Молебный канон
Господи Иисусе Христе, Сыне Божий, молитв ради Пречистыя Твоея Матере и всех святых, помилуй нас. Аминь.
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго.
Господи, помилуй. (12 раз)
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу. Приидите, поклонимся и припадем Христу, Цареви нашему Богу. Приидите, поклонимся и припадем Самому Христу, Цареви и Богу нашему.
Господи Иисусе Христе, Ты пречистыми Твоими устами рекл еси: «Аминь глаголю вам, яко аще два от вас совещаета на земли о всякой вещи, еяже аще просита, будет има от Отца Моего, Иже на небесех; идеже бо еста два или трие собрани во имя Мое, ту есмь посреде их» (Мф. 18:19–20). Непреложна суть словеса Твоя, Боже наш, и недоведомо смотрение Твое, и безчисленны милости Твоя, и человеколюбию Твоему несть предела.
Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.
Слава Отцу и Сыну и Святому Духу, и ныне и присно и во веки веков. Аминь.
Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже. Аллилуиа, аллилуиа, аллилуиа, слава Тебе, Боже наш, слава Тебе.
Бог Господь, и явися нам, благословен Грядый во имя Господне.
Стих 1: Исповедайтеся Господеви, яко благ, яко в век милость Его. Стих 2: Вси языцы обыдоша мя, и именем Господним противляхся им. Стих 3: Не умру, но жив буду и повем дела Господня. Стих 4: Камень, егоже небрегоша зиждущии, сей бысть во главу угла; от Господа бысть сей, и есть дивен во очесех наших.
Спаси, Господи, люди Твоя и благослови достояние Твое, победу на варвары Крестом богохранимому народу нашему даруй и под кровом его сохрани, да глаголем: Господи, слава Тебе.
Слава… Тропарь (тот же). И ныне…
Предстательство страшное и непостыдное, Всепетая Богородице, благая Хранительнице непоборимая, приими моление нас недостойных, утверди Православие, спаси народ наш и подаждь свыше победу от Христа Бога, Егоже родила еси, едина Благословенная.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Ирмос: Жезлом Чермное море разсечеся, иссякоша глубины, и бездна бысть путь безоружным, вооруженным же гроб; песньми воспоим, яко славно прославися Христос Бог наш живый.
Господи Иисусе Христе, Спасе наш, помилуй нас.
Единородный Христе, Божие Слове, егда заклался еси волею в жертву Отцу и принеслся еси за грехи мира, освятил еси, Избавителю, Церковь Кровию Твоею; и чада ея избави от всякаго зла.
Господи Иисусе Христе, Спасе наш, помилуй нас.
Верою покланяемся и со трепетом лобызаем Крест Твой, егоже дал еси нам во оружие и помощь, Иисусе Человеколюбче, и к Тебе вопием: избави народ наш от всякия страсти и от соблазна мира.
Слава Отцу и Сыну и Святому Духу.
Ныне воздвигошася сонмы безбожных, Христе, да растлят веру Твою на земли и истину умалят в народе нашем; но Ты даждь нам мужество спасительное и божественное ко исполнению воли Твоея.
И ныне и присно и во веки веков. Аминь.
За ны побори немилостиво борющих нас, Иисуса Христа Богородице, на Тя уповающих, и от всех бед и сетей избави землю сию, жребий Твой, ибо Ты еси, Пречистая, надежда и наставница наша.
Ирмос: Святая Троице, вознеси днесь рог Церкве непреклонно, превыше естества, на высоте веры Твоея, основании непоколебимем, и в ней утверди нас.
Господи Иисусе Христе, Спасе наш, помилуй нас.
Укрепи Церковь Твою, Христе Боже, юже создал еси силою Креста Твоего, имже посрамил еси диавола, и невредимы сохрани нас от всех козней его.
Господи Иисусе Христе, Спасе наш, помилуй нас.
Стяжавый нас в люди Своя верныя Кровию Твоею, Христе, мир Твой даруй нам и сохрани присно стадо Твое невредимо.
Слава Отцу и Сыну и Святому Духу.
Приидите, припадем ко Господу, да сотворит крепостию мышцы Своея отмщение на угнетающих грузин и непоколебимо утвердит народ наш в Православии.
И ныне и присно и во веки веков. Аминь.
Пристанище спасения знаем тя, вернии, Дево Марие, родившая Спаса всех нас неизреченно; Того моли о нас, да избавит нас от напастей.
Избави от напастей рабы твоя, Пресвятая Богородице Дево, ибо вси мы по Бозе к тебе прибегаем, яко к нерушимей стене и Предстательству.
Призри на ны, Всепетая Богородице, и тел наших лютыя язвы исцели и душ наших болезни.
Якоже яд змиин отравляет и умерщвляет человека, тако и пьянство, и дурман гашиша и опиума уязвляет сердце и душу человека и умерщвляет любовь к Богу и ближнему. Сего ради волнуемых всеми сими злыми страстьми (имена) приими и главу змия сокруши, уязвляющаго их ядом греха, да, в разум пришедше, отступят от скверных обычаев своих и прославят Тя, Благий Иисусе, яко Вседержителя, Спаса и Избавителя.
Ирмос: Егда пророк виде тайну сокровенную, ужасся и возопи: яко положил еси милостию любовь крепкую, Отче, и Сына Твоего Единороднаго дал еси сыном человеческим во оставление грехов.
Господи Иисусе Христе, Спасе наш, помилуй нас.
Ничтоже тако любезно и вожделенно диаволу, якоже одурманивание человека; но Ты исхити из рук его (имя) и насади в сердце ненависть ко греху и любовь к добродетели.
Господи Иисусе Христе, Спасе наш, помилуй нас.
Ты, Иже просветил еси род человеческий пришествием Твоим, Христе, и освятил еси концы земли Крестом, ныне, Владыко, сохрани ближних наших (имена) от злаго рабства и отверзи им двери веры.
Слава Отцу и Сыну и Святому Духу.
Како не ужаснемся, зряще упоенных питием и дурманом, Избавителю Иисусе? Никтоже может избавити их, разве Тебе; и ныне силою Твоею вразуми их, да отступят от греха и последуют Христу.
И ныне и присно и во веки веков. Аминь.
Дивною твоею помощию советы языков разори, о Предстательнице скорбящих, Благодатная, и паки сильныя и злыя борцы наша низложи, Дево, и козни их обличи.
Ирмос: Из тьмы грехов вопиют Тебе души наша, Многомилостиве Боже: светом Твоим незаходимым просвети нас и направи стопы наша, Благовестниче мира.
Господи Иисусе Христе, Спасе наш, помилуй нас.
Свет пришел еси, Христе, в мир и светиши исповедающим Тя; возжги в сердцах неведущих и немощных (имена) божественный огнь ревности, да возлюбят чистоту и подвигнутся служити Тебе.
Господи Иисусе Христе, Спасе наш, помилуй нас.
Царю Боже, Иже милостию щадиши люди Твоя и паки обращаеши к Себе скорбьми и напастьми, ныне сохрани ближних наших (имена), умерших от насилия страстей, и оживи во славу Твою.
Слава Отцу и Сыну и Святому Духу.
Якоже попрал еси вражду князя тьмы и просветил еси мир, Сам свыше явлейся, Иисусе, Солнце правды, Боже неописанный, тако и ныне низложи насилие лукавых человек, растлевающих народ наш.
И ныне и присно и во веки веков. Аминь.
Помилуй нас, Дево Святая Марие, и не предаждь нас в руки лукавых насильников, да не рекут вси: где есть Богородица, на Нюже уповают? И стадо твое покрый ненападаемо.
Ирмос: Во чрево прият Иону кит и не растли его, ибо тем прообрази тридневное погребение Твое, Иже погребение на Себе прият нас ради, Блаже; и глаголаше он стрегущим: о лживии, милость свою оставили есте днесь.
Господи Иисусе Христе, Спасе наш, помилуй нас.
На камени создал еси Церковь и в ней собрал еси языки, да поют Тебе; сопротивныя силы воздвиглись суть упразднити силу Твою, Христе, но ныне огради ю силами небесными.
Господи Иисусе Христе, Спасе наш, помилуй нас.
К Тебе прибегаем, Христе, Надеждо отчаянных, и молим Тя:
Ныне волцы хищнии обыдоша словесныя овцы Твоя растлити, но к Тебе прибегаем, Христе, Надеждо отчаянных, и молим Тя: даждь нам пастыри и правители верныя и праведныя, наставники стадом своим.
Слава Отцу и Сыну и Святому Духу.
Якоже велиара со сонмом его изнемощил еси, Христе, тако и народ наш, в разслабление сна впадший, пробуди и от всех губительных дел диавольских, тайных и явных, всецело отлучи.
И ныне и присно и во веки веков. Аминь.
Тя едину имамы нетленный покров, Дево, но не ведят владычества Твоего безбожнии народи, угнетающии жребий Твой; но потряси и устраши их, Владычице, и избави нас от всех зол и напастей.
Избави от напастей рабы твоя, Пресвятая Богородице Дево, ибо вси мы по Бозе к тебе прибегаем, яко к нерушимей стене и Предстательству.
Призри на ны, Всепетая Богородице, и тел наших лютыя язвы исцели и душ наших болезни.
Вознесыйся на Крест волею, тезоименитому Твоему новому жительству щедроты Твоя даруй, Христе Боже; возвесели силою Твоею богохранимый народ наш, победы даруя ему на сопротивныя, пособие имущему Твое оружие мира, непобедимую победу — Крест Твой всесильный.
Рече Господь: просите, и дано будет вам. Ибо всякий просящий получает, и ищущий находит, и стучащему отворят. Есть ли между вами такой человек, который, когда сын его попросит у него хлеба, подал бы ему камень? и когда попросит рыбы, подал бы ему змею? Итак, если вы, будучи злы, умеете даяния благие давать детям вашим, тем более Отец ваш Небесный даст блага просящим у Него.
Слава Тебе, Господи, слава Тебе.
Слава Отцу и Сыну и Святому Духу.
Господи Иисусе Христе, Сыне Божий, очисти множества наших согрешений.
И ныне и присно и во веки веков. Аминь.
Молитвами Богородицы, Милостиве, очисти множества наших согрешений.
Помилуй мя, Боже, по велицей милости Твоей, и по множеству щедрот Твоих очисти беззаконие мое, и помилуй мя, Боже.
Стихира: Иже многажды дал еси победу царем нашим, Христе, и прославил еси Церковь в Православии, тако и ныне приими молитвы наша и Церковь Твою сохрани непоколебиму; даруй Крестом победу народу нашему, крепость верным и вознесение рога их на еретики, мир миру и душам нашим велию милость.
Ирмос: Согрешихом, беззаконновахом, неправдовахом пред Тобою, ниже соблюдохом ныне, ниже сотворихом, Владыко, якоже заповедал еси нам, но не предаждь нас до конца, Вышний, отцев Боже.
Господи Иисусе Христе, Спасе наш, помилуй нас.
Иже многим человеколюбием Твоим не восхотел еси оставити человека под властию диавола, Милостиве, в кончину веков к погибели приближившихся волнами грехов (имена) избави от зверя душегубительнаго.
Господи Иисусе Христе, Спасе наш, помилуй нас.
Низложи, Господи, враги животворящаго Креста Твоего и Богородицы, и избави народ наш от зла, и огради от всякия скверны и соблазна, яко един Благодетель.
Слава Отцу и Сыну и Святому Духу.
Избавителю Иисусе, изнеможи всех распространителей дурмана — неверных и пособников диаволих — и пресецы их; а иже в разум приидет, подобно ниневитяном, присно да хвалит Бога.
И ныне и присно и во веки веков. Аминь.
Якоже стена непоколебимая и неразрушимая и столп непоколебимый еси Ты народом христианским, тако и ныне и мы Тебе зовем, Владычице: да избавиши нас от всех скорбей, болезней и мук.
Ирмос: Святии Твои отроцы в Вавилоне, херувимом уподобльшеся, трисвятую песнь глаголаху: благословим Тя, поем и превозносим, всех Бога.
Господи Иисусе Христе, Спасе наш, помилуй нас.
Се, яко львы, хвалятся на ны врази наши и угнетают нас; но Ты смири высоту их и избави нас от злодейства лукавых, да познают, яко люди есмы стада Твоего.
Господи Иисусе Христе, Спасе наш, помилуй нас.
Оком Твоим всевидящим призри на отравленных ядом и присно омраченных умом (имена); помилуй и исцели безчисленною милостию Твоею.
Слава Отцу и Сыну и Святому Духу.
Святая Троице, вознеси рог Церкве на высоте веры Твоея, основании непоколебимем, и в ней укрепи народ наш и даруй победу на борющия.
И ныне и присно и во веки веков. Аминь.
Богородице Всепетая, Ты вся можеши у Сына Твоего Превечнаго; моли убо Его, яко милостивая Мати, о избавлении нас от всех скорбей.
Ирмос: Ты едина блаженна еси в родех, Дево, яко возсия нам от тебе свет, сидящим во тьме, и просвети души наша; сего ради, Богородице, праведно тя величаем.
Господи Иисусе Христе, Спасе наш, помилуй нас.
Якоже древле всесильным воеводством твоим избавила еси царствующий град от врага, тако и ныне разруши козни безчисленных врагов и угнетателей наших, Пречистая, и избави нас от внутренняго предательства корыстолюбивых правителей.
Господи Иисусе Христе, Спасе наш, помилуй нас.
О Владычице Святая, во объятиях Христа Носившая, простри на нас милость твою, яко облак светлый, и новосажденныя чада народа нашего избави от всех ум отъемлющих и погибельных страстей и злодеяний.
Слава Отцу и Сыну и Святому Духу.
Небесными силами, полками невидимыми огради страждущих сих рабов (имена) и лютый недуг их невидим сотвори, Дево Святая Богородице, и паки укрепи, да сохранят заповеди Сына Твоего.
И ныне и присно и во веки веков. Аминь.
Сила и крепость, Покровительница и Укрепительница буди людем твоим, Дево, в недрах Носившая Христа Бога, и умилостиви Его, да покрыет нас от волн и бед и избавит нас от огня будущаго.
Достойно есть яко воистину блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Мирянин читает:
Сам научил еси нас, Спасе наш, молитися тако богосветло и присно: «Отче наш Небесный, прости и остави нам долги наша и не введи нас в предлежащее искушение, но избави нас от лукаваго — гордаго врага, погубителя душ и телес наших, миродержца, темнаго велиара».
Спасе наш, Слове и Сило Отча, помилуй нас и утоли гнев Твой за грехи наша, Христе, и низложи дерзость лукавых и корыстолюбцев, ибо весьма изнемогоша сей избранный народ Твой многообразными страстьми, и воздаждь им суд Твой праведно.
Ныне ужасаются и трепещут матери, и сестры, и чада окаянных оных страждущих, различным питием и дурманом ума лишенных, и, утреннюю к Тебе, Всесильный Иисусе, Избавителю наш, реки слез проливают и молят Тя об исцелении ближних своих и об освобождении от страсти оныя.
Се, ныне мнози безбожнии и язычницы хвалятся на люди твоя, Святая Марие, и умышляют на них злое; не предаждь в руце их, да не рекут: где есть Богородица, на Нюже уповают? И стаду твоему даруй благоденствие и мир, да, невредимо сохраняеми, благодарим тя и славим Бога:
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.
Помилуй нас, Господи, помилуй нас; всякаго бо ответа недоумеюще, сию Ти молитву, яко Владыце Благому, грешнии приносим: помилуй нас, Господи, помилуй нас.
Слава Отцу и Сыну и Святому Духу.
Господи, помилуй нас, на Тя бо уповахом; не прогневайся на ны зело, ниже помяни беззаконий наших, но призри на ны милостию, яко благоутробен, и избави ны праведно от гнева Твоего; Ты бо еси Бог наш, и мы людие Твои, вси дела руку Твоею, и имя Твое наречеся на нас, и помилуй нас.
И ныне и присно и во веки веков. Аминь.
Милосердия двери отверзи нам, благословенная Богородице, надеющиися на тя да не погибнем, но да избавимся от сопротивных врагов: ты бо еси спасение рода христианскаго.
О Человеколюбче Господи Иисусе Христе, Спасе душ наших, погибших взыскуяй и заблудших обращаяй, болящих исцеляяй, кающихся милуяй, мертвых воскрешаяй и нищих утешаяй, ныне и мы призываем Тя, Избавителя в скорбех и напастех, и вопием Тебе: приими воздыхание и сетование матерей и сестер, и честных супруг, о мужех своих плачущих, и детей скорбящих, и зде Тебе молитвенно вручаемых (имена) избави от рабства смертоносныя оныя страсти и исцели дивно, да познаем вси, яко Ты еси сила наша и крепость.
О Господи Боже, Спасе наш Иисусе Христе, врази и ненавидящии Тя укрепишася и коварством подвизаются, да и народ Господень растлят и явят народом тьмы; но мы на Тя уповаем и молим Тя: даруй нам теплоту веры, братскую любовь к ближнему и божественную ревность об отечестве; всех же уязвленных насилием страстей и скверною грехов похищенных (имена) исхити от глубин погибели и даруй спасение души и тела. Сохрани и в служении укрепи великаго господина нашего, Святейшаго и Блаженнейшаго Католикоса-Патриарха всея Грузии, архиепископа Мцхетско-Тбилисскаго и митрополита Бичвинтскаго и Цхум-Абхазскаго, отца нашего Илию, и преосвященных митрополитов, архиепископов и епископов, честных пресвитеров, во Христе диаконов и весь монашеский чин, членов Православной Церкви и всех православных христиан. Сохрани, Благий Господи, святую Церковь нашу и всем чадам ея благо направи шествие по пути истины, да спасемся и сподобимся Царствия Твоего, ибо Царство Твое благословенно и препрославлено, со безначальным Твоим Отцем и Пресвятым и Животворящим Твоим Духом, ныне и присно и во веки веков. Аминь.
Слава Отцу и Сыну и Святому Духу, и ныне и присно и во веки веков. Аминь.
Господи, помилуй (трижды),
Господи Иисусе Христе, Сыне Божий, молитв ради Пречистыя Твоея Матере и всех святых, помилуй нас. Аминь.
Господи Иисусе Христе, крепость и надежда наша, не помяни грехов наших и не отвратися гневом Твоим, но милостию призри на народ наш и сокруши и низложи безбожных оных коварников, умышляющих погибель чад наших различными соблазны, да познают вси, яко Ты еси Бог наш, и мы — людие Твои, всецело сохраняемии силою Твоею.
Всенепорочная Богородице, Владычице Марие, Мати Иисуса Сладчайшаго, благослови нас, верою припадающих к матерней твоей благодати и помощи, и сподоби нас безконечныя славы Сына твоего. Аминь!
Составила Тинатин Мчедлишвили
