Параклис всем святым Грузинской Апостольской Церкви
Молитвами святых отец наших, Господи Иисусе Христе, Боже наш, помилуй нас. Аминь.
Слава Тебе, Боже наш, слава Тебе!
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас (трижды).
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды)
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.
Господи, помилуй (12 раз).
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.
Слава Отцу и Сыну и Святому Духу, и ныне и присно и во веки веков. Аминь.
Аллилуиа, аллилуиа, аллилуиа, слава Тебе, Боже (трижды).
Бог Господь, и явися нам, благословен Грядый во имя Господне.
Стих 1: Исповедайтеся Господеви, яко благ, яко в век милость Его. Стих 2: Вси языцы обыдоша мя, и именем Господним противляхся им. Стих 3: Не умру, но жив буду и повем дела Господня. Стих 4: Камень, егоже небрегоша зиждущии, сей бысть во главу угла; от Господа бысть сей, и есть дивен во очесех наших. Тропарь всем святым Церкви Грузинской.
Святой Церкви Грузинской за Христа пострадавших, преподобных и богоносных отец, царей и цариц, праведных и всех святых подвигом свет светит всей земли и ведет нас ко обетованному Небесному Царствию; ими молим Тя, Иисусе наш: даруй нам веру, подобную их, и молитвами их сохрани Церковь и отечество наше и даруй душам нашим велию милость.
Слава Отцу и Сыну и Святому Духу.
Тот же тропарь.
И ныне и присно и во веки веков. Аминь.
Не умолчим никогда, Богородице, силы твоя глаголати, недостойнии; аще бы бо ты не предстояла молящи, кто бы нас избавил от толиких бед? Кто же бы сохранил доныне свободны? Не отступим, Владычице, от тебе, твоя бо рабы спасаеши присно от всяких лютых.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов. Песнь 1, ирмос. Песнь 3, ирмос. Прокимен, глас 4. Песнь 4, ирмос. Песнь 5, ирмос. Песнь 6, ирмос. Кондак. Евангелие от Иоанна. Песнь 7, ирмос. Песнь 8, ирмос. Песнь 9, ирмос. Молитва, глаголемая коленопреклоненно. Целование иконы.
Сии на колесницах и сии на конех, людие же Твои милостию Божиею. Разделися море Чермное, спасеся народ израильский, и потопися фараон со всадники, да воспоем Богу, яко прославися.
Вси святии Грузинской Апостольской Церкви, молите Бога о нас.
Укрепляемии благодатию Божиею, святии отцы, мученицы и весь собор святых, победисте немощь естества человеческаго, разрушисте козни бесовския и, подражающе Христу, души своя положисте за други своя; и ныне испросите у Бога помилование нам.
Вси святии Грузинской Апостольской Церкви, молите Бога о нас.
Возлюби народ грузинский учение Христово, от апостол насажденное, от святыя Нины возращенное и от отец утвержденное, и принесе плод тысящный, и кляшеся Христу, глаголя: «Не солжем тебе, святая Мати наша, Кафолическая Церкви, ниже предадим тебе, похвало наша, Православие».
Слава Отцу и Сыну и Святому Духу.
Святии чада Церкве Грузинския, благодатию Святыя Троицы во едино соединеннии, молим вас: даруйте нам вашу теплоту веры, да и мы с вами славим Пресвятую Троицу, Отца и Сына и Святаго Духа.
И ныне и присно и во веки веков. Аминь.
Пресвятая Богородице, родившая Спаса мира, призри на жребий твой, народ, достояние грузин, и сподоби нас, по учению Сына твоего, искати Царствия Божия и правды Его.
Утверждаемый верою святых отец наших, молитвами их хранимый и на подражание им воздвигнутый, народ грузинский величает Тя, Боже, и вопиет Тебе: несть свят, якоже Ты, Человеколюбче.
Вси святии Грузинской Апостольской Церкви, молите Бога о нас.
Предстателей, похвалу, помощников и покровителей нам яви вас Бог, святии, от народа нашего возвышеннии, и молим вас: ходатайствуйте о нас пред Богом, да помилует души наша.
Вси святии Грузинской Апостольской Церкви, молите Бога о нас.
Якоже горы и холмы Грузии подножием церквам и пустыни жилищем святым, тако и плоть вашу сотвористе храмом Святаго Духа, и ныне, пред небесным престолом предстояще, испросите нам велию милость.
Слава Отцу и Сыну и Святому Духу.
Отца и Сына и Святаго Духа уверовасте, яко Единосущную, Нераздельную и Неслиянную Троицу, и завещасте нам верность православию; и мы с вами православно исповедуем Троицу Святую.
И ныне и присно и во веки веков. Аминь.
Обещала еси устами твоими, Пресвятая Богородице, покровительство избранному народу твоему, и мы, благодатию иконы твоея, чрез апостола Андрея нам дарованныя, и святым хитоном твоим хранимии, Материю Божиею и Владычицею нашею исповедуем тя во веки.
Спаси от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри благосердием, всепетая Богородице, на лютое телес наших озлобление и исцели душ наших болезни.
Ходатаи молящих и величающих вас, светила святыя Церкве Иверския, ихже имена написана суть на небесех, память вашу творим днесь купно ко Христу Богу, да молитвами вашими мир миру дарует и народу нашему велию милость.
Ирмос: Ты еси, Христе, Бог наш, Бог отец наших, Ты еси жизнь и похвала наша, просвещаяй тьму мрака и избавляяй от сени смертныя; Тебе поем и глаголем: слава силе Твоей, Человеколюбче.
Вси святии Грузинской Апостольской Церкви, молите Бога о нас.
Верою Христовою очищенное сердце и ум ваш благоуханно и благолепно сотвори житие ваше и принесеся на небесный жертвенник; молим вы, блаженнии, испросите у Бога очищение сердец и умов наших.
Вси святии Грузинской Апостольской Церкви, молите Бога о нас.
Богом прославленнии и от верных почитаемии святии, величаем подвиги и труды ваша и молим вас мы, вси сродницы ваши и уповающии на святыню вашу: испросите и нам сопричтение к лику вашему.
Слава Отцу и Сыну и Святому Духу.
წმიდაო, თანაარსო, ცხოველსმყოფელო და განუყოფელო სამებაო, წმიდად, ცხოველად და განუყოფელად დაგვიცევ ენა, მამული და სარწმუნოება ჩვენი.
И ныне и присно и во веки веков. Аминь.
Со святыми, за правоверие Сына твоего и жребий твоея земли пострадавшими и потрудившимися, и мы многогласным пением величаем тя, нетленно рождшую Бога Слова.
Ирмос: Христе Боже, Свете незаходимый и Просветителю верных Твоих, призри на ны милостию Твоею и во свете заповедей Твоих направи стопы наша, молим Тя.
Вси святии Грузинской Апостольской Церкви, молите Бога о нас.
Радужное блистание подвигов ваших, яко знамение мира, является между нами и Богом; от Негоже испросите нам, блаженнии, мир и просвещение душам нашим.
Вси святии Грузинской Апостольской Церкви, молите Бога о нас.
Со ангелы Господа славящии, святии Божии, испросите и нам мудрость, да елеем добродетелей возжжем светильники веры нашея.
Слава Отцу и Сыну и Святому Духу.
Сотвори и нас едино, якоже вы едино есте, Отче Нерожденный, Сыне от Отца Рожденный и Душе от Отца Исходящий, Троице Святая и Нераздельная.
И ныне и присно и во веки веков. Аминь.
На матернее твое попечение уповаем и покланяемся тебе, Богородице, рекшей, яко ты еси Заступница во очищение грехов наших и Ходатаица наша.
Ирмос: Якоже иногда Иона во чреве китове, тако и мы, во гресех и напастех погружени, призываем Тя: избави нас от лукаваго; к Тебе вопием: услыши нас, Боже, Спасе наш.
Вси святии Грузинской Апостольской Церкви, молите Бога о нас.
Молитвы и труды ваша принесошася пред Богом, яко Мариино у ног Иисусовых седение и Марфино попечение; испросите братиям вашим, во гробе греховнем лежащим, от тления возстание.
Вси святии Грузинской Апостольской Церкви, молите Бога о нас.
Сияете в грузинех, добродетельми блаженнии, жизни нашея ради кровь и пот с радостию обильно пролиявшии, небеснаго безчисленнаго богатства нам испросителие и милостивцы.
Слава Отцу и Сыну и Святому Духу.
Добре скончасте течение ваше, святии, и приясте обетованный венец славы от Христа. И мы, молитвами вашими, от Христа просим милости, Емуже Единому подобает слава, честь и поклонение со Отцем и Святым Духом во веки.
И ныне и присно и во веки веков. Аминь.
Пророками таинственно созерцаемая, апостолами же воистину Богородицею, Всесвятою, Непорочною и Нетленною проповеданная, отцами нашими прославляемая и мучениками возлюбленная, Владычице Марие, моли Сына твоего и Бога нашего помиловати души наша.
Спаси от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри благосердием, всепетая Богородице, на лютое телес наших озлобление и исцели душ наших болезни.
ქრისტეს სარწმუნოებითა განათლებულნო, და მამულისა სიყვარულითა ანთებულნო, რომელთა დაუცხრომელად გვიქადაგეთ წმიდა სამება და აღაშენეთ ეკლესიანი, შემქმნელნო უკვდავთა საგალობელთანო, ჰქმნენით ციხე-სიმაგრენიცა და სისხლი დათხიეთ სარწმუნოებისა, ენისა და მამულისათვის, შეუერთდით ზეცათა მხედრობათა და აწ თქუენითა მეოხებითა დაცულნი და ძღვანებულნი ვითხოვთ: მშვიდობა მომადლეთ ეკლესიასა, ერსა, ქალაქსა და სოფელსა თქვენსა და გვიხსენით ყოვლისაგან ჭირისა ვედრებითა ღვთისმშობელისათა.
Рече Господь: Я свет миру; кто последует за Мною, тот не будет ходить во тьме, но будет иметь свет жизни. Доколе Я в мире, Я свет миру. Придите ко Мне все труждающиеся и обремененные, и Я успокою вас; возьмите иго Мое на себя и научитесь от Меня, ибо Я кроток и смирен сердцем, и найдете покой душам вашим; ибо иго Мое благо, и бремя Мое легко.
Слава Отцу и Сыну и Святому Духу.
Молитвами всех святых Грузинской Апостольской Церкви, Милостиве, очисти множества наших согрешений.
И ныне и присно и во веки веков. Аминь.
Молитвами Пресвятыя Богородицы, Милостиве, очисти множества наших согрешений.
Помилуй мя, Боже, по велицей милости Твоей, и по множеству щедрот Твоих очисти беззаконие мое, и помилуй мя, Боже.
Угодно Тебе подвизашася и кровь пролияша за веру Твою, Христе Боже наш, и ныне, со святыми упокоеннии, чада отечества нашего поют Тебе, и мы с ними глаголем: благословен еси, Боже отец наших, во веки.
Вси святии Грузинской Апостольской Церкви, молите Бога о нас.
Распятие Твое и мы переживаем страшным песнопением, Христе Боже, и сопричастники нас сотвори славному воскресению Твоему, да и мы благословенным языком грузинским и многогласным пением глаголем: благословен еси, Боже отец наших.
Вси святии Грузинской Апостольской Церкви, молите Бога о нас.
Святыми апостолы просвещенный народ грузинский утвердисте житием и паче блаженною кончиною вашею, и ныне молим вас, блаженнии: испросите нам от Бога велию милость.
Слава Отцу и Сыну и Святому Духу.
Достойно величаем и почитаем память всех святых соборов грузинских и купно славим венчавшаго их Отца, укрепившаго их Сына и в них глаголавшаго Святаго Духа.
И ныне и присно и во веки веков. Аминь.
Величаем тя, Богородице, Пренепорочная Дево Марие, яже иконою твоею посла в жребий твой землю апостола Андрея и крестом от виноградной лозы — равноапостольную святую деву Нину и ими божественно просветила еси нас, преблагословенная.
Якоже отроцы пророческим пением пещь халдейскую преидоша, тако и вы, блаженнии, неопальни преидосте множества скорбей и напастей, на потопление Церкве и отечества нашего свирепствовавших, и научисте нас божественному пению: благословите, дела Господня, Господа и превозносите Его во веки.
Вси святии Грузинской Апостольской Церкви, молите Бога о нас.
Освятисте язык грузинский словом Божиим, утучнисте отечество кровию и потом, сохранисте нам веру непорочну и, сияюще святостию, правдою, разумом, премудростию и мужеством, превозносите Бога во веки.
Вси святии Грузинской Апостольской Церкви, молите Бога о нас.
Что повемы от подвигов ваших, о богопрославленнии: молитвы ли, посты ли, терпения ли, смирения ли, мужества ли или премудрости? Како постигнем, блаженнии, кровь, за Христа пролиянную, и души, за нас положенныя? Но приимите малую сию лепту и испросите у Бога помилование нам.
Слава Отцу и Сыну и Святому Духу.
Веруем, якоже вероваша отцы наши, в Пресвятую Троицу, Нераздельную, Неслиянную и Неизреченную; уповаем на Отца, молимся Сыну и, Духом Святым утверждаеми, глаголем божественную сию песнь: аллилуиа.
И ныне и присно и во веки веков. Аминь.
Благоволила еси икону твою кровоточивую, от беззаконных копием прободенную, повелети во обитель Иверскую и тамо обещала еси нам покровительство присносущное; уповаем, Мати Божия, на твою державу.
Егда Бог тобою человеком явися, ужаснушася небо и земля; Сын завеща тебе наше сыноположение, исповедуем тя Материю и глаголем реченное отцами нашими хваление: Богородицу, Матерь Света, в песнех возвеличим.
Вси святии Грузинской Апостольской Церкви, молите Бога о нас.
ვითარცა ბრძანა უგვირგვინომან მეფემან ჩვენმან ილია, ქრისტე ჯვარს ეცვა ქვეყნისათვის, საქართველო კი ქრისტესთვის, აღსდეგ, მაცხოვარ, განაბნიენ მტერნი და აღადგინე ერი შენი გალობად შენდა.
Вси святии Грузинской Апостольской Церкви, молите Бога о нас.
Знамении, чудесы и огнем божественным прославляется святый гроб Твой, Христе Боже наш, а место хитона Твоего божественнаго — боголучезарным Животворящим Столпом; молим Тя, Господи, утверди веру нашу.
Слава Отцу и Сыну и Святому Духу.
Троице Святая, вознеси рог Церкве Иверския днесь непоколебимо, на непоколебимем краеугольнем камени созданныя, и молитвами святых укрепи нас.
И ныне и присно и во веки веков. Аминь.
შეგვკრიბე უფალო, განბნეული ერი ქართველთა და ხელითა ყოვლადუბიწოსა დედისა შენისა ღვთისმშობლისათა გამოგვაცხვე წმიდა პურად და ტარიგად შენდა.
Достойно есть яко воистину блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Святии славнии пророцы, уготовавшии землю прияти воплощенное Слово Божие, и святии всехвальнии апостоли, сеятели слова Божия, с жнущими возрадовавшиися, от вас созерцаемаго и возлюбленнаго Иисуса молите помиловати нас.
Служителей слова Божия споспешнице и проповеди их исправление, пленных избавительнице, блаженная деве Нино, просветительнице грузин, научившая царя Мириана и царицу Нану и весь народ наш поклонению Святей Троице и ими и нас просветившая, молим тя, не престай молитися о нас.
Грехов наших поручницы, святии отцы, простите нам, елика согрешихом в мире сем волею и неволею, помолитеся о нас, благословите нас и избавите от всех искушений.
Святии мученицы, молим вас, даруйте нам свет святаго сияния вашего и радости вашей Иисуса молите помиловати нас в час разлучения души нашея и во страшное второе пришествие Его, молитвами Богородицы.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, избави и освободи нас от грехов наших; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.
Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце, грешнии приносим: помилуй нас.
Слава Отцу и Сыну и Святому Духу.
Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне на ны, яко благоутробен, и избави ны от праведнаго гнева Твоего: Ты бо еси Бог наш, и мы людие Твои, вси дела руку Твоею, и имя Твое наречеся на нас; и помилуй нас.
И ныне и присно и во веки веков. Аминь.
Милосердия двери отверзи нам, благословенная Богородице, надеющиися на тя да не погибнем, но да избавимся тобою от сопротивных враг: ты бо еси спасение рода христианскаго.
ჰოი, ყოვლადწმიდაო ღმრთისმშობელო მარიამ, შესავედრებელო ყოველთა ქრისტიანეთაო და მეოხო ურცხვენელო, გევედრებით ჩვენ უღირსნი ესე შვილნი შენნი, კადნიერნი სიტყვითა შენითა, რამეთუ მტრად შენდა შერაცხე მტერი ქართველთა, გვიხსენ გარემოდგომილებისაგან ბოროტისა, უცხო თესლთაგან ძალად თავსმოხვეული უწესოებისა მძლავრობისაგან, წილხვდომილისა მიწისა შენისა მიტაცების სურვილით განბოროტებულთა მომხვდურთა, ცხვრის ქურქში გახვეულ მგელთა - მწვალებელთაგან და ყოვლისაგან ბოროტისა.
О, святии апостоли, земли нашей вверенныя, и дары Святаго Духа, яко огненными языки на вас сошедшаго, на языце грузинском боголепно глаголавшии; святая равноапостольная деве Нино, просветительнице грузин; святии кормчии Грузинской Апостольской Церкви, преподобнии и богоноснии отцы, мученицы, исповедницы, преподобнии и богоноснии отцы, мученицы, исповедницы, праведнии, безсребреницы, юродивии и вси святии Грузинской Апостольской Церкви, иже болезновасте о болезни народа и язвам нашим пластыри неизменнии, иже от Пресвятыя Богородицы дерзновенно благословение испросивший и дар добраго глаголания языком грузинским свыше приимшии, на чужбине подвизавшиися и честь земную оставльшии, автокефалию Грузинской Церкви добре утвердившии и богословскою премудростию всех удививший, пустыни градом сотворшии и разселины каменныя, пропасти земныя и места поносная во святыню претворшии.
О, со ралом святыя плащаницы и сосуды носившии, преложением книг и немолчною молитвою в свещу претворшиися, трудом подвижническим изнуреннии и жизни нашея ради божественно возжженнии светильницы неугасимии! Молим вас: возвеличите святую родительницу и воспитательницу вашу, Грузинскую Апостольскую Церковь, и кормчаго ея, Святейшаго и Блаженнейшаго Католикоса-Патриарха всея Грузии, Архиепископа Мцхетско-Тбилисскаго и Митрополита Бичвинтскаго и Цхум-Абхазскаго, великаго господина отца нашего Илию, и преосвященных митрополитов, архиепископов и епископов (здесь поминается архиерей епархии), и весь священнический и монашеский чин; просветите богохранимый народ наш, христолюбивыя власти и воинство его, и всех православных христиан помилуй великою Твоею милостию; не оставите нас, недостойных чад ваших, молите Бога, да простит нам отступления, разорение церквей и убиение служителей Божиих, предательство, зависть и безчиния, убиение во чреве чад наших и иныя многия, ихже и глаголати срамно есть, дела, и множество вольных и невольных согрешений наших.
Молите Бога, да простит нам гонения и убиения святых и праведных и последующее горделивое воздвижение им памятников, притворное благочестие и неподобныя пиршества, беззаконное пристрастие к зелию, прелюбодеяния, татьбы, грабежи и разбои и, вместо святаго жития предков наших на чужбине, посрамление имени народа.
Даруйте нам вашу теплоту веры и любовь к отечеству, послушание наставником и безропотное ношение крестов наших.
Возстави нам благочестие, многочадие, иночество и попечение о вдовицах и сиротах.
Упокой души усопших предков и родителей наших и не помяни грехов братий и сестер наших, во юности и неведении скончавшихся.
Даруй женам житие по закону, благо воспитати даждь нам чада наша, Богом дарованная, и умири сердца наша, волнами мира поколебанная и оскверненная.
Даруй нам любовь ко святому житию, ненависть к делам непотребным и покаяние, на небо возводящее, венчание со святыми и вселение в Царство Небесное, да и мы со святыми славим Отца и Сына и Святаго Духа, ныне и присно и во веки веков. Аминь.
Молитвы всякаго вернаго слышащии и паче прошения народа вашего исполняющии, отцы, мученицы и вси святии, испросите у Всемилостиваго Бога, да нас, духовных и по плоти чад ваших, покрыет от лукаваго, и, памятию вашею веселящиися и лобызанием икон ваших укрепляемии, да подражаем делом веры вашея и, зряще добрая дела ваша, прославляем Отца нашего, Иже на небесех, всегда, ныне и присно и во веки веков. Аминь.
