Тропари и стихиры святому великомученику Георгию
Иже безмездный источник исцелений стяжал еси, святый великомучениче Георгие, и подвигом твоим врач был еси немощем нашим, молим тя, ходатайствуй о душах наших.
Ходатайствуй о нас, святый Георгие, да избавимся от беззаконий наших, ибо дана ти есть благодать ходатайствовати о нас.
Возвеличился еси духом, мужественный Георгие, претерпел еси подвиг, противостал еси царем и слово отвещал еси мучителем, ибо ты еси храм Христов и столп непоколебимый; моли Господа непрестанно о спасении душ наших.
Кое пение или кая похвала святаго Георгия подобает Тебе? Ибо он приклони выю свою под меч за Тя, Иже приклонил еси небеса и снизшел еси; пролия кровь свою за Тя, Иже смирил еси Себе и зрак раба приял еси; обнища даже до смерти, уподобляяся нищете Твоей. Его ходатайством и многою милостию Твоею, Боже, помилуй нас.
Просим от Тебе, Милостиве, призри на ны и помилуй нас молитвами победоносца мученика Георгия.
Мученик Твой, Господи, Георгий, ради небеснаго Иерусалима плоть на муки предаде и со Ангелы сожитель бысть; его ходатайством даруй душам нашим велию милость.
Господи, даровавый мир Твой святому Георгию и явивый его светом миру, имже страсти прогоняются и диавольская прелесть упраздняется, его молитвами, Господи, помилуй нас.
Светлы суть и радуются Церкви Христовы, и во свете сияет святый мученик Георгий, и о нас ходатайствует пред Господом.
Мученик Твой, Господи, Георгий, верою утвержденный, надеждою укрепленный, любовию ко Кресту Твоему вожделенно соединенный, силу вражию попра и венца сподобися, и со Ангелы присно ходатайствует о душах наших.
Ко храму твоему, святый Георгие, крову имене твоего, потщимся вси; молим тя, мучениче Христов, буди нам ходатай пред Отцем Небесным.
Святый мученик Георгий, Господи, укрепися верою и врага борющаго победи, благодать стяжа от Спаса и о нас ходатайствует.
Доблий мученик Георгий во брани бесовстей победи, приобщися множеству Ангелов, взя крест и последова Христу. Служителю Божий, блаженне, ходатайствуй о душах наших.
Святый мученик Георгий, воин Царя великаго, мужественно презре муки и попра гордыню мучителей, и ныне ходатайствует даровати миру и душам нашим велию милость.
Мукам и огню мученик плоть принесе в жертву, Спасе, яко фимиам, и пред Тобою радуется.
Святый мученик Георгий обличи мучителей премудростию учения и попра прелесть диаволю, острием меча освободися и со Ангелы сожитель бысть; его молитвами, Господи, помилуй и спаси нас.
Собор Ангелов хваляше святаго воина, не убоявшагося меча и огня, Иже дарова ему венец славы; его ходатайством, Христе Боже, помилуй нас.
Терпением венчася святый мученик Георгий, о нас ходатайствует пред Господом.
Помилуй нас, Господи, помилуй нас молитвами победившаго в подвизе святаго Георгия. Сие моление приносим: помилуй нас, Господи, помилуй нас.
Мучениче истинный и подвижниче Христов, мужественный Георгие, страданием мира сего себе предал еси и всяку муку претерпел еси, и со Ангелы ходатай явился еси; Помощниче мира, ходатайствуй о душах наших.
С радостию воспоим, сотворим память святаго мученика Георгия, иже веселится и радуется во Царствии.
Подвигом облеченный мучениче Спаса Христа, иже добре подвизался еси подвигом благочестия, ходатайствуй о душах наших, да избавимся от всякия скорби.
Велие чудо, еже бысть от доблестнаго Христова, ибо прелесть диаволю победи, и мучительство зверей презре, и честию ангельскою на небесех венчася. Его ходатайством и многою милостию Твоею, Боже, помилуй нас.
Святый мучениче Георгие, и о нас буди ходатай ко Спасу о приятии душ наших.
Святый мучениче Георгие, подвижниче и доблий, буди ходатай о гресех наших, ибо молитву твою услышит Бог и грешным сотворит оставление.
Собрала и составила Тинатин Мчедлишвили
Святый Георгие Каппадокии, Иерусалима, Вифлеема, Гефсимании, Египта, Рима, Галатии, Солуни, Киликии, Кесарии, Коринфа, Одиши, Абхазии, Чхари, Атоци, Удзо, Усанети, Кавты, Коринты, Гори, Цхинвали, Мухрани, Дигоми, Кашвети, Калаубани, Телети, Гориджвари, Марткопи, Хашми, Ниноцминды, Сагареджо, Манави, Пховели, Зиари, Кондоли, Телави, Руиспири, Шилды, Греми, Кварели, Гавази, Алаверди, Гурджаани, Карданахи, Кизики, Мелаани,
Божество, Лице Божие, Столпе Животворящий, Хитоне Господень и вси святии, будите покровители и ходатаи рабу сему вашему (рабе сей вашей) (имя).
