Молитва об умножении любви и искоренении зависти и всякой злобы
Союзом любве апостолы Твоя связавый, Христе, и нас, верных Твоих рабов, к Себе тем крепко связав, творити заповеди Твоя и друг друга любити нелицемерно сотвори, молитвами Богородицы, едине Человеколюбче.
Слава Отцу и Сыну и Святому Духу.
Огнем любве к Тебе, Христе Боже, согрей сердца наша, да, тою разжигаемы, сердцем, умом и всем существом возлюбим Тя искренно и, заповеди Твоя храняще, прославляем Тя, всех благ нам Подателю, Господи, слава Тебе.
И ныне и присно и во веки веков. Аминь.
