Параклис о всяком недуге
Стань пред святыми иконами и с умиленным сердцем и сокрушенным умом возноси молитвы с обычными поклонами:
«Боже, милостив буди мне, грешному» (поклон).
«Боже, очисти мя от грехов моих и помилуй мя» (поклон).
«Боже, Создателю тварей, помилуй мя» (поклон).
«Боже, безчисленных ради грехов моих прости мя» (поклон).
«Пресвятая Владычице Богородице, спаси мя, грешнаго» (поклон).
«Святый Ангеле, хранителю души и тела моего, от всякаго зла покрый мя» (поклон).
«Святый (апостоле, мучениче или преподобне отче, егоже имя носиши), моли Бога о мне» (поклон).
Во имя Отца и Сына и Святаго Духа. Аминь.
Слава Тебе, Боже наш, слава Тебе!
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша. Святый Боже, Святый Крепкий, Святый Безсмертный, помилуй нас (трижды).
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, избави и освободи нас от грехов наших; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.
Господи, помилуй (12 раз).
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Верую во единаго Бога Отца, Вседержителя, Творца небу и земли, видимым же всем и невидимым.
И во единаго Господа Иисуса Христа, Сына Божия, Единороднаго, Иже от Отца рожденнаго прежде всех век; Света от Света, Бога истинна от Бога истинна, рожденна, несотворенна, единосущна Отцу, Имже вся быша.
Нас ради человек и нашего ради спасения сшедшаго с небес и воплотившагося от Духа Свята и Марии Девы и вочеловечшася.
Распятаго же за ны при Понтийстем Пилате, и страдавша, и погребенна.
И воскресшаго в третий день по Писанием.
И возшедшаго на небеса, и седяща одесную Отца.
И паки грядущаго со славою судити живым и мертвым, Егоже Царствию не будет конца.
И в Духа Святаго, Господа, Животворящаго, Иже от Отца исходящаго, Иже со Отцем и Сыном спокланяема и сславима, глаголавшаго пророки.
Во едину Святую, Соборную и Апостольскую Церковь. Исповедую едино крещение во оставление грехов.
Чаю воскресения мертвых,
и жизни будущаго века. Аминь.
Ирмос: Непроходимое море, жезлом разсекши, Израиль прейде, яко сушу, ибо образ крестный преднаписовашеся; Спасу славно воспоим.
Припев: Милостиве Господи, услыши молитву молящихся Тебе раб Твоих.
Во время скорби нашея, Христе Боже, Спасе наш, Твоея просим милости: буди облегчитель недуга рабу Твоему, якоже сотнику рекл еси: «Иди, и якоже веровал еси, буди тебе».
Молением и мольбою вопием Ти, Сыне Божий: помилуй нас и возстави недужнаго, на одре лежащаго, якоже разслабленному рекл еси: «Возми одр твой, отпущаются тебе греси твои».
Слава Отцу и Сыну и Святому Духу.
Образу Твоему, Господи, покланяемся, с верою приступаем и, подобно кровоточивей, юже прикосновением к ризе Твоей исцелил еси, даждь исцеление от недугов телесных и немощному, молим Тя.
И ныне и присно и во веки веков. Аминь.
Пресвятая Владычице Богородице, скорая помощнице всех к тебе прибегающих, не отврати лица твоего от нас, но моли Сына твоего и Бога нашего, да дарует здравие недужному, да имя твое с нами прославляет.
Иже небеса словом утвердивый и землю премудростию основавый, Господи, утверди сердца наша в страсе и любви Твоей, Едине Человеколюбче.
Всецело покорен быв лютым земным недугом, Христе Боже наш, вопиет с нами: буди исцелитель телу сему, якоже Езекии, слезы к Тебе проливающему.
Призри, Блаже, на смирение наше и не помяни безчисленных прегрешений наших, но якоже словом умертвил еси проказу прокаженнаго, тако и недуг сего болящаго упраздни верою, юже имать к Тебе, да имя Твое славим.
Слава Отцу и Сыну и Святому Духу.
Господи, не предаждь во истребление от лица земли храм, Тобою крещенный, но незримым сотвори на одре лежание недужнаго, да в дому Твоем молится, да не возмогут рещи неверующии: где есть Бог их?
И ныне и присно и во веки веков. Аминь.
Иконе твоей, о Пресвятая Богородице, с воздеянием рук молимся: услыши молитву раб твоих и избави изнемогшаго и сотвори его стояти превыше недуга, ибо, якоже в скорби сущий, устне его глаголют, с обетом приближися к тебе.
Господи Иисусе Спасе, Боже милости и человеколюбия, Ты един вземляй грехи мира, Ты един имеяй власть оставляти грехи, терпение наше, Врачу душ и телес наших, Отгонителю всяких скорбей и Целителю от всякия скверны, буди милостив, якоже Петрове тещи, на одре лежащей, и призри на недужнаго, на одре греховнем простертаго и лютыми болезньми одержимаго, Милостиве.
Слава Отцу и Сыну и Святому Духу.
Глас 2. Прибегающу со слезами, одру пригвожденному, буди покровитель, Господи Боже наш, и сподоби мя, нищаго, не взыскати безчисленных грехов юности моея и даруй ми исцеление от недуга сего молитвами Пречистыя Твоея Матере.
И ныне и присно и во веки веков. Аминь.
Излий на мя милость Твою, Избавитель мой еси Ты. Возстави мя от одра немощи моея, препояши мя силою на одоление сопротивных, ибо остави мя сила моя; Пресвятая Мати Богородице, помози ми и исцели мя, немощнаго, ибо ты еси сродница христиан.
Сотвори с нами любовь крепости, Господи, иже Сына Твоего Единороднаго в мир посла и на смерть предаде; сего ради хвалою вопию Тебе: слава силе Твоей, Господи.
Обыдоша мя болезни смертныя, и, сокрушенна лютыми недуги, призови мя к жизни, Господи, даждь отраду скорбящим, да вси славим божественная Твоя чудеса.
Тебе, Творче, кающиися молим о оставлении грехов наших, ибо не хощеши смерти грешника. Ныне просвети и оживи недужнаго сего и постави его на служение Тебе, да исповедует с нами благодать дел Твоих.
Слава Отцу и Сыну и Святому Духу.
Якоже приял еси исповедание Давидово, Манассию слезами очистил еси, ниневитян покаяние приял еси и скорый помощник им был еси, тако и услыши молитву нашу и даждь абие здравие недужному, молим Тя.
И ныне и присно и во веки веков. Аминь.
Низведи на ны милость твою, Владычице, всех утешительнице, с воздеянием рук моли Бога нашего, Богородице, да дарует исцеление недужному сему руками твоими с Предтечею.
На земли Невидимый, видим был еси и с человеки поживе волею Своею, Спасе; к Тебе прибегаем и Тебе вопием, Человеколюбче.
Якоже Бог дщерь Иаирову умершую оживи, тако и сего недужнаго, Христе Боже, от врат смертных избави и возстави, ибо Ты еси путь и источник, всех животворящий.
Якоже сына вдовицы оживил еси, Спасе, и потоки слез на радость претворил еси, тако и сего раба Твоего от губительных недугов избави и плач наш и мучение недужнаго в радость нам обрати.
Слава Отцу и Сыну и Святому Духу.
Якоже единем прикосновением Твоим Петрову тещу, огнем одержимую, исцелил еси, тако утверди на ноги раба Твоего и возстави, яко Иону, да служит Тебе.
И ныне и присно и во веки веков. Аминь.
Скорбящии вси, смиреннии, грешнии, силы лишеннии к тебе утреннюем, Пресвятая Богородице: моли Сына твоего, да дарует исцеление души и тела недужному сему.
Глубины греховныя, растлевающия душу, обыдоша мя, но Ты, Человеколюбче, простри десницу Твою, якоже Иону избави мя и, якоже Петра, от потопления возведи мя.
Сокровище благих и бездно милости, Господи Иисусе Христе, Боже наш, внуши моление раб Твоих и, якоже Тавифу Петром возставил еси, тако и ныне недужнаго над недугом постави, Услышателю молитв церковных.
Врачу душ и телес, вземый грехи мира, Христе Боже наш, Енею Петром исцеливый, тако и ныне молитвами святых апостол исцели недужнаго.
Слава Отцу и Сыну и Святому Духу.
Преложи о немощных скорбящих плач в радость, да, исполнени милости Твоея, внидут в дом Твой с дарами обета и величают Тя, во Троице Единаго Бога.
И ныне и присно и во веки веков. Аминь.
Приидите, братие, поклонимся с молением Пресвятей Матери Богородице, да исцелит от недугов души и тела немощнаго сего и с безсребренники незримо помажет его животворящим елеем, ибо Ея есть власть исцеляти от немощей.
Благоутробне Господи, исцели душу мою, стесненную многими грехами и безчисленными злыми делы, очисти божественным человеколюбием Твоим, якоже иногда разслабленнаго возставил еси.
Икос: Яко в руце Твоей держиши концы мира со безначальным Отцем и всеблагим Святым Духом, Царю всех, пришедый Врачу недугов и Очистителю страстей наших, слепаго просветивый и словом божественным падшаго возставивый, повели на одре недужному востати и утверди ноги его, да и мы с ним исповедуем и поем Тебе: благоутробне Господи, исцели мя.
Не послужиша образу златому трие отроцы на поли Деире, тако глаголаху и пояху Тебе: благословен еси, Господи Боже отец наших.
Всечестный и Животворящий Кресте Господень, смерти поправителю и мертвых воскресение, ныне исцели и оживи недужнаго, якоже умершую деву при Елене.
Якоже долгий и тяжкий лютый недуг Иова, червьми и гноем стужаемаго, словом исцелил еси, ныне во церкви о недужном молящиися молим Тя: даруй исцеление невидимою молитвою святых Твоих.
Слава Отцу и Сыну и Святому Духу.
Ты един веси вся последняя и начало дней наших; аще и на малое время, Милостиве, даждь недужному продолжение дней, претвори смерть в жизнь и даждь отраду скорбящим.
И ныне и присно и во веки веков. Аминь.
Спутница и помощница буди, Богородице, молящим тя; ты веси времена и лета: моли Сына твоего и Бога нашего, да оставит вся грехи недужному и дарует исцеление.
Трие отроцы в пещи Вавилонстей по огню дерзновенно хождаху и, орошаеми, тако вопияху: да благословят вся дела Господня Господа, служим Богу живому.
Милостиве Господи Иисусе Христе, скоро исцели недуг раба Твоего и покажи всем, Царю, яко прощенному Тобою не подобает стояти пред судом смерти, ибо Ты рекл еси: не хощу смерти грешника.
Милостиве Господи, ныне яви преславная чудеса Твоя и попери лукавыя силы, умертви беззакония, язвы наша уврачуй, буди Врач недугов наших и от всякия скверны, дел бесовских и злоречивых избави нас.
Слава Отцу и Сыну и Святому Духу.
Якоже ветры и море запретил еси и страх учеников Твоих на радость преложил еси, тако запрети лютым недугом, стужающим рабу Твоему, да вси купно радуемся и величаем Тя во веки.
И ныне и присно и во веки веков. Аминь.
Богородице Дево, избави нас от печалей, многоразличных скорбей, чародейства и отравителей, коварных мечтаний, злых человеков ухищрений и от внезапныя смерти, молим тя.
На горе Синайстей виде Моисей образ твой, Дево, в купине, вместившей огнь Божества неопально; Даниил виде тя горою несекомою, Исаия проповеда тя жезлом, прозябшим от корене Давидова.
От Тебе есть источник жизни, Подателю милости, Господи Иисусе Христе; не отврати лица Твоего от нас, облегчи недуг скорбми стужаемаго и возстави его, якоже Авгаря Едесскаго, да величаем Тя со безначальным Отцем и Святым Духом, ныне и присно и во веки веков.
С верою прибегающе с пением евангельским, Твоих взыскуем обетований, Господи Христе: «Просите, и дастся вам». Ныне пред Тобою предстояще молим Тя: воззови от одра и постави право изнемогшаго от всех лютых недугов, да с нами славословит Тя.
Слава Отцу и Сыну и Святому Духу.
Недугом одержимый, невидимыми язвами оскверненный, вопиет Тебе, Христе Боже, с нами: не нам, не нам, Боже, ибо вси многогрешни есмы, но молитвами Матере Твоея и Предтечи даруй исцеление недужному сему, да вси Тя величаем.
И ныне и присно и во веки веков. Аминь.
Пресвятая Богородице, со всеми святыми ангелы и архангелы, пророки и патриархи, апостолы, преподобными и богоносными отцы моли Христа Бога нашего, да дарует здравие недужному, да вси тя величаем.
Многомилостиве Боже, Устроителю всего во спасение рода человеческаго, призри на раба Твоего сего (имя), призывающаго имя Сына Твоего, исцели его от всякия немощи телесныя и душевныя и прости ему вся прегрешения и грехопадения, отжени от него всех гонителей и расхитителей врагов и возстави его от одра греховнаго и здравием души и тела всели во святыя дворы Твоя, да делы благими со всеми славит имя Сына Твоего, яко Тебе подобает слава со безначальным Сыном Твоим и Святым Духом, ныне и присно и во веки веков. Аминь.
И в конце: Достойно есть яко воистину блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Слава Отцу и Сыну и Святому Духу, и ныне и присно и во веки веков. Аминь.
Господи, помилуй (трижды).
Господи Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых Твоих, помилуй нас. Аминь.
Молитвы завершаются обычными отпустительными поклонами:
«Боже, очисти мя от грехов моих и помилуй мя» (поклон).
«Боже, Создателю тварей, помилуй мя» (поклон).
«Боже, безчисленных ради грехов моих прости мя» (поклон).
«Кресту Твоему поклоняемся, Владыко, и святое воскресение Твое поем и славим» (поклон)
Достойно есть яко воистину блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Слава Отцу и Сыну и Святому Духу, и ныне и присно и во веки веков. Аминь.
Господи, помилуй (трижды).
Господи Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых Твоих, помилуй нас. Аминь.
Параклис переведен с древняго русскаго молитвослова; перевод Ж. Берозашвили
