси небесный человек и земный Ангел, проповедниче Божий Иоанне преславне, и был еси друг безсмертнаго Жениха; сего ради прославился еси от Него и, сподобився царствовати пред Ним, присно с собором небесных сил боголучезарно приносиши святую песнь.
Слава Отцу и Сыну и Святому Духу.
Собора безплотных, мест онех святыни, и неизреченныя человеком славы, и невидимых оком благ достигл еси, Спасов проповедниче, и лицем к лицу зриши Пресвятую Троицу; помяни мя пред Нею, да покрыет мя от всех печалей, недугов и болезней.
И ныне и присно и во веки веков. Аминь.
Божеству Троице, Единосущней, славимей, существом непостижимей, Триипостасней, Отцу Нерожденному и Родителю, Сыну Рожденному безначально и Духу Святому, Соприсносущному, отроцы, благословите, священницы, воспойте, людие, превозносите Ю во веки.
Ирмос: Ужасошася создания о неизреченнем Божием снизшествии, како Вышний волею Своею во чрево Девы снииде воплотитися и вочеловечися непреложно во смирении; сего ради, вернии, Богородицу Пречистую песньми величаем.
Святый славный Пророче, Предтече и Крестителю Иоанне, моли Бога о нас.
Ангельски совершив подвиг твой, велий Предтече, болий в рожденных женами Иоанне, Христа проповедал еси и люди от прелести обратил еси во славу Единосущныя Троицы; Того моли ныне, да и нас избавит от всякия скорби и зла.
Святый славный Пророче, Предтече и Крестителю Иоанне, моли Бога о нас.
Яко призыватель ко покаянию, гласе Слова и друже Жениха, даруй нам покаяние и умили умы наша, Иоанне, и настави нас на путь Божественных заповедей, и испроси прощение безчисленных грехов наших, поющим тебе и молящим тя непрестанно.
Святый славный Пророче, Предтече и Крестителю Иоанне, моли Бога о нас.
Паче чина апостолов и пророков, и собора святителей, мучеников и праведных был еси святыни насадитель и делатель поста, якоже засвидетельствова о тебе Христос Царь, достойно прославивый память твою, яко Предтечи Своего.
Слава Отцу и Сыну и Святому Духу.
Кто не ублажит тебе, Христов Предтече, или кто не восхвалит памяти твоея, в нейже собрашася души праведных и Мати Божия? Того моли ныне, преподобне, да избавит достояние Свое от сетей диавольских и от прелести и брани лукаваго антихриста.
И ныне и присно и во веки веков. Аминь.
Наляцы лук Твой, Крепкий, и успевай, и царствуй, рождейся от Девы, и даждь победу народу нашему на враги и озлобляющия, и совет благ ко хранению заповедей Твоих в православии, молитвами славнаго Предтечи Твоего и Матере Твоея Богородицы.
Достойно есть яко воистинну блажити тя, Богородицу, присноблаженную и пренепорочную и Матерь Бога нашего. Честнейшую херувим и славнейшую без сравнения серафим, без истления Бога Слова рождшую, сущую Богородицу тя величаем.
Иерей кадит; чтец или мирянин чтет:
Благословен Господь Бог Израилев, яко яви в силе и дусе Илиине Предтечу Иоанна и нарече его большаго пророков и апостолов, иже языком богословным возопи в пустыни покаяние жизни и благовести нам омовение Духом и огнем.
Достойно прославил еси, Господи, Предтечу Твоего, яко достойное служение смотрения Божества Твоего во святыни соверши: правды ради в темнице злострадание претерпе, истины ради усекновение главы прият, благоуханием мир исполни, святынею церкви украси; сего ради пред Тобою присно радуется и ходатайствует непрестанно о душах наших.
Пророка и мужественнаго мученика и Крестителя Христа Спаса приидите восхвалим, стада Христова, иже пустыню постом утучни и царя облечи, малодушие же наше сладко научаше и наставляше: покайтеся, приближися бо Царство Небесное.
Яко заря утренняя и яко денница, прежде предшествовал еси светом пред лицем Его и, проповедуя людем в пустыни Создателя, о Предтече, проповедниче Христов, нарекл еси Его Агнцем, вземлющим грехи мира; Божественныя же ревности ради обличив царя, приял еси усекновение преславныя главы твоея и всем христианом был еси покровитель и страж неусыпаемый.
Сподобивыйся быти Крестителем, Предтече, Христа, Подателя жизни душам нашим, и сущим во аде славу и жизнь проповедавый, покровом благодати твоея огради ны от всякаго зла и невредимы соблюди народ наш и вся грады и веси Иверии от нападения лютаго врага.
Нетленныя мощи твоя, о Крестителю, независтно источают благодать истинную и милость, и вся возставляют во славу Божию, Иже праведно прослави Предтечу Своего, яко начало благодати и конец закона и пророков, и чудотворением и множеством знамений почте тя.
Трепещут силы тьмы и бегают страсти человеков верных благодатию Божиею, данною тебе, о Христов Предтече, блаженне; но от обоих сих напастей народ наш сохрани и на камени твердем проповеданий, законов и учений твоих утверди нас, да, чтущии тя, тихо и безмятежно славим Бога.
О надеждо и похвало наша, Владычице Богородице! Призри на ны, благослови верою припадающих к матерней твоей благодати и помощи и просвети нас молитвами пророка Иоанна, да присно православно славим Единосущную Троицу:
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды)
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Священник: Яко Твое есть Царство…
Лик: Аминь.
Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце, грешнии приносим: помилуй нас. Слава…
Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне на ны, яко благоутробен, и избави ны от праведнаго гнева Твоего: Ты бо еси Бог наш, и мы людие Твои, вси дела руку Твоею, и имя Твое наречеся на нас; и помилуй нас. И ныне…
Милосердия двери отверзи нам, благословенная Богородице, надеющиися на тя да не погибнем, но да избавимся тобою от сопротивных враг: ты бо еси спасение рода христианскаго.
Иерей: Помилуй нас, Боже, по велицей милости Твоей, молим Ти ся, услыши и помилуй.
Лик: Господи, помилуй (Трижды).
Иерей: Еще молимся о милости, жизни, мире, здравии, долгоденствии, спасении, просвещении, прощении, благопоспешении и тишине рабов (или рабынь) Божиих и всех чад Церкве нашея, да сохранит Господь Бог наш царствующий град сей наш и святый храм сей и вся грады и веси Иверии от глада, губительства, труса, потопа, огня, меча, нашествия иноплеменников, междоусобныя брани и смертоносныя язвы; да милостив нам будет Бог благостию и человеколюбием Своим, во еже благостояти, и отвратит гнев, на ны повседневно движимый, и избавит нас от праведнаго Своего прещения, на ны належащаго, и помилует нас.
Лик: Господи, помилуй (12 раз).
Иерей: Услыши ны, Боже, Спасителю наш, упование всех концев земли и сущих в мори далече, и милостив, милостив буди о гресех наших, и помилуй ны; милостив бо и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
О Предтече и Крестителю вочеловечшагося нашего ради спасения Слова Божия Иоанне, грешных к покаянию призывателю, славие доброгласный и горлице, пустыню любящая, пророче, учителю иереев и мучениче, заключенных во аде избавления и изведения благовестниче, и всех молящихся тебе скорый помощниче и прибежище!
О всех рожденных женами превышший пророче и апостоле, проповедниче Христов Иоанне, Крестителю и Предтече благодати! Егда усечена бысть святая глава твоя, пред Святую Троицу достиг, приобщился еси славе и Царствию крещеннаго тобою Христа, и дадеся тебе ходатайство о всех повинных, якоже подобает тебе трудов твоих ради; сего ради к тебе припадаю, волнуемый, и пред тобою исповедаю прегрешения моя, яко не оставляют мене скверныя помыслы, и близ есмь потопления во глубине грехов моих, и несть во мне добрых дел; но настави мя на путь покаяния и мене, отступника, стрелами страстей зело уязвленнаго, Богу предстательствуй, да просветит ум мой, омраченный коварством вражиим, и да очистит сердце и чувства моя излиянием благодати твоея, исполнит мя бодрости Божественныя и дарует ми веру непоколебимую, чистоту жития и страх Божий. Моли проповеданнаго тобою сладчайшаго Иисуса, да простит нам отступления, разорения и осквернения церквей, убиения служителей Божиих, измену, зависть и безчиния, убиения младенцев наших во утробе и иная множества прегрешений наших. Укрепи в служении Святейшаго и Блаженнейшаго Католикоса-Патриарха всея Грузии, Архиепископа Мцхетско-Тбилисскаго и Митрополита Бичвинтскаго и Цхум-Абхазскаго, великаго господина, отца нашего Илию, преосвященныя митрополиты, архиепископы и епископы, честныя иереи, во Христе диаконы и весь монашеский чин, причастники Православныя Церкве; покрый тезоименитых и молящихся тебе и всех православных христиан сохрани честным твоим ходатайством.
О святый славный пророче, Предтече Христов и Крестителю Иоанне, усекновением главы твоея освятивый пространство всего мира и закону Божию научивый верныя, ныне пред престолы Христовыми со славою предстоя, ходатай буди о нас пред Ним, да дарует церквам славу, священству честность, начальником добре пасти народ, воином мужество, мирским безгрешность и женам целомудрие, нам же да дарует Божественную ревность об отечестве, любовь к правде и мужество душевное, благими делы украшение, святою молитвою просвещение, исповедию очищение, причащением озарение, честную кончину, в Царствии вселение, со Ангелы пение, со святыми царствование и с тобою славу и благодарение, яко Тому подобает всякая слава, честь и поклонение, со Отцем и Святым Духом, ныне и присно и во веки веков. Аминь.
Иерей: Премудрость!
Пресвятая Богородице, спаси нас.
Лик: Честнейшую херувим и славнейшую без сравнения серафим, без истления Бога Слова рождшую, сущую Богородицу тя величаем.
Иерей: Слава Тебе, Боже наш, слава Тебе.
Лик: Слава Отцу и Сыну и Святому Духу, и ныне и присно и во веки веков. Аминь.
Господи, помилуй (Трижды). Благослови.
Иерей творит отпуст.
Лик: Аминь.
Мирянин: Слава Отцу и Сыну и Святому Духу, и ныне и присно и во веки веков. Аминь. Господи, помилуй (Трижды).
Господи Иисусе Христе, Сыне Божий, молитвами Пречистыя Твоея Матере, честнаго Пророка, Предтечи и Крестителя Иоанна и всех святых, помилуй нас. Аминь.
При целовании иконы честнаго Крестителя поем сице:
Пророче и Предтече Христов Иоанне и Крестителю, о ходатайстве и заступлении нашем моли крещеннаго тобою Господа нашего Иисуса Христа, да, якоже любве ради к нам от вечнаго ада избави нас пролитием безсмертныя Своея крове, тако избавит Иверию от обстоящих ю безчисленных враг и напастей; и якоже рекл еси о грешниках нераскаянных, яко посечени будут секирою, яко древо неплодное, тако да отсечет от нас грехи и беззакония наша ходатайством твоим и глас мира да низпослет иверам, да, сохранени и покровени от напастей диавольских, присно славим Иисуса Бога нашего со Отцем и Святым Духом, ныне и присно и во веки веков. Аминь.
Преславная и нетленная Мати Божия, множества ради грехов наших не имамы дерзновения молити Бога, но ходатаица буди о нас пред Ним, да не лишит нас помощи, и милости, и покрова Своего молитвами пророка Иоанна, егоже усекновения память присно совершаем и святую и честную икону его лобызаем.
Составила Тинатин Мчедлишвили
