Канон на исход души, читаемый мирянином
Если к умирающему не удается привести священнослужителя, мирянин (как мужчина, так и женщина) может прочитать над ним эту молитву:
Во имя Отца и Сына и Святаго Духа. Аминь.
Господи Иисусе Христе, Сыне Божий, молитв ради Пречистыя Твоея Матере и всех святых, помилуй нас. Аминь.
Слава Тебе, Боже наш, слава Тебе.
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды, с тремя малыми поклонами)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, очисти грехи наша; Владыко, прости беззакония наша; Святый, посети и исцели немощи наша, имене Твоего ради.
Господи, помилуй. (Трижды)
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.
Господи, помилуй. (12 раз)
Слава Отцу и Сыну и Святому Духу, и ныне и присно и во веки веков. Аминь.
Приидите, поклонимся Цареви нашему Богу (Поклон). Приидите, поклонимся и припадем Христу, Цареви нашему Богу (Поклон). Приидите, поклонимся и припадем Самому Христу, Цареви и Богу нашему (Поклон).
Поспеши, Боже, избавить меня, поспеши, Господи, на помощь мне. Да постыдятся и посрамятся ищущие души моей! Да будут обращены назад и преданы посмеянию желающие мне зла! Да будут обращены назад за поношение меня говорящие [мне]: «хорошо! хорошо!» Да возрадуются и возвеселятся о Тебе все, ищущие Тебя, и любящие спасение Твое да говорят непрестанно: «велик Бог!» Я же беден и нищ; Боже, поспеши ко мне! Ты помощь моя и Избавитель мой; Господи! не замедли.
Господи! услышь молитву мою, внемли молению моему по истине Твоей; услышь меня по правде Твоей и не входи в суд с рабом Твоим, потому что не оправдается пред Тобой ни один из живущих. Враг преследует душу мою, втоптал в землю жизнь мою, принудил меня жить во тьме, как давно умерших, – и уныл во мне дух мой, онемело во мне сердце мое. Вспоминаю дни древние, размышляю о всех делах Твоих, рассуждаю о делах рук Твоих. Простираю к Тебе руки мои; душа моя – к Тебе, как жаждущая земля. Скоро услышь меня, Господи: дух мой изнемогает; не скрывай лица Твоего от меня, чтобы я не уподобился нисходящим в могилу. Даруй мне рано услышать милость Твою, ибо я на Тебя уповаю. Укажи мне, [Господи,] путь, по которому мне идти, ибо к Тебе возношу я душу мою. Избавь меня, Господи, от врагов моих; к Тебе прибегаю. Научи меня исполнять волю Твою, потому что Ты Бог мой; Дух Твой благий да ведет меня в землю правды. Ради имени Твоего, Господи, оживи меня; ради правды Твоей выведи из напасти душу мою. И по милости Твоей истреби врагов моих и погуби всех, угнетающих душу мою, ибо я Твой раб.
Помилуй меня, Боже, по великой милости Твоей, и по множеству щедрот Твоих изгладь беззакония мои. Многократно омой меня от беззакония моего, и от греха моего очисти меня, ибо беззакония мои я сознаю, и грех мой всегда предо мною. Тебе, Тебе единому согрешил я и лукавое пред очами Твоими сделал, так что Ты праведен в приговоре Твоем и чист в суде Твоем. Вот, я в беззаконии зачат, и во грехе родила меня мать моя. Вот, Ты возлюбил истину в сердце и внутрь меня явил мне мудрость [Твою]. Окропи меня иссопом, и буду чист; омой меня, и буду белее снега. Дай мне услышать радость и веселие, и возрадуются кости, Тобою сокрушенные. Отврати лице Твое от грехов моих и изгладь все беззакония мои. Сердце чистое сотвори во мне, Боже, и дух правый обнови внутри меня. Не отвергни меня от лица Твоего и Духа Твоего Святаго не отними от меня. Возврати мне радость спасения Твоего и Духом владычественным утверди меня. Научу беззаконных путям Твоим, и нечестивые к Тебе обратятся. Избавь меня от кровей, Боже, Боже спасения моего, и язык мой восхвалит правду Твою. Господи! отверзи уста мои, и уста мои возвестят хвалу Твою: ибо жертвы Ты не желаешь, – я дал бы ее; к всесожжению не благоволишь. Жертва Богу – дух сокрушенный; сердца сокрушенного и смиренного Ты не презришь, Боже. Облагодетельствуй, [Господи,] по благоволению Твоему Сион; воздвигни стены Иерусалима: тогда благоугодны будут Тебе жертвы правды, возношение и всесожжение; тогда возложат на алтарь Твой тельцов.
Ирмос: Невредимо море прошед Израиль, яко землю пространную, и гонителя фараона виде потопляема безднами, и победную песнь Тебе, Боже, пояше.
Приидите и соберитеся ныне вси, живущии в мире, и восплачите о души моей, от Бога отчуждившейся, ибо усердно послужих скверным бесом.
Жития моего ныне часы исчезоша, яко дым, и преидоша, и Ангели Божии ищут души моея, немилостиво изводяще.
Слава Отцу и Сыну и Святому Духу.
Се, приидоша лукавых бесов множества, и держат рукописания грехов моих, и вопиют зело, и ищут безстудно нищую душу мою.
И ныне и присно и во веки веков. Аминь.
К кому возопию, окаянный, или кто услышит с плачем воздыхание мое, разве ты, Святая Дево, надеждо христиан и всех, якоже аз, окаянных?
Ирмос: Несть свят, якоже Ты, Господи Боже наш, вознесый днесь рог христиан; утверди нас единомыслием на камени веры.
О друзи мои возлюбленнии, почто не плачете ныне о мне и что не рыдаете? Се, отчуждаюся от Бога и от жития с вами.
Возлюбленнии братия моя, видите дела моя, яже весом взвешивают беси, и молите Бога, да избавит мя и милостив ми будет.
Слава Отцу и Сыну и Святому Духу.
Помяните любовь мою, о возлюбленнии братия, и молите Христа, да помилует мя, отходящаго окаянно от мира сего на мучение.
И ныне и присно и во веки веков. Аминь.
Приклони ко мне ухо твое, о Мати Божия, и услыши воздыхание наше в час сей скорби; простри мне руку твою и избави мя, горько устрашеннаго.
Ирмос: Христос мой Бог, Господь — сила моя, — гласом высоким глаголет Церковь и по воле Божией радуется верою божественною радостию.
Увы мне грешному, увы окаянному и жалкому, ибо руце простираю и со слезами призываю други моя на помощь, и ничтоже могут.
Ужасохся зело в час смертный, вижу Ангелы света, с молением вопию: мало время в мире пожити, — и не слушают мене.
Слава Отцу и Сыну и Святому Духу.
Восплачите ныне о мне и возрыдайте, множество Ангелов и человек и вси боголюбивии людие, ибо немилостиво душа от тела разлучается.
И ныне и присно и во веки веков. Аминь.
Ныне помози ми, Пресвятая Богородице, души отчаявшейся и на твою токмо милость взирающей, да не вскоре лукавии беси похитят мя.
Ирмос: Светом Твоим божественным, Преславне, души утреннюющих Тебе с радостию просвети, да познают Тя, Бога, Единаго Избавителя от грехов их.
Свет пролий на мя, да хотя мало время узрю светлость, — но сего уже не услышат, ибо множество бесов наложи руце, и тьма злых дел моих покры мя.
Спасайтеся и в мире будите, возлюбленнии друзи; почто немилостиви явистеся ко мне? Аще бо бысте единодушно молили о мне Бога, избавлен был бых от тьмы оныя.
Слава Отцу и Сыну и Святому Духу.
Прославлен буди, Архистратиже Ангелов Михаиле, ибо ктому не призову имене твоего в помощь мне: умолкоша бо устне мои, и очи мои свет свой погубиша.
И ныне и присно и во веки веков. Аминь.
И ты, нетленная Царице, Мати Христа Бога нашего, прославляйся неизреченно; аз же ктому не могу видети образа твоего, ибо покры мя тьма, и угасе свет мой.
Ирмос: Житейское море, воздвизаемое волнами греховными, страшно потопляет мя; и притекох к Тебе, пристанищу, и тако вопию Тебе: от потопления избави мя, Многомилостиве.
Приклоните ныне уши ваша ко мне, братия моя, и усердно услышите жалостный глас словес моих, и молите Бога о мне, окаянном друге вашем.
Се, ныне с болезнию разлучается живот мой и душа моя от тела моего. Не погребайте его в земли, ибо недостоин есмь, но извергните его вон, да изъядят его пси.
Слава Отцу и Сыну и Святому Духу.
Кая польза мне, аще душа моя во аде мучится, а тело честно вами благовонием помазуется? Оставьте его, да пси и птицы немилостиво растерзают. И ныне и присно и во веки веков. Аминь.
Вы, мимоходящии, увидевше плоть мою, псами изъядаему, умилитеся и возопийте: Владычице, буди Помощница душе тела сего пред Сыном твоим.
Ирмос: Отроки святыя в пещи ороси Ангел Спасов, халдеи же опали повеление Божие, мучителя же научи пети, и рекоша: благословен еси, Господи Боже отец наших.
Се, видимо отлучиша и изведоша душу мою от тела и ведут ко Судии страшному и трепетному: помяните любовь мою и восплачите о мне.
Помилуйте мя, Ангели святии Бога Вышняго, и избавите мя от немилостивых мытарей воздушных, не имуща добраго дела, еже бы положилося на едину страну весов дел моих.
Слава Отцу и Сыну и Святому Духу.
Егда предстанете пред престолом Христовым, Ангели, преклоните колена и испросите мне у Него прощение, да избавит мя от преисподних и да не забудет до конца создания рук Своих.
И ныне и присно и во веки веков. Аминь.
Припадите, святии Ангели, ко Матери Света и просите, да умиленно помолится о нас Сыну Своему, да умилосердится о мне отчаянном и да паки помилует мя сладчайший Господь.
Ирмос: Из пещи трием отроком росу источил еси и водою попалил еси Илиину жертву, ибо волю Твою, Христе, скоро исполнил еси; Тя благословим и превозносим во веки.
Восплачите о мне, концы земнии, и ныне жалостно слезите о мне, ибо прииде свыше лютый приговор, да свяжут мя по руками и ногам и извергнут во тьму.
Безпомощный от всех, вопию к тебе, во временной жизни хранителю мой Ангеле: виждь горькое и вечное осуждение мое и не престани ходатайствовати о мне пред Господом.
Слава Отцу и Сыну и Святому Духу.
Понеже предан бых в руце диаволу и в бездну адову ввержен буду, и вем, яко вси забудут мя до конца, — ты помяни мя, о Ангеле Христа Бога.
И ныне и присно и во веки веков. Аминь.
О Мати Божия, почто забываеши мя, почто не преклонила еси на милость Сына твоего, пролиявшаго за ны Кровь нетленную? Увы, яко грешный сей отпадох от Него.
Ирмос: Бога человеком невозможно видети, на Негоже не смеют чини ангельстии взирати; Тобою же, Дево, явися человеком Слово воплощенное, Егоже благословяще с безплотными, и Тя днесь песньми величаем.
Ктому не возопию к Богу с молением, ниже во аде помяну Бога, но, во тьме погребенный, ожидаю воскресения мертвых, да осужден буду и предан огню на мучение во веки веков.
Бог забудет мя до конца, и ктому не помянут мене — ни множество Ангелов, ни лик святых апостолов, мучеников и праведников, но аз един пожну правый плод дел моих.
Слава Отцу и Сыну и Святому Духу.
Восплачите о мне и возрыдайте, преисподняя, аде, бездно, черве и тартаре — лютости всех злых мук, ибо аз един есмь между христианы, предан лютым мукам немилостиво.
И ныне и присно и во веки веков. Аминь.
Мати Божия, призри на бездну мрака и виждь души, в ней мучимыя, и умиленно моли Сына твоего умилосердитися о них, за нихже пролия Кровь Свою святую, да избавит их от врага.
Достойно есть яко воистину блажити Тя, Богородицу, Присноблаженную и Пренепорочную и Матерь Бога нашего. Честнейшую Херувим и славнейшую без сравнения Серафим, без истления Бога Слова рождшую, сущую Богородицу Тя величаем.
Слава Отцу и Сыну и Святому Духу, и ныне и присно и во веки веков. Аминь.
Господи, помилуй. (Трижды)
Господи Иисусе Христе, Сыне Божий, молитв ради Пречистыя Твоея Матере, преподобных и богоносных отец наших и всех святых, помилуй нас. Аминь.
