Параклис Иверской иконе Божией Матери на Афоне, именуемой Вратарницею
Иерей: Благословен Бог наш…
Аще мирянин, глаголет: Молитвами святых отец наших, Господи Иисусе Христе, Боже наш, помилуй нас. Аминь.
Слава Тебе, Боже наш, слава Тебе.
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды)
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Священник: Яко Твое есть Царство…
Господи, помилуй. (12 раз)
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.
Слава Отцу и Сыну и Святому Духу, и ныне и присно и во веки веков. Аминь.
Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже наш, слава Тебе.
Бог Господь, и явися нам, благословен Грядый во имя Господне. Стих 1: Исповедайтеся Господеви, яко благ, яко в век милость Его. Стих 2: Вси языцы обыдоша мя, и именем Господним противляхся им. Стих 3: Не умру, но жив буду и повем дела Господня. Стих 4: Камень, егоже небрегоша зиждущии, сей бысть во главу угла; от Господа бысть сей и есть дивен во очесех наших.
Дерзость ненавистников иконы Господни и насилие нечистых безбожников немилостиво водворися в Никеи, и приидоша мучити вдовицу, икону Богородицы благочестно чтущую; она же с сыном своим предаде икону ту морю и сице возопи: слава тебе, Святая, море волнующееся помощник тебе бысть; слава шествию твоему, Нетленная.
Слава Отцу и Сыну и Святому Духу.
От святыя иконы твоея, о Владычице Богородице, исцеления и здравия подаются обильно с верою и любовию к ней притекающим; тако и мою немощь посети, и душу мою помилуй, Благая, и тело исцели благодатию твоею, Пречистая.
И ныне и присно и во веки веков. Аминь.
Не умолчим никогда, Богородице, силы твоя глаголати, недостойнии; аще бы бо ты не предстояла молящи, кто бы нас избавил от толиких бед? Кто же бы сохранил доныне свободны? Не отступим, Владычице, от тебе, твоя бо рабы спасаеши присно от всяких лютых.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Ирмос: Колесницегонителя фараона погрузи, чудотворяй иногда, Моисейский жезл, крестообразно поразив и разделив море, Израиля же бегуна, пешеходца, спасе, песнь Богу воспевающа: яко славно прославися.
Пресвятая Богородице Вратарнице, сохрани и покрый нас.
Ныне приими мною приносимое сие моление, якоже древле Сын твой и Бог мой, Господь, прият две лепте вдовицы, и избавление грехов моих даруй ми, да присно величаю тя, Дево Вратарнице.
Пресвятая Богородице Вратарнице, сохрани и покрый нас.
Возсия Афон и веселится Ивирон, яко Ангелы морем прииде чудная икона твоя, светом неизреченным блистающая и сиянием милости твоея всех просвещающая.
Слава Отцу и Сыну и Святому Духу.
Всечестную икону твою ко персем прижав, Гавриил вопияше тебе, Владычице: о сладкая Мати Христа Царя, буди покровительница обители твоея, радость всех христиан и поручительство вечнаго живота.
И ныне и присно и во веки веков. Аминь.
Помощница и покровительница была еси, Дево, обители иверской, егда потопила еси в мори воины амировы с кораблями их; ныне потопи в пучине милости Сына твоего вся страсти и безчисленная прегрешения моя.
Ирмос: Небеснаго круга Верхотворче, Господи, и Церкве Зиждителю, Ты мене утверди в любви Твоей, желаний краю, верных утверждение, Едине Человеколюбче.
Пресвятая Богородице Вратарнице, сохрани и покрый нас.
Даровавшая многочестную икону твою Ивирону, тако и живущих во жребии твоем не остави безутешных, Дево, и дондеже приидет время, вместо ея лобызаем чудныя списки ея, покровом твоим прославленныя.
Пресвятая Богородице Вратарнице, сохрани и покрый нас.
Якоже древле от Никеи на Афон морем Понтийским пришедшая огнезрачная икона твоя преславная чудеса творяше, тако и святыми списки иконы изливаеши на ны чудеса многоразличная и угашаеши пещь страстей.
Слава Отцу и Сыну и Святому Духу.
Лица твоего пресвятаго и нетленнаго образ есть врачевство всего мира, к немуже приближающеся и со благоговением поклоняющеся тебе, Пречистая, благодати исцелений исполняемся и от немощей свобождаемся.
И ныне и присно и во веки веков. Аминь.
Неплодный ум мой плодоносен сотвори, благословенная Дево, от неплодных рожденная, яко ты паче плодоносна во благих творише вся посланием иконы твоея.
Спаси, Пресвятая Богородице, от всякаго вреда, скорби и тесноты всею душею припадающих к чудотворней иконе твоей, Иверскою Вратарницею нарицаемей.
Призри благосердием, всепетая Богородице, на лютое телесе моего озлобление и исцели души моея болезнь.
Иерей: Помилуй нас, Боже, по велицей милости Твоей, молим Ти ся, услыши и помилуй.
Лик: Господи, помилуй (Трижды).
Иерей: Еще молимся о богохранимем народе нашем и державе его (о христолюбивом правительстве и воинстве его).
Лик: Господи, помилуй (Трижды).
Иерей: Еще молимся о Святейшем и Блаженнейшем Католикосе-Патриархе всея Грузии, Архиепископе Мцхетско-Тбилисском, великом господине и отце нашем Илии, и о преосвященнейшем (поминается местный архиерей), и о всей во Христе братии нашей.
Лик: Господи, помилуй (Трижды).
Иерей: Еще помолимся Господу Богу нашему, да помилует раба или рабу (здесь поминайте по имени тех, о нихже молитеся). Умножи, Господи, дни и лета живота их и избави их, Господи, от всякия скорби, гнева и нужды, и от всякия язвы душевныя и телесныя, и прости им всякое согрешение, вольное же и невольное.
Лик: Господи, помилуй (Трижды).
Иерей: Еще молимся о всех православных христианех.
Лик: Господи, помилуй (Трижды).
Иерей: Яко милостив и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Прииде днесь светлый праздник Заступницы нашея, радуются вси православнии и веселятся собори человечестии, яко призывает нас святая Богородица наша видети огнезрачную икону свою, сиянием милости всех просвещающую; и мы, радующеся сему, вопием: избави, Владычице, от глада, огня, меча и скорбей чтущих явление иконы твоея.
Слава Отцу и Сыну и Святому Духу.
Радовашеся обитель Иверская в праздник явления твоего, яко таковое чудо показася в помощь и любве ради к народу, тебе в жребий данному, егда, Ангелы морем наставляемая, светозарная икона твоя ни во иную обитель прииде, но у иверов водворитися изволи, рукою Гавриила Грузина, и тем благословила еси во пустыни Афонстей новосозданную обитель грузин.
И ныне и присно и во веки веков. Аминь.
Заступница теплая, и прибежище великое, и покровительница крепкая, и споборница, и надзирательница еси ты, Вратарнице, ищущим помощи твоея; сего ради избави их от всякия сети, якоже обещала еси, Всенепорочная, рабом твоим.
Ирмос: Ты моя крепость, Господи, Ты моя и сила, Ты мой Бог, Ты мое радование, не оставль недр Отчих и нашу нищету посетивый; темже с пророком Аввакумом зову Ти: силе Твоей слава, Человеколюбче.
Пресвятая Богородице Вратарнице, сохрани и покрый нас.
Се, пречудное изображение Вратарницы прииде от Афона во Тбилиси и с великою честию водворися в храме Богородицы, преславнем Сиони, в помощь во скорбех, в утешение в печалех, во врачевание недугов и во избавление от страстей.
Пресвятая Богородице Вратарнице, сохрани и покрый нас.
Якоже стада обители иверския украшахуся благодатию иконы твоея, тако и народ наш паче света солнечнаго просвещается благодатию твоею, яко дивный сей список иконы бывает, яко источник безсмертия, недужным и немощным и всем подаятель великих милостей.
Слава Отцу и Сыну и Святому Духу.
Благодать подати хотящи народу нашему, паки явила еси нам образ твой, к немуже приближающеся, подобию твоему покланяемся и молим тя: се, прииди ныне и собери разсеянныя отчины наша и покажи предел, от всех человек неоспоримый.
И ныне и присно и во веки веков. Аминь.
Ты еси крепость и сила моя, Богородице, яко в день печали моея тобою упокоюся и тобою вознесуся от мира сего в небесное наследие и возрадуюся со Царем и Богом, Избавителем моим.
Ирмос: Вскую мя отринул еси от лица Твоего, Свете незаходимый, и покрыла мя есть чуждая тьма окаяннаго? Но обрати мя и к свету заповедей Твоих пути моя направи, молюся.
Пресвятая Богородице Вратарнице, сохрани и покрый нас.
Ведуще заступлений твоих и милостей множество, Дево Вратарнице, всецело себе предаем Божественному покрову твоему, яко разве тебе несть помощника и утешителя нам.
Пресвятая Богородице Вратарнице, сохрани и покрый нас.
Бездна недостойных прегрешений обыде мя, и погружается душа моя; но даждь ми, Владычице Вратарнице, крепкую мышцу твою и, якоже Гавриила, и мене, к иконе твоей прибегающаго, невредима соблюди.
Слава Отцу и Сыну и Святому Духу.
Яко поручительница и истинная наставница избавления нашего, с небесными силами моли Сына твоего, да отженет от нас враги истины, востающия на ны, и избавит нас от нападения лукавых, да стоим твердо и непоколебимо на пути заповедей Христовых.
И ныне и присно и во веки веков. Аминь.
Ты еси крепость и сила моя, Богородице, яко в день печали моея тобою упокоюся и тобою вознесуся от мира сего в небесное наследие и возрадуюся со Царем и Богом, Избавителем моим.
Ирмос: Молитву пролию ко Господу и Тому возвещу печали моя, яко зол душа моя исполнися, и живот мой аду приближися, и молюся, яко Иона: от тли, Боже мой, возведи мя.
Пресвятая Богородице Вратарнице, сохрани и покрый нас.
Веру имамы непостыдную к тебе, Дево Вратарнице, и молим тя: подаждь нам руку помощи и сохрани землю, юже избрала еси и от работы бесовския и идолослужения избавила еси, да постыдятся врази наши.
Пресвятая Богородице Вратарнице, сохрани и покрый нас.
Скоро помози нам, святая Мати неизреченная Сына Божия, и до скончания века сохрани Иверию и народ иверский, да не рекут безчисленнии врази наши: где есть Богородица, на Нюже уповают?
Слава Отцу и Сыну и Святому Духу.
Ныне призри, сладкая Мати Христа Царя, на избранный тобою народ и благоволи возрастити, и умножити, и исполнити нас духа премудрости, взаимныя любве и Божественнаго разума.
И ныне и присно и во веки веков. Аминь.
Не престани моляся о нас, Дево, Пресвятая Богородице Марие, яко ты еси утверждение нас, верных, и упованием на тя укрепляемся и верою тебе и Сына твоего величаем и поклоняемся.
Спаси, Пресвятая Богородице, от всякаго вреда, скорби и тесноты всею душею припадающих к чудотворней иконе твоей, Иверскою Вратарницею нарицаемей.
Призри благосердием, всепетая Богородице, на лютое телесе моего озлобление и исцели души моея болезнь.
Иерей: Паки и паки миром Господу помолимся.
Лик: Господи, помилуй.
Иерей: Заступи, спаси, помилуй и сохрани нас, Боже, Твоею благодатию.
Лик: Господи, помилуй.
Иерей: Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга и весь живот наш Христу Богу предадим.
Лик: Тебе, Господи.
Иерей: Яко Ты еси Царь мира и Спас душ наших, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Аще и ввержена бысть в море святая икона твоя, Богородице, вдовицею, не могущею сокрыти ю от враг, но явися она покровительницею Афона и вратарницею обители иверския, страхом врагом, православным же христианом, чтущим тя, избавительницею от всех страстей и нашествий.
Видев собор иноков посреде столпа огненнаго икону Матере Божия, возопи: о Владыко, сподоби нас прикоснутися иконе Матере Твоея; ты же, Гаврииле, вниди в море и приими в недра сокровище, нам явленное, да будет нам стражем неусыпаемым, всем же христианом покровом и радостию.
Иерей: Вонмем. Премудрость. Прокимен Евангелия, глас 4
Помяну имя Твое во всяком роде и роде.
Стих: Слыши, дщи, и виждь, и приклони ухо твое.
Иерей: Господу помолимся.
Лик: Господи, помилуй.
Иерей: Яко свят еси, Боже наш, и во святых почиваеши, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Иерей: Всякое дыхание да хвалит Господа.
Стих: Хвалите Бога во святых Его, хвалите Его во утверждении силы Его.
Иерей: И о сподобитися нам слышанию святаго Евангелия Господа Бога молим.
Лик: Господи, помилуй (Трижды).
Иерей: Премудрость, прости, услышим святаго Евангелия. Мир всем.
Лик: И духови твоему.
Иерей: От Луки святаго Евангелия чтение.
Лик: Слава Тебе, Господи, слава Тебе.
Во дни оны, встав Мария, пошла с поспешностью в нагорную страну, в город Иудин, и вошла в дом Захарии, и приветствовала Елисавету. Когда Елисавета услышала приветствие Марии, взыграл младенец во чреве ее; и Елисавета исполнилась Святаго Духа, и воскликнула громким голосом, и сказала: благословенна ты между женами, и благословен плод чрева твоего! И откуда это мне, что пришла Матерь Господа моего ко мне? Ибо когда голос приветствия твоего дошел до слуха моего, взыграл младенец радостно во чреве моем. И блаженна уверовавшая, потому что совершится сказанное ей от Господа. И сказала Мария: величит душа моя Господа, и возрадовался дух мой о Боге, Спасителе моем, что призрел Он на смирение рабы Своей, ибо отныне будут ублажать меня все роды; что сотворил мне величие Сильный, и свято имя Его. Пребыла же Мария с нею около трех месяцев, и возвратилась в дом свой.
Лик: Слава Тебе, Господи, слава Тебе.
Слава Отцу и Сыну и Святому Духу.
Милостию Твоею, многомилостиве Боже, очисти множества наших согрешений.
И ныне и присно и во веки веков. Аминь.
Молитвами Богородицы, Милостиве, очисти множества наших согрешений.
Помилуй мя, Боже, по велицей милости Твоей, и по множеству щедрот Твоих очисти беззаконие мое, и помилуй мя, Боже.
Стихира: Приидите, людие грузинстии, почерпнем неоскудную благодать от иконы Матере Божия, яко огнь сияющия, и облобызаем ю верою и любовию, яко та со славою дарована есть народу нашему стеною и хранительницею, и покровительница будет нам от враг видимых и невидимых.
Иерей: Спаси, Боже, люди Твоя и благослови достояние Твое, посети мир Твой милостию и щедротами, возвыси рог христиан православных и низпосли на ны милости Твоя богатыя, молитвами Всепречистыя Владычицы нашея Богородицы и Приснодевы Марии; силою Честнаго и Животворящаго Креста, силою Креста от виноградной лозы; предстательствы честных Небесных Сил безплотных; честнаго, славнаго Пророка, Предтечи и Крестителя Иоанна; святаго пророка Илии Фесвитянина и праведнаго Еноха; святых славных и всехвальных первоверховных апостолов Петра и Павла; святаго апостола Фомы и просветителей Грузии, апостолов Андрея Первозваннаго, Симона Кананита и Матфия; святыя матере нашея, равноапостольныя девы Нины; святых равноапостольных царя Мириана и царицы Наны; иже во святых отец наших и вселенских великих учителей и святителей Василия Великаго, Григория Богослова и Иоанна Златоустаго; иже во святых отца нашего Николая, архиепископа Мир Ликийских, чудотворца; святых славных и добропобедных мучеников: святаго великомученика и победоносца Георгия и святаго великомученика Шалвы Ахалцихскаго; святаго великомученика Бидзины и святых славных мучеников Шалвы и Элизбара, эриставов Ксанских; святых великих дев-мучениц Варвары и Марины; святых блаженных отец наших Лукиана, Додо, Дамиана, Онуфрия и Симеона Гареджийских; святаго преподобнаго отца нашего Иоанна Зедазнийскаго и двоюнадесяти учеников его, вторых просветителей Церкве Грузинския и присных ея покровителей, и от учеников преподобнаго отца нашего Давида Гареджийскаго; святаго священномученика Неофита Урбнисскаго и святаго великомученика Або Тбилисскаго; богомудрых блаженных отец Илариона Грузина, Серапиона Зарзмскаго и Григория Хандзтийскаго; преподобных отец наших Афонских Иоанна, Гавриила, Иоанна-Торники, Евфимия и Георгия; святых славных мучеников, князей Аргветских Давида и Константина; святых благоверных и великих царей наших Вахтанга Горгасала, Ашота Куропалата, Давида Строителя и Соломона; святыя благоверныя царицы Тамары; святых добропобедных царей и цариц Архила, Димитрия, Шушаники, Кетевани и Луарсаба; святых ста тысяч мучеников, в Тбилиси от хорезмийцев избиенных; святых шести тысяч мучеников, иноков Гареджийских; святаго праведнаго Илии; святых и праведных богоотец Иоакима и Анны (и святаго, егоже есть храм); пречуднаго образа Анчисхатскаго страшнаго вочеловечения Лица Божия; Иверския иконы Пресвятыя Богородицы и всех святых и святынь Твоих: молим Тя, многомилостиве Господи, услыши нас, грешных, молящихся Тебе, и помилуй нас.
Лик: Господи, помилуй (12 раз).
Иерей: Милостию, и щедротами, и человеколюбием Единороднаго Сына Твоего, с Нимже благословен еси, со Пресвятым, и Благим, и Животворящим Твоим Духом, ныне и присно и во веки веков.
Лик: Аминь.
Ирмос: Отроцы еврейстии в пещи хождаху, огнь дерзновенно попирающе, и, орошаеми, вопияху и глаголаху: благословен еси, Господи Боже, во веки.
Пресвятая Богородице Вратарнице, сохрани и покрый нас.
Светильник светлый, многосветлый, святая икона Матере Божия, над враты обители иверския лежащая, просвещает умы наша и отгоняет тьму греховную.
Пресвятая Богородице Вратарнице, сохрани и покрый нас.
Огнь Божественный, исходяй от иконы твоея, Мати Божия, попаляет полки иконоборцев, сладкий же свет побед на верныя изливает и утверждает нас.
Слава Отцу и Сыну и Святому Духу.
Яко венец светлый, всенетленная Владычице, дивную икону твою Иверскую Вратарницу держит Церковь Христа Бога и веселится, и радуется боголучезарно.
И ныне и присно и во веки веков. Аминь.
Ты еси радость живущих в пустыни Святыя Горы, и утешение, и похвала сего царственнаго народа, Дево Марие, юже воспеваем и превозносим во веки.
Ирмос: В горе Моисею собеседовавый купиною, образ изобрази безстрастнаго от Девы рождения; Того вси благословим и превозносим во веки.
Пресвятая Богородице Вратарнице, сохрани и покрый нас.
Преславный храм Сионский, яко рай, от иконы твоея духовное благоухание изливает на прибегающих к нему и благоуханны творит души и умы наша.
Пресвятая Богородице Вратарнице, сохрани и покрый нас.
Явление всесветлаго образа твоего радость изливает на вся верныя, земли же нашей дарует стража неусыпаемаго и от скорбей избавителя.
Слава Отцу и Сыну и Святому Духу.
Светло празднует народ верный грузинский пришествие честныя иконы твоея и с молением просит от тебе, Пречистая, да направиши грядущее по воли твоей.
И ныне и присно и во веки веков. Аминь.
От Ангела слово приявшую и единаго Бога нам рождшую, Иже свет возсия миру, вси благословим и превозносим во веки.
Ирмос: Ужасеся о сем небо, и земли удивишася концы, яко Бог явися человеком плотски, и чрево твое бысть пространнейшее небес; темже тя, Богородице, Ангелов и человеков чиноначалия величают.
Пресвятая Богородице Вратарнице, сохрани и покрый нас.
Приими моления сия, яже тебе приносим благоговейно, и буди теплая заступница нам, грешным, у Сына твоего, да избавит нас, Пречистая, от всех языков, на брань нам собравшихся, и от междоусобия грузин.
Пресвятая Богородице Вратарнице, сохрани и покрый нас.
Ныне утиши, Пресвятая, Пренепорочная Дево, нападение злых и советы их разруши, в людех же правоверующих мир и любовь утверди, да не постыдимся во веки, на тя упование возложившии.
Слава Отцу и Сыну и Святому Духу.
Божественными песньми, о святая Вратарнице, Дево Богородице, Божественней иконе твоей поклоняемся, прося прощения и спасения душам нашим, яко у поручительницы спасения нашего.
И ныне и присно и во веки веков. Аминь.
Прежде проповедаша тя, Пречистая, пророцы, преобразиша тя ковчегом, жезлом, трапезою и вратами затворенными, и горою несекомою, и лествицею, на небо утвержденною, и источником запечатленным, облаком легким и Материю Еммануиловою.
Достойно есть яко воистину блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Иерей кадит.
Приидите, о боголюбцы Богородицы, воздвигните руце и моление принесите чудней сей иконе и вопийте: призри, благоутробная Мати, на скорби, обстоящия нас, и исцели немощи душ наших.
Се, благодать, преизобилующая от честныя иконы твоея, милостивая Владычице, яко всяк сокрушенным сердцем почерпает от Божественных струй, независтно истекающих, и приемлет верою прошение. Ныне не престани избавляти всех нас от лютых скорбей и печалей, обстоящих нас.
Словеса твоя, яже изрекла еси, Нетленная, о жребии твоем, исполни, яко милостивая, и не предаждь достояния нашего в поношение врагом, да уразумеют вси, яко часть твоя есмы мы, род грузинский.
Якоже древле показала еси дивное покровительство народу нашему, тако и ныне не забуди нас, о благословенная в женах, Богородице Марие, и тщетны сотвори страшныя козни тех, иже злыми и суетными подвизаются на вред народу нашему, тобою яко свой избранному.
Небесных сил собори, и апостолов лицы, и вси языцы тебе величают, Невесто Святая; мы же скверными устнами Материю Божиею проповедуем тя, Благая Владычице, Всенепорочную, и трисвятою песнию ко Господу вопием:
Святый Боже, Святый Крепкий, Святый Безсмертный, помилуй нас. (Трижды) Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды)
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Священник: Яко Твое есть Царство…
Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце, грешнии приносим: помилуй нас. Слава…
Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне на ны, яко благоутробен, и избави ны от праведнаго гнева Твоего: Ты бо еси Бог наш, и мы людие Твои, вси дела руку Твоею, и имя Твое наречеся на нас; и помилуй нас. И ныне…
Милосердия двери отверзи нам, благословенная Богородице, надеющиися на тя да не погибнем, но да избавимся тобою от сопротивных враг: ты бо еси спасение рода христианскаго.
Иерей: Помилуй нас, Боже, по велицей милости Твоей, молим Ти ся, Человеколюбче, услыши и помилуй.
Лик: Господи, помилуй (Трижды).
Иерей: Еще молимся о милости, жизни, мире, здравии, долгоденствии, спасении, просвещении, прощении, благопоспешении и тишине раба (или рабы) Божия, да сохранит Господь Бог наш царствующий град сей наш и святую обитель сию (или храм сей) и вся грады и веси Иверии от глада, губительства, труса, потопа, огня, меча, нашествия иноплеменников, междоусобныя брани и смертоносныя язвы; да милостив нам будет Бог благостию и человеколюбием Своим, во еже благостояти, и отвратит гнев, на ны повседневно движимый, и избавит нас от праведнаго Своего прещения, на ны належащаго, и помилует нас.
Лик: Господи, помилуй (40 раз).
Иерей: Услыши ны, Боже, Спасителю наш, упование всех концев земли и сущих в мори далече, и милостив, милостив буди о гресех наших, и помилуй ны; милостив бо и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
О Пресвятая Богородице Вратарнице, истинная Наставнице жизни нашея, и Покровительнице, и Поборнице народа грузинскаго! Призри с небесе милостию и помяни данную тебе в жребий от Господа, Сына твоего, землю сию и возлюбленный народ твой, яко обещала еси во время скорби хранити и покрывати нас.
О едина в женах благословенная, святая, пречистая Дево Богородице! Присно припадающих к матернему благодеянию и помощи твоей благослови и освяти нас светозарностию чудотворныя иконы твоея, и буди нам присно споборница, якоже обещала еси, противу врага, на ны неистовствующаго; яко борцы истины лукавым умыслом совещашася на православныя и силою и знамении ложными подвизаются растлити и люди Господни и явити их людьми тьмы. Мы же, ужасшеся, ищем способа избавитися от безчисленных напастей и молим тя: Дево Вратарнице, многомощною силою твоею сохрани нас от козней и соблазнов лукаваго диавола, хотящаго погибели нашея, да не приимем печати антихристовы и не поклонимся ему, но да помазан будет и венчан на престоле всея Грузии царь христолюбивый, да благо правит и печется о земли, тобою яко своей избранной, и да вознесет и возставит крепость нашу от земли забвения, да будем едино стадо и Господь да будет Пастырь наш. Укрепи великаго господина нашего, Святейшаго и Блаженнейшаго Католикоса-Патриарха всея Грузии, Архиепископа Мцхетско-Тбилисскаго и Митрополита Бичвинтскаго и Цхум-Абхазскаго, отца нашего Илию, и преосвященныя митрополиты, архиепископы и епископы, и весь священный и монашеский чин. Просвети христолюбивое правительство и воинство его; вся люди жребия твоего земли честным предстательством твоим сохрани. Моли Сына твоего и Господа Бога нашего Иисуса, да простит нам опустошения церквей, осквернения святынь, сокрушения икон и крестов, убиения служителей Божиих, измену, зависть, клеветы, убиения младенцев наших во утробе и иная множества прегрешений наших.
О Богородице, благословенная Мати и Дево! Возведи нас от глубины греховныя и избави нас от глада, губительства, труса, огня, меча, нашествия иноплеменников и междоусобныя брани, от напрасныя смерти, от нападения враг, от тлетворных ветров, от всякия смертоносныя язвы и от всякаго зла; даруй, Владычице, мир и здравие рабом твоим сим, православным христианом, и просвети умы наша и очи сердец наших, да спасемся, и сподоби нас, грешных рабов твоих, Царствия Сына твоего, Христа Бога нашего, яко держава Его благословена и препрославлена, со безначальным Его Отцем и Пресвятым и Животворящим Его Духом, ныне и присно и во веки веков. Аминь.
Иерей: Премудрость. Пресвятая Богородице, спаси нас.
Лик: Честнейшую херувим и славнейшую без сравнения серафим, без истления Бога Слова рождшую, сущую Богородицу тя величаем.
Иерей: Слава Тебе, Христе Боже, упование наше, слава Тебе.
Лик: Слава, и ныне. Господи, помилуй (Трижды). Благослови.
Иерей творит отпуст.
Мирянин: Слава, и ныне. Господи, помилуй (Трижды).
Господи Иисусе Христе, Сыне Божий, молитв ради Пречистыя Твоея Матере и всех святых, помилуй нас. Аминь.
Подвизаются вси людие небеснии и земнии хвалити и воспевати тя; мы же, аще и умножихом грех пред Богом, и праведно наведе на ны Бог гнев сей, но, на милость твою уповающе, с желанием поклоняемся образу сему святыни твоея и молением просим от тебе, о Дево Вратарнице: избави нас от страданий, скорбей и теснот и разруши навет невидимых и видимых враг и сопротивных наших.
Волею согрешихом и прогневахом тя и забыхом милости твоя, но ты избави нас от зол и во время суда неосужденных соблюди нас, о благословенная в женах Марие, всею душею припадающих ко благости и покрову твоему.
Автор-составитель: Тинатин Мчедлишвили
