Молебный параклис преподобному отцу нашему святому архимандриту Гавриилу, исповеднику и юродивому
Иерей: Благословен Бог наш…
И аще мирянин, глаголет: Господи Иисусе Христе, Сыне Божий, молитвами Пречистыя Твоея Матере и всех святых, помилуй нас. Аминь.
Слава Тебе, Боже наш, слава Тебе.
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды)
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Иерей: Яко Твое есть Царство…
Аминь. Господи, помилуй (12 раз).
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.
Слава Отцу и Сыну и Святому Духу, и ныне и присно и во веки веков. Аминь.
Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже наш, слава Тебе.
Иерей: Бог Господь, и явися нам, благословен Грядый во имя Господне.
Лик: Стих 1: Исповедайтеся Господеви, яко благ, яко в век милость Его. Лик: Стих 2: Вси языцы обыдоша мя, и именем Господним противляхся им. Лик: Стих 3: Не умру, но жив буду и повем дела Господня. Лик: Стих 4: Камень, егоже небрегоша зиждущии, сей бысть во главу угла; от Господа бысть сей, и есть дивен во очесех наших.
Божественнаго грома трубо духовная и велегласный проповедниче любве, мученикам подобне подвизавыйся и в напастех сущим скорый помощниче, грузин похвало, преподобне отче Гаврииле, исповедниче и юродиве, моли Христа Бога помиловати души наша.
Слава Отцу и Сыну и Святому Духу.
Распятием и подвигом твоим души человеческия пожал еси для Царствия Божия, пред безбожными, яко безплотный, безстрашно исповедал еси Бога и кровию и слезами утверждал еси Царствие, смирением облеклся еси, яко ризою света, и помыслы мира сего непобедимо низложил еси юродством твоим, похвало народа грузинскаго, преподобне отче Гаврииле, исповедниче и юродиве, моли возлюбленнаго тобою распятаго Бога, Иисуса Христа, помиловати и спасти души наша.
И ныне и присно и во веки веков. Аминь.
Не умолчим никогда, Богородице, силы твоя глаголати, недостойнии; аще бы бо ты не предстояла молящи, кто бы нас избавил от толиких бед? Кто же бы сохранил доныне свободны? Не отступим, Владычице, от тебе, твоя бо рабы спасаеши присно от всяких лютых.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Ирмос: Мановением Твоим, Боже, естества текущая стеною воздвигл еси и посреде их провел еси люди израильтяны посуху, и пояху песнь победную.
Святый преподобне отче Гаврииле, исповедниче и юродиве, моли Бога о нас.
Ревность имел еси, святый старче, о правой сей вере и о распространении любве и показал еси нам путь благочестия.
Святый преподобне отче Гаврииле, исповедниче и юродиве, моли Бога о нас.
Чистотою сердца бывшу ти жилищу Святаго Духа, благоухание молитв твоих, преподобне, яко добрый фимиам, присно восхождаше к Богу.
Святый преподобне отче Гаврииле, исповедниче и юродиве, моли Бога о нас.
Возсиял еси посреде всех во святом оскудении истины во времена оны беззаконныя, блаженне старче, и просветил еси народ твой подвигом твоим.
Слава Отцу и Сыну и Святому Духу.
Яко приял еси от Бога дерзновение ходатайствовати о грешных, ныне молю тя, святый старче, избави окаянную душу мою от работы греховныя.
И ныне и присно и во веки веков. Аминь.
Разрешися клятва Евы, первыя матере, егда Неискусобрачная роди Превысшаго естеств; людие же вернии, якоже достойно есть, праведно славят ю.
Ирмос: Боже Спасе наш, всех Создателю, словом утвердивый небеса высокая со всею силою их, и Духом божественным утверди нас единством на камени веры.
Святый преподобне отче Гаврииле, исповедниче и юродиве, моли Бога о нас.
От юности был еси смирен и весьма удалялся еси обычая детской резвости; егда же возрастл еси, преподобне, бегал еси юношеских похотей и был еси готов на всякое благое дело.
Святый преподобне отче Гаврииле, исповедниче и юродиве, моли Бога о нас.
Змий прелестник видением дивным ополчися на брань на отрока оного малаго, но ты силою свыше попрал еси силу диаволю; ныне отжени от молящих тя искушения, им воздвигнутыя.
Святый преподобне отче Гаврииле, исповедниче и юродиве, моли Бога о нас.
Дом родителей твоих имел еси, яко чужий, и, живя в нем во образе нищаго, любовию Христовою уязвлен, облеклся еси в Крест Его, блаженне, и последовал еси стопам Его.
Слава Отцу и Сыну и Святому Духу.
Во владычество богоборцев, небесным желанием разжегся, неутомимо трудился еси созидати обитель Господню, и, егда трижды разоряху созданное тобою, паки лучшее воздвизал еси.
И ныне и присно и во веки веков. Аминь.
მჴსნელო ჩუენო იესუ, ვედრებითა მშობელისა შენისაჲთა მშჳდობაჲ სოფელსა მოჰმადლე, და ძლევაჲ ჯუარითა მოეც ერსა ჩუენსა ღმრთისმოყუარესა მტერთა ზედა ურწმუნოთა, და მორწმუნენი ღირს-მყვენ შენდობასა.
Избави от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, Всепетая Богородице, и тел наших лютыя язвы исцели и душ наших болезни.
Иерей: Помилуй нас, Боже, по велицей милости Твоей, молим Ти ся, услыши и помилуй.
Лик: Господи, помилуй (Трижды).
Иерей: Еще молимся о богохранимем народе нашем и державе его (о христолюбивом правительстве и воинстве его).
Лик: Господи, помилуй (Трижды).
Иерей: Еще молимся о Святейшем и Блаженнейшем Католикосе-Патриархе всея Грузии, Архиепископе Мцхетско-Тбилисском, великом господине и отце нашем Илии, и о преосвященнейшем (здесь поминаются по именам, кого желаете), и о всей во Христе братии нашей.
Лик: Господи, помилуй (Трижды).
Иерей: Еще помолимся Господу Богу нашему, да помилует раба или рабу (здесь поминаются по именам те, о нихже молятся). Умножи, Господи, дни и лета живота их и избави их, Господи, от всякия скорби, гнева и нужды, и от всякия язвы душевныя и телесныя, и прости им всякое согрешение, вольное же и невольное.
Лик: Господи, помилуй (Трижды).
Иерей: Еще молимся о всех православных христианех.
Лик: Господи, помилуй (Трижды).
Иерей: Яко милостив и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Узрев тя тепле вшедша в подвиг, многоразличное искушение наведе на тя диавол, да угасит теплоту твою, и попусти то Бог, якоже на праведнаго Иова. Ты же, уготовав себе на искушения, многажды алкал еси и жаждал еси; изнемогл еси; поругание и поношение подъял еси; был еси в узах; предстал еси на суд и бит был еси, и пред богоборцы дерзновенно исповедал еси Христа. Того моли ныне о избавлении нас от скорбей, богоблаженне Гаврииле, совершающих память твою.
Ирмос: Не Ангел, но Сам Господь, от Девы воплотивыйся Бог, пришел еси к нам и всецело спасл еси нас, вопиющих: слава силе Твоей.
Святый преподобне отче Гаврииле, исповедниче и юродиве, моли Бога о нас.
Егда богоборцы великую скорбь и тесноту наведоша на церкви и верных, мнози нуждею совлачахуся схимы иноческия, ты же избрал еси течение тесным путем и непоколебимо пребыл еси в правом исповедании.
Святый преподобне отче Гаврииле, исповедниче и юродиве, моли Бога о нас.
Во время безбожных мучительства, юн сый, яко старец и мудр, долготерпеливно сносил еси совлечение божественныя любве и смиренно понесл еси поругание.
Святый преподобне отче Гаврииле, исповедниче и юродиве, моли Бога о нас.
Егда постригоша тя в малую схиму, преподобне, нарекоша тя именем Гавриила Афонскаго, с нимже соединился еси, новый сей подвижник, во утешение народа иверскаго, и уподобился еси ему иноческим нестяжанием.
Слава Отцу и Сыну и Святому Духу.
Рукоположен быв во иеромонаха, проповедал еси всенепорочную веру православия и, крестя народ твой, во тьме язычества погруженный, учил еси хранити заповеди Божия.
И ныне и присно и во веки веков. Аминь.
Истинная Мати Божия, моли Сына твоего и Создателя, да наставит нас в тихое пристанище и избавит от потопления грехов наших.
Ирмос: Дух спасения, Господи, иже зачаша в сердцах первии пророцы и родиша на земли, возвести нам пришествие Твое на землю в живот верных, и ныне просвещеннии песньми величаем Тя.
Святый преподобне отче Гаврииле, исповедниче и юродиве, моли Бога о нас.
Егда многажды постизаше тя поругание от безбожных, отшел еси в Бетанию, идеже живяху чудотворнии отцы Георгий со Иоанном, и, егда научиша тя благочестию, укрепился еси, и дадеся тебе от Христа благодать ведения сокровенных.
Святый преподобне отче Гаврииле, исповедниче и юродиве, моли Бога о нас.
ხედვიდი რაჲ ერსა შენსა ურწმუნოებასა შინა, განხურდი ქრისტეს სიყუარულითა, რამეთუ ჰმსახურებდენ დაბადებულთა და არა დამბადებელსა, რომელი-იგი კურთხეულ არს უკუნისამდე, და აღუდევ ცეცხლი და დასწუენ საძაგელი იგი სახებაჲ კაცისა მის ღმრთისმბრძოლისაჲ.
Святый преподобне отче Гаврииле, исповедниче и юродиве, моли Бога о нас.
შეგიპყრეს და წარგადგინეს რაჲ წინაშე მძლავრთა, სთქუ კადნიერად: `არა უხმს დიდებაჲ მძორსა მას კაცისასა, არამედ მაცხოვარსა, მკუდრეთით აღმდგარსა~, და ამხილებდი ძალითა სულისაჲთა, გარნა არცაღა შეიწყნარეს ჭეშმარიტებაჲ უგუნურთა მათ და შეგაყენეს დილეგსა.
Слава Отцу и Сыну и Святому Духу.
Ни раны, ни страх смертный не возмогоша отлучити тебе от любве истиннаго Бога, ибо безчисленныя язвы подъял еси и, яко злато, в горниле искушений искусился еси.
И ныне и присно и во веки веков. Аминь.
Небо и земля просветишася тобою, Неневестная Мати Иисусова, ибо возсияла еси нам Свет неугасимый, Бога всех, Иже во тьме заключенныя избави и Небеснаго Царствия жители яви нас.
Ирмос: Погружен волнами искушений мира сего, с корабля греховнаго впад и зверю душегубному вержен, вопию Ти: якоже Иону избавил еси от тления и смерти, тако избави и мене, Христе.
Святый преподобне отче Гаврииле, исповедниче и юродиве, моли Бога о нас.
Иже прежде безумием хваляхуся, разсвирепеша убити тя, но молитвою и молением твоим к Богу упразднися дерзость их, блаженне, и Христос, камень крепости, дивно покры тя.
Святый преподобне отче Гаврииле, исповедниче и юродиве, моли Бога о нас.
Козни безбожия не возмогоша поколебати твердости веры твоея, и, егда вчиниша тя с безумными и отверженными, найдоша на тя безчисленныя искушения, ихже никтоже весть, разве Бога.
Святый преподобне отче Гаврииле, исповедниче и юродиве, моли Бога о нас.
Егда отпустиша тя ходатайством патриарха Ефрема, паки начал еси служити в Сиони, но возбранен был еси от служения и причащения мучительством властей и, яко нищий безкровный, во гробех и пещерах пребывал еси и просил еси милостыни.
Слава Отцу и Сыну и Святому Духу.
Прелести не терпящий и зело любящий ближняго, обличал еси народ твой за безбожие, да не найдет на него суд Божий; Того моли ныне, да избавит нас от лютых грехов и сохранит от сети вражия.
И ныне и присно и во веки веков. Аминь.
Прообрази таинство твое, Дево, первее кивот закона, вместилище божественных писаний, и стамна златая, жилище манны, и жезл.
Избави от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, Всепетая Богородице, и тел наших лютыя язвы исцели и душ наших болезни.
Иерей: Паки и паки миром Господу помолимся.
Лик: Господи, помилуй.
Иерей: Заступи, спаси, помилуй и сохрани нас, Боже, Твоею благодатию.
Лик: Господи, помилуй.
Иерей: Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга и весь живот наш Христу Богу предадим.
Лик: Тебе, Господи.
Иерей: Яко Ты еси Царь мира и Спас душ наших, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Яко угодник Божий и верный, жестокость иноческую паче сладостей мира избрал еси и, достиг верха совершенства, премудрость твою юродством покрыл еси и, яко исповедник, на всяк день подвизался еси во славу Божию; Того моли ныне непрестанно о избавлении нашем от всякаго недуга и лютаго искушения, да зовем ти, преподобне Гаврииле: радуйся, покровителю уповающих на тя!
Мужественно восприим щит веры, вооружился еси постом, молитвою и иными многими подвиги и, юродством Христа ради проповедуя Евангелие, претерпел еси многия искушения и сугубый венец исповедничества и юродства приял еси от Бога; ныне испроси нам от Него прощение грехов и беззаконий наших, святый старче Гаврииле, да сподобимся славы Его.
Иерей: Вонмем. Премудрость. Прокимен, глас 4
Честна пред Господем смерть преподобных Его.
Стих: Пойте Господеви, преподобнии Его.
Иерей: Господу помолимся.
Лик: Господи, помилуй.
Иерей: Яко свят еси, Боже наш, и во святых почиваеши, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Иерей: Всякое дыхание да хвалит Господа.
Стих: Хвалите Бога во святых Его, хвалите Его во утверждении силы Его.
Иерей: И о сподобитися нам слышанию святаго Евангелия Господа Бога молим.
Лик: Господи, помилуй (Трижды).
Иерей: Премудрость, прости, услышим святаго Евангелия. Мир всем.
Лик: И духови твоему.
Иерей: От Луки святаго Евангелия чтение.
Лик: Слава Тебе, Господи, слава Тебе.
Иерей: Вонмем.
Рече Господь Своим учеником: блаженны нищие духом, ибо ваше есть Царствие Божие. Блаженны алчущие ныне, ибо насытитесь. Блаженны плачущие ныне, ибо воссмеетесь. Блаженны вы, когда возненавидят вас люди и когда отлучат вас, и будут поносить, и пронесут имя ваше, как безчестное, за Сына Человеческаго. Возрадуйтесь в тот день и возвеселитесь, ибо велика вам награда на небесах.
Лик: Слава Тебе, Господи, слава Тебе.
Слава Отцу и Сыну и Святому Духу.
Молитвами святаго отца нашего Гавриила, Милостиве, очисти множества наших согрешений.
И ныне и присно и во веки веков. Аминь.
Молитвами Богородицы, Милостиве, очисти множества наших согрешений.
Помилуй мя, Боже, по велицей милости Твоей, и по множеству щедрот Твоих очисти беззакония моя, и помилуй мя, Боже.
Стихира: О, колика преславная сотворил еси любве ради Божия! Ибо поругание и поношение подъял еси и, скорбию и подвигом совершив житие века сего, не оставил еси уповающих на тя, по обещанию твоему, но, яко орел быстрокрылый, обходиши весь мир, избавляеши от искушений сущих в печалех и узах и подаеши исцеление просящим.
Иерей: Спаси, Боже, люди Твоя и благослови достояние Твое, посети мир Твой милостию и щедротами, возвыси рог христиан православных и низпосли на ны милости Твоя богатыя, молитвами Всепречистыя Владычицы нашея Богородицы и Приснодевы Марии; силою Честнаго и Животворящаго Креста, силою Креста от виноградной лозы; предстательствы честных Небесных Сил безплотных; честнаго, славнаго Пророка, Предтечи и Крестителя Иоанна; святаго пророка Илии Фесвитянина и праведнаго Еноха; святых славных и всехвальных первоверховных апостолов Петра и Павла; святаго апостола Фомы и просветителей Грузии, апостолов Андрея Первозваннаго, Симона Кананита и Матфия; святыя матере нашея, равноапостольныя девы Нины; святых равноапостольных царя Мириана и царицы Наны; иже во святых отец наших и вселенских великих учителей и святителей Василия Великаго, Григория Богослова и Иоанна Златоустаго; иже во святых отца нашего Николая, архиепископа Мир Ликийских, и святаго чудотворца отца нашего Спиридона, епископа Тримифунтскаго; святаго преподобнаго отца нашего Иоанна Зедазнийскаго и двоюнадесяти учеников его, вторых просветителей Церкве Грузинския и присных ея покровителей; святых славных и добропобедных мучеников: святаго великомученика и победоносца Георгия и святых великих дев-мучениц Варвары и Марины; святых славных мучеников, князей Аргветских Давида и Константина, и святаго великомученика Шалвы Ахалцихскаго; святаго великомученика Бидзины и святых славных мучеников Шалвы и Элизбара, эриставов Ксанских; святаго священномученика Неофита Урбнисскаго и святаго великомученика Або Тбилисскаго; богомудрых блаженных отец Илариона Грузина, Серапиона Зарзмскаго и Григория Хандзтийскаго; преподобных отец наших Афонских Иоанна, Гавриила, Иоанна, бывшаго Торники, Евфимия и Георгия; святых благоверных и великих царей наших Вахтанга Горгасала, Ашота Куропалата, Давида Строителя и Соломона; святыя благоверныя царицы Тамары; святых добропобедных царей и цариц Архила, Димитрия, Шушаники, Кетевани и Луарсаба; святых ста тысяч мучеников, в Тбилиси от хорезмийцев умученных; святых мучеников, шести тысяч иноков Гареджийских; святаго праведнаго Илии; святых и праведных богоотец Иоакима и Анны (и святаго, егоже есть храм); святаго архимандрита, преподобнаго отца нашего Гавриила, исповедника и юродиваго, и всех святых Твоих молим Тя, многомилостиве Боже, услыши моление нас, грешных, и помилуй нас.
Лик: Господи, помилуй (12 раз).
Иерей: Милостию, и щедротами, и человеколюбием Единороднаго Сына Твоего, с Нимже благословен еси, со Пресвятым, и Благим, и Животворящим Твоим Духом, ныне и присно и во веки веков.
Лик: Аминь.
Ирмос: Отроцы в Вавилоне в пещи росою свыше орошени, к Богу вопияху и глаголаху: благословен еси, Господи отец наших, Боже, во веки.
Святый преподобне отче Гаврииле, исповедниче и юродиве, моли Бога о нас.
Егда патриарх божественным разумом призва тя во алтарь, причасти тя и отпусти во обитель Самтавро; ты же, уединився в малой келлии во многой нищете, приносил еси Жертву Безкровную и проповедал еси дивно.
Святый преподобне отче Гаврииле, исповедниче и юродиве, моли Бога о нас.
Житель небеснаго Иерусалима, вселился еси в новый Иерусалим, царственный град Мцхету, близ ежевичника, идеже Нина, раба Христова, из Иерусалима прииде и, молящися, Крестом Животворящим обрати грузин.
Святый преподобне отче Гаврииле, исповедниче и юродиве, моли Бога о нас.
Егда преселился еси в башню Мирианову, украсил еси ю святыми кресты и иконами, яже искал еси и своими руками устроял еси, и многих обличал еси и научал еси ополчатися на враги невидимыя и видимыя, и жен наставлял еси прилежати молитве.
Слава Отцу и Сыну и Святому Духу.
Христа ради юрод был еси и, восприим сугубый подвиг — затвора и юродства, мудрый, вменен был еси безумным и был еси в посмех священству и народу; ныне же пребываеши святым Церкве Иверския и имаши благодать помогати верным, темже подвизаемся восхвалити подвиг твой.
И ныне и присно и во веки веков. Аминь.
Радуйся, дщи Адамова; радуйся, Невесто Божия; радуйся, Мати Спасова, вместившая Творца твоего; заступи нас присно.
Ирмос: Купина в Синаи несгораемая Бога яви гугнивому и косноязычному Моисею, и ревность божественная отроки от пещи избави, и в песни вопияху: вся дела, благословите днесь Бога и Господа, пойте и превозносите Его во веки.
Святый преподобне отче Гаврииле, исповедниче и юродиве, моли Бога о нас.
Якоже Давид смири себе и рече сокрушенным сердцем: «Аз же есмь червь, а не человек, поношение человеков и уничижение людей», тако и ты показал еси нам высоту смирения и, яко уничиженный, пьяница и непотребный, псом Спасовым нарицал еси себе, да не прославишися добродетелию и святостию.
Святый преподобне отче Гаврииле, исповедниче и юродиве, моли Бога о нас.
Присно в плаче был еси, блаженне, и в памяти вечнаго суда, и во гробе, яко мертв, простираяся, слезы от очес проливал еси, ибо, подражая первым отцем, в сем же мире оплакивал еси себе.
Святый преподобне отче Гаврииле, исповедниче и юродиве, моли Бога о нас.
Никтоже бысть от отец наших подобен тебе, о дивный старче, ибо дадеся тебе слово премудрости и разума от Духа Святаго, и благодать помощи и пророчества, и паче всего превосходящий дар любве.
Слава Отцу и Сыну и Святому Духу.
Сокровенную тайну, яко явную, зрел еси, святе, грядущее же известно ведал еси, и вся реченная тобою истинна суть; ныне даждь нам сердце разумно и мудро, еже разумети благое и лукавое, да от путей погибельных избавимся и на путь истинный направимся.
И ныне и присно и во веки веков. Аминь.
Трие отроцы в Вавилоне в пещи Троице поклонишася и образ златый презреша, и, росою окропляеми, песнию вопияху: вся дела, благословите днесь Бога и Господа, пойте и превозносите Его во веки.
Ирмос: Носившая безмужно нетления Слово Создателя естеством облекла еси; прииди, Непорочная Дево Богородице, со Рожденным от тебе научи верныя, да сподобимся славити тя.
Святый преподобне отче Гаврииле, исповедниче и юродиве, моли Бога о нас.
Егда разболелся еси, благодатию обоженне, терпел еси горькия болезни и, егда возвещен ти бысть день исхода твоего от жития сего, благословлял еси стадо и молился еси пред иконою святителя Николая, прося о народе твоем и отечестве.
Святый преподобне отче Гаврииле, исповедниче и юродиве, моли Бога о нас.
Предав дух твой Господу, сопричтеся множеству святых, и, яко древних старцев, рогожею обвивше, погребоша тя во дворе Самтавро, но честь святыни ниже смертию отъятся от тебе, преподобне, и гроб твой бысть немощным, яко сокровищница благодати и источник исцелений.
Святый преподобне отче Гаврииле, исповедниче и юродиве, моли Бога о нас.
Ныне не токмо вернии и на Бога уповающии, но и нерадивии и маловернии поспешают приложитися ко крови твоей, преподобне, в сосуде паки нетленно хранимой, и, егда молят тя о милости, присно слышиши моление их и подаеши утешение.
Слава Отцу и Сыну и Святому Духу.
Видяще святителие гроб твой дивный, исцеления источающий, и безчисленныя чудеса, благодатию твоею бывающая, велегласно прославиша тя, яко чудотворца отца последняго сего времене, и в память и во веки ублажение и похвалу твою узакониша нам.
И ныне и присно и во веки веков. Аминь.
Ветхий закон прообразует тя, Дево Святая, и новый исповедует тя Богородицу, Неневестная, и мы, вернии, с верою глаголем: Родительнице Слова, не престай молитися Богу о уповающих на тя.
Достойно есть яко воистину блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Иерей кадит.
Чтец (или мирянин): Христос даде тебе благодать и чудеса творити и тако почте тя в житии сем, по смерти же твоей паче прославился еси пред Ним, почтен с исповедники и юродивыми во веки; ныне помяни нас пред Богом и обстоимый искушениями народ твой избави предстательством твоим.
Радуется ныне Церковь Грузинская памяти твоей и повелевает всем верным ублажати тя, ревнителя теплаго и страстей владыку, нищих заступника и грешных душ наставника, ибо был еси жертва божественнаго Христова жертвенника и дерзновенно ходатайствуеши о всех нас.
Веселися ныне, граде царствующий, ликуй, обитель женская, и празднуй, земле Картлосова, ибо милостию призре на ны Христос Бог и дарова нам исповедника отца и юродиваго старца, помощника в скорбех, утешение в печалех, врача недугов и избавителя от страстей.
Соберитеся, о людие грузинстии, и хвалением духовным воспоим святаго и мужественнаго воина Христова Гавриила, яко проповедника на земли втораго пришествия Христова и сопротивника скверному антихристу.
Аще и гроб покры тя, о всехвальный Гаврииле, сиянием чудес блистаеши от святыя оныя обители на всю землю и духовная благоухания изливаеши на души и умы наша; темже поспешаем в Самтавро, жилище мощей твоих, да помазанием елея лампады твоея почерпнем исцеление душ и телес наших.
О, добропобедный, святый старче Гаврииле, поручи нас Покровительнице народа нашего, возлюбленней тобою Деве Богородице, да не будем в поношение и посмех врагом нашим, но по обычаю мужей отечества нашего «Святым» и «Аллилуиа» воспоем Троице Нераздельней и Неслиянней:
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь. Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды)
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Иерей: Яко Твое есть Царство…
Лик: Аминь.
Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце, грешнии приносим: помилуй нас.
Слава Отцу и Сыну и Святому Духу.
Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри на ны милостию, яко благоутробен, и избави ны праведно от гнева Твоего; Ты бо еси Бог наш, и мы людие Твои, вси дела руку Твоею, и имя Твое наречеся на нас, и помилуй нас.
И ныне и присно и во веки веков. Аминь.
Милосердия двери отверзи нам, благословенная Богородице, надеющиися на тя да не погибнем, но да избавимся тобою от сопротивных враг: ты бо еси спасение рода христианскаго.
Иерей: Помилуй нас, Боже, по велицей милости Твоей, молим Ти ся, услыши и помилуй.
Лик: Господи, помилуй (Трижды).
Иерей: Еще молимся о милости, жизни, мире, здравии, долгоденствии, спасении, просвещении, прощении, благопоспешении и тишине рабов и рабынь Твоих, зде предстоящих и зде поминаемых (аще угодно, по именам), да сохранит Господь Бог наш царствующий град сей наш и святую обитель сию (или храм сей) и вся грады и веси Иверии от глада, губительства, труса, потопа, огня, меча, нашествия иноплеменников, междоусобныя брани и смертоносныя язвы, да милостив будет нам Бог ради благостояния благостию и человеколюбием Своим, и да отвратит гнев, на ны повседневно движимый, и избавит нас от праведнаго Своего прещения, на ны належащаго, и помилует нас.
Лик: Господи, помилуй (40 раз).
Иерей: Услыши ны, Боже, Спасителю наш, упование всех концев земли и сущих в мори далече, и милостив, милостив буди о гресех наших, и помилуй ны; милостив бо и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Иерей: Паки и паки, преклонше колена, Господу помолимся.
Лик: Аминь.
О, преподобне отче Гаврииле, исповедниче и юродиве! Старцев украшение, иереев венче и ангелов сожителю, грузин поборниче и в скорбех непостыдный заступниче, к Богу ходатаю и всех нищих, отчаянных и с верою к тебе припадающих прибежище, стено и покрове.
ჵ, თანამოდასეო აღმსარებელთა და სალოსთაო, ღირსო მამაო გაბრიელ! რომელმან აღირჩიე ცხორებაჲ ანგელოზებრივი და ზეობასა მას უღმრთოთასა შეიმოსე წმიდაჲ იგი სქემაჲ მონაზონებისაჲ, აწ შენმიერითა მეოხებითა და შეწევნითა მოგვანიჭე სიბრძნჱ, სიმჴნჱ და მძლეველობაჲ დაცვად მამულისა და სარწმუნოებისა ჩუენისა, რამეთუ ურიცხვნი მტერნი ჭეშმარიტებისანი ზაკულითა განზრახვითა შეთქუმულ არიან მართლმორწმუნეთა ზედა და ძალითა და ნიშნებითა სიცრუვისაჲთა იღუწიან, რაჲთა ერიცა საუფლოჲ განხრწნეს და გამოაჩინეს ერად ბნელისა, ხოლო ჩუენ ძილის დაჴსნილებასა მივცემივართ და ვერცაღა ძალ-გვიძს წინა-აღდგომად მათთა, არამედ გუაქუს მეოხებაჲ შენი ქრისტჱს მიმართ, რაჲთამცა ღირს-გვყოს წინაჲსწარმეტყუელებათა შენთა აღსრულებისა და მოგვცეს ჩუენ მეფჱ მირონცხებული მმართებელად და წინამძღურად, ვითარცა დავით ისრაელთა, რაჲთა კეთილად განაგებდეს და იურვოდეს ღმრთისმშობლისა წილხვედრსა ერსა ჩუენსა, მტჳრთველსა საუფლოჲსა ჯუარისასა ქუეყანასა ზედა, და აღადგენდეს მამულისა ჩუენისა ერთობასა და აღამაღლებდეს ღირსებასა და ძლიერებასა ქუეყანისა და ნათესავისა ჩუენისასა, რაჲთა არა ჰსთქუან ურიცხუთა მტერთა ჩუენთა, სადა არს ღმერთი მათი, რომლისა მიმართ აქუთ სასოებაჲ. ყოვლადძლიერითა მადლითა ლოცვისა შენისაჲთა დაიფარე და განაძლიერე უწმიდესი და უნეტარესი, სრულიად საქართველოჲს კათალიკოს-პატრიარქი, მცხეთა-თბილისის მთავარეპისკოპოსი, და ბიჭვინთისა და ცხუმ-აფხაზეთის მიტროპოლიტი მამაჲ ჩუენი ილია, ყოვლადსამღდელონი მიტროპოლიტნი, მთავარეპისკოპოსნი და ეპისკოპოსნი და ყოველნი სამღდელონი და სამონოზნო წესნი, ზიარნი მართლმადიდებელისა ეკლესიისანი და ყოველნი მართლმორწმუნენნი ქრისტეანენი.
О, святый отче наш, архимандрите Гаврииле! Якоже прежде подвизался еси о нас апостольским трудом твоим и отеческою милостию, тако и по обещанию твоему уповаем на обретение Нерукотворенныя иконы Анчисхатской и на возвращение ея во храм патриаршеский, в честь ея нареченный, да предварит дивное явление Нерукотворенныя иконы Ацкурской и славное пришествие Вратарницы, яко непреложных поручителей избавления нашего от сетей сатаниных и от прелести и брани лукаваго антихриста, якоже пророчествоваша о ней отцы, яко в скончание веков оставит Афон и избранием Иверии светло прославит живущих в ней. Ныне же укрепися совет беззакония, и жребий Богородицы, народ, падеся грехом и злобою, и мы, нападеньми лености побеждаеми, трепещем чаемаго дне втораго славнаго пришествия Христова; но ты, святе, отжени от нас ужас божественнаго суда за беззаконие наше и милостию твоею испроси нам от Христа безчисленных грехов наших оставление, православием просвещение, добрыми делы упокоение, в Царствии Небеснем осияние, со ангелы пение, со святыми царствование и с тобою славу и благодарение, яко Тому подобает всякая слава, честь и поклонение, со Отцем и Святым Духом, ныне и присно и во веки веков. Аминь.
Иерей: Премудрость. Пресвятая Богородице, спаси нас.
Лик: Честнейшую Херувим и славнейшую без сравнения Серафим, без истления Бога Слова рождшую, сущую Богородицу тя величаем.
Иерей: Слава Тебе, Христе Боже, упование наше, слава Тебе.
Лик: Слава Отцу и Сыну и Святому Духу, и ныне и присно и во веки веков. Аминь. Господи, помилуй (трижды). Благослови.
Иерей: Христос, истинный Бог наш, молитвами Всенетленныя Своея Матере, святых славных и всехвальных апостол, (святаго, егоже есть храм), святых и праведных богоотец Иоакима и Анны, и преподобнаго отца нашего Гавриила, исповедника и юродиваго, и всех святых, помилует и спасет нас, яко Благ и Человеколюбец.
Лик: Аминь.
Мирянин: Слава Отцу и Сыну и Святому Духу, и ныне и присно и во веки веков. Аминь.
Господи, помилуй. (Трижды)
Господи Иисусе Христе, Сыне Божий, молитвами Пречистыя Твоея Матере, святаго чудотворца отца нашего Гавриила и всех святых, помилуй нас. Аминь.
ზეგარდამოჲთა ნათლითა ჰბრწყინავ, ჵ, ღირსო მამაო ჩუენო, საკჳრველთმოქმედო გაბრიელ, და საღმრთოჲთა ძალითა მოგუმადლებ სათხოვართა კეთილად აღსრულებასა, რომელნი ესე შევრდომითა ხატსა შენსა წმიდასა თაყუანის-ვჰსცემთ და მჴურვალედ გევედრებით: ნუ მიგვაქცევ აწ სირცხვილეულთა, არამედ შეგვეწიე, რაჲთა წინ აღუდგეთ ეშმაკისა სიცბილსა და კაცთა ბოროტებასა, ხოლო ერსა ჩუენსა მოჰმადლე ძლევაჲ მტერთა მიმართ მზაკუვართა და მართლაღსარებითა დამტკიცებული ეკლესიაჲ დაიცევ შეუძრველად.
Надежду, утверждение и похвалу стяжахом святую и честную икону твою и требуем помощи твоея, о рабе Христов, блаженне Гаврииле: ныне избави стадо твое сие от всех печалей и соблазнов.
Автор-составитель: Тинатин Мчедлишвили
