Славословия и моления
Сущности Образе непреложный, Печате непоколебимая, бесстрастный Сыне, Премудросте и Слове, Мышце десная и Сило Вышняго, Тебе поклоняемся со Отцем и Духом.
Пресвятая Богородице, спаси нас, превысшая Херувимов и несравненно славнейшая Серафимов, носившая плотию Бога Слова: яко Богородицу Тя песньми величаем.
Кресту святому и честному, егоже хвалят Ангели и Силы небесныя, и мы с ними поклоняемся и славим и просим от него избавления от всех страстей.
Больший всех рожденных, мы, собрания верных, стоящие на молитве, с умилением и слезами припадаем к тебе, Крестителю Христов: буди покровитель уповающих на тебя.
Столпе, Богом воздвигнутый, поклоняемся тебе — хитоне Господень и миро святое, Кресте Христа Бога, — да подашь победу Царю нашему, тобою помазанием венчанному.
Небесных сил воинства Архистратизи, покровом крил ваших оградите нас, молящих вас, и при исходе души нашей избавьте нас от руки темных воздушных стражей.
Праведне, кроткий и чистый умом, нечестивых крепко потопивший, жаждущих напоивший и Боговидче, законодавче, пророков начало, Моисее, моли о нас.
Пророче великий и честный, молитвою твоею иссушивший капли дождевые и низложивший супротивных врагов, Илие преславный, моли о нас.
Священства одеждею светло облекшийся, по закону всесожжения благоприятная Богу священнолепно принес еси, Захарие, и был еси светильник и зритель таинственных, и знамения благодати в себе носящий явился еси, всемудре, и мечем убиен был еси во храме Божии, Христов пророче: с Предтечею моли спастися душам нашим.
Больший всех рожденных, мы, собрания верных, стоящие на молитве, с умилением и слезами припадаем к тебе, Крестителю Христов: буди покровитель уповающих на тебя.
Верховных апостолов возвеличим, светильников всего мира: Петра, камень твердости, Павла, уста Христовы и учителя язычников, да их молитвами получим прощение грехов.
Призвавшему тебя Христу Царю усердно последовал ты, оставив мытарство, — Ему, явившемуся людям на земле по благости; и явился ты избранным апостолом и громогласно благовестил Евангелие миру; посему чтим святую память твою, Матфее богослове: моли милостиваго Бога, да прегрешений оставление подаст нам и душам нашим велию милость.
Научен был ты верховным апостолом Петром и принял апостольство Христово, и, как солнце, просветил концы мира, и стал красотою александрийцев, блаженне; тобою Египет избавлен от заблуждения и учением Евангелия твоего воссиял, как свет; посему, чтущие память твою, светло празднуем успение твое, Марке, Божий проповедниче: моли Христа Бога, да подаст прощение грехов душам нашим.
Апостоле святый, евангелисте Луко, моли милостиваго Бога, да прегрешений оставление подаст нам и душам нашим велию милость.
Во время страдания предстоявший Кресту, тебя Царь назвал Своим братом и вверил тебе пренепорочную Матерь Свою: о Иоанне Богослове, моли о нас.
Возвеличим апостола Андрея, принесшего нам икону Всесвятой и ею обратившего язычников к поклонению Отцу и Сыну и Святому Духу.
Яко Господень ученик, восприял еси, праведне, Евангелие, яко мученик имаши исповедание, дерзновение — яко Божий брат, ходатайство — яко священник: моли Христа Бога помиловать души наша.
Некрещеных рассеянных овец, как добрый пастырь, собрала ты и привела грузин к истинному Богу, мати святая Нино: моли о чадах твоих Христа Бога.
Креста Твоего образ на небесах увидев и, как Павел, звание не от человек приняв, в царях апостол Твой, Господи, явившийся, царствующий град в руки Твои вверил: храни его всегда в мире и молитвами Богородицы помилуй нас.
Сосуде избранный, от сосуда избранного богато святостью исполненный, венец дев, в первомученицах славная Фекло, моли о нас, грешных.
Светлое и великое украшение мучеников, непобедимый, пресветлый светильник, мужественно терпеливый Стефане, блаженный воине Христов, моли о нас, грешных.
Оставившего нечестивую веру и шествовавшего путями истины, многие скорби за Христа ни во что вменившего, пресветлого среди мучеников, светильника Грузии, великомученика Раждена, воспоим, верные, Божественными песнями, да его молитвами избавимся от искушений.
Добродетелью, как лучами солнца, просветила ты неверных мудрецов и, как пресветлая луна, отогнала тьму неверия от ходящих во тьме, и царицу привела к вере, и купно обличила мучителя, Богозванная невесто, блаженная Екатерино; и с радостью вошла ты в небесный чертог к прекрасному Жениху твоему Христу и от Него венцом царским увенчана; и, предстоя с Ангелами, моли Его о всех нас, совершающих всечестную память твою.
Мужественно просветил ты сводчатую вселенную, подвиги восприяв, великий начальниче мучеников, доблестный Георгие; посему молим тебя: избавь нас от скорбей и буди нам ходатай пред Богом.
Страстотерпче святый и целебниче Пантелеимоне, моли милостиваго Бога, да прегрешений оставление подаст нам и душам нашим велию милость.
Треблаженне, венче мучеников, Димитрие богоносне, помяни пред Троицею хвалами величающих тебя и испроси нам у Христа велию милость.
Агница Твоя, Иисусе, Ирина зовет велиим гласом: Тебе желаю, Женише мой, и, Тебе ищущи, проливаю кровь мою, и сраспинаюся, и спогребаюся крещению Твоему, и стражду Тебе ради, да царствую с Тобою, и умираю за имя Твое, да и прославлюся с Тобою; но, яко жертву непорочную, приими мя, с любовию притекающую к Тебе. Тоя молитвами, Христе Боже, спаси души наша.
Светло украсила ты светильник твой елеем крови с мудрыми девами, ожидающими Жениха, в девах славная, мученице Марино: моли о нас.
Веселится Тирон и радуется о множестве подвигов твоих, доблестный Феодоре, достойне; истекают исцеления чудес твоих; и нам, воспевающим тебя, испроси у Христа велию милость.
Мученики Твои, Господи, Давид и Константин во страдании своем венцы прияша нетленныя от Тебе, Бога нашего: имуще бо крепость Твою, мучителя низложиша, сокрушиша и идолов немощную силу. Тех молитвами, Христе Боже, спаси души наша.
Славу мира сего возненавидела ты, Царице небесной и земной приобщилась, царице Кетевано, плоть твою предала на сожжение ради Жениха твоего Христа: моли Его о нас, рабах твоих, грузинах.
Девством украшенная и мученичеством просиявшая, чудотворице, недугов и язв целительнице, великомученице Варваро, моли о нас, грешных.
Делами уподобился ты апостолам и престолов их удостоился, деяние обрел, блаженне, восход к видению; сего ради слово истины право исповедал и за веру подвизался даже до пролития крови, святителю Киприане: моли Христа Бога помиловать души наша.
Светом блистающим украшенный, доблестный воине Христов, мучеников начальниче Евстафие, с сынами и супругою твоею моли Бога о чтущих тебя.
Венцом мученичества украсилась ты от супруга твоего, царице святая Шушанико, и вместо преходящего царствования стяжала непреходящее Царство и ныне с дерзновением предстоишь Жениху твоему, бессмертному Христу: моли о восхваляющих тебя, блаженная.
Святии безсребреницы и чудотворцы, Космо и Дамиане, посетите и исцелите немощи душ и телес наших: туне приясте, туне дадите нам.
Страстотерпцы Господни, блаженна земля, упитавшаяся вашими кровьми, и святы гробы, приявшие телеса ваша: на ристалище бо врага победисте и Христа со дерзновением проповедасте. Того, яко Блага, молите помиловать души наша.
Мир града сияние, Ликии украшение, нищих богатство, невинных от смерти избавитель, великий святителю Николае, моли о нас.
Во исцеление всех недугов и во избавление согрешивших душ явился ты, всеблаженне Василие, сокровище Божественного священства: моли Христа Бога помиловать души наша.
Веселятся народы, и ликует Церковь, и радуется собор святых мудрецов: Григорие, сокровище Слова Божия, моли о чтущих тебя.
Сладкогласный органе, златая свирель, река Божественных учений, испроси нам, молящимся тебе, прощение грехов, Иоанне Златоусте, буди нам ходатай пред Троицею.
Столп был еси Православия, Божественными догматы утверждая Церковь, святителю Афанасие: Отцу бо Сына единосущна проповедав, посрамил еси Ария. Отче преподобне, моли Христа Бога помиловать души наша.
Чудо, которое Ты сотворил, Господи, во святом Твоем благоверном царе Давиде, превосходит ум хотящих о нем поведать, ибо Ты прославил его имени Твоего ради до изгнания сарацин светлыми и всечудными победами, а по изгнании сарацин прославил его дивными знамениями: его молитвами даруй душам нашим велию милость.
Всеславные победы оружием животворящего Креста совершил ты, земное царство мудро управлял и Церковь Картлийскую подвигами твоими украсил, и ныне радуешься пред бессмертным Царем, святый великий благоверный царю Вахтанге: моли о нас, грешных.
Боже отец наших, творяй присно с нами по Твоей благости, не отстави милость Твою от нас, но молитвами его в мире управи живот наш.
В тебе, мати, известно спасеся еже по образу: приимши бо крест, последовала еси Христу, и деющи учила еси презирати убо плоть, преходит бо, прилежати же о души, вещи безсмертней; темже и со ангелы срадуется, блаженная Марие, дух твой.
Звездо пресветлая, покровителю славящих тебя и прибежище уповающих и воспевающих тебя, блаженне Саво, покрой нас от искушений.
Пищею бессловесных питался ты и премудростью и житием жил, как ангел, блаженне Давиде Гареджийский: низложи врагов наших, как тех змиев.
Радуется днесь в праздник твой народ грузинский и приносит поклонение Богу, даровавшему ему такого отца, попечителя и заступника, и лобызает раку твою, и через тебя обильно получает милость от Бога, преподобне Иосифе.
Пещеру ты соделал крылами, землю — рассекающею эфир, лествицею, прокопанною к сводам небесным; и тотчас вознесся ты превыше высот царствовать, отче Шио Сирийский; грузины желают тебя и прибегают к гробу твоему: моли о нас.
Дышит земля Картлийская благоуханием переводов твоих Писаний, и мы, народ грузинский, иссохший от засухи неведения, жаждущие ливней дождя учений твоих, к тебе прибегаем: испроси у Бога мир народу нашему и избавление его от ига врагов.
Апостоли и пророцы, святители, мученицы и блаженнии отцы, праотцы и девы и вси святии Божии, молите Бога о нас.
