Праздничное последование святей благоверной царице Тамаре
Поем «Блажен муж», 1-й антифон.
На «Господи, воззвах» стихиры
Даровал еси, Человеколюбче, самодержцу грузинскому премудрость Соломонову, кротость Давидову и апостольское благочестие, имиже благо управи царство свое, яко Царем царствующих и Владыкою всех владеющих; с нею смотрение Божества Твоего славим, Иисусе Всесильне и Спасе душ наших.
Ветвь плодовита была еси, богомудрая, прозябшая от корений боголюбцев, яже деяние, видение и любовь добре исправила еси и превзошла еси подвиги ветхих и новых царей, исповедала еси Христа Бога и Царя, и Благодетеля, и Избавителя, и Победителя всех начал и высших властей, святая Тамаро; сего ради благоустрои христолюбивое оное царство твое Иисус Всесильный и Спас душ наших.
Якоже сердце твое, умудренное судити люди твоя, бе в руце Божией, тако и ныне умягчи жестокая сердца наша сладкою милостию твоею и направи стопы наша к заповедем Божественным, да вооружит нас непобедимою рукою Своею на вся видимыя и невидимыя враги Иисус Всесильный и Спас душ наших.
Ныне како изрекут ум и уста наша словеса благая: хвалу, похвалу и славу, достойныя победнаго твоего венценосия и державнаго владычества: кротость — хвальную, умиление — любезное, милосердие — сострадательное, незлобие — нелукавое, простоту — нелживую, благость — общую, щедрость — непревозносящуюся, и главу всех благ — страх Божий и неизменное служение Ему? Сего ради сподобилася еси Царствия Небеснаго, еже дарова ти Иисус Всесильный и Спас душ наших.
От Господа благословенный и превознесенный державче, радуйся: не отступит от тебе во веки милость Божия, яко подвигом добрым подвизался еси, течение скончал еси, веру соблюл еси, делы благими совершенную; сего ради приял еси венец правды, егоже дарова ти за святыя труды твоя Иисус Всесильный и Спас душ наших.
Слава…, глас 2
გონებაჲ შენი უვნებლობითა განაბრწყინვე და საღმრთოჲთა სიმდაბლითა განაშუენე, ერისა შენისა სულიერად აღმაშენებელო ჴელმწიფეო, რამეთუ მეუფებდი რაჲ ზეგარდამოჲთა მით მადლითა, აღამაღლებდი ჯუარსა საღმრთოჲსა ძლევისასა, რომლისა მიერ წარსწყმიდნე მტერნი იგი მბრძოლნი ქრისტჱსნი და მშჳდობასა შინა განამტკიცენ მართლმადიდებელთა სარწმუნოებაჲ, რომლისათჳსცა მზემან სიმართლისამან განგანათლა შენ და მნათობად ცის-კიდეთა გამოგაჩინა.
И ныне…
Кто тебе не ублажит, Пресвятая Дево? Кто ли не воспоет твоего пречистаго Рождества? Безлетно бо от Отца возсиявый Сын Единородный, Тойже от тебе Чистыя пройде, неизреченно воплощься, естеством Бог сый и естеством быв человек нас ради, не во двою лицу разделяемь, но во двою естеству неслитно познаваемь. Того моли, Честная Всеблаженная, помиловатися душам нашим.
На входе прокимен дне и чтения три
Третьей книги Царств чтение (глава 8).
Пророчества Исаиина чтение (глава 1).
Пророчества Исаиина чтение (глава 1).
Смотри 21 мая (ст. ст.), в день памяти святых Константина и Елены.
На литии стихира храма и святыя, глас 1
Дела твоя дивная, видением и деянием светлая, образ быша всем верным, ибо поведает всяк под солнцем доброту добродетелей твоих, заступление нищих и питание сирот и вдовиц; сего ради помощницу тя обретаем уповающии на тя и хвалебными песньми немолчно величаем тя.
Егда венцем царства, яко подвига победительницу, венча тя Христос Царь, паче умножила еси подвиги: пост и бдение безмерное, молитву и нищелюбие, любовь и терпение, и вся плоды духовныя усладила еси, по словеси святаго апостола Павла, яже суть святыя добродетели; сего ради немолчно величаем тя.
Не от человек приняла еси звание, судие правды, но избранием свыше избра тя Христос Царь и тем дарова тебе власть и владычество над людьми избранными, якоже и прадеду твоему, святому и блаженному царю нашему Давиду Строителю, с нимже зрим тя ныне в Царствии Небеснем, и Христа Бога славим, просветившаго святый праздник ваш паче света солнечнаго, да просвещает тепле к вам прибегающих.
Была еси паче всех царей щедра, сладка, милостива и смиренномудра, о честная и премудрая державице, и житием твоим посекла еси корени греховныя, и светильник и просветительница верных, и со иными добродетельми сведуща в законах церковных; сего ради хвалим премудрость твою, святая Тамаро, и с верою и надеждою вопием ти: моли Христа Бога оставление грехов даровати празднующим память твою.
Тако возлюбила еси Бога, милостивая, в возвышении и величии, яко паче созидала еси и милость простирала еси на церкви и обители Еллады и Святыя Горы, Петрицони, Фракии и Константинополя, Римской земли и Кипра — Галии, и всея страны Черныя Горы; и всех престольных церквей Грузии не оставила еси, но милостию, подобною милости Иисуса Бога, великою щедротою исполнила еси; сего ради не утаи Бог трудов твоих, но пещерами изсеченными и созданиями твоими возвести сияние подвигов твоих и всем молящим тя помощницу и заступницу тя яви.
სკიპტრაჲ შენი თჳთ-მპყრობელობისაჲ ზღუდედ უბრძოლველად გჳვის ქართველთა ერსა, ქრისტჱს სისხლითა მოსყიდულთა და განთავისუფლებულთა, და ერად საზეპუროდ აღნიშნულთა და აღწერილთა, ჵ, დიდებულო მჴნეო ჴელმწიფეო, რამეთუ ესრჱთ გუექადაგა, გუებრძანა და განგუეჩინა შჳლთა აღმოსავლეთისათა და ძეთა მართლმადიდებელთა.
Каким венцем похвалы сплетем добродетели твоя преизобильныя, Тамаро, треблаженная царице: щедроты и смирение, мужество и доблесть, победы и милости, яже Богу принесла еси в жертву духовную и в фимиам богосветлый, и явилася еси духов лукавых прогонительница и неусыпная покровительница, да спасеши нас и исцелиши многия язвы народа нашего.
Слава…, глас 5
Днесь радуется собор сей Богособранный и святую память твою чтит, всехвальною зовый: Радуйся, в царех блаженная и добропамятная; радуйся, добротою и красотою избранная и с верою молящих тя просветительнице, святая Тамаро, иже научила еси многих отцев и матерей мере добра и игу супружества; радуйся, церквей просветительнице и народа твоего преизобильною радостию возвысительнице, великая державице; непрестанно моли Христа Бога ниспослати Церквам единство, мир и народу нашему велию милость.
И ныне, Богородичен.
Память твоя всечестная озаряет концы светом боговедения, богомудрых умов услаждающая, премудрая державице, яко ты в царех подвигом мужества благочестива явилася еси и законы Небеснаго Царя сохранила еси; сего ради благоугоди доброта царствия твоего Царю нашему, и державцем имене и славы сиянием яви тя.
Стих: Вознесох избраннаго от людей Моих, обретох Давида, раба Моего.
Взошедши, благодатию Святаго Духа помазанная, на престол царский, данный тебе рукою Господа твоего, чужда была еси соблазнов мирских и благочестия поборница и помощница непобедимая явилася еси; сего ради помощницу тя обретаем, на тя тако уповающии, славная, мужественная державице, и присно вопием ти, всечестная: радуйся, Тамаро, православных светлое украшение.
Стих: Сего ради помаза тя, Боже, Бог твой елеем радости.
Приемши от Бога честь и дар царства, облеклася еси во оружие благочестия и мужество духа и делы православия просияла еси; сего ради, яко Соломону, служаху тебе вси царие земстии и пред тобою молахуся богатии людстии, мы же вси, яко матерь народа грузинскаго, тако проповедуем тя и хвалебным пением единогласно вопием ти: помяни у вожделеннаго тобою Христа восхваляющих тя.
Слава Отцу и Сыну и Святому Духу.
О коликое величие стяжа тебе мужество, блаженная, яже капища идольская воздвижением и вознесением древа жизни разрушила еси, и всю безбожия прелесть силою Христовою разорила и попрала еси, и множества язычников в познание Бога привела и в православии утвердила еси; ныне дерзновенно испроси нам просвещение, освящение и велию милость.
И ныне и присно и во веки веков. Аминь.
Богородице, надеждо всех молящих тя, от тебе надежду имамы, тобою хвалимся, на тя все упование наше; ходатаица буди ко Рожденному от тебе о душах наших.
На утрени «Бог Господь», тропарь святыя дважды, Слава, и ныне, Богородичен воскресен.
На благословении хлебов тропарь святыя Тамары дважды и «Богородице Дево».
წმიდათა შორის საკჳრველო, კეთილმორწმუნეო მეფეო თამარ, რომელმან კლდეთა ზედა მაღალთა აღაშენენ საყდარნი სავედრებელად ღმრთისა, ლოცჳთა შენითა განაძლიერე მჴედრობანი ქრისტჱსმოყუარისა ქართველთა ერისანი, ხოლო მარჯუენითა შენითა დაამხუენ სპანი აგარეანთანი, მისითა მეოხებითა, ქრისტე ღმერთო, აცხოვნენ სულნი ჩუენნი.
По 1-м стихословии седален
Небеснаго Царствия тепле желая, Царю и Богу всех умом непорочным послужила еси, мужественная державице, и, неуклонно шествуя посреде пути царскаго, направила еси люди ко Божественным заповедем, отгнала еси тьму греха и просветила еси исполнение верных Христовых; тако и ныне душам нашим избавления испроси, блаженная Тамаро, и наставляй нас шествовати путем заповедей и с тобою сподобитися Царствия Небеснаго.
Слава… Тойже. И ныне, Богородичен.
Божественное жилище Слова была еси, едина Всесвятая Мати и Дево, чистотою ангелов вышшая; мене, паче всех согрешеньми перстна бывшаго и плотию оскверненнаго, очисти молением твоим Божественными водами и даруй ми, святая, велию милость.
რომელმან წარმართენ ძლევანი საკჳრველნი საჭურველითა ცხოველსმყოფელისა ჯუარისათა და მოსრენ ბანაკნი ქრისტჱს მბრძოლთანი, ითხოვე ქრისტჱს მიერ, შეურყეველად დაცვაჲ ეკლესიათაჲ, და მოცემად ჯუარითა ძლევაჲ ერსა ჩუენსა, და სიმტკიცჱ მორწმუნეთა და ამაღლებაჲ რქისა მათისაჲ, მწვალებელთა მათ ზედა, მშჳდობაჲ სოფელსა და მგალობელთა შენთა დიდი წყალობაჲ.
Слава… Тойже. И ныне, Богородичен.
Прообразует Гедеон зачатие, и толкует Давид рождество твое, Богородице: сниде бо, яко дождь на руно, Слово во чрево твое, и прозябла еси, земле святая, без семене мирови спасение, Христа Бога нашего, Благодатная.
Иже яко солнце простерла еси милость Божию на вся живущия на земли твоей и научила еси грузины во святости жити и в правде ходити, тако и преизобильною сладостию твоею даруй нам уразумение согрешений наших и избави нас присно от сетей диавольских и от коварства человеческаго, иже с верою молим богокрасное и всечестное имя твое и немолчно величаем тя.
Слава… Тойже. И ныне, Богородичен.
Обновила еси, святая, Божественным рождеством твоим истлевшее в страстех земнородных смертное существо и воздвигла еси всех от смерти в нетления жизнь; сего ради по долгу ублажаем тя, Дево препетая.
От юности моея мнози борют мя нечистыя страсти; сего ради молю Тя: буди ми помощник и спаси мя, Блаже.
Ненавидящии Сиона, посрамитеся от Господа, и яко траву изсохшую поядет вас геенна.
Слава Отцу и Сыну и Святому Духу, и ныне и присно и во веки веков. Аминь.
Святым Духом всяка душа живится и чистотою возвышается, светлеется Троическим единосущием богоприлично и священнотайне.
Вознесох избраннаго от людий Моих.
Стих: Сего ради помаза тя, Боже, Бог твой елеем радости.
«Всякое дыхание…» Евангелие от Иоанна, глава 10, стих 9 (Рече Господь ко пришедшим к Нему иудеем…); конец — стих 17 (…и едино стадо, един Пастырь…).
По 50-м псалме,
Слава Отцу и Сыну и Святому Духу.
Молитвами богувенчанныя Тамары, царицы царей, Милостиве, очисти множества согрешений наших.
И ныне и присно и во веки веков. Аминь.
Молитвами Богородицы, Милостиве, очисти множества наших согрешений.
«Помилуй мя, Боже…»
Память Тамары, царицы царей, возсия нам днесь, яко миро излиянное, яко Христа возлюби и люди утверди со страхом работати Богу и верно служити господем своим, и воздвиже храмы на земли Распятому нас ради, и прият на небесех венец упования.
(Смотри в Праздничной службе царям.)
Ирмос: Воду прошед яко сушу и египетскаго зла избежав, израильтянин вопияше: Избавителю и Богу нашему поим.
О Владыко Христе Боже Благий, ныне обладающаго и царствующаго в нас греха молитвами благочестивыя царицы Тамары избави мя и укрепи мя.
Иже от юности твоея возрасла еси Божественным Писанием и напоилася еси неоскудным потоком благодатей, лики добродетелей достойно исправила еси и источник милости требующим умножила еси добрым подвигом твоим.
Разум непостижимый дан тебе от юности твоея, и окрилилася еси любовию Божиею, яко Бога возлюбила еси всецело, всею крепостию твоею, и ближняго, яко себе, славная служительнице Божия, блаженная Тамаро.
Проста, смиренна, кротка, и милостива, и благостна была еси, блаженная, любовию объята, и мудра, и разумна, и всяким благом украшена и добродетельми облечена.
Слава Отцу и Сыну и Святому Духу.
Якоже еси державица непобедимая и подвигом облеченная, всехвальная и веры поборница, тако буди нам, восхваляющим тя, столп крепости и огради нас ходатайством твоим.
И ныне и присно и во веки веков. Аминь.
Дверь Божественнаго Востока, отверзи ми двери покаяния и от врат смертоноснаго греха избави мя предстательством твоим, Богородице.
Ирмос: Утвердитель буди ми, Создателю небесе и земли на водах, утверди мя, Христе, на камени Церкве, яко несть свят паче Тебе, Человеколюбче.
Празднуют людие твои память твою и вопиют к тебе, святая Тамаро: о Божественною благодатию просвещенная, царице благолепная, призри на ны с небесе и избави нас от волн мирских непотопляемы.
Словом и делом прославила еси Бога славнаго и в заповедех Его поучалася еси зело, день и нощь, умом чистым, и яко столп светлый, светлая молитва твоя восхождаше на небо, блаженная царице Тамаро; испроси нам у Христа Бога велию милость.
Жилище святыни и корене всякия добродетели, якоже молитва твоя приносится пред Богом, Того моли, да излиет на земли мир и на небесех радость.
Не имам слова, достойнаго украсити светлыя добродетели твоя, святая Тамаро, но прости недостойному сему и приими малое сие и немощное пение, и вместо сего даруй ми благодать и милость.
Слава Отцу и Сыну и Святому Духу.
Прибежище буди нам и помощница, пресветлая державице, иже с верою и любовию почитаем присно радостную и всеблаженную память твою и немолчно величаем тя.
И ныне и присно и во веки веков. Аминь.
От святаго жития отпадох, Всесвятая, и скотом уподобихся и всячески осужден бых; Родительнице Судии, от всякаго осуждения избави и спаси мя.
Елеем радости помазал еси славно и всекрасно другиню Твою, Спасе, яже, благочестием управивши царство свое, весь закон жизни добре сохрани и вся заповеди Божия достойно исполни, молитвою же и постом оградившися, прелесть возненавиде и красоту возлюби, яко ангели хранители Бога Небеснаго предхождаху и покрываху ю во вся дни живота ея.
Слава Отцу и Сыну и Святому Духу.
Воистину дивна есть ревность и любовь твоя и благочестие, благоверная царице Тамаро, яко, кроме прочих добродетелей твоих, на камених высоких и на местех святых воздвигла еси храмы и обители во славу Божию и украсила еси благолепно, и была еси светило паче солнца светлейшее.
И ныне и присно и во веки веков. Аминь.
Неневестная Богородице, Дево Святая, едина верных Заступнице, покрый нас от напастей и скорбей и от лукаваго обстояния избави всех, Непорочная, иже всю надежду на тя возлагаем, и спаси души наша божественным твоим молением.
Ирмос: Услышах, Господи, смотрения Твоего неизреченнаго таинство, разумех дела Твоя и исповедах Твое Божество.
Ныне славит память подвигов твоих собор верных, и хвалится Метехи и Вардзия теплыми молитвами твоими, Царствия славы зрительнице, царице Тамаро; молитвою твоею сподоби и нас зрети славу Его.
Божиих сияний светильниче многосветлый, Солнце правды просвети тя и светилом краев небесных яви тя; ныне тьму грехов наших просвети, молим тя, святостию твоею.
ვითარცა ახოვანმან მოღუაწემან და მძლე-მძლავრმან, აღიჭურვე მკლავნიცა მოწყუედად წინააღმდგომთა ღმრთისათა და ერიცა შენი, დედისა ღმრთისა წილ-ხდომილი და კურთხეული, უშიშად დაიცევ, ხოლო ქუეყანაჲ შენი განავრცენ და აღაყუავენ.
Иже создала еси обители сия славныя и святыя церкви во прибежище роду твоему, боголепно прияла еси сияние благодатей и устав богодухновенный оставила еси народу твоему, блаженная Тамаро.
Слава Отцу и Сыну и Святому Духу.
Небесных сил полку сочеталася еси, царице пресветлая, яко Богу благоугодила еси и упокоила еси Его делы вожделенными; ныне двери милости отверзи нам ходатайством твоим, молим тя.
И ныне и присно и во веки веков. Аминь.
Утреннюю сотвори душу мою, омраченную множеством прегрешений, родившая Солнце правды, Приснодево.
Ирмос: Просвети нас светом Твоим, Господи, и мышцею высокою мир Твой свыше даруй нам, верным, Человеколюбче.
Оградилася еси страхом Божиим, блаженная, и, во святости совершивши житие твое, паче всех царей и мудрых благо устроила еси царство твое и возвеличила еси мужество и доблесть твою.
К тебе припадаем коленопреклонно и молим тя, руце воздевающе, всесладкая и вожделенная державице: от мук адских избави сладкою милостию твоею непрестанно тебе молящихся.
Превзошла еси всех жен премудростию и разумом, подвигом мужества славная державице; сего ради возвеличи тя Христос Царь и дарова ти упокоение вечное.
Испроси, святая угоднице Божия, всему миру мирное сохранение, и народу нашему — победу и утверждение православия от Христа Бога, и душам нашим обильно велию милость.
Слава Отцу и Сыну и Святому Духу.
О преславная и вожделенная державице, преизобильною сладостию твоею избави от всякия тесноты и от вечнаго осуждения пред иконою твоею стоящих и достойно почитающих память твою.
И ныне и присно и во веки веков. Аминь.
Ходатайствуй к Сыну твоему, Богородице, да ниспослет нам множество щедрот, яко имаши дерзновение.
Ирмос: Молитву пролию ко Господу и Тому исповем прегрешения моя присно, яко зол душа моя исполнися и крепость моя аду приближися, и, яко Иона, вопию: возведи мя, Боже мой, от бездны греховныя.
ვითარცა ვარსკულავი ღმრთივბრწყინვალჱ გამოუჩნდი ღელვა-გვემულთა, სოფლისა ზღუასა შინა დანთქმულთა ექმენ მნათობ და ჯუარისა ძალსა მინდობილმან დაამდაბლენ ქედმაღლობაჲ უშჯულოთა მეფეთაჲ, ნეტარო თამარ.
Собравши собор святых отцев, яко мужественная подвижница, исправила еси вся чины, от нерадивых разоренныя, и возвеличила еси веру истинную и благословенную Богом, премудрая державице.
Грехми умерщвленнаго и страстьми обуреваемаго спаси мя и приведи мя в Божественное пристанище заповедей, похвало жен, яко ты еси тихое пристанище обуреваемым.
ნუ დაიჳწყებ ერსა შენსა, დედოფალო, და ღმრთივმისათუალველითა ლოცვითა შენითა ნუ მოიჴსენებ ძჳრსა ჩუენსა, არამედ დაშრიტე აღძრვაჲ უკეთურთაჲ და მწვალებელთა ენანი მოაუძლურენ, ხოლო მართლ-აღმსარებელთა აღამაღლენ გჳრგჳნი და მშჳდობაჲ მოჰმადლე ერსა ქრისტეანეთასა.
Слава Отцу и Сыну и Святому Духу.
Иже просвещаеши души со страхом и умилением молящих святыню твою и от уз избавляеши благоугодною Богу молитвою твоею, приими и наше худое сие пение и испроси нам от Христа Бога грехов оставление и милость, блаженная Тамаро.
И ныне и присно и во веки веков. Аминь.
Исцели неисцельное, немощное, злобою обдержимое, люте уязвленное сердце мое, Отроковице, и исцеления от тебе сподоби и спаси мя, уповающаго на тя, предстательством твоим, Всесвятая.
Небесную премудрость и жизнь стяжала еси и сияеши, яко солнце, лучами же дел твоих просвещаеши всех, иже с любовию хвалят честныя подвиги твоя, треблаженная царице Тамаро; нам, любящим тя и с желанием почитающим, даруй с небесе жизни благоспешение и прегрешений избавление.
Облеклася еси, славная, милостию, яко порфирою, и доброю кротостию, яко багряницею, венцем же возложишася на тя, великоименитая царице грузинская, лики всех добродетелей, и умом совершенным работала еси Господу, и тако украшенная вошла еси в Царствие и благословиши Христа Бога во веки.
Ирмос: Отроцы еврейстии в пещи хождаху, огнь дерзновенно попирающе, и, орошаеми, вопияху и глаголаху: благословен еси, Господи Боже, во веки.
მცნებათა შენთა დაცვითა შჯულსა შენსა ერჩდა, მჴსნელო, ძლევამოსილი მეფჱ ქართველთაჲ, ამისთჳს უშჯულონი სპარაზენნი აღმოფხურნა და იტყოდა: კურთხეულ ხარ შენ, უფალო ღმერთო, უკუნისამდე.
Радости подательнице, премудрости сокровище, собор сей, тобою просвещенный, в праздник твой с радостию собираемся и Создателя славим: благословен еси, Господи Боже, во веки.
Явилася еси, славная служительнице Христова, добротою и разумом твоим; сподоби и нас восхвалити похвалы твоя, иже лобызаем всечестную икону твою и Христа немолчно славим: благословен еси, Господи Боже, во веки.
Явившися делательница добродетелей, добре упасла еси народ твой, избранный Божий, и отъяла еси от него мерзость беззакония; сего ради благодарственное пение возсылаем Богу: благословен еси, Господи Боже, во веки.
Слава Отцу и Сыну и Святому Духу.
Благодатию свыше просвещенная, невидимый мрак тьмы отгнала еси и, посрамивши вся враги Божия, усердно и с желанием возглашала еси: благословен еси, Господи Боже, во веки.
И ныне и присно и во веки веков. Аминь.
Волею моею согрешивый и порабощенный обычаями непотребными, к милосердию твоему прибегаю отчаянный: спаси мя, Пресвятая Богородице.
Ирмос: Седмерицею пещь халдейский мучитель богочтецем неистово разжже, силою же лучшею спасены сия видев, Творцу и Избавителю вопияше: отроцы, благословите, священницы, воспойте, людие, превозносите во вся веки.
Господа Вседержителя моли, преславная державице, о нас, недостойных рабех, да с тобою воспоем Царю сладкому: священницы, воспойте, людие, превозносите Его во вся веки.
Пост и молитву непрестанную стяжала еси, мужественная державице, бдение и стояние, безплотным подобное, и тако совершила еси течение твое и усердно возопила еси к Богу: священницы, воспойте, людие, превозносите Его во вся веки.
Не дала еси сна очима твоима, ни веждома твоима дремания, но, молитвою и трудом очистивши душу твою, пригвоздилася еси любви Христовой и возглашала еси песнь победную: священницы, воспойте, людие, превозносите Его во вся веки.
Царице благая, кроткая, тихая и смиренная, мужественная, доблестная, добропобедная и непоколебимая, тебе хвалят уста и язык, душа, сердце и ум, и с тобою воспеваем Создателя: священницы, воспойте, людие, превозносите Его во вся веки.
Благословим Отца и Сына и Святаго Духа, Господа.
Днесь во святую память и во всенародное торжество великаго царя веселится народ верный и собор богомудрых празднолюбцев, яко радостотворен есть людем пастырь, ходатай и теплый к Богу песнопевец: священницы, воспойте, людие, превозносите Его во вся веки.
И ныне и присно и во веки веков. Аминь.
Очи души моея, преступлением ослепленныя, Богородице, просвети, ум и сердце, многообразно смущенныя, умири, молю тя; спаси мя поющаго: отроцы и священницы, воспойте, людие, превозносите Его во веки.
Хвалим, благословим, покланяемся Господеви, поюще и превозносяще Его во вся веки.
Ирмос: Ужасеся о сем небо, и земли удивишася концы, яко Бог явися человеком плотски, и чрево твое бысть пространнейшее небес; темже тя, Богородице, Ангелов и человеков чиноначалия величают.
Радуешися ты с лики ангельскими, всеблаженная царице, яко мужественно подвизалася еси во плоти, яко безплотная, и просветила еси вверенный тебе народ, Христовым именем нарицаемый, святая Тамаро.
Любовь и желание высокия милости, яко порфира, облекоша тя, боголюбивая помазаннице Господня, яко милостию ко всем стяжала еси милость Божию, на небесех же прияла еси венец упования.
Всячески украшен еси венцем и сиянием, и скипетром царским, и багряницею и виссоном, прекрасная славо державцев, и царствуеши с Царем сил, яко Богу благоугодил еси и упокоил еси Его делы вожделенными.
Во преставлении твоем, блаженная, благословила еси всех, и с веселием ангельский собор прият душу твою непорочную, с нимиже наслаждаешися, в скиптродержцех преславная царице, святая Тамаро, и ходатайствуеши о душах наших.
Слава Отцу и Сыну и Святому Духу.
Ныне паче сияния солнечнаго светлейши блистаеши, благодатию Духа бодрая державице: сияние молитвы твоея простри на ны и причастники нас сотвори света твоего.
И ныне и присно и во веки веков. Аминь.
Всех Творца и Господа зачавши, родила еси, Дево, и се, ныне предстоиши одесную Отца, яко Царица, святая; сего ради молим тя: от части шуия избави мя в день судный и с десными овцами сопричти.
Великодушная, сильная и благоденственная царице грузинская, не похити тебе богатство и слава, якоже древле многих царей, но прежде искала еси Царствия Божия, и сия вся приложишася тебе; ныне же сопричтена еси ко светлости святых и любящим святыню твою подаеши исцеление и просвещение.
Слава Отцу и Сыну и Святому Духу.
Владыка твари виде послушание ума твоего и, просветив разумение души твоея боговедением, верну тя в мире сотвори и светлейшую паче солнца сиянием благих дел яви тя, блаженная царице, святая Тамаро.
И ныне и присно и во веки веков. Аминь.
ხატისა შენისა არა თაყუანის-მცემელნი, ძისა და ღმრთისა შენისა, ქალწულო, სარწმუნოებითა წმიდითა განსდევნენ, ვითარცა უღმრთონი, და გეჰენიასა შინა შთასთხიენ.
Радостным сердцем притецем, вернии, в храм Божий, узрим и приимем благодать Тамары, от корене Давидова прозябшия и Авраамлею щедротою украшенныя, или вострубим трубою песней, и возыграем, и возвеселимся, радующеся во всесвятый праздник святыя царицы нашея, и возвеличим пресветлую и славную память ея.
Данную от Бога благодать, просвещающую души, прияла еси светло и народ твой научила еси словом и делом Божественным; тако и нас не забуди, царице, и даруй нам премудрость различения добра и зла и силу прощения, да, любовию к Богу и ближнему во единомыслие связани, шествуем путем отцев и праотцев наших и присно ублажаем тя, воистину хвальную.
Якоже лев познается от когтей своих, тако и ты, в царех преславная и блаженная, познана была еси от подвигов твоих безчисленных и дивных, ихже достойно исповедати не может язык человеческий; но радуется и веселится Церковь иверская памятию твоею, и хвалится и вопиет Кинцвиси и Бетания благодатию и славою твоею, мы же, зряще Вардзию и изсеченныя в камени пещеры, бояще бо ся умолчати, с верою и надеждою вопием ти и, яко украсительницу земли нашея и созидательницу церквей и обителей, хвалебным пением непрестанно величаем тя.
სუფევდი რაჲ სამეფოთა და სამფლობელოთა შინა შენთა სიმჴნითა და სიქველითა დავითიანითა, იქმენ უბრძნეს ბრძნისა მის სოლომონისა, რამეთუ არა შეშინდი შენ შიშისაგან მაცთურისა მტერისა, არამედ მშჳლდი და ისარნი ეშმაკთანი შემუსრენ ლოცჳთა მჴურვალითა, და ენაჲ გესლოვანი უღმრთოთა მწვალებელთაჲ დაჴსენ ძალითა საღმრთოჲთა, რომლისა მიერ აღამაღლე გჳრგჳნი მართლმადიდებელთაჲ და განადიდე სარწმუნოებაჲ ჭეშმარიტი და ღმრთივკურთხეული, ხოლო აწ იხარებს სული შენი წინაშე წმიდისა სამებისა და განიცდი დიდებასა გამოუთქუმელსა, ნეტარო თამარ.
Иже смирением, кротостию и щедротою прешла еси славное житие твое на земли и человеколюбием управила еси народ наш, вверенный тебе, ныне и нас не забуди, блаженная, иже в насилии порабощени есмы и скудостию и нищетою связани, но гнев Божий на милость преложи нам, злое же житие наше во угождение Богу совершити даждь, печаль на радость претвори и неведение в разум прими, да единством веры и любовию исповедуем тя, яко наставницу и просветительницу народа нашего, и непрестанно ублажаем тя.
Делы Божественными была еси храм Христов и уподобилася еси пастырю доброму, яко заповеди Божия, яко земля избранная, прияла еси и добрых дел благой плод возрастила еси, питающий ум наш подобием жития твоего; сего ради празднуют людие твои память твою и вопиют к тебе: призри на ны, о святая угоднице Божия, блаженная Тамаро, и испроси у Христа Бога поющим тя избавление от волн лютых, яже воздвизает на ны враг завистливый; но молитвою твоею разреши диаволю прелесть и сподоби нас с тобою радости безконечныя.
Слава Отцу и Сыну и Святому Духу.
Радуйся, несравненная великая державице, иже вооружилася еси оружием Креста, надеждою веры и любовию твердости и сокрушила еси всякое оружие лютыя брани; радуйся, Давидовых светлых побед обновительнице и утвердительнице имене ради Христова; радуйся, православия источниче неоскудный, напаяяй концы земли; радуйся, похвало жен, чада к послушанию родителем и родителей к милости к любезным чадом духом Божественным наставляющая; радуйся, царей христианских сияния просветительнице и царств твоих во единомыслие совокупительнице, треблаженная святая Тамаро: уповающии на тя, просим от Бога мира и велия милости.
И ныне, Богородичен.
Димитрия, царя Грузии, Багратиона.
Ты еси виноград, новопроцветший, отрасль добрая, во Едеме насажденная, тополь благоуханный, из рая изшедший; Бог украсил тя, никтоже тебе лучше, хвальная, и сама собою ты еси солнце сияющее.
Славословие великое — протяжно.
Ектения и отпуст.
На литургии.
На блаженных от канона святаго песнь 3-я и 6-я, на 8.
Прокимен, глас 4: Вознесох избраннаго от людей Моих, обретох Давида, раба Моего.
Стих: Сего ради помаза тя, Боже, Бог твой елеем радости.
Апостол: к Римляном, глава 13, стих 1
Братие, всяка душа властем предержащим да повинуется.
Конец — стих 11
Исполнение убо закона любы есть.
Аллилуиа, глас 1
Господи, силою Твоею возвеселится царь и о спасении Твоем возрадуется зело.
Стих: Помяни, Господи, Давида и всю кротость его.
Евангелие от Иоанна, глава 10, стих 1
Рече Господь ко пришедшим к Нему иудеем…
Конец — стих 10
…и пажить обрящет…
Причастен: В память вечную будет праведник.
Автор-составитель: Тинатин Мчедлишвили
