Праздничное последование святому отцу нашему Гавриилу, епископу Имеретинскому
— «Приидите, поклонимся» — поется.
— «Благослови, душе моя, Господа» (псалом 103) — поется.
— «Блажен муж» — 1-й антифон 1-й кафизмы.
— «Господи, воззвах» (поется на 5-й глас).
— Гавриила епископа. — На 8.
Всехвальне Гаврииле святителю, прозяб от корене богослужителей, от юности был еси, яко древо насажденное при исходищих вод, и во время свое дал еси плод прекрасный и достойный небесных сокровищ: ныне помолися ко Христу ниспослати Церквам единство, мир и велию милость.
Всехвальне Гаврииле святителю, егда дадеся тебе Божественное бодрствование, скоро научился еси всем церковным уставом и пению, и пища и услаждение тебе бяше слово Божие: ныне помолися к Нему ниспослати Церквам единство, мир и велию милость.
Всехвальне Гаврииле святителю, утвердився на непоколебимом камени заповедей Христовых, и богословское учение совершил еси в Петербурзе, и преуспел еси и в мирских и философских науках; егда же возвратился еси во отечество свое, благодать, от Бога данную, умножил еси премудростию и непрестанно подвизался еси о воспитании душ и умов отроков: ныне помолися ко Христу ниспослати Церквам единство, мир и велию милость.
Всехвальне Гаврииле святителю, законности ради и смирения твоего, еже стяжал еси, был еси возлюблен от всех; призван же на служение Богу и рукоположен во иерея, отче, не оставил еси учеников твоих, но, яко земледелец мудрый, уготовлял еси ум их ко приятию святаго семене богопознания: ныне помолися ко Христу ниспослати Церквам единство, мир и велию милость.
Всехвальне Гаврииле святителю, видев тя диавол тепле вшедша в подвиг, безчисленныя напасти наведе на тя, да угасит горение твое, блаженне, и попусти сие Бог, якоже на праведнаго Иова; и, егда погибе весь дом твой вкупе, вместо чад твоих дарова тебе на подвиг народ грузинский, егоже пасл еси премудростию и любовию: ныне помолися ко Христу ниспослати Церквам единство, мир и велию милость.
Всехвальне Гаврииле святителю, аще и чужд был еси славы человеческия, разумел еси волю Господню, да будеши пастырь народа твоего; и, рукоположен быв во епископа Имеретии-Гурии и Рачи-Сванетии, уподобился еси добродетельми апостолом Христа Бога, и, яко орган, источая спасительная оная сладкая учения, явился еси столп и утверждение веры: ныне помолися ко Христу ниспослати Церквам единство, мир и велию милость.
Ина стихира, глас 2
«О, венцы…»
Кими похвальными венцы увенчаем Церкве грузинския утверждение и всех просвещающаго учением, светильника всесветлаго и светило всея Грузии, великаго помощника, пастыря и учителя, иже, подвизаяся о просвещении народа своего, научаше в любви к Богу и отечеству и просвещаше времена своя крепким подвигом, имже нападения вражия низложи Христос Бог, имеяй велию милость.
Кими похвальными песньми воспоем благодати и премудрости Божия исполненнаго, всех заступника и помощника, скорбящих утешителя и в напастех сущих прибежище, столпа благочестия, верных поборника и просветителя народа нашего, святаго великаго святителя Гавриила, имже нападения вражия низложи Христос Бог, имеяй велию милость.
«Слава Отцу и Сыну и Святому Духу»: Празднует Церковь грузинская память твою и повелевает нам воспети подвиг твой, Гаврииле, красото Церкве, дивный, со ангелы соединенный храме таинств, бездно разума, зрителю неизреченных, отче отцев и святителю благочестивых, похвало иноков и наставниче православных, иже пред Пресвятою Троицею радуешися, многим сиянием просвещен, и помощник еси молящих тя: помолися ныне ко Христу и испроси, преподобне, ниспослати Церквам единство, мир и велию милость. (Глас 6).
— «И ныне и присно и во веки веков. Аминь» — Кто тебе не ублажит, Пресвятая Дево? Кто ли не воспоет твоего пречистаго Рождества? Безлетно бо от Отца возсиявый Сын Единородный, Тойже от тебе Чистыя пройде, неизреченно воплощься, естеством Бог сый и естеством быв человек нас ради, не во двою лицу разделяемь, но во двою естеству неслитно познаваемь. Того моли, Честная Всеблаженная, помиловатися душам нашим. (Глас 6).
— Вход с кадилом.
— Прокимен дне
— Паремии — 3 чтения преподобнаго (из Общей службы святителю).
— На литии стихира храма — 1.
— Таже Гавриила епископа.
Дивна суть таинства Твоя, Христе Боже, ибо сего достопамятнаго, всехвальнаго отца нашего и пастыря добраго прозябл еси в стране Гурийской, сына благочестиваго иерея; и он ревнитель бысть великих оных Святогорцев, Евфимия и Георгия, постом и подвигом просиявших, и вся дни жития своего иждиваше в подвизе и бдении.
უბრალოჲ ცხორებაჲ შენი და წესისა სიმარტივე და სიწმიდჱ და ყოვლითურთ მისა მიმართ საკუთრებაჲ იხილა რაჲ ღმერთმან, სანატრელო, წარჩინებულ გყო ფრიად და მოგანიჭა საყდარი მღდელმოძღურებისაჲ, ხოლო იქმენ რაჲ სარწმუნოჲ განმგებელ, ღირსო, განამტკიცებდი მართლმადიდებელთა აღმსაარებლობასა და გარეგან ცხოვართაჲთა მოსილთა და შინაგან მგელ-ღმრთისმსახურთა დაამჴობდი და განიოტებდი და შერისხავდი სიწმიდისა შემრყუნელთა და მამულისა მაოხართა.
Яко светильник огнегорящий, явился еси во тьме неведения падшим душам и ко свету невечернему наставник им был еси; богатейшия же благодати Божия исполненная молитва твоя, и слово, и учение быша кормило и правитель священству и народом, ибо всех призвал еси к познанию и славе Божией, и явился еси правило святителем, и Божественную радость излиял еси на Церковь и народ грузинский.
Подвижника и молитвенника, славу и образ святыни стяжа тя народ твой, ибо, молитвою теплою Божественно вооружен, обхождал еси грады и веси и любовию научал еси всех, да уклонятся от зла и пекутся о душе своей милостынею, постом и молитвою: тако и ныне умири сердце мое, волнами мира колеблемое и оскверненное, и бдения Божественнаго исполни мя.
Быв в жестоком оном подвизе, не гонялся еси за славою и стяжанием, но умилением сердца повсядневно подвизался еси о мирном сохранении вдовиц и сирот; утешал еси скорбящия и недужныя, и тайно помогал еси всем нищим и заключенным, лихоимцы же и сребролюбцы обличал еси и учил еси милости к нищим: ныне и нас настави шествовати благообразно в мире сем, да не уклонимся к беззаконию и присно сподобимся славити Бога.
Зело ревнуя о научении народа, силу глубины Евангелия дивною премудростию постигий и ритор велеискусный, богодухновенно и просто возглашал еси Божественныя проповеди твоя в утешение и пользу всем — великим и малым, ученым и некнижным; и, учащу тебе неуклонно хранити Божественныя уставы, мнози спешаху во церковь, да не лишатся слышания словес твоих, паче меда сладчайших, и с радостию вопияху: «Благодарение Богу, явившему народу нашему новаго Златоуста».
Зело пекийся о деле церковном, подвизался еси о сохранении языка нашего и о возрождении грузинскаго пения, и, исправляя учения, от неразумных поврежденная, и прелесть суеверия изглаждал еси, и всех утверждал еси в православии, от святых отец преданнем; видящих же и присутствующих великому подвигу твоему удивлял еси, образе благочестия светлый, достодивный Гаврииле, и подвизал еси их на похвалу тебе и славу Божию.
Слава Отцу и Сыну и Святому Духу.
Чистотою сердца быв жилище Святаго Духа, взял еси крест твой, всесвященне, и последовал еси пути оному тесному и прискорбному, на немже постави тя Пастыреначальник всех Христос Бог, и укрепи тя Всепречистая Мати Его, Мария Богородица; и ныне благодатию, юже имаши пред Ними, испроси избавление Иверии от нашествия вражия и непоколебимое сохранение Церкве от всякия ереси и раскола.
И ныне и присно и во веки веков. Аминь.
Радуйся, Дево, облаче и колеснице Слова; радуйся, превыше ума и внешняго предела, святое Божие жилище; радуйся, безбрачная, духом Бога превыше богов зачавшая; радуйся, без семене Родившая и без истления Питавшая; радуйся, Приснодево благословенная.
— На «Стиховне» стихира. Глас 8: Вселившися в тя благодати Божией, блаженне, возненавидел еси славу века сего и возлюбил еси смирение и милость, молитву умиленную, бдение и стояние с воздеянием рук, безплотным уподобльшееся; и, скончав течение твое, святе, с радостию предстал еси Христу: ныне испроси нам от Него велию милость.
Стих: Услышите сия, вси языцы, внушите, вси живущии по вселенней.
Из уст твоих источник благодати истече, паче меда сладчайший, всесвященне Гаврииле; и, егда украсил еси Церковь Христову богословскими писаньми, яко украшением царским, с чады своими светло украшается множеством учений твоих и повелевает всем верным хвалити и воспевати дивный подвиг твой.
Стих: «Уста моя возглаголют премудрость, и поучение сердца моего разум».
Словом и делом прославил еси Бога славнаго и в заповедех Его поучался еси присно, день и нощь, умом чистым; и, яко столп света, светлая молитва твоя возношашеся на небо, богомудре отче: испроси нам от Христа велию милость.
«Слава Отцу и Сыну и Святому Духу»: Лики ангельския удиви свыше дарованная тебе благодать благочестия, и мы славим Христа Бога нашего, не презревшаго народа нашего избраннаго молитвами Матере Своея и во время оскудения святых возсиявшаго тя, таковаго пастыря и подвижника, в наказание и вразумление рода нашего.
— «И ныне и присно и во веки веков. Аминь» — Неневестная Дево, Бога во чреве неизреченно заченшая, Мати Бога Вышняго, моление раб твоих приими, Всенепорочная, подающая всем очищение грехов; и наше моление приими и испроси нам велию милость.
— «Ныне отпущаеши».
— По «Отче наш»:
— Тропарь святителю, глас 4: В мире скорбь претерпел еси, со Христом же мир стяжал еси, словом твоим народ грузинский просветил еси и сокровища нестяжания в нем умножил еси, подвигом облеченный святителю Гаврииле, моли Христа Бога помиловати души наша. (Дважды)
«Богородице Дево…» — единожды.
— Благословение хлебов.
— «Бог Господь» (поется на 4-й глас).
— Тропарь святителю, глас 4: В мире скорбь претерпел еси, со Христом же мир стяжал еси, словом твоим народ грузинский просветил еси и сокровища нестяжания в нем умножил еси, подвигом облеченный святителю Гаврииле, моли Христа Бога помиловати души наша. (Дважды)
— «Слава», «И ныне» — Богородичен воскресный отпустительный (по гласу тропаря): — Еже от века утаенное и ангелом несведомое таинство, Тобою, Богородице, сущим на земли явися Бог, в несливном соединении воплощаемь, и крест волею нас ради восприим, имже воскресив первозданнаго, спасе от смерти души наша.
По 1-м стихословии седален, глас 1:
Житие благочестно на земли скончал еси, всеблаженне святителю Гаврииле, и явился еси правило иноков и светлое светило всего мира: ныне возсияй в сердцах наших свет истинный и ходатайствуй непрестанно о хвалящих тя. (Дважды)
Слава Отцу и Сыну и Святому Духу, и ныне и присно и во веки веков. Аминь.
Открывается таинство, от века сокровенное, Архангелу, да со трепетом возвестит Деве, он же благовествует Благословенней в женах; с нимже возопиим: радуйся, Благодатная, Господь с тобою.
— По 2-м стихословии седален. (Глас 4).
Восхваляются присно от православных христолюбцев Божественныя добродетели твоя: чистота, кротость, и смирение и милость к нищим; ныне и мы почитаем тя, святе, треблаженне святителю Гаврииле, и хвалим тя, мужественни быв подвигом твоим. (Дважды)
Слава Отцу и Сыну и Святому Духу, и ныне и присно и во веки веков. Аминь.
Всех Творца Бога и Создателя, Всенепорочная Святая, Духом Божественным зачала еси и нетленно родила еси; сего ради величаем тя и воспеваем, Дево, яко всех Царя палату и мира Помощницу.
— «Полиелей», 19-я кафизма (псалмы 134 и 135).
— «Величание» святителю (с избранными стихами из Псалтири).
— Седален по «Величании»: «Премудрость…» (глас 8).
Господь наш Иисус Христос постави тя святителем и просветителем народа сего, жребия Матере Своея, многими соблазны преткнувшагося и в нерадении погрязшаго; благодатию Его сохранял еси от всех сетей: жезлом веры отгоняя злыя волки, силою Троицы укрепляемь, невредимо покрыл еси стадо твое от расхищений их; и ныне моли Христа Бога даровати оставление грехов любовию почитающим память твою. (Дважды)
Слава Отцу и Сыну и Святому Духу, и ныне и присно и во веки веков. Аминь.
Собезначальное Слово Отчее от тебе приемлет начало естества нашего, Богородице, и Безлетный входит во время, и Слово воплощается, Сын же Божий Сыном твоим нарицается. О непостижимаго сего таинства! Иисус Христос вчера и днесь, Той же и во веки.
— Степенна, 1-й антифон, глас 4
От юности моея мнози борют мя нечистыя страсти; сего ради молю Тя: буди ми помощник и спаси мя, Блаже.
Ненавидящии Сиона, посрамитеся от Господа, и яко траву изсохшую поядет вас геенна.
Слава Отцу и Сыну и Святому Духу, и ныне и присно и во веки веков. Аминь.
Святым Духом всяка душа живится и чистотою возвышается, светлеется Троическим единосущием богоприлично и священнотайне.
— Прокимен (утренняго Евангелия): «Честна пред Господем смерть преподобных Его». (Глас 7).
Стих: Что воздам Господеви о всех, яже воздаде ми?
— Утреннее Евангелие от Иоанна, глава 10, стихи 9–16.
Рече Господь ко пришедшим к Нему иудеом: Я есмь дверь: кто войдет Мною, тот спасется, и войдет, и выйдет, и пажить найдет. Вор приходит только для того, чтобы украсть, убить и погубить. Я пришел для того, чтобы имели жизнь и имели с избытком. Я есмь пастырь добрый: пастырь добрый полагает жизнь свою за овец. А наемник, не пастырь, которому овцы не свои, видит приходящего волка, и оставляет овец, и бежит; и волк расхищает овец, и разгоняет их. А наемник бежит, потому что наемник, и нерадит об овцах. Я есмь пастырь добрый; и знаю Моих, и Мои знают Меня. Как Отец знает Меня, так и Я знаю Отца; и жизнь Мою полагаю за овец. Есть у Меня и другие овцы, которые не сего двора, и тех надлежит Мне привести: и они услышат голос Мой, и будет одно стадо и один Пастырь.
Лик: Слава Тебе, Господи, слава Тебе.
Слава Отцу и Сыну и Святому Духу.
Молитвами святаго великаго святителя Гавриила, Милостиве, очисти множества наших согрешений.
И ныне и присно и во веки веков. Аминь.
Молитвами Богородицы, Милостиве, очисти множества наших согрешений.
Помилуй мя, Боже, по велицей милости Твоей, и по множеству щедрот Твоих очисти беззаконие мое, и помилуй мя, Боже.
По 50-м псалме стихира.
Сокровище, еже принесл еси Церкви Божией, — непрестанныя подвиги и Божественныя проповеди твоя, — яко украшения златая, светло облекоша ю, и, яко венец царский, светло украшенный многоценными камении, возложи их на главу свою, да светит всем, иже с радостию входят в ню и молят тя о помощи.
— «Спаси, Боже, люди Твоя…»
Чтутся два канона.
1-й канон — Богородицы (ирмос дважды) — на 6 (см. в конце Параклитика каноны Богородицы: «Колесницегонителя фараона…» или «Воду прошед…»).
— 2-й канон — святителя (без ирмоса) — на 8. (Глас 8).
— Катавасия: рядовая.
— Малая ектения — «Поим Господеви».
Ирмос: Волнами покры древле фараона с колесницами и крепко вооруженным воинством Слово Отчее, воплотивыйся нас ради грешных, Емуже поем: Боже преславный, прославился еси.
Подвиг твой, святе, возрасти Церковь Иверскую и утверди народ наш в вере: ходатайствуй ныне к Богу, да очистит сердца и умы наша и исполнит нас бодрствования Божественнаго.
Сосуд избран избрав тя Христос Бог, всесвященне Гаврииле, исполни тя премудрости Божественныя и благодать разума щедро дарова тебе. Ныне отжени кичение и гордыню от ума моего и скажи ми путь благочестия.
Тесным путем нозе твои направив, зело обогатился еси добродетельми, всеблаженне Гаврииле, и высотою учений и проповедей прославился еси во святителех и дивен явился еси во отцех, богодухновенне.
«Слава Отцу и Сыну и Святому Духу»: Был еси пастырь добрый, Богородице велий молитвенник о стаде твоем, и зело любяй жребий Ея, Иверию, и молитвенник о иверех и о благом преуспеянии их.
«И ныне и присно и во веки веков. Аминь»: Всесвятая Невесто, нетленная, просвети и освяти помысл и душу мою, молю тя, и отжени мглу безумия моего и мрак грехов моих, да подобающе воспеваю тя.
Ирмос: На камени веры утверди мя и разшири уста моя на враги моя, и возвесели душу мою, да возопию Тебе, Едине: яко несть свят, разве Тебе, Бога моего.
Подобно Илии, возгорелся еси, яко огнь Божественный, на богоборцы и попалил еси языки их, и день от дне подвизался еси во славу Божию: и ныне моли о нас, всехвальне святителю Гаврииле, почитающих праздник твой, святе.
Проповедуя всенепорочную веру православия, научал еси стадо твое и учил еси хранити заповеди Божия. Того моли ныне, блаженне, да избавит нас от веры неживыя и теплохладныя.
Прелести не терпя и зело любя народ твой, научал еси всех брани на враги невидимыя и видимыя, да не приидет на них суд Божий, и ко вниманию в молитве наставлял еси.
«Слава Отцу и Сыну и Святому Духу»: Премудростию Божественною дивно исполнен быв в жестоком оном подвизе, не умолкал еси во всякое время молитву творити, и, к Богу непрестанно вопия, Божественныя проповеди составил еси Духом Святым.
«И ныне и присно и во веки веков. Аминь»: Исцели язвы души моея и ум мой, нерадением омраченный, просвети, Богородице, да воспеваю тя: несть свята, якоже ты, Пречистая, и нетленна, разве тебе, Владычице.
Егда сотвори тя Христос отцем и учителем народа, от врагов угнетеннаго, жребия Богородицы, водил еси его, якоже Моисей израильтяны, и мужеством и любомудрием, и доблественною бранию на враги оны невидимыя, и немилостивым изнурением плоти своея многим был еси дверь и путь в небесный Иерусалим. Ныне моли Бога, да дарует нам достойныя отцы и мудрыя наставники, учащия святому житию, да вси творим правду и хвалим Бога.
Слава Отцу и Сыну и Святому Духу.
Яко солнце светлое, сияя на тверди Церкве грузинския, преподобне святителю имеретинский, стаду твоему показовал еси путь правый и спасительный; и, якоже Иоанн Златоуст, безбоязненно обличая вельмож и священство, безчисленныя души избавил еси от потопления греховнаго: и ныне ходатайствуй пред Богом, да призрит на виноград сей Свой, егоже насади рукою Андрея апостола, и да воздвигнет достойныя делатели и труженики, творящия плоды его, иже да подъимут пасение и обращение грузин от пути лукаваго учением и жезлом обличения и всех да подвигнут ко славе и благодарению Бога.
И ныне и присно и во веки веков. Аминь.
Неневестная Богородице, Дево Святая, едина верных Заступнице, покрый нас от напастей и скорбей и избави всех, Непорочная, от лукаваго обстояния, иже всю надежду на тя имамы, и спаси души наша божественным твоим молением.
Ирмос: Не Ангел, но Сам Господь, от Девы воплотивыйся Бог, пришел еси к нам и всецело спасл еси нас, вопиющих: слава силе Твоей.
Быв зело бодр, вооружен постом, молитвою и трудом, день от дне глаголал еси словеса Божия безбоязненно, пастырю духовный, и во тьме неведения погруженныя наставлял еси шествовати путем Божественным.
О всем мире, паче же о грузинех моление возсылал еси, да противящияся истине одолевают правою верою и присно победу стяжавают над коварным врагом.
Светлость лица твоего и истощание тела свидетельствоваху о духовных мужественных трудах твоих, смиренное же житие твое — о чистоте внутренняго ума; и, подобно Христу, учил еси всех раздаяти богатство нищим и помогати скудным.
«Слава Отцу и Сыну и Святому Духу»: Сам святитель великий и зело ученый, подъятием жестоких трудов и возлюблением нищеты уподобился еси древним отцем; и, видяще тя в худой одежде и в куколе инока, вси удивляющеся ублажаху тя, святе, и хваляху Бога, возносящаго смиренныя.
«И ныне и присно и во веки веков. Аминь»: Богословцы глубину таинств Твоих проповедаша всячески непостижимую, Нетленная, яко Неописаннаго воплощенна родила еси неизреченно.
Ирмос: Светил Светодавче и погибших Спасение, Христе, Избавителю всех, к Тебе утренюем, Царю мира: просвети нас светом Твоим, яко разве Тебе, Благий, иного Бога не знаем.
ვითარ სარწმუნოსა მწყემსმთავარსა მოგანიჭეს რაჲ სამწყსოჲცა აფხაზეთ-სამეგრელოჲსა, სიყუარულითა ჰმწყსიდი და ასწავებდი დამარხვად მართლისა სარწმუნოებისა. აწცა გჳჴსენ ურთიერთსიძულილისაგან, რაჲთა კუალად აღდგეს ერთობაჲ ქუეყნისა ჩუენისაჲ და სამწყსოჲ შენი შევმტკიცდეთ სიყუარულითა ქრისტჱსითა.
Талант, вверенный тебе, богоносне, не скрыл еси в земли, но умножил еси, яко раб верный, и многосугубо принесл еси Богу: Того моли ныне, да отженет напасти и бесовская нападения от уповающих на тя.
Безмерная милость, и превысшая сладость, и смирение быша тебе наставницы на пути истиннем, и благодать, от Бога тебе данную, всем раздал еси: ныне совершающим память твою испроси избавление от согрешений, яко предстоя Богу.
Ревность имел еси о правой вере и о распространении любве; и, преподавая стаду твоему учение закона, совлекал еси толстое покрывало от очес душевных, и мнози возмогоша тобою познати истину. Ныне даждь и нам сердце разумно и мудро, во еже разумевати благое и злое.
«Слава Отцу и Сыну и Святому Духу»: Велий подвиг и труд на ся взял еси о толковании святых книг и землю твою писаниями благочестия исполнил еси, имиже украсил еси Церковь грузинскую и чада ея учением Божественным светло украсил еси.
«И ныне и присно и во веки веков. Аминь»: Новаго Отроча родила еси нам, Дево Святая, прежде век от Отца рожденнаго, Слово единое безначальное; Того моли, яко Сына и Бога твоего, да помилует нас, чистым сердцем исповедающих тя Богородицею, Мати Божия Пресвятая.
Ирмос: Волна греховная обыде мя, и к многой милости Твоей прибегаю: возведи мя, Благий, от потопления, Боже мой, молю Тя.
Быв учитель духовный и наставник грузин, подвизался еси, да возрастут в духовных и телесных благах, и, созидая читальни и училища, своим иждивением научил еси многих отроков во отечестве и в чужих странах.
Ревнуя о служении Богу и о просвещении народа твоего, созидал еси многи церкви и обновлял еси и украшал еси древния храмы и обители, иже даже доныне стоят во спасение душ и прославление Бога: Того моли ныне избавити от всех скорбей и страстей нас, иже совершаем память твою.
ჟამსა მას დევნულებათა შინა ყოვლისავე საქმისა ქართულისა, დამხობილ იყო რაჲ საყდარი ივერთა პატრეარქისა და მეფისაჲ, გამოსჩნდი ნუგეშად ერისა შენისა, და არცაღა დასცხრებოდი დაცვისათჳს ენისა ჩუენისა და აღორძინებისათჳს ქართულისა გალობისა.
«Слава Отцу и Сыну и Святому Духу»: Укрепляяй тя Христос Бог яви мужество подвигов твоих и распростре е во вся концы земли; сего ради хвалимся тобою и, научени от святых книг твоих, веселимся радостию.
«И ныне и присно и во веки веков. Аминь»: Пространнейшая небес бысть утроба Твоя, яко Бога вместила еси, Невесто Неневестная, Иже невместим и неописан есть от твари.
Апостолом сопрестольник и святителем красота был еси, Гаврииле, возсияв, яко солнце, и просвещаеши всех, и отгоняеши нощь безбожия глубокую. Сего ради почитаем тя, яко Божественнаго истиннаго иерея, таинника Христова.
Плоть изсушая теснотою и трудом, богоносне, возращал еси душу подвигом и молитвою; и, побеждая вся козни бесовския, яко пастырь бодрый, добре подвизался еси о стадех твоих, воспитав многих учением твоим и избавив от беззакония и греха: и о нас ныне моли человеколюбиваго Бога, да дарует нам покаяние и оставление грехов и сохранит нас от напастей невидимых и видимых врагов.
Ирмос: Повеление беззаконнаго мучителя пещь отроком паче разжже, Бог же всех оросил есть с небесе трех поющих, Иже благословен есть во веки.
Бегством от лихоимства и сластей отвергся еси себе, и, показав нам высоту смирения, образ был еси народу твоему, яко подражатель Пастыреначальника Христа: и ныне испроси нам избавление от сети бесовския и от злобы человеческия.
Не токмо своя плоды принесл еси Богу в жертву благовонную, якоже Авель праведный, но и иныя безчисленныя души принесл еси; и спаситель был еси и разбойнику, нападшему на тя, едина шествующа; егда же рекл еси ему имя твое, устыдеся; и, поим его с собою, преподобне, послал еси его во училище, и бысть и той учитель отроков.
Ниже уклонялся еси от обличения сильных; и, егда правою проповедию твоею умножил еси ненавидящих, браняху тя, отче, и, бесом подобно, безстудно клеветаху на тя; и, егда хотяху убити тя, святе, сохранен был еси силою Божиею.
მფარველ ხარ შენ არა მხოლოჲ იმერთ მხარისაჲ, სანატრელო, არამედ სრულიად საქართველოჲსა, და მლოცველი და მსწრაფლშემწჱ, და ყოვლად ძლიერი მეოხი ყოველთა ქართველთა. აწ ურვათა შინა მყოფნი ვითხოვთ შენ მიერ შეწევნასა, რაჲთა ჩვეულებისაებრ წინაპართა ჩუენთასა ვმსახურებდეთ ერსა, და მარადის ვადიდებდეთ ღმერთსა.
«Слава Отцу и Сыну и Святому Духу»: Святынею состарився, уразумел еси исход твой от плоти, и предал еси стадо и народ наш Господу; и, устроив вся на пользу души твоея, завещанием твоим вся трудом стяжанная раздал еси училищем и школам — на воспитание неимущих отроков и девиц, — и богадельням для вдовиц и сирот духовенства.
«И ныне и присно и во веки веков. Аминь»: Грозд жизни прозябла еси, яко лоза неделанная, Мати Божия, напоившая нас вином освящающим и веселящим умы, пиянства злаго разрешающим.
Ирмос: Пещь огненная в Вавилоне древле разделися Богом, яко халдеи пламенем ея опалишася, отроцы же, орошаеми, глаголаху: благословите, вся дела Господня, Господа.
Добра ненавистницы беси, не терпяще подвига твоего, святе, воздвигошася и нападоша на тя, плотию немощнаго, и начаша брань многими и различными кознями, но не возмогоша поколебати твердости веры твоея, ибо молитвою теплою разгонял еси множество их: и ныне в нас утиши возстания невидимых и видимых страстей.
Быв, яко мученик Христов, безкровно, богоносне Гаврииле, и сам всем прощая согрешения, последи у всех прощения просил еси и вопиял еси при исходе души: «Помяни мя, Господи, егда приидеши во Царствии Твоем». Ныне и о нас моли Бога, да избавит нас от всякия скорби и прелести.
Оставив сие преходящее житие, предал еси святую душу твою вожделенному твоему Христу, и Тем восхищен был еси во свет оный безконечный; даровав же тебе мзду трудов твоих, святое тело твое нетлением прослави, ибо лице твое многи дни бяше светло, преподобне, яко солнце, исполнено славы.
«Слава Отцу и Сыну и Святому Духу»: Егда украсися славный Гелати приятием нетленнаго тела твоего, собрася стадо твое отвсюду и прощахуся с тобою со излиянием слез, трудницы же народа похвалы тебе приношаху, святе, и нарицаху тя просветителем и отцем народа.
«И ныне и присно и во веки веков. Аминь»: Страсти души моея уврачуй сладостию, всепетая, утиши житие и просвети душу мою и направи мя на пути Божественныя, Владычице, да присно благословлю тя.
Ирмос: От Безначальнаго Отца Сын Божий явися, от Девы во избавление наше воплотися, просвещает омраченных и собирает во едино разсеянных, да с верою Рождшую Его величаем.
Сочетавшуся тебе множеству святых, погребоша тя в Гелатской обители; и аще и святое тело твое гроб покры, блаженне, но паче трубы вещают страшнии подвизи твои, имиже благоухаеши верным людем и просвещаеши вся концы небесе.
Видяще Божественное оное жительство твое, и реки богатейших учений, и знамения и чудеса велия, тобою совершенная, вся сия по смерти твоей описаша ученицы твои и благохвальным пением ублажаху тя, яко воистину доблестнаго воина Христова.
Христос даде тебе благодать и чудеса творити и тако почте тя в веце сем, но по смерти паче прославился еси пред Ним, и даже доныне не отступи от тебе честь святыни, ибо гроб твой бысть немощным, яко сокровище благодати и источник исцелений.
Вси уповающии на тя и любящии тя даже доныне спешат во обитель ону, в нейже святый гроб, мощи твоя содержащий, яко источник неоскудеваемый, обильно источает благоухание благодатей и исцеление дарует почитающим его.
«Слава Отцу и Сыну и Святому Духу»: Ограждение Божественное и доброе прибежище стяжа тя Церковь наша и повелевает всем верным ублажати тя, ревнителя теплаго и страстей самодержца, нищих питателя и грешных душ наставника.
«И ныне и присно и во веки веков. Аминь»: Таинство великое преславнаго рождества твоего удивляет Ангелы, Благодатная, и лик святых уязвляет любовию, и отцы воздвизает божественне воспевати тебе, всего мира упование.
— По «Величит» (песни 9-й): — «Достойно есть» — не поется.
— «Светилен»: Свет безплотный просвети тя, о отче наш, святителю Гаврииле, и, возсияв тя в утешение нам, распростре сияние на землю сию нашу, грехом омраченную, и мрак неведения отгна; сего ради подвиг твой, яко сокровище златое, облече Церковь Божию, и, яко венец царский, светло украшенный многоценными камении, возложи его на главу свою, да светит всем, иже с радостию входят в ню.
«Слава Отцу и Сыну и Святому Духу» (тожде).
«И ныне и присно и во веки веков. Аминь»: Богородицу воистину исповедуем тя, Владычице, тобою спасеннии, яко Бога родила еси неизреченно, Избавляющаго Крестом от смерти и привлекающаго к Себе собор преподобных, с нимиже восхваляем тя, Дево.
— «Всякое дыхание» — поется.
— На «Хвалитех» стихиры — на 8. (Примечание: изберите любые 4 или 6 стихов; вставочные же поются, аще праздник случится в неделю).
Хвалится праздник твой от любящих тя, блаженне, и мы с верою славим и покланяемся Пастыреначальнику всех Христу, укрепившему тя, треблаженне, и подвизаем тя на ходатайство ко Всесвятей Матери Его, Марии Богородице, да отженет коварство врагов наших и избавит нас от прелести лукавыя, да не будем предатели похвалы нашея — православия и гласом высоким присно славим Святую Троицу.
ღმერთმან ინება რაჲ წყალობაჲ და ცხორებაჲ ერისა ჩუენისაჲ, ჟამსა მას უწინამძღურობისასა გამოგარჩია მამად და წინამძღურად მისა, და სრულ ყავ რაჲ ქადაგებაჲ ჭეშმარიტებისაჲ, ვითარცა რიტორმან საღმრთომან მართლსწავლითა აღავსენ ყოველნი კიდენი ქუეყანისა ჩუენისანი და მიეც მორწმუნეთა საზრდელი უკუდავებისაჲ, აწ ჩუენცა გვექმენ წინამძღუარ ცხორებისა და მეოხად ქრისტჱს მიმართ, მაცხოვრისა ჩუენისა, რაჲთა მოგვიტევნეს მან უსჯულოებანი ჩუენნი და მოგუმადლოს შენებრი მჴურვალებაჲ სარწმუნოებისაჲ, ძმებრივი სიყუარული მოყუასისაჲ და საღმრთოჲ მოშურნეობაჲ მამულისაჲ, ხოლო ქუეყანაჲ ჩუენი დაიფაროს მტერისა საფრჴისა და ძმათა შორის ბრძოლისაგან.
О дарований, данных тебе, блаженне, имиже посрамил еси лукавыя бесы и явился еси правило святителем и похвала православным, услаждающее и светлое светило всего мира и немощным искуснейший и честный врач, имеяй благодать помогати верным: ныне призри на ны свыше, богоносне, и разруши всякую прелесть безбожия, и низложи враги и борцы христианства.
Хвалится ныне страна Гурийская, святе, ибо от нея прозябл еси, пастырь добрый и наставник ко утверждению народа нашего во благочестии; и веселится собор верных, воспоминающий подвиг твой, и просит твоего ходатайства к Богу, да мрак неведения, от греха бываемый, отженет от нас и безстрастием, верою и радостию облечет всех, преподобне, иже почитают славную память твою.
Радуется ныне народ наш и веселится святая обитель Гелатская, сокровище имущая святых мощей твоих, ибо мнози вернии спешат в день сей в недра ея, да со страхом приступят ко святому гробу твоему и возвеличат великое украшение грузин, сладкаго отца и учителя народа нашего, во многих душах насадителя благонравия и скораго врача всех недужных и одержимых, и да возопиют гласом велиим: «Умилостиви о нас праведнаго Судию Господа, святе, да укрепимся и оживотворимся душею и телом и возможем противитися всякому злу».
Стих: Честна пред Господем смерть преподобных Его.
Словесем духовным и уставом закона учащу тебе народ твой, Божественныя проповеди твоя переводы распространишася по многим землям, подвижниче и делателю добродетели Гаврииле; и, прошед мир сей достойно, славне, ныне, сладости рая сочетався, со ангелы радуешися и во веки царствуеши со Христом: Того моли ныне, да отженет всякое кичение и гордыню от омраченнаго ума моего и народ наш, именем Христовым нарицаемый, да обратит от всякаго пути лукаваго, да не вместо милости приимем осуждение дерзости.
— Стих: «Священницы Твои облекутся в правду, и преподобнии Твои радостию возрадуются».
შემოკრბით, ჵ, ერნო ქართველთანო, და შესხმითა სულიერითა უგალობდეთ წმიდასა და ახოვანსა ქრისტჱს მხედარსა, წმიდასა და დიდსა მღდელთმთავარსა გაბრიელსა, ერისა ჩუენისათჳს ფრიად დამაშურალსა წინაშე ღმრთისა, ჴსნად განსაცდელთაგან და განრინებად ყოვლისაგან ვნებისა და საცთურისა, და ვევედროთ, რაჲთა კუალად დაიფაროს მამული თჳსი - საქართველო - ყოვლისაგან ჭირისა და თანამბრძოლ გუეყოს ჩუენ მარადის წინააღმდგომად მბრძოლისა, ჩუენ ზედა აღბორგებულისა და დაგვიცვას უცხო თესლთა ზედა მოსლვისაგან.
«Слава Отцу и Сыну и Святому Духу»: Вострубим трубою песней, и возыграем, и возвеселимся, радующеся во всесвятый праздник святаго Гавриила епископа, и восхвалим блаженнаго, яко реки учения нам источившаго, и воспоим: немощнии — недугов врачу, скорбящии — избавителю, согрешившии — теплому ходатаю, печальнии — утешителю, далече путешествующии — спутнику, плавающии — кормчему, и вси всюду, всех надежду с верою величающе, глаголем: ходатай буди нам, блаженне, да молитвами твоими вооружит нас Господь Бог силою Своею непобедимою на вся видимыя и невидимыя враги наша и спасет нас. (Глас 6).
«И ныне и присно и во веки веков. Аминь»: Богородице Дево, Ты еси лоза истинная, прозябшая грозд жизни; Тебе молим, Благодатная: со апостолы ходатайствуй о спасении душ наших.
— «Славословие великое» — поется.
— Тропарь святителю, глас 4: В мире скорбь претерпел еси, со Христом же мир стяжал еси, словом твоим народ грузинский просветил еси и сокровища нестяжания в нем умножил еси, подвигом облеченный святителю Гаврииле, моли Христа Бога помиловати души наша.
— «Слава», «И ныне» — Богородичен воскресный отпустительный (по гласу тропаря): — Еже от века утаенное и ангелом несведомое таинство, Тобою, Богородице, сущим на земли явися Бог, в несливном соединении воплощаемь, и крест волею нас ради восприим, имже воскресив первозданнаго, спасе от смерти души наша.
— Тропарь святителю.
— Кондак святителю.
— «Изобразительныя антифоны» — при пении «Блаженн» вставляются
«Во Царствии Твоем» — на 8:
— Святаго, от 3-й песни — 4 тропаря (с ирмосом).
— Святаго, от 6-й песни — 4 тропаря, со своими «Слава» и «И ныне».
Апостол — святительский: Евр. 13, 17–25.
Евангелие — Лк. 6, 43 зач.; 11, 27–30.
— Тропарь святителю.
Кондаки — «Слава» — святителю.
И ныне — «Упование и прибежище…»
«Прокимен»: «Честна пред Господем смерть преподобных Его». (Глас 7).
Стих: Что воздам Господеви о всех, яже воздаде ми?
«Аллилуиа»: «Священницы Твои облекутся в правду, и преподобнии Твои возрадуются». (Глас 2).
Причастен: В память вечную будет праведник, от слуха зла не убоится.
Последование составила Тинатин Мчедлишвили.
Последование святому Гавриилу епископу посвящаю памяти родителей моих — Кетеван и Михаила; прошу поминать их за праздничною литургиею святаго Гавриила.
