Акафист преподобному отцу нашему Давиду Гареджийскому
Молитвами святых отец наших, Господи Иисусе Христе, Боже наш, помилуй нас. Аминь. Слава Тебе, Боже наш, слава Тебе.
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды)
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Господи, помилуй. (12 раз)
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Свыше дарованному наставнику и отцу небоподражательныя Гареджи и блистанием чудес украсившему Церковь грузинскую, хвалами поем тебе и молим тя с упованием на всесильную помощь твою: благодарственное сие хваление наше приими и представи нас Богу, да отвратит от нас страх Божественнаго суда за беззакония наша и на путь заповедей направит восхваляющих тя: Радуйся, преподобне отче Давиде Гареджийский, благодати и исцелений источниче неиссякаемый!
Егда Матерь Божия бысть предстательница и покровительница народа нашего, посла Иоанна Сирийскаго во утверждение грузин в вере; и ты, сый во учениках его, поклонистеся Хитону Господню и Столпу честному и вселистеся в Зедазени во славу Божию; ныне помози нам пред Ним, да сохранит Церковь нашу и священники с народом утвердит непоколебимо, да вси купно подвизаемся во славу Божию и хвалим тя по силе нашей:
Радуйся, благоплодное древо небеснаго рая; радуйся, сияние Божественныя любве; радуйся, похвало подвижников и утверждение правыя веры; радуйся, умножителю воинства Христова; радуйся, пресвятая звездо пустыни; радуйся, второе просвещение Церкве иверския; радуйся, присный покровителю стада своего; радуйся, солнце явное, светило всея Грузии; Радуйся, преподобне отче Давиде Гареджийский, благодати и исцелений источниче неиссякаемый!
Видя учитель твой Иоанн укрепление скверных идолопоклонников и еретиков в земли нашей, двенадесять учеников своих благослови на проповедь и распространение истинныя веры; тебе же послав в Тбилиси на проповедь и изгнание бесов, вселился еси в пещере близ него и, чудотворный источник молитвою изведши, с упованием пияху недужнии, слепии и бездетнии и, от тебе утешение приемлюще, славляху Бога: Аллилуиа.
Егда безстрашно проповедал еси слово истиннаго Бога, не стерпеша волсви таковаго подвига твоего и безстудно оклеветаша тя в прелюбодеянии; ты же коснулся еси жезлом блудницы оныя и, повелев младенцу явити отца своего, возгласи он из чрева матерня и назва отцем своим кузнеца, жена же в болезнех роди камень; и вси, видевшии сие, исповедаша Христа Бога истинна, даровавшаго таковую благодать рабу Своему, и благодарственную хвалу принесоша тебе, яко отцу и учителю великому:
Радуйся, премудрый проповедниче учения апостолов и отцев; радуйся, сокровенных ведущий, бездно разумения; радуйся, лютым подвигом угли прелести диаволи угасивый; радуйся, во славу имене Христова чародейство волхвов разрушивый; радуйся, лжезаконие маздеан победно обличивый; радуйся, уста злоумышленников заградивый и коварство разрушивый; радуйся, собрание неверных посрамивый; радуйся, тьму огнепоклонников прогнавый; радуйся, светом Божественным Тбилиси просветивый; Радуйся, преподобне отче Давиде Гареджийский, благодати и исцелений источниче неиссякаемый!
Воспламенен рачением Божественным, с учеником твоим удалился еси от молв мира и, путеводимый Духом Святым, бежал еси в пустыню ону лютую, да непреходящее оное наслаждение стяжеши скорбию временною; но устрашися Лукиан, понеже земля она лишена бе пищи и воды и от многа времене исполнена бе гадов и зверей; ты же укрепляше его и глаголаше: «Милостив есть Бог и сладостно питает боящихся Его и хвалящих Его»: Аллилуиа.
Ангелы предведени, вселистеся в пещере каменней, пищу обретающе от злаков и воду, от дождя собранную в разселинах, и славили есте Бога, Подателя всех благ; ныне буди нам к Нему ходатай, да препитает душу нашу хлебом разумения и даст нам шествие благообразное в мире сем, да не преклонимся к беззаконию и сподобимся принести тебе пение:
Радуйся, великодушне и светом богопознания просвещенне; радуйся, ведением силы святых Писаний умудренный; радуйся, мужеством ума и незлобием сердца вооруженный; радуйся, верою и постом себе оградивый; радуйся, лютыя подвиги и искушения мужественно подъявый; радуйся, рекою слез твоих безводную пустыню напоивый; радуйся, непрестанною молитвою бесов победителю; радуйся, корения злых похотей всецело исторгнувый; радуйся, многоразличныя сети вражия обличивый; Радуйся, преподобне отче Давиде Гареджийский, благодати и исцелений источниче неиссякаемый!
Егда изсохша злаки от зноя, паки объят страх Лукиана, ибо гладом обстояни бысте; ты же, яко верный воин Христов, моляше ученика твоего, да не оскудеет в нем благодать терпения, и чистым сердцем, готов на послушание Богу, хваляше Его духом и истиною: Аллилуиа.
Утешая Лукиана, всецело на Бога надеялся еси, и якоже препита Той враном Илию, тако свыше услыша молитву твою и посла вам три елени со сернами на послужение вам; и, знамением крестным млеко во сыр претворше, вкушасте и благодарили есте милостиваго Бога; из камене же источник изведе вам в пещере, и даже доныне неоскудно источает благодать и исцеление и подвизает нас на хвалу и славу тебе:
Радуйся, избранный служителю Троицы; радуйся, ангеле непорочный земный; радуйся, человече дивный небесный; радуйся, образе терпения и чистоты; радуйся, славный проповедниче смирения; радуйся, непоколебимый памятниче мужества; радуйся, учителю народа грузинскаго; радуйся, утверждение и древо Церкве; радуйся, пустыни светильниче и светило преславное Кахетии; Радуйся, преподобне отче Давиде Гареджийский, благодати и исцелений источниче неиссякаемый!
Егда змий лютый, в некиих разселинах каменных вселивыйся, единаго от сернов пожре и устрашеннии елени притекоша к тебе, Богом дарованною силою прогнал еси его, и на поле Караия от Господа громовым ударом сожжен бысть; видя же чудо сие устрашенный Лукиан, возгласи с радостию: «Отче святый, дивен Бог во святых Своих», и хваляше силу Его: Аллилуиа.
Подвигом твоим и благодатию Господнею достиг в совершенную меру добродетелей, молился еси о всем мире, паче же о грузинех возсылал еси моление, да противящихся истине правою верою побеждают и присно одоление над лукавым врагом стяжавают; ныне и мы ходатаем тя творим к Богу, да призрит на нас и до скончания века сохранит Иверию и народ Иверии, да не отступим от веры истинныя и усердно восхвалим дела твоя, хвалы достойная:
Радуйся, душу твою Христу в жилище усвоивый; радуйся, Крест Его на рамена твоя вземый; радуйся, ангельский подвиг подъявый; радуйся, разжженныя стрелы лукаваго подвигом угасивый; радуйся, в пустыни Гареджийстей виноград Христов насадивый и грезны преизобильныя принесый; радуйся, сокровище премудрости, богопознания учителю; радуйся, всесветлая свеще, мрак нечистоты разгоняющая; радуйся, душеполезная учения умноживый; радуйся, бесовскими искушеньми поколебанных утверждаяй; Радуйся, преподобне отче Давиде Гареджийский, благодати и исцелений источниче неиссякаемый!
Егда восхоте Господь возращения правою верою живущих в Кахетии, показа жилище ваше ловцем, иже, гоняще елени, видеша Лукиана, доящаго их, яко в дому воспитанных; ты же глаголал еси поклонившимся тебе: «Вы инаго зверя ловите, ибо сии немощи нашея ради дарованы суть Господем», и возопиша с удивлением: «Велия слава Господня»: Аллилуиа.
Уловлени премудростию Божиею, отидоша мужи они и разгласиша святыню твою и силу чудес, ибо жилища вашего многое время никтоже ведяше; и се, отвсюду стекашеся множество народа видети тя; ты же, прозирая помышления всех, наставлял еси и утверждал еси в добродетелех, нецыих же подвизал еси на желание иночества; и, изсекше пещеры в скалах, три лета в уединении поживаху и ублажаху тя, яко отца блаженна:
Радуйся, пастырю духовный, разсеянных овец собираяй; радуйся, страждущия души приемляй; радуйся, мечем обличения служителей диавола поражаяй; радуйся, свеще, разумных просвещающая и безумных попаляющая; радуйся, грешником покаяния учителю; радуйся, духовно жаждущих Божественным учением напаяяй; радуйся, старцев укрепляяй и юных умудряяй; радуйся, иноков в подвизе утверждаяй; радуйся, теплохладную веру нашу оживляяй; Радуйся, преподобне отче Давиде Гареджийский, благодати и исцелений источниче неиссякаемый!
Слышав о ангельском житии твоем блаженный Додо, притече к тебе и, благословением и попечением твоим обитель на роге скалы создав, день от дне умножашеся множество братий, и вси купно подвизастеся во славу Божию, присно приносяще пение достойное: Аллилуиа.
Егда разгласися совершенство твое во всех преславно, приношаху к тебе на одрех недужных и бесноватых; ты же, многа чудеса творя, страждущия исцелял еси и одержимых избавлял еси от козней бесовских; ныне и нас представи Благому Богу, да исхитит нас из рук Велиара, растлителя душ, и дарует победу на бесы и козни их восхваляющим тя:
Радуйся, невидимыя глубины Божественныя премудрости испытавый; радуйся, внутренних оных сокровенных страстей обличителю; радуйся, послушным сладкий и смиренный, и нераскаянных вразумляяй; радуйся, неискусных братий от страстных похотей покрываяй; радуйся, благодатию Божественною невежды умудряяй; радуйся, многогрешныя души очищаяй; радуйся, чарами одержимых разрешаяй; радуйся, князей тьмы губителю и бесов изгонителю; Радуйся, преподобне отче Давиде Гареджийский, благодати и исцелений источниче неиссякаемый!
Во един от дней изшед на лов Бубакар, князь Рустави, пусти ястреба на куропатку, и птица оная седе при ногу твоею, и ястреб приближися, и человек он последова стопам его; и егда вопрошаше о имени твоем, святе, проповедал еси ему Христа Бога; и егда восхоте варвар убити тя, устремися на тя с мечем, но изсше рука его абие, и, уразумев святыню твою, отче, моляше тя о прощении, и во мгновение исцелил еси его во славу Божию: Аллилуиа.
Удивися силе твоей варвар Бубакар и моляше тя о исцелении хромаго сына своего; ты же обещал еси помощь, аще восхощет Бог; и егда возвратися в дом свой, отроча всецело здраво срете его; и, пришед в Гареджу, крестися с домом своим от Додо и изсече вам в камени церковь и ублажаше тя, яко дивнаго заступника:
Радуйся, народа нашего похвало и просветителю; радуйся, притекающих к тебе духовною сладостию питаяй; радуйся, кающимся у Бога милости испрашиваяй; радуйся, мрак язычества разгоняяй; радуйся, ожесточенная сердца умягчаяй; радуйся, от сокровищ Святаго Духа духовная дарования обильно подаваяй; радуйся, всех прибегающих к тебе к истинному Богу приводяй; радуйся, пристанище благодати и безмездный врачу недугующих; радуйся, разслабленных возставляяй и хромых ходити творяй; Радуйся, преподобне отче Давиде Гареджийский, благодати и исцелений источниче неиссякаемый!
Светом Троицы светил еси земли нашей и, яко отец благий, добре пасл еси стадо твое; и мнози притекаху, да покорятся тебе, кроткому сердцем и долготерпеливому; и егда умножишася братия, яко птицы небесныя, создал еси им пустынь Многогорную во имя Крестителя и с ними благодарил еси и славил еси Бога, укрепляющаго вас плотию и духом: Аллилуиа.
Подвигнутый поклонитися Живоносному Гробу Господню, вверил еси Лукиану попечение о стаде твоем и пеш шествовал еси с братиею во Иерусалим; достигши же пределов его, издалеча поклонился еси, не дерзая ступати на стопы Христовы, и, землю слезами омочив, с молитвою взем три камени, возвратился еси, благодаря Бога; Того моли ныне, блаженне старче, да избавит нас от веры неживыя и теплохладныя, да всем православным добре поспешится и ублажаем тя по силе нашей:
Радуйся, иноческаго жития правило и печате блаженная; радуйся, отче иноков, от многообразных прелестей непобедимый; радуйся, пастырю словесных овец, Божественным словом и делом пасый; радуйся, в сердцах боголюбивых благодатную радость распростираяй; радуйся, мужеством и крепостию духа малодушным и нетерпеливым пример давый; радуйся, ревности Божественныя и благоговения учителю; радуйся, неизреченною святынею твоею многих освящаяй; радуйся, духовных подвижников добре направляяй; радуйся, истинных постников помощниче и скорбящих утешителю; Радуйся, преподобне отче Давиде Гареджийский, благодати и исцелений источниче неиссякаемый!
Егда исполнен был еси благодати духовныя, блаженне Давиде, восхоте Господь явити святыню твою и Ангелом возвести Илии патриарху, како всю благодать Иерусалима взял еси; и той, послав скороходов искати тебе, скоро постигоша тя и моляху, да не оскудит благодати святый град оный; и, взяв два камени, единаго даровавше тебе, возопил еси устрашенный: «Слава Тебе, Боже, сподобивый нас обрести милость!»: Аллилуиа.
Третию часть благодати святыя земли принесл еси в пустыню Гареджийскую, отче Давиде; оттоле троекратное поклонение ей сравняся единому посещению Иерусалима; егда же чудо сие разгласиша спутники твои, вси притекаху приложитися к дивному оному камени, иже и доныне источает благодати и чудеса и многих подвизает на служение Богу и на хвалу святыни твоея:
Радуйся, добрым и душеполезным подвигом возвеличенный; радуйся, свеще, на высоком свещнице иночества просиявшая; радуйся, авве Антонию уподобивыйся; радуйся, многих отцев отцем нареченный; радуйся, благоуханием молитв землю нашу исполнивый; радуйся, сердца, волнами мира поколебанная, в благочестии утверждаяй; радуйся, от нападения и зол невидимых врагов покрываяй; радуйся, во утешение братии горький источник усладивый; радуйся, в сердцах многих любовь Христову напечатлевый; Радуйся, преподобне отче Давиде Гареджийский, благодати и исцелений источниче неиссякаемый!
Безмолвия и уединения любителю, от времене до времене изходил еси посещати уединенных братий и, благодатию Духа вооружен, напаял еси их нескудно водою жизни, молитвою укреплял еси немощныя и духи лукавыя изгонял еси Богом данною силою; ныне и на нас излий благодать всесвятыя молитвы твоея, да избежим грешнаго жития и не престанем хвалити и славити Бога: Аллилуиа.
Достигши старости и уразумев исход твой от плоти, утвердил еси учеников твоих и, причастився святыя Жертвы Христа Бога, с молитвою предал еси дух твой в руце Его; Той же абие прослави тя, умножив тобою знамения и исцеления, и отверзе очи слепому, прикоснувшемуся святому телу твоему; егда же погребоша тя в келлии жительства твоего, положиша на персех твоих камень оный благодати, и многих немощных исцелил еси, припадающих ко гробу твоему, и с радостию хваляху тя, яко дивнаго ходатая:
Радуйся, добре богословствуяй подвижниче, ибо воистину небесным поборником явился еси народу нашему, вселився в Иверию; радуйся, словом сладкий и советом вожделенный, ибо основание твердое положил еси желающим Божественнаго жития; радуйся, верный рабе Христов, ибо, на небо в вечныя оныя обители преставлься, с Ангелы и лики святых соединився, просиял еси славою; радуйся, ибо по тебе основаша многи обители братий, и бысть пустыня Гареджийская градом иноков; радуйся, утверждение православных, ибо народ иверский стяжа тя благим заступником и пустыню твою нарече «Давидовою»; радуйся, дивнейший подвижниче, ибо не можем забыти Божественнаго онаго жительства твоего; радуйся, ибо на всякое лето святая Церковь уставляет нам память твою — в четверток по Вознесении Христовом; радуйся, ибо народ наш пением и пении духовными совершает благодати исполненную память твою; радуйся, истинных христиан похвало и иноков радосте, имеяй благодать помогати чтущим тя; Радуйся, преподобне отче Давиде Гареджийский, благодати и исцелений источниче неиссякаемый!
Божественною благодатию просветившу страну сию Кахетинскую, хвалится «Давид-Гареджа» трудами твоими, в ней совершенными, и велегласно проповедует о теплых молитвах твоих; ныне и нам хощется притещи ко святей лавре твоей, отче, ибо, яко богатство духовное и сокровище Божественное, имать мученическую усыпальницу твою, в нейже лежащая святая кости твоя присно творят чудеса и прогоняют бесы, да с радостию прославим Бога, прославляющаго святыя Своя: Аллилуиа.
Возвещает подвиги твоя славная Мтацминда, отцев красото Давиде, и, наслаждающися, благодатию твоею упитанный, святый храм «Мамадавити» простирает благоухания духовная на сердца и умы наша и призывает всех верных, да с молитвою приступим к первейшему месту подвига твоего, иже ныне пред Пресвятою Троицею радуешися, многим сиянием просвещенный, и помощник еси восхваляющих тя:
Радуйся, Богородицею во ограждение закона и просвещение народа нашего посланный; радуйся, начальниче иноков, в безводных пустынях вместо зверей равноангельных человек умноживый; радуйся, духовнаго мужества иверов утвердителю; радуйся, от них любовию усладивыйся и отцем нареченный; радуйся, поприще подвига добре совершивый; радуйся, ходатайством твоим двери Божественныя милости отверзаяй; радуйся, в пристанище вечныя жизни мирно вводяй; радуйся, водою, тобою изведенною на Мтацминде, духовную и телесную слепоту исцеляяй; радуйся, неплодным чадородие подаваяй; радуйся, от рода грузинскаго присно поминаемый; Радуйся, преподобне отче Давиде Гареджийский, благодати и исцелений источниче неиссякаемый!
О отче старцев, похвало иноков и наставниче отшельников, всеблаженне Давиде Гареджийский! Не престани моляся Богу, да избавит души наша от работы темнаго диавола и от плена страстей и даст нам разумение добра и зла, да временнаго жития путь добре пройдем и во время суда избегнем вечных оных горьких мук, да, тобою путеводими, достигнем горняго Иерусалима и сподобимся славити Пресвятую Троицу: Аллилуиа.
Сей кондак (трижды), затем икос 1 и кондак 1.
О сокровище премудрости и светозарная звездо пустыни, преподобне отче наш Давиде Гареджийский! Ученице и собеседниче святаго Иоанна Зедазнийскаго; памятниче подвига и твердый камени веры; украшение старцев и всесветлое светило Церкве, венче отцев и похвало Гареджи; подателю исцелений и ходатаю наш пред Спасителем и Пречистою Его Материю!
О в пустынножителех благочестием просиявый, чудотворче отче наш, святый Давиде Гареджийский! Иже свыше Божиим промыслом пришел еси в пустыню во пристанище душ и во умножение обителей, Богом данною силою изгнания нечистых духов бесы изгонял еси, недужных исцелял еси и скоро помогал еси всем скорбящим от печалей; егда же вознесся еси от плоти пред Бога, даровал еси всехвальныя мощи твоя святей Церкви, во свет и венец благодатей, и, ко гробу твоему с коленопреклонением припадающе, всею душею приносим тебе моление: буди нам ходатай пред Богом и Спасом нашим, да благодать Свою и милость обновит народу нашему, жребию Матере Своея, носящему Крест Господень на земли, да разрушит всякую прелесть безбожия и низложит всех врагов и бранников христианства, нам же да дарует покаяние и оставление грехов и избавит нас от сети диаволи и от злобы человеческия. Всесильною благодатию молитвы твоея укрепи Святейшаго и Блаженнейшаго Католикоса-Патриарха всея Грузии, Архиепископа Мцхетско-Тбилисскаго и Митрополита Бичвинтскаго и Цхум-Абхазскаго, отца нашего (имя), долгоденствием сохрани пасти народ наш во всякой истине и святыни. Просвети преосвященных митрополитов, архиепископов и епископов, честных иереев, служащих Христу диаконов и всех церковнослужителей, смиренным житием пребывающих, и христолюбивых мирян сохрани ходатайством твоим.
О пустыни безводныя во грады претворивый и иноков добрый строителю подвижниче, преподобне отче наш Давиде Гареджийский! Избравый житие ангельское и облекийся во святую оную схиму иноческую, ныне помяни нас пред Богом, яко имаши дерзновение велие к Нему, да дарует земли нашей мир, церквам благолепие, священству честность и всем мирянам утверждение в добродетелех, да не обладает нами растлевающий дух века сего, и, небеснаго жительства сподобльшеся, с тобою непрестанно славим Отца и Сына и Святаго Духа, Емуже подобает всякая слава, честь и поклонение, во веки веков. Аминь.
Достойно есть яко воистину блажити тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу тя величаем.
Слава Отцу и Сыну и Святому Духу, и ныне и присно и во веки веков. Аминь.
Господи, помилуй. (Трижды)
Господи Иисусе Христе, Сыне Божий, молитвами Пречистыя Твоея Матере, преподобнаго и богоноснаго отца нашего Давида Гареджийскаго и всех святых, помилуй нас. Аминь.
Составила Тинатин Мчедлишвили.
