Молебный параклис святым пророкам
Молитвами святых отец наших, Господи Иисусе Христе, Боже наш, помилуй нас.
Слава Тебе, Боже наш, слава Тебе!
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, избави и освободи нас от грехов наших; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.
Господи, помилуй (12 раз).
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.
Слава Отцу и Сыну и Святому Духу, и ныне и присно и во веки веков. Аминь. Тропарь, глас 4.
Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже наш, слава Тебе.
Бог Господь, и явися нам, благословен Грядый во имя Господне. Стих 1: Исповедайтеся Господеви, яко благ, яко в век милость Его. Стих 2: Вси языцы обыдоша мя, и именем Господним противляхся им. Стих 3: Не умру, но жив буду и повем дела Господня. Стих 4: Камень, егоже небрегоша зиждущии, сей бысть во главу угла; от Господа бысть сей и есть дивен во очесех наших.
Пророка Твоего (имя), Господи, память празднуем, того молитвами, Христе Боже, спаси души наша.
Слава Отцу и Сыну и Святому Духу.
Тот же тропарь.
И ныне и присно и во веки веков. Аминь.
Не умолчим никогда, Богородице, силы твоя глаголати, недостойнии; аще бы бо ты не предстояла молящи, кто бы нас избавил от толиких бед? Кто же бы сохранил доныне свободны? Не отступим, Владычице, от тебе, твоя бо рабы спасаеши присно от всяких лютых. Песнь 1, ирмос. Песнь 3, ирмос.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Ирмос: Богу, спасшему древле люди от моря и потопившему фараона сопротивнаго, Тому единому поим, яко прославися.
Святый пророче (имя), моли Бога о нас.
Был еси Духом Святым просвещен, преславный пророче (имя), и радуется душа твоя во славе; молим тя, ходатай буди и о нас пред Богом.
Святый пророче (имя), моли Бога о нас.
Проповедниче истины, пророчество твое истинный Христос Бог утверди и тя прослави; Того моли, блаженне, о помиловании нас.
Слава Отцу и Сыну и Святому Духу.
О преславный пророче (имя), блистанием Святаго Духа осиянный, Того Благаго моли просветити и нас.
И ныне и присно и во веки веков. Аминь.
Мудрая Дево и пресветлая Марие, от пророк предвозвещенная и от нас покланяемая, молим тя, помилуй нас.
Ирмос: Утверди, Господи, ум наш светом оным невечерним, да величаю Тя, Бога, во веки.
Святый пророче (имя), моли Бога о нас.
Осанна и аллилуиа поеши Господу Саваофу, святый пророче (имя), во славу Божию; ходатай буди о помиловании нас.
Святый пророче (имя), моли Бога о нас.
Преславный пророче (имя), славы Божия зрителю, молитвою твоею сподоби и нас видети славу Его.
Слава Отцу и Сыну и Святому Духу.
Светлый и пресветлый, духом будущая зрящий, моли Бога озарити души наша.
И ныне и присно и во веки веков. Аминь.
Надеждо патриархов, похвало пророков и радосте христиан, Марие, молим тя: милостива буди к нам, нищим.
Спаси от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, Всепетая Богородице, и тел наших лютыя язвы исцели и душ наших болезни.
Иерей: Помилуй нас, Боже… с возгласом.
Седален. Глас 4. Песнь 4, ирмос. Песнь 5, ирмос. Песнь 6, ирмос.
Ходатай буди о нас, преславный пророче (имя), пред Пресвятою Троицею просвещенный и, со Ангелы соединився, трисвято поеши Богу и с силами вопиеши: Аллилуиа.
Ирмос: Услышах слух Твой и убояхся, разумех дела Твоя и удивихся, и прославих Тя, Христе.
Святый пророче (имя), моли Бога о нас.
Славословие твое приемлется пред Богом, яко кадило; и о нас принеси молитву святую, молим тя, блаженне.
Святый пророче (имя), моли Бога о нас.
Радуется душа твоя пред Святою Троицею, пророче (имя); испроси и нам сподобитися радости безконечныя.
Слава Отцу и Сыну и Святому Духу.
Великия славы и великолепия Божия зритель был еси, блаженне; припадающе молим тя: помяни и нас пред Ним.
И ныне и присно и во веки веков. Аминь.
Еммануилова Мати Марие, от пророк проповеданная, рожденнаго от тебе Христа Бога моли о помиловании нас.
Ирмос: Утренюю к Тебе, истинному Востоку, возсиявшему от Отца во просвещение концев мира сиянием.
Святый пророче (имя), моли Бога о нас.
Сиянием Пресвятыя Троицы просвещенный пророче (имя), тьму грехов наших просвети святынею твоею, молим тя.
Святый пророче (имя), моли Бога о нас.
Поеши со Ангелы Господу Саваофу и приносиши плод устен; неплодную душу нашу плодоносну сотвори святыми молитвами твоими.
Слава Отцу и Сыну и Святому Духу.
Молитва твоя, пророче (имя), приемлется пред Богом, яко жертва тучная; молитвою твоею и о нас милость сотвори, молим тя.
И ныне и присно и во веки веков. Аминь.
Иисуса Сладчайшаго Родительнице, Дево Марие, с пророки и ты помолися о нас, нищих, да сподобимся сладости Сына твоего.
Ирмос: Вселение Ионы во глубине прообразоваше естество наше во аде, от негоже избави нас, Многомилостиве.
Святый пророче (имя), моли Бога о нас.
Прежде умудри тя Дух Святый, вселився в тя, пророче (имя); милость Божию излий на ны, молим тя усердно.
Святый пророче (имя), моли Бога о нас.
Во Израили сиял еси добродетелию, блаженне; и о новом Израили подвизайся, да внидет в небесный Иерусалим.
Слава Отцу и Сыну и Святому Духу.
Столп света был еси, пророче (имя), в роде израильстем; буди свет светлый и души нашей, молим тя.
И ныне и присно и во веки веков. Аминь.
От Ангел радостно приветствуемая, от пророк прославляемая Марие, пение ангельское даждь услышати рабом твоим, Владычице.
Спаси от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, всепетая Богородице, и исцели лютыя язвы телес наших и недуги души нашея. Глас 4. Прокимен пред Евангелием… Евангелие от Матфея. Песнь 7, ирмос. Песнь 8, ирмос. Песнь 9, ирмос.
И кондак того пророка или сей общий кондак:
Просветися Духом Святым сердце твое, пророчества бысть приятелище светлейшее: зриши бо, яко настоящая, будущая; сего ради чтим тя, пророче (имя) преславне.
Иерей: Вонмем. Премудрость.
Ты иерей во век по чину Мелхиседекову.
Стих: Моисей и Аарон во иереех Его.
Иерей: Господу помолимся. Яко свят еси, Боже наш… Всякое дыхание да хвалит Господа… И о сподобитися нам… Премудрость, прости.
Рече Господь Своим учеником: кто принимает вас, принимает Меня, а кто принимает Меня, принимает Пославшаго Меня; кто принимает пророка, во имя пророка, получит награду пророка; и кто принимает праведника, во имя праведника, получит награду праведника. И кто напоит одного из малых сих только чашею холодной воды, во имя ученика, истинно говорю вам, не потеряет награды своей.
Слава Отцу и Сыну и Святому Духу.
Молитвами святаго пророка (имя), Милостиве, очисти множества наших согрешений.
И ныне и присно и во веки веков. Аминь.
Молитвами святыя Богородицы, Милостиве, очисти множества наших согрешений.
Помилуй мя, Боже, по велицей милости Твоей, и по множеству щедрот Твоих очисти беззаконие мое, и помилуй мя, Боже.
Стихира: Не презри, благий Господи, моления нас, молящих пророка (имя), но молитвами его приими усердное пение наше и даруй нам мзду пророков, да сподобимся славу Твою видети и с ними пети: Аллилуиа.
Иерей: Спаси, Боже… с возгласом.
Ирмос: Трие отроцы в Вавилоне Троице уподобишася и угасиша ярость пещи оныя и песнию глаголаху: благословен еси, Господи Боже отец наших.
Святый пророче (имя), моли Бога о нас.
Троице Пресвятей, яко серафими, трисвято поеши, пророче (имя), и глаголеши: благословен еси, Господи Боже отец наших.
Святый пророче (имя), моли Бога о нас.
Во Святая Святых, в Царствии Небеснем, радуешися, пророче (имя), и поеши Богу отец наших; молим тя, помяни и нас, святе Божий.
Слава Отцу и Сыну и Святому Духу.
Во Ангелех просвещенный, славиши Господа Саваофа; ангельское житие даруй нам, да славим Господа Бога отец наших.
И ныне и присно и во веки веков. Аминь.
Юже лицы пророческия хвалят, Дево Марие, тебе молим, роди христианстии: помилуй нас, Владычице, благословенная в женах.
Ирмос: Иже во образе Ангела во огни явлением отроки от пещи избавльшаго, благословите, вся дела Господня, Господа.
Святый пророче (имя), моли Бога о нас.
Силою Святаго Духа просвещенный пророче (имя), благодать молитвы твоея излий на ны, да, благодатию облечени, хвалим Господа.
Святый пророче (имя), моли Бога о нас.
Эфира пресветлейший духом, преславный пророче (имя), моли Бога о всех нас, да, спасени, купно поем Господа.
Слава Отцу и Сыну и Святому Духу.
Сладкий и вожделенный, боголепно пресветлый духом, сладостно умилостиви о нас Бога, да вси превозносим Господа.
И ныне и присно и во веки веков. Аминь.
Всесвятая Богородице, лик пророческий литийно молит тя о нас, верных, да вси спасемся и славим Господа.
Богородицу и Деву пребывшую, Матерь Света, возвеличим.
Святый пророче (имя), моли Бога о нас.
Величаем память твою, пророче, и молим святыню твою: ходатай буди о нас.
Святый пророче (имя), моли Бога о нас.
Единым гласом вопием к тебе, (имя), и вси купно молим тя: помяни нас.
Слава Отцу и Сыну и Святому Духу.
Молитвою и пением поем тебе, пророче, и умиленно молим тя: помолися о нас.
И ныне и присно и во веки веков. Аминь.
Услыши усердную молитву нашу, Дево, и молитвами пророков помилуй нас, Владычице.
Достойно есть яко воистину блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Иерей кадит.
Вышший небесных сводов, преславный пророче (имя), Господа Вседержителя моли о нас, недостойных рабех, да и мы с тобою воспоем Царю сладчайшему.
Молим тя, нищии духом и омраченнии умом: просвети нас, пророче, сиянием святыни твоея, и благословим Благаго Бога.
Прозревый грядущее смотрение Божие, преславне (имя), молим тя: пред грядущим судити Господем ходатай буди, да избавимся от мук вечных.
Егда поставится судилище Божие и огнь пред Ним потечет, тогда умилостиви о нас праведнаго Судию Господа, и да сподобимся славы вечныя.
Владычице Марие, егда приидет Сын твой судити всему миру, тогда ходатаица буди о нас, грешных, да с пророки и всеми святыми славим Бога во веки.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, избави и освободи нас от грехов наших; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.
Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце, грешнии приносим: помилуй нас.
Слава Отцу и Сыну и Святому Духу.
Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне на ны, яко благоутробен, и избави ны от праведнаго гнева Твоего: Ты бо еси Бог наш, и мы людие Твои, вси дела руку Твоею, и имя Твое наречеся на нас; и помилуй нас.
И ныне и присно и во веки веков. Аминь.
Милосердия двери отверзи нам, благословенная Богородице, надеющиися на тя да не погибнем, но да избавимся тобою от сопротивных враг: ты бо еси спасение рода христианскаго. Молитва, коленопреклонно глаголемая
Господи, помилуй (12 раз).
Иерей: Помилуй нас и услыши нас, Боже.
О преславный пророче (имя), от Бога просвещенный, от Ангел хвалимый, от Церкве почитаемый, от верных покланяемый, от христиан с надеждою ублажаемый, молитвою твоею многая чудеса творяй и знамении и чудесы просиявый!
О всехвальный и преславный пророче (имя), святою молитвою твоею прослави славящий Бога народ наш и державу его, Святейшаго и Блаженнейшаго Католикоса-Патриарха всея Грузии, Архиепископа Мцхетско-Тбилисскаго и Митрополита Бичвинтскаго и Цхум-Абхазскаго, отца нашего Илию, святейшия вселенския православныя патриархи, преосвященныя митрополиты, архиепископы и епископы и весь священный и монашеский чин.
Просвети боголюбивыя правители и христолюбивое воинство и всех православных христиан. Моли проповеданнаго тобою Бога, да дарует земли мир, церквам славу и душам нашим велию милость.
О всечестный пророче (имя), проповедниче истины, испроси нам от истиннаго и всемилостиваго Бога, да дарует земли мир, благорастворение воздухов, изобилие плодов, дешевизну брашен, алчущих напитание, скудных утешение и всех исполнение, душам же нашим да дарует Царство Небесное, в недрех Авраамовых упокоение, с патриархи водворение, с пророки соединение и ангельское присно Богу пение, благодарение и благословение, яко Тому подобает всякая слава, честь и поклонение от века, ныне и присно и во веки веков.
Достойно есть яко воистину блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Слава Отцу и Сыну и Святому Духу, и ныне и присно и во веки веков. Аминь.
Господи, помилуй. (Трижды)
Господи Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых Твоих, помилуй нас. Аминь.
При целовании же иконы его поем сие:
Вся реченная тобою истинна суть, пророче (имя), яко сокровенное таинство, яко явное, видел еси и грядущее известно ведал еси; темже, дерзновение имея пред Богом, Того моли, блаженне, да исполнит прошение наше, и да сподобимся вечнаго блаженства и славим Господа во веки.
Владычице, призри на моление рабов твоих и молитвами пророков сподоби нас безконечныя небесныя славы.
