Молебный параклис Пресвятой Троице
Молитвами святых отец наших, Господи Иисусе Христе, Боже наш, помилуй нас.
Слава Тебе, Боже наш, слава Тебе!
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, избави и освободи нас от грехов наших; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.
Господи, помилуй (12 раз).
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.
Слава Отцу и Сыну и Святому Духу, и ныне и присно и во веки веков. Аминь.
Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже наш, слава Тебе.
Бог Господь, и явися нам, благословен Грядый во имя Господне. Стих 1: Исповедайтеся Господеви, яко благ, яко в век милость Его. Стих 2: Вси языцы обыдоша мя, и именем Господним противляхся им. Стих 3: Не умру, но жив буду и повем дела Господня. Стих 4: Камень, егоже небрегоша зиждущии, сей бысть во главу угла; от Господа бысть сей и есть дивен во очесех наших. Тропарь, глас 8
Благословен еси, Христе Боже наш, иже премудры ловцы явлей, низпослав им Духа Святаго, и теми уловлей вселенную, Человеколюбче, слава Тебе.
Слава Отцу и Сыну и Святому Духу. (Тот же тропарь)
И ныне и присно и во веки веков. Аминь.
Не умолчим никогда, Богородице, силы твоя глаголати, недостойнии; аще бы бо ты не предстояла молящи, кто бы нас избавил от толиких бед? Кто же бы сохранил доныне свободны? Не отступим, Владычице, от тебе, твоя бо рабы спасаеши присно от всяких лютых. Песнь 1, ирмос. Песнь 3, ирмос.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
От работы горькия избавлен, Израиль прейде землю непроходимую и, видев враги своя потопляемы, песнию пояше Богу чудотворящему, яко прославися.
Пресвятая Троице, помилуй нас.
Едино Божество, и едина сила, и господство, и безконечное Царство имаши, Святая Троице; сего ради молим Тя, недостойнии, и трисвятым гласом вопием: свят еси, Господи!
Пресвятая Троице, помилуй нас.
Просветитеся днесь, поклонницы Триипостаснаго единаго естеством Бога, имже Христос благостию дарова свет избавления и подаде нам благодать Духом Божественным.
Слава Отцу и Сыну и Святому Духу.
Нераздельное естество, православнии, богословим: Бога Отца безначальна, такожде и Слово Зиждителя, и Духа Святаго, вопиюще: благословен еси, Господи, от века и до века.
И ныне и присно и во веки веков. Аминь.
Храм еси ты, Богородице Дево, нашествием на тя благодати Святаго Духа, егда подадеся тебе сила свыше, Святая, и родила еси ипостасно Слово Безначальное.
Равночестный Отцу и Сыну Дух, Егоже власть дана есть, от Отца исходящий неизреченно, ловцы умудряет Духом и обетования Христова исполняет.
Пресвятая Троице, помилуй нас.
Нам, верным, дадеся премудрость, и исповедуем днесь Триипостаснаго Бога, естеством неизследимаго, и со Ангелы покланяемся Отцу, Сыну и Святому Духу, Троице Единосущней Нераздельней вопием, Богу и Господу веков.
Пресвятая Троице, помилуй нас.
Преестественную познахом мы, вернии, ныне силу Святыя Троицы и исповедуем единосущие Отца и Сына и Святаго Духа верою и глаголем: отцев наших Боже, благословен еси присно.
Слава Отцу и Сыну и Святому Духу.
Троица Святая, неописанная, Единосущная, Божественне неизреченная, в Трех Ипостасех научи нас, верных, исповедати, Ейже поклоняемся верою ныне и во веки.
И ныне и присно и во веки веков. Аминь.
Колеснице светлая, светом облеченная, Света жилище, преблаженная Дево, херувим вышшая и серафим честнейшая, Владычице Марие, Бога на руку носившая, сего ради вси тебе поем, Пренепорочная.
Спаси от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, Всепетая Богородице, и тел наших лютыя язвы исцели и душ наших болезни.
Иерей: Помилуй нас, Боже… с возгласом. Седален, глас 8. Песнь 4, ирмос. Песнь 5, ирмос. Песнь 6, ирмос.
Радости Спасовы исполнившиися апостоли, иже страстем Его подражасте и дерзновение к Нему стяжасте, прежде страхом одержими бывше, ныне приясте Духа Святаго, сошедшаго днесь на вы, и иными языки глаголати вам даровавшаго к народу; и посла вас Дух Святый на языки, яко огнь, не опаляющ, но паче источающ благодать Святаго Духа.
Прежде век от Отца рожденному нетленно Сыну и в последняя от Девы воплощенному безсеменно Христу Богу возопиим: вознесый рог наш, свят еси, Господи.
Пресвятая Троице, помилуй нас.
Троице Святая, Создательнице созданий, без труда Делательнице и Спасительнице православных, посрами нападающия на ны еретики, и мы возопиим: благословен еси.
Пресвятая Троице, помилуй нас.
Троицу Несозданную, вся существа мгновенно Создавшую, Существо непреложное и неописанное, во едином Божестве познаваемое и во едином Существе славимое, Едину, исповедахом мы, вернии, и благословим Ю.
Слава Отцу и Сыну и Святому Духу.
Ты, Троице, Божеством Непостижимая, даруй нам благодать Твою, чтущим Тя, да сподобимся верою исповедати Божество Твое и, просвещени, песньми величаем Тя.
И ныне и присно и во веки веков. Аминь.
Ты еси дверь мысленная, юже светом нарицаем, Божия Мати, и роди Христа из тебе, и украси весь мир Божественными блистаньми, и поживе видимо в нашем образе невидимый Бог, Емуже поем: слава силе Твоей, Господи.
Бог сый мира, Отец щедрот, великаго совета Твоего Ангела, мир подавающа, послал еси нам; тем богоразумия к свету наставльшеся, от нощи утреннююще, славословим Тя, Человеколюбче.
Пресвятая Троице, помилуй нас.
Троице Святая, вознеси рог Церкве днесь непреклонно, паче естества, на высоте веры Твоея, основании непоколебимом, и в ней утверди.
Пресвятая Троице, помилуй нас.
Тако познаем мы истиннаго Бога, естеством Единосущна, свойствы же Триипостасна, совершенне нарицается Трисолнечное едино сияние, едина держава, едино господство, едино Царство — Троица Святая.
Слава Отцу и Сыну и Святому Духу.
Единосущное научаемое, Триипостасное познаваемое естество Троицы, едину силу, едину власть, нераздельное Царство безплотнии трисвятою песнию вопиют: свят, свят, свят Господь, Царь невидимый Саваоф, исполнь небо и земля славы Его.
И ныне и присно и во веки веков. Аминь.
Клятву праматере Евы разрешила еси рождеством твоим, Дево, мира радосте и мира Подательнице, яко тобою возсия Христос Избавитель наш; сего ради с радостию «радуйся» приносим тебе, Богородице, и похвалами ублажаем тя, Пречистая.
Иону древле поглощенна зверем тлетворным изверже нетленна, и во чреве Девы Слово Божие воплотися и Рождшую Его сохрани нетленну; естества же пременив, якоже восхоте, спасе нас.
Пресвятая Троице, помилуй нас.
Преестественная всех естеств, Едина и Исполнение всех сущих, Вина всех благих, Триипостасная познаваемая, Боже Отче Родителю, Сыне Рожденный и Душе Животворящий, спаси вернии Твоя.
Пресвятая Троице, помилуй нас.
Слава, слава, слава Тебе, Отче, Сыне и Душе Святый, едино Единство, едино Господство и Власть, Егоже праведно и свято имя.
Слава Отцу и Сыну и Святому Духу.
Троице Триипостасная, Единосущием славимая, Тобою просвещеннии свет Твой присносущный утвердиша, исповедати и хвалити Тя, Отца и Сына и Святаго Духа, Бога нашего, во веки.
И ныне и присно и во веки веков. Аминь.
Весь лик пророческий, от Бога умудренный, предвозвещаше таинства твоя неизреченная и воплощение Бога Слова тобою, Богородице Дево, яко ты еси воистинну сияние мира и похвала наша.
Спаси от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, всепетая Богородице, и исцели лютыя язвы телес наших и недуги души нашея. Кондак, глас 8. Евангелие от Иоанна. Песнь 7, ирмос. Песнь 8, ирмос. Песнь 9, ирмос.
Господи, помилуй. (Трижды)
Егда снизшед языки слия, разделяше языки Вышний; егда же огненныя языки раздаяше, в соединение вся призва, и согласно славим Всесвятаго Духа.
Иерей: Вонмем. Премудрость.
Прокимен пред Евангелием:
Дух Твой Благий наставит мя на землю праву.
Стих:
Господи, услыши молитву мою, внуши моление мое.
Иерей: Господу помолимся. Яко свят еси, Боже наш… Всякое дыхание… И о сподобитися нам… Премудрость, прости, услышим святаго Евангелия…
В тот же первый день недели вечером, когда двери дома, где собирались ученики Его, были заперты из опасения от Иудеев, пришел Иисус, и стал посреди, и говорит им: мир вам! Сказав это, Он показал им руки и ноги и ребра Свои. Ученики обрадовались, увидев Господа. Иисус же сказал им вторично: мир вам! как послал Меня Отец, так и Я посылаю вас. Сказав это, дунул, и говорит им: примите Духа Святаго. Кому простите грехи, тому простятся; на ком оставите, на том останутся.
Слава Отцу и Сыну и Святому Духу.
Молитвами Богородицы, Милостиве, очисти множества наших согрешений.
И ныне и присно и во веки веков. Аминь.
Молитвами Богородицы, Милостиве, очисти множества наших согрешений.
Помилуй мя, Боже, по велицей милости Твоей, и по множеству щедрот Твоих очисти беззаконие мое, и помилуй мя, Боже.
Скорый, тихий и безмятежный мир даруй рабом Твоим, Иисусе, Боже наш, в скорби и унынии душ наших; но помози нам, приближися и руку простри, якоже присно был еси со учениками Твоими, Избавителю; тако и, Благий, желающим Тебе сим совокупи Себе, да, соединени Тебе, славословим Тя и со страхом славим Всесвятаго Духа.
Иерей: Спаси, Боже, люди Твоя… с возгласом.
Отроцы, благочестию совоспитани, злочестиваго веления небрегше, огненнаго прещения не убояшася, но посреди пламене стояще пояху: отцев Боже, благословен еси.
Пресвятая Троице, помилуй нас.
Приидите, вернии, Божеству Троице, Единосущней, славимей, существом непостижимей, Сыну Рожденному безначально и Духу Святому, соприсносущному, отроцы, благословите, священницы, воспойте, людие, превозносите Ю во веки.
Пресвятая Троице, помилуй нас.
Явися верным Троица, превысшая всякаго естества человеческаго: Отец с небесе свидетельствоваше о Сыне возлюбленнем, и Дух Святый видеся во образе голубине сходящ, Егоже благословим мы и превозносим во веки.
Слава Отцу и Сыну и Святому Духу.
Тя, Боже наш, от Бога исшедшаго, видехом воплощенна, и Тобою видехом Отца Твоего, невидимаго Бога, единосущна со Святым Духом, и глаголахом: благословите, вся дела Господня, Господа.
И ныне и присно и во веки веков. Аминь.
Образ рождества твоего изобразиша трие отроцы в пещи вавилонстей, иже во огни сохранени быша; ты же, Богородице, огнь Божественный во чреве носила еси и неопалима сохранилася еси, яко возсия тобою отцев наших Бог.
Чуда преестественнаго росоносная изобрази пещь образ: не бо яже прият палит юныя, яко ниже огнь Божества Девы, вонюже вниде утробу. Темже воспевающе воспоим: да благословит тварь вся Господа и превозносит во вся веки.
Пресвятая Троице, помилуй нас.
Исповедуем, вернии, в Трех Лицех Святую Троицу, безначальнаго Бога, естеством единаго нераздельно, и православно покланяемся и верою сице вопием: вся дела Господня, пойте Господа и превозносите Его во веки.
Пресвятая Троице, помилуй нас.
Слово безлетное, едино безначальное, со единым безначальным Отцем Божественный Свет истинный, соцарствующее Духу Святому, единосущно познаваемое, исповедахом вернии, и покланяемся, и превозносим Его во веки.
Слава Отцу и Сыну и Святому Духу.
Духа Святаго Божия, непостижимаго, единосущнаго Отцу и соцарствующаго Сыну, Иже есть образ силы, Творца, Иже ношашеся верху воды, Иже явися во образе голубине со Отцем и Сыном, благословим, вернии, едино Божество, и превозносим во веки.
И ныне и присно и во веки веков. Аминь.
Кто не удивится о благодати, тобою дарованней? Безначальное Слово, нас ради нищету восприявшее, богатое милостию, родися от Девы Святыя; сего ради пением поем и благословим Тя, вся тварь, во веки.
Радуйся, Святая Владычице, жен слава, дев красото, яко не можем глаголати достойно хвалы рождества твоего; сего ради верою величаем тя.
Пресвятая Троице, помилуй нас.
Существо Божества, непреложное и неизследимое свойствы, Триипостасное исповедуем мы, вернии, верою: Отца с Сыном и Святым Духом, неизреченно превознесенную Троицу Пресвятую, во едином Божестве хвалимую, богословно воспеваем и глаголем: благословите, вся дела Господня, Господа, пойте и превозносите Его во веки.
Пресвятая Троице, помилуй нас.
Безплотных небесных чини непрестанно хвалят Святую Троицу и глаголют: свят, свят, свят, Святая Троица, Божеством равная; и мы, недостойнии, с ними правым исповеданием по силе со страхом славим.
Слава Отцу и Сыну и Святому Духу.
Отца безначальнаго хвалим, Сына безначальнаго воспеваем, Духу Святому, во едином Божестве славимому, покланяемся мы; Троицу Единобожественную, вернии, купно с небесными чинми воспоим и благословим во веки.
И ныне и присно и во веки веков. Аминь.
Невесто Божия, Пренепорочная Дево, похвалами величаем тя и достойно чтим, Благодатная; избави нас от напастей молением твоим.
Достойно есть яко воистинну блажити тя, Богородицу, присноблаженную и пренепорочную и Матерь Бога нашего. Честнейшую херувим и славнейшую без сравнения серафим, без истления Бога Слова рождшую, сущую Богородицу тя величаем.
Иерей кадит.
Троица Единосущная, Нераздельная и Неслиянная, дивная, преславная, Яже Лицы Трочна есть и неслиянна, Яже не разделяется, ниже скончавается, от Неяже вся создашася, и ныне мы хвалами славим.
Небеса небес, воинства ангельская, земля и живущии во вселенней, видимая и невидимая, преисподняя и вышняя с сынами человеческими, священницы и людие, благословите Троицу и превозносите Ю во веки.
Троице Непостижимая, даруй рабом Твоим правое исповедание, да проповедуем Тя, Бога совершенна, в Трех Ипостасех свойствы неслиянна, естеством нераздельна, единосущием славима, и купно глаголем: вся дела Господня, благословите Бога нашего во веки.
Слава Тебе, Троице Пресвятая, Единосущная, естеством Нераздельная, Отче и Сыне и Душе Животворящий, Иже посреде Их, Свете неприступный, неоскудный, избави от скорби песньми величающия Тя.
Храм и дверь еси, палата и престол Царев, Дево Пречистая, еюже Избавитель наш Христос Господь во тьме седящим явися, Солнце сый правды, просветити хотя, яже созда по образу Своему рукою Своею; темже, Всепетая, яко матернее дерзновение к Нему стяжавшая, непрестанно моли о спасении душ наших.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды)
Слава… И ныне…
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.
Иерей: Яко Твое есть Царство, и сила, и слава во веки веков. Аминь. Молитва ко Святей Троице, коленопреклонно глаголемая
О Пресвятая Троице, Единосущная непостижимая Сило, Отче Вседержителю, Сыне Единородный и Душе Святый, Едине Боже, Иже всего видимаго и невидимаго Творец еси и Господь; Егоже силою содержатся вси концы вселенныя и премудростию управляются; пред Нимже трепещет всякое существо и создание, стихии и одушевленная, сущая на небесех, на земли и преисподняя; Егоже с силою любы есть неизреченная, бездонная и безпредельная; Иже любве ради сея создал еси перваго человека по образу и подобию Своему, согрешением же его падшаго не до конца возгнушался еси, но восхотел еси паки спасения нашего, пославый Единороднаго Сына Твоего, и принесением Его, пригвождением на кресте и страшною смертию, очистил еси грехи наша; Иже Святаго Твоего Духа низпослал еси на святыя ученики и апостолы Христовы и умудрил еси их, и теми Евангелие Христово во всем мире проповедася; Иже великим Твоим человеколюбием в первом оном веке помянул еси и народ наш грузинский, жребием Матере Божия сотворил еси его и трудами и подвиги святых апостолов Андрея Первозваннаго, Симона Кананита и Матфия возделал еси его; Иже жребию Матере Божия, народу нашему, тьмою идолослужения помраченному, паки послал еси Духом Святым умудренную и вооруженную святую деву, матерь Нину, и просветил еси его верою истинною; Иже правосудием Твоим праведно наводиши гнев грех ради наших и милуеши долготерпением: к Тебе припадаем и Тебе молимся, Благий Господи, призри с небесе, и виждь, и посети виноград сей, достояние грузин, и народ наш, на нем живущий, многажды посекаемый и утесняемый насилием злых, и утверди его. Сохрани, Господи, святую Церковь нашу и вся чада ея. Помяни, Господи, Блаженнейшаго и Святейшаго Патриарха нашего Илию, Католикоса Мцхетскаго и Патриарха всея Грузии и Митрополита Бичвинтскаго и Цхум-Абхазскаго; преосвященныя архиереи и господина нашего… (здесь поминается местный архиерей); честныя иереи и диаконы, иноки и инокини; на всяк день умудряй их, Господи, благодатию Святаго Духа и молитвами и подвиги их благо направи шествие народа нашего на пути спасения.
Упование мое Отец, прибежище мое Сын, покров мой Дух Святый: Троице Святая, слава Тебе.
О Господи наш Иисусе Христе, научивый нас приимати вся, елика аще просим у Отца Твоего Небеснаго во имя Твое! Се, словесем Твоим непреложно верующе, просим у Бога Вседержителя и Подателя всякаго блага, да, по учению святаго апостола, благость Божия на покаяние нас ведет, иже жестокостию нашею и непокаянным сердцем собираем себе гнев в день гнева и откровения праведнаго суда Божия. Избави нас, Господи, от веры неживыя и теплохладныя, отврати сердца наша от суетных дел и от любве к наслаждением временнаго и скоропреходящаго мира сего, и отверзи очи наша зрети славу непреходящаго мира, и умы наша благо разсуждати дела, душам нашим полезная; возжги светильник любве к Тебе в сердцах наших и отврати нас от всякаго пути лукаваго, да мы, грехом падшии раби и рабыни Твоя, но помощию Твоею возставленнии и благодарящии Тебе, поем Тя, благословим Тя, славим Тя и молим Тя: свят еси, свят еси, свят еси, Боже наш, помилуй нас по велицей милости Твоей. Аминь.
Избранна была еси от Бога, Святыя Троицы, и сияеши пред Ним, Владычице Марие, Мати Господа нашего Иисуса Христа, и имаши дерзновение к Сыну твоему: Того моли, да спасет нас со Отцем и Святым Духом во веки. Аминь.
Иерей творит отпуст.
