Последование преподобному отцу нашему архимандриту Гавриилу, исповеднику и юродивому
— «Приидите, поклонимся» — поется.
— «Благослови, душе моя, Господа» (псалом 103) — поется.
— «Блажен муж» — 1-й антифон 1-й кафизмы.
— «Господи, воззвах» (поется на 5-й глас).
— Преподобнаго Гавриила — стихиры
— Пастыря овец обретаем тя, тайнаго подвижника разумеем тя и бесов, тобою низложенных, видим, богоносне Гаврииле, дивный, сияние Божественныя любве и просветителю народа твоего; столпе непоколебимый терпения; утверждение и древо Церкве; светильниче всесветлый и светило всея Грузии; сокровище добродетелей и святою молитвою твоею ходатаю всех почитающих тя: помолися ныне ко Христу и испроси, преподобне, ниспослати Церквам единство, мир и велию милость.
— Восхваляются присно от православных христолюбцев Божественныя добродетели твоя, богоносне Гаврииле, дивный: чистота, кротость, и смирение, и милость к нищим; ныне и мы, не неведуще подвигов твоих и трудов, тепле молим тя: помолися ныне ко Христу и испроси, преподобне, оставление грехов и беззаконий наших.
— Похвало подвижников и утверждение правыя веры, Святыя Троицы избранный служителю, ангелом подобниче, от земли на небо юродством твоим вознесенный и Царствия наследниче: помолися ныне ко Христу и испроси, преподобне, да во искушениих и в пещи скорбей окропит и нас роса благодати твоея.
— Празднует Церковь грузинская память твою и повелевает нам воспети подвиг твой, богоносне Гаврииле, дивный, со ангелы соединенный храме таинств, бездно разума, зрителю неизреченных, отче старцев, похвало иноков и наставниче отшельников, иже пред Пресвятою Троицею радуешися, многим сиянием просвещен, и помощник еси молящих тя: помолися ныне ко Христу и испроси, преподобне, да ниспослет нам силу, мужество, премудрость и одоление на вся враги и озлобляющия.
— Кими похвальными венцы увенчаем суровым подвигом юродства покрывшагося старца, всех заступника и помощника теплаго, всех скорбящих утешителя и всех в напастех сущих прибежище, благочестия столпа, верных поборника, всехвальнаго Гавриила юродиваго, имже Христос востания врагов низложи, имущаго велию милость. (Дважды)
— Кими похвальными песньми воспоем во граде, яко в пустыни, вселившагося и наставником и обличителем народа нашего явленнаго, великаго помощника и старца-духовника Гавриила, всех лукавых и ленивых обличителя, егоже ради Христос востания их низложи, имущаго велию милость.
— Кими похвальными пении воспоем знамении и чудесы Церкве украсителя и пастыря и учителя иверов, иже яко солнце явися народу нашему и научаше любви к Богу и отечеству; сего ради возлагаем на него упование наше, да единством веры и любовию исповедуем его яко наставника и утверждение народа нашего, имущаго велию милость.
— «Слава Отцу и Сыну и Святому Духу» — Вострубим ныне паки трубою песней, и возыграем, и прославим Христа Бога, даровавшаго таковаго отца и ходатая жребию Матере Своея, народу нашему, и хвалебными песньми воспоим старцев похвалу и Картли славу, источник чудес и верных великаго ходатая и заступника, яко никтоже бысть от отец наших подобен ему. (Глас 6).
— «И ныне и присно и во веки веков. Аминь» — Кто тебе не ублажит, Пресвятая Дево? Кто ли не воспоет твоего пречистаго Рождества? Безлетно бо от Отца возсиявый Сын Единородный, Тойже от тебе Чистыя пройде, неизреченно воплощься, естеством Бог сый и естеством быв человек нас ради, не во двою лицу разделяемь, но во двою естеству неслитно познаваемь. Того моли, Честная Всеблаженная, помиловатися душам нашим. (Глас 6).
— Вход с кадилом.
— Прокимен дне
— Паремии — три чтения преподобному.
1. Премудрости Соломони чтение. (Праведных души в руце Божией…) 2. Премудрости Соломони чтение. (Праведницы во веки живут, и в Господе…) Писано под 9 марта. 3. Премудрости Соломони чтение (Праведник, аще постигнет скончатися, в покои будет…) Писано под 7 мая.
— На литии стихира храма — 1.
— Таже преподобнаго Гавриила.
— Никогдаже предал еси, честный отче Гаврииле, себе наслаждению и покою, но вооружен был еси постом, и молитвою, и бдением, и облечением во вретище, и лежанием на земли, и иными безчисленными подвиги; присно поминал еси страшный оный суд и день втораго пришествия, и страхом тем ограждал еси душу твою, и присно славил еси Творца всех.
— Быв проповедник покаяния, яко Иоанн Креститель, имел еси милость и кротость, яко Давид пророк, и молился еси всю нощь присно в одежди худей, подвижниче и делателю добродетели, старче Гаврииле, и, прося у Христа вместо временнаго вечное, сподобился еси со святыми радости непреходящия.
— Удивляют нас безчисленная чудеса твоя, преподобне Гаврииле, но паче дивимся исповеданию твоему и любви к Богу и ближнему, яко во время безбожия ревность Божественную стяжал еси, блаженне старче, и, юродствуя богоугодно, обличал и обращал еси многих и посрамил еси злое ухищрение мучителей.
— Слово твое паче солнечнаго круга просия, егда проповедал еси, преподобне, веру истинную, отгнал еси облаки греховныя и возвестил еси нам паки жизнь со слезами; мы же, не неведуще подвигов твоих и трудов, преподобне Гаврииле, и ныне в скорбех сущии просим от тебе помощи.
- ღმრთივგანბრძნობილად გამოსჩნდი შენ, კურთხეულო ძალითა მაღლისაჲთა, და ენითა მით საღმრთოჲთა ამხილე უღმრთოებაჲ ღმრთისმბრძოლთა მათ მთავრობათა, და აღამაღლენ გჳრგჳნი მართლ-აღმსაარებელთაჲ, ხოლო ეკლესიამან ქართველთამან, ვითარცა საუნჯე მრავალსასყიდლისაჲ, გპოვა შენ და სიხარულითა შეგიწყნარა.
— Яко солнечный свет, тако просвети умы уповающих на тя, богоносне Гаврииле, дивный, всепетый праздник твой; моли ныне Христа, преподобне, да призрит на люди Своя, не имущия ответа пред Ним, и избавит нас от грехов злых и многоразличных напастей.
— Насажден в дому Божии, преподобне отче Гаврииле, процвел еси правдою и, в монашескую мантию облечен, Христа ради юродством твоим боголепно проповедуя Евангелие, яко кедр в пустыни, тако умножил еси стадо Христово, достойно и праведно словесныя овцы, и правдою и святостию наставник был еси подвижником; сего ради воспеваем тя, яко пастыря великаго и чудотворца-подвижника.
Оставив, святе, мир, взял еси крест, имже хвалился еси, треблаженне отче Гаврииле, и наставлением Святаго Духа и Божиим предведением направил еси стопы твоя на путь истинный и смирением твоим достигл еси меры великия, яко изгонял еси духи лукавыя и исцелял еси вся недужныя, и молишися Богу о душах наших.
— «Слава Отцу и Сыну и Святому Духу» — Рабе благий, добрый и верный, делателю добрый винограда Христова, ты мужественно и доблестно тяготу дне понесл еси и данный талант умножил еси; сего ради со исповедники сопричтен еси и с юродивыми вшел еси в радость Господа твоего благаго; ныне ходатай буди непрестанно хвалящим тя.
— «И ныне и присно и во веки веков. Аминь» — Радуйся, Дево, облаче и колеснице Слова; радуйся, превыше ума и внешняго предела, святое Божие жилище; радуйся, безбрачная, духом Бога превыше богов зачавшая; радуйся, без семене Родившая и без истления Питавшая; радуйся, Приснодево благословенная.
— На стиховне стихира. (Глас 8).
Тщеславию и гордыне и помыслом скверным сопротивлялся еси и упразднял еси их совершенно кротостию и смирением Христовым, и в заповедех Его поучался еси присно, день и нощь, умом чистым, и теплая молитва твоя восхождаше на небо, яко столп светлый, блаженне старче Гаврииле; и ныне испроси нам у Христа велию милость.
Стих: Честна пред Господем смерть преподобных Его.
Умертвил еси похоть и возлюбил еси святое девство, и яко свет облеклся еси в чистоту, и яко горлица кротостию работал еси Христу умом непорочным, блаженне старче Гаврииле, украшенный Божественным разумом; сего ради хвалим и ублажаем тя благохвальным пением.
Стих: Блажен муж, бояйся Господа, в заповедех Его восхощет зело.
Украси тя Бог, старче Гаврииле, светом чудес и сиянием благодатей Божественных, и исполни душу твою премудрости, и, яко источник живый и око неоскудное, источал еси учения Божественная на возращение стада Христова.
— «Слава Отцу и Сыну и Святому Духу» — Множество иноков наставника тя исповедует, богоносне, преподобне Гаврииле, яко исполняются Божественных благодатей, яже оставил еси, и наслаждаются памятию твоею, подражателю древних отцев; с нимиже моли Христа Бога, да помилует души наша молитвами вашими.
— «И ныне и присно и во веки веков. Аминь» — Неневестная Дево, Бога во чреве неизреченно заченшая, Мати Бога Вышняго, моление раб твоих приими, Всенепорочная, подающая всем очищение грехов; и наше моление приими и испроси нам велию милость.
— «Ныне отпущаеши».
— По «Отче наш»:
— Тропарь преподобнаго: Божественнаго грома трубо духовная и велегласный проповедниче любве, мучеником подобный подвижниче и в напастех сущих скорый помощниче, грузин похвало, преподобне отче Гаврииле, исповедниче и юродиве, моли Христа Бога помиловати души наша. (Глас 8). — Дважды.
— Или ин тропарь: Распятием и подвигом твоим души человеческия пожал еси для Царствия Божия, пред безбожными, яко безплотный, безстрашно исповедал еси Бога и кровию и слезами утверждал еси Царствие; смирение облекл еси, яко одежду света, и мира сего помышления непобедимо низложил еси юродством твоим, похвало народа грузинскаго, преподобне отче Гаврииле, исповедниче и юродиве, моли возлюбленнаго тобою распятаго Бога, Иисуса Христа, помиловати и спасти души наша!
— «Богородице Дево» — единожды.
— Благословение хлебов.
— «Бог Господь» (поется на 8-й глас).
— Тропарь преподобнаго: «Божественнаго грома трубо…» — дважды (глас 8).
— «Слава», «И ныне» — Богородичен воскресный отпустительный (по гласу тропаря): «Иже нас ради рождейся от Девы и распятие претерпев, Благий, смертию смерть упразднивый и воскресение явивый, яко Бог, не презри, яже создал еси рукою Твоею, покажи человеколюбие Твое, Милостиве, приими рождшую Тя Богородицу, молящуюся за ны, и спаси, Спасе наш, люди отчаянныя» (глас 8).
По 1-м стихословии седален, глас 1:
В нищете Дух Святый помаза тя разумом, и преложи сердце твое, и ходатая тя сотвори о народе нашем, и слышиши молитвы и прошения верных; ныне возсияй в сердцах наших свет истинный и ходатай буди непрестанно хвалящим тя. (Дважды)
Слава Отцу и Сыну и Святому Духу, и ныне и присно и во веки веков. Аминь.
Открывается таинство, от века сокровенное, Архангелу, да со трепетом возвестит Деве, он же благовествует Благословенней в женах; с нимже возопиим: радуйся, Благодатная, Господь с тобою.
— По 2-м стихословии седален. (Глас 4).
Труды твоя духовныя, и добродетели благия, и сердца простоту видев Вышний, призре милостиво, призираяй на смиренныя, и душею и телом возвеличи тя; и ныне память твою совершающим избавление испроси прегрешений, яко предстоя Богу. (Дважды)
Слава Отцу и Сыну и Святому Духу, и ныне и присно и во веки веков. Аминь.
Всех Творца Бога и Создателя, Всенепорочная Святая, Духом Божественным зачала еси и нетленно родила еси; сего ради величаем тя и воспеваем, Дево, яко всех Царя палату и мира Помощницу.
— «Полиелей», 19-я кафизма (псалмы 134 и 135).
— «Величание» преподобному (с избранными стихами из Псалтири).
— «Седален» по «Полиелеи»:
Премудрость.
От юности освятился еси, приснопамятне преподобне отче, и во время владычества безбожных на земли, яко ангел, жительствовал еси, яко плоть умертвил еси подвигом и Божественною ревностию твоею Святей Троице благоугоден явился еси; сего ради лику юродивых и исповедников сопричтеся, старче Гаврииле, и от временных сластей на высоту возвел еси люди верныя, богоносне; моли Христа Бога прегрешений оставление даровати любовию почитающим память твою. (Дважды)
Слава Отцу и Сыну и Святому Духу, и ныне и присно и во веки веков. Аминь.
Собезначальное Слово Отчее от тебе приемлет начало естества нашего, Богородице, и Безлетный входит во время, и Слово воплощается, Сын же Божий Сыном твоим нарицается. О непостижимаго сего таинства! Иисус Христос вчера и днесь, Той же и во веки.
— 1-й антифон 4-го гласа (воскресной утрени).
От юности моея мнози борют мя нечистыя страсти; сего ради молю Тя: буди ми помощник и спаси мя, Блаже.
Ненавидящии Сиона, посрамитеся от Господа, и яко траву изсохшую поядет вас геенна.
Слава Отцу и Сыну и Святому Духу, и ныне и присно и во веки веков. Аминь.
Святым Духом всяка душа живится и чистотою возвышается, светлеется Троическим единосущием богоприлично и священнотайне.
— Прокимен (утренняго Евангелия): «Честна пред Господем смерть преподобных Его». (Глас 7).
Стих: Что воздам Господеви о всех, яже воздаде ми?
— Утреннее Евангелие: Лк., зач. 24; 6, 17–23.
— «Слава» — «Молитвами святаго отца нашего Гавриила…»
— «И ныне» — «Молитвами Богородицы, Милостиве…»
— «Помилуй мя, Боже…» (малый стих).
По 50-м псалме стихира.
Во всю землю изыде вещание подвига твоего, богомудре отче, блаженне; сего ради на небесех обрел еси мзду трудов твоих и сугубый венец приял еси от Бога — исповедника и юродиваго; и ныне, дерзновение имея к Богу, мира проси душам нашим.
— «Спаси, Боже, люди Твоя…»
Чтутся два канона.
1-й канон — Богородицы (ирмос дважды) — на 6 (см. в конце Параклитика каноны Богородицы: «Колесницегонителя фараона…» или «Воду прошед…»).
2-й канон — преподобнаго (без ирмоса) — на 8. (Глас 1).
— Катавасия: «Отверзу уста моя…».
— Малая ектения — «Поим Господеви».
Ирмос: Мановением Твоим, Боже, естества текущая стеною воздвигл еси и посреде их провел еси люди израильтяны посуху, и пояху песнь победную.
Святый преподобне отче Гаврииле, исповедниче и юродиве, моли Бога о нас.
Ревность имел еси, святе, о правой сей вере и о распространении любве, и показал еси нам путь благочестия.
Святый преподобне отче Гаврииле, исповедниче и юродиве, моли Бога о нас.
Чистотою сердца быв жилище Святаго Духа, благоухание молитв твоих, яко фимиам благий, присно восхождаше к Богу.
Святый преподобне отче Гаврииле, исповедниче и юродиве, моли Бога о нас.
Посла тя Бог светилом грузином, преподобне, и даде ти благодать бесы отгоняти и немощныя исцеляти; ныне покрый стадо твое от всех страстей озлобляющих и от бесовских прелестей.
Слава Отцу и Сыну и Святому Духу.
Яко приял еси от Бога дерзновение ходатайствовати о грешных, ныне молю тя, святый старче, избави окаянную душу мою от работы греховныя.
И ныне и присно и во веки веков. Аминь.
Разрешися клятва Евы, первыя матере, егда Неискусобрачная роди Превысшаго естеств; людие же вернии, якоже достойно есть, праведно славят ю.
Ирмос: Боже Спасе наш, всех Создателю, словом утвердивый небеса высокая со всею силою их, и Духом божественным утверди нас единством на камени веры.
Святый преподобне отче Гаврииле, исповедниче и юродиве, моли Бога о нас.
От юности был еси смирен и весьма удалялся еси обычая детской резвости; егда же возрастл еси, преподобне, бегал еси юношеских похотей и был еси готов на всякое благое дело.
Святый преподобне отче Гаврииле, исповедниче и юродиве, моли Бога о нас.
Змий льстивый видением чудес ополчися на брань со отроком оным малым, но ты силою свыше попрал еси силу диаволю; и ныне отжени диаволом воздвигнутыя напасти от молящих тя.
Святый преподобне отче Гаврииле, исповедниче и юродиве, моли Бога о нас.
Дом родителей твоих имел еси, яко чужий, и, живя в нем во образе нищаго, любовию Христовою уязвлен, облеклся еси в Крест Его, блаженне, и последовал еси стопам Его.
— «Слава Отцу и Сыну и Святому Духу» — Во владычество богоборцев возгорелся еси небесным желанием и непрестанно трудился еси созидати обитель Господню, и, егда трижды разоряху созданное, паки созидал еси лучшее.
- „აწდა მარადის და უკუნითი უკუნისამდე, ამინ“ - მჴსნელო ჩუენო იესუ, ვედრებითა მშობელისა შენისაჲთა მშჳდობაჲ სოფელსა მოჰმადლე, და ძლევაჲ ჯუარითა მოეც ერსა ჩუენსა ღმრთისმოყუარესა მტერთა ზედა ურწმუნოთა, და მორწმუნენი ღირს-მყვენ შენდობასა.
— По «Утверждение» (песни 3-й):
— Седален: Видев тя тепле подвигу вдавшагося, многоразличная искушения наведе на тя диавол, да угасит теплоту твою, и попусти то Бог, якоже на праведнаго Иова; ты же, уготовав себе ко искушением, многажды алкал еси и жаждал еси, изнемогл еси, поношение и укоризну понесл еси, ят был еси, на суд предстал еси и биен был еси, и пред богоборцы дерзновенно исповедал еси Христа; Того моли ныне о избавлении нас от скорбей, богоблаженне Гаврииле, совершающих память твою.
(Дважды).
Ирмос: Не Ангел, но Сам Господь, от Девы воплотивыйся Бог, пришел еси к нам и всецело спасл еси нас, вопиющих: слава силе Твоей.
Святый преподобне отче Гаврииле, исповедниче и юродиве, моли Бога о нас.
Егда богоборцы великую скорбь и тесноту наведоша на церкви и верных, мнози нуждею совлачахуся схимы иноческия, ты же избрал еси течение тесным путем и непоколебимо пребыл еси в правом исповедании.
Святый преподобне отче Гаврииле, исповедниче и юродиве, моли Бога о нас.
Во время безбожных мучительства, юн сый, яко старец и мудр, долготерпеливно сносил еси совлечение божественныя любве и смиренно понесл еси поругание.
Святый преподобне отче Гаврииле, исповедниче и юродиве, моли Бога о нас.
Егда постригоша тя в малую схиму, преподобне, нарекоша тя именем Гавриила Афонскаго, с нимже соединился еси, новый сей подвижник, во утешение народа иверскаго, и уподобился еси ему иноческим нестяжанием.
Слава Отцу и Сыну и Святому Духу.
Рукоположен быв во иеромонаха, проповедал еси всенепорочную веру православия и, крестя народ твой, во тьме язычества погруженный, учил еси хранити заповеди Божия.
И ныне и присно и во веки веков. Аминь.
Истинная Мати Божия, моли Сына твоего и Создателя, да наставит нас в тихое пристанище и избавит от потопления грехов наших.
Ирмос: Дух спасения, Господи, иже зачаша в сердцах первии пророцы и родиша на земли, возвести нам пришествие Твое на землю в живот верных, и ныне просвещеннии песньми величаем Тя.
Святый преподобне отче Гаврииле, исповедниче и юродиве, моли Бога о нас.
Егда многажды постизаше тя поругание от безбожных, отшел еси в Бетанию, идеже живяху чудотворнии отцы Георгий со Иоанном, и, егда научиша тя благочестию, укрепился еси, и дадеся тебе от Христа благодать ведения сокровенных.
Святый преподобне отче Гаврииле, исповедниче и юродиве, моли Бога о нас.
ჰმსახურებდენ რაჲ დაბადებულთა, და არა დამბადებელსა, რომელი-იგი კურთხეულ არს უკუნისამდე, განხურდი, მჴნეო გაბრიელ, ქრისტეს სიყუარულითა, და აღუდევ ცეცხლი და დასწუენ საძაგელი იგი სახებაჲ კაცისა მის ღმრთისმბრძოლისაჲ.
Святый преподобне отче Гаврииле, исповедниче и юродиве, моли Бога о нас.
წარგადგინეს რაჲ წინაშე მძლავრთა, სთქუ კადნიერად: „არა უხმს დიდებაჲ მძორსა მას კაცისასა, არამედ მაცხოვარსა, მკუდრეთით აღმდგარსა“, და ამხილებდი ძალითა სულისაჲთა, გარნა არცაღა შეიწყნარეს ჭეშმარიტებაჲ უგუნურთა მათ და შეგაყენეს დილეგსა.
Слава Отцу и Сыну и Святому Духу.
Ни раны, ни страх смертный не возмогоша отлучити тебе от любве истиннаго Бога, ибо безчисленныя язвы подъял еси и, яко злато, в горниле искушений искусился еси.
И ныне и присно и во веки веков. Аминь.
Небо и земля просветишася тобою, Неневестная Мати Иисусова, ибо возсияла еси нам Свет неугасимый, Бога всех, Иже во тьме заключенныя избави и Небеснаго Царствия жители яви нас.
Ирмос: Погружен волнами искушений мира сего, с корабля греховнаго впад и зверю душегубному вержен, вопию Ти: якоже Иону избавил еси от тления и смерти, тако избави и мене, Христе.
Святый преподобне отче Гаврииле, исповедниче и юродиве, моли Бога о нас.
Иже прежде безумием хваляхуся, разсвирепеша убити тя, но молитвою и молением твоим к Богу упразднися дерзость их, блаженне, и Христос, камень крепости, дивно покры тя.
Святый преподобне отче Гаврииле, исповедниче и юродиве, моли Бога о нас.
Козни безбожия не возмогоша поколебати твердости веры твоея, и, егда вчиниша тя с безумными и отверженными, найдоша на тя безчисленныя искушения, ихже никтоже весть, разве Бога.
Святый преподобне отче Гаврииле, исповедниче и юродиве, моли Бога о нас.
Егда отпустиша тя ходатайством патриарха Ефрема, паки начал еси служити в Сиони, но возбранен был еси от служения и причащения мучительством властей и, яко нищий безкровный, во гробех и пещерах пребывал еси и просил еси милостыни.
Слава Отцу и Сыну и Святому Духу.
Соблазна не терпяй и зело любяй ближняго, обличал еси народ твой за безбожие, да не найдет на него суд Божий; Того моли ныне, да избавит нас от грехов злых и покрыет нас от сети вражия и от вражды братии.
И ныне и присно и во веки веков. Аминь.
Прообрази таинство твое, Дево, первее кивот закона, вместилище божественных писаний, и стамна златая, жилище манны, и жезл.
— По «Возопих» (песни 6-й):
— Кондак: Яко угодник Божий и верный, жестокое иночество избрал еси паче сладостей мира и, взошед на верх совершенства, премудрость твою сокрыл еси юродством и, яко исповедник, день от дне подвизался еси во славу Божию; Того моли ныне непрестанно о избавлении нашем от всякия болезни и злыя напасти, да вопием ти, преподобне Гаврииле: радуйся, покровителю уповающих на тя!
— Икос: Мужественно взем щит веры, вооружен был еси постом, молитвою и иными многими подвиги, и, Христа ради юродством твоим проповедуя Евангелие, претерпел еси многия напасти и сугубый венец исповедания и юродства приял еси от Бога; ныне испроси у Него оставление грехов и беззаконий наших, преподобне Гаврииле, да сподобимся славы Его.
Ирмос: Отроцы в Вавилоне в пещи росою свыше орошени, к Богу вопияху и глаголаху: благословен еси, Господи отец наших, Боже, во веки.
Святый преподобне отче Гаврииле, исповедниче и юродиве, моли Бога о нас.
Божественным разумом призвав тя, Ефрем, патриарх грузинский, во олтарь, причасти тя Христовых Таин и отпусти тя в женскую обитель Самтавро; и, затворився тамо в малой келлии в велицей нищете, приносил еси Безкровную Жертву и проповедал еси дивно.
Святый преподобне отче Гаврииле, исповедниче и юродиве, моли Бога о нас.
Гражданин небеснаго Иерусалима, вселился еси во Иерусалим новый, царствующий град Мцхету, близ ежевичника, идеже от Иерусалима прииде Нина, раба Христова, и, молящися, обрати грузины Животворящим Крестом.
Святый преподобне отче Гаврииле, исповедниче и юродиве, моли Бога о нас.
Егда преселился еси в башню Мирианову, украсил еси ю святыми кресты и иконами, яже искал еси и своими руками устроял еси, и многих обличал еси и научал еси ополчатися на враги невидимыя и видимыя, и жен наставлял еси прилежати молитве.
Слава Отцу и Сыну и Святому Духу.
Христа ради юрод был еси и, подъяв сугубый подвиг — затвора и юродства, — мудрый, непотребен вменен был еси и был еси поношение священникам и людем; ныне же поставлен еси святым Церкве иверския и имаши благодать помогати верным, иже подвизаемся на похвалу подвига твоего.
И ныне и присно и во веки веков. Аминь.
Радуйся, дщи Адамова; радуйся, Невесто Божия; радуйся, Мати Спасова, вместившая Творца твоего; заступи нас присно.
Ирмос: Купина в Синаи несгораемая Бога яви гугнивому и косноязычному Моисею, и ревность божественная отроки от пещи избави, и в песни вопияху: вся дела, благословите днесь Бога и Господа, пойте и превозносите Его во веки.
Святый преподобне отче Гаврииле, исповедниче и юродиве, моли Бога о нас.
Якоже Давид смири себе и рече сокрушенным сердцем: «Аз же есмь червь, а не человек, поношение человеков и уничижение людей», тако и ты показал еси нам высоту смирения и, яко уничиженный, пьяница и непотребный, псом Спасовым нарицал еси себе, да не прославишися добродетелию и святостию.
Святый преподобне отче Гаврииле, исповедниче и юродиве, моли Бога о нас.
Присно в плаче был еси, блаженне, и в памяти вечнаго суда, и во гробе, яко мертвец, распростерт, слезы от очию изливал еси, ибо, подражая древним отцем, в мире сем плакал еси о себе.
Святый преподобне отче Гаврииле, исповедниче и юродиве, моли Бога о нас.
Никтоже бысть от отец наших подобен тебе, о старче дивный, яко дано тебе бе слово премудрости и разума от Святаго Духа, и благодать помощи и пророчества, и паче сих превосходный дар любве.
«Благословим Отца и Сына и Святаго Духа».
Сокровенная таинства, яко явная, зрел еси, святый старче, грядущая же верно ведал еси, и вся реченная тобою истинна суть; ныне даждь нам сердце разумно и мудро, во еже разумевати добро и зло, да от пагубных путей избежим и направимся на путь истинный.
И ныне и присно и во веки веков. Аминь.
Трие отроцы в Вавилоне в пещи Троице поклонишася и образ златый презреша, и, росою окропляеми, песнию вопияху: вся дела, благословите днесь Бога и Господа, пойте и превозносите Его во веки.
Хвалим, благословим, покланяемся Господеви, поюще и превозносяще Его во вся веки.
— По «Благословим» (песни 8-й): — «Честнейшую».
Ирмос: Носившая безмужно нетления Слово Создателя естеством облекла еси; прииди, Непорочная Дево Богородице, со Рожденным от тебе научи верныя, да сподобимся славити тя.
Святый преподобне отче Гаврииле, исповедниче и юродиве, моли Бога о нас.
Егда разболелся еси, благодатию обоженне, терпел еси горькия болезни и, егда возвещен ти бысть день исхода твоего от жития сего, благословлял еси стадо и молился еси пред иконою святителя Николая, прося о народе твоем и отечестве.
Святый преподобне отче Гаврииле, исповедниче и юродиве, моли Бога о нас.
Предав дух твой Господу, сочетался еси множеству святых и, якоже древних старцев, обвита рогожею погребоша тя во дворе Самтавро; но честь святости ниже смертию отступи от тебе, преподобне, и гроб твой бысть немощным яко сокровище благодати и источник исцелений.
Святый преподобне отче Гаврииле, исповедниче и юродиве, моли Бога о нас.
Не токмо вернии и уповающии, но и нерадивии и маловернии притекают доныне приложитися ко крови твоей, паки нетленней, и, молящим о милости, присно услышиши моление их и всем подаеши отраду.
Слава Отцу и Сыну и Святому Духу.
Видяще святителие гроб твой дивный, исцеления источающий, и безчисленныя чудеса, благодатию твоею бывающая, велегласно прославиша тя, яко чудотворца отца последняго сего времене, и в память и во веки ублажение и похвалу твою узакониша нам.
И ныне и присно и во веки веков. Аминь.
Ветхий закон прообразует тя, Дево Святая, и новый исповедует тя Богородицу, Неневестная, и мы, вернии, с верою глаголем: Родительнице Слова, не престай молитися Богу о уповающих на тя.
— По «Величит» (песни 9-й): — «Достойно есть» — не поется.
— «Светилен» — Явился еси яко образ светлый и приял еси Духа Святаго, преподобне отче, имже очи душевныя Божественным видением просветил еси, и, просвещен, провидя грядущая, вся до конца глаголал еси с чистотою Божественною; ныне же ходатай буди нам пред Богом, святе Гаврииле, да ниспослет нам силу, мужество, премудрость и одоление на вся враги и озлобляющия. (Дважды)
Слава Отцу и Сыну и Святому Духу, и ныне и присно и во веки веков. Аминь.
Богородицу воистину исповедуем тя, Владычице, тобою спасеннии, яко Бога родила еси неизреченно, Избавляющаго Крестом от смерти и привлекающаго к Себе собор преподобных, с нимиже восхваляем тя, Дево.
— «Всякое дыхание» — поется.
— На «Хвалитех» стихиры — на 8.
— Христос дарова тебе благодать и чудеса творити и тако почти тя в веце сем, по смерти же твоей паче прославился еси пред Ним, почтен со исповедники и юродивыми во веки.
— Радуется ныне Церковь грузинская памяти твоей и повелевает всем верным ублажати тя, ревнителя пламеннаго и страстей самодержца, нищих заступника и грешных душ путеводителя, яко был еси жертва Божественнаго Христова жертвенника, преподобне Гаврииле, и дерзновенно ходатайствуеши о всех нас.
Веселися ныне, граде царствующий, ликуй, обитель женская, и празднуй, земле Картлосова, ибо милостию призре на ны Христос Бог и дарова нам исповедника отца и юродиваго старца, помощника в скорбех, утешение в печалех, врача недугов и избавителя от страстей.
— Соберитеся, о людие грузинстии, и духовными похвалами воспоим святаго и доблестнаго воина Христова, старца Гавриила, яко на земли проповедника втораго пришествия Христова и сопротивника скверному антихристу.
— Якоже посылаше Бог Израилю пророки во обличение и ходатайство пред Собою, тако и ты, юродивый отче и исповедниче подвижниче, дан еси учитель и обличитель народу нашему и подвизался еси за ны духовно пред Богом во избавление от напастей и во изятие от всякия страсти; ныне же ходатай буди пред Ним, да насадит в нас страх и ненависть ко греху и любовь к Богу и ближнему.
— Аще и гроб покры тя, преподобне Гаврииле, возсиянием чудес блистаеши от святыя оныя обители по всей земли и духовная благоухания простираеши на души и умы наша; темже притекаем в Самтавро, в жилище мощей твоих, да помазанием елея кандила твоего почерпнем исцеление душ и телес наших.
Стих: Честна пред Господем смерть преподобных Его.
— Аще и безчисленная чудеса твоя удивляют нас, богоносне Гаврииле, дивный, но паче дивимся исповеданию твоему и любви к Богу и ближнему, иже царствующий град сей Мцхету просветил еси чудесы и присно помогаеши тепле к тебе прибегающим; непрестанно моли ныне Христа Бога о нас, с верою и любовию почитающих присно радостную и всеблаженную память твою, во избавление от всякия скорби и болезни.
Стих: Блажен муж, бояйся Господа, в заповедех Его восхощет зело.
- ჵ, ღუაწლისა მძლეო, წმიდაო გაბრიელ ბერო, აღთქმისაებრ შენისა ვსასოებთ საუფლოჲსა ხატისა გამოჴსნასა და პატივად მისად სახელდებულსა ანჩის-ხატსა შინა ძუელითა დიდებითა დაბრძანებასა, რაჲთამცა წინაუსწროდეს საკჳრველსა გამოჩინებასა აწყურისა ხატისასა და დიდებულსა მობრძანებასა წმიდისა პორტაიტისასა - ჴსნად ქუეყანისა ამის ჩუენისა და ერისა სატანისა მაჴეთაგან და ბოროტისა მის ანტიქრისტეს საცთურისა და ბრძოლისაგან.
— «Слава Отцу и Сыну и Святому Духу» — Вострубим трубою песней, и возыграем, и возвеселимся, радующеся во всесвятый праздник всехвальнаго учителя нашего. Соберитеся, о вернии грузины, и духовными похвалами украсим и восхвалим блаженнаго отца нашего, яко реки учения нам источившаго, и воспоим: немощнии — недугов врачу, скорбящии — избавителю, согрешившии — теплому ходатаю, печальнии — утешителю, путешествующии — спутнику, плавающии — кормчему, и вси всюду, всех надежду с верою величающе, глаголем: ходатай буди нам, богоносне Гаврииле, да молитвами твоими и прошением вооружит нас Господь Бог силою Своею непобедимою на вся видимыя и невидимыя враги наша и спасет нас. (Глас 5).
— «И ныне и присно и во веки веков. Аминь» — «Богородице Дево, ты еси лоза истинная, прозябшая грозд жизни; тебе молим, Благодатная: со апостолы ходатайствуй о спасении душ наших.»
— «Славословие великое» — поется.
— Тропарь преподобнаго: «Божественнаго грома трубо…» — дважды (глас 8).
— «Слава», «И ныне» — Богородичен воскресный отпустительный (по гласу тропаря): «Иже нас ради рождейся от Девы и распятие претерпев, Благий, смертию смерть упразднивый и воскресение явивый, яко Бог, не презри, яже создал еси рукою Твоею, покажи человеколюбие Твое, Милостиве, приими рождшую Тя Богородицу, молящуюся за ны, и спаси, Спасе наш, люди отчаянныя» (глас 8).
На часах 1-м, 3-м и 6-м:
— Тропарь преподобнаго.
— Кондак преподобнаго.
Божественная литургия святаго Иоанна Златоустаго:
— «Изобразительныя антифоны» — при пении «Блаженн» вставляются
«Во Царствии Твоем» — на 8:
— от 3-й песни преподобнаго — 4 тропаря (с ирмосом).
— от 6-й песни преподобнаго — 4 тропаря, со своими «Слава» и «И ныне».
Апостол — преподобному: Гал., зач. 213; 5, 22 — 6, 2.
Евангелие — Мф., зач. 43; 11, 27–30.
На входе:
Тропарь преподобнаго.
Кондаки — «Слава» — преподобнаго
И ныне — «Упование и прибежище…»
«Прокимен»: «Честна пред Господем смерть преподобных Его». (Глас 7).
Стих: Что воздам Господеви о всех, яже воздаде ми?
«Аллилуиа»: «Блажен муж, бояйся Господа, в заповедех Его восхощет зело». (Глас 6).
Стих: «Сильно на земли будет семя его, род правых благословится».
Причастен: В память вечную будет праведник, от слуха зла не убоится.
Автор-составитель: Тинатин Мчедлишвили
