Параклис святому великомученику, победоносцу и чудотворцу Георгию
Иерей: Благословен Бог наш…
А иже мирянин, глаголет: Молитвами святых отец наших, Господи Иисусе Христе, Боже наш, помилуй нас. Аминь.
Слава Тебе, Боже наш, слава Тебе.
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Священник: Яко Твое есть Царство…
Господи, помилуй. (12 раз)
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.
Слава Отцу и Сыну и Святому Духу, и ныне и присно и во веки веков. Аминь.
Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже наш, слава Тебе.
Бог Господь, и явися нам, благословен Грядый во имя Господне.
Стих 1: Исповедайтеся Господеви, яко благ, яко в век милость Его. Стих 2: Вси языцы обыдоша мя, и именем Господним противляхся им. Стих 3: Не умру, но жив буду и повем дела Господня. Стих 4: Камень, егоже небрегоша зиждущии, сей бысть во главу угла; от Господа бысть сей и есть дивен во очесех наших.
Пленных свободителю и нищих заступниче, немощствующих врачу, царей непобедимый поборниче, победоносче великомучениче Георгие, моли Христа Бога помиловати души наша.
Слава Отцу и Сыну и Святому Духу.
Подвизался еси зело за Христа и за веру Его, и страдания лютая претерпел еси, и обличил еси нечестие мучителей, себе же жертву благоприятну Богу принесл еси; сего ради венец победы приял еси, и ныне заступлением твоим, святый мучениче Георгие, даруеши всем прощение грехов.
И ныне…
И ныне и присно и во веки веков. Аминь.
Не умолчим никогда, Богородице, силы твоя глаголати, недостойнии; аще бы бо ты не предстояла молящи, кто бы нас избавил от толиких бед? Кто же бы сохранил доныне свободны? Не отступим, Владычице, от тебе, твоя бо рабы спасаеши присно от всяких лютых.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Ирмос: Колесниц множество со всадники в глубину моря Чермнаго низвергл еси крепостию мышцы, Христе, и спасл еси израильтяны, и победную песнь нову воспеваху.
Святый великомучениче Георгие, моли Бога о нас.
Благодать даруй ми от сокровищ Святаго Духа, Христе Боже, отверзи уста моя и язык сплести венец похвал, воспети Георгия мученика, светло прекраснаго.
Святый великомучениче Георгие, моли Бога о нас.
Мужественно терпением и силою подвизался еси плотию и просиял еси духом, и сподобился еси верою совершенною обетованных оных благ, богоносне Георгие.
Слава Отцу и Сыну и Святому Духу.
Молитву православных приими, Христе, хвалящихся двема Твоима естествома, и исповедающих Тя во двою хотению и действу спаси молитвами мужественнаго Георгия.
И ныне и присно и во веки веков. Аминь.
Лик пророческий прежде предвозвести тя горою божественною и дверию непроходимою; сего ради молим тя: двери покаяния божественныя отверзи нам, Дево.
Ирмос: Основавый землю на водах и плодоносие ей всецело даровавый, на камени заповедей Твоих непоколебимем, Христе, утверди Церковь Твою, Едине Благий и Человеколюбче.
Святый великомучениче Георгие, моли Бога о нас.
Стяжал еси милосердие и отвергл еси богатство мира сего преходящаго, достохвальне, и любве ради Божия раздал еси имение твое нищим, себе же жертву Христу, мужественне Георгие; и ныне о молящих тя не престани ходатайствовати.
Святый великомучениче Георгие, моли Бога о нас.
Потщался еси, мужественне, на судище царя идолослужителя и лукаваго сонмища, святый Георгие, и проповедал еси Христа со Отцем и Святым Духом.
Слава Отцу и Сыну и Святому Духу.
Христовою верою твердою, умом совершенным и упованием предстал еси колесу страшному, богоблаженне, мужественне Георгие, и омыл еси тело и одежду твою излиянием крове.
И ныне и присно и во веки веков. Аминь.
Одесную Христа предстоящи, яко царица облеченная, богорадованная, в ризу позлащенную, Царствия Небеснаго испроси нам, Дево Всесвятая.
Избави от бед присно уповающих на святыню твою, страстотерпче великомучениче Георгие, яко вси к тебе прибегаем, яко нерушимой стене и предстательству.
Призри на ны, Всепетая Богородице, и тел наших лютыя язвы исцели и душ наших болезни.
Иерей: Помилуй нас, Боже, по велицей милости Твоей, молим Ти ся, Человеколюбче, услыши и помилуй.
Лик: Господи, помилуй (Трижды).
Иерей: Еще молимся о богохранимем народе нашем и державе его (о христолюбивом правительстве и воинстве его).
Лик: Господи, помилуй (Трижды).
Иерей: Еще молимся о Святейшем и Блаженнейшем Католикосе-Патриархе всея Грузии, Архиепископе Мцхетско-Тбилисском, великом господине и отце нашем Илии, и о преосвященнейшем (поминается местный архиерей), и о всей во Христе братии нашей.
Лик: Господи, помилуй (Трижды).
Иерей: Еще помолимся Господу Богу нашему, да помилует раба или рабу (здесь поминайте по имени тех, о нихже молитеся). Умножи, Господи, дни и лета живота их и избави их, Господи, от всякия скорби, гнева и нужды, и от всякия язвы душевныя и телесныя, и прости им всякое согрешение, вольное же и невольное.
Лик: Господи, помилуй (Трижды).
Иерей: Еще молимся о всех православных христианех.
Лик: Господи, помилуй (Трижды).
Иерей: Яко милостив и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Подвигом добрым подвизался еси верою, страстотерпче Христов, и нечестие мучителей обличил еси, мужественне Георгие; темже венец правды достойно приял еси и жертву благоугодну Богу себе принесл еси; святым заступлением твоим подаеши всем прощение согрешений. Слава… И ныне…
Заступниче молящих и славящих тя, честный мучениче, за веру Христову пострадавый, святый Георгие, моли венчавшаго тя Иисуса, да призрит на люди Своя, не имущия ответа пред Ним, и сохранит от всякия скорби и от сетей диавольских, и спасет души наша, яко милостив.
Ирмос: Слыша славное пришествие Твое, Христе, удивися Аввакум и со страхом вопияше: изшел еси во спасение людей Твоих, спасти помазанныя Твоя.
Святый великомучениче Георгие, моли Бога о нас.
Явился еси, крестом вооружен, беззаконным мучителем и победил еси силою Христовою, прельщенныя же народы обратил еси к богопочитанию дивно, чудеса велия совершая.
Святый великомучениче Георгие, моли Бога о нас.
Скудныя оныя и суетныя идолы обличил еси мужественно и сокрушил еси божественною ревностию; ныне призри на ны и отжени от нас напасти и бесовская нападения заступлением твоим.
Слава Отцу и Сыну и Святому Духу.
Непостижимое Твое снизхождение, воплощением от Девы спасение наше, Христе Избавителю, проповеда святый великомученик Георгий пред беззаконными мучители.
И ныне и присно и во веки веков. Аминь.
Помози ми, Святая Богородице, плотскими сластьми присно погружаемому, иже стеню повсядневно, на одре уныния лежа.
Ирмос: Одеяйся светом, яко ризою, к Тебе прибегаю и Тебе вопию: просвети душу мою омраченную, яко един Многомилостив.
Святый великомучениче Георгие, моли Бога о нас.
Остроту железа и зной огня презрел еси мужественно и глаголал еси мучителем: познайте Творца вашего; они же затыкаху уши своя, подобно аспидом глухим.
Святый великомучениче Георгие, моли Бога о нас.
Умилился еси о страстех Христовых и, подобно Ему, предал еси себе мукам и смерти; ныне даруй и нам силу, мужество и мудрость попрати козни вражия.
Слава Отцу и Сыну и Святому Духу.
С дерзновением исповеда Тя, Христе, святый великомученик Георгий пред мучители во двою естеству и совершенней власти Божества Твоего.
И ныне и присно и во веки веков. Аминь.
Егоже ум постигнути не может, плоть облечеся, Благодатная, и тя в жилище Себе прият и спасе человеки.
Ирмос: Обышедше мя волны, и бысть ми гроб чрево китово, и вопию Ти: избави мя, Человеколюбче, и спаси мя, Многомилостиве Господи.
Святый великомучениче Георгие, моли Бога о нас.
Предстал еси чистым умом и верою твердою, мужественне Георгие, пред беззаконными мучители и возопил еси к Богу Вышнему: Господи, избави раба Твоего от безбожных.
Святый великомучениче Георгие, моли Бога о нас.
Прииде тебе помощь божественная и исцели тя от всех мук; ныне и нас избави, страстотерпче добропобедне, мужественне Георгие, от болезней телесных и печалей.
Слава Отцу и Сыну и Святому Духу.
Яко звезда светлая, возсиял еси от многих мук, духом непобедимый Георгие, и украсил еси Церковь Христа Бога кровию подвигов твоих, яко багряницею.
И ныне и присно и во веки веков. Аминь.
Сердце твое пройде оружие, егда видела еси на кресте Сына твоего, Пречистая Дево, и божественное ребро Его копием прободенное, и рыдала еси горько.
Избави от бед присно уповающих на святыню твою, страстотерпче великомучениче Георгие, яко вси к тебе прибегаем, яко нерушимой стене и предстательству.
Призри на ны, Всепетая Богородице, и тел наших лютыя язвы исцели и душ наших болезни.
Иерей: Паки и паки миром Господу помолимся.
Лик: Господи, помилуй.
Иерей: Заступи, спаси, помилуй и сохрани нас, Боже, Твоею благодатию.
Лик: Господи, помилуй.
Иерей: Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга и весь живот наш Христу Богу предадим.
Лик: Тебе, Господи.
Иерей: Яко Ты еси Царь мира и Спас душ наших, и Тебе славу возсылаем, Отцу и Сыну и Святому Духу, ныне и присно и во веки веков. Аминь.
Лик: Аминь.
Возделан от Бога, показался еси благочестия делатель честнейший, Георгие, добродетелей рукояти собрав себе; сеявый бо слезами, веселием жнеши; кровь излияв, подвигом Христа приобрел еси, и ныне заступлением твоим избавляеши от смерти души наша.
Иерей: Вонмем. Премудрость.
Дивен Бог во святых Своих, Бог Израилев.
Стих: Восхвалятся преподобнии во славе и возрадуются на ложах своих.
Иерей: Господу помолимся.
Лик: Господи, помилуй.
Иерей: Яко свят еси, Боже наш, и во святых почиваеши, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Иерей: Всякое дыхание да хвалит Господа.
Стих: Хвалите Бога во святых Его, хвалите Его во утверждении силы Его.
Иерей: И о сподобитися нам слышанию святаго Евангелия Господа Бога молим.
Лик: Господи, помилуй (Трижды).
Иерей: Премудрость, прости, услышим святаго Евангелия. Мир всем.
Лик: И духови твоему.
Иерей: От Матфея святаго Евангелия чтение.
Лик: Слава Тебе, Господи, слава Тебе.
Иерей: Вонмем.
Рече Господь Своим учеником: вот, Я посылаю вас, как овец среди волков: итак, будьте мудры, как змии, и просты, как голуби. Остерегайтесь же людей: ибо они будут отдавать вас в судилища и в синагогах своих будут бить вас, и поведут вас к правителям и царям за Меня, для свидетельства пред ними и язычниками. Когда же будут предавать вас, не заботьтесь, как или что сказать; ибо в тот час дано будет вам, что сказать, ибо не вы будете говорить, но Дух Отца вашего будет говорить в вас. Предаст же брат брата на смерть, и отец — сына; и восстанут дети на родителей, и умертвят их; и будете ненавидимы всеми за имя Мое; претерпевший же до конца спасется.
Лик: Слава Тебе, Господи, слава Тебе.
Слава Отцу и Сыну и Святому Духу.
Молитвами святаго великомученика Георгия, Милостиве, очисти множества наших согрешений.
И ныне и присно и во веки веков. Аминь.
Молитвами Богородицы, Милостиве, очисти множества наших согрешений.
Помилуй мя, Боже, по велицей милости Твоей, и по множеству щедрот Твоих очисти беззаконие мое, и помилуй мя, Боже.
Лик: Не презри усердное моление наше, Владыко, молящих Тя предстательством святаго великомученика Георгия, яко той имене ради Твоего святаго до конца претерпе муки; но молитвами его помилуй и спаси нас, Многомилостиве Боже.
Иерей: Спаси, Боже, люди Твоя и благослови достояние Твое, посети мир Твой милостию и щедротами, возвыси рог христиан православных и низпосли на ны милости Твоя богатыя, молитвами Всепречистыя Владычицы нашея Богородицы и Приснодевы Марии; силою Честнаго и Животворящаго Креста, силою Креста от виноградной лозы и Иверския иконы Богородицы Вратарницы; предстательствы честных Небесных Сил безплотных; честнаго, славнаго Пророка, Предтечи и Крестителя Иоанна; святаго пророка Илии Фесвитянина и праведнаго Еноха; святых славных и всехвальных первоверховных апостолов Петра и Павла; святаго апостола Фомы и просветителей Грузии, апостолов Андрея Первозваннаго, Симона Кананита и Матфия; святыя матере нашея, равноапостольныя девы Нины; святых равноапостольных царя Мириана и царицы Наны; иже во святых отец наших и вселенских великих учителей и святителей Василия Великаго, Григория Богослова и Иоанна Златоустаго; иже во святых отца нашего Николая, архиепископа Мир Ликийских, чудотворца; и святаго преподобнаго отца нашего Иоанна Зедазнийскаго и двоюнадесяти учеников его, вторых просветителей Церкве Грузинския и присных ея покровителей; святых славных и добропобедных мучеников: князей Аргветских Давида и Константина и святаго великомученика Шалвы Ахалцихскаго; святаго великомученика Бидзины и святых славных мучеников Шалвы и Элизбара, эриставов Ксанских; святаго священномученика Неофита Урбнисскаго и святаго великомученика Або Тбилисскаго; святых великих дев-мучениц Варвары и Марины; богомудрых блаженных отец Илариона Грузина, Серапиона Зарзмскаго и Григория Хандзтийскаго; преподобных отец наших Афонских: Иоанна и Гавриила Грузинов, Иоанна, бывшаго Торники, и Евфимия и Георгия Святогорцев; святых благоверных и великих царей наших Вахтанга Горгасала, Ашота Куропалата, Давида Строителя и Соломона; святыя благоверныя царицы Тамары; святых добропобедных царей и цариц Архила, Димитрия, Шушаники, Кетевани и Луарсаба; святых ста тысяч мучеников, в Тбилиси от хорезмийцев избиенных; святых шести тысяч мучеников, иноков Гареджийских; святаго праведнаго Илии; святых и праведных родителей Богородицы Иоакима и Анны (и святаго, егоже есть храм); святаго славнаго и добропобеднаго великомученика Георгия Победоносца и всех святых Твоих: молим Тя, многомилостиве Господи, услыши нас, грешных, молящихся Тебе, и помилуй нас.
Лик: Господи, помилуй (12 раз).
Иерей: Милостию, и щедротами, и человеколюбием Единороднаго Сына Твоего, с Нимже благословен еси, со Пресвятым, и Благим, и Животворящим Твоим Духом, ныне и присно и во веки веков.
Лик: Аминь.
Ирмос: Препрославленный отцев наших Бог пещь пламенную отроком угаси, и тии вопияху: Боже, благословен еси.
Святый великомучениче Георгие, моли Бога о нас.
Яко жертву принесл еси душу и тело Христу, блаженне Георгие, множеством мук, и тако вопиял еси: Боже, благословен еси.
Святый великомучениче Георгие, моли Бога о нас.
Проповедник явился еси гонимыя веры, обличитель же тьмы прелести, святый Георгие, и рекл еси: Боже, благословен еси.
Слава Отцу и Сыну и Святому Духу.
Свете неизреченный, Тебе, Отче невидимый, со Словом Твоим и Духом, Троице единосущная, воспеваше святый Георгий: Боже, благословен еси.
И ныне и присно и во веки веков. Аминь.
Возсия нам тобою Солнце незаходимое, облаче светлый, Христос Бог наш, просвещаяй сущия во тьме неведения, Богородице.
Ирмос: Тебе, единому всех Творцу, песнь духовную отроцы вопияху: вся дела, Господа пойте и превозносите Его во веки.
Святый великомучениче Георгие, моли Бога о нас.
Глаголал еси мучителю, царю беззаконному: не служу идолом твоим бездушным, но превозносил еси Христа Бога, блаженне Георгие, во веки.
Святый великомучениче Георгие, моли Бога о нас.
Различными муками лютыми тело твое сокрушиша, мужественне Георгие, Господь же обнови тя, и возопил еси: превознесу Тя, Боже, во веки.
Слава Отцу и Сыну и Святому Духу.
Временную красоту вменил еси яко ничтоже, и страшнаго оного сокрушения не убоялся еси, и глаголал еси твердым духом: превознесу Тя, Боже, во веки.
И ныне и присно и во веки веков. Аминь.
Тобою нас ради воплотивыйся Бог тя, Святую и Всенепорочную, всему роду нашему божественную заступницу показа, Дево; сего ради вернии велегласно воспеваем тя.
Ирмос: Исаие, ликуй: Дева име во чреве и роди Сына безначальнаго Еммануила, Бога же и Человека, Восток имя Ему; Егоже величаем, и Рождшую Его ублажаем.
Святый великомучениче Георгие, моли Бога о нас.
Сияеши светом мученичества, мужественне Георгие, и венцы мученическими украшен пред Богом, светло предстоиши со святыми; о молящих тя не престани ходатайствовати.
Святый великомучениче Георгие, моли Бога о нас.
Всему миру радость сообщает град Лидда, идеже ныне в раце сокровенны суть целебныя мощи твоя и независтно источают милость и благодать истинную.
Слава Отцу и Сыну и Святому Духу.
Дерзновением мученичества твоего, всехвальне Георгие, буди нам теплый ходатай к Богу нашему, да разсеет враги наша безчисленныя и соберет разсеянный народ грузинский.
И ныне и присно и во веки веков. Аминь.
Тя светильником светлым пророк прежде виде, Всенепорочная, имущую Христа, мысленную свещу, Имже просветихомся мы, во тьме страстей лежащии; сего ради ублажаем тя, Богородице Приснодево.
Достойно есть яко воистину блажити тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу тя величаем.
Иерей кадит.
Приидите, веры наследницы, людие православнии, возрадуемся и повсядневно воспоим дивнаго и воистинну мужественнаго мученика, страстотерпца Георгия, яко тепле молящимся ему подает благодать независтно.
О мужественный воине Христа Бога, святый мучениче Георгие! Якоже ты еси заступник и скорый помощник призывающих тя в напастех, и мене от лютых болезней и грехов свободи и исполни мя любве божественныя.
О страстотерпче великомучениче Георгие, иже многажды утолил еси свирепство скорбей, находящих на род наш, и ныне упраздни коварство безчисленных враг наших, иже метаху жребий о достоянии нашем, и живущия в нем сохрани от нашествия иноплеменник и от напастей.
О всехвальный мужественный мучениче! Якоже древле показал еси дивное покровительство твое народу нашему, рано верою возсиявшему, тако и ныне испроси, святе, непоколебимое сохранение церквам, дарование крестом победы народу нашему, и утверждение верным, и возвышение рога их на еретики, мир миру и милость воспевающим тя.
О страстотерпче святый мучениче Георгие, крепкой помощи твоей присно припадающих вручи нас покровительнице народа нашего, Деве Марии, да не будем в поношение и посмеяние язычником и еретиком, но, по обычаю мужей отечества нашего, «Свят» и «Аллилуиа» песньми украсим Троицу нераздельную и неслиянную:
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды)
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Священник: Яко Твое есть Царство…
Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце, грешнии приносим: помилуй нас.
Слава Отцу и Сыну и Святому Духу.
Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне на ны, яко благоутробен, и избави ны от праведнаго гнева Твоего: Ты бо еси Бог наш, и мы людие Твои, вси дела руку Твоею, и имя Твое наречеся на нас; и помилуй нас.
И ныне и присно и во веки веков. Аминь.
Милосердия двери отверзи нам, благословенная Богородице, надеющиися на тя да не погибнем, но да избавимся тобою от сопротивных враг: ты бо еси спасение рода христианскаго.
Иерей: Помилуй нас, Боже, по велицей милости Твоей, молим Ти ся, Человеколюбче, услыши и помилуй.
Лик: Господи, помилуй (Трижды).
Иерей: Еще молимся о милости, жизни, мире, здравии, долгоденствии, спасении, просвещении, прощении, благопоспешении и тишине раба (или рабы) Божия, да сохранит Господь Бог наш царствующий град сей наш и святую обитель сию (или храм сей) и вся грады и веси Иверии от глада, губительства, труса, потопа, огня, меча, нашествия иноплеменников, междоусобныя брани и смертоносныя язвы; да милостив нам будет Бог благостию и человеколюбием Своим, во еже благостояти, и отвратит гнев, на ны повседневно движимый, и избавит нас от праведнаго Своего прещения, на ны належащаго, и помилует нас.
Лик: Господи, помилуй (40 раз).
Иерей: Услыши ны, Боже, Спасителю наш, упование всех концев земли и сущих в мори далече, и милостив, милостив буди о гресех наших, и помилуй ны; милостив бо и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
О благолепием пресветлый, великомучениче Георгие, светило всего мира и храбрый воине Христа Бога, непобедимый поборниче народа грузинскаго и покровителю Церкве нашея, помощниче верных, скорбящих радосте и веселие, пленных избавителю и ходатаю пред Богом всех молящихся и прославляющих тя.
О богувенчанный великомучениче Георгие! Помяни нас пред Богом и блистанием святыни твоея призри на наследие грузинское и на живущий в нем народ наш православный, многажды от нападений насильников стесненный, и утверди его. Покори под ноги христианом противныя враги, видимыя и невидимыя, и якоже споборник был еси при Дидгори боголюбивому царю Давиду и даровал еси «дивную победу» над иноплеменники, тако и ныне ходатайствуй за нас ко Христу и испроси нам, да отвратит гнев, возставший на нас за множество грехов наших, и, яко Лазаря, да воздвигнет отечество наше — Грузию — в первую славу, да не будем попраны пленяющими иноплеменными племены и родами, и да не рекут язычницы: где есть Бог их, на Негоже уповают? Укрепи в служении Святейшаго и Блаженнейшаго Католикоса-Патриарха всея Грузии, Архиепископа Мцхетско-Тбилисскаго и Митрополита Бичвинтскаго и Цхум-Абхазскаго, отца нашего Илию, преосвященных митрополитов, архиепископов и епископов, и весь священнический и монашеский чин, военачальников и градоначальников; многомощною силою твоею укрепи христолюбивое воинство, и благодетелей наших, и всех православных христиан.
О мужественный и в подвизе славный мучениче, святый Георгие! Богопрославленными чудесы и знамении твоими освободи пленныя, исцели немощныя, избави в напастех сущих, спаси плавающих по морю, обрати грешныя и приведи ко Христу Богу, всех приемлющему. Всех мучениколюбцев и прославляющих святое имя твое прослави и душею и телом возвыси, да славы Царствия и великолепнаго сияния Божия сподобимся вси, со Ангелы воспоем, со святыми прославим и, с тобою спасеннии, благословим венчавшаго тя Отца, укрепившаго тя Сына и в тебе глаголавшаго Святаго Духа, Емуже подобает всякая слава, честь и поклонение, ныне и присно и во веки веков. Аминь.
О мучеников и подвижников красото, мое обучение и сияние, сладкий и именем и делом, многоплодное делание Царево, всех праведных украшение, на неверныя враги победоносный великий воине Христа Бога, святый великомучениче Георгие, иже проповедал еси святое и славное имя Его пред цари и князи беззаконными и прещений и мук их не убоялся еси, но приял еси с усердием многоразличными муками чашу мученичества и венец нетления от животворящия десницы Вышняго возложил еси, и ныне на небесех пред престолы Его благодатию Его со Ангелы предстоиши, на земли же знамения и чудеса и преславная дива совершаеши, имже несть числа: прииди ныне и стани посреде нас и щедро раздели восхваляющим и воспевающим тя благодать, милость и оставление грехов, и направи нас на путь мира к вожделенным обителем, в Царство Небесное, о Христе Иисусе Господе нашем, Емуже подобает всяка слава, честь и поклонение со Отцем и Святым Духом, ныне и присно и во веки веков. Аминь.
Иерей: Премудрость!
Пресвятая Богородице, спаси нас.
Лик: Честнейшую херувим и славнейшую без сравнения серафим, без истления Бога Слова рождшую, сущую Богородицу тя величаем.
Иерей: Слава Тебе, Боже наш, слава Тебе.
Лик: Слава Отцу и Сыну и Святому Духу, и ныне и присно и во веки веков. Аминь.
Господи, помилуй (Трижды). Благослови.
Иерей: Христос, истинный Бог наш, молитвами Всенетленныя Своея Матере, святых славных и всехвальных апостол, и святаго великомученика Георгия, и святых праведных богоотец Иоакима и Анны, и всех святых, помилует и спасет нас, яко Благ и Человеколюбец.
Лик: Аминь.
Мирянин: Слава Отцу и Сыну и Святому Духу, и ныне и присно и во веки веков. Аминь.
Господи, помилуй. (Трижды)
Господи Иисусе Христе, Сыне Божий, молитвами Пресвятыя Твоея Матере, святаго великомученика и победоносца Георгия и всех святых, помилуй нас. Аминь.
При целовании иконы его поем сице:
С любовию зряще святую икону твою, Христов воине мужественный, со усердием лобызаем ю и, припадающе, молим тя: о святый великомучениче Георгие, аще и недостойни есмы грехов ради наших, помози нам, яко дерзновение имеяй, и от грехов лютых, и немощей, и от многих сетей вражиих избави с надеждою просящих и воспевающих тя.
Владычице всесветлая Марие, молитвами великомученика Георгия Победоносца исправи дни жития нашего во славу Сына твоего и Бога нашего. Аминь.
Собрала и составила Тинатин Мчедлишвили
