საეკლესიო კალენდარი · 2026

10 იანვარი შაბათი

ძველი სტილით — 28 დეკემბერი

შემდგომი დღესასწაული ქრისტესშობისა

ხსნილი დღე ხმა 5

32-ე კვირიაკე შემდგომად მეერგასისა. ხმა VII.

‹›

ხსენება

სახელზე დაჭერით გაიხსნება ცხოვრება

ქრისტეშობის შემდგომი კვირიაკე
მართლისა იოსებ დამწინდველისა, დავით მეფისა, ფსალმუნთა მთქმელისა და იაკობისა, ძმისა უფლისა^*
წმიდათა მოწამეთა ორთა ბევრთა (20 000) ნიკომიდიას დამწვართა: გლიკერი ხუცისა, ზენონისა, თეოფილე დიაკონისა, დოროთესი, მარდონისა, მიღდონი დიაკონისა, ინდისესი, გვირგვინისა, პეტრესი, ექვთიმესი, მოწამეთა ქალწულთა: აგათიასი, დომნასი, თეოფილასი და სხვათა (302)
მოციქულისა 70-თაგანისა ნიკანორისა (34)
ღირსთა მოწამეთა მამათა რაითს და სინას, რიცხვით ოთხმოცთა, რომელთა წინამძღვარნი იყვნეს წმიდა პავლე და წმიდა იოვანე (IV)

ამ დღის ყველა ცხოვრება — 3

საკითხავები

ცისკ.: სახ. მე-10, ინ.21:1-14(დას.66).

ლიტ.: ქრისტესშობის შემდგომი კვირიაკისა: გალ. 1: 11-19 (დას. 200). მთ. 2: 13-23 (დას. 4).

ლიტურგიკული შენიშვნა

შენიშვნა:იხ. „ბრძანებაჲ სამოციქულოჲსათჳს და სახარებისა, თუ ვითარ იქმნების შაბათსა და კჳრიაკესა შემდგომად ქრისტეს შობისა...“ (იხ. სადღესასწაულო, 1865 წ. გვ. 600. 2013 წ. წიგნი II, გვ. 212;Розанов В.В. Богослужебный устав Православной Церкви. 2005 г. с. 316).

ხმა და დღის ფსალმუნნი

ამ კვირის ხმაა 5რვა ხმა — ოქტოიხოსი

რა არის ხმა?

ხმა ფსალმუნის ნომერი არ არის. ეს არის კილო, რომლითაც იმ კვირას აღდგომის საგალობლები იგალობება — მთელი შვიდეულის მწუხრი, ცისკარი და წირვა ერთ ხმაზეა აწყობილი.

ხმები რვაა და კვირაობით იცვლება. წრე პასექის შემდგომი თომას კვირიდან იხსნება პირველი ხმით და ყოველ რვა შვიდეულში კვლავ პირველს უბრუნდება; თავად ბრწყინვალე შვიდეულს საკუთარი ხმა არ აქვს. ახალი ხმა შაბათის საღამოს, ახალ საეკლესიო შვიდეულთან ერთად იწყება.

ფსალმუნნი ოც კათიზმადაა დაყოფილი და ჩვეულებრივი წესით შვიდეულში ერთხელ სრულად იკითხება. ამ დღეს დაწესებულია:

ეს ჩვეულებრივი წესია. დიდმარხვაში ფსალმუნნი შვიდეულში ორჯერ იკითხება და კათიზმების განაწილებაც სხვაა.

დღის სიტყვა

ადამიანისათვის დამახასიათებელია ლტოლვა ნეტარებისაკენ, ანუ როგორც ზოგჯერ უწოდებენ – ბედნიერებისაკენ. ოღონდ ბედნიერება ესაა ნეტარება წუთიერი, ხოლო ნეტარება კი ბედნიერებაა მარადიული. გზა ნეტარებისაკენ წარემართება ღვთიურთა მცნებათა აღსრულებით.

— წმინდა იოანე ოქროპირი · #