Молитвенное прошение ко священномученику Киприану Карфагенскому, против колдовства

О святый угодниче Божий, священномучениче Киприане, скорый помощниче и молитвенниче за всех, к тебе прибегающих! Прими от нас, недостойных, хвалу сию и умоли Господа Бога нашего, да дарует нам в немощах укрепление, в скорбях утешение и да подаст нам все полезное для жизни нашей; вознеси ко Господу многосильную молитву твою, да оградит нас от всех согрешений, да научит нас истинному покаянию, да избавит нас от пленения диавольского и козней лукавых духов и от всех обидящих нас. Буди нам непоколебимым хранителем от всех врагов видимых и невидимых, даруй нам в искушениях терпение, а в час смерти нашей пошли нам заступление от истязателей наших, встречающих нас на воздушных мытарствах, чтобы, тобою руководимые, достигли мы Горнего Иерусалима и сподобились в Небесном Царствии со всеми святыми славить Пресвятую Троицу, Отца и Сына и Святого Духа, ныне и присно и во веки веков. Аминь.