Параклис святому великому пророку Илии Фесвитянину
Иерей: Благословен Бог наш…
И аще мирянин, глаголет: Господи Иисусе Христе, Сыне Божий, молитвами Пречистыя Твоея Матере и всех святых, помилуй нас. Аминь.
Слава Тебе, Боже наш, слава Тебе.
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (Трижды). Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Священник: Яко Твое есть Царство…
Господи, помилуй. (12 раз)
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.
Слава Отцу и Сыну и Святому Духу, и ныне и присно и во веки веков. Аминь.
Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже наш, слава Тебе.
Бог Господь, и явися нам, благословен Грядый во имя Господне. Стих 1: Исповедайтеся Господеви, яко благ, яко в век милость Его. Стих 2: Вси языцы обыдоша мя, и именем Господним противляхся им. Стих 3: Не умру, но жив буду и повем дела Господня. Стих 4: Камень, егоже небрегоша зиждущии, сей бысть во главу угла; от Господа бысть сей и есть дивен во очесех наших.
Во плоти Ангел, пророков основание, вторый Предтеча пришествия Христова, Илия славный, свыше ниспославый Елисееви благодать недуги отгоняти и прокаженныя очищати; темже и почитающим его источает исцеления и велию милость.
Слава Отцу и Сыну и Святому Духу.
Тот же тропарь: Во плоти Ангел, пророков основание, вторый Предтеча пришествия Христова, Илия славный, свыше ниспославый Елисееви благодать недуги отгоняти и прокаженныя очищати; темже и почитающим его источает исцеления и велию милость.
И ныне и присно и во веки веков. Аминь.
Не умолчим никогда, Богородице, силы твоя глаголати, недостойнии; аще бы бо ты не предстояла молящи, кто бы нас сохранил доныне свободны? Не отступим, Владычице, от тебе, твоя бо рабы спасаеши присно от всяких лютых.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Ирмос: Воду прошед яко сушу и египетскаго зла избежав, израильтянин вопияше: Избавителю и Богу нашему поим.
Святый великий пророче Илие, моли Бога о нас.
Земный был еси ангел и небесный человек, иже посреде человек жительствовал еси; ныне призри на нас свыше, богоносе, и утиши движения невидимых и видимых страстей.
Святый великий пророче Илие, моли Бога о нас.
Егда царь Израилев оставил есть завет Господень, явися тебе Бог, яко избраннейшему служителю Своему, и тобою обличи нечестиваго Ахава, яко закона преступника.
Слава Отцу и Сыну и Святому Духу.
Не терпя соблазна, обличил еси за нечестие непокоривыя люди Израилевы и навел еси на них суд Божий; ныне отжени от нас гнев Его и претвори скорбь нашу в радость.
И ныне и присно и во веки веков. Аминь.
Матере Христовы в похвалах достойно воспети потщимся, вернии, яко Рождшую всех Спаса, живота и смерти Владыку.
Ирмос: Небеснаго круга Верхотворче, Господи, и Церкве Зиждителю, Ты мене утверди в любви Твоей, желаний краю, верных утверждение, Едине Человеколюбче.
Святый великий пророче Илие, моли Бога о нас.
Господь, силою крепкий, даде тебе власть небеса заключити и разрешити, и заключив двери небесныя, изсушил еси облаки словом твоим; ныне разреши узы грехов наших и покрый нас от язв страстей и от суетныя смерти.
Святый великий пророче Илие, моли Бога о нас.
Благодарение Всемогущему и Промыслителю, питающему всякое животно: Той един сотвори тебе пищу враном, Илие; тако и ныне не престани о нас ходатайствовати пред Богом, да избавит нас от безплодия земли и от засухи.
Слава Отцу и Сыну и Святому Духу.
Егда оскуде останок пищи в Сарепте, с вдовицею препита тя Бог неизреченным промыслом, и благослови, и умножи малую оную муку и елей рукою твоею; ныне помилуй нас и не умертви нас гладом и жаждою.
И ныне и присно и во веки веков. Аминь.
Место освященное славы и мысленную трапезу, Пречистая, приявшую Хлеб жизни всех, воспеваем тя, Владычице.
Спаси от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, Всепетая Богородице, и тел наших лютыя язвы исцели и душ наших болезни.
Иерей: Помилуй нас, Боже, по велицей милости Твоей, молим Ти ся, Человеколюбче, услыши и помилуй.
Лик: Господи, помилуй (Трижды).
Иерей: Еще молимся о богохранимем народе нашем и державе его (о христолюбивом правительстве и воинстве его).
Лик: Господи, помилуй (Трижды).
Иерей: Еще молимся о Святейшем и Блаженнейшем Католикосе-Патриархе всея Грузии, Архиепископе Мцхетско-Тбилисском и Митрополите Бичвинтском и Цхум-Абхазском, великом господине и отце нашем Илии, и о преосвященнейшем (поминается местный архиерей), и о всей во Христе братии нашей.
Лик: Господи, помилуй (Трижды).
Иерей: Еще помолимся Господу Богу нашему, да помилует раба или рабу (здесь поминайте по имени тех, о нихже молитеся). Умножи, Господи, дни и лета живота их и избави их, Господи, от всякия скорби, гнева и нужды, и от всякия язвы душевныя и телесныя, и прости им всякое согрешение, вольное же и невольное.
Лик: Господи, помилуй (Трижды).
Иерей: Еще молимся о всех православных христианех.
Лик: Господи, помилуй (Трижды).
Иерей: Яко милостив и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Источник чудес и пророков украшение вси с верою песньми восхвалим, Илию Фесвитянина, яко доныне плотию жив есть безсмертно и, яко смертный, уверяет воскресение мертвых, и дерзновение имать к Богу, и подает исцеления с верою просящим, и молит Христа даровати прощение множества грехов и велию милость усердно празднующим память его.
Ирмос: Услышах, Христе, слух Твой и убояхся, яко от Отца не отступль, в человецех явился еси ради жизни душ наших, Многомилостиве.
Святый великий пророче Илие, моли Бога о нас.
Укоряше тя словом вдовица о пище, святе, но сына ея умершаго трижды во уста вдохнув оживил еси и, отдав его матери, плач ея в радость претворил еси.
Святый великий пророче Илие, моли Бога о нас.
Иже языком твоим землю плодоносную безплодну сотворил еси и облаку дождити не попустил еси, ныне призри на нас милостию и с небесе животворящую росу низпосли нам во время зноя.
Слава Отцу и Сыну и Святому Духу.
Иже люди неверныя гладом утеснил еси, ныне, яко во свете пребывая, обрати мя от пленения страстей, премудре Илие, и на делание дел света настави мя.
И ныне и присно и во веки веков. Аминь.
Упование и утверждение и стену нерушимую стяжавше тя, Всепетая Богородице Дево, от всякаго зла избавляемся.
Ирмос: Не отрини мене от лица Твоего, Свете незаходимый, и да не покрыет мене тьма непросвещенная, но призри на мя и ко свету заповедей Твоих пути моя направи, молюся.
Святый великий пророче Илие, моли Бога о нас.
Ревностию благочестия разжегся, собрал еси всего Израиля и лживыя пророки на гору Кармил; первее жрецы Вааловы призваша имя идола и, принесше тельца, посрамишася силою Божиею.
Святый великий пророче Илие, моли Бога о нас.
Возложив тельца на дрова, возлил еси воду и призвал еси имя Господне, Иже с небесе призре на жертву твою, яко на Авелеву, и пожже ю пламенем огненным, и люди ужасшеся познаша Бога Израилева.
Слава Отцу и Сыну и Святому Духу.
Органом явился еси, преподобне, благодатию воспевающим ревность Бога ревнителя, и немилостивно избил еси лживыя пророки, ядущия от трапезы Иезавелины,
И ныне и присно и во веки веков. Аминь.
Солнца незаходимаго Родительнице, Богородице, всецело просвети мя, омраченнаго страстьми, и исполни мя света божественнаго.
Ирмос: Прости ми, Благий, безчисленная прегрешения моя, ихже ради призываю Тя: избави мя от зол, к Тебе вопию: услыши мя, Боже, Спасе мой.
Святый великий пророче Илие, моли Бога о нас.
Сокрушив дерзость скверных идолослужителей, утолил еси гнев Создателя, непокорством подвигнутый, и благопризре на моления твоя излиянием дождя и благорастворением воздухов.
Святый великий пророче Илие, моли Бога о нас.
Аще и Ахав царь радовашеся, безстудная царица ярящеся и искаше тя убити, яко на нечистыя жерцы ея навел еси смерть по праведному суду.
Слава Отцу и Сыну и Святому Духу.
От гнева пророкоубийцы Иезавели бежал еси и в пустынях и горах жительствовал еси любве ради Божия, Иже и препита тя Ангелом пищею нетрудною.
И ныне и присно и во веки веков. Аминь.
Марие Пречистая, сосуде девства, очисти ум мой, страстию омраченный, и исполни, Богородице, сердце мое благодати и правды.
Спаси от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, Всепетая Богородице, и тел наших лютыя язвы исцели и душ наших болезни.
Иерей: Паки и паки миром Господу помолимся.
Лик: Господи, помилуй.
Иерей: Заступи, спаси, помилуй и сохрани нас, Боже, Твоею благодатию.
Лик: Господи, помилуй.
Иерей: Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга и весь живот наш Христу Богу предадим.
Лик: Тебе, Господи.
Иерей: Яко Ты еси Царь мира и Спас душ наших, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Пророче и провидче великих дел Бога нашего, Илие великоимените, вещанием твоим ставый водоточныя облаки, моли о нас Единаго Человеколюбца.
Многому беззаконию человеков и многому Божию человеколюбию зритель быв, пророк Илия смущашеся и гневно ко Благоутробному вопияше: прогневайся на неверующия, Судие праведный. Но благоутробие Благаго никакоже подвигнул еси к мучению непокоривых Ему: присно бо покаяния всех ждет Един Человеколюбец.
Иерей: Вонмем. Премудрость. Прокимен
Ты иерей вовек по чину Мелхиседекову.
Стих: Моисей и Аарон во иереех Его.
Иерей: Господу помолимся.
Лик: Господи, помилуй.
Иерей: Яко свят еси, Боже наш, и во святых почиваеши, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Иерей: Всякое дыхание да хвалит Господа.
Стих: Хвалите Бога во святых Его, хвалите Его во утверждении силы Его.
Иерей: И о сподобитися нам слышанию святаго Евангелия Господа Бога молим.
Лик: Господи, помилуй (Трижды).
Иерей: Премудрость, прости, услышим святаго Евангелия. Мир всем.
Лик: И духови твоему.
Иерей: От Матфея святаго Евангелия чтение.
Лик: Слава Тебе, Господи, слава Тебе.
Иерей: Вонмем.
Рече Господь Своим учеником: кто принимает вас, принимает Меня, а кто принимает Меня, принимает Пославшего Меня; кто принимает пророка во имя пророка, получит награду пророка; и кто принимает праведника во имя праведника, получит награду праведника. И кто напоит одного из малых сих только чашею холодной воды во имя ученика, истинно говорю вам, не потеряет награды своей.
Слава Отцу и Сыну и Святому Духу.
Молитвами святаго пророка Илии, Милостиве, очисти множества наших согрешений.
И ныне и присно и во веки веков. Аминь.
Молитвами Богородицы, Милостиве, очисти множества наших согрешений. Помилуй мя, Боже, по велицей милости Твоей, и по множеству щедрот Твоих очисти беззаконие мое, и помилуй мя, Боже.
Стихира: Ничиеже моления не презри, благий Господи, нас, молящих пророка Илию, но молитвами его приими усердное пение наше и даруй нам мзду пророческую, да сподобимся славу Твою видети и с ними воспевати: аллилуиа.
Иерей: Спаси, Боже, люди Твоя и благослови достояние Твое, посети мир Твой милостию и щедротами, возвыси рог христиан православных и низпосли на ны милости Твоя богатыя, молитвами Всепречистыя Владычицы нашея Богородицы и Приснодевы Марии; силою Честнаго и Животворящаго Креста, силою Креста от виноградной лозы; предстательствы честных Небесных Сил безплотных; честнаго, славнаго Пророка, Предтечи и Крестителя Иоанна и праведнаго Еноха; святых славных и всехвальных первоверховных апостолов Петра и Павла; святаго апостола Фомы и просветителей Грузии, апостолов Андрея Первозваннаго, Симона Кананита и Матфия; святыя матере нашея, равноапостольныя девы Нины; святых равноапостольных царя Мириана и царицы Наны; иже во святых отец наших и вселенских великих учителей и святителей Василия Великаго, Григория Богослова и Иоанна Златоустаго; святых чудотворцев, отец наших Николая, архиепископа Мир Ликийских, и Спиридона Тримифунтскаго; святаго преподобнаго отца нашего Иоанна Зедазнийскаго и двоюнадесяти учеников его, вторых просветителей Церкве Грузинския и присных ея покровителей; святых славных и добропобедных мучеников: святаго великомученика и победоносца Георгия и святых великих дев-мучениц Варвары и Марины; святаго священномученика Неофита Урбнисскаго и святаго великомученика Або Тбилисскаго; святых славных мучеников, князей Аргветских Давида и Константина; святых шести тысяч мучеников, иноков Гареджийских; святых ста тысяч мучеников, в Тбилиси от хорезмийцев избиенных, и святаго великомученика Шалвы Ахалцихскаго; святаго великомученика Бидзины и святых славных мучеников Шалвы и Элизбара, эриставов Ксанских; богомудрых блаженных отец Илариона Грузина, Серапиона Зарзмскаго и Григория Хандзтийскаго, и преподобных отец наших Афонских Иоанна, Гавриила, Иоанна, бывшаго Торники, Евфимия и Георгия; святых благоверных и великих царей наших Вахтанга Горгасала, Ашота Куропалата, Давида Строителя и Соломона; святыя благоверныя царицы Тамары; святых добропобедных царей и цариц Архила, Димитрия, Шушаники, Кетевани и Луарсаба; святаго праведнаго Илии; святаго Евфимия Исповедника и святых исповедников Иоанна и Георгия-Иоанна; святых и праведных родителей Богородицы Иоакима и Анны, и святаго пророка Илии, и всех святых Твоих: молим Тя, многомилостиве Господи, услыши нас, грешных, молящихся Тебе, и помилуй нас.
Лик: Господи, помилуй.
Иерей: Милостию, и щедротами, и человеколюбием Единороднаго Сына Твоего, с Нимже благословен еси, со Пресвятым, и Благим, и Животворящим Твоим Духом, ныне и присно и во веки веков.
Лик: Аминь.
Ирмос: От земли Иудейския в Вавилон мучителем пленени отроцы, Духом облечени, пламень пещный угасиша, глаголюще: благословен еси, Господи Боже отец наших.
Святый великий пророче Илие, моли Бога о нас.
Достигшу тебе горы Божия Хорива, всехвальне Илие, явися тебе Господь трусом и гласом хлада тонка; повелением же Его обрет Елисея, милоть твою верже нань и причастника его сотворил еси божественныя славы.
Святый великий пророче Илие, моли Бога о нас.
Богомудре, познашася тебе силы божественныя, и люди Богоизбранныя учил еси пути праваго и спасительнаго; тако и ныне излиянием благодати твоея очисти и просвети мя и в дар принеси мя Царю Небесному.
Слава Отцу и Сыну и Святому Духу.
Стену божественную, утверждение и благое прибежище стяжа тя Израиль; ныне же покрый люди законныя, Христовым именем нарицаемыя: от путей погибельных избави и научи пути непогрешительному, на небо возводящему.
И ныне и присно и во веки веков. Аминь.
Спаси мя, Мати Божия, одержимаго глубиною согрешения, и от злобы всех врагов исхити мя, да спасен величаю помощь твою.
Ирмос: Царя Небеснаго, Егоже поют вои ангельстии, хвалите и превозносите во вся веки.
Святый великий пророче Илие, моли Бога о нас.
Во Израили сиял еси добродетельми, блаженне; ныне и о новом Израили подвизайся, да внидет во Иерусалим небесный.
Святый великий пророче Илие, моли Бога о нас.
Украсился еси правдою безценною, преславне Илие, и милотию разделил еси реку Иорданскую и пеш прешел еси.
Слава Отцу и Сыну и Святому Духу.
Тобою огнь с небесе одожди, попаляя дважды пятьдесят оных воинов; нас же помилуй и силою молитв твоих паки возвыси достоинство и славу народа нашего.
И ныне и присно и во веки веков. Аминь.
Егоже родила еси Слово паче слова, Богородице Святая, Того моли с верою о почитающих тя.
Ирмос: Воистинну Богородицу исповедуем тя, спасеннии тобою, Дево чистая, с безплотными лики тя непрестанно величающе.
Святый великий пророче Илие, моли Бога о нас.
Восхищен был еси колесницею огневидною и коньми на небеса, дивный и преславный, пророче отче и блаженный подвижниче; и милоть низвергшу тебе, Елисей, облекийся в ню, сугубую благодать божественную прият.
Святый великий пророче Илие, моли Бога о нас.
Колесницею огненною прешед небесныя высоты и пред Бога достигнув, дарова ти нетления Податель огнедышущую благодать не видети смерти даже до проповеди во время пришествия антихристова и кончины всех.
Слава Отцу и Сыну и Святому Духу.
Егда преобразися Христос на горе, видел еси с Моисеем, егоже око не виде и ухо не слыша: Господа, славою Отчею облистаема на Фаворе.
И ныне и присно и во веки веков. Аминь.
Носила еси во объятиях Бога, всех Носящаго, и питала еси Питателя, Святая, уподобльшагося нам; Того моли даровати людем твоим избавление от всех зол.
Достойно есть яко воистинну блажити тя, Богородицу, присноблаженную и пренепорочную и Матерь Бога нашего. Честнейшую херувим и славнейшую без сравнения серафим, без истления Бога Слова рождшую, сущую Богородицу тя величаем.
Иерей кадит.
Исполнением прорицаний твоих пророком верным нарицаше тя Израиль, и мы чаем дивнаго явления твоего, да предвозвестиши животворящее пришествие Христово.
Егда милоть твоя, сугубою силою облеченная, дадеся царствующему граду Мцхете, погребоша святыню оную под камением нетленну даже до времене своего, и над нею прозябе вода чудотворная, от неяже паки источаеши исцеления; сего ради сердце наше желает приити к матери всех церквей — Светицховели, да святыню сию тепле облобызаем и исцеления почерпнем, хвалящии тя.
О славы честныя, еяже сподобился еси, на небо текий пророче! Божиим бо промыслом предидеши с великим Енохом пред вторым пришествием, на обличение антихриста и на утешение праведных, богоблаженне Илие.
Пророка святаго и ангела Божия и втораго пришествия Его к человеком проповедника верна тепле молим: неизреченною силою твоею присно спутник нам буди, боговдохновенне, и отжени враги и боряющия нас, и изнемози еретики.
Суд праведный и страшный Царев изречен есть на языки непокоривыя и сопротивныя, якоже прорекл еси, богоблаженне Илие; но ныне духом не отлучайся от нас и моли Христа, Царя нашего, да призрит на люди Своя, не имущия ответа пред Ним, да не по правде воздаст нам по злым делом нашим и да дарует малодушию нашему долготерпение.
Ныне уже укрепися совет беззакония, и аз, нападении нерадения побежден, трепещу чаемаго дне втораго во славе пришествия Христова, яко не стяжах дела, имже бых оправдался пред престолом Его; оттуду призри на мя и излей на мя благодать и милость.
О преславная и нетленная Мати Божия, множества ради грехов наших не имамы дерзновения молити Бога; но егда приидет Сын твой судити всему миру, тогда заступи нас пред Ним, да с пророки и всеми святыми непостыдным и радостным лицем потщимся воспевати Пресвятую Троицу:
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды)
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Священник: Яко Твое есть Царство…
Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце, грешнии приносим: помилуй нас.
Слава Отцу и Сыну и Святому Духу.
Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне на ны, яко благоутробен, и избави ны от праведнаго гнева Твоего: Ты бо еси Бог наш, и мы людие Твои, вси дела руку Твоею, и имя Твое наречеся на нас; и помилуй нас.
И ныне и присно и во веки веков. Аминь.
Милосердия двери отверзи нам, благословенная Богородице, надеющиися на тя да не погибнем, но да избавимся тобою от сопротивных враг: ты бо еси спасение рода христианскаго.
Иерей: Помилуй нас, Боже, по велицей милости Твоей, молим Ти ся, услыши и помилуй.
Лик: Господи, помилуй (Трижды).
Иерей: Еще молимся о милости, жизни, мире, здравии, долгоденствии, спасении, просвещении, прощении, благопоспешении и тишине рабов (или рабынь) Божиих и всех чад Церкве нашея, да сохранит Господь Бог наш царствующий град сей наш и святый храм сей и вся грады и веси Иверии от глада, губительства, труса, потопа, огня, меча, нашествия иноплеменников, междоусобныя брани и смертоносныя язвы; да милостив нам будет Бог благостию и человеколюбием Своим, во еже благостояти, и отвратит гнев, на ны повседневно движимый, и избавит нас от праведнаго Своего прещения, на ны належащаго, и помилует нас.
Лик: Господи, помилуй (40 раз).
Иерей: Услыши ны, Боже, Спасителю наш, упование всех концев земли и сущих в мори далече, и милостив, милостив буди о гресех наших, и помилуй ны; милостив бо и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
О всехвальный и знаменьми чудес прославленный пророче Илие Фесвитянине! Святою Троицею избранный и в плоти человечестей на небо восхищенный, от Ангелов восхваляемый, от подвижников почитаемый, от христиан с надеждою ублажаемый, и всем убогим, бедствующим и к тебе прибегающим прибежище, стено и крепкий покрове.
О пророче и вторый Предтече втораго на землю пришествия Христова, Илие! Нетленна тя сотвори Бог, да не вкусиши смерти, дондеже во Иерусалиме не проповеси о кончине мира, и со Енохом обратиши заблуждших и посрамиши последующих антихристу, дондеже не убиени будете им; по трех же днех дух жизни от Бога внидет в вас и, призвани, взыдете на облаце на небо, якоже прорече святый апостол Иоанн Богослов; иже бо не обратится, падет падением беззакония. Сего ради молим тя: соблюди непоколебиму святую Христову Церковь от нападения врагов и сотвори ю победительницу на еретики, нас же всех от племен, на брань на ны собравшихся, избави и покрый от прелести и соблазна антихристова. Укрепи великаго господина нашего, Святейшаго и Блаженнейшаго Католикоса-Патриарха всея Грузии, Архиепископа Мцхетскаго и Тбилисскаго и Митрополита Бичвинтскаго и Цхум-Абхазскаго, отца нашего Илию, и преосвященных митрополитов, архиепископов и епископов, и весь священнический и монашеский чин; даруй нам христолюбивое правительство и воинство его; сохрани делателей народа и святыя Церкве нашея и всех православных христиан.
О всечестный пророче Илие Фесвитянине, Пресвятыя Троицы угодниче, Ангелов подражателю и сподвижниче, иже небо заключил еси и росы обуздал еси, воздухом повелел еси и огнь свыше призвал еси; и, избив жерцы, утолил еси гнев Божий, и облаком повелел еси низвести дождь на землю: ныне призри милостивым оком на люди наша и умоли Всеблагаго Бога, да не прогневается на ны по беззаконием нашим, но да свободит нас от грехов и отженет от нас глад телесный и погибель душевную, да покрыет нас от огня, меча, нашествия врагов и от всякаго сопротивнаго, да дарует нам мирное и безмятежное житие, благорастворение воздухов и благовременный дождь к прозябению плодов с небесе ниспослет на землю, и во благоденствии всех нас спасет; да, предводими и соблюдаеми молитвою твоею, достигнем вечнаго оного мира и с тобою прославим Бога, в Троице славимаго, Отца и Сына и Святаго Духа, ныне и присно и во веки веков. Аминь.
Иерей: Премудрость!
Пресвятая Богородице, спаси нас.
Лик: Честнейшую херувим и славнейшую без сравнения серафим, без истления Бога Слова рождшую, сущую Богородицу тя величаем.
Иерей: Слава Тебе, Боже наш, слава Тебе.
Лик: Слава Отцу и Сыну и Святому Духу, и ныне и присно и во веки веков. Аминь.
Господи, помилуй (Трижды). Благослови.
Иерей творит отпуст.
Лик: Аминь.
Мирянин: Слава Отцу и Сыну и Святому Духу, и ныне и присно и во веки веков. Аминь. Господи, помилуй (трижды). Господи Иисусе Христе, Сыне Божий, молитвами Пречистыя Твоея Матере, благодатию и молитвами великаго пророка Илии и всех святых, помилуй нас. Аминь.
При целовании иконы его поем сице:
Вся глаголы твоя истинни суть, пророче Илие, яко сокровенное таинство, яко явное, зрел еси и грядущее известно ведал еси; темже, дерзновение имея к Богу, Того моли, блаженне, да даст нам милость и отвратит гнев, грех ради наших подвигнутый, и низложит шатания еретиков, и разрушит наветы враг, и оградит единством Церковь, да не рекут безбожнии и христоборцы: где есть Бог их, на Негоже уповают?
Владычице, призри на моление рабов твоих и молитвами пророка Илии исполни благое прошение наше, да сподобимся вечнаго блаженства.
Составила Тинатин Мчедлишвили
