Праздничное последование преподобному отцу нашему Арсению Икалтойскому

— «Приидите, поклонимся» — поется.

— «Благослови, душе моя, Господа» (псалом 103) — поется.

— «Блажен муж» — 1-й антифон 1-й кафизмы.

— «Господи, воззвах» (поется на 5-й глас).

— Преподобнаго Арсения. — На 8.

Ум твой вложил еси в учение Божественных книг, блаженне, и окрилил еси шествие твое ко высоте небесней, идеже и вселился еси, богомудре Арсение, и, соединен лику святых, радуешися пред Богом: помолися ныне к Нему и испроси, преподобне, ниспослати Церквам единство, мир и велию милость.

Славу мирскую тленную оставил еси и, по тесному пути нозе твои направив, отче Арсение, пострижен был еси во иноки в обители Икалтойской; странничество же бысть тебе наставник пути онаго истиннаго, и, достиг Константинополя, научился еси зело и книги духовныя Церкви нашей в сокровище собрал еси: помолися ныне ко Христу и испроси, преподобне, ниспослати Церквам единство, мир и велию милость.

Укрепляяй тя Христос Бог на Черную Гору направи тя, и, вселився в славную оную обитель Симеона Чудотворца, последовал еси подвигу переводческому благословением Ефрема Мцире; и тако преуспел еси, яко землю нашу, яко рекою, учением исполнил еси, и напоил еси сердца невеждей, и привел еси их в богопознание: помолися ныне ко Христу и испроси, преподобне, ниспослати Церквам единство, мир и велию милость.

Егда яви мужество подвигов твоих Ефрем, всем возвести и по всей земли распространи переводы твоя благословением Антония Тбелисдзе; ты же их поспешением и молитвою теплою достигл еси, блаженне, совершенной меры добродетелей: помолися ныне ко Христу и испроси, преподобне, ниспослати Церквам единство, мир и велию милость.

По преставлении учителя твоего, великаго подвижника Ефрема, Малым же нарицаемаго, паки отшел еси во Грецию и, вселився в Манганскую академию, ревностно последовал еси подвигу переводческому, к просвещению народа твоего и славе Божией: Того моли ныне, преподобне, ниспослати Церквам единство, мир и велию милость.

Бесов, тобою низложенных, видим, всехвальне Арсение дивный, сияние Божественныя любве и просветителю царей и народов; столпе непоколебимый терпения; утверждение и древо Церкве; светильниче всесветлый и светило всея Грузии; сокровище добродетелей и святою молитвою твоею ходатаю всех почитающих тя: помолися ныне ко Христу и испроси, преподобне, ниспослати Церквам единство, мир и велию милость.

Оставив странничество, молением Давида пришел еси в Иверию и помощник ему был еси в устроении Руис-Урбнисскаго собора; обретше же тя царь и народ, яко богатство Божие, с радостию прияша тя, ибо умножал еси учения душеполезная и научал еси царя и народ. Ныне же помолися ко Христу и о нас и испроси, преподобне, ниспослати Церквам единство, мир и велию милость.

Воистину добрый подвижник, молитвенник и столп непоколебимый явився царю Давиду, вселился еси прежде в Шио-Мгвиме и, повсядневно подвизаяся о переводе богодухновенных книг и о просвещении народа, царя и весь народ возвел еси на высоту духовную: ныне помолися ко Христу и о нас и испроси, преподобне, ниспослати Церквам единство, мир и велию милость.

Слава Отцу и Сыну и Святому Духу.

Празднует Церковь грузинская память твою и повелевает нам воспети подвиг твой, Арсение, красото Икалтойская, дивный, со ангелы соединенный храме таинств, бездно разума, зрителю неизреченных, отче старцев и учителю царев, похвало иноков и наставниче отшельников, иже пред Пресвятою Троицею радуешися, многим сиянием просвещен, и помощник еси молящих тя: помолися ныне ко Христу и испроси, преподобне, ниспослати Церквам единство, мир и велию милость. (Глас 6).

И ныне и присно и во веки веков. Аминь.

— Кто тебе не ублажит, Пресвятая Дево? Кто ли не воспоет твоего пречистаго Рождества? Безлетно бо от Отца возсиявый Сын Единородный, Тойже от тебе Чистыя пройде, неизреченно воплощься, естеством Бог сый и естеством быв человек нас ради, не во двою лицу разделяемь, но во двою естеству неслитно познаваемь. Того моли, Честная Всеблаженная, помиловатися душам нашим. (Глас 6).

— Вход с кадилом.

— Прокимен дне

— Паремии — 3 чтения преподобному (ищи 28 сентября, в службе святому Харитону).

— На литии стихира храма — 1.

— Таже преподобнаго Арсения.

Сей достопамятный, дивный и всехвальный отче наш Арсение, прозябл еси в стране Кахетинстей, в селе Икалто, сын от нарочитых князей, и от юности жительствовал еси во всяком смирении и подвизе; и, бегая почестей мирских, облеклся еси во ангельский образ в обители Икалтойской; и, отшед в странствие, оставив землю и отечество твое, гласом Господним призван, достигл еси Константинополя, Манганской академии, и тамо научился еси во славу Божию и к просвещению народа твоего.

О деле сем высоком и страшном, святе Арсение! Ибо, пришед на Черную Гору, подвиг и труд перевода святых книг от греческаго языка на ся взял еси и землю твою писаниями благочестия исполнил еси, имиже украсил еси Церковь грузинскую и чада ея учением Божественным светло украсил еси: ныне умири сердца наша, волнами мира колеблемая и оскверненная, и бдения Божественнаго исполни я.

Добродетельми обогатился еси, отче, и со Ефремом Мцире и Иоанном Петрици на Черной Горе подвизался еси к просвещению народа иверскаго; укрепляяй же вас Христос Бог яви мужество подвигов ваших и распростре е во вся концы земли вашея; сего ради радуемся, и хвалимся вами, и веселимся радостию, научени от святых книг и переводов ваших.

Ограждение закона и образ святыни стяжа тя боголюбивый царь грузинский ради светлости жития твоего и многажды писанием и молением умоли тя приити во царство его, да вси благословятся тобою и просветятся видением твоим; ты же, видя веру и любовь к тебе царя Давида, пришел еси к нему и советник и сподвижник был еси безчисленных благих дел его.

Благодать Божия вселися в тя, богоносне, и исполни тя премудрости, и сотвори тя проповедника велегласна, глаголюща таинства оная сокровенная, и явно светлым сотвори имя твое посреде картлосиан; и, яко солнце светлое, сияеши на тверди Церкве, блаженне, и, яко орган, уста твоя сладкогласно вещают сладкая учения.

Яко светлая звезда, возсиял еси во тьме неведения заблуждшим душам и ко свету невечернему наставник им был еси; богатейшия же благодати Божия исполненная молитва твоя, и слово, и учение быша кормило и правитель царю и князем, и священству и народом, ибо всех призвал еси к познанию и славе Божией; и, с царем Давидом основав Гелатскую академию, непрестанно подвизался еси в ней.

Яко Илия, безбоязненно обличал еси вельмож и священство и безчисленныя души избавил еси от потопления греховнаго: тако и ныне вразуми начальники и правители наша и огради я миром предстательством Богородицы, да ходим путями правды и истины и ублажаем тя, яко великаго отца и царева учителя.

Слава Отцу и Сыну и Святому Духу.

Ублажаем тя, пастыря и учителя иверов, иже, подобно солнцу, явился еси царю и народу нашему, и похвалами поем ти: радуйся, словес духовных и уставов закона непогрешительный списателю и в православии, от святых отец преданнем, утвердителю; радуйся, скверны суеверия омывателю и рукописаний, злобою времен и от невежд поврежденных, паки совершеннее и чище исправителю; радуйся, видящих и присутствующих великому подвигу твоему удивителю и посреде неразумных и ненаученных Божественных учений распространителю; радуйся, образе благочестия светлый, преподобне отче наш Арсение Икалтойский!

И ныне и присно и во веки веков. Аминь.

Радуйся, Дево, облаче и колеснице Слова; радуйся, превыше ума и внешняго предела, святое Божие жилище; радуйся, безбрачная, духом Бога превыше богов зачавшая; радуйся, без семене Родившая и без истления Питавшая; радуйся, Приснодево благословенная.

— На стиховне стихира. (Глас 8).

Вселившися в тя благодати Божией, возненавидел еси славу века сего и возлюбил еси смирение и странничество, молитву умиленную, бдение и стояние с воздеянием рук, безплотным уподобльшееся; и, скончав течение твое, с радостию предстал еси Христу. Святый старче Икалтойский, блаженне Арсение, и ныне испроси нам от Него велию милость.

Стих: Честна пред Господем смерть преподобных Его.

Умертвил еси похоть и возлюбил еси святое девство, святе Арсение, блаженне, и, яко свет, облеклся еси в чистоту, и, яко горлица, кротостию служил еси Христу умом непорочным, украшенный Божественным разумом. Сего ради хвалим тя и ублажаем благохвальным пением.

Стих: Блажен муж, бояйся Господа, в заповедех Его восхощет зело.

Украси тя Бог, святе, светом чудес и сиянием Божественных дарований, и, исполнив душу твою премудрости, яко источник живый и кладязь неоскудеваемый, источал еси учения Божественная ко возращению стада Христова.

Слава Отцу и Сыну и Святому Духу.

Рабе благий и верный, добрый делателю винограда Христова, ты мужественно и доблественно тяготу дне понесл еси и данный тебе талант умножил еси; сего ради с царем Давидом, учеником твоим, сопричтен еси и вшел еси в радость Господа твоего благаго: ныне ходатайствуй непрестанно о хвалящих тя.

И ныне и присно и во веки веков. Аминь.

Неневестная Дево, Бога во чреве неизреченно заченшая, Мати Бога Вышняго, моление раб твоих приими, Всенепорочная, подающая всем очищение грехов; и наше моление приими и испроси нам велию милость.

— «Ныне отпущаеши».

— По «Отче наш»:

— Тропарь преподобнаго: В тебе, отче, известно спасеся еже по образу: приим бо крест, последовал еси Христу, и дея учил еси презирати убо плоть, преходит бо, прилежати же о души, вещи безсмертней; темже и со Ангелы срадуется, блаженне Арсение, дух твой. (Дважды)

— «Богородице Дево» — единожды.

— Благословение хлебов.

— «Бог Господь» (поется на 4-й глас).

— Тропарь преподобнаго: «В тебе, отче, известно…» (Дважды)

— «Слава», «И ныне» — Богородичен воскресный отпустительный (по гласу тропаря):

Еже от века утаенное и ангелом несведомое таинство, Богородице, тобою сущим на земли явися: Бог, в неслитном соединении воплощаемь, и Крест волею нас ради восприим, имже воскресив первозданнаго, спасе от смерти души наша.

По 1-м стихословии седален, глас 1:

Сокровище, еже принесл еси Церкви Божией, — переводы и труды твоя, — яко украшения златая, светло облекоша ю, и, яко венец царский, светло украшенный многоценными камении, возложи их на главу свою, да светит всем, иже с радостию входят в ню, и Христу да представит всех, просвещенных благодатию Божиею! (Дважды)

Слава Отцу и Сыну и Святому Духу, и ныне и присно и во веки веков. Аминь.

Открывается таинство, от века сокровенное, Архангелу, да со трепетом возвестит Деве, он же благовествует Благословенней в женах; с нимже возопиим: радуйся, Благодатная, Господь с тобою.

— По 2-м стихословии седален. (Глас 4).

Благодать Божия вселися в тя, богоносне, и исполни тя премудрости, и сотвори тя проповедника велегласна, глаголюща таинства оная сокровенная, и явно светлым сотвори имя твое посреде картлосиан; и, яко солнце светлое, сияеши на тверди Церкве, блаженне, и, яко орган, уста твоя сладкогласно вещают сладкая учения. (Дважды)

Слава Отцу и Сыну и Святому Духу, и ныне и присно и во веки веков. Аминь.

Всех Творца Бога и Создателя, Всенепорочная Святая, Духом Божественным зачала еси и нетленно родила еси; сего ради величаем тя и воспеваем, Дево, яко всех Царя палату и мира Помощницу.

— «Полиелей», 19-я кафизма (псалмы 134 и 135).

— «Величание» преподобному (с избранными стихами из Псалтири).

— Седален по «Величании»: «Премудрость…» (глас 8).

უფალმან ჩუენმან იესუ ქრისტემან წარმოგავლინა შენ მოძღვრად და წინამძღოლად დავით აღმაშენებლისა, და განსანათლებლად ერისა ამის, ღმრთისმშობლის წილხვედრისა, გარნა მრავლითა საცთურითა დაბრკოლებულისა და თურქთა მაჰმედინთა და ერთბუნებიანთაგან ჰაოსიანთა ცთუნებულთა, და მისითა მადლითა ორნივე ეგე იცვებოდით ყოველთაგან-ვე საფრჴეთა ეშმაკისათა, რამეთუ კუერთხითა სარწმუნოებისაჲთა განიოტეთ ბოროტნი მგელნი და ძალითა სამებისაჲთა განძლიერებულთა უვნებელად დაიცევით სამწყსოჲ თქუენი ტაცებათაგან მათთა, ევედრე აწ ქრისტესა ღმერთსა, ცოდვათა მოტევებისა მონიჭებად, სურვილით პატივის-მცემელთა ჴსენებისა შენისასა. 2-გზის

Слава Отцу и Сыну и Святому Духу, и ныне и присно и во веки веков. Аминь.

Собезначальное Слово Отчее от тебе приемлет начало естества нашего, Богородице, и Безлетный входит во время, и Слово воплощается, Сын же Божий Сыном твоим нарицается. О непостижимаго сего таинства! Иисус Христос вчера и днесь, Той же и во веки.

— Прокимен (утренняго Евангелия): «Честна пред Господем смерть преподобных Его». (Глас 7).

Стих: Что воздам Господеви о всех, яже воздаде ми?

— Утреннее Евангелие: Лк., зач. 24; 6, 17–23.

— «Слава» — «Молитвами святаго отца нашего Гавриила…»

— «И ныне» — «Молитвами Богородицы, Милостиве…»

— «Помилуй мя, Боже…» (малый стих).

По 50-м псалме стихира.

Якоже ученик твой Давид Строитель, тако и ты, святе Арсение, не токмо своя плоды принесл еси Богу в жертву благовонную, якоже Авель праведный, егоже жертву обоня Бог, Создатель всех, в воню благоухания, но и иныя безчисленныя души принесл еси Христу и привел еси Ему плоды зело прекрасныя и благовонныя и агнцы непорочныя и чистыя; сего ради имаши дерзновение пред Богом: мира испроси миру и душам нашим велия милости.

— «Спаси, Боже, люди Твоя…»

Чтутся два канона.

1-й канон — Богородицы (ирмос дважды) — на 6 (см. в конце Параклитика каноны Богородицы: «Колесницегонителя фараона…» или «Воду прошед…»).

— 2-й канон — преподобнаго (без ирмоса) — на 8. (Глас 8).

— Катавасия: рядовая.

— Малая ектения — «Поим Господеви».

Ирмос: Колесницегонителя фараона погрузи, чудотворяй иногда, Моисейский жезл, крестообразно поразив и разделив море, Израиля же бегуна, пешеходца, спасе, песнь Богу воспевающа: яко славно прославися.

Святый преподобный отче Арсение, моли Бога о нас.

На сие духовное собрание всепетое, Духом Святым призвани, усердно собравшиися людие, воспоим и возрадуемся достойно памяти богоноснаго отца нашего, подвижника Арсения.

Святый преподобный отче Арсение, моли Бога о нас.

Молитвою и бдением стяжав от Спаса благодать Святаго Духа, всякия плотския сласти и вкусы презирал еси, постом и присною молитвою истощавал еси тело и всякими тесноты изсушал еси и изнемогал еси мучительство его.

Святый преподобный отче Арсение, моли Бога о нас.

Понуждаем быв от Ефрема, учителя твоего, к переводу творений греческих, он же посылаше я в Иверию, понеже оскудеша в то время светила православия в земли нашей, и прогоняше тьму оную неведения трудами рук твоих.

Святый преподобный отче Арсение, моли Бога о нас.

По смерти Ефрема молением царевым достиг предел Иверских, проповедал еси всенепорочную веру православия и, многих научая, учил еси хранити заповеди Божия. Того моли ныне, блаженне старче, да избавит нас от веры неживыя и теплохладныя.

Слава Отцу и Сыну и Святому Духу.

Переводчиче и сведущий в языце греческом и грузинском и просветителю всех церквей, благоухание подвига твоего, яко фимиам добрый, присно возношашеся к Богу. Того моли ныне, преподобне, да избавит нас от грехов и беззаконий.

И ныне и присно и во веки веков. Аминь.

Преславная глаголашася о тебе в род и род, Дево, приявшая во чрево Слово Божие и пребывшая Девою, Богородице Марие; сего ради вси величаем тя, по Бозе избавительницу нашу обретшуюся, яко славно прославилася еси.

Ирмос: Небеснаго круга Верхотворче, Господи, и Церкве Зиждителю, Ты мене утверди в любви Твоей, желаний краю, верных утверждение, Едине Человеколюбче.

Святый преподобный отче Арсение, моли Бога о нас.

Чистотою сердца быв жилище Святаго Духа, послан был еси от Бога ко очищению Церкве, преподобне, и даде ти благодать ко утверждению зело утесненнаго народа нашего и юнаго царя Давида. Ныне покрый стадо твое от всех страстей томящих.

Святый преподобный отче Арсение, моли Бога о нас.

Талант, вверенный тебе, преподобне, не скрыл еси в земли, но умножил еси, яко раб верный, и многосугубо принесл еси Богу, ибо перевод «Великаго Номоканона» положися основанием и камением утверждения «Определению» Руис-Урбнисскому.

Святый преподобный отче Арсение, моли Бога о нас.

Пастыря овец обретаем тя и добре подвизающагося молитвенника, достопетый Арсение, светлый свете священства, и столпе и утверждение собора иноческаго.

Слава Отцу и Сыну и Святому Духу.

Радуйся, преподобне отче Арсение, прекрасное украшение Кахетии, уставе и правило иноков; моли Христа Бога, да дарует оставление грехов нам, иже с любовию празднуем память твою.

И ныне и присно и во веки веков. Аминь.

Вселился еси во чрево Девы, Господи, и явился еси человеком плотски, якоже благоволил еси, и показал еси ю воистинну Богородицу, Едине Человеколюбче, и помощницу всем верным.

— По «Утверждение» (песни 3-й):

Седален: Быв учитель духовный и наставник славнаго царя грузинскаго Давида, научил еси его зело и просветил еси благодатию Божественною, и он иных просвети и возжела создати храм в обители Шио-Мгвимской; и ты создал еси светлый храм во имя Богородицы, иже даже доныне стоит во спасение душ и прославление Бога: Того моли ныне избавити от страстей и скорбей нас, богоблаженне Арсение, иже совершаем память твою.

Слава Отцу и Сыну и Святому Духу.

ყოველსა ქუეყანასა ჩუენსა განხდა ჴმაჲ ღუაწლისა შენისაჲ, ღმრთივგანბრძნობილო მამაო არსენ, სანატრელო, რამეთუ დაამდაბლე, რომელნი მაღლად იტყოდეს სიცრუვესა, ბოროტად შეცთომილნი ბილწნი მწვალებელნი ჰაოსიანნი, არაჲ ირწმუნებდეს რაჲ უგულისხმონი მჴსნელსა ორითა ბუნებითა, და აღამაღლებდი მართალსა და ჭეშმარიტსა სარწმუნოებასა, მრავალთა შეასწავებდი რაჲ შეურწყმელად ღმრთეებისა და კაცებისა შეერთებასა. აწცა მოეც მშჳდობაჲ მთავრობასა და მხედრობასა ჩუენსა მორწმუნესა და ერნი მადიდებელნი შენნი, იჴსენ უცხოთა სწავლებათა და საცთურთაგან.

И ныне и присно и во веки веков. Аминь.

Ко спасению народа нашего Духом Святым умудренную отроковицу, деву Нину Каппадокийскую, на апостольский путь пославшая, святая Дево, Мати Богородице, Тобою данным крестом от лозы виноградныя ею в Мцхете требища низложившая и в земли нашей апостольскую Церковь утвердившая, яже по многих летех ко утверждению народа нашего, от беззаконных умаленнаго, и распространению веры Христовы святаго и доблестнаго царя Давида возсияла еси и святаго и блаженнаго старца Арсения учителем и путей его наставником явила еси, Мати Слова, и ныне не престай молящи Бога о нас, уповающих на Тя.

Ирмос: Ты моя крепость, Господи, Ты моя и сила, Ты мой Бог, Ты мое радование, не оставль недр Отчих и нашу нищету посетивый; темже с пророком Аввакумом зову Ти: силе Твоей слава, Человеколюбче.

Святый преподобный отче Арсение, моли Бога о нас.

Вселився в обитель Шио-Мгвимскую, по уставу обители святаго Симеона положил еси уставы обители Мгвимския, всеблаженне Арсение; видящии же и слышащии святое житие твое славляху Бога, дивнаго во святых.

Святый преподобный отче Арсение, моли Бога о нас.

Добра ненавистницы беси, не терпяще подвига твоего, воздвигошася и нападоша на тя, святе Арсение, и начаша брань многими и различными кознями; ты же благодать чудес в дар приял еси, во еже исцеляти недуги с верою почитающих тя.

Святый преподобный отче Арсение, моли Бога о нас.

Козни безбожия не возмогоша поколебати твердости веры твоея, ибо не убоялся еси лукавых оных, коварных и лживых духов, но знамением Честнаго Креста и молитвою теплою разрушал еси безчисленныя сети их.

Слава Отцу и Сыну и Святому Духу.

Радуется Церковь с чады, исполнена светло Божественными оными переводы и творениями твоими, память твою совершает и хвалами славит Христа Бога: Того моли ныне, да отженет от уповающих на тя напасти, от врага воздвизаемыя.

И ныне и присно и во веки веков. Аминь.

Языцы человечестии изнемогают изрещи таинство рождества Твоего нетленнаго, Невесто Неневестная, верою же исповедуют Тя Матерь Света.

Ирмос: Не отрини мене от лица Твоего, Свете незаходимый, да не покрыет мене тьма непросвещенная, но обрати мя и к свету заповедей Твоих пути моя направи, молюся.

Святый преподобный отче Арсение, моли Бога о нас.

Ревнитель был еси великих оных Святогорцев, Евфимия и Георгия, постом и подвигом просиявших, преподобне, и вся дни жития твоего иждивал еси в подвизе и бдении.

Святый преподобный отче Арсение, моли Бога о нас.

Дивна суть таинства Твоя, Христе Боже, ибо послал еси нам, яко светильник огнегорящий, преподобнаго Арсения, православным грузинам подвижника и молитвенника, и славу и утверждение земли Иверския.

Святый преподобный отче Арсение, моли Бога о нас.

Егда посла тя царь со многим имением в Палестину, да вновь созиждеши и украсиши Крестную обитель, паче же гроб Господа нашего Иисуса Христа, возвратился еси в Иверию, и день от дне подвизастеся во славу Божию.

Слава Отцу и Сыну и Святому Духу.

Ныне кто изочтет подвиг твой дивный? Ибо воистину явился еси постников украшение и молитвенник Богу непостыдный. Того моли ныне избавити нас от всякаго недуга и от напасти лютыя.

И ныне и присно и во веки веков. Аминь.

Дерзновение матернее к Сыну твоему стяжала еси, Пренепорочная; не престани помогати нам пред Ним, молим тя, яко имаши к Нему ходатайство и оставление грехов всех христиан.

Ирмос: Молитву пролию ко Господу и исповем согрешения моя присно, яко зол душа моя исполнися, и крепость моя аду приближися, и, яко Иона, вопию: возведи мя, Боже мой.

Святый преподобный отче Арсение, моли Бога о нас.

Ревность крепкую имел еси, якоже Илия, честный отче, ибо возгорелся еси, яко огнь Божественный, на еретики и язычники и попалил еси языки их: ныне буди ходатай о нас, почитающих праздник твой.

Святый преподобный отче Арсение, моли Бога о нас.

Быв собиратель от древних писаний жития Нины, просветительницы и обратительницы грузин, прежде всех уразумел еси, блаженне, како послася жена во удел Богородицы на проповедь христианства.

Святый преподобный отче Арсение, моли Бога о нас.

Сокровенное таинство, яко явное, зрел еси, святый старче, грядущее же известно ведел еси, и вся реченная тобою истинна суть: ныне даждь нам сердце разумно и мудро, во еже разумевати благое и злое.

Слава Отцу и Сыну и Святому Духу.

Хвалится прекрасно праздник твой от любящих тя, блаженне Арсение, и ангели пение поющих приносят пред Бога: Того моли ныне, да покрыет нас от сети вражия и от вражды братий.

И ныне и присно и во веки веков. Аминь.

Избави нас от соблазна грехов наших молением твоим, Богородице Дево, к Сыну твоему, рождшемуся от тебе паче естества, Сыну Божию безначальному.

— По «Возопих» (песни 6-й):

Кондак: Хвалится ныне народ наш и веселится святая обитель Икалтойская, ибо мнози вернии спешат в день сей в недра ея, да возвеличат великое украшение грузин, отца и учителя царя Давида, во многих душах насадителя благонравия и скораго врача всех недужных и одержимых; сего ради вопием ти: молитвами твоими спаси нас, преподобне отче наш Арсение Икалтойский!

Икос: Празднуй, земле картлосиан, ибо милостию посети тя Христос Бог и дарова ти богокрасного отца и ученика его, царя Давида, ко утверждению народа нашего во благочестии; ибо оттоле никогдаже уклонися земля сия грузинская от святыя и правыя веры, ниже уклонимся во веки благодатию Святыя Троицы и предстательством Всесвятыя Владычицы Богородицы, надежды и покровительницы нашея.

Ирмос: Отроцы еврейстии в пещи по огню хождаху дерзновенно и, орошаеми, вопияху, глаголюще: благословен еси, Господи Боже, во веки.

Святый преподобный отче Арсение, моли Бога о нас.

Был еси учитель великаго царя Давида и наставник всех путей его, и Богородице велий молитвенник о народе нашем, и зело любяй люди жребия Ея, Иверию, и молитвенник о иверех и о благом преуспеянии их.

Святый преподобный отче Арсение, моли Бога о нас.

ჯერეთ მჴნჱ და ახოვანი მეფჱ დავით დასნეულდია და განაგო რაჲ ყოველივე სარგებელი სულისა თჳსისაჲ, ანდერძი თჳსი შენ მოგანდო და მეფედ კურთხევაჲცა ძისა თჳსისა და ევედრებოდა ღმერთსა ერისათჳს და სამეფოჲსა. აწ დაცემული ესე და დამდაბლებული ქართველთა ერი კუალად აღადგინე მსახურებად ღმრთისა და მამულისა მეოხებითა შენითა.

Святый преподобный отче Арсение, моли Бога о нас.

Безмерная милость, и превысшая сладость, и смирение быша тебе наставницы на пути истиннем, и всех учил еси, подобно Христу, да раздают щедро нищим и помогают скудным.

Святый преподобный отче Арсение, моли Бога о нас.

О всем мире, паче же о грузинех моление возсылал еси, да противящияся истине одолевают правою верою и присно победу стяжавают над коварным врагом.

Слава Отцу и Сыну и Святому Духу.

Яко солнце светлое, сияя на тверди Церкве грузинския, многих обличал еси и научал еси брани на враги невидимыя и видимыя и ко вниманию в молитве наставлял еси. Ныне же утвердился еси святым Церкве Иверския и имаши благодать помогати нам.

И ныне и присно и во веки веков. Аминь.

Радуйся, дщи Адамова; радуйся, Невесто Божия; радуйся, Мати Спасова, вместившая Творца твоего; заступи нас присно.

Ирмос: Седмерицею пещь халдейский мучитель богочтецем неистово разжже, силою же лучшею спасены сия видев, Творцу и Избавителю вопияше: отроцы, благословите, священницы, воспойте, людие, превозносите во вся веки.

Святый преподобный отче Арсение, моли Бога о нас.

Егда созда обитель Икалтойскую Зенон, един от тринадесяти, по многих летех обновил еси и распространил еси ю и собрал еси тамо богомудрыя отцы и мужи ученыя в наставление учености; и оттоле в ней научашеся народ наш многи веки, и наречеся Икалтойская академия.

Святый преподобный отче Арсение, моли Бога о нас.

Ныне просвещается Церковь Иверская славою твоею и повелевает всем верным ублажати тя, ревнителя теплаго и страстей самодержца, нищих предстателя и грешных душ наставника.

Святый преподобный отче Арсение, моли Бога о нас.

Ныне радуется и веселится собор верных, воспоминающий подвиг твой, и просит твоего ходатайства к Богу, да мрак неведения, от греха бываемый, отженет от нас и безстрастием, верою и радостию облечет всех, преподобне, иже почитают славную память твою.

Слава Отцу и Сыну и Святому Духу.

აწ მტერნი იგი ჭეშმარიტებისანი იღუწიან, რაჲთა ღმრთივდაცული ერი ჩუენი შთასთხინნეს უფსკრულსა უმეცრებისასა და გარდასახნეს ერად ბნელისა, ხოლო ჩუენ ვერცაღა ძალგვიძს წინააღმდგომად ბოროტისა, არამედ მოწყალე-ჰყავ ჩუენ ზედა მართლ-მსაჯული იგი უფალი, რაჲთა განვსძლიერდეთ და განვცხოველდეთ სულითა და ჴორცითა.

И ныне и присно и во веки веков. Аминь.

Трие отроцы в Вавилоне в пещи Троице поклонишася и образ златый презреша, и, росою окропляеми, песнию вопияху: вся дела, благословите днесь Бога и Господа, пойте и превозносите Его во веки.

Хвалим, благословим, покланяемся Господеви, поюще и превозносяще Его во вся веки.

— По «Благословим» (песни 8-й): — «Честнейшую».

Ирмос: Тя, Юже неискусобрачную Матерь и безневестную, Юже паче естества рождшую Безначальнаго, Иже есть Создатель, Бог истинный, немолчными песньми величаем.

Святый преподобный отче Арсение, моли Бога о нас.

Возвещен бысть тебе день исхода от века сего, и молился еси, и, предав стадо и народ наш, таже и душу твою Господу, соединился еси со множеством святых, и погребоша тя в обители Икалтойской, близ Зенона.

Святый преподобный отче Арсение, моли Бога о нас.

Видяще грузины гроб твой, источающий исцеления, и чудеса безчисленная, благодатию твоею бываемая, велегласно прославиша тя, яко чудотворнаго отца, и в память и во веки ублажение и хвалу тебе уставиша нам.

Святый преподобный отче Арсение, моли Бога о нас.

Честь святыни и смертию даже доныне не отступи от тебе, преподобне отче Арсение, ибо гроб твой бысть немощным, яко сокровище благодати и источник исцелений.

Святый преподобный отче Арсение, моли Бога о нас.

Уповающии на тя и любящии тя даже доныне спешат во обитель ону, в нейже святый гроб, мощи твоя содержащий, яко источник неоскудеваемый, обильно источает благоухание благодатей и исцеление дарует почитающим его.

Слава Отцу и Сыну и Святому Духу.

Не токмо святыя оныя обители житель еси, блаженне, но и всея земли грузинския, и молитвенник и скорый помощник, и всесильный и непобедимый покровитель и ходатай всех православных.

И ныне и присно и во веки веков. Аминь.

Ветхий закон прообразует тя, Дево Святая, и новый исповедует тя Богородицу, Неневестная, и мы, вернии, с верою глаголем: Родительнице Слова, не престай молитися Богу о уповающих на тя.

— По «Величит» (песни 9-й): — «Достойно есть» — не поется.

«Светилен»: Свет безплотный просвети тя, о блаженне Арсение, и возсия тя от Кахетии, и распростре сияние на землю сию нашу, грехом омраченную, и всякий мрак тьмы отгна, и, тобою просвещени, познахом закон и устав христианства и во истине прославихом Бога безначальнаго, в Трех Лицех покланяемаго, и тебе ходатая творим пред Ним. (Дважды)

И ныне и присно и во веки веков. Аминь.

Богородицу воистину исповедуем тя, Владычице, тобою спасеннии, яко Бога родила еси неизреченно, Избавляющаго Крестом от смерти и привлекающаго к Себе собор преподобных, с нимиже восхваляем тя, Дево.

— «Всякое дыхание» — поется.

— На «Хвалитех» стихиры — на 8.

Радуется ныне обитель Икалтойская, сокровище имущая святых мощей твоих, похвало подвижников и утверждение правыя веры, Святыя Троицы избранный служителю, ангелом подобниче, от земли на небо вознесенный и Царствия наследниче, Арсение, красото Икалтойская, дивный.

Хвалится Кахетия, отечество твое, со своими жители тобою, всехвальне, ибо оттуду прозябл еси, святе; и, прелести не терпя и зело любя народ, жребий Богородицы, обличал еси всех за нечестие, да не приидет на них суд Божий. Того моли ныне, да избавит нас от всякия скорби и прелести.

Подвиг твой, яко сокровище златое, светло облече Церковь Божию, и, яко венец царский, светло украшенный многоценными камении, возложи его на главу свою, да светит всем, иже с радостию входят в ню. Сего ради вопием ти, преподобне: моли Христа Бога, да отженет всякое кичение и гордыню от омраченнаго ума моего, и народ наш, именем Христовым нарицаемый, да избавит от сетей бесовских и от прелести и соблазна антихристова.

Сиянием благодати твоея просвети славящия тя, богоносне отче Арсение, ибо, подобно светилом великим, испущающим светлыя лучи, озаряеши вся празднующия память твою и Божественную благодать изливаеши на души верных, иже с верою и любовию хвалим праздник твой светлый и хвалы достойный.

В день сей духовнаго торжества верных, в праздник преподобнаго отца Арсения, тому возопиим: радуйся, небесный человече и земный ангеле; радуйся, многих на путь спасения наставивый; радуйся, праведных славо и народа нашего утверждение; ходатай буди нам пред Богом, да сохранит нас, православныя люди, от сетей сатаны и от нашествия иноплеменник и дарует нам мир и милость.

— Приидите, о людие грузинстии, и похвалами духовными воспоим святаго и доблестнаго воина Христова Арсения, святаго царя учителя и Икалтойския академии основателя, иже зело потщався о народе нашем духовне пред Богом, во избавление от напастей и во избавление от всякия страсти и прелести; и ныне моли Бога, да насадит в нас страх и отвращение от греха и любовь к добродетели.

Стих: Честна пред Господем смерть преподобных Его.

Аще и безчисленная дела твоя изумляют нас, богоносне Арсение дивный, но паче дивимся подвигу твоему и любви к Богу и ближнему, еюже страну сию Кахетинскую просветил еси чудесы, и присно помогаеши тепле к тебе прибегающим: непрестанно моли ныне Христа Бога о нас, почитающих всеблаженную память твою, во избавление от всех недугов и болезней.

Стих: Блажен муж, бояйся Господа, в заповедех Его восхощет зело.

Просветителю Кахетии и очистителю закона, ныне призри на ны свыше, богоносне, и утиши возстания невидимых и видимых страстей, отжени напасти и бесовская нападения от стад сих твоих и поющих тя, предстоящих пред гробом твоим, и принеси моление наше с Материю Божиею пред Христа, соспешествующим небесным воинствам, Предтечи и Иоанну Богослову.

Слава Отцу и Сыну и Святому Духу.

Вострубим трубою песней, и возыграем, и возвеселимся, радующеся во всесвятый праздник всехвальнаго Арсения Икалтойскаго. Соберитеся, о вернии грузины, и духовными похвалами украсим и восхвалим блаженнаго отца нашего, яко реки учения нам источившаго, и воспоим: немощнии — недугов врачу, скорбящии — избавителю, согрешившии — теплому ходатаю, печальнии — утешителю, путешествующии — спутнику, плавающии — кормчему, и вси всюду, всех надежду с верою величающе, глаголем: ходатай буди нам, богоносне, да молитвами твоими и прошением вооружит нас Господь Бог силою Своею непобедимою на вся видимыя и невидимыя враги наша и спасет нас. (Глас 5).

«И ныне и присно и во веки веков. Аминь»: Богородице Дево, Ты еси лоза истинная, прозябшая грозд жизни; Тебе молим, Благодатная: со апостолы ходатайствуй о спасении душ наших.

— «Славословие великое» — поется.

— Тропарь преподобнаго: «В тебе, отче, известно…» (Дважды)

— «Слава», «И ныне» — Богородичен воскресный отпустительный (по гласу тропаря):

Еже от века утаенное и ангелом несведомое таинство, Богородице, тобою сущим на земли явися: Бог, в неслитном соединении воплощаемь, и Крест волею нас ради восприим, имже воскресив первозданнаго, спасе от смерти души наша.

— Тропарь преподобнаго.

— Кондак преподобнаго.

— «Изобразительныя антифоны» — при пении «Блаженн» вставляются

«Во Царствии Твоем» — на 8:

— от 3-й песни преподобнаго — 4 тропаря (с ирмосом).

— от 6-й песни преподобнаго — 4 тропаря, со своими «Слава» и «И ныне».

Апостол — преподобному: Гал., зач. 213; 5, 22 — 6, 2.

Евангелие — Мф., зач. 43; 11, 27–30.

На входе:

Тропарь преподобнаго.

Кондаки — «Слава» — преподобнаго

И ныне — «Упование и прибежище…»

«Прокимен»: «Честна пред Господем смерть преподобных Его». (Глас 7).

Стих: Что воздам Господеви о всех, яже воздаде ми?

«Аллилуиа»: «Блажен муж, бояйся Господа, в заповедех Его восхощет зело». (Глас 6).

Стих: «Сильно на земли будет семя его, род правых благословится».

Причастен: В память вечную будет праведник, от слуха зла не убоится.

Последование составила Тинатин Мчедлишвили.