Акафист Пресвятой Троице
Молитвами святых отец наших, Господи Иисусе Христе, Боже наш, помилуй нас.
Слава Тебе, Боже наш, слава Тебе!
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, избави и освободи нас от грехов наших; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.
Господи, помилуй. (12 раз)
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Из небытия в бытие приведшему и Создателю всех, Егоже богодухновенными песньми славословят Херувими и Серафими, и мы, к Творцу неотъемлемым упованием подвигшиеся и по образу и подобию Всеблагаго Царя призванные, сию песнь возопиим, христиане: Пресвятая Троице, помилуй и спаси нас!
Пророками предвозвещенная и в последнее сие время безпредельною Твоею благодатию на земли явленная, мы, во гресех воспитанные и страстьми сокрушенные, прибегаем к Тебе сице:
Пресвятая Троице, помилуй нас; Пресвятая Троице, спаси нас; Пресвятая Троице, возстави падших; Троице Святая, воздвигни отчаянных; Троице Святая, очисти кающихся; Троице Святая, оправдай согрешивших; Пресвятая Троице, помилуй и спаси нас!
Се, Христос восходит от Иордана и поклонению Троице научает нас, еяже сиянием с радостию насладимся, вернии: Аллилуиа.
Триипостасная и Единосущная, Троице совершенная и неоскудная, превыше всякаго ума и всякий образ возсозидающая, неприступнаго Твоего света любители сице вопием Тебе:
Пресвятая Троице, воспитай нас; Пресвятая Троице, оживи нас; Пресвятая Троице, исцели немощи душ и телес наших; Троице Единосущная, даруй нам бодрость; Троице Животворящая, процвети и души нашея насаждения; Троице Святая, услади и припадающих к Тебе; Пресвятая Троице, помилуй и спаси нас!
Отцу Родителю, и Сыну Рожденному, и Духу, от Отца Исходящему, Троице Единосущной, разделяемой Лицы и нераздельной существом, безначальной и начала Законоположнице, Божественнаго смотрения зрители, присносущную песнь принесем, людие Божии: Аллилуиа.
Всех еретиков Обличительнице и уповающих на Тя радостная Жизнь, в вечереющем сем веке на всяк день правым к Тебе исповеданием утреннюющии, сице Тебе поем:
Пресвятая Троице, просвети чувства; Пресвятая Троице, воздвигни нас на хвалу Тебе; Троице Единосущная, исправи кривыя стези наша; Троице Животворящая, сотвори нас служителями Тебе и сынами света; Троице Святая, возвыси нас, яко кедры Ливанския; Пресвятая Троице, буди милостива согрешениям нашим; Пресвятая Троице, помилуй и спаси нас!
Отче Вседержителю, по словеси пророка Давида, светом Твоим свет видяще и видением сим на небо возводимии и процветающе, вопием к Тебе, молящиися Тебе: Аллилуиа.
Велиаровых умыслов Опустошителю и прелестных идолов Низложителю, Егоже духовный грозд обирают ныне на земли христиане, Тебе, непостижимому и неизреченному Творцу нашему, в созданиях Твоих познаваемому, со страхом и трепетом славословим сице:
Пресвятая Троице, разреши косноязычие вопиющих к Тебе; Пресвятая Троице, сохрани люди Твоя; Пресвятая Троице, укрепи священнослужители; Троице Святая, вознеси рог православных христиан; Троице Святая, даруй нам благорастворение воздухов; Троице Святая, сподоби нас христианския мирныя кончины; Пресвятая Троице, помилуй и спаси нас!
Заблудших и погибших овец Твоих Взыскателю, не оставивый нас, грешных, и Сына Твоего пославый во спасение наше, человеколюбным Твоим смотрением облагодетельствованнии и покаяние исповедающе, сердцем сим слезным вопием Тебе: Аллилуиа.
Естество несозданное и в трех Лицех познаваемое, Троице простая и несложная, в безконечное Твое благо приими вопиющих к Тебе сице:
Пресвятая Троице, благослови венец лета; Пресвятая Троице, умножи служащих Тебе окрест трапезы Твоея; Пресвятая Троице, процвети чада наша, яко новосаждения масличная; Троице Святая, светом Твоим озари вечереющий сей век; Свете Незаходимый, разреши мрак умов наших; Троице Единосущная, пригвозди нас страху Твоему; Пресвятая Троице, помилуй и спаси нас!
Емуже небесныя силы непрестанно служат и вечною хвалою славословят, и мы с ними трисвятую песнь вопием Тебе: свят, свят, свят еси, Боже наш, помилуй нас, уповающих на Тя: Аллилуиа.
В молитве Духа Святаго мед собиравый отрок оный восхищен бысть на небо и, Ангелов, Богу ликующих, видев, умы наша просвети и устне наша отверзе воспевати Троицу сице:
Святый Боже, Святый Крепкий, Святый Безсмертный, помилуй нас; Пресвятая Троице, окрили нас на небеса; Троице Животворящая, освободи плененных; Всеблагий Царю, разреши грехами связанных; Троице Святая, призри с небесе и прииди во спасение наше; Сокровище благих, наполни нам истощенныя сокровища умов наших; Пресвятая Троице, помилуй и спаси нас!
Едино Божество и Едина Сило, Еяже есть Царство во веки веков, песни наша, на кадильнице ангельстей возложенныя, да будут Тебе в сладкопение: Аллилуиа.
От уз ума славящих Тя Разрешителю и небесным житием к Тебе тщащихся Свободителю, просвещающему чувства наша и просвещением сим неизреченно оживляющему, сице Тебе поем:
Жизни Подателю, возрасти отроки Божественною Твоею истиною; Господи господствующих, запечатлей чистоту жен; Троице совершенная, соверши благоделание отцев; Троице Единосущная, светом Твоим облецы честныя иереи; Пресвятая Троице, даруй нам разумение Божественных Твоих благ; Вино милости, приими и сия жалостная наша моления; Пресвятая Троице, помилуй и спаси нас!
Простая, совершенная, неописанная, овец Твоих из ровов изводящая и спасающая, от Тебе дарованная словеса паки Тебе приносяще, к Тебе, Творцу, вопием сице: Аллилуиа.
Божественным разумом рыбарей Умудрителю и рожденных от воды Духом Твоим Оживителю, с апостолы и евангелисты богословцы согласно вопием к Тебе сице:
Пресвятая Троице, от ненасытнаго ада избави нас; Пресвятая Троице, упраздни ядовитость еретиков; Троице Святая, посрами безбожных; Троице Животворящая, научи нас учением и смерти не предаждь нас; Всеблагий Царю, призри на виноград сей Твой и утверди его, егоже насади десница Твоя; Вино всякаго блага, освободи нас; Пресвятая Троице, помилуй и спаси нас!
Всех тварей Благоустроителю и превыше удивительный Художниче, приими ныне и наше удивление и радость, в благолепии мира созданнии: Аллилуиа.
Бога Слова, от Девы воплощеннаго, со Отцем и Святым Духом, в веке сем и тамо, в вечном оном упокоении, немолчно да славим, боголюбцы, сице:
Царю всех, возжги угасшия светильники души нашея; Солнце правды, согрей нас теплотою Твоею; Неоскудная Сладосте, приближи уповающих на Тя к первому оному образу; Пресвятая Троице, воззови нас от мест смертных; Троице Едина, облецы нас непобедимою Твоею силою; Пресвятая Троице, помилуй и спаси нас!
Упование неотъемлемое и душ наших Окрилителю, Егоже помощию небеснаго первородства причащаемся кающиися, со слезами и исповеданием припадаем к Тебе, вопиюще: Аллилуиа.
Единовластная и Единодержавная, Троице неизменная и непреложная, исцели болезни душ и телес наших и наполни нам истощенныя умныя сокровища, да величаем Тя:
Пресвятая Троице, исцели нас; Пресвятая Троице, не прогневайся на нас; Троице Святая, грехов юности и неведения нашего не помяни; Троице Животворящая, сердце чисто созижди в нас; Троице Святая, дух прав обнови во утробе нашей; Естество Всеблагое, даруй нам с праведными жизнь вечную; Пресвятая Троице, помилуй и спаси нас!
Превыше всех естеств Сущему и Вседержителю, Емуже небесныя, и земныя, и преисподняя вся силы повинуются, сердцем сокрушенным припадем, христиане: Аллилуиа.
Троице Святая и Единосущная, Животворящая и Нераздельная, благоуханием дарованных Тобою служений возвышеннии, Тебе, непостижимую и неизреченную, недоведомую и неразумеваемую, сице глаголем:
Пресвятая Троице, устрой лучшее душам нашим; Море долготерпения неисчерпаемое, не воздаждь нам по беззакониям нашим; Питателю всех, умножи хвалящих Тя; Создателю и Утешителю, в мире утверди жизнь нашу; Покрове усопших, упокой прежде почивших отцев и братий наших и всех в Православии скончавшихся; Всякаго плача и скорби Отъятелю, утеши безнадежных и печальных; Пресвятая Троице, помилуй и спаси нас!
Иже честною Кровию Своею искупил нас и на кресте пригвоздил согрешения наша, Той и научил нас поклонению Троице ради спасения нашего: Аллилуиа.
Созданных Утешителю и имущих создатися Помощниче непобедимый, воздвигни нас на всяк день хвалити и воспевати всесвятое имя Твое, сице вопиющих:
Пресвятая Троице, укрепи нас; Пресвятая Троице, посрами оскорбляющих нас; Наставниче словесных Твоих овец, дела рук наших направи; Отче, всех Творче, приими гласы Твоих благоделателей; Господи Сыне Единородный, Иисусе Христе, помяни Церковь Твою; Душе Святый, Животворящий и Утешителю, отверзи устне наша славословити Тебе; Пресвятая Троице, помилуй и спаси нас!
О Троице Животворящая и всякаго дыхания Питательнице Благая, от тайных наших очисти нас, да неоскудною Твоею благодатию от уз греховных разрешенни и Царствия достигше, и тамо воздвигнемся восхвалити Царство Твое, окрыленнии воспевающе сице: Аллилуиа.
Сей кондак трижды. Затем первый икос: «Пророками предвозвещенная…» и первый кондак: «Из небытия в бытие приведшему…»
О Троице Единосущная и Триипостасная, Естество несозданное, Едино Божество и Едина Сило, Отче Вседержителю, и Сыне Единородный, и Душе Святый, нераздельная существом и разделяемая Лицы, Еяже повинуются вся силы небесныя, земныя и преисподняя, от страха Еяже трясутся горы и трепещут концы земли! Приими от недостойных рабов Твоих вознесенное сие малое пение и многою Твоею милостию спаси богохранимый народ наш и царство его. Укрепи в служении Святейшаго и Блаженнейшаго Католикоса-Патриарха всея Грузии, архиепископа Мцхетско-Тбилисскаго и митрополита Бичвинтскаго и Цхум-Абхазскаго, великаго господина, отца нашего Илию, преосвященных митрополитов, архиепископов и епископов, честных пресвитеров, во Христе диаконов, монашеские чины и всех православных христиан.
О превыше всякаго ума, Троице совершенная, непостижимая, неизреченная, не презревшая погибшия овцы, но благостию Твоею взыскавшая ю и, от многих согрешений падшую, паки воздвигшая вочеловечением Слова Отча, Иже Духом Святым исполни учеников Своих и изсохшую от грехов землю сию оживи, — направи стопы наша по заповедем Твоим и ослепленныя плотскими сластьми умныя очи наша незаходимым светом Твоим отверзи, да, неразрушимым Твоим словом научаемии и на всяк день живущии, непрестанною хвалою величаем Тя, безначальнаго и неописаннаго Бога нашего, Отца и Сына и Святаго Духа, ныне и присно и во веки веков. Аминь.
Достойно есть яко воистину блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Слава Отцу и Сыну и Святому Духу, и ныне и присно и во веки веков. Аминь.
Господи, помилуй. (Трижды)
Господи Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых Твоих, помилуй нас. Аминь.
Автор: священник Михаил Галдава. Редактор: Эдишер Челидзе
