Параклис иконе Божией Матери, именуемой Грузинскою

≈ 40 мин

Иерей: Благословен Бог наш…

И аще мирянин, глаголет: Молитвами святых отец наших, Господи Иисусе Христе, Боже наш, помилуй нас. Аминь.

Молитвами святых отец наших, Господи Иисусе Христе, Боже наш, помилуй нас. Аминь.

Слава Тебе, Боже наш, слава Тебе.

Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.

Святый Боже, Святый Крепкий, Святый Безсмертный, помилуй нас. (Трижды)

Слава Отцу и Сыну и Святому Духу, и ныне и присно и во веки веков. Аминь.

Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.

Господи, помилуй (трижды),

Слава Отцу и Сыну и Святому Духу, и ныне и присно и во веки веков. Аминь.

Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.

Священник: Яко Твое есть Царство…

Господи, помилуй. (12 раз)

Слава Отцу и Сыну и Святому Духу, и ныне и присно и во веки веков. Аминь.

Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.

Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.

Слава Отцу и Сыну и Святому Духу, и ныне и присно и во веки веков. Аминь.

Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже наш, слава Тебе.

Бог Господь, и явися нам, благословен Грядый во имя Господне.

Стих 1: Исповедайтеся Господеви, яко благ, яко в век милость Его. Стих 2: Вси языцы обыдоша мя, и именем Господним противляхся им. Стих 3: Не умру, но жив буду и повем дела Господня. Стих 4: Камень, егоже небрегоша зиждущии, сей бысть во главу угла; от Господа бысть сей и есть дивен во очесех наших.

Радуются православнии людие, Пресвятая Владычице Богородице, зряще преславную и чудотворную икону твою, и молитвами твоими присно душевное и телесное исцеление приемлют; и мы, покланяющиися ей, теплым сердцем поем тебе: помилуй, Мати Благая, смиренныя рабы твоя и от всякаго зла и нашествия враг избави нас; моли Сына твоего, Господа Бога нашего Иисуса, да спасенных вселит нас в небесное жительство благодатию и человеколюбием Своим.

Слава Отцу и Сыну и Святому Духу.

И ныне и присно и во веки веков. Аминь.

Не умолчим никогда, Богородице, силы твоя глаголати, недостойнии; аще бы бо ты не предстояла молящи, кто бы нас сохранил доныне свободны? Не отступим, Владычице, от тебе, твоя бо рабы спасаеши присно от всяких лютых.

Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.

Песнь 1, подобен: «Поим…», глас 8

Ирмос: Колесницегонителя фараона погрузи, чудотворяй иногда, Моисейский жезл, крестообразно поразив и разделив море, Израиля же бегуна, пешеходца, спасе, песнь Богу воспевающа: яко славно прославися.

Пресвятая Богородице, помози и спаси нас.

Икона твоя нетленная и доброименитая, Дево, яко поручительница избавления нашего, смотрением паки дадеся нам, Пречистая, и та угашает угли скорбей росою благости твоея.

Пресвятая Богородице, помози и спаси нас.

Приидите с радостию, вернии, поклонимся чудотворней и всечестней иконе Матере Божия, яже паки дадеся земли Иверстей стеною неразрушимою и стражем неусыпаемым и непобедимым.

Слава Отцу и Сыну и Святому Духу.

Ведущи немощь естества нашего, чудную икону твою послала еси нам, Богородице, и сладостию твоею даруеши нам отгоняющую мрак печалей и сиянием милости твоея всех просвещающую.

И ныне и присно и во веки веков. Аминь.

Преславная глаголашася о тебе в род и род, Дево, приявшая во чрево Слово Божие и пребывшая нетленно, Богородице Марие; сего ради вси величаем тя, по Бозе избавительницу нашу обретшуюся, яко славно прославилася еси.

Песнь 3, подобен: «Утвердися…»

Ирмос: Небеснаго круга Верхотворче, Господи, и Церкве Зиждителю, Ты мене утверди в любви Твоей, желаний краю, верных утверждение, Едине Человеколюбче.

Пресвятая Богородице, помози и спаси нас.

Из Иверии пленена бывшая икона твоя, Богородице, егда достиже пределов Двинских, дадеся, яко сокровище, обители черногорских отцев и избавися тобою от всякия скорби и вреда.

Пресвятая Богородице, помози и спаси нас.

Видяще преславную икону твою, множество верных и безчисленная чудеса, благодатию твоею бывающая, умножиша списки иконы, яко воистинну безмездныя врачи телес и душ.

Слава Отцу и Сыну и Святому Духу.

Благодать подати хотящи народу твоему, паки явила еси нам, Богородице, образ твой, к немуже приближающеся, исцеление приемлем и подобию твоему покланяемся.

И ныне и присно и во веки веков. Аминь.

Вселился еси во чрево Девы и явился еси человеком плотски, якоже благоволил еси, и показал еси ю воистинну Богородицу, Едине Человеколюбче, и помощницу всем верным.

Избави нас, о Пресвятая Богородице, от всякаго вреда, скорби и тесноты, всею душею припадающих к иконе сей святыни твоея.

Призри благосердием, всепетая Богородице, на лютое телесе моего озлобление и исцели души моея болезнь.

Иерей: Помилуй нас, Боже, по велицей милости Твоей, молим Ти ся, услыши и помилуй.

Лик: Господи, помилуй (Трижды).

Иерей: Еще молимся о богохранимем народе нашем и державе его (о христолюбивом правительстве и воинстве его).

Лик: Господи, помилуй (Трижды).

Иерей: Еще молимся о Святейшем и Блаженнейшем Католикосе-Патриархе всея Грузии, Архиепископе Мцхетско-Тбилисском, великом господине и отце нашем Илии, и о преосвященнейшем (поминается местный архиерей), и о всей во Христе братии нашей.

Лик: Господи, помилуй (Трижды).

Иерей: Еще помолимся Господу Богу нашему, да помилует раба или рабу (здесь поминайте по имени тех, о нихже молитеся). Умножи, Господи, дни и лета живота их и избави их, Господи, от всякия скорби, гнева и нужды, и от всякия язвы душевныя и телесныя, и прости им всякое согрешение, вольное же и невольное.

Лик: Господи, помилуй (Трижды).

Иерей: Еще молимся о всех православных христианех.

Лик: Господи, помилуй (Трижды).

Иерей: Яко милостив и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.

Лик: Аминь.

Многоразличныя недуги исцеляет и духи нечистыя прогоняет благодать чудотворныя иконы твоея, Дево Святая и Мати, и паче солнца возсиявает всем, славящим тя, дары помощи твоея.

Песнь 4, подобен: «Господи, услышах…»

Ирмос: Ты моя крепость, Господи, Ты моя и сила, Ты мой Бог, Ты мое радование, не оставль недр Отчих и нашу нищету посетивый; темже с пророком Аввакумом зову Ти: силе Твоей слава, Человеколюбче.

Пресвятая Богородице, помози и спаси нас.

Грузинскою нарицаемая икона твоя, Богородице, есть врачевство всего мира, к нейже приближающеся и со благоговением покланяющеся тебе, Пречистая, благодати исцелений исполняемся и от немощей душевных и телесных свобождаемся.

Пресвятая Богородице, помози и спаси нас.

Мы, пред иконою твоею предстоящии, Богородице, со слезами молим тя: умилостиви Сына твоего, да отвратит гнев, воздвигшийся на ны множества ради грехов наших, и избавит нас от ополчений вражиих, и от мятежа советов их, и от нашествия.

Слава Отцу и Сыну и Святому Духу.

Словеса твоя, яже изрекла еси, Нетленная, о жребии твоем, исполни, яко милостивая, и не отлучи нас от ходатайства твоего, яко согрешихом, Дево, но на всяк день тебе упования наша вверяем.

И ныне и присно и во веки веков. Аминь.

Упразднила еси поношение матере Евы, егда Бога, Создателя твоего, во чреве прияла еси паче естества человеческаго и родила еси нам неизреченно, Пречистая Мати Христа Спаса; ходатаица буди нам, молящим тя.

Песнь 5, подобен: «От нощи…»

Ирмос: Вскую мя отринул еси от лица Твоего, Свете незаходимый, и покрыла мя есть чуждая тьма окаяннаго? Но обрати мя и к свету заповедей Твоих пути моя направи, молюся.

Пресвятая Богородице, помози и спаси нас.

Явление преславныя иконы твоея днесь славословим, Пречистая, яко ты, Мати Жизни, молиши Христа Бога о нас, твердое упование на тя возложивших.

Пресвятая Богородице, помози и спаси нас.

Видяще чудотворную сию икону, яко солнце светлое, людие благочестивии купно веселятся, яко исцеления и благодать истинную независтно источает икона сия твоя, яко источник неоскудный.

Слава Отцу и Сыну и Святому Духу.

Ныне пред иконою твоею предстоим, вернии, умиленно и молим тя, Владычице Святая, да ходим тобою непреложно путем Божественным, в части твоей водворяющиися.

И ныне и присно и во веки веков. Аминь.

Дерзновение матернее к Сыну твоему стяжала еси, Пренепорочная; не престани помогати нам пред Ним, молим тя.

Песнь 6, подобен: «Возопих…»

Ирмос: Молитву пролию ко Господу и Тому возвещу печали моя, яко зол душа моя исполнися, и живот мой аду приближися, и молюся, яко Иона: от тли, Боже мой, возведи мя.

Пресвятая Богородице, помози и спаси нас.

Се, благодать, преизобилующая от честныя иконы твоея, милостивая Владычице, яко всяк сокрушенным сердцем почерпает от Божественных струй, независтно истекающих, и приемлет верою прошение.

Пресвятая Богородице, помози и спаси нас.

Се, возлюбленный народ наш обыде множество напастей и скорбей; но покрый на тя уповающих от всякаго гнева и вреда и от нападающаго врага, и неосужденных соблюди нас, Дево благословенная, во время суда.

Слава Отцу и Сыну и Святому Духу.

Избави нас, Богородице, от всякаго нападения сопротивнаго, и от томительных обстояний, и от напастей житейских, присно припадающих к милостивнейшему твоему промышлению и помощи.

И ныне и присно и во веки веков. Аминь.

Не престани моляся о нас, Дево, Пресвятая Богородице Марие, яко ты еси утверждение нас, верных, и упованием на тя укрепляемся и верою тебе и Сына твоего величаем и поклоняемся.

Призри благосердием, всепетая Богородице, на лютое телесе моего озлобление и исцели души моея болезнь.

Иерей: Паки и паки миром Господу помолимся…

Лик: Господи, помилуй.

Иерей: Заступи, спаси, помилуй и сохрани нас, Боже, Твоею благодатию.

Лик: Господи, помилуй.

Иерей: Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга и весь живот наш Христу Богу предадим.

Лик: Тебе, Господи.

Иерей: Яко Ты еси Царь мира и Спас душ наших, и Тебе славу возсылаем, Отцу и Сыну и Святому Духу, ныне и присно и во веки веков.

Лик: Аминь.

Кондак

Всею душею и умом припадаем, Богородице, ко иконе сей святыни твоея и умиленно вопием ти, Благодатная: даруй всем нам благодать твою и не отврати лица твоего.

Иерей: Вонмем. Премудрость. Прокимен Евангелия, глас 4

Помяну имя Твое во всяком роде и роде.

Стих: Слыши, дщи, и виждь, и приклони ухо твое.

Иерей: Господу помолимся.

Лик: Господи, помилуй.

Иерей: Яко свят еси, Боже наш, и во святых почиваеши, и Тебе славу возсылаем, Отцу и Сыну и Святому Духу, ныне и присно и во веки веков. Лик: Аминь.

Иерей: Всякое дыхание да хвалит Господа.

Стих: Хвалите Бога во святых Его, хвалите Его во утверждении силы Его.

Иерей: И о сподобитися нам слышанию святаго Евангелия Господа Бога молим.

Лик: Господи, помилуй (Трижды).

Иерей: Премудрость, прости, услышим святаго Евангелия. Мир всем.

Лик: И духови твоему.

Иерей: От Луки святаго Евангелия чтение.

Лик: Слава Тебе, Господи, слава Тебе.

Евангелие от Луки

Во дни оны, встав Мария, пошла с поспешностью в нагорную страну, в город Иудин, и вошла в дом Захарии, и приветствовала Елисавету. Когда Елисавета услышала приветствие Марии, взыграл младенец во чреве ее; и Елисавета исполнилась Святаго Духа, и воскликнула громким голосом, и сказала: благословенна ты между женами, и благословен плод чрева твоего! И откуда это мне, что пришла Матерь Господа моего ко мне? Ибо когда голос приветствия твоего дошел до слуха моего, взыграл младенец радостно во чреве моем. И блаженна уверовавшая, потому что совершится сказанное ей от Господа. И сказала Мария: величит душа моя Господа, и возрадовался дух мой о Боге, Спасителе моем, что призрел Он на смирение рабы Своей, ибо отныне будут ублажать меня все роды; что сотворил мне величие Сильный, и свято имя Его. Пребыла же Мария с нею около трех месяцев, и возвратилась в дом свой.

Слава Отцу и Сыну и Святому Духу.

Милостию Твоею, многомилостиве Боже, очисти множества наших согрешений.

И ныне и присно и во веки веков. Аминь.

Молитвами Богородицы, Милостиве, очисти множества наших согрешений.

Помилуй мя, Боже, по велицей милости Твоей, и по множеству щедрот Твоих очисти беззаконие мое, и помилуй мя, Боже.

Стихира: Радуйся, царствующий граде Российский, веселися, обителе Черногорская и пустыне Раифская, и празднуй, земле Грузинская, яко милостию посети вас Мати Божия и дарова вам чудотворную икону свою в помощь во скорбех, в утешение в печалех, во врачевание недугов и во избавление от страстей, и чтущим ю паки дарует велию милость.

Иерей: Спаси, Боже, люди Твоя и благослови достояние Твое, посети мир Твой милостию и щедротами, возвыси рог христиан православных и низпосли на ны милости Твоя богатыя, молитвами Всепречистыя Владычицы нашея Богородицы и Приснодевы Марии; силою Честнаго и Животворящаго Креста, силою Креста от виноградной лозы; предстательствы честных Небесных Сил безплотных; честнаго, славнаго Пророка, Предтечи и Крестителя Иоанна; святаго пророка Илии Фесвитянина и праведнаго Еноха; святых славных и всехвальных первоверховных апостолов Петра и Павла; святаго апостола Фомы и просветителей Грузии, апостолов Андрея Первозваннаго, Симона Кананита и Матфия; святыя матере нашея, равноапостольныя девы Нины; иже во святых отец наших и вселенских великих учителей и святителей Василия Великаго, Григория Богослова и Иоанна Златоустаго; иже во святых отца нашего Николая, архиепископа Мир Ликийских, чудотворца; святых славных и добропобедных мучеников: святаго великомученика и победоносца Георгия и святыя великомученицы девы Варвары; святаго священномученика Неофита Урбнисскаго; святых славных мучеников, князей Аргветских Давида и Константина; святых ста тысяч мучеников, в Тбилиси от хорезмийцев избиенных; святых шести тысяч мучеников, иноков Гареджийских; святых добропобедных царей и цариц Архила, Димитрия, Луарсаба, Шушаники и Кетевани; святых благоверных и великих царей наших Вахтанга Горгасала, Ашота Куропалата, Давида Строителя и Соломона; святых равноапостольных царя Мириана и царицы Наны; святыя благоверныя царицы Тамары; преподобных и богоносных отец наших Афонских Гавриила, Георгия, Иоанна и Евфимия; богомудрых блаженных отец Илариона Грузина, Серапиона Зарзмскаго и Григория Хандзтийскаго; святых блаженных отец наших Лукиана, Додо, Дамиана, Онуфрия и Симеона Гареджийских; святаго преподобнаго отца нашего Иоанна Зедазнийскаго и двоюнадесяти учеников его, вторых просветителей Церкве Грузинския и присных ея покровителей, и от учеников преподобнаго отца нашего Давида Гареджийскаго; святаго праведнаго Илии; святых и праведных богоотец Иоакима и Анны (и святаго, егоже есть храм); пречуднаго образа Анчисхатскаго страшнаго вочеловечения Лица Божия; Иверския иконы Пресвятыя Богородицы, на Афоне пребывающия; Иверския иконы Пресвятыя Богородицы, Грузинскою именуемыя, и всех святых и святынь Твоих: молим Тя, многомилостиве Господи, услыши нас, грешных, молящихся Тебе, и помилуй нас.

Лик: Господи, помилуй (12 раз).

Иерей: Милостию, и щедротами, и человеколюбием Единороднаго Сына Твоего, с Нимже благословен еси, со Пресвятым, и Благим, и Животворящим Твоим Духом, ныне и присно и во веки веков. Лик: Аминь.

Песнь 7, подобен: «Благословен еси…»

Ирмос: Отроцы еврейстии в пещи хождаху, огнь дерзновенно попирающе, и, орошаеми, вопияху и глаголаху: благословен еси, Господи Боже, во веки.

Пресвятая Богородице, помози и спаси нас.

Непорочное жилище Всесвятаго Света, Богородице, величаем тя и воспеваем вернии, яко явлением всесвятыя иконы твоея очищаеши нас.

Пресвятая Богородице, помози и спаси нас.

Икона твоя, Грузинскою именуемая, богато источает нам исцеления душ и телес, и иже ю любезно и со усердием лобызают, от недугов исцеляются.

Слава Отцу и Сыну и Святому Духу.

Услыши моление наше, Дево благословенная, и избави от скорбей и печалей душею и телом тебе припадающих, яко разве тебе, кроме Бога, иныя не вемы.

И ныне и присно и во веки веков. Аминь.

Во свете Господни ходяще, приидите, воспоим мысленному граду царскому, Непорочней Деве, воистинну Богородице, яко есть упование и заступница душ наших во веки веков.

Песнь 8, подобен: «Благословите…»

Ирмос: В горе Моисею собеседовавый купиною, образ изобрази безстрастнаго от Девы рождения; Того вси благословим и превозносим во веки.

Пресвятая Богородице, помози и спаси нас.

Приидите вси, освященнии и мирстии, да возвеличим Всенепорочную Деву Богородицу, яко се ныне является очищение грешным.

Пресвятая Богородице, помози и спаси нас.

Исцели страсти сердца моего, просвети ум мой омраченный и оживи душу мою умерщвленную, и сыном дне и наследником света покажи мя, Владычице.

Слава Отцу и Сыну и Святому Духу.

О Пресвятая, Пренепорочная Дево Богородице, приими песни сия, яже тебе благоговейно приносим, и просвети нас ликом иконы твоея.

И ныне и присно и во веки веков. Аминь.

От Ангела слово приявшую и единаго Бога нам рождшую, Иже свет возсия миру, вси благословим и превозносим во веки.

Песнь 9, подобен: «Величайте…»

Ирмос: Ужасеся о сем небо, и земли удивишася концы, яко Бог явися человеком плотски, и чрево твое бысть пространнейшее небес; темже тя, Богородице, Ангелов и человеков чиноначалия величают.

Пресвятая Богородице, помози и спаси нас.

Якоже земля Российская, иконы твоея хранительница, хваляшеся о ней, тако и ныне хвалится земля наша, паки приемши лик оныя отеческия иконы, яко покрывает она своим покровом всех грузин, по всей земли разсеянных.

Пресвятая Богородице, помози и спаси нас.

Явление всесветлаго образа твоего радость простирает людем нашим, яко все упование наше на тя возлагаем и на помощь твою уповаем. Не преставай, Богородице, присно избавляти землю сию нашу и вся люди от нашествий вражиих.

Слава Отцу и Сыну и Святому Духу.

Ведуще множество заступлений твоих и милостей, умиленно молим тя: утиши, Владычице, нападение врагов и советы их разруши, нас же благослови и явлением иконы твоея во всех людех правоверующих мир и любовь утверди.

И ныне и присно и во веки веков. Аминь.

Прежде проповедаша тя, Пречистая, пророцы, преобразиша тя ковчегом, жезлом, трапезою и вратами затворенными, и горою несекомою, и лествицею, на небо утвержденною, и источником запечатленным, облаком легким и Материю Еммануиловою.

Достойно есть яко воистинну блажити тя, Богородицу, присноблаженную и пренепорочную и Матерь Бога нашего. Честнейшую херувим и славнейшую без сравнения серафим, без истления Бога Слова рождшую, сущую Богородицу тя величаем.

Иерей кадит.

Благовернии грузини, возрадуемся о новонаписании преславныя иконы, яко имамы ю воистинну безмездную врачевницу телес и исцелительницу душ, и с верою приемлем от нея дары благоутробия Матере Божия.

Ныне паки приступим к тихому пристанищу и покровительнице народа нашего, Деве Марии, поклонимся Ангелы чтимому образу ея и возопиим умиленно: призри, благоутробная Мати, на скорби, обышедшия нас, и исцели немощи душ наших.

Не лиши нас помощи твоея, Всемилостивая Владычице, но покрый нас молитвами твоими, и жребий твой, люди твоя, и христолюбивое воинство сохрани силою твоею, да не рекут вси неверные: где есть Богородица, на нюже уповаете?

Нетленная Дево, Невесто Бога Вышняго, не отвержи нас, смиренных рабов твоих, недостойныя моления приносящих, и буди нам, грешным, теплая ходатаица ко Сыну твоему, избави нас от всех бед и напастей.

Небесных сил собори, и апостолов лицы, и вси языцы тебе величают, Невесто Святая; мы же скверными устнами Материю Божиею проповедуем тя, Благая Владычице, Всенепорочную, и трисвятою песнию ко Господу вопием:

Святый Боже, Святый Крепкий, Святый Безсмертный, помилуй нас. (Трижды)

Слава Отцу и Сыну и Святому Духу, и ныне и присно и во веки веков. Аминь.

Господи, помилуй (трижды),

Слава Отцу и Сыну и Святому Духу, и ныне и присно и во веки веков. Аминь.

Священник: Яко Твое есть Царство…

Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце Благому, грешнии приносим: помилуй нас, Господи, помилуй нас.

Слава Отцу и Сыну и Святому Духу.

Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне на ны, яко благоутробен, и избави ны от праведнаго гнева Твоего: Ты бо еси Бог наш, и мы людие Твои, вси дела руку Твоею, и имя Твое наречеся на нас; и помилуй нас.

И ныне и присно и во веки веков. Аминь.

Милосердия двери отверзи нам, благословенная Богородице, надеющиися на тя да не погибнем, но да избавимся от сопротивных врагов: ты бо еси спасение рода христианскаго.

Иерей: Помилуй нас, Боже, по велицей милости Твоей, молим Ти ся, Человеколюбче, услыши и помилуй.

Лик: Господи, помилуй (Трижды).

Иерей: Еще молимся о милости, жизни, мире, здравии, долгоденствии, спасении, просвещении, прощении, благопоспешении и тишине раба (или рабы) Божия, да сохранит Господь Бог наш царствующий град сей наш и святую обитель сию (или храм сей) и вся грады и веси Иверии от глада, губительства, труса, потопа, огня, меча, нашествия иноплеменников, междоусобныя брани и смертоносныя язвы; да милостив нам будет Бог благостию и человеколюбием Своим, во еже благостояти, и отвратит гнев, на ны повседневно движимый, и избавит нас от праведнаго Своего прещения, на ны належащаго, и помилует нас.

Лик: Господи, помилуй (40 раз).

Иерей: Услыши ны, Боже, Спасителю наш, упование всех концев земли и сущих в мори далече, и милостив, милостив буди о гресех наших, и помилуй ны; милостив бо и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.

Лик: Аминь.

Молитва

О Всемилостивая Владычице Дево Богородице, Бога плотию рождшая! Прошения всех, с верою молящихся, исполни нам: Церковь просвети, священство святынею украси, царство благочестием возвыси, начальство боголюбием просвети, воинство мужеством укрепи, скорбящих мучения облегчи, немощным здравие даруй, уязвленным и разслабленным исцеление подай, болезни очес исцели, глухим слух возврати, от одержимых духи злыя изжени, обидимым помози, грешным прости, прокаженныя очисти, младенцы помилуй, неплодным чадородие возврати, пленники от темниц и уз избави, и всех, на тя уповающих, от видимых и невидимых враг покрый: ты бо имаши ходатайство ко Христу Богу и прощение грехов всем христианом.

О Пресвятая Богородице Марие, матернею благодатию и помощию твоею нас, присно тебе припадающих, благослови и освяти сиянием чудотворныя иконы твоея, и сохрани землю Иверскую от ересей и веры чуждыя, живущих же на ней от всякаго злоключения; яко забыхом благочестие праотец наших и уподобихомся языком иноплеменным и родом возмутившимся, миролюбивым сего века, от Христа отступившим, от нихже навыкохом делом их и работаем похотем сердец наших, подражающе им, яко неимущии упования на Христа и забывшии вечную жизнь. Милостию твоею исправи дни жития нашего в добродетели и паки обнови в нас теплую любовь к вере, к благочестивому царю и к Богом дарованному отечеству, и от семене Давидова возвыси рог помазания. Многомощною силою твоею укрепи великаго господина нашего, Святейшаго и Блаженнейшаго Католикоса-Патриарха всея Грузии, Архиепископа Мцхетскаго и Тбилисскаго и Митрополита Бичвинтскаго и Цхум-Абхазскаго, отца нашего Илию, и преосвященных митрополитов, архиепископов и епископов, и весь священнический и монашеский чин; благоверных, военачальников и градоначальников, и все христолюбивое воинство, и благодетелей наших, и всех православных христиан; умоли Сына твоего и Бога нашего, да простит нам отступления, разорения церквей, убиения служителей Божиих, измену, зависть и безчиния, убиения младенцев наших во утробе и прочее множество согрешений наших.

О Богосветлая Владычице Марие, яко имущая дерзновение матернее, умоли благостию красного и человеколюбием всесладкаго Сына твоего и Бога нашего, да в вере, от святых отец преданной, утвердимся до скончания жития нашего, и во всех заповедех Господних непреткновенно ходим, и во вся дни живота нашего в чистоте и благочестии спасаемся, и угодни будем от тебе Рожденному, и сподобимся Царствия Его, еже уготова любящим Его, Емуже подобает всякая слава, честь и поклонение, со Отцем и Святым Духом, ныне и присно и во веки веков. Аминь.

Господи Иисусе Христе, Сыне Божий, молитвами Пречистыя Твоея Матере и всех святых, помилуй нас. Аминь.

Иерей: Премудрость!

Пресвятая Богородице, спаси нас.

Лик: Честнейшую херувим и славнейшую без сравнения серафим, без истления Бога Слова рождшую, сущую Богородицу тя величаем.

Иерей: Слава Тебе, Боже наш, слава Тебе.

Лик: Слава Отцу и Сыну и Святому Духу, и ныне и присно и во веки веков. Аминь.

Господи, помилуй (трижды). Благослови.

Иерей творит отпуст.

Лик: Аминь.

Мирянин: Слава Отцу и Сыну и Святому Духу, и ныне и присно и во веки веков. Аминь.

Господи, помилуй (трижды),

Тропарь по отпусте

Любовию почитаем и со страхом лобызаем икону твою, Дево Пречистая, и единогласно воистинну Богородицею тя исповедуем, и с верою поклоняемся тебе, явльшейся нам твердым хранением и прибежищем, Невесто Бога Вышняго. Даруй нам всем благодать твою и не отврати лица твоего от нас, но до скончания века соблюди величающия тя и иконам твоим покланяющияся.

Благословенная в женах Марие, приими моление наше и покрый от напастей стадо твое, яко ты еси упование наше.

Автор-составитель: Тинатин Мчедлишвили