Праздничное последование преподобному Евфимию Человеку Божию
— Богоносне Евфимие, человече Божий, кто возможет исповедати добродетели твоя и паче восхвалити дивное оное жительство твое и славный подвиг твой, якоже во отечестве, тако и в странствии? Ныне помолися ко Христу ниспослати Церквам единство, мир и велию милость.
— Богоносне Евфимие, человече Божий, прозяб от корене честных дворян, отрасль был еси добрая, вожделенная и желанная, и возрасл еси, яко древо доброе, ибо был еси муж свят и удаляйся от всякаго зла, и многи плоды вожделенныя принесл еси во время свое: ныне помолися ко Христу ниспослати Церквам единство, мир и велию милость.
— Богоносне Евфимие, человече Божий, от юности данный на учение, в мале времени навыкл еси всему и с разумением прочитал еси и поучался еси день и нощь, и бяше на тебе благодать Божия: ныне помолися к Нему ниспослати Церквам единство, мир и велию милость.
— Богоносне Евфимие, человече Божий, от юности последовал еси служению народу, яко сын верный, и, отшед в Петербург, научился еси историческим и филологическим наукам, и, овладев языками греческим и латинским, достигл еси высоты ученыя степени: ныне помолися ко Христу ниспослати Церквам единство, мир и велию милость.
— Богоносне Евфимие, человече Божий, преуспев в мирских и философских науках и учение совершив в Петербурзе, возвратился еси во отечество свое, и поставиша тя пастырем и учителем в училище дворянском, идеже непрестанно подвизался еси о воспитании душ и умов отроков и явился еси столп благочестия: ныне помолися ко Христу ниспослати Церквам единство, мир и велию милость.
— Богоносне Евфимие, человече Божий, паче и превыше всего стяжав чистоту души и тела, якоже великий Иосиф, многа блага соделал еси в земли нашей, ибо изысканием древнейших рукописаний и святынь, и описанием и изданием памятников и церквей явил еси величие подвига твоего: ныне помолися ко Христу ниспослати Церквам единство, мир и велию милость.
Кими похвальными песньми воспоем светильника всесветлаго и светило всея Грузии, мирян наставника и благодати и премудрости Божия исполненнаго — человека Божия Евфимия, имже нападения вражия низложи Христос Бог, имеяй велию милость.
Кими похвальными пении воспоем великаго подвижника иверов, иже, подобно солнцу, явися народу нашему и научаше любви к Богу и народу; сего ради единством веры и любовию исповемы преподобнаго Евфимия, яко древних подвижников подражателя, имже нападения вражия низложи Христос Бог, имеяй велию милость.
Слава Отцу и Сыну и Святому Духу.
Празднует Церковь грузинская память твою, достоблаженне Евфимие, и повелевает чадом своим воспети подвиг твой, ибо благодать, от Бога данную, умножил еси премудростию и непрестанно подвизался еси о возрождении народа твоего и отечества: помолися ныне ко Христу и испроси, преподобне, ниспослати Церквам единство, мир и велию милость. (Глас 6).
И ныне и присно и во веки веков. Аминь.
Кто тебе не ублажит, Пресвятая Дево? Кто ли не воспоет твоего пречистаго Рождества? Безлетно бо от Отца возсиявый Сын Единородный, Тойже от тебе Чистыя пройде, неизреченно воплощься, естеством Бог сый и естеством быв человек нас ради, не во двою лицу разделяемь, но во двою естеству неслитно познаваемь. Того моли, Честная Всеблаженная, помиловатися душам нашим. (Глас 6).
На входе прокимен дне
Паремии — чтения преподобному.
1. Премудрости Соломони чтение. (Праведных души в руце Божией…)
2. Премудрости Соломони чтение. (Праведницы во веки живут, и в Господе…)
Писано есть в 9-й день марта.
3. Премудрости Соломони чтение («Праведник, аще постигнет скончатися, в покои будет…») писано есть в 7-й день мая.
Никогдаже предал еси, всеблаженне, себе сладости и роскоши, но, вооружен бодрствованием Божественным, ревнитель был еси соименника твоего Евфимия, Божественных книг распространителя, и вся дни жития твоего иждивал еси во изыскании расточенных рукописаний и книг богодухновенных и потщался еси о служении Богу и народу твоему.
Любовь твою к смирению и простоту и чистоту жития видев Бог, дарова тебе многа дарования, и любовию научал еси всех, да уклонятся от зла и присно спасаются милостынею и смирением: тако и ныне умири сердце мое, волнами мира колеблемое и оскверненное, и бдения Божественнаго исполни мя.
В велицем оном подвизе и бдении, яко светильник огнегорящий, явился еси во тьме неведения падшим душам и ко свету невечернему наставник был еси; и, всех призывая на служение Богу и отечеству и явлься правило честным ученым и сынам отечества, Божественную радость излиял еси на всех грузин.
Избрав путь тесный и прискорбный, к немуже от юности уготовлял еси себе, видел еси делателей малость и жатвы множество; и многа дела подъимал еси во славу Божию и не престал еси собирати наследие предков, погибели обреченное, якоже святыни и иконы, тако и грамоты и рукописания.
Удивляет нас преудивный подвиг твой, достоблаженне, паче же дивимся бодрствованию твоему и любви к земли отечественной, ибо ревность Божественную стяжал еси, блаженне подвижниче, и пред властьми ходатайствовал еси о церквах и обителех.
Дела твоя паче солнечнаго круга возсияша, егда, обходя Грузию, блаженне, изыскивал еси святыя писания, церковныя сосуды и многия грамоты и святыни; и мы не неведуще подвигов твоих и трудов, преподобне Евфимие человече Божий, ныне, в скорбех сущии, просим от тебе помощи.
Изволением Божественныя воли вверено ти бысть сокровище Грузии, и, егда совещанием властей послан был еси в чужую землю хранити е, благодатию оною Божественною возвысил еси венец народа картлосиан, сохранив е невредимо; и се, Церковь наша, яко бисер многоценный, обрете тя и с радостию прия.
Яко солнца свет, тако просвети умы уповающих на тя и любящих тя всепетый праздник твой: моли ныне Христа Бога, богоносне Евфимие, блаженне, да призрит на ны, неимущия ответа пред Ним, и избавит нас от грехов лютых и многообразных напастей.
Слава Отцу и Сыну и Святому Духу.
Рабе благий и верный, добрый делателю винограда Христова, ты мужественно и доблественно тяготу дне понесл еси и данный тебе талант умножил еси; сего ради с великими подвижники и праведники сопричтен еси и с преподобными вшел еси в радость Господа твоего благаго: и ныне ходатай буди к Нему о избавлении нашем от всякаго зла.
И ныне и присно и во веки веков. Аминь.
Радуйся, Дево, облаче и колеснице Слова; радуйся, превыше ума и внешняго предела, святое Божие жилище; радуйся, безбрачная, духом Бога превыше богов зачавшая; радуйся, без семене Родившая и без истления Питавшая; радуйся, Приснодево благословенная.
Сосуд избран избрав тя Христос, святе, исполни тя премудрости Божественныя и благодать подвига щедро дарова тебе. Ныне отжени кичение и гордыню от ума моего и скажи ми путь благочестия.
Поем тебе, достоблаженне Евфимие, и молим тя, яко украшение Церкве нашея и великаго подвижника грузин: направи стопы наша к заповедем Божественным ходатайством твоим ко Христу.
Стих: Блажен муж, бояйся Господа, в заповедех Его восхощет зело.
Украси тя Бог светом учения и сиянием Божественных дарований, мужественне Евфимие, и, исполнив душу твою премудрости, в странствии послужил еси народу твоему и сохранил еси сокровище предков грузин.
Слава Отцу и Сыну и Святому Духу.
Хранителя сокровищ народа нашего исповедуем тя, о богоносне Евфимие, и веселимся в память твою, иже просветил еси времена своя крепким подвигом: ныне моли Христа Бога помиловати души наша ходатайством твоим.
И ныне и присно и во веки веков. Аминь.
Неневестная Дево, Бога во чреве неизреченно заченшая, Мати Бога Вышняго, моление раб твоих приими, Всенепорочная, подающая всем очищение грехов; и наше моление приими и испроси нам велию милость.
Сокровища народа твоего от рук вражиих избавил еси и в изгнании многи скорби претерпел еси, отечества болезней врачу, человече Божий Евфимие, моли Бога помиловати души наша.
На утрени «Бог Господь»
Сокровища народа твоего от рук вражиих избавил еси и в изгнании многи скорби претерпел еси, отечества болезней врачу, человече Божий Евфимие, моли Бога помиловати души наша.
Слава Отцу и Сыну и Святому Духу.
В веце сем безчисленныя скорби претерпел еси, со Христом же мир стяжал еси, подвигом твоим народ грузинский просветил еси и древнейшия святыни и сокровища ему сохранил еси, человече Божий Евфимие, моли Христа Бога помиловати души наша.
И ныне и присно и во веки веков. Аминь.
Еже от века утаенное и ангелом несведомое таинство, Богородице, тобою сущим на земли явися: Бог, в неслитном соединении воплощаемь, и Крест волею нас ради восприим, имже воскресив первозданнаго, спасе от смерти души наша.
Житие благочестно на земли скончал еси, всеблаженне Евфимие, и явился еси правило подвижником и светлое светило Грузии: ныне возсияй в сердцах наших свет истинный и ходатайствуй о хвалящих тя.
(Дважды).
Слава Отцу и Сыну и Святому Духу, и ныне и присно и во веки веков. Аминь.
Открывается таинство, от века сокровенное, Архангелу, да со трепетом возвестит Деве, он же благовествует Благословенней в женах; с нимже возопиим: радуйся, Благодатная, Господь с тобою.
Хвалятся днесь от христолюбцев дела твоя дивная, ибо сохранил еси сокровище наше дивною оною ревностию; ныне и мы почитаем тя, треблаженне Евфимие, и хвалим тя, мужественни быв подвигом твоим. (Дважды)
Слава Отцу и Сыну и Святому Духу, и ныне и присно и во веки веков. Аминь.
Всех Творца Бога и Создателя, Всенепорочная Святая, Духом Божественным зачала еси и нетленно родила еси; сего ради величаем тя и воспеваем, Дево, яко всех Царя палату и мира Помощницу.
От юности освятился еси, о приснопамятный подвижниче, и в странствии, яко ангел, жительствовал еси, ибо плоть умертвил еси подвигом и, сохранив древния оныя сокровища и святыни от погибели, народ твой и Церковь обогатил еси дивным сокровищем, о святе Евфимие человече Божий, и Божественною ревностию твоею Святей Троице благоугоден явился еси. (Дважды)
Слава Отцу и Сыну и Святому Духу, и ныне и присно и во веки веков. Аминь.
Собезначальное Слово Отчее от тебе приемлет начало естества нашего, Богородице, и Безлетный входит во время, и Слово воплощается, Сын же Божий Сыном твоим нарицается. О непостижимаго сего таинства! Иисус Христос вчера и днесь, Той же и во веки.
От юности моея мнози борют мя нечистыя страсти; сего ради молю Тя: буди ми помощник и спаси мя, Блаже.
Ненавидящии Сиона, посрамитеся от Господа, и яко траву изсохшую поядет вас геенна.
Слава Отцу и Сыну и Святому Духу, и ныне и присно и во веки веков. Аминь.
Святым Духом всяка душа живится и чистотою возвышается, светлеется Троическим единосущием богоприлично и священнотайне.
Прокимен, глас 7
Честна пред Господем смерть преподобных Его.
Стих: Что воздам Господеви о всех, яже воздаде ми?
Всякое дыхание…
Во время оно стал Иисус на ровном месте, и множество учеников Его, и много народа из всей Иудеи и Иерусалима и приморских мест Тирских и Сидонских, которые пришли послушать Его и исцелиться от болезней своих, также и страждущие от нечистых духов; и исцелялись. И весь народ искал прикасаться к Нему, потому что от Него исходила сила и исцеляла всех. И Он, возведя очи Свои на учеников Своих, говорил: Блаженны нищие духом, ибо ваше есть Царствие Божие. Блаженны алчущие ныне, ибо насытитесь. Блаженны плачущие ныне, ибо воссмеетесь. Блаженны вы, когда возненавидят вас люди и когда отлучат вас, и будут поносить, и пронесут имя ваше, как бесчестное, за Сына Человеческого. Возрадуйтесь в тот день и возвеселитесь, ибо велика вам награда на небесах.
Во всю землю изыде глас подвига твоего, богомудре, на небесех обрел еси мзду трудов твоих и неувядаемый венец приял еси от Бога: ныне имаши дерзновение пред Ним, мира испроси душам нашим.
Канон Богородицы (на 6) — ищи 28 сентября.
Канон; на 8. Глас 1
Ирмос: Мановением Твоим, Боже, естества текущая стеною воздвигл еси и посреде их провел еси люди израильтяны посуху, и пояху песнь победную.
Ревность имея, всеблаженне Евфимие, о учении, еже возлюбил еси от юности, приял еси благодать от Бога, да зело потрудишися о народе твоем.
Избрав течение путем тесным, богомудре Евфимие, неподвижно подвизался еси и был еси светлое светило Грузии.
Слава Отцу и Сыну и Святому Духу.
На прекрасную ону взошел еси лествицу высокую, блаженне, на небо возводящую — смирение, и достигл еси горняго жительства, добрый делателю народа твоего.
И ныне и присно и во веки веков. Аминь.
Разрешися клятва Евы, первыя матере, егда Неискусобрачная роди Превысшаго естеств; людие же вернии, якоже достойно есть, праведно славят ю.
Ирмос: Боже Спасе наш, всех Создателю, словом утвердивый небеса высокая со всею силою их, и Духом божественным утверди нас единством на камени веры.
Явився, яко добрый делатель, блаженне, учителем поставлен был еси в училище, и, подобно мудрому оному земледельцу, уготовлял еси ум учеников твоих ко приятию святаго семене истины.
Благодать, от Бога тебе данную, умножив премудростию, и иным преподавал еси, и совлекал еси толстое покрывало от очес душевных. Ныне и нам даруй благодать и разум различати благое и злое.
Слава Отцу и Сыну и Святому Духу.
Непрестанно подвизаяся о воспитании душ и умов отроков, блаженне, многих привел еси к познанию истины. Ныне и о нас ходатайствуй пред Богом, да избавит нас от неверия и неведения.
И ныне и присно и во веки веков. Аминь.
მჴსნელო ჩუენო იესუ, ვედრებითა მშობელისა შენისაჲთა მშჳდობაჲ სოფელსა მოჰმადლე, და ძლევაჲ ჯუარითა მოეც ერსა ჩუენსა ღმრთისმოყუარესა მტერთა ზედა ურწმუნოთა, და მორწმუნენი ღირს-მყვენ შენდობასა.
კეთილად მოღუაწესა გპოვებთ შენ, კაცო ღმრთისაო ექვთიმე, ბრწყინვალებაო საღმრთოჲსა სიყუარულისაო და წმიდაო ხატო სიმართლისაო; ლამპარო ყოვლადბრწყინვალეო და მნათობო ყოვლისა საქართველოჲსაო; სათნოებათა საუნჯეო და წმიდითა ლოცვითა შენითა მეოხო ყოველთა პატივისმცემელთა შენთაო, გვიოხე აწ ქრისტჱს მიმართ და გჳთხოვე სიბრძნჱ, სიმჴნჱ და მძლეველობაჲ დაცვად მამულისა და სარწმუნოებისა ჩუენისა.
Ирмос: Не Ангел, но Сам Господь, от Девы воплотивыйся Бог, пришел еси к нам и всецело спасл еси нас, вопиющих: слава силе Твоей.
Разжегся желанием подвига, премудростию Божественною дивно исполнен был еси в жестоком оном подвизе, о сохранении Церкве и утверждении народа твоего.
Божественным промыслом изыскуя собрания рукописаний и вся древности, расточенныя по всей земли, всех сребролюбцев и лихоимцев исполнил еси стыдения.
Слава Отцу и Сыну и Святому Духу.
Зело возгорелся еси о сохранении наследия предков, в хвальных подвижницех, преподобне Евфимие человече Божий, избранный явился еси и сияеши дивно.
И ныне и присно и во веки веков. Аминь.
Истинная Мати Божия, моли Сына твоего и Создателя, да наставит нас в тихое пристанище и избавит от потопления грехов наших.
Ирмос: Дух спасения, Господи, иже зачаша в сердцах первии пророцы и родиша на земли, возвести нам пришествие Твое на землю в живот верных, и ныне просвещеннии песньми величаем Тя.
განარინეს რაჲ საუნჯჱ ერისა ჩუენისაჲ ღმრთისმბრძოლსა მთავრობასა, გყვეს შენ მცველ მისა, ვითარცა უპატიოსნესი მოღუაწჱ, და მეუღლითურთ დაუტევე სამშობლოჲ შენი სიყუარულითა მისითა, და განძსა მას წარყევ უცხოსა ქუეყანასა.
Дивною оною ревностию многа лета храня сокровище оно и избавляя от сети, никтоже прельсти тя многим имением, и в тесноте паки изыскивал еси грузинския святыни и искуповал еси великим тщанием.
Слава Отцу и Сыну и Святому Духу.
Аще и в руках имел еси злато и сребро и камение и бисер многоценный, скончася верная супруга твоя в тесноте велицей и соединися недрам вечным; ты же, скорбь человеческую упованием на Бога поправ, паки подвизался еси о сохранении и умножении сокровища.
И ныне и присно и во веки веков. Аминь.
Небо и земля просветишася тобою, Неневестная Мати Иисусова, ибо возсияла еси нам Свет неугасимый, Бога всех, Иже во тьме заключенныя избави и Небеснаго Царствия жители яви нас.
Ирмос: Погружен волнами искушений мира сего, с корабля греховнаго впад и зверю душегубному вержен, вопию Ти: якоже Иону избавил еси от тления и смерти, тако избави и мене, Христе.
В велицей тесноте не поколеба лихоимство твердости ума твоего, подражателю великих и самоотверженных подвижников, и в уединении жительствовал еси и в недузе терпел еси горькия болезни.
Не изнеможе теснота Божественныя ревности твоея, всехвальне Евфимие, ибо благодать Божия блюдяше тя тщательно, блаженне, и славное оное сокровище народа нашего возвратил еси в землю отечественную.
Слава Отцу и Сыну и Святому Духу.
Зело престарелый достигл еси возлюбленнаго твоего отечества, и абие пал еси на землю и облобызал еси ю с упованием, и зело возлюби тя народ грузинский, и был еси ему образ и подобие честности.
И ныне и присно и во веки веков. Аминь.
Прообрази таинство твое, Дево, первее кивот закона, вместилище божественных писаний, и стамна златая, жилище манны, и жезл.
Неленостный делатель святыни явился еси, и труды твоя и подвизи неутомимии принесошася пред Святую Троицу, сего ради вопием ти: радуйся, премудрый хранителю сокровищ Грузии.
Подвиг твой во отечестве и в странствии постави тя на свещнице высоцем, да светиши блистанием дел твоих вся концы небесе; сего ради радуется Церковь грузинская и память твою повелевает чадом своим, иже с праведными поеши Царю Небесному и Богу.
Ирмос: Отроцы в Вавилоне в пещи росою свыше орошени, к Богу вопияху и глаголаху: благословен еси, Господи отец наших, Боже, во веки.
Исполнив сокровищницу всея Грузии не токмо древнейшими иконами и украшениями, но и грамотами и книгами церковными и мирскими, ныне веселиши сердца наша и подвизаеши нас на благодарение и хвалу тебе.
Учителем поставиша тя в высшем училище и возведоша тя на высокую степень ученаго; но власти прогневашася на тя, святе Евфимие человече Божий, и вместо благодарения заключиша тя в дому твоем.
Слава Отцу и Сыну и Святому Духу.
Многострадальный и всякия чести лишенный, егда преставился еси к Богу, с веселием души праведных прияша душу твою, в нихже наслаждаешися, богоносне, и ходатай еси уповающих на тя.
И ныне и присно и во веки веков. Аминь.
Радуйся, дщи Адамова; радуйся, Невесто Божия; радуйся, Мати Спасова, вместившая Творца твоего; заступи нас присно.
Ирмос: Купина в Синаи несгораемая Бога яви гугнивому и косноязычному Моисею, и ревность божественная отроки от пещи избави, и в песни вопияху: вся дела, благословите днесь Бога и Господа, пойте и превозносите Его во веки.
Не покрывшу течению времен подвига твоего, преподобне Евфимие, Церковь наша причте тя ко святым и нарече тя человеком Божиим, великаго оного хранителя сокровищ народа нашего, и в память вечную ублажение и хвалу тебе установи всем чадом своим.
В хвальных подвижницех, преподобне Евфимие, избранный явился еси и сияеши дивно: ныне и о нас моли человеколюбиваго Бога, да дарует нам покаяние и оставление грехов и сохранит нас от напастей невидимых и видимых врагов.
Слава Отцу и Сыну и Святому Духу.
Присно шествуя путем оным зело прискорбным, на немже постави тя Бог, бегством от лихоимства и сластей отвергся еси себе и, показав нам высоту смирения, образ был еси нам честности и смирения, премудре Евфимие, и ныне ходатай еси о нас пред Богом.
И ныне и присно и во веки веков. Аминь.
Естество человеческое, прежде грехом истленное, обновися Тобою, Богородице, ибо Ты едина родила еси человеком Спасителя всех, и вопиют: благословите, вся дела Господня, Господа.
Хвалим, благословим, покланяемся Господеви, поюще и превозносяще Его во вся веки.
Ирмос: Носившая безмужно нетления Слово Создателя естеством облекла еси; прииди, Непорочная Дево Богородице, со Рожденным от тебе научи верныя, да сподобимся славити тя.
Потом и трудом стяжал еси добродетель и богоукрашенно приял еси служение народу твоему, всепетый, и в горнее жительство безплотных взошел еси лествицею подвига.
Стяжавше тя, вернии, великаго труженика о народе твоем, велегласно величаем тя и спешим притещи ко гробу твоему, ибо бысть немощным, яко сокровище благодати и источник исцелений.
Слава Отцу и Сыну и Святому Духу.
Укрепляяй тя Христос Бог яви мужество подвигов твоих и дарова тебе благодать помощи, достоблаженне Евфимие: ныне направи стопы наша к заповедем Его.
И ныне и присно и во веки веков. Аминь.
Ветхий закон прообразует тя, Дево Святая, и новый исповедует тя Богородицу, Неневестная, и мы, вернии, с верою глаголем: Родительнице Слова, не престай молитися Богу о уповающих на тя.
Сиянием благодати твоея просвети хвалящия тя, богоносне Евфимие, ибо, подобно светилом великим, испущающим светлыя лучи, озаряеши вся празднующия память твою и Божественную благодать изливаеши на души верных, иже с верою и любовию хвалим праздник твой светлый и хвалы достойный.
Слава… Тойже. И ныне…
Богородицу воистину исповедуем тя, Владычице, тобою спасеннии, яко Бога родила еси неизреченно, Избавляющаго Крестом от смерти и привлекающаго к Себе собор преподобных, с нимиже восхваляем тя, Дево.
Быв учитель и наставник грузин, Евфимие дивный, подвизался еси, да возрастут в духовных и телесных благах, и, изыскуя и печатая книги и рукописания, многих научал еси и подвизал еси на служение народу и славу Божию: Того моли ныне избавити нас от всякаго нерадения и прелести лукавыя.
ჟამსა მას დევნულებათასა ყოვლისავე საქმისა ქართულისა, გამოსჩნდი ნუგეშად ერისა შენისა, და არცაღა დასცხრებოდი დაცვისათჳს ენისა, მამულისა და სარწმუნოებისა, აწ გვიოხე წინაშე ღმრთისა, გარე წარაქციოს რისხვაჲ აღდგომილი ჩუენ ზედა, სიმრავლისათჳს ცოდვათა ჩუენთასა, და ლაზარესაებრ აღგჳდგინოს მამული ჩუენი _ საქართველო _ პირველსავე დიდებასა, რაჲთა არა დასათრგუნველ ვიქმნეთ მარბიელთა უცხოთა ტომთა და ნათესავთაგან და გჳჴსნეს ჩუენ ძმათა შორის ბრძოლისაგან.
В странствии распенши себе подвигом, богоблаженне, в скудости и тесноте жительствовал еси с супругою твоею и не умалил еси сокровища нашего, отечества болезней врачу, человече Божий Евфимие: ныне и нас подвигни подражати тебе, да облечемся в любовь к Богу, отечеству и ближнему и в мужество духа.
Присно бегая злаго сребролюбия и славы человеческия, не возмогоша сокрыти добродетелей твоих перемены мест, ибо многи скорби претерпел еси и сокровища народа нашего от рук лукавых многажды избавил еси в чужой земли; приим же от Бога мзду подвига, не престай ныне ходатайствовати о нас пред Ним, да избавит нас от грядущих зол и сподобит нас вселитися с тобою.
Всех добродетелей обитель богоукрашенно явился еси, премудре Евфимие, и изысканием книг Божественных, и икон, и безчисленных святынь зело умножил еси сокровище грузин: и мы, не неведуще подвигов твоих, молим тя: помяни нас пред Богом, да умножит подвижники, подобныя тебе, ко возрождению народа нашего.
Во всей земли нашей прослыши множество благодатей твоих, и являет е светлость великаго сокровища, еже веселит сердце наше и подвизает нас на хвалу тебе и славу Божию. Ныне и нас помяни пред Ним, всеблаженне Евфимие, да дарует нам покаяние и оставление грехов и покрыет нас от всех томящих страстей и от сетей бесовских.
აჰა, აწ იხარებს ღირსად ერი ქართველთაჲ შენთჳს, H, ექვთიმე, კაცო ღმრთისაო, და ჩუენცა სარწმუნოებით გიგალობთ და გევედრებით: გაქუს რაჲ შუა-მდგომელობაჲ ღმრთისა მიმართ, შეგვეწიე მამობრივითა კადნიერებითა შენითა, რაჲთა მზაკუვარებაჲ მტერთა ჩუენთაჲ განჴადოს და კუალად შემოჰკრიბოს მამულსა ჩუენსა ყოველსა სოფელსა შინა განბნეული ერი ჩუენ ქართველთაჲ.
Паче подобает нам слышати сия дивная дела твоя и славити Христа, Бога нашего, даровавшаго нам таковаго попечителя и подвижника; и, в скорбех сущии, молим тя о ходатайстве за ны пред Ним, во избавление земли сея нашея и народа от сетей сатанинских и от мучительства и прелести злаго антихриста, да не будем в поношение и посмех врагом нашим, но, по обычаю мужей отечества нашего, песнию Трисвятаго присно да воспеваем Пресвятую Троицу:
Слава Отцу и Сыну и Святому Духу.
Не подобаше, преподобне Евфимие, молчанием мимоити памяти подвига твоего, ибо дивно тобою сохраненныя иконы, и святыни, и сокровища многоценная положена суть в сокровищнице нашей и дела твоя всем в слышание проповедуют; сего ради и мы хвалимся и ходатая тя творим пред Богом, да вооружит нас силою Своею непобедимою на вся видимыя и невидимыя враги и спасет нас твоим ходатайством и помощию.
И ныне и присно и во веки веков. Аминь.
Богородичен Димитрия, царя грузинскаго, Багратиона.
Богородица и всечестная, Мати Дева, лилия прекрасная, ей благовествова ангел крылатый; тобою веселится Царь венценосный, и Тому служат царие многоподданнии.
Славословие великое и отпуст.
Прокимен, глас 7. Честна пред Господем смерть преподобных Его.
Стих: Что воздам Господеви о всех, яже воздаде ми?
Братие, плод духа: любовь, радость, мир, долготерпение, благость, милосердие, вера, кротость, воздержание. На таковых нет закона. Но те, которые Христовы, распяли плоть со страстями и похотями. Если мы живем духом, то по духу и поступать должны. Не будем тщеславиться, друг друга раздражать, друг другу завидовать. Братия! если и впадет человек в какое согрешение, вы, духовные, исправляйте такового в духе кротости, наблюдая каждый за собою, чтобы не быть искушенным. Носите бремена друг друга, и таким образом исполните закон Христов.
Аллилуиа, глас 6. Блажен муж, бояйся Господа, в заповедех Его восхощет зело.
Стих: Сильно на земли будет семя его.
Рече Господь Своим учеником: Все предано Мне Отцем Моим, и никто не знает Сына, кроме Отца; и Отца не знает никто, кроме Сына, и кому Сын хочет открыть. Придите ко Мне все труждающиеся и обремененные, и Я успокою вас; возьмите иго Мое на себя и научитесь от Меня, ибо Я кроток и смирен сердцем, и найдете покой душам вашим; ибо иго Мое благо, и бремя Мое легко.
Причастен: В память вечную…
Составила Тинатин Мчедлишвили
