Порядок чтения Псалтири
Молящийся перед началом чтения прежде прочитывает начальные молитвы:
Молитвами святых отец наших, Господи Иисусе Христе, Боже наш, помилуй нас.
Слава Тебе, Боже наш, слава Тебе!
Царю Небесный, Утешителю, Душе истины, Иже везде сый и вся исполняяй благодатию Твоею, Сокровище благих и жизни Подателю, прииди и вселися в ны, и очисти ны от всякия скверны, и спаси, Блаже, души наша.
Святый Боже, Святый Крепкий, Святый Безсмертный, помилуй нас. (Трижды)
Слава Отцу и Сыну и Святому Духу, и ныне и присно и во веки веков. Аминь.
Пресвятая Троице, помилуй нас; Господи, избави и освободи нас от грехов наших; Владыко, прости беззакония наша; Святый, посети и исцели немощи наша, имене Твоего ради.
Господи, помилуй (трижды),
Слава Отцу и Сыну и Святому Духу, и ныне и присно и во веки веков. Аминь.
Отче наш, Иже еси на небесех! Да святится имя Твое, да приидет Царствие Твое, да будет воля Твоя, яко на небеси и на земли. Хлеб наш насущный даждь нам днесь; и остави нам долги наша, якоже и мы оставляем должником нашим; и не введи нас во искушение, но избави нас от лукаваго. Аминь.
Богородице Дево, радуйся, Благодатная Марие, Господь с Тобою; благословенна Ты в женах и благословен плод чрева Твоего, яко Спаса родила еси душ наших.
Слова Божия служителем сподвижнице и Андреевой проповеди продолжение, грузин просветительнице и Духа Святаго гусле, мати Нино, моли Христа Бога помиловати души наша.
Пленных свободителю и нищих заступниче, немощствующих врачу, царей непобедимый поборниче, победоносче великомучениче Георгие, моли Христа Бога помиловати души наша.
Правило веры и образ кротости, воздержания учителя яви тя Христос стаду твоему воистину; сего ради стяжал еси смирением высокая, нищетою богатая, святителю Николае, моли Христа Бога помиловати души наша.
Затем переходит прямо к кафизме. Некоторые псалмы заканчиваются «Славой»; здесь молящийся говорит:
Слава Отцу и Сыну и Святому Духу, и ныне и присно и во веки веков. Аминь.
Аллилуиа, аллилуиа, аллилуиа, слава Тебе, Боже (трижды).
Господи, помилуй. (Трижды)
Слава Отцу и Сыну и Святому Духу.
Господи Вседержителю, Царю сил, помяни во Царствии Твоем, спаси, благослови и в Православной Церкви объедини богохранимый народ наш и всю Грузию; духом Твоим возвыси, укрепи, утверди, умножи, исполни его всякаго блага, огради пределы их, покори под нози их вся враги и супостаты их, да тихое житие поживем, в правой вере и благочестии живуще (поклон).
Спаси, Господи, и помилуй великаго господина нашего, Святейшаго и Блаженнейшаго Католикоса-Патриарха всея Грузии, архиепископа Мцхетско-Тбилисскаго и митрополита Бичвинтскаго и Цхум-Абхазскаго, отца нашего Илию, святейших Вселенских православных патриархов, преосвященных митрополитов, архиепископов и епископов, честных пресвитеров, во Христе диаконов и весь монашеский чин, членов Церкви, ихже поставил еси пасти словесное стадо Твое, и молитвами их и мене грешнаго помилуй и спаси (поклон).
Спаси, Господи, и помилуй рабов и рабынь Твоих: (имена).
Упокой, Христе Боже, души усопших рабов и рабынь Твоих: (имена). Упокой их, идеже присещает свет лица Твоего, идеже несть болезнь, печаль, ни воздыхание, но радость и жизнь безконечная, и прости им вся согрешения их, и сотвори им вечную память (поклон).
И ныне и присно и во веки веков. Аминь.
