Параклис преподобному и богоносному отцу Антонию Марткопскому
Молитвами святых отец наших, Господи Иисусе Христе, Боже наш, помилуй нас.
Слава Тебе, Боже наш, слава Тебе!
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, избави и освободи нас от грехов наших; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.
Господи, помилуй (12 раз).
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.
Слава Отцу и Сыну и Святому Духу, и ныне и присно и во веки веков. Аминь.
Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже наш, слава Тебе.
Бог Господь, и явися нам, благословен Грядый во имя Господне.
Стих 1: Исповедайтеся Господеви, яко благ, яко в век милость Его. Стих 2: Вси языцы обыдоша мя, и именем Господним противляхся им. Стих 3: Не умру, но жив буду и повем дела Господня. Стих 4: Камень, егоже небрегоша зиждущии, сей бысть во главу угла; от Господа бысть сей и есть дивен во очесех наших.
По образу Божию созданный, святе, не презрел еси чести образа Христова, без рук человеческих изображеннаго, ибо, узрев его в руках неверных, ревностию божественною разгоревся, подъял еси на рамена Носящаго всяческая и принесл еси народу грузинскому; подвижников доброто, Антоние, моли Христа Бога помиловати души наша.
Слава Отцу и Сыну и Святому Духу.
Паки тропарь: «По образу Божию...»
И ныне и присно и во веки веков. Аминь.
Не умолчим никогда, Богородице, силы твоя глаголати, недостойнии; аще бы бо ты не предстояла молящи, кто бы нас избавил от толиких бед? Или кто бы сохранил нас доныне свободны? Не отступим, Владычице благословенная, от тебе, ты бо спасаеши души наша от всех искушений.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Израиля порабощеннаго избавил еси, Господи, мышцею Твоею крепкою; темже поем Тебе, яко прославился еси.
Преподобне отче Антоние Марткопский, моли Бога о нас.
Иноков похвалу, подвижника Антония, пустыни градом сотворшаго, соблазнов прогонителя, вернии, воспоим.
Преподобне отче Антоние, моли Бога о нас.
Богомудраго Антония вси воспоим, яко трудом поста страсти отгна и Христу угоди.
Слава Отцу и Сыну и Святому Духу.
Иоанну и Илии уподобился еси, блаженне, и почте тя Бог; с ними и нам ходатай буди, да спасет души наша.
И ныне и присно и во веки веков. Аминь.
Паче естества от тебе вочеловечшагося Бога моли, Владычице, избавити рабы твоя от всяких печалей.
Несть свят, яко Господь, и несть праведен, яко Бог наш, Емуже вопием: несть свят паче Тебе, Господи.
Преподобне отче Антоние, моли Бога о нас.
Преподобнаго Антония память, яко должницы, празднуим и Христа прославим, Просветителя душ наших.
Преподобне отче Антоние, моли Бога о нас.
На земли подвизался еси, блаженне Антоние, рабе Христов, и почтен был еси от Него в Небесном Царствии.
Слава Отцу и Сыну и Святому Духу.
Церковь Картлийская совершает днесь память твою, такожде и царь христолюбивый, подвижниче Антоние; испроси нам от Бога велию милость.
И ныне и присно и во веки веков. Аминь.
Родила еси и Девою пребыла еси присно и безбрачно, Божия Мати была еси, блаженная Марие; Того моли о душах наших.
Избави от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри благосердием, всепетая Богородице, на лютое телес наших озлобление и исцели душ наших болезни.
Небесных ради наслаждений попрал еси любовь мира и презрел еси ю, яко сень, о богомудре отче, ибо, яко купец мудр, искал еси добраго бисера и, егда обрел еси его, дал еси вся и тойже един купил еси и безчисленныя обогатил еси; сего ради празднуем память твою, богоносе Антоние: моли Христа Бога прегрешений оставление даровати нам, любовию празднующим святую память твою.
Услышах, Христе, слух и убояхся, яко от Отца не отлучился еси и в человецех явился еси ради жизни душ наших, Многомилостиве.
Преподобне отче Антоние, моли Бога о нас.
Егда услышал еси, преподобне, слово евангельское, абие оставил еси попечение мира, взял еси крест твой и последовал еси Христу Богу и угодил еси Ему, отче Антоние.
Преподобне отче Антоние, моли Бога о нас.
Всецело уготовался еси на служение Богу, всецело возненавидел еси похоть плоти, преподобне отче Антоние, и ожидал еси прияти благодать Христову, блаженне.
Слава Отцу и Сыну и Святому Духу.
Апостольския подвиги совершил еси и сподобился еси прияти благодать от Бога, и провидел еси грядущая, и исцеление подавал еси недугом человеческим.
И ныне и присно и во веки веков. Аминь.
Не можем восхвалити тя достойно святыни твоея, Мати Божия, ибо выше разума нашего обретеся величие твое, Всесвятая.
Утренююще поем Тебе, Господи: спаси нас, яко Благ, иного бо Бога не вемы.
Преподобне отче Антоние, моли Бога о нас.
Сподобился еси прияти благодать от Бога, Антоние, ибо Дух Святый вселися в душу твою.
Преподобне отче Антоние, моли Бога о нас.
С любовию хвалящим праздник твой, блаженне Антоние, испроси избавление от скорби.
Слава Отцу и Сыну и Святому Духу.
Рабе Христов, преподобне Антоние, ходатай буди нам, совершающим память твою, блаженне.
И ныне и присно и во веки веков. Аминь.
По рождестве Дева пребыла еси, Непорочная, ибо Слово Божие родила еси, достойная, плотию миру.
Даждь ми ризу светлу, одеяйся светом, яко ризою, Боже, молитвами мучеников.
Преподобне отче Антоние, моли Бога о нас.
Образ благий был еси иноком, Антоние блаженне; о стадах твоих не престай моляся Богу.
Преподобне отче Антоние, моли Бога о нас.
Дерзновение имаши пред Господем, Антоние блаженне; испроси помощь, да избежим врага душ наших.
Слава Отцу и Сыну и Святому Духу.
Умертвил еси страсти плотския подвигом, святый Антоние, помощию Святаго Духа.
И ныне и присно и во веки веков. Аминь.
Родившая нам плотию Слово словом, Невесто, избави милостию от сетей вражиих души наша.
Избави от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, всехвальная Богородице, и тел наших лютыя язвы исцели и души нашея недуги.
Яко светила солнцеобразно сияющия, дани быша народу грузинскому двоенадесятичисленнии отцы, учители всего мира и пустынь доброты, в них же премудрый Антоний да прославится днесь нами, иже принесе нам икону нерукотворенную в покров царю боголюбивому и в надежду всему миру.
Егда услышал еси глас Господень, послушал еси его тщанием и последовал еси достойно, гоня заповеди Его; наг был еси от вещей мирских и от всех попечений его свободен, изшел еси в пустыню, блаженне, и прилепился еси учителю Иоанну, великому светилу, и собеседованием с ним сподобился еси беседы Желаннаго твоего чистым умом; с нимже не престай ходатайствуя к Богу, отче, в покров царю боголюбивому и в надежду всему миру.
Честна пред Господем смерть святых Его. Стих: Что воздам Господеви о всех, яже воздаде ми?
Стал Иисус на ровном месте, и множество учеников Его, и много народа из всей Иудеи и Иерусалима и приморских мест Тирских и Сидонских, которые пришли послушать Его и исцелиться от болезней своих, также и страждущие от нечистых духов; и исцелялись. И весь народ искал прикасаться к Нему, потому что от Него исходила сила и исцеляла всех. И Он, возведя очи Свои на учеников Своих, говорил: Блаженны нищие духом, ибо ваше есть Царствие Божие. Блаженны алчущие ныне, ибо насытитесь. Блаженны плачущие ныне, ибо воссмеетесь. Блаженны вы, когда возненавидят вас люди и когда отлучат вас, и будут поносить, и пронесут имя ваше, как бесчестное, за Сына Человеческого. Возрадуйтесь в тот день и возвеселитесь, ибо велика вам награда на небесах.
Слава Отцу и Сыну и Святому Духу.
Молитвами преподобнаго отца нашего Антония, Милостиве, очисти множества наших согрешений.
И ныне и присно и во веки веков. Аминь.
Молитвами Святыя Богородицы, Милостиве, очисти множества наших согрешений.
Помилуй мя, Боже, по велицей милости Твоей, и по множеству щедрот Твоих очисти беззаконие мое, и помилуй мя, Боже.
Не презри моления уповающих на святыню твою, богоносе и треблаженне отче Антоние, но воздвигни святыя руце твоя к небесем, пред нимиже боголучезарным венцем прославлен еси, преподобне, и испроси нам, да дарует народу нашему мир, христианом невредимость и поющим тебе велию милость.
Ирмос: Отроцы еврейстии в пещи хождаху по огню дерзновенно и, орошаеми, сице вопияху и глаголаху: благословен еси, Господи, Боже отец наших.
Преподобне отче Антоние, моли Бога о нас.
Быша часы твоя, Антоние, лествица божественных видений на всяк день, и тою беседовал еси с Создателем и глаголал еси: благословен еси, Господи Боже отец наших.
Преподобне отче Антоние, моли Бога о нас.
Столп света был еси, Антоние, сиянием Святаго Духа и наставник иноков, и глаголал еси: благословен еси, Господи Боже отец наших.
Слава Отцу и Сыну и Святому Духу.
Разжегся еси в горниле искушений, яко злато избранное, и возсиял еси благодатию и вопиял еси: благословен еси, Господи Боже отец наших.
И ныне и присно и во веки веков. Аминь.
Премудрость, всех Создатель, созда Себе дом от тебе, Дево, и милостию обнови естество первозданнаго Бог отец наших, Слово Бога Отца.
На горе с Моисеем собеседовавый в купине образно показа, и от Девы рожденнаго неврежденно вси благословим и превозносим Его во веки.
Преподобне отче Антоние, моли Бога о нас.
Прославившаго славную память Антония, Бога нашего, и благодатию венчавшаго его, вси благословим и превозносим Его во веки.
Преподобне отче Антоние, моли Бога о нас.
Во пустынях достойно и мужественно подвизавшемуся Антонию зело непрестанно воспоим и превознесем Бога во веки.
Слава Отцу и Сыну и Святому Духу.
Источаеши воду исцелений приходящим к тебе с верою, врачуя недуги невидимыя и видимыя, ибо стяжал еси сие в воздаяние трудов твоих.
И ныне и присно и во веки веков. Аминь.
Ангельское слово приимшую и Бога единую нам родившую и свет миру возсиявшую, вси благословим и превозносим тя во веки.
Прообразившаго нетленное рождество Законодавца на горе Синайстей в купине огненней, Того немолчно величаем.
Преподобне отче Антоние, моли Бога о нас.
Совлекшагося сластей мира и облекшагося во всеоружие Христово Антония, яко ходатая душ наших, немолчно величаем.
Преподобне отче Антоние, моли Бога о нас.
Праведне Антоние, стяжанием добродетелей на небо возшел еси и труды твоя принесл еси Богу, ибо путем тесным вшел еси в Царствие и вселился еси.
Слава Отцу и Сыну и Святому Духу.
Образы добродетелей подвигами врачевством благочестия изобразил еси и образом преподобнаго воистину душу твою просветил еси.
И ныне и присно и во веки веков. Аминь.
Тебе, Дево, образом бысть купина горящая, яже от огня онаго неопальна сохранися, ибо нетленно вместила еси огнь Божества и неврежденно родила еси.
Достойно есть яко воистину блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Яко херувими, многоочитым зрением созерцаеши славу Божию, блаженне отче, юже наследил еси, от начала уготованную преподобным, подобным тебе; и нам испроси с праведными селение.
Гласом пения и желанием души молим тя, богоблаженне отче: испроси нам от Отца Небеснаго, да прострет нам руку милости и от рук воздушных стражей избавит нас.
Подобающе моли Христа Бога, да Крестом Животворящим покрыет нас и, от ада избавленныя, Царствия Своего сподобит молитвою твоею, отче богоблаженне.
С любовию моли Духа Святаго молитвою твоею, честный отче Антоние, да Он, Владыка Бог, наставит нас на землю правую и вечнаго Царствия да сподобимся наследовати.
О Пресвятая Дево Марие, со всеми ангелы и богоносными отцы моли Христа Бога, да достигнем небесных онех красот и, венчани, воспоем во веки.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, избави и освободи нас от грехов наших; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.
Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце, грешнии приносим: помилуй нас.
Слава Отцу и Сыну и Святому Духу.
Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне на ны, яко благоутробен, и избави ны от праведнаго гнева Твоего: Ты бо еси Бог наш, и мы людие Твои, вси дела руку Твоею, и имя Твое наречеся на нас; и помилуй нас.
И ныне и присно и во веки веков. Аминь.
Милосердия двери отверзи нам, благословенная Богородице, надеющиися на тя да не погибнем, но да избавимся тобою от сопротивных враг: ты бо еси спасение рода христианскаго.
Господи, помилуй (12 раз).
О, преподобне и блаженне отче Антоние, иже зде уединенно от собора пребыл еси, ныне же купно со всеми святыми вселился еси, сладкий и вожделенный, во ангелех жителю небеснаго Иерусалима, венче в преподобных, оче честное во святых, многих чудес творче и пред Богом ходатаю всех молящихся тебе, святый Антоние: всесветлою молитвою твоею ходатай буди нам ко возлюбленному тобою Христу Богу, пред Нимже светлым венцем радуешися во веки, да дарует нам святое жительство, от страстей душевных и телесных свобождение, язв исцеление и от всех искушений избавление; Егоже поем, хвалим, благословим, Ему покланяемся и превозносим во веки веков. Аминь.
О, всеблаженне отче Антоние, иже принесл еси грузинам образ Спаса нашего Иисуса Христа и возжегл еси в сердце твоем огнь любве, и предстоиши Ему, яко светильник светло горящий, присно дерзновение имея пред Ним: ходатай буди молящим тя. Аминь.
