Параклис святому и славному мученику, безмездному врачу Пантелеимону
Иерей: Благословен Бог наш…
И мы: Слава Тебе, Боже наш, слава Тебе.
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды)
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.
Иерей: Яко Твое есть Царство…
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.
Слава Отцу и Сыну и Святому Духу, и ныне и присно и во веки веков. Аминь.
Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже наш, слава Тебе.
Бог Господь, и явися нам, благословен Грядый во имя Господне. Стих 1: Исповедайтеся Господеви, яко благ, яко в век милость Его. Стих 2: Вси языцы обыдоша мя, и именем Господним противляхся им. Стих 3: Не умру, но жив буду и повем дела Господня. Стих 4: Камень, егоже небрегоша зиждущии, сей бысть во главу угла; от Господа бысть сей и есть дивен во очесех наших.
По сем тропарь:
Страстотерпче святый, великомучениче и целителю Пантелеимоне, моли милостиваго Бога, да прегрешений оставление подаст нам и душам нашим велию милость.
Слава… Тойже. И ныне…
Не умолчим никогда, Богородице, силы твоя глаголати, недостойнии; аще бы бо ты не предстояла молящи, кто бы нас избавил от толиких бед? Кто же бы сохранил доныне свободны? Не отступим, Владычице, от тебе, твоя бо рабы спасаеши присно от всяких лютых.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Ирмос: Колесницегонителя фараона погрузи чудотворящий иногда Моисеов жезл, крестообразно поразив и разделив море Чермное, Израиля же бегуна пешеходца спасе, песнь Господу воспевающа, яко славно прославися.
Святый великомучениче и целителю Пантелеимоне, моли Бога о нас.
Сладость и милость всякия милости восприял еси свыше, по имени твоему, мужественне Пантелеимоне; сего ради молим тя: сладостию призри на мя и во славу твою укрепи мя, и сподоби мя воспети великая чудеса твоя.
Святый великомучениче и целителю Пантелеимоне, моли Бога о нас.
Имел еси благое естество и разум мудрый от юности твоея, треблаженне, и чувства душевная ко рассуждению и разумению и ко различению добре добра же и зла; темже возлюбил еси добро и возненавидел еси зло.
Слава Отцу и Сыну и Святому Духу.
Благочестие преславное премудро возлюбил еси, богоносе, и отчее нечестие богомудрым учением твоим очистил еси, и привлекл еси его чудес дивных совершением к вере Христовой, славно прославленне.
И ныне и присно и во веки веков. Аминь.
От неплодных безчадных плод прекрасный прозябе тя Делатель душ, Дево преславная, престол Своего царскаго сияния и селение превыше небес; и из тебе изыде Бог и Человек совершен.
Ирмос: Утвердитель буди ми, Создателю небесе и земли на водах, утверди мя, Христе, на камени Церкве, яко несть свят паче Тебе, Человеколюбче.
Святый великомучениче и целителю Пантелеимоне, моли Бога о нас.
Красотою телесною, и добротою добродетелей, и сиянием божественных дарований святыню душевную прекраснейшу показал еси и обоюду сиял еси паче разума и слова.
Святый великомучениче и целителю Пантелеимоне, моли Бога о нас.
Разсудил и разумел еси мудрым разсуждением прелесть и богопознание, и приложился еси ко свету, и отвергл еси тьму мрачную, яко вместо худшаго избрал еси лучшее.
Слава Отцу и Сыну и Святому Духу.
Премудро обретенными образы и словесы убеждающими посрамил еси отца лжи и честь святыя купели, и учителя, и отца твоего подобающе воздал еси, блаженне.
И ныне и присно и во веки веков. Аминь.
От безчисленных зол моих, яже творю повседневно, заступлением твоим избави мя, Дево, яко повинным и отчаянным упование и предстательница ты еси ко Христу Избавителю.
Спаси от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри благосердием, всепетая Богородице, на лютое телес наших озлобление и исцели душ наших болезни.
Иерей: Помилуй нас, Боже…
Возглас: Яко милостив и человеколюбец…
Засвидетельствовал еси свидетельство Христово мужественно и веру Его проповедал еси, и отца твоего от глубины нечестия извлекл еси, и прещения безбожнаго мучителя не убоялся еси, и бесовскую прелесть посрамил еси, блаженне; темже приял еси благодать от Господа исцеляти болезни душ и телес наших. Всехвальне Пантелеимоне, моли Христа Бога грехов оставление даровати нам и душам нашим велию милость.
Ирмос: Ты моя крепость, Господи, Ты моя и сила, Ты мой Бог, Ты мое радование, не оставль недр Отчих и нашу нищету посетивый; темже с пророком Аввакумом зову Ти: силе Твоей слава, Человеколюбче.
Святый великомучениче и целителю Пантелеимоне, моли Бога о нас.
Благодать Всесильнаго Святаго Духа вселися в тя, и немощь твою укрепи, и делом и словом преславна тя сотвори, богоносе, имже удивил еси вся умы и разумы, яко знамений и чудес совершением обратил еси многих.
Святый великомучениче и целителю Пантелеимоне, моли Бога о нас.
Обрел еси преподобнаго Ермолая вместо Павла, блаженне мучениче Христов; тем открышася тебе таинства высокая и неизреченная, имиже навыкл еси чину светлаго благочестия, и оттуду был еси учитель богонаученный и приложил еси Царю люди избранныя, Пантелеимоне.
Слава Отцу и Сыну и Святому Духу.
Мужественно подвигом мученическим сразился еси, преподобне Пантелеимоне, силою божественною ограждаем, и горькия муки претерпел еси, преславне, непобедимым терпением и твердостию ума, усердно вопия: силе Твоей слава, Человеколюбче.
И ныне и присно и во веки веков. Аминь.
Воистинну блажен есть народ, иже тя весть и исповедует Материю Божиею, воистинну Пречистая, и заступлением твоим огражден сохраняется, яко по Бозе упование живота своего на тя возложи, Дево, и спасается и в путех благопоспешествует.
Ирмос: Не отрини мене от лица Твоего, Свете незаходимый, и да не покрыет мене тьма непросвещенная, но призри на мя и ко свету заповедей Твоих пути моя направи, молюся.
Святый великомучениче и целителю Пантелеимоне, моли Бога о нас.
Премудрости божественныя рачитель был еси, треблаженне Пантелеимоне, и ту возлюбил еси, и ту стяжал еси сожительницу себе; сего ради праведно от нея почтен был еси и венцы горними венчался еси.
Святый великомучениче и целителю Пантелеимоне, моли Бога о нас.
Телесную доброту красотою душевною украсил еси и паки душевную светлость светом великих добродетелей и подвигов блистательно украсил еси, преславне, и был еси храм Святаго Духа.
Слава Отцу и Сыну и Святому Духу.
Благодатию и блистанием знамений ослепил еси очи безбожных, и прещение мучителей мужеством низложил еси, и идольскую прелесть подвигом твоим разрушил еси, и сердца верных просветил еси.
И ныне и присно и во веки веков. Аминь.
Сетию нерадения и узами упорства нашего во глубины греха низвлекаюся, всеокаянный; но, яко Спаса всех Мати, к покаянию и жизни настави мя.
Ирмос: Молитву пролию ко Господу и исповем согрешения моя присно, яко зол душа моя исполнися, и крепость моя аду приближися, и, яко Иона, вопию: возведи мя, Боже мой.
Святый великомучениче и целителю Пантелеимоне, моли Бога о нас.
Возвеселися о тебе Господь любве ради, юже имел еси к Нему, и упования и веры безмерныя, и на небеси и на земли возвеличи тя паче слова знамении и чудесы, Пантелеимоне.
Святый великомучениче и целителю Пантелеимоне, моли Бога о нас.
Боголепныя премудрости исполнен, нечестия тьму и мрак прелести отгнал еси словом твоим, состязуяся с беззаконными, и прение их безчинное свидетельством дел разрешил еси, Пантелеимоне.
Слава Отцу и Сыну и Святому Духу.
Семя слова приять святая душа твоя, яко плодоносная, и плод, питающий души, прозябе, премудре, плевелы лукавыя смущающий, и сторичный плод безсмертия, венец добродетелей, принесе Христу.
И ныне и присно и во веки веков. Аминь.
Слово Господне вочеловечися и родися плотию от Девы, и бысть вся нова, и земнии бози быша воистинну, и клятву в благословение претвори, и змий-прелестник умертвися, и смерти мучительство упразднися.
Спаси от бед рабы твоя, Пресвятая Богородице Дево, яко вси по Бозе к тебе прибегаем, яко нерушимой стене и предстательству.
Призри благосердием, всепетая Богородице, на лютое телес наших озлобление и исцели душ наших болезни.
Иерей: Паки и паки…
Возглас: Яко Ты еси Царь мира и Спас душ наших, Христе Боже наш, и Тебе славу возсылаем…
Подражатель Милостиваго быв, исцелений благодать от Него приял еси, страстотерпче и мучениче Христа Бога; молитвами твоими душевныя недуги наша исцели, отгоняя присно сопротивнаго соблазны от вопиющих с верою: спаси нас, Господи.
Вонмем. Премудрость.
Возвеселится праведник о Господе и уповает на Него, и похвалятся вси правии сердцем. Стих: Услыши, Боже, глас мой, внегда молитимися к Тебе, от страха вражия изми душу мою.
Господу помолимся. Яко свят еси, Боже наш… Всякое дыхание да хвалит Господа. Стих: Хвалите Бога во святых Его, хвалите Его во утверждении силы Его. И о сподобитися нам… Премудрость, прости…
Рече Господь Своим учеником: нет ничего сокровенного, что не открылось бы, и тайного, чего не узнали бы. Посему, что вы сказали в темноте, то услышится во свете; и что говорили на ухо внутри дома, то будет провозглашено на кровлях. Говорю же вам, друзьям Моим: не бойтесь убивающих тело и потом ничего более не могущих сделать; но скажу вам, кого бояться: бойтесь того, кто, по убиении, может ввергнуть в геенну: ей, говорю вам, того бойтесь. Не пять ли малых птиц продаются за два ассария? и ни одна из них не забыта у Бога. А у вас и волосы на голове все сочтены. Итак, не бойтесь: вы дороже многих малых птиц. Сказываю же вам: всякого, кто исповедает Меня пред человеками, и Сын Человеческий исповедает пред Ангелами Божиими; а кто отвержется Меня пред человеками, тот отвержен будет пред Ангелами Божиими. И всякому, кто скажет слово на Сына Человеческого, прощено будет; а кто скажет хулу на Святаго Духа, тому не простится. Когда же приведут вас в синагоги, к начальствам и властям, не заботьтесь, как или что отвечать, или что говорить, ибо Святый Дух научит вас в тот час, что должно говорить.
Слава Отцу и Сыну и Святому Духу.
Молитвами славнаго мученика Пантелеимона, Милостиве, очисти множества наших согрешений.
И ныне и присно и во веки веков. Аминь.
Молитвами Богородицы, Милостиве, очисти множества наших согрешений.
Помилуй мя, Боже, по велицей милости Твоей, и по множеству щедрот Твоих очисти беззаконие мое, и помилуй мя, Боже.
Дарования исцелений и чудеса свыше приял еси от Христа Бога, преподобне Пантелеимоне; сего ради просим от тебе, преславне: исцели язвы душ наших, премудре, и паки болезни телесныя неисцельныя, яко подражатель еси милостей Божиих, да воспеваем тя с верою.
Иерей: Спаси, Господи, люди Твоя…
Возглас: Милостию и щедротами…
Ирмос: Пещь, халдеями разженную, силою всепопаляющую, угасиша отроцы видением ангельским, и ко Сошедшему вопияху, глаголюще: благословен еси и препрославлен, Господи Боже отец наших.
Святый великомучениче и целителю Пантелеимоне, моли Бога о нас.
Силою Духа вооружен, мужественно сразился еси со враги сопротивными, блаженне Пантелеимоне, и в победу облеклся еси, и просвещен вопиял еси, глаголя: благословен еси и препрославлен, Господи Боже отец наших.
Святый великомучениче и целителю Пантелеимоне, моли Бога о нас.
Благодать исцелений и неисчерпаемую бездну чудес, мужественне, гроб твой источает, и почерпающии исцеление душ и телес приемлют и благословят Бога, прославльшаго тя, Пантелеимоне: благословен еси и препрославлен, Господи Боже отец наших.
Слава Отцу и Сыну и Святому Духу.
Путь мученичества своего с радостию прейде мученик Твой, Господи, и в широте заповедей и благодати Твоея ходи; Ты же, Благий, удивил еси его знамении и прославил еси его на небеси и на земли, Всевышний: благословен еси и препрославлен, Господи Боже отец наших.
И ныне и присно и во веки веков. Аминь.
Вся, яже прежде о тебе речена и учена, се, исполнишася, Дево, яко проповеданнаго ими родила еси нам плотию во двою естеству и действу, яко Бога и Человека совершенна; сего ради Богородицу тя исповедуем.
Ирмос: Седмерицею пещь халдейский мучитель отроком яростию и гневом разжже, силою же Вышняго невредимы от огня соблюдены видев, Творцу и Избавителю вопияше: отроцы, благословите, священницы, воспойте, людие, превозносите Его во веки.
Святый великомучениче и целителю Пантелеимоне, моли Бога о нас.
Огнем сожигаемь, и мечем сечен, и на колесе простерт, мучениче, и зверем предан, и в воды морския ввержен, и различными муками мучим, не изнемогл еси; последи же, преподобне, усекновением главы твоея предстал еси Христу.
Святый великомучениче и целителю Пантелеимоне, моли Бога о нас.
Собор твой прекрасный сияет светлее солнечнаго круга и светом благодатей и блистанием знамений веселит концы небесныя и просвещает души верных, яко всех милуеши и спасаеши богатством благости твоея, Божий победителю: недуги исцеляеши и духи нечистыя прогоняеши.
Слава Отцу и Сыну и Святому Духу.
Врач еси дивный, безсмертия подателю; со врачебным телесным художеством стяжал еси духовный подвиг и душ исцеление, и сугубо врачуеши тело и душевную слепоту, и обоюду подаеши светлость, преславне, призыванием и силою Христа Избавителя.
И ныне и присно и во веки веков. Аминь.
Бог Вседержитель, от Бога неизменно, вочеловечися непреложно от тебе, Мати Божия, всенетленная Невесто, и обнови истленнаго Адама, и возведе ко первой славе; сего ради тя, яко вину жизни, хвалами величаем и верою покланяемся тебе.
Ирмос: Ужасеся о сем небо, и земли удивишася концы, яко Бог явися человеком плотски, и чрево твое бысть пространнейшее небес; темже тя, Богородице, Ангелов и человеков чиноначалия величают.
Святый великомучениче и целителю Пантелеимоне, моли Бога о нас.
Витийския басни премудро обличил еси, и суетных богов немощь низложил еси, и Асклипиево и Галиново художество упразднил еси, и мучителей прещение разрушил еси, и рог Церкве возвысил еси, преподобне Пантелеимоне, мучениче Христов, и люди верных прославил еси.
Святый великомучениче и целителю Пантелеимоне, моли Бога о нас.
Источники исцелений и бездны жизни источаеши, преподобне, от божественнаго гроба твоего, и напаяеши верных, и недуги всех исцеляеши, и подаеши грехов оставление и от напастей избавление, и веселиши души восхваляющих тя, Пантелеимоне.
Слава Отцу и Сыну и Святому Духу.
Умертвил еси ехидну ядовитую молитвою, и львов уста заградил еси, и огнь и воду прошел еси усердно, непобедимый мучениче; мечем же скончався, предстал еси Христу и царствуеши вечно с собором безплотных.
И ныне и присно и во веки веков. Аминь.
Вознесеся рог падшаго Адама рождеством от тебе Бога Слова, Иже не презре смирения нашего и первое благородство дарова нам, до земли смиренным; сего ради тя, яко вину жизни нашея, ублажаем, Мати Божия.
Достойно есть яко воистинну блажити тя, Богородицу, присноблаженную и пренепорочную и Матерь Бога нашего. Честнейшую херувим и славнейшую без сравнения серафим, без истления Бога Слова рождшую, сущую Богородицу тя величаем.
Каждение.
В мучениках явился еси врач дивный, Пантелеимоне премудре; молитвою змия умертвил еси и отрока воскресил еси, всем показал еси силу Христову, дарованную тебе от Бога; Того моли о спасении нашем.
Всепобедное оно оружие восприял еси, на немже Христос волею пригвоздися, и тем низложил еси силу беззаконную, Пантелеимоне хвальне; темже моли Спаса о воспевающих тя, преподобне.
От учителя верна учение восприял еси и отца неверна верна сотворил еси, преподобне, егда даде ти ся от Бога сила исцелений; помяни воспевающих тя, Пантелеимоне преславне.
Усердно посвятил еси себе Богу, преподобне Пантелеимоне, и прежде скончания силою Его воскресил еси мертваго, всеславне; и мене, умерщвленнаго душею грехами, оживи ходатайством твоим.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды)
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Священник: Яко Твое есть Царство…
Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце, грешнии приносим: помилуй нас.
Слава Отцу и Сыну и Святому Духу.
Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри и ныне на ны, яко благоутробен, и избави ны от праведнаго гнева Твоего: Ты бо еси Бог наш, и мы людие Твои, вси дела руку Твоею, и имя Твое наречеся на нас; и помилуй нас.
И ныне и присно и во веки веков. Аминь.
Милосердия двери отверзи нам, благословенная Богородице, надеющиися на тя да не погибнем, но да избавимся тобою от сопротивных враг: ты бо еси спасение рода христианскаго.
Господи, помилуй. (12 раз)
Иерей: Помилуй нас, Боже… Услыши ны, Боже…
Господу помолимся.
О всеславный, богувенчанный великомучениче и целителю Пантелеимоне, со Ангелы совокупленный, со апостолы почтенный, мучеников совершение, отцев слава, дев красота, молящих тя скорый помощниче, прошений исполнителю и милости подателю!
О всесветлый великомучениче Христов, безмездный врачу Пантелеимоне! Сиянием светлости святыни твоея озари богохранимый народ наш; всесветлою молитвою твоею просвети Святейшаго и Блаженнейшаго Католикоса-Патриарха всея Грузии, Архиепископа Мцхетскаго и Тбилисскаго и Митрополита Бичвинтскаго и Цхум-Абхазскаго, великаго господина и отца нашего Илию, и преосвященных митрополитов, архиепископов и епископов, и весь священнический и монашеский чин, военачальники и градоначальники; многомощною силою твоею укрепи христолюбивое воинство и благодетелей наших, и всех православных христиан, соименников и молитвенников твоих, прослави. Умоли, святый великомучениче Христов, возлюбленнаго тобою Иисуса, да дарует нам благодать и милость Свою неисчетную.
О всехвальный и честный святый великомучениче, безмездный врачу Пантелеимоне! Богопрославленными чудесы и знамении твоими свободи пленныя, исцели немощныя, избави в напастех сущия, укрепи в морях плавающия, обрати грешныя и вручи их Христу Богу, всех Приемлющему, и вся славящия святое имя твое прослави и возвыси душею и телом, да Царствия славы и пречуднаго сияния Божия сподобимся вси; со Ангелы да воспеваем, со святыми да славим и с тобою, венценосцем, да благословим венчавшаго тя Отца, и укрепившаго тя Сына, и глаголавшаго в тебе Святаго Духа, Емуже подобает всякая слава, честь и поклонение, ныне и присно и во веки веков.
Иерей: Молитва отпустительная.
Возсия днесь, людие, всеславная память мученика Христова, и призывает собор верных на тайную вечерю, и светлое собрание уготовляет и угощает. Подвигом своим возсия врач великий, безмездный, и болезни и недуги всех богато исцеляет мужественный и божественный подвижник Пантелеимон. Приидите, потщимся и воспоим непобедимыя подвиги его, яко подвизается о нас тепле пред Богом и молит даровати душам нашим велию милость.
