Молебный параклис преподобным отцем нашим Афонским: Иоанну и Гавриилу Грузинам, Иоанну, бывшему Торники, и Евфимию и Георгию Святогорцам
Иерей: Благословен Бог наш…
И аще мирянин, глаголет: Господи Иисусе Христе, Сыне Божий, молитвами Пречистыя Твоея Матере и всех святых, помилуй нас. Аминь.
Слава Тебе, Боже наш, слава Тебе.
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (Трижды). Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Священник: Яко Твое есть Царство…
Господи, помилуй. (12 раз)
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.
Слава Отцу и Сыну и Святому Духу, и ныне и присно и во веки веков. Аминь.
Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже наш, слава Тебе.
Бог Господь, и явися нам, благословен Грядый во имя Господне. Стих 1: Исповедайтеся Господеви, яко благ, яко в век милость Его. Стих 2: Вси языцы обыдоша мя, и именем Господним противляхся им. Стих 3: Не умру, но жив буду и повем дела Господня. Стих 4: Камень, егоже небрегоша зиждущии, сей бысть во главу угла; от Господа бысть сей и есть дивен во очесех наших.
Боже отцев наших, творяй присно с нами по Твоей благости, не отстави милость Твою от нас, но молитвами их в мире управи живот наш.
Слава Отцу и Сыну и Святому Духу.
Слез ваших теченьми богато напоисте души ваша, премудрии, и многосторичны плоды добродетелей ваших пожасте, и пастырие стад Христовых бысте, и воспитасте я на злачных местех подвига; изшедше же из мира со славою, с собором отец сопричтостеся, преподобнии отцы наши Афонстии: молите Христа Бога помиловати души наша.
И ныне и присно и во веки веков. Аминь.
Не умолчим никогда, Богородице, силы твоя глаголати, недостойнии; аще бы бо ты не предстояла молящи, кто бы нас сохранил доныне свободны? Не отступим, Владычице, от тебе, твоя бо рабы спасаеши присно от всяких лютых.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Ирмос: Поем Тебе, Господи Боже наш, Иже провел еси люди Твоя сквозе море и потопил еси во глубине колесницы фараоновы и силу его.
Преподобнии отцы Афонстии, молите Бога о нас.
Бегал еси, Иоанне, мятежей мирских и славы от человек и, яко мужественный воин Христов, на рамена твоя взял еси Крест Его и с желанием последовал еси стопам Его.
Преподобнии отцы Афонстии, молите Бога о нас.
Вместо земнаго воинства возлюбил еси воинство небесное и подвиг подъял еси, яко наслаждение; ныне разреши страсти душ наших, блаженне Торники-Иоанне, и болезни телесныя.
Преподобнии отцы Афонстии, молите Бога о нас.
Любовию Божиею вооружен, смирением и послушанием посрамил еси начальники тьмы, всехвальне Гаврииле, и славу безсмертную наследовал еси.
Преподобнии отцы Афонстии, молите Бога о нас.
От корений благочестивых прозябл еси, яко цвет божественный, добродетельми украшенный, богоносе Евфимие, и честию видения Богородицы просиял еси.
Слава Отцу и Сыну и Святому Духу.
Подобно Самуилу, по обету родился еси, мужественне Георгие, и из младенчества принесен быв Приемлющему вся приношения, дарования разума стяжал еси теплою молитвою и силу святых Писаний разумети умудрился еси божественною благодатию.
И ныне и присно и во веки веков. Аминь.
Владычице тварей, моли всех Творца, да славы отец сподобит хвалами величающих и с желанием воспевающих тя.
Ирмос: Ты, Христе Боже наш, укрепляяй уповающия на Тя, на камени веры утверди нас, уповающих на Тя.
Преподобнии отцы Афонстии, молите Бога о нас.
Стрелы лукаваго разжженныя угасил еси постом и подвигом, преподобне отче Иоанне, благодатию божественною, и начальники тьмы низвергл еси во глубину погибели.
Преподобнии отцы Афонстии, молите Бога о нас.
Якоже силою Христовою посрамил еси, бывый Торники Иоанне, превознесшагося Варду Склира, тако и ныне нам даруй силу, мужество и мудрость попрати козни вражия.
Преподобнии отцы Афонстии, молите Бога о нас.
Слезами напоил еси ниву душевную, премудре Гаврииле, и елеем подвигов и трудов утучнил еси светильник девства, и вшел еси в чертог вечный с мудрыми девами.
Преподобнии отцы Афонстии, молите Бога о нас.
Бездну учений показа тя благодать Пресвятыя Владычицы, преподобне Евфимие, егда молитвою отца твоего щедро дарова ти здравие телесное и дух премудрости.
Слава Отцу и Сыну и Святому Духу.
Подобно Аврааму праотцу, оставив отечество твое, на Черную гору пришед, в пещере тесней обрел еси старца свята, от мира отлученна, Георгия Затворника, и ученик был еси великаго онаго светила народа грузинскаго, блаженне Георгие.
И ныне и присно и во веки веков. Аминь.
Эфира пресветлейшая Дево Марие, Владыку сущих Бога девственно неизреченно рождшая, Того моли о помиловании душ наших.
Избави от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, Всепетая Богородице, и тел наших лютыя язвы исцели и душ наших болезни.
Иерей: Помилуй нас, Боже, по велицей милости Твоей, молим Ти ся, услыши и помилуй.
Лик: Господи, помилуй (Трижды).
Иерей: Еще молимся о богохранимем народе нашем и державе его (о христолюбивом правительстве и воинстве его).
Лик: Господи, помилуй (Трижды).
Иерей: Еще молимся о Святейшем и Блаженнейшем Католикосе-Патриархе всея Грузии, Архиепископе Мцхетско-Тбилисском, великом господине и отце нашем Илии, и о преосвященнейшем (поминается местный архиерей), и о всей во Христе братии нашей.
Лик: Господи, помилуй (Трижды).
Иерей: Еще помолимся Господу Богу нашему, да помилует раба или рабу…. Умножи, Господи, дни и лета живота их и избави их, Господи, от всякия скорби, гнева и нужды, и от всякия язвы душевныя и телесныя, и прости им всякое согрешение, вольное же и невольное.
Лик: Господи, помилуй (Трижды).
Иерей: Еще молимся о всех православных христианех.
Лик: Господи, помилуй (Трижды).
Иерей: Яко милостив и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Подвигом страсти плотския покористе мысленному духу и, крилы безстрастия окрилившеся, приясте благодать Святаго Духа, и недуги человеков исцеляете, и бесы изгоняете, и избавляете молящих вас; сего ради собор иноков ублажает вас присно, всехвальнии отцы наши Афонстии, и чтит память вашу. Христа молите, ко Христу ходатайствуйте даровати церквам единство, мир и велию милость.
ძლისპირი: სიყუარული წყალობისა, ძეთა კაცთათვის ჯუარსა ზედა ამაღლდი და დაბრმეს ჰურიანი, ვითარმედ შენ ხარ, ქრისტე, სიბრძნჱ ღმრთისაჲ და მადლი.
Преподобнии отцы Афонстии, молите Бога о нас.
რომელმან სავანჱ ესე დიდებული ქართველთათჳს აღაშენე და შეამკვე, აწცა დაშრიტე აღძრვაჲ წინააღმდგომთაჲ, ნეტარო იოვანე, და ივირონი ნათესავსა ჩუენსა კუალად დაუმკჳდრე.
Преподобнии отцы Афонстии, молите Бога о нас.
Веру непорочно соблюд, Давиду уподобился еси правотою души и, яко Соломон, создал еси храм Богу; ныне и нам помози, Иоанне-Торники, да ходим путем благим.
Преподобнии отцы Афонстии, молите Бога о нас.
Иже к честней иконе Матере Божия приступивый и с желанием облобызавый ю, ныне от болезней и грехов свободи мя, боговдохновенне Гаврииле, и заступи от всякия скорби.
Преподобнии отцы Афонстии, молите Бога о нас.
В мире прославися множество дарований твоих, и являет е преложение божественных книг, яже паче солнечнаго круга светлейша суть, боголюбезне Евфимие.
Слава Отцу и Сыну и Святому Духу.
Видев тя учитель твой духом непобедима и телом мужественна, блаженне Георгие, преложение божественных книг возложи на тя и во Святую Гору, в обитель Иверскую, посла тя.
И ныне и присно и во веки веков. Аминь.
Умиленно молим тя, Дево Святая Марие: молитвами богоносных отец даруй отраду душам нашим, да величаем тя, Владычице.
Ирмос: Свет Твой, Господи, низпосли на ны и избави от тьмы нас, грешных, и милость Твою, Благий, с небесе низпосли нам.
Преподобнии отцы Афонстии, молите Бога о нас.
Иже на Афоне водворивый великую лавру грузинскую и двери ея отверзый тепле к вам прибегающим, ныне с небесе призри, преподобне Иоанне, и покрый нас от всякаго зла.
Преподобнии отцы Афонстии, молите Бога о нас.
ვითარ-იგი დააცხრვენ ჭირთა მძჳნვარებანი, ჴელმწიფეთა ზედა ბერძენთასა, ეგრეთვე აწ დაამჴუნე მტერნი იგი მცბიერნი, იოვანე-თორნიკ, რომელნი მტრობენ ერსა ჩუენსა.
Преподобнии отцы Афонстии, молите Бога о нас.
რომელი მრავალთა შორის მამათასა გამოირჩიე მსახურ-ყოფად დედისა ღმრთისა, აწ ღირს-ჰყვენ ნათესავი შენი, ღირსო გაბრიელ, განუშორებელად მსახურებად ხატისა მისისა პორტაიტისასა.
Преподобнии отцы Афонстии, молите Бога о нас.
Яко пчела словесная, собрал еси цветы богодухновенных и внешних писаний, преподобне Евфимие, и был еси нам сот медовый, сладость божественнаго ведения.
Слава Отцу и Сыну и Святому Духу.
Взошед на высокую лествицу игуменства, Георгие, уподобился еси Евфимию ревностию и сподобился еси прияти благодать преложения, дарованную тебе от Святаго Духа.
И ныне и присно и во веки веков. Аминь.
Осанна вопием Тебе, Господи Саваоф: молитвами Девы Марии сочетай поющих Тебе безплотным силам, Господи.
Ирмос: Богословцы собра во мгновение ока облаком от конец небесных в Сион послужити телу Богоприимному в день сей.
Преподобнии отцы Афонстии, молите Бога о нас.
Радуется достойно о тебе полк иноков, о богоносный отче Иоанне, яко мужество велие приложил еси им и диавола посрамления исполнил еси и до конца низложил еси.
Преподобнии отцы Афонстии, молите Бога о нас.
Иже вся сети вражия сокрушивый силою Духа, избави мя от сетей тех, блаженне Торники-Иоанне, и даруй ми честь достоинства и благодать милости.
Преподобнии отцы Афонстии, молите Бога о нас.
Царю твоему Христу уподобился еси кротостию ума твоего, всеблаженне Гаврииле, и язвою крове запечатленную икону Матере Божия с радостию приял еси.
Преподобнии отцы Афонстии, молите Бога о нас.
Покоряяся воли отца твоего, преподобне Евфимие, добре управил еси стада твоя, от него тебе вверенная, и даже доныне поучаеши нас учением и наставлением Христовым.
Слава Отцу и Сыну и Святому Духу.
Божественными и премудрыми словесы твоими, премудре Георгие, нелицемерно обличал еси царей и князей, священство и люди, и напоил еси души их учением Христовым.
И ныне и присно и во веки веков. Аминь.
Упование всех христиан, всеми небесными воспеваемая, с ликом святых заступи нас, Владычице, да присно величаем тя.
Избави от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри на ны, Всепетая Богородице, и тел наших лютыя язвы исцели и душ наших болезни.
Иерей: Паки и паки миром Господу помолимся.
Лик: Господи, помилуй.
Иерей: Заступи, спаси, помилуй и сохрани нас, Боже, Твоею благодатию.
Лик: Господи, помилуй.
Иерей: Пресвятую, Пречистую, Преблагословенную, Славную Владычицу нашу Богородицу и Приснодеву Марию, со всеми святыми помянувше, сами себе и друг друга и весь живот наш Христу Богу предадим.
Лик: Тебе, Господи.
Иерей: Яко Ты еси Царь мира и Спас душ наших, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Превыше естества человеческаго просветисте труды ваша и землю исполнисте писаний благочестия; Ангели удивишася чистоте вашей, человеки же к подражанию вам воздвигосте, яко всячески дивная показасте дела, отцы наши Иоанне и Гаврииле Грузины, Иоанне, бывый Торники, мужественне, и Евфимие и Георгие Святогорцы, всего мира светила!
Иерей: Вонмем. Премудрость. Прокимен, глас 4
Честна пред Господем смерть преподобных Его.
Стих: Пойте Господеви, преподобнии Его.
Иерей: Господу помолимся.
Лик: Господи, помилуй.
Иерей: Яко свят еси, Боже наш, и во святых почиваеши, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
Иерей: Всякое дыхание да хвалит Господа.
Стих: Хвалите Бога во святых Его, хвалите Его во утверждении силы Его.
Иерей: И о сподобитися нам слышанию святаго Евангелия Господа Бога молим.
Лик: Господи, помилуй (Трижды).
Иерей: Премудрость, прости, услышим святаго Евангелия. Мир всем.
Лик: И духови твоему.
Иерей: От Луки святаго Евангелия чтение.
Лик: Слава Тебе, Господи, слава Тебе.
Иерей: Вонмем.
Рече Господь Своим учеником: блаженны нищие духом, ибо ваше есть Царствие Божие. Блаженны алчущие ныне, ибо насытитесь. Блаженны плачущие ныне, ибо воссмеетесь. Блаженны вы, когда возненавидят вас люди и когда отлучат вас, и будут поносить, и пронесут имя ваше, как безчестное, за Сына Человеческаго. Возрадуйтесь в тот день и возвеселитесь, ибо велика вам награда на небесах.
Слава Отцу и Сыну и Святому Духу.
Молитвами преподобных отец наших Афонских, Милостиве, очисти множества наших согрешений.
И ныне и присно и во веки веков. Аминь.
Молитвами Святыя Богородицы, Милостиве, очисти множества моих согрешений.
Помилуй мя, Боже, по велицей милости Твоей, и по множеству щедрот Твоих очисти беззаконие мое, и помилуй мя, Боже.
Стихира: Не презрите моления нашего, преподобнии отцы наши, во Святей Горе подвизавшиися, но ходатайствуйте о нас присно ко Господу Благодетелю и испросите, преподобнии, миру мирное сохранение, народу нашему победу, и утверждение православия от Христа Бога, и душам нашим велию милость.
Иерей: Спаси, Боже, люди Твоя и благослови достояние Твое, посети мир Твой милостию и щедротами, возвыси рог христиан православных и низпосли на ны милости Твоя богатыя, молитвами Всепречистыя Владычицы нашея Богородицы и Приснодевы Марии; силою Честнаго и Животворящаго Креста, силою Креста от виноградной лозы и Иверския иконы Богородицы Вратарницы; предстательствы честных Небесных Сил безплотных; честнаго, славнаго Пророка, Предтечи и Крестителя Иоанна; святаго пророка Илии Фесвитянина и праведнаго Еноха; святых славных и всехвальных первоверховных апостолов Петра и Павла; святаго апостола Фомы и просветителей Грузии, апостолов Андрея Первозваннаго, Симона Кананита и Матфия; святыя матере нашея, равноапостольныя девы Нины; святых равноапостольных царя Мириана и царицы Наны; иже во святых отец наших и вселенских великих учителей и святителей Василия Великаго, Григория Богослова и Иоанна Златоустаго; святых чудотворцев, отец наших Николая, архиепископа Мир Ликийских, и Спиридона Тримифунтскаго; святаго преподобнаго отца нашего Иоанна Зедазнийскаго и двоюнадесяти учеников его, вторых просветителей Церкве Грузинския и присных ея покровителей; святых славных и добропобедных мучеников: святаго великомученика и победоносца Георгия и святых великих дев-мучениц Варвары и Марины; святых славных мучеников, князей Аргветских Давида и Константина, и святаго великомученика Шалвы Ахалцихскаго; святаго великомученика Бидзины и святых славных мучеников Шалвы и Элизбара, эриставов Ксанских; святаго священномученика Неофита Урбнисскаго и святаго великомученика Або Тбилисскаго; богомудрых блаженных отец Илариона Грузина, Серапиона Зарзмскаго и Григория Хандзтийскаго; святых благоверных и великих царей наших Вахтанга Горгасала, Ашота Куропалата, Давида Строителя и Соломона; святыя благоверныя царицы Тамары; святых добропобедных царей и цариц Архила, Димитрия, Шушаники, Кетевани и Луарсаба; святых ста тысяч мучеников, в Тбилиси от хорезмийцев избиенных; святых шести тысяч мучеников, иноков Гареджийских; святаго праведнаго Илии; святых и праведных родителей Богородицы Иоакима и Анны (и святаго, егоже есть храм); и преподобных отец наших Афонских Иоанна и Гавриила Грузинов, Иоанна, бывшаго Торники, и Евфимия и Георгия Святогорцев, и всех святых Твоих: молим Тя, многомилостиве Господи, услыши нас, грешных, молящихся Тебе, и помилуй нас.
Лик: Господи, помилуй (12 раз).
Иерей: Милостию, и щедротами, и человеколюбием Единороднаго Сына Твоего, с Нимже благословен еси, со Пресвятым, и Благим, и Животворящим Твоим Духом, ныне и присно и во веки веков.
Лик: Аминь.
Ирмос: В пещь авраамстии отроцы, от волхвов связани божественных ради законов, ввержени быша и во пламени вопияху: благословен еси, Господи, во храме сем святыни Твоея.
Преподобнии отцы Афонстии, молите Бога о нас.
Вместо Едема, яко рай отверстый, имяху грузини лавру твою и, потоком сладостей ея исполняеми, просвещахуся и вопияху: Боже, благословен еси.
Преподобнии отцы Афонстии, молите Бога о нас.
Помощник еси в напастех сущим, воине Христов, и власть имаши свободити от коварств вражиих; и ныне угаси советы лукавых, на народ наш воздвигнутыя, бывый Торники Иоанне, и языки еретиков изнемози силою Христовою.
Преподобнии отцы Афонстии, молите Бога о нас.
Петра хождением по водам превзошел еси, о Гаврииле, и отсюду подвигов любовию преставился еси в небесныя селения, святых обители; с ними моли Христа Бога, да избавит нас от всех скорбей и напастей.
Преподобнии отцы Афонстии, молите Бога о нас.
Явился еси миро благовонное благодатию божественною и учении твоими люди твоя облагоухал еси; сего ради благодать твою проповедуем, Евфимие, и вопием: Боже, благословен еси.
Слава Отцу и Сыну и Святому Духу.
Язык твой, паче злата чистейший, просвещает Церковь Иверскую, чудесы хвалимый преподобне Георгие, и нас, чад ея, умудряет благодатию, и вопием: Боже, благословен еси.
И ныне и присно и во веки веков. Аминь.
Дево Марие Богородице, вдовицам и сиротам руку милости простри, нищия помилуй и вся ны купно сподоби небесныя неувядаемыя славы.
Ирмос: Христа Бога, явльшагося поющим во образе ангельстем в пещи, отроцы, хвалите, священницы, воспойте, людие, превозносите во веки.
Преподобнии отцы Афонстии, молите Бога о нас.
Вина забвения есть смерть, но не покры Бог дел твоих, отче, великий Иоанне, но зданиями твоими возвести светлость подвигов твоих.
Преподобнии отцы Афонстии, молите Бога о нас.
Моли Христа Бога, бывый Торники Иоанне, да призрит на люди Своя, не имущия ответа пред Ним, и сохранит от всякаго вреда и соблазна.
Преподобнии отцы Афонстии, молите Бога о нас.
Окрилил еси ум подвигом о дарованиях Божиих и подаеши исцеление, и обогатил еси всех человеков, преподобне Гаврииле, чудом, от Бога дарованным.
Преподобнии отцы Афонстии, молите Бога о нас.
Подобно Илии, дадеся тебе власть над облаки, чудотворче Евфимие, и егда принесл еси молитву к Богу сил, даде дождь достоянию Своему.
Слава Отцу и Сыну и Святому Духу.
Море клеветы разделил еси жезлом словес твоих и боголепно проповедал еси твердость веры грузин, Георгие, и утвердил еси автокефалию Церкве нашея.
И ныне и присно и во веки веков. Аминь.
По обычному твоему благоутробию милостива сотвори к нам Сына твоего, Мати Божия, да и мы сподобимся царствовати ходатайством твоим, Пречистая.
Ирмос: Рождество твое нетленно, Дево; Бог из чрева твоего произыде воплощен и с человеки поживе; темже тя, Богородице, вси праведно величаем.
Преподобнии отцы Афонстии, молите Бога о нас.
Яко делатель винограда Христова, преподобне Иоанне, тяготу и зной дне добродетелей понесл еси, подвиги подъемля, и ныне неувядаемых благ наслаждаешися на небесех.
Преподобнии отцы Афонстии, молите Бога о нас.
Яко пришед во Святую Гору, волю твою до конца отсекл еси; тако и ненасытную жажду сребролюбия отжени от нас, Торники Иоанне, и воздвигнутый на ны гнев утоли.
Преподобнии отцы Афонстии, молите Бога о нас.
Странно есть слышати иным языком глаголание священнолепнаго Гавриила, егда язык, егоже не ведяше, услыша; о чудесе Твоем, Христе Боже, како прославляеши прославляющия Тя!
Преподобнии отцы Афонстии, молите Бога о нас.
Паче естества человеческаго просветил еси труды твоя, блаженне Евфимие, ибо землю исполнил еси писаниями благочестия и народ твой научил еси закону Божественному.
Слава Отцу и Сыну и Святому Духу.
Яко орган, украшающий церкви гуслями песнопений, познаем тя чрез книги твоя, о Георгие, ибо сокровенная их отверзл еси и явил еси нам, сыном ея, тезоименитче делания, светлый.
И ныне и присно и во веки веков. Аминь.
Воистину Богородицу исповедуем тя, Дево Марие, с ликом ангельским величаем тя; святаго стана сподоби молящих тя, Владычице.
Достойно есть яко воистину блажити тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу тя величаем.
Иерей кадит.
Ходатаев к Богу посылаем вас, пятерицу подвижников — Евфимия с Георгием, мужественнаго Торники, и Иоанна и Гавриила Грузинских, да отженет искушения и бесовская нападения от уповающих на вас и любящих вас.
Подражателие ангельскаго жития бысте, преподобнии отцы наши, во Святей Горе подвизавшиися, и ныне присно со ангелы предстоите Богу; будите нам ходатаи к Нему, да избавит нас от козней сего мучителя врага и от волн греховных
Пятичисленный святый и божественный лик песньми почитаем, яко братским умом во едино собравшеся, сон духовный от людей Господних отгнасте и на путь царский направисте; ныне и о нас молитися не престаните, великоименитии отцы Афонстии, и всех божественнаго бодрствования исполните.
Восхваляем вас, яко славных преложителей всех книг Ветхаго и Новаго Завета и всячески споспешников Церкве Иверския, и молим вас, Евфимие с великим Георгием, яко дерзновение имущих: испросите ми изглаждение прегрешений и заблуждений моих и милость в день судный от многомилостиваго Бога.
Игуменов горы Афонския и подвижников, исповедников, пастырей и преподобных, иноков множество восхваляем, утверждаемии вами, и тепле молим вас: не престаните о нас молитися пред Ним, да дарует грузинам веру, подобную вашей, и до скончания века сохранит Иверию и народ Иверский.
О, подвигом облеченнии отцы и учителие грузинстии, поручите нас Покровительнице народа нашего, Деве Богородице, да не будем в поношение и посмех врагом нашим, но по обычаю мужей отечества нашего трисвятою песнию славим Троицу Единосущную:
Святый Боже, Святый Крепкий, Святый Безсмертный, помилуй нас. (Трижды) Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды)
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Священник: Яко Твое есть Царство…
Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце, грешнии приносим: помилуй нас.
Слава Отцу и Сыну и Святому Духу.
Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне на ны, яко благоутробен, и избави ны от праведнаго гнева Твоего: Ты бо еси Бог наш, и мы людие Твои, вси дела руку Твоею, и имя Твое наречеся на нас; и помилуй нас.
И ныне и присно и во веки веков. Аминь.
Милосердия двери отверзи нам, благословенная Богородице, надеющиися на тя да не погибнем, но да избавимся тобою от сопротивных враг: ты бо еси спасение рода христианскаго.
Иерей: Помилуй нас, Боже, по велицей милости Твоей, молим Ти ся, услыши и помилуй.
Лик: Господи, помилуй (Трижды).
Иерей: Еще молимся о милости, жизни, мире, здравии, долгоденствии, спасении, просвещении, прощении, благопоспешении и тишине рабов (или рабынь) Божиих и всех чад Церкве нашея, да сохранит Господь Бог наш царствующий град сей наш и святый храм сей и вся грады и веси Иверии от глада, губительства, труса, потопа, огня, меча, нашествия иноплеменников, междоусобныя брани и смертоносныя язвы; да милостив нам будет Бог благостию и человеколюбием Своим, во еже благостояти, и отвратит гнев, на ны повседневно движимый, и избавит нас от праведнаго Своего прещения, на ны належащаго, и помилует нас.
Лик: Господи, помилуй (40 раз).
Иерей: Услыши ны, Боже, Спасителю наш, упование всех концев земли и сущих в мори далече, и милостив, милостив буди о гресех наших, и помилуй ны; милостив бо и человеколюбец Бог еси, и Тебе славу возсылаем, Отцу и Сыну и Святому Духу, ныне и присно и во веки веков.
Лик: Аминь.
О всечестнии и богоноснии отцы наши, Иоанне и Гаврииле Грузинстии, бывый Торникий Иоанне, и Евфимие и Георгие Святогорцы! Звезды пустыни пресветлыя, поста и молитвы столпи крепции, монахов похвало и подвижников украшение, просветителие грузин, нищих утешителие и всех немощных и отчаянных помощницы и предстателие!
О богомудрии отцы и учителие грузин, Иоанне и Гаврииле Иверстии, Торникие-Иоанне, и Евфимие и Георгие Святогорцы, о нас ходатаи премудрии подвижницы! Иже благодатию и милостию Божиею на Святую Гору достигосте в пристанище душ и во умножение рода нашего, отеческим милосердием вашим примирите нас благому Богу, да любовь Свою к нам и веру нашу к Нему обновит и род наш паки умножит в славней Иверстей обители, да покланяются и служат упованию всех христиан, паче же Церкве и народа нашего покровительнице — иконе Богородицы Иверския Вратарницы, Портаитиссою нареченней и чудотворней, ибо ни единаго грузина не обретается в обители сей вашей, юже великим подвигом создасте в жилище грузином. Умолите возлюбленнаго вами сладчайшаго Иисуса, да милостивно призрит на удел Матере Своея, народ наш, носящий на земли крест Господень, и царя христолюбива помажет и венчает на престоле всея Грузии, да добре управляет и печется о народе грузинском, и возставит единство отечества нашего, и возвысит достоинство и силу земли и рода нашего, да не рекут безчисленнии врази наши: где есть Бог их, на Негоже уповают? Укрепите Святейшаго и Блаженнейшаго Католикоса-Патриарха всея Грузии, Архиепископа Мцхетско-Тбилисскаго и Митрополита Бичвинтскаго и Цхум-Абхазскаго, великаго господина, отца нашего (имя), преосвященных митрополитов, архиепископов и епископов, весь священнический и монашеский чин и всех православных христиан.
О небеснии человецы и земнии Ангели: Иоанне и Гаврииле Грузинстии, славный бывый Торникий Иоанне, и Евфимие и Георгие Святогорцы! Не престаните молити Христа, преподобнии, да дарует церквам славу, пастырем нашим ревность и бдение о душах; властем — премудрость, силу и доброе пасение народа; судиям — правду нелицеприятную; воином мужество; наставником — разум и смирение; мирянам безгрешие и женам целомудрие; супругом — любовь и единомыслие; чадом — послушание; обидимым — терпение; обидящим страх Божий; скорбящим долготерпение; радующимся воздержание и дух разума и благочестия; нам же да простит суеверие и лжеверие, гордыню, лукавство, измену, зависть, ненависть, сребролюбие, неблагодарность, ропот, убийства, татьбы, блуды, безчиния, и да дарует нам жизнь в добром жительстве, украшение милосердием, просвещение святою молитвою, очищение исповеданием, озарение причащением, честное преставление, наследие Царствия, со Ангелы пение, со святыми царствование и с вами славу и благодарение, яко Ему подобает всякая слава, честь и поклонение, со Отцем и Святым Духом, ныне и присно и во веки веков. Аминь.
Иерей: Премудрость!
Пресвятая Богородице, спаси нас.
Лик: Честнейшую херувим и славнейшую без сравнения серафим, без истления Бога Слова рождшую, сущую Богородицу тя величаем.
Иерей: Слава Тебе, Боже наш, слава Тебе.
Лик: Слава Отцу и Сыну и Святому Духу, и ныне и присно и во веки веков. Аминь.
Господи, помилуй (Трижды). Благослови.
Иерей творит отпуст.
Лик: Аминь.
Мирянин: Слава Отцу и Сыну и Святому Духу, и ныне и присно и во веки веков. Аминь.
Господи, помилуй. (Трижды)
Господи Иисусе Христе, Сыне Божий, молитвами Пречистыя Твоея Матере, преподобных и богоносных отец наших Афонских и всех святых, помилуй нас. Аминь.
При целовании иконы поем сие:
Всякую плотскую волю оставивше, воле Божией последовасте, преподобнии отцы наши, во Святей Горе подвизавшиися, благодать же добродетели свыше приясте и, яко ангели, в человецех сияли есте божественным жительством; и ныне молите всеблагаго Бога, да избавит нас от искушений душевных и телесных и от страстей.
Владычице Марие, призри на с верою покланяющихся и с любовию лобызающих честныя иконы преподобных отец наших Афонских; благодать же их и милость твоя да сопутствуют нам во вся дни живота нашего.
Составила Тинатин Мчедлишвили
